Ўзбекистон Республикаси Президентининг
қарори
Иқтидорли ёшлар билан ишлаш тизимини янада такомиллаштириш чора-тадбирлари тўғрисида
Мамлакатимизда иқтидорли ёшларни қўллаб-қувватлаш, уларнинг салоҳиятини рўёбга чиқариш, илмий-тадқиқот ва инновацион фаолиятини самарали йўлга қўйиш учун қўшимча шарт-шароитлар яратиш борасида изчил чора-тадбирлар амалга ошириб келинмоқда.
Шу билан бирга, улғайиб келаётган ёш авлоднинг илм эгаллашга бўлган иштиёқини ошириш, мамлакатимизнинг халқаро майдондаги нуфузини янада юксалтириш учун иқтидорли ёшлар билан ишлаш тизимини такомиллаштириш зарурати мавжуд.
Ёшларни амалга оширилаётган ислоҳотларнинг фаол иштирокчисига айлантириш, изланувчанлик ва яратувчанлик фаолиятига кенг жалб қилиш, уларнинг илм-фанни ўзлаштиришга бўлган қизиқишини қўллаб-қувватлаш ҳамда жаҳон миқёсида Ватанимиз довруғини кенг таратган буюк аждодларга муносиб авлодни тарбиялаш мақсадида:
1. Мактабгача ва мактаб таълими вазирлигининг Ихтисослаштирилган таълим муассасалари агентлиги ҳузурида давлат муассасаси шаклида Фан олимпиадалари марказини (кейинги ўринларда — Марказ) ташкил этиш тўғрисидаги таклифи маъқуллансин.
Марказнинг асосий фаолият йўналишлари этиб қуйидагилар белгилансин:
қобилиятли ҳамда фанларни чуқур ўрганишга қизиқадиган ёшларни аниқлаш ва селекция қилиш, улардаги иқтидорни янада ривожлантириш учун зарур шарт-шароитлар яратиш;
ўқувчиларни фан олимпиадаларига мақсадли тайёрлашга оид ўқув дастурлари, адабиётлар, методик тавсиялар ва қўлланмалар ишлаб чиқиш;
фан олимпиадаларига тайёрлаш бўйича тренерлар жамоасини, шу жумладан хорижий мутахассислар, олимлар ва профессор-ўқитувчиларни жалб қилган ҳолда шакллантириш, уларнинг самарали фаолиятини йўлга қўйиш ва рағбатлантириш;
халқаро ва республика миқёсида мактаб фанлари бўйича ўтказиладиган олимпиада, мусобақа ва танловларни ташкил қилиш ва мувофиқлаштириш;
фан олимпиадаларида юқори натижаларга эришган ўқувчиларни қўллаб-қувватлаш, уларнинг иқтисодиёт ва илм-фаннинг устувор йўналишларида, шу жумладан мактаб таълими тизимида фаолият олиб боришига кўмаклашиш;
олимпиадалар ўтказиш бўйича халқаро ҳамкорлик алоқаларини кенгайтириш, ушбу соҳадаги илғор хорижий тажрибаларни оммалаштириш;
фан олимпиадаларини тарғиб қилиш, ўзбекистонлик ўқувчиларнинг халқаро фан олимпиадаларидаги иштироки ва натижалари ҳақидаги маълумотларни кенг жамоатчиликка етказиб бориш.
2. Белгилаб қўйилсинки:
Олдинги таҳрирга қаранг.
а) Марказнинг чекланган бошқарув штат бирликлари сони 41 тани ташкил қилади ҳамда Мактабгача ва мактаб таълими вазирлиги тизимининг умумий штат бирликлари доирасида шакллантирилади;
(2-банднинг «а» кичик банди Ўзбекистон Республикаси Президентининг 2026 йил 10 апрелдаги ПФ-58-сонли Фармони таҳририда — Қонунчилик маълумотлари миллий базаси, 13.04.2026 й., 06/26/58/0342-сон)
б) Марказ ходимларига Мактабгача ва мактаб таълими вазирлиги ходимлари учун белгиланган меҳнатга ҳақ тўлаш шартлари татбиқ этилади. Бунда:
Марказ директорининг лавозим маоши Мактабгача ва мактаб таълими вазирлиги департаменти директори лавозим маошига, директор ўринбосарининг лавозим маоши вазирлик бошқарма бошлиғи лавозим маошига, таркибий бўлинмалар бошлиқларининг лавозим маоши вазирлик бўлим бошлиғи лавозим маошига, бошқа мутахассис ходимларнинг лавозим маоши вазирликнинг тегишли даражадаги мутахассислари лавозим маошига тенглаштирилади;
Марказ ходимларига устамалар, мукофотлар ва бошқа рағбатлантирувчи тўловлар Таълим соҳасидаги ислоҳотларга кўмаклашиш жамғармаси маблағлари ҳисобидан тўланади;
в) Марказ фаолияти Давлат бюджети маблағлари, Таълим соҳасида ислоҳотларга кўмаклашиш жамғармаси, Иқтидорли ёшларни қўллаб-қувватлаш жамғармаси, жисмоний ва юридик шахсларнинг ҳомийлик хайриялари, пуллик хизмат кўрсатишдан тушган маблағлар ва қонунчилик ҳужжатларида тақиқланмаган бошқа манбалар ҳисобидан, 2027 йилдан бошлаб босқичма-босқич — хўжалик фаолиятини юритишдан тушган маблағлар ҳисобидан молиялаштирилади.
Мактабгача ва мактаб таълими вазирлиги 2025 йил 1 октябрга қадар Таълим соҳасида ислоҳотларга кўмаклашиш жамғармаси маблағлари ҳисобидан Марказда фанлар бўйича амалий топшириқларни бажариш учун замонавий асбоб-ускуналар ва хомашё материаллари билан тўлиқ жиҳозланган лаборатория ташкил қилсин.
3. Белгилансинки, ўқувчиларнинг халқаро олимпиадаларда муносиб иштирокини таъминлаш учун 2025 йилдан бошлаб Марказ томонидан:
5 — 8-синф ўқувчилари ўртасида ўтказиладиган олимпиадаларда муваффақиятли иштирок этиб, юқори натижаларни қайд этган иқтидорли ўқувчилар базаси шакллантирилади ва уларни халқаро олимпиадаларга мақсадли тайёрлаш йўлга қўйилади;
ҳар бир фан йўналиши бўйича ўқув дастурлари, адабиётлар, методик тавсиялар, қўлланмалар ва журналлар яратилиб, улар доимий равишда хорижий мамлакатлар тажрибаси ҳамда халқаро олимпиадалар методологияси асосида такомиллаштириб борилади;
ўқувчиларни фан олимпиадаларига тайёрловчи тренер-ўқитувчиларнинг узлуксиз касбий ривожланиши учун зарур шароитлар яратилади, уларга янги методикалар ўргатиб борилади;
фан олимпиадалари бўйича миллий терма жамоаларнинг хорижий давлатлар терма жамоалари билан қўшма йиғинлар ўтказиш амалиёти йўлга қўйилади;
ўқувчилар учун халқаро олимпиадаларда руҳий босимни енгиш бўйича семинарлар ҳамда мотивацион тренинглар ташкил қилинади;
асосий фан олимпиадаларининг ҳудудий босқичида муваффақиятли иштирок этган иқтидорли ёшлар учун «интеллектуал оромгоҳлар» ташкил этилади.
4. Шундай тартиб ўрнатилсинки, унга мувофиқ:
а) халқаро фан олимпиадалари нуфузли халқаро олимпиадалар, халқаро олимпиадалар ва минтақавий халқаро олимпиадаларга бўлинади ва ушбу олимпиадалар ғолиблари, уларнинг ўқитувчилари ва терма жамоалар раҳбарлари 1-иловага мувофиқ миқдорларда бир марталик пул мукофоти билан тақдирланади;
б) нуфузли халқаро олимпиадалар, халқаро олимпиадалар ва минтақавий халқаро олимпиадаларнинг рўйхати Вазирлар Маҳкамаси томонидан тасдиқланади;
в) 2025 йил 1 январдан бошлаб нуфузли халқаро олимпиадаларда иштирок этадиган терма жамоалар раҳбарларини жамоанинг натижасига қараб рағбатлантириш тартиби жорий этилади. Бунда:
терма жамоалар раҳбарлари нуфузли халқаро олимпиадаларда эришилган ҳар бир олтин, кумуш, бронза медаллари учун тегишлича базавий ҳисоблаш миқдорининг 35, 25, 15 баравари миқдорида бир марталик пул мукофоти билан тақдирланади;
терма жамоалар раҳбарларини пул мукофоти билан тақдирлаш 2027 йилга қадар — Давлат бюджетидан, 2027 йилдан бошлаб — Марказнинг бюджетдан ташқари маблағлари ҳисобидан амалга оширилади;
г) 2025 йил 1 январдан бошлаб:
асосий фан олимпиадаларининг ҳудудий ва республика босқичларида ҳамда халқаро олимпиадаларда ғолибликни қўлга киритган ўқувчилар, уларнинг ўқитувчилари ва терма жамоалар раҳбарларига тўланадиган пул мукофотлари ва бериладиган совғалар даромад солиғидан озод этилади;
терма жамоалар раҳбарлари, кузатувчилари ва ўқувчиларнинг халқаро олимпиадалардаги иштирокини таъминлаш билан боғлиқ, шу жумладан суткалик, яшаш, суғурта ва транспорт харажатлари Давлат бюджетидан Мактабгача ва мактаб таълими вазирлигига ажратилган маблағлар ҳисобидан қопланади;
халқаро олимпиадаларда қатнашиш учун жалб этиладиган ўқувчилар ўқув йиғинлари даврида Давлат бюджети маблағлари ҳисобидан бепул озиқ-овқат ва ётоқхона билан таъминланади.
5. Мактабгача ва мактаб таълими вазирлиги:
а) 2025 йил 1 декабрга қадар:
халқаро ва маҳаллий фан олимпиадалари натижаларининг доимий статистикасини юритиш, онлайн фан олимпиадаларини ташкил қилиш ва ўтказиш ҳамда олимпиадалар иштирокчиларининг маълумотлар базасини шакллантириш имконини берувчи электрон платформа яратсин;
Ўзбекистонда ўтказиладиган буюк алломалар номи билан аталадиган халқаро фан олимпиадалари тўғрисидаги маълумотлар жойлаштириладиган, маҳаллий ва хорижий ўқувчиларнинг ушбу олимпиадаларда иштирок этиш учун рўйхатдан ўтишларини таъминлайдиган махсус сайтни ишга туширсин;
б) 2025 йил 1 майга қадар фан олимпиадаларини ташкил этиш, ўтказиш ҳамда халқаро олимпиадалар иштирокчиларини саралаш ва ғолибларни рағбатлантириш тартибини такомиллаштирсин. Бунда:
асосий фан олимпиадаларининг республика босқичи ғолибларига медаль бериш тизимини жорий этишни;
табиий фанлар бўйича олимпиадаларнинг республика босқичида ўқувчилар томонидан амалий топшириқлар бажарилишини назарда тутсин.
6. Белгилансинки, юртимиз ва буюк аждодларимизнинг дунё илм-фан ривожига қўшган ҳиссасини тарғиб этиш мақсадида қуйидаги халқаро олимпиадалар ўтказиб борилади:
миллатлараро тотувлик ва бағрикенглик ҳиссини шакллантириш, маданий-маърифий алоқаларни мустаҳкамлашга йўналтирилган Буюк Шарқ Ренессанси халқаро олимпиадаси;
Ал-Хоразмий номидаги халқаро математика ва информатика олимпиадаси;
Абу Райҳон Беруний номидаги халқаро кимё олимпиадаси;
Аҳмад ал-Фарғоний номидаги халқаро физика олимпиадаси;
Абу Али Ибн Сино номидаги халқаро биология олимпиадаси.
Олдинги таҳрирга қаранг.
7. Тошкент шаҳри, Юнусобод тумани, «Отчопар-1» МФЙ, Дарвозакент кўчаси, 60-уй манзилидаги бино-иншоотлар Марказга оператив бошқарув ҳуқуқи асосида ўтказилсин.
(7-банднинг биринчи хатбошиси Ўзбекистон Республикаси Президентининг 2026 йил 5 февралдаги ПФ-19-сонли Фармони таҳририда — Қонунчилик маълумотлари миллий базаси, 07.02.2026 й., 06/26/19/0118-сон)
Мактабгача ва мактаб таълими вазирлиги Иқтисодиёт ва молия вазирлиги билан биргаликда Тошкент шаҳри, Юнусобод тумани, Отчопар кўчаси, 1-уйда жойлашган бино ва иншоотларни Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида реконструкция қилиш, мукаммал таъмирлаш ҳамда жиҳозлаш бўйича Вазирлар Маҳкамасига таклиф киритсин.
8. Марказга:
нодавлат фан олимпиадалари ва танловларни ташкил этиш ҳамда ўтказиш билан боғлиқ пуллик хизматларни кўрсатишга;
халқаро тижорий (пуллик) ва нотижорий фан олимпиадалари ва танловларни ўтказишга;
маҳаллий ва хорижий мутахассисларни тўғридан-тўғри фуқаролик-ҳуқуқий шартномалар асосида жалб этишга рухсат берилсин.
9. Иқтидорли ёшлар билан ишлаш тизимини янада такомиллаштириш бўйича «йўл харитаси» 2-иловага мувофиқ тасдиқлансин.
10. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 3-иловага мувофиқ ўзгартириш ва қўшимчалар киритилсин.
11. Ахборот ва оммавий коммуникациялар агентлиги Ўзбекистон Миллий ахборот агентлиги, Ўзбекистон Миллий телерадиокомпанияси ҳамда Мактабгача ва мактаб таълими вазирлиги билан биргаликда оммавий ахборот воситаларида мазкур қарорнинг мақсад ва вазифаларини кенг кўламда ёритсин.
12. Мактабгача ва мактаб таълими вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 30 сентябрь,
ПҚ-346-сон
Олдинги таҳрирга қаранг.
Ўзбекистон Республикаси Президентининг 2024 йил 30 сентябрдаги ПҚ-346-сон қарорига
1-ИЛОВА
Нуфузли халқаро олимпиадалар, халқаро олимпиадалар ва минтақавий халқаро олимпиадалар ғолиблари, уларнинг ўқитувчилари ва терма жамоалар раҳбарларига тўланадиган бир марталик пул мукофоти миқдори*

Т/р

Ўрин
(медаль)

Пул мукофотини олувчи

Бир марталик пул мукофоти миқдори
(базавий ҳисоблаш миқдорининг баравари)

нуфузли халқаро олимпиада учун

халқаро олимпиада учун

минтақавий халқаро олимпиада учун

1.

1-ўрин
(олтин медаль)

Ғолиб

2 500

150

12

2.

Ўқитувчи

450

50

50

3.

Терма жамоа
раҳбари

35

–

–

4.

2-ўрин
(кумуш медаль)

Ғолиб

1 500

100

8

5.

Ўқитувчи

250

35

35

6.

Терма жамоа раҳбари

25

–

–

7.

3-ўрин (бронза медали)

Ғолиб

1 000

50

6

8.

Ўқитувчи

150

30

30

9.

Терма жамоа раҳбари

15

–

–

*Нуфузли халқаро олимпиадалар, халқаро олимпиадалар ва минтақавий халқаро олимпиадаларнинг рўйхати Вазирлар Маҳкамаси томонидан тасдиқланади.
(1-илова Ўзбекистон Республикаси Президентининг 2025 йил 15 майдаги ПФ-86-сонли Фармони таҳририда — Қонунчилик маълумотлари миллий базаси, 20.05.2025 й., 06/25/86/0456-сон)
Ўзбекистон Республикаси Президентининг 2024 йил 30 сентябрдаги ПҚ-346-сон қарорига
2-ИЛОВА
Иқтидорли ёшлар билан ишлаш тизимини янада такомиллаштириш бўйича
«ЙЎЛ ХАРИТАСИ»

Т/р

Чора-тадбирлар

Ижро муддати

Молиялаштириш манбалари

Масъул ижрочилар

1.

Мактабгача ва мактаб таълими вазирлигининг Ихтисослаштирилган таълим муассасалари агентлиги ҳузурида давлат муассасаси шаклида Фан олимпиадалари маркази (кейинги ўринларда — Марказ)ни ташкил этиш.

2025 йил 1 январь

Ижрочилар маблағлари

Мактабгача ва мактаб таълими вазирлиги

(Х. Умарова)

2.

Марказда кимё, биология, физика фанлари бўйича амалий топшириқларни ўтказиш имкониятига эга ва замонавий асбоб-ускуналар ва хомашё материаллари билан тўлиқ жиҳозланган лаборатория ташкил қилиш.

2025 йил 1 октябрь

Таълим соҳасида ислоҳотларга кўмаклашиш жамғармаси маблағлари

Мактабгача ва мактаб таълими вазирлиги

(Х. Умарова)

3.

Ўқувчиларнинг фан олимпиадаларига тайёргарлик кўриши учун ҳар бир фан йўналишида дастур, қўлланма, ўқув адабиётлар ва журнал яратиш.

2024-2025 йиллар давомида

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

4.

Ўқувчиларни фан олимпиадаларига тайёрлаш салоҳиятига эга тренер-ўқитувчиларнинг доимий ривожланишини таъминлаш.

2025-2026 йиллар давомида

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

5.

Нуфузли халқаро олимпиадаларда иштирок этадиган терма жамоалар раҳбарларини рағбатлантириш.

Бунда терма жамоалар раҳбарлари нуфузли халқаро олимпиадаларда эришилган ҳар бир олтин, кумуш, бронза медаллари учун тегишинча базавий ҳисоблаш миқдорининг 35, 25, 15 баравари миқдорида Давлат бюджетидан, 2027 йилдан бошлаб босқичма-босқич Марказнинг бюджетдан ташқари маблағлари ҳисобидан бир марталик пул мукофотлари билан тақдирланади.

2025 йил 1 январдан бошлаб

Давлат бюджети маблағлари,

Марказнинг бюджетдан ташқари маблағлари

Мактабгача ва мактаб таълими вазирлиги

(Х. Умарова),

Иқтисодиёт ва молия вазирлиги

(И. Норқулов)

6.

Ҳудудларда таътил даврида фан олимпиадаларининг ҳудудий босқичида муваффақиятли иштирок этган иқтидорли ёшлар учун «интеллектуал оромгоҳлар» ташкил қилиш.

2025 йил 1 январдан бошлаб

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова),

Ўзбекистон касаба уюшмалари федерацияси

(Қ. Рафиков),

Ёшлар ишлари агентлиги

(А. Саъдуллаев)

7.

Фан олимпиадалари бўйича терма жамоанинг хорижий мамлакатлар терма жамоалари билан қўшма йиғинларда иштирок этишини таъминлаш ҳамда бундай йиғинларни Ўзбекистонда ташкил қилиш.

2025 йил 1 январдан бошлаб

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова),

Ташқи ишлар вазирлиги

(Б. Саидов)

8.

Фан олимпиадаларининг туман, вилоят ва республика босқичлари учун ишлаб чиқилган назорат материаллари ва топшириқларни чоп этиш.

2026 йил 1 сентябрь

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

9.

Халқаро ва маҳаллий фан олимпиадалари натижаларининг доимий статистикасини юритиш, онлайн фан олимпиадаларини ташкил қилиш ва ўтказиш ҳамда олимпиадалар иштирокчиларининг маълумотлар базасини шакллантириш имконини берувчи электрон платформа яратиш.

2025 йил 1 декабрь

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова),

Рақамли технологиялар вазирлиги

(Ш. Шерматов)

10.

Ўзбекистонда ўтказиладиган буюк алломалар номи билан аталадиган халқаро фан олимпиадалари тўғрисидаги маълумотлар жойлаштириладиган ҳамда маҳаллий ва хорижий ўқувчиларнинг рўйхатдан ўтишини таъминлайдиган махсус сайтни ишга тушириш.

2025 йил 1 декабрь

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

11.

Кўзи ожиз болалар учун ихтисослаштирилган мактаб-интернат ўқувчилари ўртасида ўтказиладиган фан олимпиадалари сонини ошириш, уларни моддий ва маънавий жиҳатдан қўллаб-қувватлаш мақсадида тарих ва рус тили фанларидан ҳам асосий фан олимпиадаларини ўтказишни йўлга қўйиш.

2024/2025 ўқув йилидан бошлаб

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

12.

Хорижий терма жамоалар томонидан мамлакатимизда ўтказиладиган халқаро олимпиадаларда иштирок этиш учун тўланадиган қўшимча бадал тўловларини Марказнинг махсус ҳисобрақамига ўтказиш.

2025 йил 1 январдан бошлаб

-

Мактабгача ва мактаб таълими вазирлиги

(Х. Умарова)

13.

Фан олимпиадалари топшириқлари ва назорат материалларини олимпиада ўтганидан сўнг электрон шаклда Марказнинг расмий веб-сайтига жойлаштириш ҳамда ушбу материалларни қўлланма шаклида очиқ савдога чиқариш.

2025 йил 1 январдан бошлаб

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова)

14.

Ўқувчиларнинг халқаро фан олимпиадаларига тайёргарлик жараёнлари, иштироки, уларнинг ютуқлари, шунингдек, илм соҳасидаги келгуси режалари, фан олимпиадалари ғолибларини кутиб олиш ва тақдирлаш жараёнларини ёритиш бўйича медиарежани тасдиқлаш ва амалга ошириш.

Медиарежада белгиланган муддатларда

Ижрочиларнинг ўз маблағлари

Мактабгача ва мактаб таълими вазирлиги

(Х. Умарова),

Ахборот ва оммавий коммуникациялар агентлиги

(А. Ходжаев),

Ўзбекистон Миллий ахборот агентлиги

(А. Кўчимов),

Ўзбекистон Миллий телерадиокомпанияси

(А. Джурабаев)

15.

Аждодларимизнинг дунё тамаддуни ривожига қўшган ҳиссаси, юртимизнинг маданияти, адабиёти ва тарихини ўрганишни рағбатлантириш мақсадида ўқувчилар ўртасида Буюк Шарқ Ренессанси халқаро олимпиадасини ўтказишни йўлга қўйиш.

2025/2026 ўқув йилидан бошлаб

Республика Маънавият ва маърифат маркази ҳузуридаги Маънавият ва ижодни қўллаб-қувватлаш мақсадли жамғармаси маблағлари

Республика Маънавият ва маърифат маркази

(О. Хасанов),

Мактабгача ва мактаб таълими вазирлиги

(Х. Умарова),

Олий таълим, фан ва инновациялар вазирлиги

(К. Шарипов)

16.

Марказга 1 та енгил автотранспорт воситаси ва 2 та автобус харид қилиш.

Марказ хизмат автотранспорт воситаларини сақлаш харажатларини Иқтидорли ёшларни қўллаб-қувватлаш жамғармаси маблағлари ҳисобидан қоплаш.

2025 йил сентябрь

Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси маблағлари

Мактабгача ва мактаб таълими вазирлиги

(Х. Умарова)

17.

Терма жамоалар раҳбарлари, кузатувчилари ва ўқувчиларнинг халқаро олимпиадалардаги иштирокини таъминлаш билан боғлиқ, шу жумладан суткалик, яшаш, суғурта ва транспорт харажатларини қоплаш.

Ёшлар ишлар агентлигига ушбу мақсадлар учун ҳар йилги Давлат бюджети параметрларида режалаштирилган маблағларни Мактабгача ва мактаб таълими вазирлигига ўтказиб бериш.

2025 йил 1 январдан бошлаб

Давлат бюджети маблағлари

Мактабгача ва мактаб таълими вазирлиги

(Х. Умарова),

Ёшлар ишлари агентлиги

(А. Саъдуллаев)
Ўзбекистон Республикаси Президентининг 2024 йил 30 сентябрдаги ПҚ-346-сон қарорига
3-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 3 майдаги «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги ПҚ-4306-сон қарорида:
а) 1 ва 2-бандлар ўз кучини йўқотган деб ҳисоблансин;
иккинчи хатбоши «тасдиқлансин» сўзи билан тўлдирилсин;
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
в) 4-банднинг учинчи хатбошисидаги «Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;
г) 6-банд қуйидаги таҳрирда баён этилсин:
«6. Мактабгача ва мактаб таълими вазирлиги Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги билан биргаликда умумий ўрта таълим мактабларининг 4 — 11 синф, академик лицей ва касб-ҳунар мактаблари ўқувчилари учун ҳар чоракда онлайн тарзда олимпиадалар ташкил қилиш орқали иқтидорли ўқувчилар захирасини шакллантирсин ҳамда захирага киритилган ёшларга етказиш мақсадида чуқурлаштирилган назорат материаллари, шу жумладан, тест, ёзма ишлар учун масалаларни ҳар ойда Мактабгача ва мактаб таълими вазирлиги веб-сайтига жойлаштириб борилишини таъминласин»;
д) 7-банднинг «б» кичик бандидаги «Ёшлар ишлари агентлигига» сўзлари «Мактабгача ва мактаб таълими вазирлигига» сўзлари билан алмаштирилсин;
е) 1-илованинг изоҳ қисми чиқариб ташлансин;
ж) 2-илова ўз кучини йўқотган деб ҳисоблансин.
2. Вазирлар Маҳкамасининг 2005 йил 21 декабрдаги «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги 275-сон қарорида:
а) 2-банд қуйидаги таҳрирда баён этилсин:
«2. Қуйидагилар:
Мактаб ва мактабдан ташқари таълим, маданият ва спорт муассасалари педагог ва бошқа ходимлари меҳнатига ҳақ тўлаш бўйича базавий тариф ставкалари миқдорлари 1-иловага мувофиқ;
Мактаб ва мактабдан ташқари таълим, маданият ва спорт муассасалари раҳбар ходимлари меҳнатига ҳақ тўлаш бўйича базавий тариф ставкалари миқдорлари 2-иловага мувофиқ;
Давлат мактабгача таълим тизими раҳбар, педагог ва бошқа ходимлари меҳнатига ҳақ тўлаш миқдорлари 2а-иловага мувофиқ;
Туман (шаҳар) мактабгача ва мактаб таълими бўлимлари ходимлари меҳнатига ҳақ тўлаш миқдорлари 2б-иловага мувофиқ;
Халқ таълими ходимлари меҳнатига ҳақ тўлаш тўғрисидаги низом 3-иловага мувофиқ»;
«б» кичик банд қуйидаги таҳрирда баён этилсин:
«б) дафтарларни ва ёзма ишларни текширганлик учун (ўқувчилар икки гуруҳга бўлиб ўқитиладиган фанлар бўйича ҳам) ажратилган дарс соатларига мутаносиб равишда синфдаги (синф — комплектдаги) ўқувчилар сони 15 нафаргача бўлганда — 8,8 фоиз, 15 нафар ва ундан ортиқ бўлганда — 17,6 фоиз»;
қуйидаги мазмундаги «г» кичик банд билан тўлдирилсин:
«г) лаборатория хонаси мавжуд бўлганда, физика ёки кимё фани ўқитувчиларидан бирига — 50 фоиз»;
в) 1-илованинг матни қуйидаги таҳрирда баён этилсин:
«Мактаб ва мактабдан ташқари таълим, маданият ва спорт муассасалари педагог ва бошқа ходимлари меҳнатига ҳақ тўлаш бўйича базавий тариф ставкалари миқдорлари

Т/р

Лавозимлар номи

Меҳнатга ҳақ тўлашнинг энг кам миқдорига нисбатан (коэффициентда)

олий малака тоифали

биринчи малака тоифали

иккинчи малака тоифали

олий маълумотли

ўрта махсус маълумотли

1.

Умумий ўрта таълим ташкилотларининг ўқитувчиси, ўқитувчи-логопеди, логопедия шохобчаси мудири, ўқитувчи-дефектологи, инклюзив таълим тизими жорий қилинган ва таянч коррекцион синфлар очилган умумтаълим мактабларининг махсус педагоги

4,047

3,662

3,287

2,936

2,744

2.

Қорақалпоғистон Республикаси Мактабгача ва мактаб таълими вазирлиги, Тошкент шаҳар ва вилоятлар мактабгача ва мактаб таълими бошқармалари қошидаги ўқувчиларни касбга йўналтириш ва психологик хизмат шўъбаси ходимлари

3,871

3,503

3,144

2,808

2,625

3.

Мактабдан ташқари таълим муассасасининг ўқитувчи-тренери, олий спорт маҳорати мактаблари, спорт турлари бўйича ихтисослаштирилган олимпия захиралари болалар-ўсмирлар спорт мактабларининг, болалар спорт мактабларининг инструктор-методистлари, спорт психологи

2,845

2,657

2,487

2,318

2,154

4.

Болалар мусиқа ва санъат мактаби ўқитувчиси

3,087

2,889

2,692

2,503

2,320

5.

Болалар мусиқа ва санъат мактаби концертмейстери

2,692

2,503

2,320

2,146

1,981

6.

Барча типдаги муассасалар тарбиячиси, катта тарбиячиси (тарбиячи-методист)

4,047

3,662

3,287

2,936

2,058

7.

Умумий ўрта типдаги муассасалар психологлари, «Меҳрибонлик» уйлари ва болалар шаҳарчалари психологлари

3,205

3,022

2,829

2,642

2,470

8.

Барча типдаги муассасаларнинг психологи (7-банддан ташқари) ва мактабдан ташқари муассасалари инструктор-методисти (3 ва 11-бандлардан ташқари)

1,795

1,668

1,547

1,430

1,321

9.

Барча муассасалардаги методист, педагог-ташкилотчи, тўгараклар раҳбарлари, барча ихтисосликлар инструкторлари, аккомпониатор, мусиқа раҳбари, маданият ишлари бўйича ташкилотчи (11-банддан ташқари)

1,579

1,453

1,332

1,216

1,106

10.

Барча муассасалардаги студиялар, секциялар раҳбарлари, катта вожатий, экскурсовод

1,511

1,390

1,274

1,163

1,057

11.

«Баркамол авлод» болалар мактабларининг тўгарак раҳбарлари, инструктор-методистлари ва методистлари, «Меҳрибонлик» уйлари мусиқа раҳбарлари ва тренер йўриқчиси, болалар шаҳарчалари мусиқа раҳбарлари

2,724

2,506

2,297

2,097

1,907

12.

Кутубхона мудири

2,018

1,849

13.

Кутубхоначи

1,688

1,604
Изоҳ:
Мактабдан ташқари муассасалар бўлим, секция, лаборатория, кабинет мудирининг иш ҳақи миқдори (контингентдан қатъи назар) иккинчи малака тоифали тўгарак раҳбарининг иш ҳақига тенг миқдорда белгиланади.
Ихтисослаштирилган таълим муассасалари агентлиги тизимидаги мактаблар тўгарак раҳбарларининг базавий тариф ставкаси миқдорлари давлат умумий ўрта таълим муассасалари олий маълумотли ўқитувчиси базавий тариф ставкасининг 80 фоизи миқдорида белгиланади»;
г) 2-илованинг матни қуйидаги таҳрирда баён этилсин:
«Мактаб ва мактабдан ташқари таълим, маданият ва спорт муассасалари раҳбар ходимлари меҳнатига ҳақ тўлаш бўйича базавий тариф ставкалари миқдорлари

Т/р

Лавозимлар номи

Меҳнатга ҳақ тўлашнинг энг кам миқдорига нисбатан

(коэффициентда)

I гуруҳ

II гуруҳ

III гуруҳ

IV гуруҳ

I

Раҳбарлар

1.1

Умумий ўрта таълим ташкилоти директори

4,870

4,604

4,342

4,066

1.2

«Меҳрибонлик» уйи директори

4,342

4,066

х

х

1.3

Мактабдан ташқари муассаса директори

1,795

1,668

1,547

х

1.4

«Баркамол авлод» болалар мактаби директори

2,782

2,586

2,398

х

1.5

Республика дам олиш маскани директори

3,738

3,501

3,501

х

1.6

Олий спорт маҳорати мактаби, спорт турлари бўйича ихтисослаштирилган олимпия захиралари болалар-ўсмирлар спорт мактаби директори

3,037

х

х

х

1.7

Болалар спорт мактаби директори

2,845

2,657

2,487

х

1.8

Болалар мусиқа ва санъат мактаби директори

3,704

3,467

х

х

II

Раҳбарларнинг ўринбосарлари

2.1

Умумий ўрта таълим ташкилоти директорининг ўринбосарлари (2.8-банддан ташқари), мактаб маслаҳатчиси

4,604

4,342

4,066

3,798

2.2

«Меҳрибонлик» уйи директорининг ўринбосари

4,066

3,798

х

х

2.3

Мактабдан ташқари муассаса директорининг ўринбосарлари (2.8-банддан ташқари)

1,668

1,547

1,430

х

2.4

«Баркамол авлод» болалар мактаби директорининг ўринбосарлари (2.8-банддан ташқари)

2,586

2,398

2,217

х

2.5

Олий спорт маҳорати мактаби, спорт турлари бўйича ихтисослаштирилган олимпия захиралари болалар-ўсмирлар спорт мактаби директорининг ўринбосари

2,845

х

х

х

2.6

Спорт мактаби директорининг ўринбосари, филиал директорлари

2,657

2,487

2,318

х

2.7

Болалар мусиқа ва санъат мактаби директорининг ўқув-маърифий ишлар бўйича ўринбосари

3,467

3,231

х

х

2.8

Директорнинг хўжалик ишлари бўйича ўринбосари

1,980

1,828

1,681

1,541

Изоҳ: умумий ўрта таълим ташкилотларининг Ватанпарварлик руҳида ёшларни тайёрлаш бўйича директор ўринбосари — Ҳарбий чақириққача тайёргарлик раҳбарининг иш ҳақи миқдори умумтаълим мактабининг олий маълумотли (тоифасиз) ўқитувчиси базавий тариф ставкаси миқдорига тенглаштирилади»;
д) қуйидаги мазмундаги 2а-илова билан тўлдирилсин:
«Вазирлар Маҳкамасининг 2005 йил 21 декабрдаги 275-сон қарорига
2а-ИЛОВА
Давлат мактабгача таълим тизими раҳбар, педагог ва бошқа ходимлари меҳнатига ҳақ тўлаш миқдорлари
1. Давлат мактабгача таълим тизими педагог ва бошқа ходимлари меҳнатига ҳақ тўлаш бўйича базавий тариф ставкалари миқдорлари:

Т/р

Лавозим номи

Меҳнатга ҳақ тўлашнинг энг кам миқдорига нисбатан (коэффициентда)

олий малака тоифали

биринчи малака тоифали

иккинчи малака тоифали

олий маълумотли

ўрта махсус (касб-ҳунар) маълумотли

1.

Тил ўқитувчилари, ўқитувчи-дефектолог, ўқитувчи-логопед, давлат мактабгача таълим ташкилоти ўқитувчиси, олий маълумотли тайёргарлик гуруҳи (5 ёшдан 6-7 ёшгача) тарбиячилари

4,047

3,662

3,287

2,936

1,859*

2.

Тарбиячи-методист, тарбиячи (олий маълумотли тайёргарлик гуруҳи (5 ёшдан 6-7 ёшгача) тарбиячиларидан ташқари)

4,047

3,662

3,287

2,936

1,717*

3.

Психологлар

3,238

3,052

2,858

2,669

1,859*

4.

Мусиқа ходими, хореограф, барча ихтисосликлар йўриқчилари

2,053

1,889

1,731

1,580

1,437

5.

Олий ёки ўрта махсус, касб-ҳунар педагогик маълумотли тарбиячи ёрдамчиси

1,567

6.

Олий, ўрта махсус, касб-ҳунар нопедагогик маълумотли ва умумий ўрта маълумотли тарбиячи ёрдамчиси

1,249
*Мазкур базавий тариф ставкаси олий таълим муассасаларининг педагогика йўналишларида кундузги, кечки, сиртқи бўлимларнинг 3 ва ундан юқори курсларида ўқиётган шахслар томонидан бажарилган ишлар учун ҳақ тўлашда қўлланади.
2. Давлат мактабгача таълим ташкилоти раҳбарлари меҳнатига ҳақ тўлаш бўйича базавий тариф ставкалари миқдорлари:

Т/р

Лавозим номи

Меҳнатга ҳақ тўлашнинг энг кам миқдорига нисбатан

(коэффициентда)

I гуруҳ

II гуруҳ

1.

Директор

2,754

2,567
Изоҳ:
Давлат мактабгача таълим ташкилоти директорининг базавий тариф ставкаси ташкилотлар гуруҳидан келиб чиқиб белгиланади.
Бунда 9 та ва ундан ортиқ гуруҳлари мавжуд давлат мактабгача таълим ташкилотлари I гуруҳ, 8 тагача гуруҳлари мавжуд давлат мактабгача таълим ташкилотлари II гуруҳга мансуб ҳисобланади»;
е) қуйидаги мазмундаги 2б-илова билан тўлдирилсин:
«Вазирлар Маҳкамасининг 2005 йил 21 декабрдаги 275-сон қарорига
2б-ИЛОВА
Туман (шаҳар) мактабгача ва мактаб таълими бўлимлари ходимлари меҳнатига ҳақ тўлаш миқдорлари
1. Туман (шаҳар) мактабгача ва мактаб таълими бўлимлари ходимларининг меҳнатига ҳақ тўлаш бўйича базавий тариф ставкалари миқдорлари:

Т/р

Лавозимлар номи

Меҳнатга ҳақ тўлашнинг энг кам миқдорига нисбатан (коэффициентда)

Шаҳарлар-вилоятлар марказлари, Нукус шаҳри ва қишлоқ туманлари

Шаҳар туманлари

Вилоятга бўйсунувчи шаҳарлар

I гуруҳ

II гуруҳ

I гуруҳ

II гуруҳ

1.

Бўлим бошлиғи

3,439

3,234

3,234

3,032

3,234

2.

Бўлим бошлиғи ўринбосари, шўъба бошлиғи

2,836

2,643

2,836

2,643

2,643

3.

Бош мутахассис

2,511

2,331

2,511

2,331

2,331

4.

Етакчи мутахассис

2,260

2,098

2,260

2,098

2,098

5.

Мутахассис

1,636

1,510

1,636

1,510

1,510
2. Марказлаштирилган молия-бухгалтерия хизмати ходимлари меҳнатига ҳақ тўлаш бўйича базавий тариф ставкалари миқдорлари:

Т/р

Лавозимлар номи

Меҳнатга ҳақ тўлашнинг энг кам миқдорига нисбатан

(коэффициентда)

Шаҳарлар-вилоятлар марказлари, Нукус шаҳри, қишлоқ туманлари, шаҳар туманлари

Вилоятга бўйсунувчи шаҳарлар

I гуруҳ

II гуруҳ

1.

Бош бухгалтер

4,127

3,881

3,881

2.

Бош бухгалтер ўринбосари, бош иқтисодчи, бош иқтисодчи — гуруҳ раҳбари

3,881

3,639

3,639

3.

Гуруҳ раҳбари (ходимлар билан ҳисоб-китоблар бўйича, товар-моддий қимматликлар ҳисоби бўйича, давлат харидлари ва шартномалар бўйича, озиқ-овқат маҳсулотлари ҳисоби бўйича)

3,639

3,403

3,403

4.

Бош мутахассис (иқтисодчи, ходимлар билан ҳисоб-китоблар бўйича бухгалтер, товар-моддий қимматликлар ҳисоби бўйича бухгалтер, озиқ-овқат маҳсулотлари ҳисоби бўйича бухгалтер, давлат харидлари ва шартномалар бўйича мутахассис)

3,171

2,945

2,945
3. Махсус таъмирлаш-эксплуатация хизмати ходимлари меҳнатига ҳақ тўлаш бўйича базавий тариф ставкалари миқдорлари:

Т/р

Лавозимлар номи

Меҳнатга ҳақ тўлашнинг энг кам миқдорига нисбатан

(коэффициентда)

Шаҳарлар-вилоятлар марказлари, Нукус шаҳри, қишлоқ туманлари, шаҳар туманлари

Вилоятга бўйсунувчи шаҳарлар

I гуруҳ

II гуруҳ

1.

Хизмат бошлиғи-бош муҳандис

2,587

2,426

2,426

2.

Бош мутахассис

2,114

1,963

1,963

3.

Мутахассис (таълим муассасалари қозонлари ва иситиш тизимларини назорат қилиш бўйича), коммунал хизматлар бўйича инспектор, биноларнинг техник ҳолати ва инфратузилмасини назорат қилиш ва жиҳозлаш бўйича муҳандис

1,963

1,813

1,813
3.1. Махсус таъмирлаш-эксплуатация хизмати ходимлари меҳнатига ҳақ тўлаш разрядлари:

Т/р

Лавозимлар номи

Меҳнатга ҳақ тўлаш разрядлари

1.

Электромонтёр, чилангар-сантехник, пайвандчи

6

2.

Диспетчер, экспедитор

5

3.

Енгил автомобиль ҳайдовчиси

*
*Мазкур лавозимлар бўйича меҳнатга ҳақ тўлаш разрядлари амалдаги қонунчиликка асосан белгиланади»;
5-банд чиқариб ташлансин;
«б» кичик банд қуйидаги таҳрирда баён этилсин:
«б) дафтарларни ва ёзма ишларни текширганлик учун (ўқувчилар икки гуруҳга бўлиб ўқитиладиган фанлар бўйича ҳам) ажратилган дарс соатларига мутаносиб равишда синфдаги (синф — комплектдаги) ўқувчилар сони 15 нафаргача бўлганда — 8,8 фоиз, 15 нафар ва ундан ортиқ бўлганда — 17,6 фоиз»;
қуйидаги мазмундаги «г» кичик банд билан тўлдирилсин:
«г) лаборатория хонаси мавжуд бўлганда, физика ёки кимё фани ўқитувчиларидан бирига — 50 фоиз»;
21-банд қуйидаги мазмундаги иккинчи хатбоши билан тўлдирилсин:
«Бунда директор жамғармаси ҳисобидан янги ўқув йили учун тайинланган устамалар жорий йилнинг 1 сентябридан бошлаб келгуси йилнинг 31 августига қадар тўлаб борилади»;
22-банд қуйидаги мазмундаги иккинчи хатбоши билан тўлдирилсин:
«Бунда ушбу фанлар бўйича ўқитувчилар мавжуд бўлса бўлиб ўқитишга рухсат этилади».
3. Вазирлар Маҳкамасининг 2021 йил 9 сентябрдаги «Иқтидорли ўқувчилар ўртасида фан олимпиадаларини ўтказиш тизимини такомиллаштириш ҳамда хорижий тилларни ўқитиш бўйича энг яхши мактабни аниқлаш тизимини жорий этиш тўғрисида»ги 562-сон қарорида:
биринчи хатбоши қуйидаги таҳрирда баён этилсин:
«2. Ўзбекистон Республикаси Иқтисодиёт ва молия вазирлиги мазкур қарорда назарда тутилган харажатларни Мактабгача ва мактаб таълими вазирлиги томонидан тақдим этиладиган талабномага асосан Ўзбекистон Республикаси Давлат бюджети параметрларида назарда тутиб борсин»;
«в» кичик банднинг иккинчи хатбошисидаги «Халқ таълими вазирлигининг» сўзлари «Мактабгача ва мактаб таълим вазирлигининг» сўзлари билан алмаштирилсин;
б) 3-банддаги «Халқ таълими вазирлиги Молия вазирлиги» сўзлари «Мактабгача ва мактаб таълими вазирлиги Иқтисодиёт ва молия вазирлиги» сўзлари билан алмаштирилсин;
в) 6-банд қуйидаги таҳрирда баён этилсин:
«6. Мазкур қарорнинг бажарилишини назорат қилиш Ўзбекистон Республикаси мактабгача ва мактаб таълими вазири Х.У. Умарова зиммасига юклансин»;
2-банднинг иккинчи хатбошисидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
9-банд қуйидаги таҳрирда баён этилсин:
«9. Олимпиадаларни ташкил этиш учун Вазирлик, Қорақалпоғистон Республикаси Мактабгача ва мактаб таълими вазирлиги, Тошкент шаҳар ва вилоятлар мактабгача ва мактаб таълими бошқармалари (кейинги ўринларда — ҳудудий мактабгача ва мактаб таълими бошқармалари), туман (шаҳар) мактабгача ва мактаб таълими бўлимларида ҳар бир олимпиада ҳамда унинг босқичларини ўтказиш бўйича республика ва ҳудудий ташкилий қўмита (кейинги ўринларда — ташкилий қўмита ) тузилади»;
12-банд қуйидаги таҳрирда баён этилсин:
«12. Ташкилий қўмита таркибига Вазирлик, Олий таълим, фан ва инновациялар вазирлиги, Билим ва малакаларни баҳолаш агентлиги ҳамда Ихтисослаштирилган таълим муассасалари агентлигининг масъул ходимлари ва бошқа маҳаллий давлат ҳокимияти органлари вакиллари киритилиши мумкин»;
33-банднинг ўн биринчи хатбошисидаги «халқ таълими бўлими» сўзлари «мактабгача ва мактаб таълими бўлими» сўзлари билан алмаштирилсин;
34-банд қуйидаги таҳрирда баён этилсин:
«34. Иккинчи босқич туман (шаҳар) мактабгача ва мактаб таълими бўлимлари томонидан биринчи босқичда ғолиб бўлган ўқувчилар ўртасида ўтказилади.
Академик лицей ҳамда Ихтисослаштирилган таълим муассасалари агентлиги тизимидаги Президент, ижод мактаблари ҳамда Абу Али ибн Сино, Мирзо Улуғбек, Муҳаммад ал-Хоразмий номидаги ихтисослаштирилган мактаблар ва ушбу мактабларнинг ҳудудлардаги филиалларининг биринчи босқич ғолиблари иккинчи босқичда иштирок этмасдан тўғридан-тўғри учинчи босқичда иштирок этадилар.
Ихтисослаштирилган таълим муассасалари агентлиги тизимидаги бошқа мактабларнинг биринчи босқич ғолиблари жойлашуви бўйича асосий олимпиадаларнинг иккинчи босқичида иштирок этади»;
36-банднинг учинчи хатбошисидаги «халқ таълими» сўзлари «мактабгача ва мактаб таълими» сўзлари билан алмаштирилсин;
37 ва 38-бандлардаги «халқ таълими» сўзлари «мактабгача ва мактаб таълими» сўзлари билан алмаштирилсин;
39-банднинг учинчи хатбошиси қуйидаги таҳрирда баён этилсин:
«академик лицейлар ҳамда Ихтисослаштирилган таълим муассасалари агентлиги тизимидаги Президент, ижод мактаблари ҳамда Абу Али ибн Сино, Мирзо Улуғбек, Муҳаммад ал-Хоразмий номидаги ихтисослаштирилган мактаблар ва ушбу мактабларнинг ҳудудлардаги филиаллари томонидан тавсия этилган 3 нафаргача ўқувчилар»;
41-банддаги «халқ таълими» сўзлари «мактабгача ва мактаб таълими» сўзлари билан алмаштирилсин;
43-банд қуйидаги таҳрирда баён этилсин:
«43. Тўртинчи босқич учун назорат материаллари ҳамда уларни баҳолаш мезонлари Вазирлик томонидан тайёрланади»;
44-банд «математика» сўзидан кейин «, тарих, рус тили ва адабиёти» сўзлари билан тўлдирилсин;
59-банднинг тўртинчи хатбошисидаги «Президент таълим муассасалари агентлиги» сўзлари «Ихтисослаштирилган таълим муассасалари агентлиги» сўзлари билан алмаштирилсин;
70-банддаги «электрон сертификатлар» сўзлари «диплом» сўзи билан алмаштирилсин;
73-банд қуйидаги таҳрирда баён этилсин:
«73. Нуфузли халқаро олимпиадалар ғолибларининг ўқитувчилари ҳамда таълим муассасалари директорлари белгиланган тартибда рағбатлантирилади»;
76-банд қуйидаги таҳрирда баён этилсин:
«76. Олимпиада ғолиблари ва уларнинг ўқитувчиларини рағбатлантириш харажатлари Вазирликка Ўзбекистон Республикасининг республика бюджетидан ажратиладиган маблағлар ҳисобидан қопланади.
Ушбу Низомга 2-иловада келтирилган рўйхатдаги халқаро олимпиадалар ғолиблари ва уларнинг ўқитувчилари учун пул мукофотларини тўлаш Ўзбекистон Республикаси Президентининг 2024 йил 30 сентябрдаги ПҚ-346-сон қарорига мувофиқ амалга оширилади»;
77 ва 78-бандлар қуйидаги таҳрирда баён этилсин:
«77. Асосий олимпиадаларни ташкил этиш билан боғлиқ харажатлар тегишлилиги бўйича туман (шаҳар) мактабгача ва мактаб таълими бўлимлари, ҳудудий мактабгача ва мактаб таълими бошқармалари ҳамда Вазирликнинг ҳар йилги марказлашган харажатлар сметасида режалаштирилади.
78. Мазкур Низомнинг 2-иловасида келтирилган халқаро олимпиадалар терма жамоа аъзолари ва раҳбарларининг иштироки билан боғлиқ барча харажатлар Вазирлик томонидан қопланади»;
биринчи хатбошидаги «Ўзбекистон Республикаси Халқ таълими вазирлигининг» сўзлари «Вазирликнинг» сўзи билан алмаштирилсин;
учинчи хатбошидаги «нуфузли» сўзи чиқариб ташлансин;
80-банддаги «нуфузли» сўзи чиқариб ташлансин;
тўртинчи хатбоши қуйидаги таҳрирда баён этилсин:
«халқаро олимпиадаларда иштирок этувчи терма жамоани саралаш босқичлари учун тайёрланган ҳар бир топшириқ (унинг ечими билан) учун — меҳнатга ҳақ тўлашнинг энг кам миқдорига нисбатан 50 фоиз миқдорида»;
бешинчи хатбошидан «нуфузли» сўзи чиқариб ташлансин;
82-банднинг биринчи хатбошисидан «нуфузли» сўзи чиқариб ташлансин;
83-банд қуйидаги таҳрирда баён этилсин:
«83. Халқаро олимпиадаларда ўқувчиларнинг муваффақиятли иштирокини таъминлаш мақсадида, уларнинг юқори даражада тайёргарлик кўришлари учун Фан олимпиадалари марказида ҳамда «Ренессанс» оромгоҳида ўқув базаси ташкил этилади, барча зарур шароитлар таъминланади ва Вазирлик томонидан ўқув жараёнларига республика ва хорижлик малакали мутахассислар жалб қилинади»;
84-банд қуйидаги таҳрирда баён этилсин:
«84. Олий таълим, фан ва инновациялар вазирлиги ҳамда Ихтисослаштирилган таълим муассасалари агентлиги халқаро олимпиадаларга жалб қилинган маҳаллий ва хорижий мутахассислар ҳамда терма жамоа аъзоларини ётоқхона ва транспорт хизмати билан таъминлайди»;
85-банд қуйидаги таҳрирда баён этилсин:
«85. Халқаро олимпиадаларда Ўзбекистон терма жамоасининг иштирок этиши Вазирлик томонидан мувофиқлаштириб борилади»;
қуйидаги мазмундаги 19 ва 20-позициялар билан тўлдирилсин:

«

19.

Тарих

+

+

+

20.

Рус тили ва адабиёти

+

+

+

»;
қуйидаги мазмундаги изоҳ билан тўлдирилсин:
«Изоҳ: мазкур рўйхатга Мактабгача ва мактаб таълими вазирлиги томонидан Вазирлар Маҳкамаси билан келишилган ҳолда ўзгартиришлар киритилиши мумкин»;
2-илова қуйидаги таҳрирда баён этилсин:
«Умумий ўрта таълим ташкилотлари, академик лицей ва касб-ҳунар мактаблари ўқувчилари ўртасида фан олимпиадаларини ташкил этиш, ўтказиш ҳамда халқаро олимпиадалар иштирокчиларини саралаш ва ғолибларни рағбатлантириш тартиби тўғрисидаги низомга
2-ИЛОВА
Халқаро олимпиадалар
РЎЙХАТИ

Нуфузли халқаро олимпиадалар

1.

Халқаро математика олимпиадаси

International Mathematical Olympiad (IMO)

2.

Халқаро физика олимпиадаси

International Physics Olympiad (IPhO)

3.

Халқаро кимё олимпиадаси

International Chemistry Olympiad (IChO)

4.

Халқаро биология олимпиадаси

International Biology Olympiad (IBO)

5.

Халқаро информатика олимпиадаси

International Olympiad in Informatics (IOI)

Халқаро олимпиадалар

6.

Халқаро немис тили олимпиадаси

International German Olympics (IDO)

7.

Халқаро француз тили олимпиадаси

International French Language Olympiad (IFLO)

8.

Халқаро инглиз тили олимпиадаси

International English Olympiad

9.

Халқаро география олимпиадаси

International Geographical Olympiad (IGeo)

10.

Халқаро иқтисод олимпиадаси

International Economics Olympiad (IEO)

11.

Халқаро астрономия олимпиадаси

The International Astronomy Olympiad (IAO)

Минтақавий халқаро олимпиадалар

12.

Халқаро Жаутиков олимпиадаси (математика, физика, информатика ва ахборот технологиялари фанлари бўйича)

International Zhautykov Olympiad (IZHO)

13.

Кавказ математика олимпиадаси

Caucasus Mathematic Olympiad (CMO)

14.

Болқон математика олимпиадаси

Balkan Mathematical Olympiad (BMO)

15.

Ўсмирлар ўртасидаги Болқон математика олимпиадаси

Junior Balkan Mathematical Olympiad (JBMO)

16.

Халқаро математика мусобақаси

International Mathematical Competition (IMC)

17.

Халқаро Менделеев олимпиадаси (кимё фани бўйича)

International Mendeleev Olympiad in Chemistry

18.

Халқаро ёшлар табиий фанлар олимпиадаси

International Junior Science Olympiad (IJSO)

19.

Осиё физика олимпиадаси

Asian Physics Olympiad (APhO)

20.

Европа физика олимпиадаси

European Physics Olympiad (EuPhO)

21.

Осиё-Тинч океани минтақаси информатика олимпиадаси

Asian-Pacific Informatics Olympiad (APIO)

22.

Аҳмад ал-Фарғоний номидаги халқаро физика олимпиадаси

International Al-Farghani Olympiad in Physics

23.

Абу Райҳон Беруний номидаги халқаро кимё олимпиадаси

International Al-Biruni Olympiad in Chemistry

24.

Абу Али Ибн Сино номидаги халқаро биология олимпиадаси

International Avicenna Olympiad in Biology (AIBO)

25.

Ал-Хоразмий номидаги халқаро математика ва информатика олимпиадаси

International Al Khwarizmi Olympiad in Mathematics and Informatics

26.

Европа Қизлар Информатика Олимпиадаси

European Girlsʼ Olympiad in Informatics (EGOI)

27.

Европа Қизлар Математика Олимпиадаси

European Girlsʼ Mathematical Olympiad (EGMO)

28.

Осиё-Тинч океани минтақаси математика олимпиадаси

Asian-Pacific Mathematical Olympiad (APMO)
Изоҳ: мазкур рўйхатга Мактабгача ва мактаб таълими вазирлиги томонидан Вазирлар Маҳкамаси билан келишилган ҳолда ўзгартиришлар киритилиши мумкин».
(Қонунчилик маълумотлари миллий базаси, 10.10.2024 й., 07/24/346/0805-сон; 20.05.2025 й., 06/25/86/0456-сон; 07.02.2026 й., 06/26/19/0118-сон; 13.04.2026 й., 06/26/58/0342-сон)