|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИНИНГ АСПИРАНТУРА ВА ЎҚУВ
ЮРТЛАРИДА ТАЪЛИМ ОЛИШАЁТГАН АФҒОНИСТОН ИСЛОМ
ДАВЛАТИ ФУҚАРОЛАРИНИ ДАВЛАТ ТОМОНИДАН
ҚўЛЛАБ-ҚУВВАТЛАШ ТЎҒРИСИДА
ЮРТЛАРИДА ТАЪЛИМ ОЛИШАЁТГАН АФҒОНИСТОН ИСЛОМ
ДАВЛАТИ ФУҚАРОЛАРИНИ ДАВЛАТ ТОМОНИДАН
ҚўЛЛАБ-ҚУВВАТЛАШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон билан Афғонистон халқлари ўртасидаги дўстлик ҳамда яхши қўшничилик алоқаларини мустаҳкамлаш мақсадида, Афғонистон Ислом Давлати Президентининг мурожаатини, шунингдек, Ўзбекистон Республикасида таълим олишаётган афғон фуқароларининг кўпдан-кўп илтимосларини қўллаб-қувватлаган ҳолда Вазирлар Маҳкамаси қарор қилади:
1. Ўзбекистон Республикаси олий ўқув юртларида Ўзбекистон Республикаси бюджети ҳисобидан бепул таълим олган ҳамда 1992/93 ўқув йилида 4—6 курсларни муваффақиятли битирган Афғонистон Ислом Давлатининг фуқароларига тегишли равишда бакалаврлик ва магистрлик дипломлари топширилсин.
Олий ўқув юртларида афғонистонлик талабаларнинг кўрсатиб ўтилган тоифалари таълим олишган вазирликлар ва идоралар шу йилнинг 5 августигача уларни ватанига жўнатишни таъминласинлар.
2. Aфғoниcтoнлик фуқароларнинг жадал ўқитиш, уларни иложи борича қисқа муддатларда ўз ватанига жўнатиш тўғрисидаги мурожаатини ҳисобга олган ҳолда Ўзбекистон Республикаси бюджети ҳисобидан ўқишни 1992/93 ўқув йилида тугатаётганларга маълумоти ҳақида тегишли шаҳодатномалар берилсин:
учинчи курсни тугатаётганларга (тиббиёт олий ўқув юртларида — тўртинчи курс) — 1993/94 ўқув йилининг биринчи ярми тугаганидан кейин;
иккинчи курсни тугатаётганларга (тиббиёт олий ўқув юртларида— учинчи курс) — 1993/94 ўқув йили тугагандан кейин.
3. Афғонистон Ислом Давлати фуқаролари бўлган аспирантлар таълим олаётган олий ўқув юртлари ва илмий-тадқиқот институтларига эга бўлган вазирликлар ва идоралар:
учинчи йил таълим олаётган аспирантларга жорий йилнинг охиригача диссертация ишларини ниҳоясига етказиш ва ҳимоя қилиш учун имконият яратсинлар ҳамда уларнинг ўз ватанига жўнаб кетишларига кўмаклашсинлар;
биринчи ва иккинчи йил таълим олишаётган аспирантлар билан ўқишни давом эттириш учун шу йилнинг 1 сентябрига қадар албатта контракт тузилишни таъминласинлар.
4. Ўзбекистон Республикаси Молия вазирлиги афғон ўқувчилари ва аспирантлари таълим олаётган ўқув юртлари бўлган вазирликлар ва идораларининг ҳисоб-китобларига мувофиқ уларга афғoниcтoнлик фуқароларни ўқитиш ва ватанига жўнатиш учун зарур маблағлар ажратишни назарда тутсин.
5. Олий ўқув юртлари ва илмий муассасаларида aфғoниcтoнлик ўқувчилар ва аспирантлар таълим олаётган вазирликлар ва идоралар, Термиз шаҳар ҳокимлиги ушбу қарорнинг 1—3-бандларида белгиланган муддатларда уларни Тошкент—Термиз маршрути бўйича темир йўл транспортида ватанига уюшган ҳолда жўнатишга доир чора-тадбирларни ишлаб чиқсинлар.
6. Ўрта Осиё темир йўл бошқармаси тегишли вазирликлар ва идоралар томонидан тақдим этилган жадвалга мувофиқ Ватанига жўнаб кетаётган Афғонистон Ислом Давлати фуқароларини маҳаллий тарифлар бўйича сўмларда тўланадиган темир йўл чипталари билан таъминласин.
7. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Ижтимоий масалалар, фан ва маданият мажмуига юклатилсин.
Вазирлар Маҳкамасининг Раиси И. КАРИМОВ
Тошкент ш.,
1993 йил 30 июль,
381-сон
