Ўзбекистон Республикаси Вазирлар Маҳкамасининг
қарори
Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини ўтказиш тартиби тўғрисида
Ўзбекистон Республикаси Президентининг «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида» 2022 йил 22 августдаги ПҚ-357-сон қарорига мувофиқ, шунингдек, ёшларнинг ахборот-коммуникация технологиялари соҳасидаги экспортга йўналтирилган ва жаҳон бозорида рақобатбардош стартап лойиҳаларини янада қўллаб-қувватлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2022 йил 22 августдаги ПҚ-357-сон қарори билан Рақамли технологиялар вазирлиги ва Ёшлар ишлари агентлигининг 2023 йилдан бошлаб ҳар йили ёшларнинг ахборот-коммуникация технологиялари соҳасидаги стартап лойиҳаларини янада қўллаб-қувватлаш мақсадида Ахборот-коммуникация технологияларини ривожлантириш жамғармаси ҳисобидан умумий мукофот жамғармаси 1 миллион АҚШ доллари бўлган Президент соврини учун танлов ўтказиш тўғрисидаги таклифига розилик берилганлиги маълумот учун қабул қилинсин.
2. Қуйидагиларни назарда тутувчи Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини (кейинги ўринларда — танлов) ўтказиш тартиби тўғрисидаги низом 1-иловага мувофиқ тасдиқлансин:
соҳа ва тармоқлар ривожи учун хизмат қиладиган, ёшлар томонидан илгари сурилган илғор бизнес-ғоялар ва истиқболли стартап лойиҳаларни саралаш тизимини яратиш;
экспортга йўналтирилган ва жаҳон IT-бозорига мўлжалланган дастурий маҳсулотлар яратилишини қўшимча рағбатлантириш;
танлов доирасида иқтидорли ёш дастурчиларнинг тажрибасини ва уларнинг жамоада ишлаш кўникмасини ошириш;
ёшларнинг ахборот-коммуникация технологиялари соҳасига бўлган қизиқишини янада ошириш.
3. Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини ўтказиш бўйича ташкилий қўмита таркиби 2-иловага мувофиқ тасдиқлансин.
Ташкилий қўмитанинг асосий вазифалари этиб қуйидагилар белгилансин:
танловни ўтказиш билан боғлиқ тегишли қарорлар қабул қилиш, танловни ўтказиш муддатлари ва масъулларини белгилаш;
Олдинги таҳрирга қаранг.
Дастурий маҳсулотлар ва ахборот технологиялари технологик парки дирекцияси» МЧЖ томонидан тақдим қилинган саралаш ва баҳолаш мезонларини тасдиқлаб, танловнинг махсус порталида уларнинг эълон қилиб борилишини таъминлайди;
(3-банд Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарорига асосан тўртинчи хатбоши билан тўлдирилган)
танловни ўтказиш ва ғолибларни тақдирлаш маросимини ташкил этиш;
танлов ғолибларининг лойиҳаларини иқтисодиёт тармоқлари ва соҳаларида амалиётга жорий этилишига кўмаклашиш.
4. Белгилаб қўйилсинки:
Олдинги таҳрирга қаранг.
а) танлов 2026 йил май ойидан бошлаб ҳар йили «инкубация», «акселерация» ва «энг яхши стартап» «йўналишлари бўйича ўтказилади;
(4-банднинг «а» кичик банди Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
б) танловни ташкил этиш ва ўтказиш билан боғлиқ барча тадбирлар тасдиқланган харажатлар сметаси асосида Рақамли технологияларни ривожлантириш жамғармаси маблағлари ҳисобидан молиялаштирилади.
(4-банд «б» кичик бандининг биринчи хатбошиси Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарори таҳририда)
Бунда харажатлар сметаси ҳар йили 1 майга қадар «Дастурий маҳсулотлар ва ахборот технологиялари технологик парки дирекцияси» МЧЖ (кейинги ўринларда — IT-парк дирекцияси) томонидан ишлаб чиқилади ҳамда Рақамли технологиялар вазирлиги томонидан тасдиқланади;
в) танлов доирасида аризаларни қабул қилиш, иштирокчиларни рўйхатдан ўтказиш, танловни ёритиш ва танлов ўтказилиши билан боғлиқ бошқа тадбирлар махсус портал орқали IT-парк дирекцияси томонидан амалга оширилади;
г) IT-парк дирекцияси ташкилий қўмитанинг ишчи органи ҳисобланади ва унга танлов босқичлари шаффоф ўтказилишини таъминлаш мақсадида энг яхши таклифларни танлаб олиш йўли билан ахборот-коммуникация технологиялари соҳасида хизматлар кўрсатувчи ташкилотни аниқлаш орқали шартнома тузиш ҳуқуқи берилади.
Бунда ахборот-коммуникация технологиялари соҳасида хизматлар кўрсатувчи ташкилот махсус порталдан келиб тушган номзодларнинг аризаларини кўриб чиқиш, танлов иштирокчиларини саралаш ва лойиҳаларни баҳолаш вазифаларини бажаради;
Олдинги таҳрирга қаранг.
д) танлов ғолиблари рақамли технологиялар соҳасида хизматлар кўрсатувчи ташкилот томонидан аниқланади.
(4-банднинг «д» кичик банди Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарори таҳририда)
Олдинги таҳрирга қаранг.
5. Шундай тартиб ўрнатилсинки, унга кўра танлов ғолибларига IТ-парк дирекцияси томонидан Рақамли технологияларни ривожлантириш жамғармаси ва қонунчилик ҳужжатларида тақиқланмаган бошқа манбалар ҳисобидан қуйидаги миқдорларда Марказий банкнинг тўлов амалга ошириладиган кунидаги расмий курси бўйича миллий валюта эквивалентида бир марталик (бир стартапга бир маротаба берилади) пул мукофотлари ҳамда ўзаро келишувлар асосида тузилган шартнома доирасида IТ-парк дирекцияси ҳузуридаги венчур жамғармаси томонидан венчур инвестицияси кўринишида ажратилади:
а) танловнинг «энг яхши стартап» йўналиши бўйича Ташкилий қўмита томонидан белгиланадиган 10 та соҳа бўйича жами 30 та жамоага — 2 500 000 АҚШ доллари.
1-ўрин учун — 125 000 АҚШ доллари;
2-ўрин учун — 75 000 АҚШ доллари;
3-ўрин учун — 50 000 АҚШ доллари;
б) «акселерация» йўналиши учун 15 та жамоага — 100 000 АҚШ доллари (умумий 1 500 000 АҚШ доллари);
в) «инкубация» йўналиши учун 25 та жамоага — 40 000 АҚШ доллари (умумий 1 000 000 АҚШ доллари);
Бунда:
венчур молиялаштириш «энг яхши стартап» ва «акселерация» йўналишлари иштирокчиларига қўлланади ҳамда шартнома шартлари венчур жамғарма томонидан белгиланади ҳамда стартапда 10 фоиздан ортиқ бўлмаган улуш эвазига ажратилади;
«инкубация» йўналиши иштирокчиларига эса грант сифатида бир марталик (бир стартапга бир маротаба берилади) пул мукофотлари билан IТ-парк дирекцияси томонидан белгиланган шартлари асосида тақдирланади.
(5-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
6. Рақамли технологиялар вазирлиги:
Олдинги таҳрирга қаранг.
Рақамли технологияларни ривожлантириш жамғармаси маблағлари ҳисобидан 2023 йил 1 майга қадар танлов иштирокчиларини рўйхатга олиш ва янгиликларни ёритиб боришга ихтисослаштирилган махсус портал ишга туширилишини таъминласин;
(6-банднинг иккинчи хатбошиси Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарори таҳририда)
2023 йилда ўтказилиши белгиланган танлов натижасига кўра 2023 йил 1 декабрга қадар ушбу қарор билан тасдиқланган Низомни такомиллаштириш бўйича таклифларни Вазирлар Маҳкамасига киритсин.
7. 2023 йил 1 мартдан бошлаб IT-парк дирекциясига унинг резидентлари томонидан ҳар ой ўтказиладиган ажратмалар миқдори, улар томонидан яратилган дастур, миллий ижтимоий тармоқ ва мессенжерлар аудиториясининг қамрови 500 минг фойдаланувчидан ошганда 25 фоизга, 1 миллион фойдаланувчидан ошганда 50 фоизга пасайтирилиши белгилансин.
8. Мазкур қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 15 февраль,
66-сон
Вазирлар Маҳкамасининг 2023 йил 15 февралдаги 66-сон қарорига
1-ИЛОВА
1-ИЛОВА
Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини ўтказиш тартиби тўғрисида
НИЗОМ
1-боб. Умумий қоидалар
1. Мазкур Низом Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини (кейинги ўринларда — танлов) ўтказиш тартибини белгилайди.
2. Ушбу Низомда қуйидаги асосий тушунчалардан фойдаланилади:
ариза берувчи — танловнинг асосий ёки махсус йўналишларида иштирок этиш истагини билдирган, махсус портал орқали электрон шаклда ариза топширувчи жамоанинг масъул вакили;
Олдинги таҳрирга қаранг.
рақамли технологиялар соҳасида хизматлар кўрсатувчи ташкилот (кейинги ўринларда — масъул ташкилот) — порталдан келиб тушган аризаларни қўриб чиқиш, танловнинг асосий йўналишлари бўйича иштирокчи жамоаларни саралаш ва лойиҳаларни баҳолаш, танлов ғолибларини аниқлаш вазифасини бажарувчи ташкилот;
(2-банднинг учинчи хатбошиси Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарори таҳририда)
жамоа — танловда иштирок этиш мақсадида махсус порталда рўйхатдан ўтган гуруҳ;
жамоанинг масъул вакили — жамоа номидан ягона қарор қабул қилувчи ҳамда жамоанинг фикрлари ва ғояларини ифодаловчи шахс;
ишчи орган — «Дастурий маҳсулотлар ва ахборот технологиялари технологик парки дирекцияси» МЧЖ;
лойиҳа — иштирокчи жамоалар томонидан мазкур Низом талабларига мувофиқ ишлаб чиқилган дастурий маҳсулот;
махсус портал (кейинги ўринларда — портал) — танлов иштирокчиларини рўйхатдан ўтказиш, танлов талаблари ва муддатлари ҳақида ҳамда танлов билан боғлиқ бошқа маълумотлар жойлаштириладиган «www.awards.gov.uz» веб-сайти;
муҳим самарадорлик кўрсаткичлари — танлов ғолиблари бўлган жамоаларга лойиҳанинг ривожланишини белгилайдиган ва уни баҳолашга қаратилган кўрсаткичлар;
ментор — иштирокчи жамоаларнинг лойиҳаларини ишлаб чиқиш, такомиллаштириш бўйича маслаҳат (консультация) бериш орқали ривожлантиришга ёрдам берувчи мутахассис;
ташкилий қўмита — танловни ўтказиш бўйича ташкилий қўмита.
Олдинги таҳрирга қаранг.
3. Танловга ташкилий қўмита умумий раҳбарлик қилади.
Ташкилий қўмита қарорлари ташкилий қўмита йиғилишида унинг аъзоларининг камида учдан икки қисми (кворум) иштирок этган ҳолда тегишли баён билан расмийлаштирилади.
Йиғилишни ўтказиш учун кворум шаклланмаган тақдирда, ташкилий қўмита йиғилиши ўтказиладиган сана тўғрисида ташкилий қўмита аъзоларига хабар берилади.
Йиғилиш баёни 2026 йилда анъанавий, 2027 йилдан бошлаб электрон шаклда махсус порталда ташкилий қўмита котиби томонидан шакллантирилади, ташкилий қўмита аъзолари томонидан электрон рақамли имзо ёрдамида имзоланади ва раислик қилувчи томонидан электрон рақамли имзо билан тасдиқланади.
Ташкилий қўмита аъзолари ўз йиғилишларида кўриб чиқиладиган масалаларни муҳокама ва ҳал қилишда ўз ваколатини бошқа шахсларга ўтказиш ҳуқуқига эга эмас.
(3-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
4. Танловни ўтказишнинг асосий вазифалари қуйидагилар ҳисобланади:
соҳа ва тармоқлар ривожи учун хизмат қиладиган, ёшлар томонидан илгари сурилган илғор бизнес-ғоялар ва истиқболли стартап лойиҳаларни саралаш тизимини яратиш;
экспортга йўналтирилган ва жаҳон IT-бозорига мўлжалланган дастурий маҳсулотлар яратилишини қўшимча рағбатлантириш;
танлов доирасида иқтидорли ёш дастурчиларнинг тажрибасини ва уларнинг жамоада ишлаш кўникмасини ошириш;
ёшларнинг ахборот-коммуникация технологиялари соҳасига бўлган қизиқишини янада ошириш.
5. Масъул ташкилот ишчи орган томонидан қуйидаги мезонлар асосида аниқланади:
Олдинги таҳрирга қаранг.
стартапларни қўллаб-қувватлашга қаратилган танловни ўтказиш, стартапларни ривожлантириш ҳамда инкубация ва акселерация дастурларини ишлаб чиқиш йўналишида 3 йилдан ортиқ амалий тажрибага эга бўлиши;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
ривожланган чет эл давлатларида юридик шахс ташкил этган ва камида 5 та стартапни қўллаб-қувватлашга қаратилган дастурларни муваффақиятли амалга оширган бўлиши;
нуфузли венчур жамғармалар ва инвесторлар билан доимий ҳамкорликни йўлга қўйган бўлиши;
Олдинги таҳрирга қаранг.
масъул ташкилотнинг халқаро инкубация ва акселерация дастурларидан ўтган стартаплар орасидан камида 5 та 1 млрд АҚШ долларидан юқори баҳосига етган бўлиши.
(5-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан бешинчи хатбошиси билан тўлдирилган — Қонунчилик маълумотлари миллий базаси, 08.06.2026 й., 09/26/288/0570-сон)
технологик тадбиркорлик, венчур молиялаштириш ва IT-консалтинг йўналишларида камида 2 йил иш стажига эга бўлган халқаро экспертлар ва менторлар мавжудлиги.
Олдинги таҳрирга қаранг.
Масъул ташкилот билан тузиладиган шартномада қуйидагилар инобатга олинади:
кўрсатилган хизматлар учун тўловларнинг 80 фоизи олдиндан тўлов ва 20 фоизи масъул ташкилотга юкланган ишлар якунлангандан сўнг қабул қилиш-топшириш далолатномаси асосида тўланади;
Ишчи орган қабул қилиш-топшириш далолатномасини имзолашдан олдин танлов ташкил этилиши ва ўтказилиши юзасидан эътирозлари йўқлиги ҳақида хулосани олиш юзасидан ташкилий қўмитага сўров юборади.
Бунда ташкилий қўмита ишчи органнинг сўрови келиб тушган кундан бошлаб уч кун муддатда тегишли хулосани расмийлаштириши ёки асослантирилган рад жавоби бериши зарур.
(5-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан еттинчи — ўнинчи хатбошлар билан тўлдирилган — Қонунчилик маълумотлари миллий базаси, 08.06.2026 й., 09/26/288/0570-сон)
Бунда ташкилий қўмитага ушбу мезонларга ўзгартириш ва қўшимчалар киритиш ҳуқуқи берилади.
2-боб. Танлов йўналишлари
Олдинги таҳрирга қаранг.
6. Танлов ҳар йили бир маротаба қуйидаги йўналишлар бўйича ўтказилади:
«инкубация» йўналиши — танловнинг ривожланишнинг бошланғич босқичида (ғоя, дастлабки прототип) бўлган жамоалар учун эксперт маслаҳатлари, тажриба алмашиш ва ўқув курслари орқали қўллаб-қувватлаш, ривожлантириш ва стартапни кейинги босқичга тайёрлашга қаратилган йўналиш;
«акселерация» йўналиши — танловнинг ривожланишнинг бошланғич босқичида (дастлабки маҳсулот) бўлган жамоалар учун эксперт маслаҳатлари, тажриба алмашиш ва ўқув курслари орқали қўллаб-қувватлаш, ривожлантириш ва стартапни кейинги босқичга тайёрлашга қаратилган йўналиши;
«энг яхши стартап» йўналиши — танловнинг фаол қуйидаги соҳалар бўйича инвестиция жалб қилиш (тайёр маҳсулот) босқичидаги стартаплар:
Молиявий технологиялар (FinTech);
Сунъий интеллектга асосланган технологиялар (AI);
Корхоналар учун мослашган рақамли технологиялар (Enterprise);
Креатив индустрия ва реклама технологиялари (Creative Industry & AdTech);
Давлат бошқарувида қўлланадиган рақамли технологиялар (GovTech);
Компьютер ва мобил ўйин дастурлари;
Таълим жараёнида қўлланадиган рақамли ва инновацион технологиялар (EdTech);
Логистика, транспорт ва ҳаракатланиш тизимларини ривожлантиришга қаратилган технологик ечимлар (Logistics & Mobility);
Соғлиқни сақлаш соҳасида технологик ечимлар (HealthTech);
Илмий-тадқиқот натижаларига асосланган юқори технологик ечимлар (DeepTech).
(6-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
7. Ахборот-коммуникация технологиялари ривожланиши тенденциясига мувофиқ 2024 йилдан бошлаб танлов йўналишларига белгиланган йўналишлар сони доирасида Вазирлар Маҳкамаси билан келишилган ҳолда ташкилий қўмита томонидан ўзгартиришлар киритилиши мумкин.
3-боб. Танлов босқичлари ва уларни ўтказиш тартиби
8. Танлов мазкур Низомга 1-иловада келтирилган схемага мувофиқ олти босқичда ташкил этилади.
Олдинги таҳрирга қаранг.
9. Биринчи босқичда ташкилий қўмита томонидан ҳар йили 15 майга қадар танлов эълон қилинади ва аризалар қабули бошланади.
(9-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
10. Иккинчи босқичда «энг яхши стартап» йўналиши бўйича ҳар йили 15 июнга қадар, «инкубация» ва «акселерация» йўналишлари бўйича эса ҳар йили 31 майга қадар ариза берувчилар томонидан ушбу Низомга 2-иловага мувофиқ ариза ва унга илова қилинган материаллар портал орқали топширилади.
(10-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
11. Танловда Ўзбекистон Республикаси фуқаролари иштирок этиши мумкин.
Бунда иштирокчилар «Электрон ҳукумат»тизимининг Ягона фойдаланувчилар идентификация тизими (OneID) орқали рўйхатдан ўтадилар.
(11-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
12. Иштирокчи жамоалар Низомга 2-иловага мувофиқ барча маълумот ва материалларни ўзбек, рус ва инглиз тилларида тақдим этадилар.
13. Порталда рўйхатдан ўтиш жараёнида жамоа аъзолари танлов офертасини акцептлаш йўли билан танлов шартларига розилик билдиради ва ҳар бир жамоага махсус идентификация рақами бириктирилади.
Порталда назарда тутилган танлов офертасининг жамоа аъзолари томонидан қабул қилиниши иштирокчи жамоа аъзоларининг шахсга доир маълумотларига ишлов берилишига ёзма розилик берганлигини ифодалайди.
Олдинги таҳрирга қаранг.
14. Учинчи босқичда ишчи орган томонидан барча йўналишлар бўйича 30 июлга қадар портал орқали келиб тушган ариза ва унга илова қилинган материалларнинг тўлиқлиги ҳамда мазкур Низом талабларига мослиги текширилиб, ариза берувчиларнинг электрон почта манзили (шахсий кабинети)га кейинги босқичга ўтгани (ўтмагани) ҳақидаги хабар (хабарнома) юборилади ҳамда кейинги босқичга ўтган жамоаларга «иштирокчи» мақоми берилади.
Бунда «инкубация» йўналишида 30 тадан ва «акселерация» йўналишида бўйича 25 тадан кам бўлмаган жамоалар саралаб олинади.
(14-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
15. Ҳар йили:
«энг яхши стартап» йўналиши бўйича 25 августга қадар жамоалар менторлар билан лойиҳани такомиллаштиради ҳамда ҳар бир соҳа бўйича 5 тадан 10 тагача истиқболли лойиҳалар тасдиқланган баҳолаш мезонлари асосида рейтинг натижаларига кўра финалга ўтади.
(15-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
16. Тўртинчи босқичда ҳар йили ўтказиладиган «Ахборот-коммуникация технологиялари ҳафталиги» доирасида «энг яхши стартап» йўналиши бўйича ушбу босқичга ўтган иштирокчи жамоалар ўзларининг лойиҳалари бўйича масъул ташкилотда тақдимот ўтказади ва ҳимоя қилади. Лойиҳалар тақдимоти бир ёки бир неча кун бўлиши мумкин ва унинг якуни бўйича «энг яхши стартап» йўналишида муваффақиятли иштирокчи жамоаларга танлов ғолиби мақоми берилади ва тақдирлаш маросими ўтказилади.
Ушбу босқичда, «инкубация» ва «акселерация» йўналишлари бўйича 25 ноябрга қадар иштирокчи жамоалар учун экспертлар иштирокида маслаҳатлар ва ўқув сессиялари ташкил этилади ва жами 40 та лойиҳа саралаб олинади ва финал босқичига ўтади.
Бунда лойиҳалар масъул ташкилот томонидан кўриб чиқилиб, тасдиқланган баҳолаш мезонлари асосида рейтинг шакллантирилиб, жами 40 та иштирокчи жамоалар саралаб олинади.
(16-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
17. Бешинчи босқичда 25 декабрга қадар ишчи орган томонидан белгиланган саналарда «инкубация» ва «акселерация» йўналишидаги иштирокчи жамоалар ўзларининг лойиҳаларини масъул ташкилотга тақдимот ўтказадилар ва ҳимоя қиладилар. Лойиҳалар тақдимоти бир ёки бир неча кун бўлиши мумкин.
Бунда лойиҳалар масъул ташкилот томонидан кўриб чиқилиб, тасдиқланган баҳолаш мезонлари асосида жами 40 та иштирокчи жамоалар саралаб олинади.
Саралаб олинган иштирокчи жамоа танловнинг «инкубация» ва «акселерация» йўналишлари бўйича танлов ғолиби мақоми берилади ва уларга мазкур Низом талабларига мувофиқ мукофот совринлар ва инвестициялар ажратилади.
(17-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
18. Танловнинг «инкубация» ва «акселерация» йўналишлари бўйича натижалар тантанали тақдирлаш маросимида эълон қилинади ва ушбу натижалар эълон қилинганидан сўнг икки кун ичида порталда ҳам жойлаштирилади.
Танлов «инкубация» ва «акселерация» йўналишлари бўйича танлов ғолибларини тақдирлаш маросими ҳар йили 5 ноябрга қадар ташкилий қўмита томонидан тантанали равишда ташкил қилинади.
(18-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
19. Танловнинг «энг яхши стартап» ва «акселерация» йўналишлари ғолибларига IT Park дирекцияси ҳузуридаги венчур жамғармаси томонидан инвестициялар мазкур Низомга мувофиқ, шартномада белгиланган муддатларда ажратилади, бунда молиялаштириш даври 1 йилдан ошмаслиги шарт.
(19-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
20. Танлов босқичлари ўтказиладиган муддатлар ва саналарга ташкилий қўмита томонидан ўзгартириш киритилиши мумкин. Бунда танлов бошланишидан бир ҳафта олдин порталда ўзгартиришлар ҳақида эълон жойлаштирилади.
4-боб. Танловда иштирок этиш учун қўйиладиган талаблар
Олдинги таҳрирга қаранг.
21. Танловда иштирок этиш Ўзбекистон Республикаси фуқаролари бир жамоа таркибида иштирок этиши мумкин.
(21-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
22. Танловда иштирок этиш учун жамоалар таркиби «инкубация» йўналишида 2 — 5, «акселерация» ва «энг яхши стартап» йўналишларида эса 3 — 8 кишидан иборат бўлиши керак.
(22-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
23. Танловда иштирок этиш учун фақат 1 та йўналиш бўйича ариза юборишга рухсат этилади.
(23-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
24. Жамоа таркибига жамоанинг масъул вакили мурожаати асосида ташкилий қўмита билан келишилган ҳолда ўзгартириш киритилиши мумкин.
Олдинги таҳрирга қаранг.
241. Танлов доирасида менторлик қилаётган шахслар иштирокчи жамоалар таркибида иштирок этишига йўл қўйилмайди.
(241-банд Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарорига асосан киритилган)
25. Танловда иштирок этиш учун пул ундирилмайди.
Олдинги таҳрирга қаранг.
26. Иштирокчи жамоалар томонидан танловгача ва танлов давомида ишлаб чиқилган лойиҳалар билан боғлиқ харажатлар қоплаб берилмайди.
Танлов доирасида иштирокчи жамоаларга кўрсатилган хизматлар учун масъул ташкилотга тўланган маблағлар бундан мустасно.
(26-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
5-боб. Иштирокчи жамоаларнинг лойиҳаларини баҳолаш ҳамда танлов ғолибларини аниқлаш
Олдинги таҳрирга қаранг.
27. Масъул ташкилот танловда умумий ҳакамлик қилади ва иштирокчи жамоаларнинг лойиҳаларини тасдиқланган баҳолаш мезонларига асосан баҳолайди ва саралайди, шунингдек, танлов ғолибларини аниқлайди.
(27-банд Ўзбекистон Республикаси Вазирлар Маҳкамасининг 2023 йил 4 декабрдаги 640-сонли қарори таҳририда)
Олдинги таҳрирга қаранг.
Саралаш ва баҳолаш мезонлари тасдиқлангандан сўнг танловнинг жорий мавсуми тугагунга қадар (навбатдаги танлов эълон қилингунига қадар) уларга ўзгартириш ёки қўшимчалар киритиш тақиқланади.
(27-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
28. Ташкилий қўмита танловнинг ҳар бир босқичи алоҳида тартибда ўтказилишини инобатга олган ҳолда, ҳар йили 15 июнга қадар саралаш ва баҳолаш мезонларини тасдиқлайди ва ишчи органга махсус порталда эълон қилиш учун тақдим этади.
Бунда иштирокчи жамоаларнинг лойиҳаларини баҳолаш мезонларида қуйидагилар инобатга олинади:
лойиҳа аниқ муаммо (муаммолар)ни ҳал қилиш ёки фойдаланувчилар томонидан мавжуд талабни бажаришга қаратилгани ва амалдаги ечимларнинг самарали, сифатли ва қулайлиги;
лойиҳа даромадлилиги ва молиявий модели асослангани;
лойиҳа бозор шароитларида рақобатга чидамлилиги, ривожланаётган йўналиш (соҳа)га қаратилганлиги ва фойдаланувчилар учун жозибадорлиги;
лойиҳанинг ижтимоий-иқтисодий ривожланиши билан боғлиқ мезонлар.
(28-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
29. Ғолиблар «инкубация» ва «акселерация» йўналишлари бўйича бешинчи босқичда, «энг яхши стартап» йўналишида эса тўртинчи босқичда масъул ташкилот томонидан аниқланади.
(29-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
6-боб. Танловдан четлаштириш тартиби
30. Иштирокчи жамоаларнинг аъзолари томонидан қуйидаги хатти-ҳаракатлар амалга оширилганлиги аниқланса, улар танловдан четлаштирилади:
масъул ташкилотнинг фаолиятига халақит берса;
портал фаолиятига халақит берса;
танлов доирасида аризада кўрсатилмаган, яъни иштирокчи жамоанинг аъзоси бўлмаган шахсларни жалб қилса;
ўз хоҳиши билан танловда иштирок этишни давом эттиришдан воз кечса;
Олдинги таҳрирга қаранг.
танлов офертасида белгиланган шартларни бузса;
(30-банднинг олтинчи хатбошиси Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
мазкур Низом талабларига риоя қилинмаса.
Олдинги таҳрирга қаранг.
Ишчи орган иштирокчи жамоаларнинг аъзоларини танловдан четлаштириш бўйича ташкилий қўмитага таклиф киритади.
(30-банднинг саккизинчи хатбошиси Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
31. Четлаштириш натижасида таркибида уч кишидан камайиб кетган иштирокчи жамоаларнинг масъул вакили бир кун муддатда ташкилий қўмитага ўз жамоаси қайта шакллантирилганлиги ҳақида ушбу Низомга 2-иловага мувофиқ маълумотларни киритиши лозим. Акс ҳолда, ушбу иштирокчи жамоа танловдан четлаштирилади.
32. Ташкилий қўмитанинг иштирокчи жамоалар аъзоларини танловдан четлаштириш тўғрисидаги қарори қабул қилинади ва қарор қабул қилингандан кейин иштирокчи жамоанинг масъул вакилининг электрон почта манзилига хабар (порталдаги шахсий кабинетига хабарнома) юборилади.
Олдинги таҳрирга қаранг.
Ташкилий қўмита ҳар йили саралаш ва баҳолаш мезонларини тасдиқлашда махсус портал орқали иштирокчи жамоалар томонидан танлов жараёнларини яхшилаш ва такомиллаштириш юзасидан келиб тушган таклифларни инобатга олиб боради.
(32-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 08.06.2026 й., 09/26/288/0570-сон)
7-боб. Танловни молиялаштириш ва танлов ғолибларини тақдирлаш
Олдинги таҳрирга қаранг.
33. Танлов ғолиблари қуйидаги миқдордаги мукофот ва инвестиция билан тақдирланади:
а) танловнинг «инкубация» йўналиши учун 25 та жамоага — 40 000 АҚШ доллари (умумий 1 000 000 АҚШ доллари) грант сифатида;
б) танловнинг «акселерация» йўналиши бўйича 15 та жамоага — 100 000 АҚШ доллари (умумий 1 500 000 АҚШ доллари) IТ-парк дирекцияси ҳузуридаги венчур жамғарма томонидан инвестиция сифатида;
в) танловнинг «энг яхши стартап» йўналиши бўйича Ташкилий қўмита томонидан белгиланадиган 10 та соҳа бўйича IТ-парк дирекцияси ҳузуридаги венчур жамғарма томонидан инвестиция сифатида жами 30 та жамоага — 2 500 000 АҚШ доллари қуйидаги нисбат бўйича:
1-ўрин учун — 125 000 АҚШ доллари;
2-ўрин учун — 75 000 АҚШ доллари;
3-ўрин учун — 50 000 АҚШ доллари.
(33-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
34. Танлов ғолибларига пул мукофотлари Ўзбекистон Республикаси Марказий банкининг тўловлар амалга ошириладиган кунидаги расмий курси бўйича миллий валютада:
а) «инкубация» йўналиши бўйича — иштирокчи жамоанинг банк ҳисоб рақамига йил давомида уч траншда белгиланган муҳим самарадорлик кўрсаткичларининг бажарилиши асосида ўтказиб берилади;
б) «акселерация» ва «энг яхши стартап» йўналишлари бўйича — иштирокчи жамоаларнинг банк ҳисоб рақамларига IТ-парк дирекцияси ҳузуридаги венчур жамғарма томонидан ўтказилган чуқур текширув (Due Diligence) асосида бир йил давомида тўлиқ ўтказиб берилади.
(34-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
35. Танловнинг «инкубация» йўналиши бўйича ғолибларга:
танлов ғолиблари эълон қилинган кундан бошлаб 15 (ўн беш) иш куни ичида пул мукофотининг биринчи транши (50 фоиз миқдорида) тўланади;
пул мукофотининг кейинги транши (25 фоиздан 50 фоизгача) йил давомида муҳим самарадорлик кўрсаткичларининг бажарилиши асосида ташкилий қўмитанинг қарорига мувофиқ ўтказиб берилади.
(35-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
36. Танловнинг «инкубация» йўналиши бўйича ғолиблар пул мукофотининг иккинчи (ёки учинчи) траншини олиш учун ташкилий қўмита томонидан тасдиқланган муҳим самарадорлик кўрсаткичларини бажариши лозим.
(36-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
37. Мазкур Низом шартларини бажармаган ёки бузган, шунингдек, муҳим самарадорлик кўрсаткичларини бажармаган танловнинг «инкубация» йўналиши ғолибларига пул мукофотининг қолган транши тўланмайди.
(37-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
38. Муҳим самарадорлик кўрсаткичларини бир йил давомида тўлиқ бажармаган жамоаларга тўланмаган пул мукофоти Рақамли технологияларни ривожлантириш жамғармасига қайтариб берилади.
(38-банд Ўзбекистон Республикаси Вазирлар Маҳкамасининг 2023 йил 28 декабрдаги 688-сонли қарори таҳририда — Қонунчилик маълумотлари миллий базаси, 29.12.2023 й., 09/23/688/0996-сон)
8-боб. Якунловчи қоидалар
39. Танловнинг шаффофлиги ва очиқлигини таъминлаш мақсадида тақдимот ташкилотчилар томонидан ижтимоий тармоқларда ҳамда махсус дастурий таъминотлардан фойдаланган ҳолда жонли онлайн эфирга узатилиши мумкин.
Олдинги таҳрирга қаранг.
Бунда барча тақдимотлар видеотасвирга олиш мосламалари ҳамда махсус дастурий таъминотлардан фойдаланган ҳолда видеотасвирга олинади ва мазкур видеотасвирлар икки йил давомида сақланади
(39-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан иккинчи хатбоши билан тўлдирилган — Қонунчилик маълумотлари миллий базаси, 08.06.2026 й., 09/26/288/0570-сон)
40. Танловнинг ёпилиш тадбири тантанали равишда ташкилий қўмита томонидан амалга оширилади.
41. Танлов натижалари юзасидан иштирокчи жамоалар қонунчилик ҳужжатларида белгиланган тартибда мурожаат юборишга ҳақли.
LexUZ шарҳиҚаранг: Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни.
Олдинги таҳрирга қаранг.
42. Танлов натижалари суд қарори асосида бекор қилинган ёки танловда коррупция омиллари аниқланганини исботловчи ҳолатлар мавжуд бўлганда, тегишли йўналишнинг танлов натижалари бекор қилинади.
(42-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
43. Масъул ташкилот, унинг раҳбарлари ва ходимлари ҳамда масъул ташкилот томонидан танлов жараёнига жалб қилинган шахсларга алоқадор (аффилланган) шахсларнинг танловда иштирок этиши тақиқланади.
44. Танловни ташкил қилиш ва ўтказишга жалб қилинган барча шахслар танлов билан боғлиқ маълумотларни ошкор қилишлари тақиқланади. Бунда:
танловни ташкил қилиш ва ўтказишда юзага келган низоли ҳолатларда танлов билан боғлиқ маълумотлар Ташкилий қўмита билан келишилган ҳолда учинчи шахсларга ошкор қилиниши мумкин.
танлов билан боғлиқ маълумотларни Ташкилий қўмита билан келишилмаган ҳолда ошкор қилган шахслар ушбу хатти-ҳаракатлар натижасида кўрилган зарар бўйича қонунчиликда белгиланган тартибда жавобгар бўладилар.
(43 ва 44-бандлар Ўзбекистон Республикаси Вазирлар Маҳкамасининг 2026 йил 5 июндаги 288-сонли қарорига асосан киритилган — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
45. Ушбу Низом талабларига амал қилмаган ва унинг талабларини бузган айбдор шахслар қонунчилик ҳужжатларига мувофиқ жавоб берадилар.
(45-банд Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
Ўзбекистон Республикаси Президентининг соврини учун «Рақамли технологиялар йўналишида энг яхши стартап» танловини ўтказиш тартиби тўғрисидаги низомга
1-ИЛОВА
1-ИЛОВА
Ўзбекистон Республикаси Президентининг соврини учун «Рақамли технологиялар йўналишида энг яхши стартап» танловини ташкил этиш
СХЕМАСИ
Босқичлар | Субъектлар | Чора-тадбирлар | Бажариш муддатлари | |||
1-босқич | Ташкилий қўмита | Танловни эълон қилади ва аризаларни қабул қилишни бошлайди. | Ҳар йили 15 майга қадар | |||
2-босқич | Ариза берувчилар | Низомга 2-иловада келтирилган шаклга мувофиқ ариза ва унга илова қилинган материалларни портал орқали топширади. Танловда иштирок этиш учун жамоаларнинг аъзолари порталда «Электрон ҳукумат» тизими фойдаланувчиларини идентификациялашнинг ягона ахборот тизими (OneID) орқали рўйхатдан ўтади. | Ҳар йили 15 июнга қадар | |||
3-босқич | «Дастурий маҳсулотлар ва ахборот технологиялари технологик парки дирекцияси» МЧЖ (ишчи орган) | 1. Портал орқали келиб тушган ариза ва унга илова қилинган материалларнинг тўлиқлигини кўриб чиқади ҳамда Низом талабларига мослигини текширади. Бунда ариза берувчиларнинг кейинги босқичга ўтгани (ўтмагани) ҳақида электрон почта манзилига хабар юборади ҳамда кейинги босқичга ўтган жамоаларга «иштирокчи» мақомини берилади. | Ҳар йили 30 июнга қадар | |||
Иштирокчи жамоалар | 2. Ўзлари ишлаб чиққан лойиҳаларни такомиллаштиради ва порталга қайтадан жойлаштириши мумкин. Кечикиб тақдим этилган лойиҳалар кўриб чиқилмайди. | |||||
4-босқич | «Энг яхши стартап» йўналиши бўйича иштирокчи жамоалар | 1. Лойиҳалари бўйича масъул ташкилотда тақдимот ўтказади. «Энг яхши стартап» йўналишидаги иштирокчилар «буткэмп»да иштирок этиб, менторлар иштирокида ўз лойиҳаларини такомиллаштиради ва рейтинг натижасида ҳар бир соҳа бўйича 5 тадан 10 тагача финалистлар аниқланади. | Ҳар йили ўтказиладиган Ахборот-коммуникация технологиялари ҳафталиги доирасида | |||
Масъул ташкилот Ташкилий қўмита, ишчи орган, масъул ташкилот | 2. Лойиҳалар тақдимоти бир ёки бир неча кун бўлиши мумкин ва унинг якуни бўйича «Энг яхши стартап» йўналишида муваффақиятли иштирок этган жамоаларга танлов ғолиби мақомини беради ва тақдирлаш маросимини ўтказади. 3. «Инкубация» ва «акселерация» йўналишлари бўйича иштирокчи жамоалар учун экспертлар иштирокида маслаҳатлар ва ўқув сессияларини ташкил этади. | Ҳар йили 25 ноябрга қадар | ||||
5-босқич | Масъул ташкилот, «инкубация» ва «акселерация» йўналишлари бўйича иштирокчи жамоалар | 1. Ўзларининг лойиҳаларини масъул ташкилотда тақдимот ўтказадилар ва ҳимоя қиладилар. 2. Тасдиқланган баҳолаш мезонлари асосида жамоалар саралаб олади. 3. Саралаб олинган 40 та иштирокчи жамоа танловнинг «инкубация» ва «акселерация» йўналишлари бўйича танлов ғолиби мақоми берилади ва уларга мазкур Низом талабларига мувофиқ мукофот совринлари ажратилади. | Ҳар йили 25 декабрга қадар | |||
(1-илованинг матни Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
Ўзбекистон Республикаси Президентининг соврини учун «Рақамли технологиялар йўналишида энг яхши стартап» танловини ўтказиш тартиби тўғрисидаги низомга
2-ИЛОВА
2-ИЛОВА
Ўзбекистон Республикаси Президентининг соврини учун «Рақамли технологиялар йўналишида энг яхши стартап» танловида қатнашиш учун топшириладиган ариза
ШАКЛИ
«Энг яхши стартап» йўналиши |
1. Жамоа ҳақида маълумот |
1. Жамоа аъзоларининг Ф.И.О. |
2. Жамоа аъзоларининг жисмоний шахснинг шахсий идентификация рақами (ЖШШИР) |
3. Барча жамоа аъзоларининг телефон рақами ва электрон почта манзили |
4. Барча жамоа аъзоларининг вазифалари: Frontend дастурчи Backend дастурчи Data муҳандис AI муҳандис Мобил дастурчи Devops дастурчи Product менежер Web дастурчи Синовчи Дизайнер Бошқа |
5. Жамоа иштирок этаётган ҳудуд/вилоят |
6. Жамоа аъзоларининг иш/ўқиш жойи |
2. Лойиҳа ҳақида маълумот |
1. Лойиҳа соҳаси: Молиявий технологиялар (FinTech) Сунъий интеллектга асосланган технологиялар (AI) Корхоналар учун мослашган рақамли технологиялар (Enterprise) Креатив индустрия ва реклама технологиялари (Creative Industry & AdTech) Давлат бошқарувида қўлланадиган рақамли технологиялар (GovTech) Компьютер ва мобил ўйин дастурлари Таълим жараёнида қўлланадиган рақамли ва инновацион технологиялар (EdTech) Логистика, транспорт ва ҳаракатланиш тизимларини ривожлантиришга қаратилган технологик ечимлар (Logistics & Mobility) Соғлиқни сақлаш соҳасида технологик ечимлар (HealthTech) Илмий-тадқиқот натижаларига асосланган юқори технологик ечимлар (DeepTech) |
2. Лойиҳа номи |
3. Лойиҳа тавсифи |
4. Ривожланиш босқичи |
5. Олдинги ҳисобот даври учун умумий даромад |
6. Мазкур йилнинг биринчи чораги учун даромад |
7. Лойиҳани тавсифловчи видеолавҳага ҳавола (3 дақиқагача бўлган) |
8. Лойиҳанинг GitHub платформасидаги ҳавола |
9. Лойиҳа тақдимоти (PDF) |
10. Логотип (.svg/.png) |
«Инкубация» йўналиши |
1. Жамоа ҳақида маълумот |
1. Жамоа аъзоларининг Ф.И.О. |
2. Жамоа аъзоларининг жисмоний шахснинг шахсий идентификация рақами (ЖШШИР) |
3. Барча жамоа аъзоларининг телефон рақами ва электрон почта манзили |
4. Барча жамоа аъзоларининг вазифалари: Frontend дастурчи Backend дастурчи Data муҳандис AI муҳандис Мобил дастурчи Devops дастурчи Product менежер Web дастурчи Синовчи Дизайнер Бошқа |
5. Жамоа иштирок этаётган ҳудуд/вилоят |
6. Жамоа аъзоларининг иш/ўқиш жойи |
2. Лойиҳа ҳақида маълумот |
1. Лойиҳа номи |
2. Ривожланиш босқичи |
3. Лойиҳа соҳаси |
4. Лойиҳа тавсифи |
5. Минимал ишлайдиган маҳсулот (MVP) |
6. Лойиҳани тавсифловчи видеолавҳага ҳавола (3 дақиқагача бўлган) |
7. Лойиҳанинг GitHub платформасидаги ҳавола |
8. Лойиҳа тақдимоти (PDF) |
9. Логотип (.svg/.png) |
«Акселерация» йўналиши |
1. Жамоа ҳақида маълумот |
1. Жамоа аъзоларининг Ф.И.О. |
2. Жамоа аъзоларининг жисмоний шахснинг шахсий идентификация рақами (ЖШШИР) |
3. Барча жамоа аъзоларининг телефон рақами ва электрон почта манзили |
4. Барча жамоа аъзоларининг вазифалари: Frontend дастурчи Backend дастурчи Data муҳандис AI муҳандис Мобил дастурчи Devops дастурчи Product менежер Web дастурчи Синовчи Дизайнер Бошқа |
5. Жамоа иштирок этаётган ҳудуд/вилоят |
6. Жамоа аъзоларининг иш/ўқиш жойи |
2. Лойиҳа ҳақида маълумот |
1. Лойиҳа номи |
2. Ривожланиш босқичи |
3. Лойиҳа соҳаси |
4. Лойиҳа тавсифи |
5. Олдинги ҳисобот даври учун умумий даромад |
6. Мазкур йилнинг биринчи чораги учун даромад |
7. Лойиҳани тавсифловчи видеолавҳага ҳавола (3 дақиқагача бўлган) |
8. Лойиҳанинг GitHub платформасидаги ҳавола |
9. Лойиҳа тақдимоти (PDF) |
10. Логотип (.svg/.png) |
(2-илованинг матни Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
Олдинги таҳрирга қаранг.
Вазирлар Маҳкамасининг 2023 йил 15 февралдаги 66-сон қарорига
2-ИЛОВА
2-ИЛОВА
Ўзбекистон Республикаси Президентининг соврини учун «Рақамли технологиялар йўналишида энг яхши стартап» (President Tech Award) танловини ўтказиш бўйича ташкилий қўмита таркиби
Олдинги таҳрирга қаранг.
1. | Ш.Х. Шерматов | — | рақамли технологиялар вазири, ташкилий қўмита раиси |
2. | О.А. Пекось | — | рақамли технологиялар вазирининг биринчи ўринбосари; |
3. | А.З. Саъдуллаев | — | Ёшлар ишлари агентлиги директори, ташкилий қўмита раиси ўринбосари |
4. | Лавозими бўйича | — | Ўзбекистон Республикаси Президенти Администрацияси масъул ходими (келишувга асосан) |
5. | Д.А. Ваҳобов | — | Ўзбекистон Савдо-саноат палатаси раиси |
6. | С.Б. Раджабов | — | олий таълим, фан ва инновациялар вазирининг биринчи ўринбосари |
7. | А.Ш. Бобоев | — | соғлиқни сақлаш вазирининг биринчи ўринбосари |
8. | О.Н. Мирзаев | — | «Киберхавфсизлик маркази» ДУК директори |
9. | К.Н. Ирисбекова | — | АТ «Алоқабанк» бошқаруви раиси |
10. | А.О. Караматов | — | «Дастурий маҳсулотлар ва ахборот технологиялари технологик парки дирекцияси» МЧЖ бош директори, Ташкилий қўмита котиби |
Изоҳлар.
Ташкилий қўмита аъзолари бошқа ишга ўтган тақдирда, унинг таркибига мазкур лавозимларга янги тайинланган ёки тегишли функцияларни бажариш зиммасига юкланган шахслар киритилади.
Заруратга кўра Ташкилий қўмита таркибига хорижий экспертлар, бошқа вазирлик ва идоралар мутахассислари ҳамда жамоатчилик назорати субъектлари жалб этилиши мумкин.
(2-илова Ўзбекистон Республикаси Вазирлар Маҳкамасининг 2026 йил 5 июндаги 288-сонли қарори таҳририда — Қонунчилик маълумотлари миллий базаси, 08.06.2026 й., 09/26/288/0570-сон)
(Қонунчилик маълумотлари миллий базаси, 16.02.2023 й., 09/23/66/0090-сон; 29.12.2023 й., 09/23/688/0996-сон; 10.05.2024 й., 09/24/272/0337-сон; 08.06.2026 й., 09/26/288/0570-сон)
