Ҳужжат кучини йўқотган " " 01.01.2025

Ўзбекистон Республикаси Президентининг

Қарори

Экспорт фаолиятини янада қўллаб-қувватлаш чора-тадбирлари тўғрисида

LexUZ шарҳи

Мазкур қарор Ўзбекистон Республикаси Президентининг 2024 йил 27 декабрдаги ПФ-228-сонли «Экспортни қўллаб-қувватлаш чора-тадбирларининг Жаҳон савдо ташкилоти битимларига мувофиқлаштирилиши муносабати билан Ўзбекистон Республикаси Президентининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида»ги Фармонига асосан 2025 йил 1 январдан ўз кучини йўқотади.

Сўнгги йилларда тадбиркорлик субъектларининг экспорт фаолиятини давлат томонидан қўллаб-қувватлаш ва рағбатлантиришга доимий эътибор қаратилмоқда.

Хусусан, Ўзбекистон Республикаси Инвестициялар ва ташқи савдо вазирлиги ҳузурида Экспортни рағбатлантириш агентлиги ташкил этилиб, экспорт ҳажмини ошириш учун экспорт қилувчи корхоналарга молиявий кўмак бериш механизмлари яратилди.

Жаҳон бозорларида рақобат кескинлашиб бораётган шароит маҳсулотлар экспорти ҳажмини ошириш орқали янги бозорларга кириб бориш ва анъанавий бозорларда ўз ўрнини мустаҳкамлаш учун экспорт қилувчиларни давлат томонидан қўллаб-қувватлашни янада кенгайтириш заруриятини юзага келтирмоқда.

Экспорт фаолиятини қўллаб-қувватлаш тизимини янада такомиллаштириш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурида белгиланган вазифалар ижросини таъминлаш мақсадида:

1. Ўзбекистон Республикаси Президентининг 2019 йил 24 майдаги ПҚ-4337-сон «Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида» қарорига мувофиқ жорий этилган маҳсулотларни экспорт қилишда, шунингдек қайта ишлаш маҳсулотларини «реэкспорт» божхона режимида олиб чиқишда ташиш харажатларини 50 фоизигача миқдорда компенсация қилишга субсидиялар тақдим этиш механизми маҳсулотларни автомобиль ва ҳаво транспортида экспортга ташишга ҳам татбиқ этилсин.

(1-банднинг биринчи хатбошиси Ўзбекистон Республикаси Президентининг 2022 йил 25 апрелдаги ПФ-115-сонли Фармони таҳририда — Қонунчилик маълумотлари миллий базаси, 26.04.2022 й., 06/22/115/0344-сон)

Экспорт қилишда автомобиль, темир йўл ва ҳаво транспортида ташиш харажатларининг бир қисми компенсация қилинадиган маҳсулотлар рўйхати 1-иловага мувофиқ тасдиқлансин.

2. Экспорт ва инвестицияларни ривожлантириш масалалари бўйича Ҳукумат комиссиясига (С.У. Умурзаков) (кейинги ўринларда — Ҳукумат комиссияси) экспорт қилишда транспорт харажатларининг бир қисмини компенсация қилиш учун Ўзбекистон Республикаси Давлат бюджетидан субсидиялар тақдим этиладиган маҳсулотлар рўйхатига ўзгартириш ва қўшимчалар киритиш, субсидиялар тақдим этиш шартлари ва миқдорларини белгилаш ҳамда тартибини тасдиқлаш, шунингдек, маҳсулот тури, ҳажми ва экспорт йўналишига қараб субсидиянинг қатъий миқдорларини белгилаш ваколати берилсин.

Ҳукумат комиссияси бир ҳафта муддатда маҳаллий экспорт қилувчи корхоналар (уларнинг ваколатли вакиллари)га маҳсулотларни экспорт қилишда, шу жумладан 2020 йил 1 апрелдан буён амалга оширилган экспорт бўйича автомобиль, ҳаво ва темир йўл транспортида ташиш харажатларини қисман компенсация қилишга субсидиялар тақдим этиш тартибини тасдиқласин.

(2-банд Ўзбекистон Республикаси Президентининг 2020 йил 21 октябрдаги ПФ-6091-сонли Фармони таҳририда — Қонун ҳужжатлари маълумотлари миллий базаси, 22.10.2020 й., 06/20/6091/1399-сон)

3. Ўзбекистон Республикаси божхона чегарасидан экспорт операциялари бўйича олиб ўтилаётган товарларнинг божхона расмийлаштирувини амалга оширишда жисмоний ва юридик шахсларга нисбатан жорий қилинган барча турдаги мажбурий тўловлар ва ижро ҳужжатлари бўйича қарздорлиги мавжудлигини текшириш амалиёти 2021 йил 1 январга қадар бекор қилинсин.

4. Белгилансинки, экспорт қилувчилар гаров сифатида суғурта хизматларидан фойдаланганда суғурта мукофотини қоплашга Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан компенсациялар тақдим этилади.

5. Ўзбекистон Республикаси Молия вазирлиги Экспортни рағбатлантириш агентлигининг харажатлари учун асосланган ҳисоб-китоблар бўйича 2020 йил учун Ўзбекистон Республикаси Давлат бюджетидан зарур маблағлар ажратсин ва 2021 йилдан ҳар йили зарур бюджет маблағларини назарда тутсин.

6. Ўзбекистон Республикаси Президентининг айрим ҳужжатларига 2-иловага мувофиқ ўзгартиришлар ва қўшимча киритилсин.

7. Ўзбекистон Республикаси Инвестициялар ва ташқи савдо вазирлиги бир ой муддатда манфаатдор вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисида Вазирлар Маҳкамасига таклиф киритсин.

8. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 7 май,

ПҚ-4707-сон

Ўзбекистон Республикаси Президентининг 2020 йил 7 майдаги ПҚ-4707-сон қарорига
1-ИЛОВА

Экспорт қилишда автомобиль, темир йўл ва ҳаво транспортида ташиш харажатларининг бир қисми компенсация қилинадиган маҳсулотлар

РЎЙХАТИ

Т/р	Маҳсулот номи	Маҳсулотнинг ТИФ ТН коди
1.	Парранда тухуми, уй паррандаси гўшти ва қўшимча озуқабоп маҳсулотлари*	0407, 0207
2.	Помидорлар	0702000001 — 0702000009
3.	Саримсоқ	0703200000
4.	Гулкарам	0704100000
5.	Салатлар (латук, айсберг, радичо, оаклиф, лолло-росса ва бошқалар)	0705
6.	Бодринглар	0707000501 — 0707000509
7.	Кўкатлар	0709400000, 0709700000, 0709991000, 0709999000
8.	Ширин қалампир ҳўл ёки музлатилган	0709601000, 0710805100
9.	Аччиқ қалампир	0709609900
10.	Музлатилган сабзавотлар	0710809500
11.	Ковул	0711907000
12.	Қуритилган сабзавотлар	0712909000
13.	Ёнғоқ	0802310000, 0802320000
14.	Бодом	0802111000, 0802119000, 0802121000, 0802129000
15.	Лимон	0805501000
16.	Узум	0806101000, 0806109000
17.	Майиз	0806203000, 0806209000
18.	Тарвуз	0807110000
19.	Қовун	0807190000
20.	Олма	0808108001 — 0808108004
21.	Нок	0808309000
22.	Ўрик	0809100000
23.	Гилос	0809290000
24.	Нектарин	0809301000
25.	Шафтоли	0809309000
26.	Олхўри	0809400500
27.	Олча	0809210000, 0811907500
28.	Хурмо	0810700000
29.	Анор	0810907500
30.	Музлатилган ёки консерваланган мевалар	0811, 0811907500, 0811908000, 0811909500, 0812902500
31.	Қуритилган мевалар	0813100000, 0813200000, 0813300000, 0813401000, 0813403000, 0813409500, 0813501500, 0813501900, 0813509100, 0813509900
32.	Қуритилган, майдаланган ва янчилган қалампир	0904110000, 0904120000, 0904211000, 0904219000, 0904220000
33.	Ерёнғоқ	1202, 1202410000, 1202420000
34.	Табиий узум винолари	2204101100, 2204219700, 2204219800, 2204299501, 2204299508, 2204299601, 2204299701, 2204299708, 2204299709, 2204299801, 2204299809, 2204309800
35.	Коньяк дистилляти	2208208900
36.	Таркибида антибиотиклар бўлган пенициллинлар, дори воситалари	3004100001, 3004100006, 3004200001, 3004200002
37.	Гулқоғозлар ва шунга ўхшаш девор қопламалари	4814200000
38.	Газлама	5208-5212
39.	Тўқима гиламлар	5702 42 900 0, 5701101000, 5701 90 100 0, 5702 41 900 0, 5703 10 000 0
40.	Линолеум	5904100000
41.	Трикотаж мато**	60
42.	Тикув-трикотаж маҳсулотлари	61 — 63
43.	Сув ўтказмайдиган пойабзал	6401921000, 6401929000, 6401990000
44.	Пойабзал	6403200000, 6403400000, 6403911600, 6403999100, 6403999600, 6404199000, 6404209000, 6405100000, 6405209100, 6405209900, 6405901000
45.	Шлак пахта, минерал пахта ва бошқалар	6806100008, 6806209000, 6806900000
46.	Тош ётқизиш учун плиталар	6907219001, 6907229003, 6907229009, 6907239003
47.	Керамикадан ясалган пардозлаш буюмлари	6907409003, 6907409009
48.	Ошхона идишлари ва бошқалар	6912001000, 6912002100, 6912002300, 6912002500, 6912002900, 6912005000, 6912008100, 6912008900, 6912009000
49.	Шиша тола	7019199009, 7019310000, 7019390009, 7019510000, 7019590000, 7019900009
50.	Шиша идишлар	7010901000, 7010904100, 7010904300, 7010904500, 7010905300, 7010907100, 7010907900
51.	Қалпоқлар ёки вентиляцияли шкафлар	8414600000
52.	Кир ювиш машиналари	8450120000
53.	Аккумуляторлар	8507102003
54.	Трансформаторлар	8504210000, 8504221000, 8504229000, 8504230000, 8504312900, 8504318009, 8504330000, 8504340000, 8504403009, 8504405500, 8504408200, 8504408800, 8504409000, 8504509500, 8504901800, 8504909900
55.	Чанг ютгичлар	8508190001
56.	Тақсимлагичлар, ўт олдириш ғалтаклари	8511400008
57.	Электр ускуналар	8511500009
58.	Электр ёритиш ва сигнализация ускуналари	8512200001, 8512200009
59.	Печлар ва камералар	8514900000
60.	Электр сув иситгичлар, микротўлқинли печлар, печлар, электр плиталар ва ҳ.к.	8516108000, 8516500000, 8516601010, 8516601090, 8516607000, 8516609000
61.	Овозни қабул қилиш ва узатиш учун аппаратура, телевизион алоқани қабул қилиш учун аппаратура	8517620009, 8528722001
62.	Коммутация учун электр аппаратура	8535900000
63.	Пультлар, панеллар, консоллар ва бошқалар	8537109900, 8537209100
64.	Диодлар	8541100009
65.	Ўралган ва изоляцияланган симлар, ўт олдириш свечалари учун симлар тўплами, электр ўтказгичлар	8544111000, 8544300008, 8544499101, 8544499109, 8544499309, 8544499500, 8544609009
66.	Ўтириш учун мебель	9401610000, 9401690000, 9401903000
67.	Ўйинчоқлар	9503001000, 9503003500, 9503007000, 9503009500
68.	Гигиена воситалари	9619008101

* Импорт қилувчи мамлакатдан қатъий назар.

** Транспортда ташиш харажатларининг бир қисмини компенсация қилиш 2022 йил 1 январгача амал қилади.

(1-илова Ўзбекистон Республикаси Президентининг 2021 йил 14 июндаги ПҚ-5146-сонли қарори таҳририда — Қонунчилик маълумотлари миллий базаси, 15.06.2021 й., 07/21/5146/0555-сон)

Ўзбекистон Республикаси Президентининг 2020 йил 7 майдаги ПҚ-4707-сон қарорига
2-ИЛОВА

Ўзбекистон Республикаси Президентининг айрим ҳужжатларига киритилаётган

ўзгартиришлар ва қўшимча

1. Ўзбекистон Республикаси Президентининг 2019 йил 23 майдаги «Қурилиш материаллари саноатини жадал ривожлантиришга оид қўшимча чора-тадбирлар тўғрисида»ги ПҚ-4335-сон қарори 4-бандининг «а» кичик бандидан ««Ўзстандарт» агентлигининг асослантирилган ҳисоб-китобларига мувофиқ» сўзлари чиқариб ташлансин.

2. Ўзбекистон Республикаси Президентининг 2019 йил 24 майдаги «Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида»ги ПҚ-4337-сон қарорида:

а) 3-бандда:

биринчи хатбоши «иловадаги рўйхатга мувофиқ маҳсулотларни экспорт қилишда темир йўл транспортида» сўзлари «автомобиль, темир йўл ва ҳаво транспортида» сўзлари билан алмаштирилсин;

иккинчи хатбоши «татбиқ этилмайди,» сўзларидан кейин «Афғонистон Ислом Республикасига экспорт қилинадиган маҳсулотлар ва» сўзлари билан тўлдирилсин;

тўртинчи хатбоши чиқариб ташлансин;

б) илова ўз кучини йўқотган деб топилсин.

3. Ўзбекистон Республикаси Президентининг 2019 йил 29 июлдаги «Қишлоқ хўжалиги маҳсулотларини чуқур қайта ишлаш ва озиқ-овқат саноатини янада ривожлантириш бўйича қўшимча чора-тадбирлар тўғрисида»ги ПҚ-4406-сон қарори 7-бандининг «а» кичик бандидан «Ўзстандарт» агентлигининг асослантирилган ҳисоб-китобларига мувофиқ» сўзлари чиқариб ташлансин.

4. Ўзбекистон Республикаси Президентининг 2019 йил 11 декабрдаги «Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида»ги ПҚ-4549-сон қарорига илованинг 4-банди ўз кучини йўқотган деб топилсин.

5. Ўзбекистон Республикаси Президентининг 2020 йил 29 январдаги «Чорвачилик тармоғини давлат томонидан кўллаб-қувватлашнинг қўшимча чора-тадбирлари тўғрисида»ги ПҚ-4576-сон қарорига 2-илованинг 1-банди ўз кучини йўқотган деб топилсин.

(Қонун ҳужжатлари маълумотлари миллий базаси, 07.05.2020 й., 07/20/4707/0545-сон, 26.06.2020 й., 07/20/4759/0970-сон, 22.10.2020 й., 06/20/6091/1399-сон, 31.10.2020 й., 06/20/6098/1432-сон; Қонунчилик маълумотлари миллий базаси, 15.06.2021 й., 07/21/5146/0555-сон, 26.04.2022 й., 06/22/115/0344-сон)