1.Давлат ва жамият қурилиши / Фуқаролик. Аҳоли. Паспорт тизими]
Ўзбекистон Республикаси Президентининг
Қарори
Хорижда истиқомат қилаётган ватандошлар билан ҳамкорлик соҳасида Ўзбекистон Республикаси давлат сиёсатини янада такомиллаштириш чора-тадбирлари тўғрисида
Сўнгги йилларда хорижда истиқомат қилаётган ватандошлар (кейинги ўринларда ватандошлар деб юритилади) билан доимий мулоқот ва ҳамкорликни ривожлантириш, уларнинг мамлакатимизда олиб борилаётган ислоҳотлардаги иштирокини рағбатлантириш, шунингдек, ҳуқуқ ва манфаатларини тўлақонли ва ҳар томонлама ҳимоя қилишга кўмак бериш борасида муҳим ишлар амалга оширилди.
Айни пайтда кўплаб ватандошларимиз иқтисодиётимиз, ижтимоий соҳа, илм-фан, маданият, спорт ва бошқа йўналишларни ривожлантиришга, ўзларининг тарихий Ватани — Ўзбекистоннинг обрўсини ошириш ҳамда унинг ташқи дунё билан муносабатларини мустаҳкамлашда муносиб ва сезиларли ҳиссаларини қўшиб келмоқда.
Шу билан бирга, ватандошлар билан алоқаларни ривожлантиришнинг аҳамияти ва долзарблиги ошаётган бир пайтда, улар билан самарали ҳамкорликни олиб бориш ва ислоҳотларни сифат жиҳатдан яхшилашда уларнинг салоҳиятини жалб қилиш борасида қуйидаги қатор муаммолар сақланиб қолмоқда:
давлат органлари ва ташкилотларнинг ватандошлар билан алоқаларни ўрнатишнинг самарадорлиги паст даражада ва қисман эканлиги;
иқтисодий, ижтимоий, инвестициявий, илмий-маърифий, маданий ва бошқа устувор лойиҳалар ҳамда дастурларни амалга оширишда ватандошларнинг салоҳиятидан оқилона фойдаланмаслик;
ватандошларнинг ўзбек тили, маданияти ва анъаналарини оммалаштириш билан шуғулланадиган ташкилотларини қўллаб-қувватлаш борасида комплекс ва узоқ муддатли стратегиянинг мавжуд эмаслиги;
хорижда таълим олаётган Ўзбекистон ёшлари билан ишлашга етарли даражада эътибор берилмаётганлиги, мамлакатга қайтганларидан кейин уларни иш билан таъминлаш тизимининг йўлга қўйилмаганлиги.
Ватандошлар билан ҳамкорлик қилишнинг узоқ муддатли ва мустаҳкам тизимини яратиш ҳамда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни изчил амалга ошириш мақсадида:
1. Ватандошлар билан ҳамкорлик соҳасида Ўзбекистон Республикаси давлат сиёсатининг асосий мақсадлари сифатида қуйидагилар белгилансин:
[ОКОЗ:
1.19.00.00.00 Халқаро муносабатлар. Халқаро ҳуқуқ / 19.06.00.00 Халқаро шартномалар ҳуқуқи / 19.06.01.00 Умумий масалалар]
халқаро ҳуқуқнинг умумэътироф этилган принциплари, истиқомат қилинаётган давлатнинг қонунчилиги ҳамда Ўзбекистон Республикасининг халқаро шартномалари асосида хориждаги ватандошларнинг ҳуқуқ ва эркинликларини амалга оширишга кўмаклашиш;
ватандошларнинг Ўзбекистон маданий, илмий ва маънавий меросини кенг тарғиб қилишга, уни жаҳон миқёсида ўрганиш ва оммалаштиришга, истиқомат қилаётган давлатларида ўзбек тили, маданияти ва анъаналарини сақлаб қолиш ва ривожлантириш борасидаги фаолиятларини қўллаб-қувватлаш, уларнинг Ўзбекистонда таълим олиш имкониятларини кенгайтириш;
Ўзбекистон Республикасининг ижтимоий-иқтисодий ривожланишига ва унинг хорижий мамлакатлар билан ўзаро манфаатли, дўстона муносабатларини қуришга ўз ҳиссасини қўшмоқчи бўлган ватандошлар ҳамда улар тузган ташкилотлар билан алоқаларни ривожлантириш ва мустаҳкамлаш;
ватандошларнинг Ўзбекистон ҳудудида профессионал, шу жумладан, тадбиркорлик, инвестициявий, илмий, маърифий ва маданий фаолият билан шуғулланишлари учун қулай ҳуқуқий, ижтимоий ва иқтисодий шароитларни яратиш;
ватандошларнинг салоҳиятини Ўзбекистонда олиб борилаётган кенг кўламли социал-иқтисодий ва ижтимоий-сиёсий ислоҳотларни қўллаб-қувватлашга, Ўзбекистон Республикасининг халқаро нуфузини янада мустаҳкамлашга жалб қилиш.
2. Қуйидагилар:
Хорижда истиқомат қилаётган ватандошлар билан ҳамкорлик соҳасида Ўзбекистон Республикаси давлат сиёсати Концепцияси (кейинги ўринларда — Концепция) 1-иловага мувофиқ;
Хорижда истиқомат қилаётган ватандошлар билан ҳамкорликни ривожлантириш бўйича биринчи навбатдаги чора-тадбирлар дастури (кейинги ўринларда — Чора-тадбирлар дастури) 2-иловага мувофиқ тасдиқлансин.
Белгилансинки:
[ОКОЗ:
1.01.00.00.00 Конституциявий тузум / 01.10.00.00 Ўзбекистон Республикаси Президенти / 01.10.02.00 Ваколат;
2.01.00.00.00 Конституциявий тузум / 01.11.00.00 Ўзбекистон Республикаси Вазирлар Маҳкамаси (шунингдек, 02.01.00.00га қаранг)]
хорижда истиқомат қилаётган ватандошлар билан ҳамкорлик соҳасида Ўзбекистон Республикасининг давлат сиёсати Ўзбекистон Республикаси Президенти томонидан белгиланади ва Ўзбекистон Республикаси Вазирлар Маҳкамаси томонидан амалга оширилади;
[ОКОЗ:
1.02.00.00.00 Давлат бошқаруви асослари / 02.03.00.00 Республика давлат бошқаруви органлари ва хўжалик бошқаруви органлари / 02.03.02.00 Вазирликлар]
Концепция ва Чора-тадбирлар дастурининг сифатли ва ўз вақтида бажарилиши Ўзбекистон Республикаси Ташқи ишлар вазирлиги томонидан мувофиқлаштирилади;
[ОКОЗ:
1.01.00.00.00 Конституциявий тузум / 01.11.00.00 Ўзбекистон Республикаси Вазирлар Маҳкамаси (шунингдек, 02.01.00.00га қаранг)]
Концепция ва Чора-тадбирлар дастурининг бажарилиши устидан назорат Ўзбекистон Республикаси Вазирлар Маҳкамаси томонидан амалга оширилади;
1.07.00.00.00 Молия ва кредит тўғрисидаги қонунчилик. Банк фаолияти / 07.07.00.00 Бюджет тизимининг бошқа масалалари / 07.07.02.00 Давлат жамғармалари / 07.07.02.04 Вазирлик ва идоралар жамғармалари]
Концепция ва Чора-тадбирлар дастурини амалга ошириш Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси, жисмоний ва юридик шахсларнинг хайрия эҳсонлари ва қонунчиликда тақиқланмаган бошқа манбалар орқали молиялаштирилади.
(2-банднинг саккизинчи хатбошиси Ўзбекистон Республикаси Президентининг 2021 йил 11 февралдаги ПФ-6168-сонли Фармони таҳририда — Қонун ҳужжатлари маълумотлари миллий базаси, 12.02.2021 й., 06/21/6168/0111-сон)
Вазирлик ва идоралар раҳбарларига Концепция ва Чора-тадбирлар дастурида белгиланган вазифаларни сифатли ҳамда ўз вақтида бажариш ва ҳар чоракда уларни амалга ошириш ҳолати борасидаги маълумотни Ўзбекистон Республикаси Ташқи ишлар вазирлигига тақдим этиш бўйича шахсан жавобгар эканликлари кўрсатиб ўтилсин.
(3-банд Ўзбекистон Республикаси Президентининг 2024 йил 25 октябрдаги ПФ-168-сонли Фармонига асосан ўз кучини йўқотган)
4. Ўзбекистон Республикаси Ташқи ишлар вазирлиги (А. Комилов):
Концепция ва Чора-тадбирлар дастурини амалга ошириш ҳолатини самарали мувофиқлаштиришни, тизимли мониторингини ҳамда ҳар чоракда Ўзбекистон Республикаси Вазирлар Маҳкамасига уларнинг бажарилиши бўйича маълумот тақдим этишни таъминласин;
[ОКОЗ:
1.13.00.00.00 Таълим. Фан. Маданият / 13.03.00.00 Маданият / 13.03.19.00 Оммавий ахборот воситалари (радио, телевидение ва бошқалар) (шунингдек, 12.03.09.00.га қаранг)]
оммавий ахборот воситаларида Концепция ва Чора-тадбирлар дастурининг амалга оширилиши тўғрисида аниқ кўрсаткичлар ва натижаларни ифодалаган ҳолда ахборот-таҳлилий шарҳларни тизимли равишда тайёрлаш ва чоп этиш бўйича чоралар кўрсин;
зарур ҳолларда ватандошлар ва уларнинг ташкилотларини Концепция ва Чора-тадбирлар дастурида белгиланган вазифаларни амалга оширишга ҳамда уларнинг ўзаро ҳамкорлигини мустаҳкамлашга йўналтирилган долзарб масалаларни муҳокама этишга жалб қилсин;
ватандошлар билан ҳамкорлик соҳасида Ўзбекистон Республикаси давлат сиёсатини самарали амалга ошириш мақсадида хорижий давлатлар ва халқаро ташкилотлар билан халқаро шартномалар ва бошқа ҳужжатларни имзолаш бўйича чоралар кўрсин, Ўзбекистон Республикасининг жамоат ташкилотлари ҳамда ватандошларнинг хориждаги ташкилотлари ўртасидаги алоқаларни, улар ўртасидаги алмашинувни рағбатлантирсин ва қўллаб-қувватласин.
5. Белгилансинки, ватандошлар билан ҳамкорликнинг даражаси ва шаклидан келиб чиқиб, уларга Ўзбекистон Республикаси қонун ҳужжатларига мувофиқ, давлат томонидан қуйидаги қўллаб-қувватлаш ва рағбат чоралари кўрсатилиши мумкин:
[ОКОЗ:
1.02.00.00.00 Давлат бошқаруви асослари / 02.07.00.00 Маъмурий-ҳуқуқий тартиблар (режимлар) / 02.07.06.00 Паспорт ва виза режимлари (шунингдек, 16.05.03.00га қаранг);
2.02.00.00.00 Давлат бошқаруви асослари / 02.08.00.00 Иқтисодиёт, ижтимоий-маданий қурилиш соҳасидаги давлат бошқарувининг умумий масалалари / 02.08.06.00 Маъмурий тартиб-таомиллар / 02.08.06.03 Рухсат бериш тартиб-таомиллари (шунингдек, 09.01.05.03га қаранг);
3.05.00.00.00 Меҳнат ва аҳолининг бандлиги тўғрисидаги қонунчилик / 05.01.00.00 Ишга жойлаш ва аҳоли бандлиги / 05.01.09.00 Меҳнат миграцияси]
кириш визаларини, шу жумладан, кўп маротабалик ва узоқ муддатли визаларни соддалаштирилган ҳолда расмийлаштириш, вақтинчалик яшашга ҳамда Ўзбекистон Республикаси ҳудудида меҳнат фаолияти билан шуғулланиш учун рухсатнома бериш;
юқори малакали кадрларни Ўзбекистонда зарур бўлган мутахассисликлар бўйича ишга олиш;
ижтимоий ва маиший масалаларни ҳал қилишга ёрдам бериш;
[ОКОЗ:
1.11.00.00.00 Атроф табиий муҳит ва табиий ресурслар / 11.03.00.00 Ердан фойдаланиш ва муҳофаза қилиш / 11.03.09.00 Ер участкасига нисбатан ҳуқуқларнинг вужудга келиши / 11.03.09.01 Давлат органлари ҳужжатларига асосан ерга бўлган ҳуқуқнинг вужудга келиши (ер бериш)]
давлат тасарруфидаги бўш турган объектларни ва ер майдонларини ватандошларга тадбиркорлик, илмий-тадқиқот, маърифий, инновацион ва бошқа дастур ҳамда лойиҳаларни амалга ошириш учун ажратиб бериш;
ватандошларнинг ўқиши, иши ва бошқа ижтимоий масалаларини тўлиқ (қисман) молиялаштириш;
ватандошлар орасида юқори малакали мутахассисларни давлат ва хўжалик бошқаруви, маҳаллий ижро ҳокимияти органлари ва Ўзбекистон Республикасининг бошқа давлат ташкилотларига раҳбарлик лавозимларига, шунингдек, ушбу ташкилотлар раҳбарларининг консультанти (маслаҳатчиси) сифатида жалб қилиш;
Ўзбекистон Республикаси қонунчилигида кўзда тутилган соддалаштирилган тартибда Ўзбекистон Республикаси фуқаролигини бериш;
[ОКОЗ:
1.07.00.00.00 Молия ва кредит тўғрисидаги қонунчилик. Банк фаолияти / 07.05.00.00 Республика бюджети / 07.05.13.00 Давлат субсидиялари ва грантлари;
2.13.00.00.00 Таълим. Фан. Маданият / 13.01.00.00 Таълим / 13.01.12.00 Чет эллик фуқароларни таълим муассасаларига ўқишга қабул қилиш]
ватандошлар — хорижий фуқароларга Ўзбекистон Республикасининг олий таълим муассасаларида ўзбек тили ва адабиёти, тарих, кино, маданият, театр санъати, телевидение ва радио йўналишлари бўйича таълим олишлари учун грантлар ажратиш;
[ОКОЗ:
1.13.00.00.00 Таълим. Фан. Маданият / 13.03.00.00 Маданият / 13.03.19.00 Оммавий ахборот воситалари (радио, телевидение ва бошқалар) (шунингдек, 12.03.09.00.га қаранг)]
ватандошларнинг оммавий ахборот воситаларини Ўзбекистон Республикасида аккредитациядан ўтишини соддалаштириш;
[ОКОЗ:
1.01.00.00.00 Конституциявий тузум / 01.22.00.00 Давлат мукофотлари, пул ва бошқа мукофотлар]
Ўзбекистон Республикасининг ривожланишига муносиб ҳисса қўшган ватандошларни давлат мукофотлари ва фахрий унвонлар билан тақдирлаш;
Ўзбекистон Республикаси қонунчилиги асосида давлат томонидан кўрсатиладиган бошқа қўллаб-қувватлаш ва рағбат чоралари.
1.07.00.00.00 Молия ва кредит тўғрисидаги қонунчилик. Банк фаолияти / 07.07.00.00 Бюджет тизимининг бошқа масалалари / 07.07.02.00 Давлат жамғармалари / 07.07.02.04 Вазирлик ва идоралар жамғармалари]
6. Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси Ташқи ишлар вазирлиги билан ҳамкорликда ватандошлар орасида юқори малакали мутахассисларни давлат ва хўжалик бошқаруви, маҳаллий ижро ҳокимияти органлари, Ўзбекистон Республикасининг бошқа давлат ташкилотларига раҳбарлик ва масъулиятли лавозимларига жалб қилиш борасида зарур чора-тадбирларни мунтазам амалга оширсин ҳамда уларга манфаатдор вазирлик ва идораларга ишга кириш, яқин алоқалар ўрнатиш бўйича тўлиқ ёрдам кўрсатсин.
(6-банд Ўзбекистон Республикаси Президентининг 2021 йил 11 февралдаги ПФ-6168-сонли Фармони таҳририда — Қонун ҳужжатлари маълумотлари миллий базаси, 12.02.2021 й., 06/21/6168/0111-сон)
1.13.00.00.00 Таълим. Фан. Маданият / 13.03.00.00 Маданият / 13.03.19.00 Оммавий ахборот воситалари (радио, телевидение ва бошқалар) (шунингдек, 12.03.09.00.га қаранг)]
7. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, «Дунё» ахборот агентлиги оммавий ахборот воситаларида мазкур қарорнинг мақсад ва вазифаларини ҳамда Концепция ва Чора-тадбирлар дастурининг амалга оширилиши ҳолатини ёритиш юзасидан мақолалар ва мавзули дастурларни ташкил этсин.
(7-банд Ўзбекистон Республикаси Президентининг 2019 йил 10 декабрдаги ПФ-5892-сонли Фармони таҳририда — Қонун ҳужжатлари маълумотлари миллий базаси, 11.12.2019 й., 06/19/5892/4134-сон)
8. Ташқи ишлар вазирлиги икки ой муддатда манфаатдор вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти ҳузуридаги Хавфсизлик кенгаши котиби В.В. Маҳмудов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 25 октябрь,
ПҚ-3982-сон
Ўзбекистон Республикаси Президентининг 2018 йил 25 октябрдаги ПҚ-3982-сон қарорига 1-ИЛОВА
[ОКОЗ:
1.02.00.00.00 Давлат бошқаруви асослари / 02.08.00.00 Иқтисодиёт, ижтимоий-маданий қурилиш соҳасидаги давлат бошқарувининг умумий масалалари / 02.08.01.00 Давлат дастурлари, концепциялар ва бошқалар]
Хорижда истиқомат қилаётган ватандошлар билан ҳамкорлик соҳасида Ўзбекистон Республикаси давлат сиёсати
концепцияси
1-боб. Умумий қоидалар
1. Хорижда истиқомат қилаётган ватандошлар билан ҳамкорлик соҳасида Ўзбекистон Республикаси давлат сиёсати Концепцияси (кейинги ўринларда — Концепция деб юритилади), давлатнинг мазкур йўналишдаги сиёсатининг принциплари, мақсадлари, асосий жабҳалари ва механизмларини намоён этадиган қарашларнинг ягона тизимидир.
2. Қуйидагилар:
Ўзбекистон ҳудудидан ташқарида доимо истиқомат қиладиган ёки таълим олиш, меҳнат фаолияти билан шуғулланиш, оилавий сабаблар ва бошқа шароитлардан келиб чиқиб вақтинчалик чет элда юрган Ўзбекистон Республикаси фуқаролари;
хорижга чиққан ва чет эл фуқаролигини олган, Ватанига маънавий ва маданий нуқтаи назардан мансубликни ҳис қилган ҳамда Ўзбекистон Республикаси билан маданий-гуманитар, ижтимоий-иқтисодий ва бошқа алоқаларни ривожлантиришга ҳаракат қилаётган Ўзбекистондан чиқиб кетган шахслар ва уларнинг авлодлари;
этник, тил ва маданий-тарихий нуқтаи назардан ўзини ўзбеклар ёки қорақалпоқлар сифатида идентификация қилган ҳамда Ўзбекистон билан ҳар томонлама алоқада бўлиш хоҳишида бўлган хорижда истиқомат қилаётган чет эл фуқаролари ва фуқаролиги бўлмаган шахслар хорижда истиқомат қилаётган ватандошлар (кейинги ўринларда — ватандошлар) ҳисобланади.
3. Ўз ташаббуслари орқали ташкил этилган ҳамда ватандошларнинг манфаатларини ифода этадиган ва халқаро ҳуқуқнинг умумэътироф этилган принциплари, нормаларига, истиқомат қилаётган мамлакатнинг ва Ўзбекистон Республикаси қонунчилигига, ўзининг низомига асосланиб фаолият олиб борадиган жамоавий маданий ва миллий марказлар, ассоциациялар, талабалар жамиятлари, мактаблар, фондлар ва тадбиркорлик тузилмалари ватандошлар ташкилотлари деб тушунилади.
4. Мазкур Концепция Ўзбекистон Республикасининг Конституцияси ва қонунлари, Ўзбекистон Республикаси Олий Мажлиси палаталари қарорлари, Ўзбекистон Республикаси Президентининг фармонлари ва қарорлари Ўзбекистон Республикаси Вазирлар Маҳкамасининг қарорлари ва бошқа норматив-ҳуқуқий актлар ҳамда халқаро ҳуқуқнинг умумэътироф этилган принциплари ва нормаларига асосланади.
5. Концепция ватандошлар билан доимий мулоқотни таъминлаб туришнинг самарали механизмларини шакллантириш ва амалга ошириш, уларни маданий-гуманитар, илмий, маърифий ва ахборот соҳаларда ҳамкорликка жалб қилиш, Ўзбекистонда иқтисодий, ижтимоий лойиҳа ва дастурларни амалга ошириш ҳамда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган мақсад ва вазифаларни ватандошлар билан фаол ҳамкорлик қилиш орқали самарали амалга оширишга қаратилган.
2-боб. Ўзбекистон Республикасининг ватандошлар билан ҳамкорлигининг асосий принциплари
6. Ўзбекистон билан маънавий, маданий ва ҳуқуқий алоқаларни сақлашга ҳамда мамлакатимизнинг иқтисодий ва ижтимоий ҳаётида иштирок этишга интилаётган ватандошлар билан ҳамкорликни қўллаб-қувватлаш ва ривожлантириш Ўзбекистон Республикаси давлат сиёсатининг устувор йўналишларидан бири ҳисобланади.
7. Ўзбекистон Республикасининг ватандошлар билан ҳамкорлигининг барча шакллари ва йўналишлари очиқлик, шериклик, ихтиёрийлик, қонунийлик, истиқомат қилаётган мамлакатининг қонунларига ҳурмат билан қараш, давлат суверенитети ва мустақиллиги, тенг ҳуқуқлилик ва бир-бирининг ички ишларига аралашмаслик, халқаро ҳуқуқнинг умумэътироф этилган принциплари ва нормаларига Ўзбекистон Республикасининг халқаро шартномалари амал қилиш принципларига асосланади.
Ватандошлар билан мулоқот ўрнатиш ва алоқаларни ривожлантириш масалаларида Ўзбекистон Республикаси ватандошлар истиқомат қиладиган давлатларнинг тегишли давлат органлари билан ўзаро ҳамкорлик қилади.
8. Мазкур соҳадаги давлат сиёсати барча ватандошлар билан ҳар томонлама дўстона ҳамкорликни мустаҳкамлашга, уларнинг этник, миллий, диний ва ижтимоий мансублигидан қатъий назар Ўзбекистон Республикаси билан маданият, тил, таълим, ахборот соҳалардаги ҳуқуқ ва эркинликларини амалга оширишга кўмаклашишга, иқтисодий ва гуманитар алоқаларни ривожлантиришга қаратилган.
Мамлакатлар ўртасида дўстона муносабатларни мустаҳкамлаш, ватандошларимизни уларнинг ижтимоий ва маданий эҳтиёжларини қаноатлантиришда кўмаклашиш ва истиқомат қилаётган мамлакатдаги маданий тенглигини ҳимоя қилиш ва ривожлантириш учун қулай шарт-шароитларни сақлаб қолиш мақсадида юртдошларимиз билан ўзаро ҳамкорлик қилишга доимий эътибор қаратилади.
3-боб. Ўзбекистон Республикасининг хориждаги ватандошлар билан ҳамкорлигининг асосий мақсадлари
9. Ўзбекистон Республикасининг ватандошлар билан ҳамкорлик соҳасидаги давлат сиёсатининг асосий мақсадлари қуйидагилардан иборат:
халқаро ҳуқуқнинг умумэътироф этилган принциплари ва нормалари, истиқомат қилаётган мамлакатнинг қонунлари ва Ўзбекистон Республикасининг халқаро шартномалари асосида чет эллардаги ватандошларнинг ҳуқуқ ва эркинликларини ҳимоя қилишда ёрдам кўрсатиш;
Ўзбекистон маданий, илмий ва маънавий меросини кенг тарғиб қилиш, уни дунёда ўрганиш ва оммалаштириш, истиқомат қилаётган мамлакатларида ўзбек тилини, маданиятини ва анъаналарини сақлаб қолиш ва ривожлантиришга қаратилган ватандошларимизнинг фаолиятини қўллаб-қувватлаш, уларнинг Ўзбекистонда таълим олиш имкониятларини кенгайтириш;
Ўзбекистон Республикасининг ижтимоий-иқтисодий тараққиётига ва унинг хорижий мамлакатлар билан ўзаро манфаатли ва дўстона муносабатларини ривожлантиришга ўз ҳиссасини қўшишни истаган ватандошлар ва улар томонидан тузилган ташкилотлар билан алоқаларни ривожлантириш ва мустаҳкамлаш;
Ўзбекистон ҳудудида ватандошларнинг касбий, шу жумладан, тадбиркорлик, сармоядорлик, илмий, маърифий ва маданий фаолиятини амалга ошириши учун қулай ҳуқуқий, ижтимоий ва иқтисодий шарт-шароитлар яратиш;
Ўзбекистонда амалга оширилаётган кенг кўламли ижтимоий-иқтисодий ва ижтимоий-сиёсий ислоҳотларни қўллаб-қувватлаш, шунингдек, Ўзбекистон Республикасининг халқаро обрў-эътиборини янада мустаҳкамлашга ватандошлар салоҳиятини жалб қилиш.
4-боб. Ўзбекистон Республикасининг ватандошлар билан ҳамкорлигининг асосий йўналишлари
§1. Маданий, илмий, маърифий ва ахборот соҳаларида ҳамкорликни ривожлантириш
10. Ўзбекистон Республикаси маданият, илм-фан, таълим ва ахборот соҳаларида юртдошлар ва уларнинг ташкилотлари билан фаол ҳамкорликни амалга ошириш, улар билан ҳамкорликда Ўзбекистоннинг бошқа хорижий мамлакатлар билан дўстона алоқаларини мустаҳкамлашга йўналтирилган тадбирларни ташкил қилишни назарда тутмоқда.
11. Ушбу Концепциянинг 10-бандида кўрсатилган ватандошлар билан ҳамкорликнинг асосий соҳалари қуйидагилардир:
илмий, таълим, тиббиёт, маданий-маърифий, спорт ва бошқа соҳалардаги лойиҳаларни ҳамкорликда амалга ошириш, шунингдек, Ўзбекистон Республикаси учун ёш кадрлар ва мутахассисларни тайёрлашга ватандошларнинг салоҳиятини жалб этиш;
ватандошларнинг таълим олиш ва касбий маҳоратларини ошириш, шунингдек, уларнинг ўз тарихий Ватанининг илмий, маданий ва ижтимоий ҳаётида иштирок этиш имкониятларини кенгайтириш;
доимий истиқомат қилаётган мамлакатларда ўзбек тили, маданияти ва урф-одатларини ўрганиш, асраш ва ёш авлодларга етказишда ватандошлар ва уларнинг ташкилотларига кенг кўламли ёрдам кўрсатиш;
хорижий давлатлардаги юртдошларимизнинг ҳаёти ва фаолиятини янада тўлиқроқ ёритиш ва уларни Ўзбекистон ҳақидаги тегишли ахборот билан таъминлаш мақсадида оммавий ахборот воситалари соҳасидаги ҳамда ахборот алмашинуви борасидаги ҳамкорликни кенгайтириш;
чет элда таҳсил олаётган Ўзбекистон фуқаролари билан доимий алоқани ўрнатиш ва ушлаб туриш, уларнинг Ўзбекистон ҳудудида иш билан таъминлашига зарурий ёрдам кўрсатиш.
§ 2. Иқтисодий соҳада ҳамкорликни ривожлантириш
12. Ўзбекистон Республикаси молиявий-иқтисодий ва интеллектуал-технологик салоҳиятга эга ишбилармон доира вакилларини, хорижий компания ишчиларини, сармоядорларни, халқаро молия институтлари ходимларини ва бошқа мутахассис ватандошларимизни жалб қилишда қуйидагилардан манфаатдор:
Ўзбекистон Республикаси ижтимоий-иқтисодий ривожланишини қўллаб-қувватлаш ва ташқи иқтисодий алоқаларни кенгайтириш;
тўғридан-тўғри хорижий инвестицияларни, иқтисодиётнинг устувор тармоқларига илғор технологияларни фаол жалб қилиш, Ўзбекистонда қўшма корхоналарни ташкил этиш ва экспортга йўналтирилган маҳсулотларни ишлаб чиқаришни ташкил қилиш;
маҳаллий маҳсулотлар экспорти ҳажмини оширишга ёрдам бериш ва унинг географиясини кенгайтириш;
хорижий туристларни жалб қилиш, мамлакатнинг туристик салоҳиятини, инфратузилмасини ва Ўзбекистонда туризмнинг янги турларини ривожлантириш;
банк-молия фаолиятини тартибга солишнинг замонавий принципларини ва механизмларини жорий этиш;
Инвестициявий жозибадорликни ошириш, тадбиркорликни ривожлантириш ва хорижий инвесторларнинг Ўзбекистонда фаолият юритишида илғор хорижий тажрибани ўрганиш ва амалга ошириш;
хорижий мутахассис ходимларни, маслаҳатчиларни илғор хорижий тажрибага асосланган ҳолда иқтисодиётнинг барча тармоқларини жадал инновацион ривожлантиришни таъминлаш учун жалб қилиш, жаҳон илм-фанининг замонавий ютуқларини жорий қилиш, инновацион ғоялар, ишланмалар ва технологияларни жорий этиш, шунингдек, талабга жавоб берадиган иқтисодий, илмий, техникавий ва бошқа соҳадаги мутахассисларни Ўзбекистонда тайёрлашга кўмаклашиш.
5-боб. Ватандошларни давлат томонидан қўллаб-қувватлаш ва рағбатлантириш чоралари
13. Ўзбекистоннинг ривожланишига ҳисса қўшмоқчи бўлган ватандошларимизга ҳар томонлама кўмак кўрсатади, уларнинг истиқомат қилаётган давлатларида юртимизнинг маданий, илмий, маърифий меросларини ва замонавий ютуқларини сақлашга ва оммалаштиришга ёрдам беради.
Иқтисодиёт, илм-фан ва технологиялар, тиббиёт, таълим, маданият, спорт соҳаларида юқори малака ва ютуқларга эга бўлган ва бошқа йўналишларда қобилиятли ватандошлар билан ҳамкорликни ўрнатишга алоҳида эътибор қаратилади.
Ватандошлар билан ҳамкорликнинг даражаси ва шаклидан келиб чиққан ҳолда, уларга Ўзбекистон Республикаси қонунчилиги асосида давлат томонидан қуйидаги қўллаб-қувватлаш ва рағбат чоралари кўрилиши белгилансин:
кириш визаларини, шу жумладан, кўп маротабали ва узоқ муддатли визаларни соддалаштирилган ҳолда расмийлаштириш, вақтинчалик яшашга ҳамда Ўзбекистон Республикаси ҳудудида меҳнат фаолияти билан шуғулланишга рухсатнома бериш;
юқори малакали кадрларни Ўзбекистонда зарур бўлган мутахассисликлар бўйича ишга олиш;
ижтимоий ва маиший масалаларни ҳал қилишга ёрдам бериш;
давлат тасарруфидаги бўш турган объектларни ва ер майдонларини ватандошларга тадбиркорлик, илмий-тадқиқот, маърифий, инновацион ва бошқа дастур ҳамда лойиҳаларни амалга ошириш учун ажратиб бериш;
ватандошларнинг ўқиши, иши ва бошқа ижтимоий масалаларини тўлиқ (қисман) молиялаштириш;
ватандошлар орасида юқори малакали мутахассисларни давлат ва хўжалик бошқаруви, жойлардаги ижро ҳокимияти органлари ва Ўзбекистон Республикасининг бошқа давлат ташкилотларига раҳбарлик лавозимларига, шунингдек, ушбу ташкилотлар раҳбарларининг консультанти (маслаҳатчиси) сифатида жалб қилиш;
Ўзбекистон Республикаси қонунчилигида кўзда тутилган соддалаштирилган тартибда Ўзбекистон Республикаси фуқаролигини бериш;
ватандошлар — хорижий фуқароларга Ўзбекистон Республикасининг Олий таълим муассасаларида ўзбек тили ва адабиёти, тарих, кино, маданият, театр санъати, телевидение ва радио йўналишлари бўйича таълим олишлари учун грантлар ажратиш;
ватандошларнинг оммавий ахборот воситаларини Ўзбекистон Республикаси ҳудудида аккредитациядан ўтишини соддалаштириш;
Ўзбекистон Республикасини ривожланишига муносиб ҳисса қўшган ватандошларни давлат мукофотлари ва фахрий унвонлар билан тақдирлаш;
Ўзбекистон Республикаси қонунчилиги асосида давлат томонидан кўрсатиладиган бошқа қўллаб-қувватлаш ва рағбат чоралари.
6-боб. Якунловчи қоидалар
14. Ўзбекистон Республикасининг ватандошлар билан ҳамкорлик соҳасидаги давлат сиёсати Ўзбекистон Республикаси Президенти томонидан белгиланади ва Ўзбекистон Республикаси Вазирлар Маҳкамаси томонидан амалга оширилади.
15. Ватандошлар билан ҳамкорлик қилиш соҳасидаги давлат сиёсатини самарали амалга ошириш мақсадида Ўзбекистон Республикаси хорижий мамлакатлар ва халқаро ташкилотлар билан халқаро шартномалар ва бошқа халқаро ҳужжатларни тузади, Ўзбекистон Республикасининг жамоат ташкилотлари ҳамда ватандошларнинг хориждаги ташкилотлари ўртасидаги алоқаларни, алмашинувини рағбатлантиради ва қўллаб-қувватлайди.
16. Концепциянинг самарали амалга оширилиши ватандошлар билан очиқ мулоқот ва самарали ҳамкорликни йўлга қўйишга ҳамда:
ватандошлар билан тизимли ҳамкорликнинг самарали механизмларини шакллантириш ва уларнинг ўзбек тилини, маданиятини ва урф-одатларини сақлаш ва оммалаштиришга қаратилган фаолиятини қўллаб-қувватлашга;
Ўзбекистон Республикасининг устувор йўналишлардаги лойиҳа ва дастурларни амалга оширишда фаол иштирок етиши учун ватандошларнинг интеллектуал, касбий ва ресурс салоҳиятини жалб қилиш инструментларини яратиш ҳамда уларнинг мамлакатимизда амалга оширилаётган кенг кўламли ижтимоий-иқтисодий ва сиёсий ислоҳотларни амалга оширишда фаол иштирок этишга;
Ўзбекистон Республикасининг халқаро нуфузини янада мустаҳкамлашга, мамлакатнинг миллий манфаатларини минтақада ва жаҳонда илгари суришга, ватандошлар билан мулоқот ва ҳамкорлик ўрнатиш орқали хорижий мамлакатлар билан ўзаро манфаатли ва дўстона муносабатларни йўлга қўйишга имкон беради.
Ўзбекистон Республикаси Президентининг 2018 йил 25 октябрдаги ПҚ-3982-сон қарорига 2-ИЛОВА
Ўзбекистон Республикасининг хорижда истиқомат қилаётган ватандошлар билан ҳамкорлигини ривожлантириш бўйича биринчи навбатдаги чора-тадбирлар дастури
I. Ҳуқуқий-норматив базани шакллантириш ва такомиллаштириш
1.
Чет элда истиқомат қилувчи ватандошлар (кейинги ўринларда — ватандошлар) ва уларнинг оила аъзолари учун кириш визаларини, шу жумладан, кўп маротабали ва узоқ муддатли, вақтинчалик яшаш ҳамда ишлаш учун рухсатномаларни расмийлаштиришнинг соддалаштирилган тартибини жорий этиш.
1. Тегишли ҳуқуқий-норматив ҳужжатлар лойиҳаларини ишлаб чиқиш ва келишиш.
2. Белгиланган тартибда ҳуқуқий-норматив ҳужжатларнинг лойиҳаларини Ўзбекистон Республикаси Вазирлар Маҳкамасига ва Ўзбекистон Республикаси Президенти Администрациясига киритиш.
2018 йил
30 декабргача
ИИВ (Д. Назармухамедов), ТИВ (Д. Ахатов),
Бандлик ва меҳнат муносабатлари вазирлиги (Э. Мухитдинов),
Адлия вазирлиги (Н. Жўраев), ДХХ (А. Усманов)
2.
«Ватандош паспорти»ни татбиқ қилиш бўйича чет эл тажрибасини ҳамда уни Ўзбекистон Республикасида жорий қилишнинг мақсадга мувофиқлигини ўрганиш.
Аниқ таклиф ва тавсияларни ишлаб чиқиш юзасидан чет эл тажрибасини ўрганиш ва таҳлил қилиш.
2019 йил
1 мартгача
ИИВ (Д. Назармухамедов), ТИВ (Д. Ахатов),
Адлия вазирлиги (Н. Жўраев),
ДХХ (А. Усманов),
вазирлик ва идоралар
3.
«Ўзбекистон Республикасининг фуқаролиги тўғрисида»ги Қонунга ватандошларга Ўзбекистон Республикаси фуқаролигини беришнинг соддалаштирилган тартибини жорий қилишни назарда тутувчи ўзгартириш ва қўшимчалар киритиш.
1. Қонун лойиҳасини ишлаб чиқиш ва келишиш.
2. Қонун лойиҳасини белгиланган тартибда Ўзбекистон Республикаси Вазирлар Маҳкамасига ва Ўзбекистон Республикаси Президенти Администрациясига киритиш.
2019 йил
1 июнгача
ИИВ (Д. Назармухамедов), ТИВ (Д. Ахатов), Адлия вазирлиги (Н. Жўраев), ДХХ (А. Усманов), вазирлик ва идоралар
4.
Ватандошларнинг маданий, маърифий, ахборот, лингвистик эҳтиёжларини таъминлаш мақсадида ҳамкорлик қилиш шунингдек, шу соҳада ҳамкорлик дастурларини амалга ошириш бўйича халқаро шартномалар ва бошқа ҳужжатларни тузиш.
2. Халқаро шартномалар ва бошқа ҳужжатлар лойиҳаларини ишлаб чиқиш ва идоралараро келишиш.
3. Ҳужжатлар лойиҳаларини хорижий томон билан келишиш.
4. Шартномалар тузиш.
2019 йил
1 июлгача
Миллатлараро муносабатлар ва хорижий мамлакатлар билан дўстлик алоқалари қўмитаси
(К. Ишанходжаев), Маданият вазирлиги (О. Назарбеков),
Олий ва ўрта махсус таълим вазирлиги (О. Абдурахманов),
ТИВ (Д. Ахатов)
II. Чет элда истиқомат қилувчи ватандошлар бўйича маълумотлар базасини яратиш ва улар билан иш олиб боришдаги
истиқболли йўналишларни таҳлил қилиш
5.
Қуйидагиларни ўз ичига олган маълумотлар базасини яратиш: бебаҳо илмий-амалий тажрибага эга, олим, эксперт, тадбиркор, юқори малакали мутахассис, маданият, санъат, спорт ва бошқа соҳа ходими бўлган ватандошлар (чет давлатлар ва мутахассисликлари бўйича каталоглаштириш ҳамда давлат идораларининг кадрлар хизмати учун онлайн қидирув ва фойдаланиш имконини яратиш), улар билан манзилли ишларни олиб бориш, шунингдек, уларнинг салоҳиятини Ўзбекистоннинг ривожланишига жалб этиш бўйича таклифлар ишлаб чиқиш; чет элдаги ватандошлар ташкилотлари, шу жумладан, хориждаги бизнес-ассоциациялар, миллий ва маданий марказлар, фондлар, мактаб, кафедра ва университетлар, шунингдек, ватандошларнинг оммавий ахборот воситалари, шу жумладан, хусусий теле ва радио компаниялар, босма ва электрон нашриётлар.
1. Идоралараро ишчи гуруҳ ташкил этиш.
2. Маълумотлар базасини яратиш.
3. Ватандошлар ва уларга тегишли ташкилотлар билан манзилли иш олиб бориш, уларнинг салоҳиятини Ўзбекистон Республикасини ивожлантиришга жалб этиш бўйи?а чора-тадбирлар ва таклифларни ишлаб чиқиш.
2019 йил
1 майгача
«Эл-юрт умиди» жамғармаси,
ТИВ (Д. Ахатов),
Ахборот технологиялари ва коммуникацияларини ривожлантириш вазирлиги (О. Умаров),
ДХХ (А. Усманов), Иқтисодиёт вазирлиги (М. Мирзаев), Соғлиқни сақлаш вазирлиги
(Б. Юсупалиев), Миллатлараро муносабатлар ва хорижий мамлакатлар билан дўстлик алоқалари қўмитаси (К. Ишанходжаев), Инвестициялар бўйича давлат қўмитаси (Л. Кудратов), Ташқи савдо вазирлиги
(С. Саифназаров), Фанлар академияси (Б. Юлдашев), Олий ва ўрта махсус таълим вазирлиги
(О. Абдурахманов), Ахборот ва оммавий коммуникациялар агентлиги (Д. Саиджонов), МТРК (А. Ходжаев), вазирлик ва идоралар
6.
Чет элда таълим олаётган Ўзбекистон ёшларини келгусида ўқишни тамомлаганидан кейин Ўзбекистон Республикасида иш билан таъминлаш юзасидан таклифлар ишлаб чиқиш мақсадида улар бўйича маълумотлар базасини яратиш.
1. Маълумотлар базасини яратиш.
2. Ёшларнинг ишга жойлашишга бўлган эҳтиёжларини аниқлаш ва улар билан манзилли иш олиб бориш.
3. Ўқишни тамомлаган иқтидорли ёшларни Ўзбекистонда иш билан таъминлаш бўйича амалий таклифлар ишлаб чиқиш.
2018 йил
1 декабргача
Ўзбекистон ёшлар иттифоқи
(О. Таджиев), Олий ва ўрта махсус таълим вазирлиги
Ўзбекистон Республикасининг ватандошлар билан ҳамкорлигини, уларнинг ташкилотлари фаолиятини, улар билан доимий мулоқот олиб борилишини, илм-фан, технологиялар, соғлиқни сақлаш, менежмент ва бошқа соҳаларда фикр, тажриба ва билимлар алмашинувини ёритиш мақсадида «UzBridge» ахборот-таҳлилий электрон журналини яратиш.
1. Электрон журналнинг концепцияси ва мундарижаси (контент) ишлаб чиқиш.
2. Таҳрир кенгашни, бирламчи муаллифлик гуруҳини ташкил этиш.
3. Журналнинг бирламчи талқинини яратиш ва синовдан ўтказиш, сайтни ишга тушириш.
4. Сайтни мунтазам равишда янгилаб туриш.
5. Электрон журнал базасида ватандошларни бирлаштирувчи ижтимоий тармоқ платформасини яратиш.
2019 йил
1 апрелгача
ТИВ (Д. Ахатов), Ахборот технологиялари ва коммуникацияларини ривожлантириш вазирлиги
(О. Умаров), Ахборот ва оммавий коммуникациялар агентлиги (Д. Саиджонов), Миллатлараро муносабатлар ва хорижий мамлакатлар билан дўстлик алоқалари қўмитаси
(К. Ишанходжаев)
III. Иқтисодий соҳада ҳамкорликни ривожлантириш
8.
Ўзбекистон Республикаси иқтисодиётига сармоя киритиш, венчур фондларни, қўшма корхоналарни яратиш ва бошқалар бўйича ватандошлар фаолиятини қўллаб-қувватлаш.
1. Ўзбекистон иқтисодиётини ривожлантиришга ҳисса қўшишга қодир ва тайёр бўлган ватандошларни аниқлаш.
2. Музокаралар олиб бориш.
3. Ўзбекистонда тегишли лойиҳаларни амалга ошириш борасида ҳуқуқий, ахборот ва ташкилий-амалий ёрдам кўрсатиш.
2019 йил
1 мартгача
ТИВ (Д. Ахатов),
Инвестициялар бўйича давлат қўмитаси (Л. Кудратов), Инновацион ривожланиш вазирлиги (А. Назаров),
Ташқи савдо вазирлиги
(С. Саифназаров), Иқтисодиёт вазирлиги (М. Мирзаев), вазирлик ва идоралар
9.
Ватандошларнинг Ўзбекистон Республикасида экспортга йўналтирилган маҳсулот ишлаб чиқаришни йўлга қўйишга ҳамда хорижий бозорларга ўзбек маҳсулотларини етказиб беришни кўпайтириш бўйича фаолиятини қўллаб-қувватлаш.
1. Ўзбекистон маҳсулотларини ташқи бозорларга чиқаришда иштирок этишни истаган ватандошларни аниқлаш.
2. Музокаралар олиб бориш.
3. Экспорт шартномаларини тузишда ҳуқуқий, ахборот ва ташкилий-амалий ёрдам кўрсатиш.
Мунтазам равишда
Ташқи савдо вазирлиги
(С. Саифназаров), Савдо-саноат палатаси
(А. Икрамов), Инновацион ривожланиш вазирлиги
(А. Назаров), Инвестициялар бўйича давлат қўмитаси
(Л. Кудратов), Иқтисодиёт вазирлиги (М. Мирзаев),
ТИВ (Д. Ахатов),
вазирлик ва идоралар
10.
Ўзбекистоннинг туристик маҳсулотини илгари суришдан, мамлакатимизда туристик инфратузилма, туризмнинг янги турларини ривожлантиришда иштирок этишдан манфаатдор ватандошлар билан ҳамкорликни ривожлантириш.
1. Манфаатдор ватандошлар билан алоқалар ўрнатиш, музокаралар олиб бориш ва сайёҳлик лойиҳаларини ишлаб чиқиш.
2. Ватандошларга тегишли лойиҳалар ва дастурларни амалга оширишда ҳуқуқий, ахборот ҳамда ташкилий-амалий ёрдам кўрсатиш.
Мунтазам равишда
Давлат туризмни ривожлантириш қўмитаси
(У. Касимходжаев), Инвестициялар бўйича давлат қўмитаси
Ватандошлар сафидан юқори малакали мутахассисларни Ўзбекистон Республикасининг давлат ва хўжалик бошқаруви органлари ҳамда жойлардаги ижро ҳокимияти ва бошқа давлат ташкилотларининг раҳбар ҳамда масъул лавозимларига, шунингдек раҳбарларнинг консультантлари (маслаҳатчилар) сифатида жалб қилиш.
1. Ватандошлар сафидан юқори малакали мутахассисларни тегишли лавозимларга номзодлиги бўйича таклифлар тайёрлаш.
2. Музокаралар олиб бориш, Ўзбекистон Республикасига танишув ташрифларини ўтказиш.
3. Раҳбар ва масъул лавозимларга жалб қилинаётган ватандошларга ҳуқуқий ва ахборот кўмагини бериш, шунингдек, Ўзбекистонга кўчиб келиши билан боғлиқ масалаларни ҳал этишда амалий ёрдам кўрсатиш.
Мунтазам равишда
«Эл-юрт умиди» жамғармаси, ТИВ (Д. Ахатов), ЛБМА (Д. Ли), Инвестициялар бўйича давлат қўмитаси
(Л. Кудратов), Инновацион ривожланиш вазирлиги
(А. Назаров), Иқтисодиёт вазирлиги (М. Мирзаев), Ташқи савдо вазирлиги
(С. Саифназаров),вазирлик ва идоралар
12.
Ватандошларга тадбиркорлик, илмий-тадқиқот, таълим, инновацион ва бошқа лойиҳалари ҳамда дастурларини амалга ошириш учун давлат тасарруфида бўлган бўш объектларни тақдим этиш.
1. Ватандошларга тегишли талабномага асосан давлат тасарруфида бўлган бўш объектларни бериш.
2. Ҳуқуқий ва ташкилий-техник масалаларни ҳал қилишда ҳар томонлама ёрдам кўрсатиш.
Мунтазам равишда
«Эл-юрт умиди» жамғармаси, Рақобат қўмитаси
(Н. Шарипов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
IV. Маданий-гуманитар, илмий, таълим ва ахборот соҳаларида ҳамкорликни ривожлантириш
13.
Ўзбек тили, маданияти ва анъаналарини, хусусан, ўзбек тили ва адабиёти курсларини ташкил этиш, семинарлар, маданий кечалар, конференциялар, фестиваллар ва бошқа маданий тадбирларни ўтказиш йўли билан дунёга тарғиб этиш ва оммалаштириш учун Алишер Навоий номидаги Маданият марказини ташкил этиш масаласини ўрганиб чиқиш.
1. (Конфуций институти/ХХР, Гёте институти/ГФР, Сервантес институти/Испания, Юнус Эмрэ институти/Туркия ва бошқалар) сингари шунга ўхшаш институтлар ташкил этиш ва фаолиятини юритиш орқали хорижий тажрибани ўрганиш.
2. Алишер Навоий номидаги Маданият маркази ва унинг филиалларини чет элда таъсис этиш бўйича таклифларни тайёрлаш.
3. Норматив-ҳуқуқий ҳужжатларнинг лойиҳаларини ва концепциясини ишлаб чиқиш ва уларни белгиланган тартибда кўриб чиқилиши учун киритиш.
2019 йил
1 майгача
Маданият вазирлиги
(О. Назарбеков), Молия вазирлиги
(А. Хайдаров), ТИВ (Д. Ахатов), Миллатлараро муносабатлар ва хорижий мамлакатлар билан дўстлик алоқалари Қўмитаси
(К. Ишанходжаев),
вазирлик ва идоралар
14.
2019 йил Самарқанд шаҳрида Ватандошлар халқаро форумини ташкил этиш ва ўтказиш.
1. Форум концепцияси лойиҳасини ишлаб чиқиш.
2. Форум қатнашчилари рўйхатини тузиш.
3. Тегишли фармойиш қабул қилиниши учун ҳужжатлар тўпламини тайёрлаш ва Ўзбекистон Республикаси Вазирлар Маҳкамасига киритиш.
4. Форумни ўтказиш.
2019 йил
1 февралгача
«Эл-юрт умиди» жамғармаси, «Буюк келажак» ХННТ
(Б. Исмаилов), Миллатлараро муносабатлар ва хорижий мамлакатлар билан дўстлик алоқалари Қўмитаси
(К. Ишанходжаев),
ТИВ (Д. Ахатов)
15.
Хорижда Ўзбекистоннинг халқаро имиджини илгари суриш ва мамлакатимиз ҳаётининг барча жабҳаларида олиб борилаётган туб ўзгаришларни намоён қилиш мақсадида ватандошлар билан мунтазам равишда учрашувлар, тақдимотлар, «давра суҳбатлари» ва бошқа тадбирларни ўтказишни ташкиллаштириш.
1. Тадбирлар режасини ишлаб чиқиш ва тасдиқлаш.
2. Тадбирларни ўтказиш.
2019 йил
1 мартгача
ТИВ (Д. Ахатов), «Эл-юрт умиди» жамғармаси, Миллатлараро муносабатлар ?а хорижий мамлакатлар билан дўстлик алоқалари Қўмитаси
(К. Ишанходжаев),
манфаатдор вазирлик ва идоралар
16.
Ўзбекистон Олий ўқув юртларида ўзбек тили ва адабиёти, тарих, кино, маданият, театр санъати, телевидение ва радио йўналишлари бўйича таҳсил олиш учун хорижий фуқаролар сафидан ёш ватандошларга грантлар тақдим этиш.
1. Ватандошларга таълим грантларини тақдим этиш механизмларини ишлаб чиқиш.
2. Механизмнинг ижро этилишини таъмирлаш.
2019 йил
1 майгача
Олий ва ўрта махсус таълим вазирлиги
(О. Абдурахманов),
олий таълим муассасаларига эга бўлган вазирлик ва идоралар
17.
Ватандошларнинг оммавий ахборот воситалари билан ҳамкорликни ривожлантириш, уларнинг вакиллари Ўзбекистон Республикасида аккредитациядан ўтказилишининг соддалаштирилган тартибини жорий этиш.
1. Ватандошларнинг оммавий ахборот воситалари ва хорижий оммавий ахборот воситаларининг маълумотлар базасини шакллантириш.
2. Аккредитациядан ўтказишни енгиллаштириш мақсадида уларнинг фаолиятини ўрганиб чиқиш.
3. Аккредитациядан ўтказиш.
2019 йил
1 мартгача
Мунтазам равишда
ТИВ (Д. Ахатов), Ахборот ва оммавий коммуникациялар агентлиги (Д. Саиджонов), ДХХ (А. Усманов), манфаатдор вазирлик ва идоралар
(2-илова Ўзбекистон Республикаси Президентининг 2021 йил 7 октябрдаги ПФ-6320-сонли Фармони таҳририда — Қонунчилик маълумотлари миллий базаси, 08.10.2021 й., 06/21/6320/0940-сон)
