|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«КВАРЦ» АКЦИЯДОРЛИК ЖАМИЯТИДА АВТОМОБИЛЬ ОЙНАЛАРИ ТАЙЁРЛАШ УЧУН МЕЪМОРЧИЛИК-ҚУРИЛИШ ОЙНАСИ ИШЛАБ ЧИҚАРИШ ЛИНИЯСИНИ МОДЕРНИЗАЦИЯ ҚИЛИШ ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Кварц» акциядорлик жамиятида ишлаб чиқарилаётган ясси ойна сифатини автомобиль ойнаси тайёрлаш учун зарур бўлган даражага етказиш мақсадида Вазирлар Маҳкамаси қарор қилади:
1. «Ўзқурилишматериаллари» акциядорлик компаниясининг «Кварц» акциядорлик жамиятидаги қуввати йилига икки миллиметрга ҳисобланган 10 млн кв. метр автомобиль ойнаси тайёрлаш учун яроқли ясси ойна ишлаб чиқаришини, 2000 йилнинг иккинчи чорагида фойдаланишга топширган ҳолда, модернизация қилиш тўғрисидаги таклифига розилик берилсин.
2. «Кварц» акциядорлик жамияти билан Италиянинг «Текинт» компанияси ўртасида шиша қайнатиш печини, эритиш ваннасини, пишириш печини, қирқиш ва жойлаштириш узелларини модернизация қилишни, маҳсулот сифатини лазер орқали назорат қилиш қурилмасини ўрнатишни назарда тутувчи қиймати 32,4 млн Германия маркасидан иборат завод учун машина ва асбоб-ускуналар етказиб бериш юзасидан контракт имзоланганлиги маълумот учун қабул қилинсин.
3. Белгилансинки, контрактни маблағ билан таъминлаш:
контракт қийматининг 27,5 млн Германия маркаси миқдоридаги 85 фоизи Италиянинг «САЧЕ» компанияси суғурта қопламаси остида Италиянинг «Националь дел Лаворо» банки кредити ҳисобига қайта молияланадиган Ўзбекистон Республикаси Ташқи иқтисодий фаолият миллий банкининг кредити ҳисобига;
контракт қийматининг 4,9 млн Германия маркаси миқдоридаги 15 фоизи, шунингдек инвестиция даврида хорижий кредитни жалб қилиш ва унга хизмат кўрсатиш бўйича молиявий харажатлар хорижий банкнинг бир йил муддатга тижорат кредити ҳисобига қайта молияланадиган Ўзбекистон Республикаси Ташқи иқтисодий фаолият миллий банкининг кредити ҳисобига амалга оширилади.
4. Мазкур лойиҳани амалга ошириш учун жалб қилинаётган кредитлар 1, 2-иловаларга* мувофиқ «Кварц» акциядорлик жамиятининг ўз маблағлари ҳисобига қайтарилсин.
* 1 ва 2-иловалар берилмайди.
7. Ўзбекистон Республикаси Ташқи иқтисодий алоқалар вазирлиги технологик асбоб-ускуналар етказиб бериш юзасидан контрактни белгиланган тартибда рўйхатдан ўтказсин.
8. Ўзбекистон Республикаси Ташқи иқтисодий фаолият банки Италиянинг «САЧЕ» компанияси суғурта қопламаси остида Италиянинг «Националь дел Лаворо» банки ва хорижий банк билан тижорат кредитига кредит битимлари тузсин ҳамда олинган кредитларни белгиланган тартибда «Кварц» акциядорлик жамиятига қайта молияласин.
9. Ўзбекистон Республикаси Молия вазирига Ўзбекистон Республикаси Ташқи иқтисодий фаолият миллий банкининг хорижий банклар олдидаги тўлов мажбуриятлари бўйича ҳамда Ташқи иқтисодий фаолият миллий банкига «Кварц» акциядорлик жамияти мажбуриятлари бўйича Ўзбекистон Республикаси Ҳукумати номидан белгиланган тартибда кафолатлар бериш ваколати берилсин.
10. Ўзбекистон Республикаси Адлия вазирлиги Ўзбекистон Республикаси Ҳукуматининг берилган кафолатлари бўйича белгиланган тартибда юридик хулоса берсин.
11. Ўзбекистон Республикаси Макроиқтисодиёт ва статистика вазирлиги ясси ойна линиясини модернизация қилиш лойиҳасини белгиланган тартибда Ўзбекистон Республикасининг Инвестиция дастурига киритсин, харажатларни «Кварц» акциядорлик жамиятининг ўз маблағлари ва банкларнинг кредитлари ҳисобига миллий валютада маблағ билан таъминлашни назарда тутсин.
12. Ўзбекистон Республикаси Ташқи ишлар вазирлиги «Кварц» акциядорлик жамиятининг буюртманомалари бўйича мазкур лойиҳа доирасида жалб қилинаётган хорижий мутахассисларга кириш визалари, улар консуллик йиғимлари тўлашдан озод қилинган ҳолда, белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги «Кварц» акциядорлик жамиятининг буюртманомалари бўйича хорижий мутахассисларга визалар берилиши ва узайтирилишини, яшаш жойи бўйича миллий паспортлар рўйхатдан ўтказилиши ва рўйхатдан ўтказиш узайтирилишини, уларни давлат божи тўлашдан озод қилган ҳолда, белгиланган тартибда таъминласин.
14. Мазкур лойиҳа доирасида жалб қилинаётган хорижий мутахассисларга республика ҳудудида яшаганлик ва транспортнинг барча турларида юрганлик учун Ўзбекистон Республикаси фуқаролари учун назарда тутилган тарифлар бўйича ҳақ тўлаш ҳуқуқи берилсин.
15. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 8 октябрь,
431-сон
