Ўзбекистон Республикаси Молия вазирининг

буйруғи

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомни тасдиқлаш ҳақида

[Ўзбекистон Республикаси Адлия вазирлиги томонидан 2021 йил 7 майда рўйхатдан ўтказилди, рўйхат рақами 3299]

Ўзбекистон Республикасининг Бюджет кодекси, «Давлат ҳокимияти ва бошқаруви органлари фаолиятининг очиқлиги тўғрисида»ги, «2021 йил учун Ўзбекистон Республикасининг Давлат бюджети тўғрисида»ги қонунлари, Ўзбекистон Республикаси Президентининг 2021 йил 3 февралдаги ПФ-6155-сон «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида»ги Фармони ҳамда 2020 йил 30 декабрдаги ПҚ-4938-сон «Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига мувофиқ буюраман:

1. Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисида низом иловага мувофиқ тасдиқлансин.

2. Мазкур буйруқ расмий эълон қилинган кундан эътиборан кучга киради.

Вазир Т. ИШМЕТОВ

Тошкент ш.,

2021 йил 27 апрель,

26-сон

Келишилди:

Коррупцияга қарши курашиш агентлиги директори А. БУРХАНОВ

2021 йил 14 апрель

Ҳисоб палатаси раисининг биринчи ўринбосари Б. ТУРАБОВ

2021 йил 24 апрель

Ўзбекистон Республикаси молия вазирининг 2021 йил 27 апрелдаги 26-сон буйруғига
ИЛОВА

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисида

НИЗОМ

Мазкур Низом Ўзбекистон Республикасининг Бюджет кодекси, «Давлат ҳокимияти ва бошқаруви органлари фаолиятининг очиқлиги тўғрисида»ги, «2021 йил учун Ўзбекистон Республикасининг Давлат бюджети тўғрисида»ги қонунлари, Ўзбекистон Республикаси Президентининг 2021 йил 3 февралдаги ПФ-6155-сон «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида»ги Фармони ҳамда 2020 йил 30 декабрдаги ПҚ-4938-сон «Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига мувофиқ биринчи даражали бюджет маблағларини тақсимловчилар, иккинчи даражали бюджет маблағларини тақсимловчилар, ҳудудий бюджет маблағларини тақсимловчилар, давлат мақсадли жамғармалари ҳамда Ўзбекистон Республикаси Тикланиш ва тараққиёт жамғармасининг расмий веб-сайтида бюджет жараёнининг очиқлигини таъминлаш бўйича маълумотларни жойлаштириш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалардан фойдаланилади:

расмий веб-сайт — Интернет бутунжаҳон ахборот тармоғидаги тегишли ташкилотга ёки бўйсунув тартибида юқори турувчи органга тегишли бўлган ва уларнинг фаолияти тўғрисидаги ахборотни ўз ичига олган расмий веб-сайт сифатида идентификация қилинадиган, ҳамма фойдаланиши мумкин бўлган ресурсдир;

бюджет тўғрисидаги қонунчилик ҳужжатларига мувофиқ очиқ маълумотлар (бундан буён матнда очиқ маълумотлар деб юритилади) — Ўзбекистон Республикаси Бюджет кодексининг 166¹-моддасига ва «2021 йил учун Ўзбекистон Республикасининг давлат бюджети тўғрисида» Қонунининг 14-моддасига мувофиқ расмий веб-сайтларда эълон қилинадиган, шунингдек бюджет ташкилотларининг бюджетдан ташқари жамғармаларининг даромад ва харажатлари, давлат субсидия ва грантларининг миқдорлари ва олувчилари ҳақида маълумотлар;

бюджет ташкилотларининг бюджетдан ташқари жамғармалари — қонунчилик ҳужжатларида назарда тутилган манбалар ҳисобидан бюджет ташкилоти тасарруфига келиб тушадиган маблағлар;

машинада ўқиладиган формат — маълумотларни дастурий қайта ишланишини таъминловчи, ушбу маълумотларни тақдим этишнинг электрон формати;

очиқ маълумотларни етказиб берувчи (бундан буён матнда етказиб берувчи деб юритилади) — бюджет жараёнининг очиқлигини таъминлаш мақсадида расмий веб-сайтларда маълумотларни жойлаштирувчи биринчи даражали бюджет маблағларини тақсимловчилар, иккинчи даражали бюджет маблағларини тақсимловчилар, ҳудудий бюджет маблағларини тақсимловчилар, давлат мақсадли жамғармалари маблағларини тасарруф этувчилар, Ўзбекистон Республикаси Тикланиш ва тараққиёт жамғармасининг ижро этувчи дирекцияси.

2. Бюджет жараёнининг очиқлигини таъминлаш мақсадида расмий веб-сайтларда жойлаштириладиган маълумотлар қуйидаги талабларга жавоб бериши керак:

маълумотларни қонуний талаблардан келиб чиққан ҳолда очиқ, бепул ва машинада ўқиладиган форматларда эълон қилиш ҳамда улардан эркин фойдаланишни таъминлаш;

шахсга доир маълумотларнинг тарқатилмаслигини ёки ошкор қилинмаслигини таъминлаш;

давлат сирини ёки қонун билан муҳофаза қилинадиган бошқа сирни ўз ичига олган маълумотларни, шунингдек, махфий ахборотни ошкор қилмаслик;

нотўғри маълумотларни ўз ичига олмаслик.

2-боб. Очиқ маълумотларнинг ахборот мазмуни ва жойлаштириш муддатлари

3. Етказиб берувчилар ҳар чорак якунлари бўйича кейинги чорак биринчи ойининг 25-санасига қадар ўзининг расмий веб-сайтларига:

а) ўз тасарруфидаги бюджет ташкилотлари кесимида маблағлар тақсимоти тўғрисида маълумот мазкур Низомнинг 1-иловасига мувофиқ шаклда;

б) қонунчилик ҳужжатларига мувофиқ қуйидаги шакллардаги даврий молиявий ҳисоботлар:

баланс;

харажатлар сметасининг ижроси ҳақидаги ҳисобот;

бюджет ташкилотларининг бюджетдан ташқари жамғармалари бўйича пул маблағлари ҳаракати тўғрисидаги ҳисобот;

Ўзбекистон Республикаси Давлат бюджети ва бюджет ташкилотларининг бюджетдан ташқари маблағлари ҳисобидан мавжуд дебиторлик ва кредиторлик қарзлари тўғрисидаги маълумот;

давлат мақсадли жамғармаларининг ҳамда Ўзбекистон Республикаси Тикланиш ва тараққиёт жамғармасининг даромадлари ҳамда харажатлари ижроси ҳақидаги маълумотлар;

бюджет ташкилотларининг тармоқ, штатлар ва контингентлар режаларининг бажарилиши тўғрисидаги ҳисоботлар;

в) капитал қўйилмалар ҳисобидан амалга оширилаётган лойиҳаларнинг ижроси тўғрисидаги маълумотлар мазкур Низомнинг 2-иловасига мувофиқ шаклда;

г) ўтказилган танловлар (тендерлар) ва амалга оширилган давлат харидлари тўғрисидаги маълумотларни мазкур Низомнинг 3-иловасига, асосий воситаларни харид қилиш учун ўтказилган танловлар (тендерлар) ва амалга оширилган давлат харидлари тўғрисидаги маълумотлар мазкур Низомнинг 4-иловасига, кам баҳоли ва тез эскирувчи буюмларни харид қилиш учун ўтказилган танловлар (тендерлар) ва амалга оширилган давлат харидлари тўғрисидаги маълумотлар мазкур Низомнинг 5-иловасига ҳамда қурилиш, реконструкция қилиш ва таъмирлаш ишлари бўйича ўтказилган танловлар (тендерлар) тўғрисидаги маълумотлар мазкур Низомнинг 6-иловасига мувофиқ шаклларда жойлаштирилади.

Олдинги таҳрирга қаранг.

Ўзбекистон Республикаси Иқтисодиёт ва молия вазирлиги «Очиқ бюджет» ахборот порталида бюджет ташкилотларининг харажатлари ижроси, бюджетдан ташқари маблағлар тушуми ва харажатлари ҳамда давлат харидлари юзасидан маълумотларни тизимлаштирилган ҳолда туман (шаҳар)лар кесимида жойлаштириб боради.

(3-банднинг ўн иккинчи хатбошиси Ўзбекистон Республикаси иқтисодиёт ва молия вазирининг 2023 йил 6 июлдаги 51-сонли буйруғи (рўйхат рақами 3450, 31.07.2023 й.) таҳририда — Қонунчилик маълумотлари миллий базаси, 01.08.2023 й., 10/23/3450/0546-сон)

Олдинги таҳрирга қаранг.

4. Ўзбекистон Республикаси Иқтисодиёт ва молия вазирлиги ҳамда тегишли биринчи даражали бюджет маблағларини тақсимловчилар Ўзбекистон Республикасининг Давлат бюджетидан молиялаштириладиган ижтимоий ва ишлаб чиқариш инфратузилмасини ривожлантириш дастурларининг ижро этилиши тўғрисидаги маълумотларни ўзларининг расмий веб-сайтларига ҳар чорак якунларига кўра, чоракдан кейинги ойнинг 25-санасидан кечиктирмай жойлаштириб боради.

(4-банднинг биринчи хатбошиси Ўзбекистон Республикаси иқтисодиёт ва молия вазирининг 2023 йил 6 июлдаги 51-сонли буйруғи (рўйхат рақами 3450, 31.07.2023 й.) таҳририда — Қонунчилик маълумотлари миллий базаси, 01.08.2023 й., 10/23/3450/0546-сон)

Олдинги таҳрирга қаранг.

Бунда маълумотлар Ўзбекистон Республикаси Иқтисодиёт ва молия вазирлиги томонидан мазкур Низомнинг 7-иловасига мувофиқ шаклда ва биринчи даражали бюджет маблағларини тақсимловчилар томонидан мазкур Низомнинг 8-иловасига мувофиқ шаклда ўзларининг расмий веб-сайтларига жойлаштиради.

(4-банднинг иккинчи хатбошиси Ўзбекистон Республикаси иқтисодиёт ва молия вазирининг 2023 йил 6 июлдаги 51-сонли буйруғи (рўйхат рақами 3450, 31.07.2023 й.) таҳририда — Қонунчилик маълумотлари миллий базаси, 01.08.2023 й., 10/23/3450/0546-сон)

Олдинги таҳрирга қаранг.

5. Ўзбекистон Республикаси Солиқ қўмитаси ҳамда Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси солиқ ва божхона имтиёзлари рўйхатини мазкур Низомнинг 9 ва 10-иловаларига мувофиқ шаклда, шунингдек тадбиркорлик субъектларига тақдим этилган солиқ ва божхона имтиёзларининг миқдори тўғрисидаги маълумотларни мазкур Низомнинг 11 ва 12-иловаларига мувофиқ шаклда ўзларининг расмий веб-сайтларига ҳар чоракда чоракдан кейинги ойнинг 25-санасидан, йиллик ҳисоботларни йил якунлари бўйича кейинги йилнинг 1 апрелидан кечиктирмай жойлаштириб боради.

(5-банд Ўзбекистон Республикаси иқтисодиёт ва молия вазирининг 2026 йил 10 мартдаги 339-сонли буйруғи (рўйхат рақами 3299-2, 19.03.2026 й.) таҳририда — Қонунчилик маълумотлари миллий базаси, 19.03.2026 й., 10/26/3299-2/0263-сон)

6. Давлат молиявий назорати органлари молия йилининг биринчи ойида молия йили учун иш режалари тўғрисидаги маълумотларни, ҳар чорак якунларига кўра эса назорат тадбирлари натижалари бўйича аниқланган молиявий ҳуқуқбузарликлар ва ижобий натижалар ҳақидаги маълумотларни чоракдан кейинги ойнинг 25-санасидан кечиктирмай ўз расмий веб-сайтларига мазкур Низомнинг 13-иловасига мувофиқ шаклда жойлаштириб боради.

7. Давлат мақсадли жамғармаларини тақсимловчи органлар мазкур Низомнинг 2-бандида белгиланган маълумотлар билан бирга давлат мақсадли жамғармаларидан субсидиялар ва кредит олувчилари тўғрисидаги маълумотларни мазкур Низомнинг 14-иловасига мувофиқ шакл бўйича ҳар чорак якунлари бўйича кейинги чорак биринчи ойининг 25-санасидан кечиктирмай ўзларининг расмий веб-сайтларида жойлаштириб боради.

8. Қорақалпоғистон Республикаси бюджетининг, вилоятлар ва Тошкент шаҳри маҳаллий бюджетларининг, туманлар ва шаҳарлар бюджетларининг қўшимча манбалари ҳисобидан харид қилинган товарлар ва хизматлар, қурилиш, реконструкция қилиш ва таъмирлаш ишлари олиб борилаётган объектлар рўйхати, шунингдек қурилиш-таъмирлаш ишларининг молиялаштирилиши тўғрисидаги маълумотлар мазкур Низомнинг 15-иловасига мувофиқ шаклда ҳар чорак якунларига кўра, кейинги чорак биринчи ойининг 10 санасига қадар тегишинча Қорақалпоғистон Республикаси Вазирлар Кенгаши, вилоятлар ва Тошкент шаҳар, туманлар ва шаҳарлар ҳокимликлари томонидан мажбурий тартибда ўз расмий веб-сайтларига жойлаштирилади.

Олдинги таҳрирга қаранг.

Қорақалпоғистон Республикаси Вазирлар Кенгаши, вилоятлар ва Тошкент шаҳар, туманлар ва шаҳарлар ҳокимликлари тегишли маҳаллий бюджетлар қўшимча маблағларидан фойдаланилишига доир қарорларни (фармойишларни) улар қабул қилинганидан сўнг уч иш куни ичида мажбурий тартибда ўз расмий веб-сайтларига ҳамда «Очиқ бюджет» ахборот порталига жойлаштиради.

(8-банд Ўзбекистон Республикаси иқтисодиёт ва молия вазирининг 2026 йил 10 мартдаги 339-сонли буйруғига (рўйхат рақами 3299-2, 19.03.2026 й.) асосан хатбоши билан тўлдирилган — Қонунчилик маълумотлари миллий базаси, 19.03.2026 й., 10/26/3299-2/0263-сон)

Олдинги таҳрирга қаранг.

8¹. Туман ва шаҳар ҳокимликлари ташаббусли бюджетлаштириш натижалари бўйича маълумотларни мазкур Низомнинг 16-иловасига мувофиқ шаклларда «Очиқ бюджет» ахборот портали ҳамда ўзларининг расмий веб-сайтларига ҳар чорак якунларига кўра, кейинги чорак биринчи ойининг 25-санасига қадар жойлаштириб боради.

(8¹-банд Ўзбекистон Республикаси молия вазирининг 2021 йил 28 декабрдаги 80-сонли буйруғига (рўйхат рақами 3299-1, 14.01.2021 й.) асосан киритилган — Қонунчилик маълумотлари миллий базаси, 14.01.2022 й., 10/22/3299-1/0028-сон)

Олдинги таҳрирга қаранг.

9. Ўзбекистон Республикаси Иқтисодиёт ва молия вазирлиги «Очиқ бюджет» ахборот порталига:

(9-банднинг биринчи хатбошиси Ўзбекистон Республикаси иқтисодиёт ва молия вазирининг 2023 йил 6 июлдаги 51-сонли буйруғи (рўйхат рақами 3450, 31.07.2023 й.) таҳририда — Қонунчилик маълумотлари миллий базаси, 01.08.2023 й., 10/23/3450/0546-сон)

бюджет ташкилотлари ва бюджет маблағлари олувчилари кесимида Ўзбекистон Республикаси Давлат бюджетидан ажратиладиган маблағлар ва уларнинг ижроси тўғрисидаги маълумотларни ҳисобот чорагининг якунларига кўра, ҳисобот чорагидан кейинги ойнинг 25 санасига қадар;

Олдинги таҳрирга қаранг.

жисмоний шахс томонидан муайян даврда тўланган даромад солиғи, мол-мулк солиғи ва ер солиғи тўғрисидаги маълумотни доимий равишда;

тўланган солиқлар эвазига Давлат бюджетидан амалга оширилган харажатлар тўғрисидаги маълумотларни (харажатлар йўналишлари кесимида) доимий равишда;

(9-банд Ўзбекистон Республикаси иқтисодиёт ва молия вазирининг 2026 йил 10 мартдаги 339-сонли буйруғига (рўйхат рақами 3299-2, 19.03.2026 й.) асосан учинчи ва тўртинчи хатбошилар билан тўлдирилган — Қонунчилик маълумотлари миллий базаси, 19.03.2026 й., 10/26/3299-2/0263-сон)

- давлат қарзининг ҳолати ва ўзгариши тўғрисидаги маълумотларни ҳар чоракда ҳисобот чорагидан кейинги иккинчи ойнинг 25 санасига қадар жойлаштириб боради.

10. Етказиб берувчиларнинг расмий веб-сайтларида «Бюджет тўғрисидаги қонунчилик ҳужжатларига мувофиқ очиқ маълумотлар» бўлими очилади ва очиқ маълумотлар ушбу бўлимга жойлаштириб борилади. Мазкур бўлимда жойлаштириб бориладиган маълумотлар давлат тилида тақдим этилиши зарур. Бўлим бошқа тиллардаги тенг қийматли ёки қисқартирилган версияларига эга бўлиши мумкин.

«Бюджет тўғрисидаги қонунчилик ҳужжатларига мувофиқ очиқ маълумотлар» бўлимига маълумотлар жойлаштирилганда, янгиланганда ёки ўзгартирилганда расмий веб-сайтнинг янгиликларда ёритиб бориладиган саҳифасида тегишли чорак бўйича маълумотлар жойланганлиги юзасидан хабар қолдирилиши керак.

11. Очиқ маълумотлар машинада ўқиладиган форматда (XLSX, CSV, XML, JSON, PDF) эълон қилиниши керак. CSV форматида ясси жадвал шаклига эга маълумотлар эълон қилиниши керак, бунда ёзув таркибида сатрни кўчириш символидан фойдаланишга йўл қўйилмайди. Мураккаб иерархияли маълумотларни XML форматида эълон қилиш зарур.

3-боб. Очиқ маълумотларни жойлаштириш тартиби

12. Етказиб берувчи қуйидагиларга:

расмий веб-сайтларнинг «Бюджет тўғрисидаги қонунчилик ҳужжатларига мувофиқ очиқ маълумотлар» бўлимида очиқ маълумотлар тўпламларини эълон қилиш масалалари бўйича масъул ходим ва унинг алоқа маълумотлари ўзининг расмий веб-сайтида эълон қилинишини таъминлашга;

ўзининг расмий веб-сайтида жойлаштириладиган очиқ маълумотларнинг тўлиқлиги, ишончлилиги ва долзарблигини таъминлашга;

ўзининг расмий веб-сайтида жойлаштириладиган очиқ маълумотларнинг асоссиз ўчириб ташламаслигига ва доимий сақланишига;

ўзининг расмий веб-сайтини янгилаганда, олдинги даврда жойлаштирилган очиқ маълумотларни янгиланган расмий веб-сайтда тўлиқ ҳажмда ўтказилишига;

қонунчилик ҳужжатларида белгиланган муддатларда очиқ маълумотларни даврий янгилаб борилишини таъминлашга мажбур.

13. Туман ва шаҳар ҳокимликларининг расмий веб-сайтлари мавжуд бўлмаган ҳолларда мазкур Низомнинг 2 ва 7-бандларида белгиланган маълумотларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари расмий веб-сайтларида жойлаштиради. Бунда очиқ маълумотларнинг тўлиқлиги, ишончлилиги, долзарблиги ва ўз вақтида жойлаштирилиши юзасидан жавобгарлик тегишлилиги бўйича Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига юклатилади.

14. Ҳудудий бюджет маблағларини тақсимловчиларнинг расмий веб-сайтлари мавжуд бўлмаган ҳолларда мазкур Низомнинг 2 ва 7-бандларида белгиланган маълумотларни тегишинча Қорақалпоғистон Республикаси Вазирлар Кенгаши, вилоятлар, Тошкент шаҳар, туман ва шаҳарлар ҳокимликлари расмий веб-сайтларида жойлаштиради.

4-боб. Якунловчи қоидалар

15. Мазкур Низом талабларини бузганликда айбдор шахслар қонунчилик ҳужжатларида белгиланган тартибда жавобгар бўлади.

16. Мазкур Низом Ўзбекистон Республикаси Ҳисоб палатаси ва Коррупцияга қарши курашиш агентлиги билан келишилган.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
1-ИЛОВА

20____ йилда ____________________ бюджетдан ажратилган маблағларнинг чегараланган миқдорининг ўз тасарруфидаги бюджет ташкилотлари кесимида тақсимоти тўғрисида

МАЪЛУМОТ

Т/р	Ўз тасарруфидаги бюджет ташкилотларининг номланиши	Ҳисобот даври мобайнида бюджетдан ажратилаётган маблағлар суммаси
		жами	шундан:
		жами	иш ҳақи ва унга тенглаштирувчи тўловлар миқдори	ягона ижтимоий солиқ	бошқа жорий харажатлар	объектларни лойиҳалаштириш, қуриш, (реконструкция қилиш) ва таъмирлаш ишлари учун капитал қўйилмалар
1.
2.
3.
...
Жами		0	0		0	0

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
2-ИЛОВА

20____ йилда ____________________ капитал қўйилмалар ҳисобидан амалга оширилаётган лойиҳаларнинг ижроси тўғрисидаги

МАЪЛУМОТЛАР

Т/р	Буюртмачи	Лойиҳанинг номланиши	Лойиҳа қуввати	Лойиҳани амалга ошириш даври	Пудратчи тўғрисида маълумотлар		Лойиҳани амалга ошириш қиймати (минг сўм)	шундан ўзлаштирилган маблағлар (минг сўм)	Лойиҳани молиялаш-тириш манбаси (бюджет/ бюджетдан ташқари маблағлар)
Т/р	Буюртмачи	Лойиҳанинг номланиши	Лойиҳа қуввати	Лойиҳани амалга ошириш даври	Пудратчи номи	Корхона СТИРи	Лойиҳани амалга ошириш қиймати (минг сўм)	шундан ўзлаштирилган маблағлар (минг сўм)
1.
2.
3.
4.

* Изоҳ: Молиялаштириш манбаси аниқ кўрсатилади. Молиялаштириш манбалари: Ўзбекистон Республикасининг Давлат бюджети, Давлат мақсадли жамғарма маблағлари, Ўзбекистон Республикаси Давлат бюджети таркибидаги бюджетларнинг қўшимча манбалари, бюджет ташкилотларининг бюджетдан ташқари жамғармалари маблағлари

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
3-ИЛОВА

20____ йилда ____________________ томонидан ўтказилган танловлар (тендерлар) ва амалга оширилган давлат харидлари тўғрисидаги

МАЪЛУМОТЛАР

Т/р	Ҳисобот даври	Йўналишлари	Товар (иш ва хизмат)лар харид қилиш учун тузилган шартномалар		Молиялаштириш манбаси*
Т/р	Ҳисобот даври	Йўналишлари	сони	суммаси	Молиялаштириш манбаси*
1.	1-чорак	асосий воситалар харид қилиш
		кам баҳоли ва тез эскирувчи буюмлар харид қилиш
		қурилиш, реконструкция қилиш ва таъмирлаш
		сақлаш харажатлари билан боғлиқ харидлар
2.	2-чорак	асосий воситалар харид қилиш
		кам баҳоли ва тез эскирувчи буюмлар харид қилиш
		қурилиш, реконструкция қилиш ва таъмирлаш
		сақлаш харажатлари билан боғлиқ харидлар
3.	3-чорак	асосий воситалар харид қилиш
		кам баҳоли ва тез эскирувчи буюмлар харид қилиш
		қурилиш, реконструкция қилиш ва таъмирлаш
		сақлаш харажатлари билан боғлиқ харидлар
4.	4-чорак	асосий воситалар харид қилиш
		кам баҳоли ва тез эскирувчи буюмлар харид қилиш
		қурилиш, реконструкция қилиш ва таъмирлаш
		сақлаш харажатлари билан боғлиқ харидлар

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
4-ИЛОВА

20____ йилда ____________________ томонидан асосий воситалар харид қилиш учун ўтказилган танловлар (тендерлар) ва амалга оширилган давлат харидлари тўғрисидаги

МАЪЛУМОТЛАР

Т/р	Ҳисобот даври	Харид қилинган товарлар ва хизматлар номи	Молиялаштириш манбаси*	Харид жараёнини амалга ошириш тури	Лот/шартнома рақами	Пудратчи тўғрисида маълумотлар		Харид қилинаётган товарлар (хизматлар) ўлчов бирлиги (имконият даражасида)	Харид қилинаётган товарлар (хизматлар) миқдори (ҳажми)	Битим (шартнома) бўйича товарлар (хизматлар) бир бирлиги нархи (тарифи)	Харид қилинган товарлар (хизматлар) жами миқдори (ҳажми) қиймати (минг сўм)
Т/р	Ҳисобот даври	Харид қилинган товарлар ва хизматлар номи	Молиялаштириш манбаси*	Харид жараёнини амалга ошириш тури	Лот/шартнома рақами	Пудратчи номи	Корхона СТИРи		Харид қилинаётган товарлар (хизматлар) миқдори (ҳажми)
1.
2.
3.
4.
5.
6.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
5-ИЛОВА

20____ йилда ____________________ томонидан кам баҳоли ва тез эскирувчи буюмлар харид қилиш учун ўтказилган танловлар (тендерлар) ва амалга оширилган давлат харидлари тўғрисидаги

МАЪЛУМОТЛАР

Т/р	Ҳисобот даври	Харид қилинган товарлар ва хизматлар номи	Молиялаштириш манбаси*	Харид жараёнини амалга ошириш тури	Лот/шартнома рақами	Пудратчи тўғрисида маълумотлар		Харид қилинаётган товарлар (хизматлар) ўлчов бирлиги (имконият даражасида)	Харид қилинаётган товарлар (хизматлар) миқдори (ҳажми)	Битим (шартнома) бўйича товарлар (хизматлар) бир бирлиги нархи (тарифи)	Харид қилинган товарлар (хизматлар) жами миқдори (ҳажми) қиймати (минг сўм)
Т/р	Ҳисобот даври	Харид қилинган товарлар ва хизматлар номи	Молиялаштириш манбаси*	Харид жараёнини амалга ошириш тури	Лот/шартнома рақами	Пудратчи номи	Корхона СТИРи		Харид қилинаётган товарлар (хизматлар) миқдори (ҳажми)
1.
2.
3.
4.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
6-ИЛОВА

20____ йилда ____________________ томонидан қурилиш, реконструкция қилиш ва таъмирлаш ишлари бўйича ўтказилган танловлар (тендерлар) тўғрисидаги

МАЪЛУМОТЛАР

Т/р	Ҳисобот даври	Тадбир номи	Молиялаштириш манбаси*	Харид жараёнини амалга ошириш тури	Пудратчи тўғрисида маълумотлар		Шартноманинг умумий қиймати (минг сўм)
Т/р	Ҳисобот даври	Тадбир номи	Молиялаштириш манбаси*	Харид жараёнини амалга ошириш тури	Пудратчи номи	Корхона СТИРи	Шартноманинг умумий қиймати (минг сўм)
1.
2.
3.
4.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
7-ИЛОВА

20____ йилда Ўзбекистон Республикасининг Давлат бюджетидан молиялаштириладиган ижтимоий ва ишлаб чиқариш инфратузилмасини ривожлантириш дастурларининг ижро этилиши тўғрисидаги

МАЪЛУМОТ

Т/р	Биринчи даражали бюджет маблағлари тақсимловчи номи*	Объект сони	Режалаштирилган маблағ		Молиялаштирил-ган маблағ (минг сўм)	Бажарилган ишлар ва харажатларнинг миқдори (минг сўм)	Ажратилган маблағнинг ўзлаштирилиши (%)
Т/р	Биринчи даражали бюджет маблағлари тақсимловчи номи*	Объект сони	Йил бошида учун тасдиқланган дастур асосида (минг сўм)	Йил давомида қўшимча ажратилган маблағлар асосида (минг сўм)	Молиялаштирил-ган маблағ (минг сўм)	Бажарилган ишлар ва харажатларнинг миқдори (минг сўм)	Ажратилган маблағнинг ўзлаштирилиши (%)
1.
2.
3.
4.
5.
6.

* Изоҳ: Давлат бюджети тўғрисидаги қонунда белгиланган биринчи даражали бюджет маблағлари тақсимловчилар бўйича тўлдирилади.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
8-ИЛОВА

МАЪЛУМОТ

Т/р	Объект номи ва манзили	Амалга ошириш муддати	Ўлчов бирлиги	Лойиҳа қуввати	Режалаштирилган маблағ		Молиялаш-тирилган маблағ (минг сўм)	Бажарилган ишлар ва харажатларнинг миқдори (минг сўм)	Ажратилган маблағнинг ўзлаш-тирилиши (%)	Дастурга киритиш учун асос
Т/р	Объект номи ва манзили	Амалга ошириш муддати	Ўлчов бирлиги	Лойиҳа қуввати	Йил бошида учун тасдиқланган дастур асосида (минг сўм)	Йил давомида қўшимча ажратилган маблағлар асосида (минг сўм)	Молиялаш-тирилган маблағ (минг сўм)	Бажарилган ишлар ва харажатларнинг миқдори (минг сўм)	Ажратилган маблағнинг ўзлаш-тирилиши (%)	Дастурга киритиш учун асос
I	Янги қурилиш


II	Реконструкция


III	Жиҳозлаш


IV	Кейинги йиллар лойиҳа қидирув ишлари учун


V	Кредитор қарздорликни қоплаш


VI	Мукаммал таъмирлаш

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
9-ИЛОВА

Тақдим этилган солиқ имтиёзлари

РЎЙХАТИ

______________ (ой) 20__ йил *

Т/р	Солиқ тури	Имтиёз номи	Ҳуқуқий ҳужжат тури	Ҳужжат рақами ва санаси	Имтиёзнинг амал қилиш муддати

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
10-ИЛОВА

Тақдим этилган солиқ имтиёзлари

РЎЙХАТИ

______________ (ой) 20__ йил *

Т/р	Ҳужжат тури	Ҳужжат рақами	Ҳужжат тасдиқланган сана	Ҳужжат номи	Ҳужжатнинг тузилмавий бирлиги	Кучга кириш санаси	Ҳужжатнинг амал қилиш муддати	Имтиёз тури			Имтиёз берилган соҳа номи
Т/р	Ҳужжат тури	Ҳужжат рақами	Ҳужжат тасдиқланган сана	Ҳужжат номи	Ҳужжатнинг тузилмавий бирлиги	Кучга кириш санаси	Ҳужжатнинг амал қилиш муддати	Божхона тўлови	Акциз солиғи	ҚҚС	Имтиёз берилган соҳа номи

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
11-ИЛОВА

20____ йилда Тадбиркорлик субъектларига тақдим этилган солиқ имтиёзлари тўғрисида

МАЪЛУМОТ

Т/р	Тадбиркорлик субъекти номи	СТИР	Жами имтиёз суммаси (минг сўм)
1.
2.
3.
4.
5.
6.
7.
8.
9.
10.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
12-ИЛОВА

20____ йилда Тадбиркорлик субъектларига тақдим этилган божхона имтиёзлари тўғрисида

МАЪЛУМОТ

Т/р	Тадбиркорлик субъекти номи	СТИР	Жами имтиёз суммаси (минг сўм)
1.
2.
3.
4.
5.
6.
7.
8.
9.
10.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
13-ИЛОВА

20____ йилда Ўзбекистон Республикасининг Давлат молиявий назорат органлари томонидан ўтказилган назорат тадбирлари юзасидаги

МАЪЛУМОТ

Р Е Ж А С И *

Т/р	Назорат тадбирлари мазмуни	Ўтказиш санаси	Объектлар номи

* Ҳар чорак якунлари бўйича ўтказилган назорат тадбирлари натижалари юзасидан вазирликлар ва ҳудудлар кесимида маълумот тақдим этилади.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
14-ИЛОВА

20____ йилда ____________________ Давлат мақсадли жамғармалардан ажратилган субсидиялар, кредитлар ҳамда тижорат банкларига жойлаштирилган депозитлар тўғрисидаги

МАЪЛУМОТЛАР

	Кредитлар бўйича:
Т/р	Кредит олувчилар номи	СТИР	Жойлашган ҳудуд (вилоят, туман (шаҳар)	Маблағ ажратилишидан кўзланган мақсад	Ажратилган маблағ (минг сўм)	Ажратилиши тартиби		Ажратилган кредит маблағларининг қайтарилиши
Т/р	Кредит олувчилар номи	СТИР	Жойлашган ҳудуд (вилоят, туман (шаҳар)	Маблағ ажратилишидан кўзланган мақсад	Ажратилган маблағ (минг сўм)	Фоиз ставкаси	Сўндирилиши муддати	Асосий қарз	Фоиз тўловлари	Жарима ва пенялар
1.
2.
3.
Жами		х	0	0	0	0	0	0	0	0

	Субсидиялар бўйича:
Т/р	Субсидия олувчилар номи	СТИР	Жойлашган ҳудуд (вилоят, туман (шаҳар)	Маблағ ажратилишидан кўзланган мақсад	Ажратилган маблағ (минг сўм)	Маблағ ажратилиши юзасидан асословчи ҳужжат номи ва санаси
1.
2.
3.
Жами		х	0	0	0	х


	Депозитлар бўйича
Т/р	Депозит жойлаштирилган банк номи	СТИР	Муддати	Фоизи	Жойлаштирилган маблағ (минг сўм)	Шартнома рақами ва санаси
1.
2.
3.
Жами			0	0	0	х

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
15-ИЛОВА

_____________________ қўшимча манбалари ҳисобидан харид қилинган товарлар ҳамда хизматлар, қурилиш, реконструкция қилиш ва таъмирлаш ишлари олиб борилаётган объектлар рўйхати, шунингдек қурилиш-таъмирлаш ишларининг молиялаштирилиши тўғрисида

МАЪЛУМОТ

______________ (ой) 20__ йил *

Т/Р	Қўшимча манба номи	Шаклланган қўшимча маблағ миқдори	Қўшимча манба ҳисобидан маблағ ажратилиши бўйича маҳаллий давлат органининг қарори		Маблағ ажратилган ташкилот	Маблағ ажратилишидан кўзланган мақсад*	Ажратилган маблағ миқдори (минг сўм)	Молиялаштирилган маблағ (минг сўм)	Амалга оширилган ишлар
Т/Р	Қўшимча манба номи	Шаклланган қўшимча маблағ миқдори	рақами	санаси	Маблағ ажратилган ташкилот	Маблағ ажратилишидан кўзланган мақсад*	Ажратилган маблағ миқдори (минг сўм)	Молиялаштирилган маблағ (минг сўм)	Амалга оширилган ишлар
1.
2.		х
3.		х
4.		х
5.		х

* Изоҳ: Маҳаллий давлат органининг қарорига асосан маблағ ажратилган мақсадига кўра бир нечта йўналишларга ёки ташкилотларга маблағ ажратилган ҳолларда ушбу мақсадлар ва ташкилотлар алоҳида қаторда акс эттирилади.

Олдинги таҳрирга қаранг.

Бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириш тартиби тўғрисидаги низомга
16-ИЛОВА

Ташаббусли бюджетлаштириш натижалари бўйича

МАЪЛУМОТ

____________________ туман (шаҳар)			____________ (ой) 20__ йил

			1-жадвал
Т/р	Кўрсаткич номи				Сумма (минг сўм)
1.	Йил бошига қолдиқ
2.	Фуқаролар ташаббуси жамғармасига ўтказилган маблағлар*
3.	Жамоатчилик фикри асосида шакллантирилган (ғолиб деб топилган) тадбирларни молиялаштириш учун йўналтирилган маблағлар**
3.1.	Тадбирларни амалга ошираётган пудратчи ташкилотларга бажарилган ишлар учун тўланган маблағлар
3.2.	Тадбирларни молиялаштиришга ажратилган, бироқ пудратчи ташкилотларга тўлаб берилмаган қолдиқ маблағлар
4.	Фуқаролар ташаббуси жамғармасидаги қолдиқ маблағлар

					2-жадвал
Т/р	Бажарилган тадбирлар номи	Молиялаштирилган таклифлар сони	кўрсаткичлар
Т/р	Бажарилган тадбирлар номи	Молиялаштирилган таклифлар сони	ўлчов бирлиги	миқдори	сарфланган маблағлар
1.	Ҳудудий ички йўллар		умумий узунлиги
2.	Умумтаълим мактабларини таъмирлаш ва жиҳозлаш		сони
3.	Мактабгача таълим муассасаларини таъмирлаш ва жиҳозлаш		сони
4.	Соғлиқни сақлаш муассасаларини таъмирлаш ва жиҳозлаш		сони
5.	Бошқа ижтимоий соҳа муассасаларини таъмирлаш ва жиҳозлаш		сони
6.	Ичимлик суви таъминотини яхшилаш		умумий узунлиги
7.	Кўча чироқларини ўрнатиш		чироқлар сони
8.	Ободонлаштириш ва кўкаламзорлаштириш		тадбирлар сони
9.	Бошқа тадбирлар		сони
жами			Х	Х

Изоҳ:

* Ушбу қаторда мазкур маълумотнинг 1-иловасидаги Фуқаролар ташаббуси жамғармасига ҳақиқатда ўтказилган маблағлар устунининг Жами ажратиладиган маблағлар қаторидаги маблағлар акс эттирилади.

** Ушбу қаторда мазкур маълумотнинг 2-иловасидаги Ажратилган маблағлар устунининг жами қаторидаги маблағлар акс эттирилади.

Ташаббусли бюджетлаштириш натижалари бўйича маълумотга
1-ИЛОВА

Фуқаролар ташаббуси жамғармаси маблағларини шакллантирилиши юзасидан

МАЪЛУМОТ

___________________туман (шаҳар)							____________ (ой) 20__ йил

Т/р	Фуқаролар ташаббуси жамғармаси маблағларини шакллантириш манбалари		Фуқаролар ташаббуси жамғармасига йўналтирилиши лозим бўлган маблағлар				Фуқаролар ташаббуси жамғармасига ҳақиқатда ўтказилган маблағлар	Фарқи	Изоҳ
Т/р			1-чорак	2-чорак	3-чорак	4-чорак		Фарқи	Изоҳ
1.	Туман (шаҳар) бюджетининг тасдиқланган умумий харажатларининг 5 фоиз қисми миқдорида ажратиладиган маблағлар
2.	Туман (шаҳар) бюджетининг қўшимча манбаларининг 30 фоизи миқдорида ажратиладиган маблағлар
2.1.	Шу жумладан	эркин қолдиқ маблағлари
2.2.		даромадларнинг ҳисобот чораклари якунлари бўйича аниқланадиган прогноздан ошириб бажарилган қисми
2.3.		давлат даромадига ўтказилган мол-мулкни реализация қилишдан тушган тушумлар
2.4.		электрон савдо майдончасида ер участкаларига бўлган ҳуқуқларни сотишдан тушган маблағлар
2.5.		бюджетдан ажратиладиган маблағлар камайтирилиши натижасида бўшаб қолган маблағлар
3.	Жами ажратиладиган маблағлар

Ташаббусли бюджетлаштириш натижалари бўйича маълумотга
2-ИЛОВА

Фуқаролар ташаббуси жамғармасидан жамоатчилик фикри асосида шакллантирилган (ғолиб деб топилган) тадбирларни молиялаштириш учун йўналтирилган маблағлар юзасидан

МАЪЛУМОТ

_____________________туман (шаҳар)

______________ (ой) 20__ йил

Т/р

Тадбирнинг хос рақами (ID)

Жами тўпланган овозлар сони

шундан

Тадбирнинг қисқача мазмуни (соҳаси)

Тадбирнинг молиялаштирилиши (минг сўм)

онлайн овозлар

офлайн овозлар

SMS орқали

Тадбирни молиялаштириш учун очилган ҳисобварақ

Тадбирнинг фуқаро томонидан киритилган дастлабки қиймати

Тадбирни амалга ошириш қиймати*

Ажратилган маблағлар

Бажарилган ишлар учун тўлаб берилган маблағлар

Қолдиқ маблағлар

Жами:

Изоҳ:

* Тадбирни амалга ошириш қиймати устунида лойиҳа-смета ҳужжатларига асосан пудратчи ташкилотлар билан тузилган шартномада тадбирни амалга ошириш учун назарда тутилган қиймат акс эттирилади.

(16-илова Ўзбекистон Республикаси молия вазирининг 2021 йил 28 декабрдаги 80-сонли буйруғига (рўйхат рақами 3299-1, 14.01.2021 й.) асосан киритилган — Қонунчилик маълумотлари миллий базаси, 14.01.2022 й., 10/22/3299-1/0028-сон)

(Қонун ҳужжатлари маълумотлари миллий базаси, 07.05.2021 й., 10/21/3299/0438-сон; Қонунчилик маълумотлари миллий базаси, 14.01.2022 й., 10/22/3299-1/0028-сон; 01.08.2023 й., 10/23/3450/0546-сон; 19.03.2026 й., 10/26/3299-2/0263-сон)