|
Ҳужжат кучини йўқотган " " 01.03.2022
|
Ўзбекистон Республикаси Вазирлар Маҳкамасининг
қарори
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартибини такомиллаштириш чора-тадбирлари тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 21 февралдаги 80-сонли «Махсус электрон тизим орқали айрим фаолият турларини лицензиялаш тартиби тўғрисидаги ягона низомни тасдиқлаш ҳақида»ги қарорига асосан 2022 йил 1 мартдан ўз кучини йўқотади.
«Фаолиятнинг айрим турларини лицензиялаш тўғрисидаги» Ўзбекистон Республикаси Қонунининг 5-моддаси, Ўзбекистон Республикаси Президентининг «Ўзбекистон Республикаси темир йўлларда юк ва йўловчилар ташиш хавфсизлигини назорат қилиш давлат инспекцияси фаолиятини янада такомиллаштириш чора-тадбирлари тўғрисида» 2017 йил 16 августдаги ПҚ-3221-сон қарори ижросини таъминлаш юзасидан Вазирлар Маҳкамаси қарор қилади:
1. Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги низом 1-иловага мувофиқ тасдиқлансин.
(1-банд Ўзбекистон Республикаси Вазирлар Маҳкамасининг 2020 йил 16 июндаги 384-сонли қарори таҳририда — Қонун ҳужжатлари маълумотлари миллий базаси, 16.06.2020 й., 09/20/384/0770-сон)
2. Белгилаб қўйилсинки, Авиация ва темир йўл транспорти соҳасидаги фаолиятни лицензиялаш бўйича Вазирлар Маҳкамасининг комиссияси (кейинги ўринларда Комиссия деб аталади) томонидан маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини амалга ошириш ҳуқуқи учун аввал берилган лицензиялар уларнинг муддати тугагунига қадар амал қилади.
3. Ўзбекистон Республикаси Ҳукуматининг 3-иловага мувофиқ айрим қарорларига ўзгартиришлар ва қўшимча киритилсин.
4. Ўзбекистон Республикаси темир йўлларда юк ва йўловчилар ташиш хавфсизлигини назорат қилиш давлат инспекцияси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
5. Ўзбекистон Республикаси Парвозлар хавфсизлигини назорат қилиш давлат инспекцияси, Комиссия таркибини қайта кўриб чиқишни ҳисобга олган ҳолда, Ўзбекистон Республикаси Вазирлар Маҳкамасига бир ой муддатда авиация транспорти соҳасидаги фаолиятни лицензиялаш тартибини такомиллаштириш тўғрисида белгиланган тартибда таклифлар киритсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ҳамда Ўзбекистон Республикаси Темир йўлларда юк ва йўловчилар ташиш хавфсизлигини назорат қилиш давлат инспекцияси бошлиғи Д.Б. Аҳмедов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 9 апрель,
278-сон
Вазирлар Маҳкамасининг 2018 йил 9 апрелдаги 278-сон қарорига
1-ИЛОВА
1-ИЛОВА
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисида
НИЗОМ
1-боб. Умумий қоидалар
1. Ушбу Низом маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартибини белгилайди.
2. Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш Ўзбекистон Республикаси Транспорт вазирлиги (кейинги ўринларда — Транспорт вазирлиги) томонидан амалга оширилади.
(2-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
3. Аҳолининг ҳаёти ва соғлиғини хавф остига қўйган ҳамда авария-қутқариш ва тиклаш ишларини амалга оширишни талаб этадиган табиий офатлар, эпидемиялар, йирик авариялар оқибатларини тугатиш ҳамда Ҳукумат қарорларига биноан мурувват юкларини етказиб бериш билан боғлиқ бўлган ташишларни амалга ошириш, шунингдек, «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 9-моддасида назарда тутилган ташкилотларга маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини амалга ошириш ҳуқуқи учун лицензия (кейинги ўринларда лицензия деб аталади) олиш талаб этилмайди.
4. Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолияти фақат юридик шахслар томонидан амалга оширилади.
Амалга ошириш ҳуқуқи учун лицензия олинган фаолият тури фақат лицензияни олган юридик шахс томонидан амалга оширилиши мумкин. Лицензияларни ёки уларга доир ҳуқуқларни бошқа шахсларга бериш тақиқланади.
5. Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини амалга ошириш ҳуқуқи учун намунавий (оддий) лицензиялар берилади.
Лицензия талабгорининг аризасига кўра, лицензия умуман фаолият турига ёхуд унинг қуйидаги қисмларига берилади:
маҳаллий йўналишда йўловчилар ташиш;
халқаро йўналишда йўловчилар ташиш;
маҳаллий йўналишда юклар ташиш;
халқаро йўналишда юклар ташиш.
6. Лицензия амал қилиш муддати чекланмасдан берилади.
(6-банд Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
7. Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш ушбу Низомга 1-иловага мувофиқ схема бўйича амалга оширилади.
2-боб. Лицензия талаблари ва шартлари
8. Қуйидагилар темир йўл транспортида йўловчиларни ҳамда юкларни ташиш фаолиятини амалга оширишда лицензия талаблари ва шартлари ҳисобланади:
қонун ҳужжатларига, шунингдек, юкларни ташиш қоидалари, темир йўл транспортида йўловчилар, багаж ва юк багажларни ташиш қоидаларига ҳамда темир йўлда ташишлар хавфсизлигини таъминлаш соҳасида техник тартибга солиш, темир йўл транспортининг ҳаракатланувчи таркиби, объектлари ва техник воситаларини сақлаш, таъмирлаш, уларга хизмат кўрсатиш ва улардан фойдаланиш соҳасидаги бошқа норматив ҳужжатларга мажбурий риоя қилиш;
ҳаракат хавфсизлигини таъминлашга масъул бўлган, темир йўлда ташишлар хавфсизлигини таъминлаш соҳасида техник тартибга солиш, темир йўл транспортининг ҳаракатланувчи таркиби, объектлари ва техник воситаларини сақлаш, таъмирлаш, уларга хизмат кўрсатиш ва улардан фойдаланиш соҳасидаги норматив-ҳуқуқий ҳужжатларни ва норматив ҳужжатларни билиш бўйича Транспорт вазирлиги томонидан белгиланган тартибда аттестациядан ўтган мансабдор шахсларнинг штатда мавжуд бўлиши;
(8-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
локомотив, йўловчи ёки юк ташиш вагонининг тегишли темир йўл ҳаракатланувчи таркиби томонидан режали таъмирлаш турларидан ўтганлигини тасдиқловчи техник паспортининг (формуляри) мавжуд бўлиши;
темир йўлда ташишлар хавфсизлиги, ёнғин хавфсизлиги, ишлаб чиқариш санитарияси ва экологияси, ҳаракатланувчи таркибни техник соз ҳолатда сақлаш, унинг бутлигини таъминлаш, техник кўрикдан ўтказиш, техника хавфсизлигини таъминлаш, локомотивни рейсдан олдин техник кўрикдан ва тегишли ходимларни тиббий кўрикдан ўтказиш бўйича талаблар ва нормаларнинг бажарилиши;
йўловчилар ва юкларни ташишда фойдаланиладиган ҳаракатланувчи таркибнинг, шунингдек, ходимларнинг темир йўл транспортида белгиланган талабларга мувофиқ бўлиши;
ҳаракатланувчи таркибнинг хизмат муддати узайтирилганлиги тўғрисидаги зарур гувоҳномаларнинг, янгидан сотиб олинган ҳаракатланувчи таркиб учун сертификатларнинг, кириши йўлининг техник паспорти ҳамда кириш йўлида хизмат кўрсатиш, ҳаракатни ташкил этиш ва манёвр ишларини амалга ошириш тартиби тўғрисидаги йўриқномаларнинг мавжуд бўлиши;
лицензияланадиган фаолиятнинг лицензияда кўрсатилган ҳаракат зонаси доирасида амалга оширилиши;
шартномалар тузишда — мижозларнинг талабига кўра ҳамда қонун ҳужжатларида белгиланган тартибда текширишлар ўтказиш пайтида — назорат қилувчи органларга лицензияни тақдим этиш;
Транспорт вазирлигининг талабига кўра лицензия талаблари ва шартларига риоя этилишини текшириш чоғида юзага келадиган масалалар бўйича зарур ахборотни унга тақдим этиш.
(8-банднинг ўнинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
3-боб. Лицензия олиш учун зарур бўлган ҳужжатлар
9. Лицензия олиш учун лицензия талабгори қуйидаги ҳужжатларни тақдим этади:
юридик шахснинг номи ва ташкилий-ҳуқуқий шакли, унинг жойлашган жойи (почта манзили), банкнинг номи ва юридик шахснинг банкдаги ҳисобрақами, юридик шахс амалга оширишни кўзлаётган фаолиятнинг лицензияланадиган тури (унинг бир қисми), шунингдек, аризага илова қилинадиган ҳужжатлар рўйхати кўрсатилган ҳолда ушбу Низомга 2-иловага мувофиқ шаклда лицензия бериш тўғрисидаги ариза. Лицензия бериш тўғрисидаги аризада лицензия талабгорининг электрон манзили ҳам кўрсатилиши мумкин;
(9-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
талабгорга мулк ҳуқуқи, бошқа ашёвий ҳуқуқлар ёки ижара шартномаси асосида тегишли бўлган ҳаракатланувчи таркибнинг ушбу Низомга 3-иловага мувофиқ шаклдаги рўйхати;
темир йўл транспортида ташиш жараёнига жалб қилинган раҳбар ходимлар ва мутахассисларнинг ушбу Низомга 4-иловага мувофиқ шакл бўйича рўйхати;
темир йўл транспортида ташиш жараёнига, кириш йўлларининг, ҳаракатланувчи таркибнинг техник ҳолатига, тормоз бошмоқларининг сақланиши ва ҳисобини юритишга, ҳаракатланувчи таркибнинг ҳаракатланиш хавфсизлиги ва бутлигини таъминлашга масъул шахсларни тайинлаш тўғрисида юридик шахс раҳбарининг буйруғидан нусха;
аризани кўриб чиқиш учун белгиланган йиғимнинг лицензия талабгори томонидан тўланганлигини тасдиқловчи ҳужжат (тўлов топшириқномасининг нусхаси).
10. Лицензия талабгоридан ушбу Низомнинг 9-бандида назарда тутилмаган ҳужжатларни тақдим этишини талаб қилишга йўл қўйилмайди.
11. Лицензия олиш учун зарур бўлган ҳужжатлар лицензия талабгори томонидан Транспорт вазирлигига бевосита, почта алоқа воситалари ёки уларнинг олинганлиги тўғрисидаги билдиришнома билан Ўзбекистон Республикаси Ягона интерактив давлат хизматлари портали (кейинги ўринларда Ягона портал деб аталади) орқали электрон шаклда тақдим этилади.
(11-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Электрон шаклда тақдим этилган ҳужжатлар лицензия талабгорининг электрон рақамли имзоси билан тасдиқланади.
Лицензия бериш тўғрисидаги аризада лицензия талабгори электрон манзилининг кўрсатилиши унинг аризаси бўйича қабул қилинган қарор ҳақидаги хабарномани электрон шаклда олишга розилиги ҳисобланади.
Лицензия олиш учун Транспорт вазирлигига тақдим этилган ҳужжатлар рўйхат бўйича қабул қилинади ва рўйхатнинг нусхаси ариза берувчига ҳужжатлар белгиланган орган томонидан қабул қилинган сана қайд этилган ҳолда топширилади (юборилади).
(11-банднинг тўртинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
12. Лицензия талабгори томонидан лицензия олиш учун тақдим қилинган зарур ҳужжатлар Транспорт вазирлиги уларнинг аксини тасдиқламагунича барча ҳолатларда ишончли ҳисобланади.
(12-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Ишончли бўлмаган ёки сохталаштирилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.
13. Транспорт вазирлигига лицензиялаш учун бошқа ташкилотлар томонидан бериладиган ҳужжатларни олиш талаб қилинган ҳолатларда, лицензиялаш соддалаштирилган тартибда «ягона дарча» тамойили бўйича амалга оширилади ва бунда Транспорт вазирлиги кўрсатилган ҳужжатларни юридик шахснинг иштирокисиз мустақил равишда олади.
(13-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
4-боб. Аризаларни кўриб чиқиш ва лицензия бериш ёки лицензия беришни рад этиш тўғрисида қарор қабул қилиш
14. Лицензия талабгорининг аризаси кўриб чиқилганлиги учун ариза берилган кунда қонунчиликда белгиланган базавий ҳисоблаш миқдорининг бир баравари миқдорида йиғим ундирилади.
(14-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 28 декабрдаги 1046-сонли қарори таҳририда — Қонун ҳужжатлари маълумотлари миллий базаси, 29.12.2019 й., 09/19/1046/4242-сон)
Лицензия талабгорининг аризаси, шу жумладан Ягона портал орқали тақдим этилган аризалар кўриб чиқилганлиги учун йиғим суммаси Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармаси ғазначилик ҳисобварағига ўтказилади.
(14-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Лицензия талабгори берилган аризадан воз кечган тақдирда тўланган йиғим суммаси қайтарилмайди.
15. Лицензия талабгорига лицензия бериш ёки лицензия беришни рад этиш тўғрисидаги қарор лицензия талабгорининг аризаси олинган кундан бошлаб йигирма кундан ошмайдиган муддатда қабул қилинади.
(15-банд Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
16. Лицензия бериш тўғрисидаги аризани кўриб чиқиш ва зарур ҳужжатларни (кўрик далолатномаси, техник, эксперт хулосалари ва бошқаларни) тайёрлаш Транспорт вазирлигининг лицензиялаш ва рухсат берувчи ҳужжатлар бошқармаси (кейинги ўринларда ишчи орган деб аталади) томонидан амалга оширилади.
(16-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
17. Ишчи орган ҳужжатларни ариза олинган кундан бошлаб, ўн иш кунидан ошмайдиган муддатда кўриб чиқади, жойларга бориб лицензия талабгорининг лицензия талаблари ва шартларини бажариш имкониятини ўрганади, ўрганиш натижалари бўйича эксперт хулосасини тайёрлайди ва уни транспорт вазирининг ўринбосарига лицензия талабгорига лицензия бериш ёки лицензия беришни рад этиш тўғрисидаги баённома қарорининг тегишли лойиҳаси билан бирга тасдиқлаш учун тақдим этади.
Транспорт вазирининг ўринбосари ишчи органнинг эксперт хулосаси олингандан сўнг беш иш кунидан ошмайдиган муддатда уни кўриб чиқади ва қабул қилинган қарор тўғрисидаги баённомани тасдиқлайди.
Транспорт вазирлигининг лицензия бериш ёки лицензия беришни рад этиш тўғрисидаги қарори лицензия бериш ёки лицензия беришни рад этиш учун асос ҳисобланади.
Транспорт вазирлиги лицензия бериш тўғрисидаги аризани кўриб чиқиш муддати мобайнида лицензия бериш ёки лицензия беришни рад этиш тўғрисида қарор қабул қилмаган тақдирда, кўрсатиб ўтилган ушбу муддат тамом бўлгандан кейин лицензия талабгори Транспорт вазирлигини хабардор қилган ҳолда, аризада кўрсатилган фаолиятни амалга ошириш ҳуқуқига эга бўлади. Бунда Транспорт вазирлиги лицензия талабгорининг ёзма билдиришномасини олгандан кейин беш иш куни мобайнида лицензия талабгорига лицензия беришга мажбур.
(17-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
18. Транспорт вазирлиги лицензия талабгорини қабул қилинган қарор тўғрисида тегишли қарор қабул қилинган кундан кейин уч иш куни мобайнида хабардор қилади.
(18-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Лицензия беришга қарор қабул қилинганлиги тўғрисидаги билдиришнома лицензия талабгорига банк ҳисобрақамининг реквизитлари, давлат божини тўлаш муддати кўрсатилган ҳолда ёзма шаклда, шу жумладан ахборот тизими орқали электрон шаклда юборилади (топширилади).
Лицензия беришни рад этиш тўғрисидаги билдиришнома лицензия талабгорига рад этиш сабаблари ва лицензия талабгори кўрсатиб ўтилган сабабларни бартараф этиб, ҳужжатларни қайта кўриб чиқишга тақдим этиши мумкин бўлган муддат кўрсатилган ҳолда ёзма шаклда, шу жумладан электрон шаклда ахборот тизими орқали юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.
Лицензия бериш рад этилишига асос бўлган сабаблар лицензия талабгори томонидан Транспорт вазирлиги билдиришномасида белгиланган муддатда бартараф этилган тақдирда, ҳужжатлар Транспорт вазирлиги томонидан лицензия талабгорининг аризаси барча зарур ҳужжатлар билан бирга олинган кундан бошлаб беш иш кунидан ошмайдиган муддатда қайта кўриб чиқилади. Лицензия талабгорининг аризаси қайта кўриб чиқилганлиги учун йиғим ундирилмайди.
(18-банднинг тўртинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Лицензия талабгорининг аризасини қайта кўриб чиқишда лицензия беришни рад этиш тўғрисидаги билдиришномада аввал кўрсатилмаган янги асослар бўйича лицензия беришни рад этишга йўл қўйилмайди.
«Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида назарда тутилган асослар бўйича лицензия бериш рад этилиши мумкин.
Лицензия талабгори Транспорт вазирлигининг лицензия беришни рад этиш тўғрисидаги қарори, шунингдек, мансабдор шахсининг ҳаракати (ҳаракатсизлиги) юзасидан қонун ҳужжатларида белгиланган тартибда шикоят қилиш ҳуқуқига эга.
(18-банднинг еттинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
19. Лицензия талабгори томонидан лицензия беришни рад этиш ҳақидаги билдиришномада кўрсатилган муддат ўтгандан кейин тақдим этилган ариза янги берилган деб ҳисобланади.
20. Лицензиат лицензия бериш тўғрисида қарор қабул қилингани ҳақида билдиришнома юборилган (топширилган) вақтдан бошлаб уч ой мобайнида Транспорт вазирлигига лицензия бериш учун давлат божи тўланганини тасдиқловчи ҳужжатни тақдим этмаса ёки лицензия битимини имзоламаса, Транспорт вазирлиги мазкур лицензияни бекор қилиш ҳуқуқига эга.
(20-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
21. Лицензияловчи орган билан лицензиат ўртасидаги ўзаро ҳуқуқ ва мажбуриятларни белгиловчи лицензия битими Транспорт вазирлиги билан лицензиат ўртасида тузилади ва қуйидагиларни ўз ичига олган бўлиши керак:
(21-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
битимни имзолаган шахсларнинг фамилияси, исми, отасининг исми, лавозими;
томонларнинг реквизитлари;
амалга оширилишига лицензия берилаётган аниқ фаолият турининг номи;
Олдинги таҳрирга қаранг.
(21-банднинг бешинчи хатбошиси Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарорига асосан чиқарилган — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
лицензиатга қўйиладиган лицензия талаблари ва шартлари;
лицензия битими талаблари ва шартлари бузилганлиги учун томонларнинг жавобгарлиги;
Транспорт вазирлиги томонидан лицензиатнинг лицензия битими талаблари ва шартларини бажаришини назорат қилиш тартиби.
(21-банднинг еттинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Лицензия битими икки нусхада — лицензиат ва Транспорт вазирлиги учун бир нусхадан тузилади.
(21-банднинг саккизинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
22. Лицензия махсус бланкада расмийлаштирилади. Лицензия бланкалари қатъий ҳисобот бериладиган ҳужжат ҳисобланади, ҳисобга олиш сериясига, тартиб рақамига ва ҳимояланиш даражасига эга бўлади. Лицензия бланкасининг намунаси Транспорт вазирлиги томонидан ишлаб чиқилади ва «Давлат белгиси» давлат-ишлаб чиқариш бирлашмасида босмахона усулида тайёрланади. Лицензиялар бланкаларининг ҳисобга олиниши, сақланиши ва улардан мақсадли фойдаланилиши учун транспорт вазирининг ўринбосари жавоб беради.
(22-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
23. Лицензиялар лицензия талабгори давлат божи тўлаганлигини тасдиқловчи ҳужжатни тақдим этганидан ва лицензия битимини имзолаганидан кейин икки кун муддатда Транспорт вазирлиги томонидан расмийлаштирилади ва берилади.
Лицензиялар транспорт вазирининг ўринбосари томонидан имзоланади.
(23-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
5-боб. Лицензияни қайта расмийлаштириш ва дубликат бериш
(5-бобнинг номи Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
24. Лицензиат қайта ташкил этилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда Транспорт вазирлигига кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.
(24-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Янги ташкил этилган юридик шахс давлат рўйхатидан ўтказилган санада бир хил турдаги лицензияланган фаолиятни амалга ошириш лицензиясига эга бўлган лицензиатлар — юридик шахслар қўшилган тақдирда, лицензияни ушбу банднинг биринчи қисмида назарда тутилган тартибда қайта расмийлаштиришга йўл қўйилади.
Лицензиянинг лицензияланадиган фаолият турининг бир қисми (қисмлари) учун амал қилиши тўхтатилганда лицензия қайта расмийлаштирилади.
25. Лицензия қайта расмийлаштирилгунига қадар лицензиат унда белгиланган фаолиятни илгари берилган лицензия асосида амалга оширади.
26. Лицензия қайта расмийлаштирилганда, Транспорт вазирлиги лицензиялар реестрига тегишли ўзгартиришлар киритади.
Лицензиялар Транспорт вазирлиги томонидан қайта расмийлаштириш тўғрисида тегишли ҳужжатлар илова қилинган ариза олинган кундан бошлаб беш иш куни мобайнида қайта расмийлаштирилади.
Лицензия қайта расмийлаштирилганда, лицензия талабгорининг лицензия бериш тўғрисидаги аризасини кўриб чиқиш учун тўланадиган сумманинг ярми миқдорида йиғим ундирилади. Йиғим суммаси Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармаси ғазначилик ҳисобварағига ўтказилади.
(26-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Олдинги таҳрирга қаранг.
(27-банд Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарорига асосан ўз кучини йўқотган — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
28. Йўқотиб қўйилган ёки яроқсиз ҳолга келиб қолган лицензия ўрнига лицензиатнинг аризасига кўра унинг дубликати берилади.
(28-банднинг биринчи хатбошиси Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
Лицензия дубликатларини беришда лицензия талабгорининг лицензия бериш тўғрисидаги аризасини кўриб чиқиш учун тўланадиган сумманинг ярми миқдорида йиғим ундирилади.
6-боб. Лицензия талаблари ва шартларига риоя этилишини назорат қилиш
29. Лицензиат томонидан лицензия талаблари ва шартларига риоя этилиши «Ўздавтемирйўлназорат» инспекцияси томонидан қонун ҳужжатларида белгиланган тартибда назорат қилинади.
30. Лицензия талаблари ва шартларига риоя этилишини назорат қилишда Транспорт вазирлиги ўз ваколатлари доирасида қуйидаги ҳуқуқларга эга бўлади:
(30-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
лицензиатнинг лицензия талаблари ва шартларига риоя этишини қонун ҳужжатларида белгиланган тартибда режали текшириш;
лицензия талаблари ва шартларига риоя этилишини текширувдан ўтказиш пайтида юзага келувчи масалалар бўйича лицензиатдан зарур ахборотни сўраш ва олиш;
лицензия талабгорининг лицензия талаблари ва шартларини бажариш имкониятини жойига бориб ўрганиш;
текширишлар натижалари асосида лицензиат томонидан лицензия талаблари ва шартларининг аниқ бузилиш ҳолатларини кўрсатган ҳолда далолатномалар (маълумотномалар) тузиш;
лицензиатга аниқланган камчиликларни бартараф этиш мажбуриятини юклайдиган қарорлар чиқариш ва бундай бузилишларни бартараф этиш муддатларини белгилаш;
лицензиянинг амал қилишини қонун ҳужжатларида белгиланган тартибда тўхтатиб туриш ёки бекор қилиш;
хўжалик юритувчи субъектлар томонидан темир йўл транспорти соҳасида йўловчилар ва юкларни ташиш фаолияти лицензиясиз амалга оширилган ҳолатлар аниқлангани тўғрисидаги материалларни солиқ органларига қонун ҳужжатларида назарда тутилган чораларни кўриш учун белгиланган тартибда юбориш.
Транспорт вазирлиги қонун ҳужжатларига мувофиқ бошқа ваколатларни ҳам амалга ошириши мумкин.
(30-банднинг саккизинчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
31. Назорат қилувчи ва ҳуқуқни муҳофаза қилувчи органлар ўз ваколатлари доирасида лицензиат томонидан лицензия талаблари ва шартларини бузиш ҳолатлари аниқлаганда Транспорт вазирлигига аниқланган ҳуқуқбузарликлар тўғрисида хабар беради.
(31-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
7-боб. Лицензиянинг амал қилишини тўхтатиб туриш, тўхтатиш, лицензияни бекор қилиш
32. Лицензиянинг амал қилишини тўхтатиб туриш, тўхтатиш ёки уни бекор қилиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22, 23 ва 24-моддаларида назарда тутилган ҳолатларда ва тартибда лицензияловчи орган томонидан амалга оширилади.
33. Амал қилиш муддати тўхтатиб турилган ёки тўхтатилган лицензиялар, шунингдек, бекор қилинган лицензиялар тўғрисидаги маълумотлар Транспорт вазирлиги томонидан тегишли ахборот ресурсларига киритилади.
(33-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
34. Қуйидаги ҳолатлар лицензиянинг амал қилишини белгиланган тартибда тўхтатиш учун асос бўладиган лицензия талаблари ва шартларининг қўпол бузилиши ҳисобланади:
лицензиат томонидан темир йўлда ташишлар хавфсизлигини таъминлаш соҳасида техник тартибга солиш, темир йўл транспортининг ҳаракатланувчи таркиби, объектлари ва техник воситаларини сақлаш, таъмирлаш, уларга хизмат кўрсатиш ва улардан фойдаланиш соҳасидаги норматив-ҳуқуқий ҳужжатлар ва норматив ҳужжатлар талабларининг мунтазам (бир йил давомида икки ва ундан ортиқ) бузилиши;
темир йўл транспортида ташишлар жараёни билан боғлиқ ишларнинг тегишли йўналишлари бўйича олий ёки ўрта махсус, касб-ҳунар таълими маълумоти тўғрисидаги дипломга эга бўлмаган мутахассислар томонидан амалга оширилиши;
лицензияни олишда қалбаки ҳужжатлардан фойдаланилгани тўғрисидаги далилларнинг аниқланиши.
35. Транспорт вазирлигининг лицензиянинг амал қилишини тўхтатиб туриш, тўхтатиш ёки уни бекор қилиш тўғрисидаги қарори юзасидан судга шикоят қилиш мумкин. Лицензиянинг амал қилишини тўхтатиб туриш, тўхтатиш ёки уни бекор қилиш асоссиз эканлиги суд томонидан эътироф этилган тақдирда, Транспорт вазирлиги лицензиат олдида лицензиат кўрган зарар миқдорида жавоб беради.
(35-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
8-боб. Лицензиялар реестри
36. Транспорт вазирлиги лицензиялар реестрини юритади.
(36-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Лицензиялар реестрида қуйидагилар кўрсатилиши керак:
юридик шахснинг номи, унинг ташкилий-ҳуқуқий шакли, почта манзили, телефони;
лицензиянинг берилган санаси ва тартиб рақами;
Олдинги таҳрирга қаранг.
(36-банднинг бешинчи хатбошиси Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарорига асосан чиқарилган — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
умуман фаолият турига ёки унинг бир қисмига лицензия бериш тўғрисидаги маълумотлар;
лицензияларни қайта расмийлаштириш, амал қилиш муддатини тўхтатиб туриш ва тиклашнинг асоси ва санаси;
(36-банднинг олтинчи хатбошиси Ўзбекистон Республикаси Вазирлар Маҳкамасининг 2018 йил 10 сентябрдаги 716-сонли қарори таҳририда — Қонун ҳужжатлари маълумотлари миллий базаси, 12.09.2018 й., 09/18/716/1868-сон)
лицензияларнинг амал қилишини тўхтатиш асослари ва санаси;
лицензияларни бекор қилиш асослари ва санаси;
дубликат беришнинг асослари ва санаси.
37. Лицензиялар реестридаги мавжуд маълумот Транспорт вазирлигининг расмий веб-сайтига жойлаштирилади ва танишиш учун очиқ ҳисобланади.
(37-банд Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
9-боб. Давлат божини тўлаш тартиби
38. Темир йўл транспортида йўловчилар ва юкларни ташиш фаолиятини амалга ошириш ҳуқуқига лицензиялар берилгани учун «Давлат божи тўғрисида»ги Ўзбекистон Республикаси Қонуни билан белгиланган миқдорларда давлат божи ундирилади.
(38-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 16 июндаги 384-сонли қарори таҳририда — Қонун ҳужжатлари маълумотлари миллий базаси, 16.06.2020 й., 09/20/384/0770-сон)
Лицензиялар берилганлиги учун давлат божи маблағлари Транспорт вазирлигининг махсус ғазначилик ҳисобварағига ўтказилади ва қуйидаги тарзда тақсимланади:
20 фоизи — Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармасига;
(38-банднинг иккинчи-учинчи хатбошилари Ўзбекистон Республикаси Вазирлар Маҳкамасининг 2019 йил 24 майдаги 429-сон қарори таҳририда — Қонун ҳужжатлари маълумотлари миллий базаси, 27.05.2019 й., 09/19/429/3185-сон)
Ўзбекистон Республикасининг республика бюджетига — 80 фоиз.
10-боб. Якунловчи қоида
39. Ушбу Низом талаблари бузилишида айбдор шахслар қонун ҳужжатларида белгиланган тартибда жавоб берадилар.
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги Низомга
1-ИЛОВА
1-ИЛОВА
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш
СХЕМАСИ
(1-илова Ўзбекистон Республикаси Вазирлар Маҳкамасининг 2020 йил 8 майдаги 271-сонли қарори таҳририда — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги Низомга
2-ИЛОВА
2-ИЛОВА
| | | | | |
НАМУНА |
| | |
Лицензия бериш тўғрисида АРИЗА |
| | |
| 1. Юридик шахснинг номи ва ташкилий-ҳуқуқий шакли: _________________________________________________________________________________________________ 2. Юридик шахснинг жойлашган жойи (почта манзили): Индекси: __________________________________________________________________________________________ Телефон рақами __________________ факс: ______________________ электрон манзили _______________________ 3. Банк номи ва банк реквизитлари: Юридик шахснинг банк ҳисобрақамлари ________________________________________________________________ МФО __________________________ СТИР ____________________________ОКНХ____________________________ 4. Юридик шахс амалга оширишни кўзлаётган фаолият тури (унинг қисми)___________________________________________________________________________________ 5. Аризага илова қилинаётган ҳужжатлар рўйхати: __________________________________________________________________________________________________ __________________________________________________________________________________________________ _________________________________________________________________________________________________ (Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги Низомнинг 9-банди талабларига мувофиқ) | |||||
|
|
|
|
| | |
| Ариза берувчи ташкилот | |||||
| раҳбари_______________________________ | ___________________________ | | |||
| |
(имзо) |
(Ф.И.О.) |
| ||
| | | | | | |
| | | | | ||
(2-илова Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги Низомга
3-ИЛОВА
3-ИЛОВА
| | | | | | | | | | |
НАМУНА | ||
|
________________________________________________________________ нинг мулк ҳуқуқи, бошқа ашёвий ҳуқуқлар ёки ижара шартномаси асосида тегишли бўлган ҳаракатланувчи таркибнинг | ||||||||||||
| 1. Вагонлар: | | | | | | | | | | | | |
|
Т/р |
Мулкчилик шакли |
Вагон тури |
Вагон рақами |
Ишлаб чиқарил-ган йили |
Охирги таъмирлаш санаси, амалга оширилган жойи | |||||||
|
ТМ |
ТЖ | |||||||||||
|
1. |
| | | | | | ||||||
|
2. |
| | | | | | ||||||
|
3. |
| | | | | | ||||||
|
... |
| | | | | | ||||||
| | | | | | | | | | | | | |
| 2. Тепловозлар: | | | | | | | | | | | | |
|
Т/р |
Мулкчилик шакли (шахсий, ижарага олинган ёки бошқа ашёвий ҳуқуқ асосида) |
Тепловоз серияси |
Тепловоз рақами |
Ишлаб чиқарил-ган йил |
Охирги таъмирлаш санаси, амалга оширилган жойи | |||||||
|
ТМ |
ТЖ | |||||||||||
|
1. |
| | | | | | ||||||
|
2. |
| | | | | | ||||||
|
3. |
| | | | | | ||||||
|
... |
| | | | | | ||||||
| | | | | | | | | | | | | |
| | | | | | | | | | | | | |
| | Ариза берувчи ташкилот | |||||||||||
| |
раҳбари _______________ |
____________________ (Ф.И.О.) |
| | ||||||||
| | | | | | | | | | | | | |
| | | | | | | | | | | | ||
(3-илова Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
Маҳаллий ва халқаро йўналишлар бўйича темир йўл транспортида йўловчиларни ҳамда юкларни ташиш фаолиятини лицензиялаш тартиби тўғрисидаги Низомга
4-ИЛОВА
4-ИЛОВА
| | | | | | | | | |
НАМУНА | |||
РЎЙХАТИ (юридик шахс номи) | ||||||||||||
| | | | | | | | | | | | ||
|
Т/р |
Ф.И.О. |
Лавозими |
Маълумоти, қайси ўқув муассасасини тугатган ва тугатган йили |
Мазкур лавозимдаги иш стажи | ||||||||
|
1. |
| | | | ||||||||
|
2. |
| | | | ||||||||
|
3. |
| | | | ||||||||
|
... |
| | | | ||||||||
Изоҳ. Ушбу рўйхатга локомотив бригадаси ходимининг (машинист ва машинист ёрдамчиси) юк тортувчи ҳаракатланувчи таркибни бошқариш ҳуқуқини берувчи гувоҳномасининг нусхаси ҳам илова қилиниши лозим.
| | | | | | | | | | | | | |
| | Ариза берувчи ташкилот | | | | | | | | | | ||
| | раҳбари |
_____________________ |
____________________ |
| | |||||||
| | | | | | | | | | | | | |
| | | | | | | | | | | | ||
(4-илова Ўзбекистон Республикаси Вазирлар Маҳкамасининг 2019 йил 10 августдаги 661-сонли қарори таҳририда — Қонун ҳужжатлари маълумотлари миллий базаси, 11.08.2019 й., 09/19/661/3571-сон)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2020 йил 16 июндаги 384-сонли қарорига асосан ўз кучини йўқотган — Қонун ҳужжатлари маълумотлари миллий базаси, 16.06.2020 й., 09/20/384/0770-сон)
Вазирлар Маҳкамасининг 2018 йил 9 апрелдаги 278-сон қарорига
3-ИЛОВА
3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
1. Вазирлар Маҳкамасининг 2002 йил 28 июндаги 236-сон қарори (Ўзбекистон Республикаси ҚТ, 2002 й., 6-сон, 36-модда) билан тасдиқланган Фаолиятнинг айрим турларини лицензияловчи органлар рўйхатида:
а) «Ўзбекистон Республикаси Вазирлар Маҳкамаси» бўлимининг тўққизинчи хатбоши чиқариб ташлансин;
ўнинчи — йигирма биринчи хатбошилар тегишли равишда тўққизинчи — йигирманчи хатбошилар деб ҳисоблансин.
Олдинги таҳрирга қаранг.
(1-банднинг «б» кичик банди Ўзбекистон Республикаси Вазирлар Маҳкамасининг 2020 йил 8 майдаги 271-сонли қарорига асосан ўз кучини йўқотган — Қонун ҳужжатлари маълумотлари миллий базаси, 08.05.2020 й., 09/20/271/0565-сон)
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2018 йил 15 декабрдаги 1023-сонли қарорига асосан ўз кучини йўқотган — Қонун ҳужжатлари маълумотлари миллий базаси, 17.12.2018 й., 09/18/1023/2329-сон)
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2018 йил 15 декабрдаги 1023-сонли қарорига асосан ўз кучини йўқотган — Қонун ҳужжатлари маълумотлари миллий базаси, 17.12.2018 й., 09/18/1023/2329-сон)
(Қонун ҳужжатлари маълумотлари миллий базаси, 09.04.2018 й., 09/18/278/1049-сон, 12.09.2018 й., 09/18/716/1868-сон, 17.12.2018 й., 09/18/1023/2329-сон, 27.05.2019 й., 09/19/429/3185-сон, 11.08.2019 й., 09/19/661/3571-сон, 29.12.2019 й., 09/19/1046/4242-сон; 08.05.2020 й., 09/20/271/0565-сон, 16.06.2020 й., 09/20/384/0770-сон)
