Ҳужжат кучини йўқотган " " 31.10.2019
Ўзбекистон стандартлаштириш, метрология ва сертификатлаштириш агентлиги бош директорининг
буйруғи
Текширувдан (қиёслашдан) ўтказилиши лозим бўлган ўлчаш воситалари туркумларининг рўйхатига ўзгартиришлар киритиш тўғрисида
[Ўзбекистон Республикаси Адлия вазирлиги томонидан 2017 йил 22 августда рўйхатдан ўтказилди, рўйхат рақами 2782-1]
 LexUZ шарҳи
Мазкур буйруқ Ўзбекистон стандартлаштириш, метрология ва сертификатлаштириш агентлиги бош директорининг 2019 йил 12 июлдаги 91-сонли «Метрология текширувидан ўтказилиши лозим бўлган ўлчов воситалари туркумларининг рўйхатини тасдиқлаш тўғрисида»ги буйруғига (рўйхат рақами 3174, 30.07.2019 й.) асосан 2019 йилнинг 31 октябрдан ўз кучини йўқотади.
Ўзбекистон Республикасининг «Метрология тўғрисида»ги Қонуни ва Ўзбекистон Республикаси Президентининг 2017 йил 28 апрелдаги ПҚ-2935-сон «Ўзбекистон стандартлаштириш, метрология ва сертификатлаштириш агентлиги фаолиятини такомиллаштириш чора-тадбирлари тўғрисида»ги қарорига асосан буюраман:
1. Ўзбекистон стандартлаштириш, метрология ва сертификатлаштириш агентлиги бош директорининг 2016 йил 27 апрелдаги 232-сон буйруғи (рўйхат рақами 2782, 2016 йил 4 май) (Ўзбекистон Республикаси қонун ҳужжатлари тўплами, 2016 й., 18-сон, 208-модда) билан тасдиқланган Текширувдан (қиёслашдан) ўтказилиши лозим бўлган ўлчаш воситалари туркумларининг рўйхатига иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан уч ой ўтгач кучга киради.
Ўзбекистон стандартлаштириш, метрология ва сертификатлаштириш агентлигининг бош директори А. КАРИМОВ
Тошкент ш.,
2017 йил 16 август,
469-сон
Ўзбекистон Стандартлаштириш, метрология ва сертификатлаштириш агентлиги бош директорининг 2017 йил 16 августдаги 469-сон буйруғига
ИЛОВА
Текширувдан (қиёслашдан) ўтказилиши лозим бўлган ўлчаш воситалари туркумларининг рўйхатига киритилаётган ўзгартиришлар
1. «Тиббиёт учун мўлжалланган ўлчаш воситалари» деган сўзлар «Тиббиёт учун мўлжалланган ўлчаш воситалари*» деган сўзлар билан алмаштирилсин;
2. Қуйидаги мазмундаги изоҳ билан тўлдирилсин:
«353 — 364-позициялардаги туркумларга кирувчи ўлчаш воситалари Метрология текширувидан ўтказилиши лозим бўлган тиббиёт учун мўлжалланган ўлчаш воситалари ва синаш воситаларининг рўйхатида (рўйхат рақами 2916, 2017 йил 22 август) кўрсатилган бўлса текширувдан (қиёслашдан) ўтказилади.».
(Ўзбекистон Республикаси қонун ҳужжатлари тўплами, 2017 й., 34-сон, 907-модда)