Ўзбекистон Республикаси Президентининг
Қарори
Ўзбекистон Республикаси Маданият вазирлиги фаолиятини такомиллаштириш чора-тадбирлари тўғрисида
Ўзбекистон Республикаси Президентининг 2020 йил 26 майдаги «Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида»ги ПФ-6000-сон Фармонига мувофиқ:
1. Ўзбекистон Республикаси Маданият вазирлиги (кейинги ўринларда — Маданият вазирлиги) фаолиятининг самарадорлигини ошириш мақсадида:
Олдинги таҳрирга қаранг.
«Ахборот ва компьютер технологиялари маркази» давлат муассасаси «Ёш ижодкорларни қўллаб-қувватлаш маркази» давлат муассасаси этиб қайта номлансин;
(1-банднинг иккинчи хатбошиси Ўзбекистон Республикаси Президентининг 2022 йил 2 февралдаги ПҚ-112-сонли қарори таҳририда — Қонунчилик маълумотлари миллий базаси, 03.02.2022 й., 07/22/112/0099-сон)
Маданият ва санъат кўргазмаси ҳамда Ёшлар маданият ва санъат маркази тугатилсин, уларнинг бюджетдан молиялаштириладиган штат бирликлари, балансида бўлган бинолар ҳамда бошқа моддий-техника воситалари Маданият вазирлигига ўтказилсин;
Олдинги таҳрирга қаранг.
Маданий мерос агентлиги (кейинги ўринларда — Агентлик) ва унинг барча ҳудудий бошқармалари тузилмасида тегишлича юридик шахс мақомига эга бўлмаган Бадиий экспертиза бошқармаси ҳамда бадиий экспертиза бўлимлари ташкил этилсин;
Маданият вазирлиги ҳузуридаги Бадиий экспертиза бошқармаси, унинг ҳудудий бўлимлари тугатилсин, уларнинг мавжуд штат бирликлари ҳамда мол-мулклари молиялаштиришнинг амалдаги тартибини сақлаб қолган ҳолда тегишлича Агентлик ҳамда унинг ҳудудий бошқармаларига, пул маблағлари эса — Агентликнинг бюджетдан ташқари Маданий мерос жамғармасига ўтказилсин;
Маданият вазирлиги ҳузуридаги «Маданий мерос таъмирлаш-тиклаш» давлат унитар корхонаси ҳамда Агентлик ҳузуридаги «Мерос чашмаси» давлат унитар корхонаси тугатилсин, уларга хўжалик юритиш, оператив бошқарув ва доимий фойдаланиш ҳуқуқи билан тегишли бўлган бинолар ҳамда бошқа моддий-техника воситалари белгиланган тартибда Маданий мерос илмий-тадқиқот институтига ўтказилсин;
(1-банднинг тўртинчи — олтинчи хатбошилари Ўзбекистон Республикаси Президентининг 2022 йил 15 январдаги ПФ-52-сонли Фармони таҳририда — Қонунчилик маълумотлари миллий базаси, 15.01.2022 й., 06/22/52/0029-сон)
Марказлаштирилган инвестициялар ҳисобига молиялаштириладиган объектларни қуриш, реконструкция қилиш, капитал ва жорий таъмирлаш бўйича буюртмачи хизматининг номи Маданият вазирлиги ҳузуридаги «Ягона буюртмачи хизмати» инжиниринг компанияси этиб қайта номлансин;
Олдинги таҳрирга қаранг.
«Гулистон» ва «Театр» журналлари таҳририятлари ягона таҳририятга бирлаштирилсин.
(1-банднинг саккизинчи хатбошиси Ўзбекистон Республикаси Президентининг 2022 йил 2 февралдаги ПҚ-112-сонли қарори таҳририда — Қонунчилик маълумотлари миллий базаси, 03.02.2022 й., 07/22/112/0099-сон)
2. Белгилаб қўйилсинки:
Олдинги таҳрирга қаранг.
Ўзбекистон Республикасининг «Маданий бойликларнинг олиб чиқилиши ва олиб кирилиши тўғрисида», «Маданий мерос объектларини муҳофаза қилиш ва улардан фойдаланиш тўғрисида», «Музейлар тўғрисида», «Археология мероси объектларини муҳофаза қилиш ва улардан фойдаланиш тўғрисида»ги қонунларида Маданият вазирлиги зиммасига юклатилган вазифа, функция ҳамда ваколатлар Агентлик ва унинг ҳудудий бошқармалари томонидан амалга оширилади;
Агентлик ва унинг ҳудудий бошқармалари фаолияти 2021 йил 1 январдан бошлаб Ўзбекистон Республикасининг Давлат бюджети ва қонун ҳужжатларида тақиқланмаган манбалар ҳисобидан молиялаштирилади.
(2-банднинг иккинчи ва учинчи хатбошилари Ўзбекистон Республикаси Президентининг 2022 йил 15 январдаги ПФ-52-сонли Фармони таҳририда — Қонунчилик маълумотлари миллий базаси, 15.01.2022 й., 06/22/52/0029-сон)
Олдинги таҳрирга қаранг.
(3-банднинг биринчи хатбошиси Ўзбекистон Республикаси Президентининг 2022 йил 15 январдаги ПФ-52-сонли Фармонига асосан чиқарилган — Қонунчилик маълумотлари миллий базаси, 15.01.2022 й., 06/22/52/0029-сон)
3. Моддий маданий мерос объектларига эгалик қилувчи ва улардан фойдаланувчи давлат органлари ва бошқа юридик шахслар раҳбарлари ҳамда жисмоний шахслар зиммасига моддий маданий мерос объектларини муҳофаза қилиш ҳамда улардан оқилона фойдаланишни таъминлаш бўйича шахсий жавобгарлик юклансин.
4. Белгилаб қўйилсинки:
Департамент ва унинг тегишли ҳудудий бошқармалари тегишинча тугатилаётган Бадиий экспертиза бошқармаси ва унинг ҳудудий бўлимларининг ҳуқуқлари ва мажбуриятлари бўйича вориси ҳисобланади;
Департамент ва унинг ҳудудий бошқармалари таркибидаги Бадиий экспертиза бошқармаси ва бадиий экспертиза бўлимлари бошлиқлари ўз лавозимига кўра тегишинча Департамент ва унинг ҳудудий бошқармалари бошлиқларининг ўринбосари ҳисобланади;
Департамент ва унинг ҳудудий бошқармалари таркибидаги Бадиий экспертиза бошқармаси ва бадиий экспертиза бўлимларининг штат бирликлари тугатилаётган Бадиий экспертиза бошқармаси ва унинг ҳудудий бўлимларининг штат бирликлари ҳамда Ўзбекистон Республикасининг Давлат бюджети ва қонун ҳужжатларида тақиқланмаган бошқа манбалар ҳисобидан молиялаштириладиган қўшимча штат бирликларини ажратиш орқали шакллантирилади;
маданий бойликларни бадиий экспертизадан ўтказганлик учун махсус йиғимлар Департаментнинг Маданий мерос жамғармасига йўналтирилади.
5. Маданий мерос илмий-тадқиқот институтига (кейинги ўринларда — Институт) қонун ҳужжатлари талабларига риоя қилган ҳолда, архитектура-шаҳарсозлик ҳужжатларини яратиш, геодезия ва картография фаолияти, моддий маданий мероснинг кўчмас мулк объектларини асрашга доир фаолият турларини тегишли лицензияларни олмасдан амалга ошириш ҳуқуқи берилсин.
Белгилансинки:
Институт фундаментал, амалий ва инновацион тадқиқотларнинг давлат илмий-техникавий дастурларида назарда тутилган маблағлар, ўз фаолиятидан олган маблағлари, халқаро молия институтлари ва бошқа ташкилотларнинг грантлари ҳамда қонун ҳужжатларида тақиқланмаган бошқа манбалар ҳисобидан молиялаштирилади;
Институт тугатилаётган «Маданий мерос таъмирлаш-тиклаш» ва «Мерос чашмаси» давлат унитар корхоналарининг ҳуқуқлари ва мажбуриятлари бўйича вориси ҳисобланади, ходимлар билан тузилган меҳнат шартномалари бўйича мажбуриятлар бундан мустасно.
6. Ўзбекистон Республикаси Вазирлар Маҳкамаси ҳузуридаги Ўзбекистонга оид хориждаги маданий бойликларни тадқиқ этиш маркази мавжуд штат бирликлари ва моддий-техника базаси билан тўлиқ ҳажмда, молиялаштириш, меҳнатга ҳақ тўлаш ва моддий рағбатлантиришнинг амалдаги тартибини сақлаб қолган ҳолда Маданият вазирлиги тизимига ўтказилсин.
Маданият вазирлиги 2020 йил 1 сентябрга қадар Маданият вазирлиги ҳузуридаги Ўзбекистонга оид хориждаги маданий бойликларни тадқиқ этиш маркази фаолиятини янада такомиллаштириш бўйича Вазирлар Маҳкамасига таклиф киритсин.
Олдинги таҳрирга қаранг.
(7-банд Ўзбекистон Республикаси Президентининг 2023 йил 25 декабрдаги ПФ-214-сонли Фармонига асосан ўз кучини йўқотган — Қонунчилик маълумотлари миллий базаси, 29.12.2023 й., 06/23/214/0984-сон)
8. Ўзбекистон Республикасида миллий маданиятни янада ривожлантириш концепциясини амалга ошириш бўйича мувофиқлаштирувчи кенгаш 4-иловага мувофиқ таркибда ташкил этилсин, қуйидагилар унинг асосий вазифалари этиб белгилансин:
Ўзбекистон Республикаси Президентининг 2020 йил 26 майдаги «Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида»ги ПФ-6000-сон Фармонида белгиланган чора-тадбирларнинг ўз вақтида, тўлиқ ҳажмда ва самарали амалга оширилишини таъминлаш;
Ўзбекистон Республикаси Президентининг 2018 йил 28 ноябрдаги ПҚ-4038-сон қарори билан тасдиқланган Ўзбекистон Республикасида миллий маданиятни янада ривожлантириш концепцияси ва уни амалга ошириш бўйича «йўл харитаси» ҳамда мазкур қарорнинг ижросини таъминлашда масъул вазирлик ва идораларнинг фаолиятини самарали ташкил этиш ҳамда мувофиқлаштириш, аниқланган камчиликларни ўз вақтида бартараф этиш чораларини кўриш;
мазкур бандда назарда тутилган норматив-ҳуқуқий ҳужжатлар ижросининг доимий мониторинги ва таҳлилини олиб бориш ҳамда уларнинг натижалари юзасидан ҳар чоракда Ўзбекистон Республикаси Президенти Администрацияси ва Вазирлар Маҳкамасига ахборот ва асослантирилган таклифлар киритиб бориш.
9. Маданият вазирлиги:
а) икки ҳафта муддатда:
ушбу қарор талабларидан келиб чиққан ҳолда Ўзбекистон Республикаси маданият вазири ўринбосарларининг улар масъул бўлган аниқ йўналиш ва вазифаларни назарда тутувчи функционал вазифаларини тасдиқласин;
ҳудудий маданият бошқармалари тузилмаларида ходимларнинг мазкур қарор билан белгиланган чекланган сони доирасида моддий маданий мерос объектларидан оқилона фойдаланиш ва муҳофаза қилиш бўлимларини ташкил этсин;
б) бир ой муддатда:
ушбу қарор талабларидан келиб чиқиб, Маданият вазирлиги марказий аппарати ва янги тузилган бўлинмаларни зиммасига юклатилган вазифаларнинг самарали бажарилишини юқори профессионал даражада таъминлашга қодир бўлган малакали мутахассислар билан тўлдириш чораларини кўрсин;
Молия вазирлиги билан келишган ҳолда Маданият вазирлиги тизимидаги ташкилотлар томонидан кўрсатиладиган концерт-томоша хизматларининг тарифларини шакллантириш тартибини ишлаб чиқсин ва тасдиқласин;
в) икки ой муддатда манфаатдор вазирлик ва идоралар билан биргаликда Вазирлар Маҳкамасига:
Маданият вазирлиги ҳузуридаги Маданий мерос илмий-тадқиқот институти фаолиятини ташкил этиш чора-тадбирлари тўғрисидаги;
Департамент фаолиятини такомиллаштириш ва барқарор равишда молиялаштириш, ходимлари меҳнатини моддий рағбатлантиришни кучайтириш, шу жумладан уларга хизмат қилган умумий иш стажи, илмий унвон ва даражага эга бўлгани учун устамалар белгилаш, моддий-техника базасини тубдан яхшилаш чора-тадбирлари тўғрисидаги;
Маданий бойликларни реализация қилиш фаолиятини амалга ошириш учун рухсат бериш тартиб-таомилларидан ўтишнинг хабардор қилиш тартиби тўғрисидаги қарор лойиҳаларини киритсин;
г) уч ой муддатда Оммавий-маданий ва концерт-томоша тадбирларининг календарь режаларини шакллантириш ва тасдиқлаш тартиби тўғрисидаги низом ҳамда Концерт-томоша фаолиятини лицензиялаш бўйича давлат хизматлари кўрсатишнинг маъмурий регламенти лойиҳаларини Вазирлар Маҳкамасига киритсин.
Олдинги таҳрирга қаранг.
91. Маданият вазирлиги ҳузурида юридик шахс ташкил этмаган ҳолда Маданият вазирлигининг бюджетдан ташқари жамғармаси ташкил этилсин.
Олдинги таҳрирга қаранг.
Қуйидагилар Маданият вазирлигининг бюджетдан ташқари жамғармаси маблағларини шакллантириш манбалари этиб белгилансин:
Давлат бюджетидан ажратиладиган маблағлар;
вазирлик тизимидаги давлат корхоналарининг фойдасидан давлат улуши бўйича белгиланган миқдорда дивидентлар тўлангандан сўнг қолган маблағнинг 15 фоизи;
театрлар, цирк ва концерт-томоша муассасалари томонидан ташкил этиладиган маданий тадбирларни ўтказишдан олинадиган фойданинг 10 фоизи;
Жамғарманинг вақтинча бўш турган маблағларини депозитларга жойлаштиришдан олинадиган даромадлар;
давлат-хусусий шериклик асосида олинадиган даромадларнинг тақсимланишидан тушган маблағлар;
вазирлик ташаббуси билан вазирлик тизим ташкилотлари томонидан ташкил этиладиган концерт-томоша тадбирлари, спектакллар, шоу дастурлар ва бошқа тадбирлардан тушадиган маблағлар;
вазирлик тасарруфидаги «Ягона буюртмачи хизмати» инжиниринг компаниясининг бюджетдан ташқари ҳисоб рақамидан ажратиладиган маблағлар;
халқаро молия ташкилотлари, хорижий давлатлар ва бошқа донорларнинг кредитлари, грантлари ва техник кўмаклашиш маблағлари;
қонунчилик ҳужжатларида тақиқланмаган бошқа манбалар.
(91-банд Ўзбекистон Республикаси Президентининг 2022 йил 2 февралдаги ПҚ-112-сонли қарорига асосан иккинчи — ўн биринчи хатбошилар билан тўлдирилган — Қонунчилик маълумотлари миллий базаси, 03.02.2022 й., 07/22/112/0099-сон)
Белгилансинки, Маданият вазирлигининг бюджетдан ташқари жамғарма маблағларини шакллантириш ва ундан фойдаланиш тартиби Вазирлар Маҳкамаси томонидан белгиланади.
Маданият вазирлиги 2022 йил 15 февралга қадар Маданият вазирлигининг бюджетдан ташқари жамғармаси тўғрисидаги низомни Вазирлар Маҳкамасига киритсин.
(91-банд Ўзбекистон Республикаси Президентининг 2022 йил 15 январдаги ПФ-52-сонли Фармонига асосан киритилган — Қонунчилик маълумотлари миллий базаси, 15.01.2022 й., 06/22/52/0029-сон)
Олдинги таҳрирга қаранг.
10. Вазирлар Маҳкамаси ҳузуридаги Маданият ва санъатни ривожлантириш жамғармаси маблағлари ҳисобига маданият ва санъат муассасаларида Билет операциялари ягона электрон тизими ишлаб чиқилганлиги маълумот учун қабул қилинсин.
(10-банднинг биринчи хатбошиси Ўзбекистон Республикаси Президентининг 2022 йил 15 январдаги ПФ-52-сонли Фармони таҳририда — Қонунчилик маълумотлари миллий базаси, 15.01.2022 й., 06/22/52/0029-сон)
Маданият вазирлиги:
бир ой муддатда Туризмни ривожлантириш давлат қўмитаси билан келишган ҳолда Оммавий ташриф буюриладиган моддий маданий мероснинг кўчмас мулк объектлари ва музейлар рўйхатини тасдиқласин;
2021 йил 1 июлга қадар ўз тизимидаги театрларнинг кириб-чиқиш жойларида театрларнинг ўз маблағлари ва Маданият вазирлигининг бюджетдан ташқари маблағлари ҳамда тадбиркорлик субъектларининг давлат-хусусий шериклик шартлари асосида жалб қилинадиган маблағлари ҳисобига электрон турникетлар ёки ташриф буюрувчиларни автоматик ҳисобга олишга мўлжалланган бошқа мосламалар ўрнатилиши ва уларнинг Билет операциялари ягона электрон тизимига интеграция қилинишини таъминласин.
Олдинги таҳрирга қаранг.
11. Давлат хизматчилари учун меҳнатга ҳақ тўлашнинг ягона тизими жорий этилгунига қадар Маданият вазирлиги ходимлари учун Ўзбекистон Республикасининг Давлат бюджетидан ажратиладиган маблағлар ҳисобидан моддий рағбатлантиришнинг қуйидаги турлари жорий этилсин:
Маданият вазирлиги марказий аппарати ходимларига кўп йиллик меҳнати учун рағбатлантириш коэффициентини ҳисобга олган ҳолда, лавозим маошига белгиланган коэффициентларда қуйидаги ҳажмларда ҳар ойда қўшимча пул тўлаш: 1 йилдан 5 йилгача — 0,3; 5 йилдан 10 йилгача — 0,6; 10 йилдан 15 йилгача — 0,9; 15 йилдан ортиқ — 1,2;
ҳудудий маданият бошқармалари, туман ва шаҳар маданият бўлимлари ходимларига кўп йиллик меҳнати учун рағбатлантириш коэффициентини ҳисобга олган ҳолда, лавозим маошига белгиланган коэффициентларда қуйидаги ҳажмларда ҳар ойда қўшимча пул тўлаш: 1 йилдан 5 йилгача — 0,1; 5 йилдан 10 йилгача — 0,2; 10 йилдан 15 йилгача — 0,3; 15 йилдан ортиқ — 0,4;
2022 йил 1 январдан бошлаб Давлат бюджети маблағлари ҳисобидан Маданият вазирлиги марказий аппарати ходимларининг Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маошини белгилашда тариф коэффициенти — 1,4 бараварга, ҳудудий маданият бошқармаларида — 1,2 бараварга оширилган миқдорда қўлланилади.
Бунда Маданият вазирлиги, ҳудудий маданият бошқармалари, туман ва шаҳар маданият бўлимлари ходимларини Маданият вазирлигининг бюджетдан ташқари жамғармаси маблағлари ҳисобидан қўшимча рағбатлантириш улар фаолиятининг натижадорлиги (KPI) ва эришилган ютуқларга қараб амалга оширилади.
(11-банд Ўзбекистон Республикаси Президентининг 2022 йил 15 январдаги ПФ-52-сонли Фармони таҳририда — Қонунчилик маълумотлари миллий базаси, 15.01.2022 й., 06/22/52/0029-сон)
Олдинги таҳрирга қаранг.
(12-банд Ўзбекистон Республикаси Президентининг 2022 йил 15 январдаги ПФ-52-сонли Фармонига асосан ўз кучини йўқотган — Қонунчилик маълумотлари миллий базаси, 15.01.2022 й., 06/22/52/0029-сон)
13. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 5-иловага мувофиқ ўзгартириш ва қўшимчалар киритилсин.
14. Ўзбекистон Республикаси Президентининг 2006 йил 14 сентябрдаги «Тошкент шаҳрида барпо этилган маданият ва санъат кўргазмаси фаолиятини ташкил этиш тўғрисида»ги ПҚ-467-сон қарори ўз кучини йўқотган деб ҳисоблансин.
15. Маданият вазирлиги манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисида Вазирлар Маҳкамасига таклифлар киритсин.
16. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 26 май,
ПҚ-4730-сон
Олдинги таҳрирга қаранг.
(1-илова Ўзбекистон Республикаси Президентининг 2023 йил 25 декабрдаги ПФ-214-сонли Фармонига асосан ўз кучини йўқотган — Қонунчилик маълумотлари миллий базаси, 29.12.2023 й., 06/23/214/0984-сон)
Олдинги таҳрирга қаранг.
(2-илова Ўзбекистон Республикаси Президентининг 2023 йил 25 декабрдаги ПФ-214-сонли Фармонига асосан ўз кучини йўқотган — Қонунчилик маълумотлари миллий базаси, 29.12.2023 й., 06/23/214/0984-сон)
Олдинги таҳрирга қаранг.
(3-илова Ўзбекистон Республикаси Президентининг 2023 йил 25 декабрдаги ПФ-214-сонли Фармонига асосан ўз кучини йўқотган — Қонунчилик маълумотлари миллий базаси, 29.12.2023 й., 06/23/214/0984-сон)
Ўзбекистон Республикаси Президентининг 2020 йил 26 майдаги ПҚ-4730-сон қарорига
4-ИЛОВА
Ўзбекистон Республикасида миллий маданиятни янада ривожлантириш концепциясини амалга ошириш бўйича мувофиқлаштирувчи кенгаш
ТАРКИБИ

Б.А. Мусаев

—

Ўзбекистон Республикаси Бош вазирининг ўринбосари, Мувофиқлаштирувчи кенгаш раиси

О.А. Назарбеков

—

Ўзбекистон Республикаси маданият вазири, Мувофиқлаштирувчи кенгаш раиси ўринбосари

Р.Т. Маматов

—

Ўзбекистон Республикаси маҳалла ва оилани қўллаб-қувватлаш вазири

А.В. Шин

—

Ўзбекистон Республикаси мактабгача таълим вазири

Ш.Х. Шерматов

—

Ўзбекистон Республикаси халқ таълими вазири

И.У. Мажидов

—

Ўзбекистон Республикаси олий ва ўрта-махсус таълим вазири

Н.Ф. Арзиев

—

Ўзбекистон Республикаси ташқи ишлар вазирининг биринчи ўринбосари

Ш.Ш. Шарахметов

—

Ўзбекистон Республикаси молия вазирининг ўринбосари

К.Б. Акилова

—

Ўзбекистон Республикаси маданият вазирининг ўринбосари — Маданий мерос департаменти бошлиғи

А.У. Аккулов

—

Ўзбекистон Республикаси Туризмни ривожлантириш давлат қўмитаси раисининг биринчи ўринбосари

Ф.Ф. Абдухоликов

—

«Ўзбеккино» Миллий агентлиги бош директори

Д.М. Саиджонов

—

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директорининг биринчи ўринбосари

С.Н. Бабаходжаев

—

Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори

Б.С. Юлдашев

—

Ўзбекистон Республикаси Фанлар академияси президенти

А.В. Нуридинов

—

Ўзбекистон Бадиий академияси раиси

лавозимига кўра

—

Ўзбекистон Республикаси Маданият вазирлиги ҳузуридаги Ўзбекистонга оид хориждаги маданий бойликларни тадқиқ этиш маркази директори

С.С. Сайидов

—

Ўзбекистон Ёзувчилар уюшмаси раиси

Р. Абдуллаев

—

Ўзбекистон Композиторлар ва бастакорлар уюшмаси раиси

Ё. Ахмедов

—

Ўзбекистон Театр арбоблари уюшмаси раиси

лавозимига кўра

—

Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари

лавозимига кўра

—

Ўзбекистон Республикаси Вазирлар Маҳкамаси котибият мудири, Мувофиқлаштирувчи кенгаш котиби

Изоҳ:
Мувофиқлаштирувчи кенгаш аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади.
Мувофиқлаштирувчи кенгаш ишига келишилган ҳолда бошқа вазирликлар, идоралар, хўжалик жамиятлари ва фуқаролик жамияти институтлари раҳбарлари ва мутахассислари жалб қилиниши мумкин.
Ўзбекистон Республикаси Президентининг 2020 йил 26 майдаги ПҚ-4730-сон қарорига
5-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. «Ўзбекистон Республикаси Президентининг 2014 йил 4 декабрдаги «Ўзбекистон Республикасининг 2015 йилги асосий макроиқтисодий кўрсаткичлари прогнози ва давлат бюджети параметрлари тўғрисида»ги ПҚ-2270-сон қарорига 35-илованинг рус тилидаги матнидаги изоҳнинг 1-банди «детей из малообеспеченных семей» сўзларидан кейин «и детей с ограниченными возможностями» сўзлари билан тўлдирилсин.
2. Ўзбекистон Республикаси Президентининг 2017 йил 15 февралдаги «Ўзбекистон Республикаси Маданият вазирлиги фаолиятини ташкил этиш тўғрисида»ги ПҚ-2778-сон қарорида:
а) 1-банд ўз кучини йўқотган деб ҳисоблансин;
учинчи хатбоши чиқариб ташлансин;
тўртинчи-бешинчи хатбошилар тегишлича учинчи-тўртинчи хатбошилар деб ҳисоблансин;
учинчи-тўртинчи хатбошилар қуйидаги таҳрирда баён этилсин:
«Ўзбекистон Республикаси Маданият вазирлиги ҳузуридаги Республика маданият муассасалари фаолиятини ташкил этиш илмий-методик марказининг тузилмаси 7-иловага мувофиқ тасдиқлансин.
Ўзбекистон Республикаси маданият вазирига, зарур ҳолларда, Ўзбекистон Республикаси Маданият вазирлиги ҳузуридаги Республика маданият муассасалари фаолиятини ташкил этиш илмий-методик марказининг тузилмасига ходимларнинг белгиланган умумий чекланган сони ва меҳнатга ҳақ тўлаш жамғармаси доирасида ўзгартиришлар киритиш ҳуқуқи берилсин»;
в) 1 — 6 ва 8-иловалар ўз кучини йўқотган деб ҳисоблансин.
3. Ўзбекистон Республикаси Президентининг 2017 йил 16 августдаги «Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида»ги ПҚ-3219-сон қарорининг 3-банди учинчи хатбошиси қуйидаги таҳрирда баён этилсин:
«Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармасига мустақиллик йилларида яратилган, юксак бадиий қийматга эга бўлган тасвирий ва амалий санъат асарларини сотиб олиш учун ҳар йили Ўзбекистон Республикаси Давлат бюджети маблағлари ҳисобидан 2 миллиард сўм маблағ ажратиш тўғрисидаги таклиф маъқуллансин».
4. Ўзбекистон Республикаси Президентининг 2017 йил 16 октябрдаги «Ўзбекистон Республикаси Маданият вазирлиги ҳузурида Маданият ва санъатни ривожлантириш жамғармасини ташкил этиш тўғрисида»ги ПҚ-3325-сон қарорининг рус тилидаги матнида 1-илованинг 3-банддаги «Средства АО «Узшаробсаноат», ежегодно выделяемые в порядке благотворительности по собственной инициативе» сўзлари «Средства Государственного бюджета Республики Узбекистан, ежегодно выделяемые» сўзлари билан алмаштирилсин.
Олдинги таҳрирга қаранг.
(5-банд Ўзбекистон Республикаси Президентининг 2022 йил 15 январдаги ПФ-52-сонли Фармонига асосан ўз кучини йўқотган — Қонунчилик маълумотлари миллий базаси, 15.01.2022 й., 06/22/52/0029-сон)
6. Вазирлар Маҳкамасининг 1999 йил 3 сентябрдаги 414-сон қарори (Ўзбекистон Республикаси ҚТ, 1999 й., 9-сон, 51-модда) билан тасдиқланган Бюджет ташкилотларини харажатларини молиялаштириш (тўлаш) тартибининг 29-банди иккинчи ва учинчи хатбошилари «бюджет ташкилотларида» сўзларидан кейин «Ўзбекистон Республикаси Маданият вазирлиги тизимидаги маданият марказларида» сўзлари билан тўлдирилсин.
7. Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида чакана савдо қоидалари қуйидаги мазмундаги 141-банд билан тўлдирилсин:
«141. Сотувчи Ўзбекистон Республикасидан ташқарига олиб чиқилиши мумкин бўлмаган маданий бойликларни сотиш вақтида бу бойликларнинг Ўзбекистон Республикасидан ташқарига олиб чиқилиши мумкин эмаслиги тўғрисида харидорни ёзма равишда огоҳлантириши шарт».
8. Вазирлар Маҳкамасининг 2018 йил 19 июндаги «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида»ги 458-сон қарорининг рус тилидаги матнида:
а) 6-илова қуйидаги мазмундаги изоҳ билан тўлдирилсин:
«Примечание: размеры базовых должностных окладов административно-управленческого персонала:
имеющего ученую степень доктора наук или доктора наук (Doctor of Science) или приравненные к ней другие ученые степени зарубежных стран — устанавливаются с применением повышающего коэффициента 2,5;
имеющего ученую степень кандидата наук или доктора философии (Ph.D) или приравненные к ней другие ученые степени зарубежных стран — устанавливаются с применением повышающего коэффициента 2»;
б) 7-илованинг изоҳ қисми қуйидаги мазмундаги хатбошилар билан тўлдирилсин:
«имеющего ученую степень доктора наук или доктора наук (Doctor of Science) или приравненные к ней другие ученые степени зарубежных стран — устанавливаются с применением повышающего коэффициента 2,5;
имеющего ученую степень кандидата наук или доктора философии (Ph.D) или приравненные к ней другие ученые степени зарубежных стран — устанавливаются с применением повышающего коэффициента 2».
Изоҳ: 3, 4 ва 8-бандлар 2021 йил 1 январдан кучга киради.
(Қонун ҳужжатлари маълумотлари миллий базаси, 27.05.2020 й., 07/20/4730/0670-сон; 10.04.2021 й., 07/21/5070/0315-сон; Қонунчилик маълумотлари миллий базаси, 15.01.2022 й., 06/22/52/0029-сон; 03.02.2022 й., 07/22/112/0099-сон; 29.12.2023 й., 06/23/214/0984-сон)