|
Ҳужжат кучини йўқотган " " 10.04.2023
|
Ўзбекистон Республикаси Вазирлар Маҳкамасининг
қарори
Қонунлар лойиҳаларини ишлаб чиқиш ва Ўзбекистон Республикаси Олий Мажлисининг қонунчилик палатасига киритиш бўйича дастурларини тайёрлаш ва қабул қилиш, шунингдек уларнинг бажарилиши мониторинги тартиби тўғрисидаги низомни тасдиқлаш ҳақида
(қарор номи Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
LexUZ шарҳиМазкур қарор Ўзбекистан Республикаси Вазирлар Маҳкамасининг 2023 йил 8 апрелдаги 147-сонли «Янги Ўзбекистон маъмурий ислоҳотларини амалга ошириш доирасида Ўзбекистон Республикаси Вазирлар Маҳкамасининг янгиланган ижро этувчи тузилмаси тасдиқланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясини сўзсиз бажариш бўйича Ҳукуматнинг қонун лойиҳаларига доир фаолиятини аниқ мақсадга йўналтирилган ва изчил ташкил этиш, вазирликлар, давлат қўмиталари ва идораларнинг қонун лойиҳаларига доир иши самарадорлигини ошириш, ижтимоий-иқтисодий ва ижтимоий-сиёсий ислоҳотлар талабларига мувофиқ бўлган қонунлар лойиҳаларини ўз вақтида ва сифатли тайёрлашни таъминлаш мақсадида, шунингдек Вазирлар Маҳкамасининг «2011 йилда қонунлар ва бошқа норматив-ҳуқуқий ҳужжатларнинг лойиҳаларини ишлаб чиқиш ва Ўзбекистон Республикаси Олий Мажлиси Қонунчилик палатасига киритиш дастури тўғрисида» 2011 йил 10 мартдаги 68-сон қарорига мувофиқ Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
1. Қонунлар лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш бўйича дастурларини (кейинги ўринларда қонун лойиҳаларига доир ишлар дастурлари деб аталади) тайёрлаш ва қабул қилиш, шунингдек уларнинг бажарилиши мониторинги тартиби тўғрисидаги Низом 1-иловага мувофиқ тасдиқлансин.
(1-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
2. Белгилаб қўйилсинки:
а) қонун лойиҳаларига доир ишлар дастурлари ҳар йили қабул қилинади ва келгуси йил мобайнида Ўзбекистон Республикаси Олий Мажлисининг Қонунчилик палатасига киритишга мўлжалланаётган қонунлар лойиҳаларини тайёрлашни назарда тутади;
б) қонун лойиҳаларига доир ишлар дастурларига:
Ўзбекистон Республикаси Конституциясида ва қонунларида;
Ўзбекистон Республикаси Олий Мажлиси палаталарининг қарорларида;
Ўзбекистон Республикаси Президентининг ҳужжатлари ва топшириқларида;
Ўзбекистон Республикаси Вазирлар Маҳкамасининг қарорлари ва топшириқларида;
мамлакатни ижтимоий-сиёсий ва социал-иқтисодий ривожлантиришнинг устувор йўналишларини ҳисобга олган ҳолда давлат ва хўжалик бошқаруви органларининг, маҳаллий давлат ҳокимияти органларининг ташаббусларида ва таклифларида назарда тутилган қонунлар лойиҳалари киритилади;
в) давлат ва хўжалик бошқаруви органлари, маҳаллий давлат ҳокимияти органларининг ташаббуси ва таклифлари бўйича қонунлар лойиҳаларини қонун лойиҳаларига доир ишлар дастурларига киритиш муфассал концепциялар ва уларни қабул қилишни асословчи зарур таҳлилий материаллар асосида амалга оширилади;
г) қонун лойиҳаларига доир ишлар дастурлари манфаатдор давлат ва хўжалик бошқаруви органлари, маҳаллий давлат ҳокимияти органларининг таклифлари асосида Ўзбекистон Республикаси Адлия вазирлиги томонидан ишлаб чиқилади ва Вазирлар Маҳкамасига киритилади.
(2-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
3. Вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органлари:
қонунлар лойиҳаларини ишлаб чиқиш бўйича таклифлар ушбу қарор билан тасдиқланган Низом талабларига қатъий риоя қилган ҳолда ҳар йили 1 октябргача бўлган муддатда қонун лойиҳаларига доир ишлар дастурларига киритиш учун Ўзбекистон Республикаси Адлия вазирлигига тақдим этилишини таъминласинлар;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
қонун лойиҳаларига доир ишлар дастурларига киритиш учун таклифларни тайёрлашда амалдаги қонун ҳужжатларига фақат ўзгартириш ва қўшимчалар киритиш билан чекланиб қолмай, мустақил ва яхлит қонунлар лойиҳаларини ишлаб чиқишга алоҳида эътибор қаратсинлар.
(3-банднинг учинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
Вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органлари раҳбарлари зиммасига қонун лойиҳаларига доир ишлар дастурларини шакллантириш бўйича Ўзбекистон Республикаси Адлия вазирлигига киритилаётган таклифларнинг сифати, асосланганлиги ва ўз вақтида киритилиши учун шахсий масъулият юклансин.
4. Ўзбекистон Республикаси Адлия вазирлиги:
қонун лойиҳаларига доир ишлар дастурлари лойиҳасига киритиш учун таклифларни тайёрлашда, унга киритилган қонунлар лойиҳаларини ишлаб чиқиш, келишиш ва киритишда вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органлари иши амалда мувофиқлаштирилишини таъминласин;
(4-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
келгуси йилга қонун лойиҳаларига доир ишлар дастури лойиҳаси жорий йилнинг 1 декабридан кечиктирмай белгиланган тартибда Вазирлар Маҳкамасига киритилишини таъминласин;
қонун лойиҳаларига доир ишлар дастурлари бажарилиши устидан самарали ва тизимли мониторинг ўрнатсин, қонунлар лойиҳаларини ишлаб чиқиш, келишиш ва Вазирлар Маҳкамасига киритишда вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органларига зарур ёрдам кўрсатсин;
(4-банднинг тўртинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
ҳар чоракда Вазирлар Маҳкамасига қонун ҳужжатлари лойиҳалари ўз вақтида киритилмаслиги сабаблари ва шартлари, уларнинг паст сифати кўрсатилган, шунингдек қонунлар лойиҳаларини ўз вақтида ва сифатли ишлаб чиқиш ва киритишни таъминлаш бўйича таклифлар билдирилган ҳолда қонун лойиҳаларига доир ишлар дастурлари бажарилиши тўғрисида ахборот тақдим этсин.
(4-банднинг бешинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
5. Ўзбекистон Республикаси Бош вазирининг ўринбосарлари ва маслаҳатчилари, Вазирлар Маҳкамасининг котибиятлари мудирлари, Ўзбекистон Республикаси Вазирлар Маҳкамасининг Ўзбекистон Республикаси Олий Мажлисидаги ваколатли вакили:
(5-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
тегишли котибиятларга бириктирилган вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органлари билан биргаликда қонун лойиҳаларига доир ишлар дастурларига киритиш учун асосли таклифлар ўз вақтида тайёрланишини таъминлаш юзасидан зарур чора-тадбирлар кўрсинлар;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
тасдиқланган қонун лойиҳаси ишлари дастурларига мувофиқ қонунлар лойиҳаларини ишлаб чиқилиши, келишилиши ҳамда Вазирлар Маҳкамаси ва Ўзбекистон Республикаси Олий Мажлисининг Қонунчилик палатасига киритилиши устидан доимий назорат ўрнатсинлар.
(5-бандинг учинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
6. Ўзбекистон Республикаси Адлия вазирлиги бир ой муддатда:
қонун ҳужжатлари лойиҳалари концепцияси ва тушунтириш хатларига, тузилмасига ва мазмунига, уларга илова қилинадиган таҳлилий ва ахборот материалларига, шунингдек Вазирлар Маҳкамаси вакилларини шакллантириш ва Ўзбекистон Республикаси Олий Мажлисининг палаталарида қонун ҳужжатлари лойиҳаларини муҳокама этишда иштирок этиш тартибига қўйиладиган асосий талабларни кўзда тутувчи норматив-ҳуқуқий ҳужжатлар лойиҳаларини Вазирлар Маҳкамасига киритсин;
манфаатдор вазирликлар, давлат қўмиталари ва идоралар, хўжалик бошқаруви органлари, маҳаллий давлат ҳокимияти органлари иштирокида қонун лойиҳаларига доир ишлар дастурларига киритиш учун таклифлар тайёрлашни ташкил этиш, қонун ҳужжатлари лойиҳаларини ишлаб чиқиш, экспертизадан ўтказиш ва келишиш, шунингдек улар бажарилиши мониторинги масалалари бўйича семинарлар ўтказсин. Кейинчалик бундай семинарларни тизимли асосда ўтказсин.
7. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари ва Ўзбекистон Республикаси адлия вазири Н.Т. Юлдашев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2011 йил 5 август,
227-сон
Вазирлар Маҳкамасининг 2011 йил 5 августдаги 227-сон қарорига
1-ИЛОВА
1-ИЛОВА
Қонунлар лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш бўйича дастурларини тайёрлаш ва қабул қилиш, шунингдек уларнинг бажарилиши мониторинги тартиби тўғрисида
Низом
(низом номи Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
I. Умумий қоидалар
1. Ушбу Низом қонунлар лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш бўйича дастурларини (кейинги ўринларда қонун лойиҳаларига доир ишлар дастурлари деб аталади) тайёрлаш ва қабул қилиш, шунингдек уларнинг бажарилиши мониторинги тартибини белгилайди.
(1-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
2. Қонун лойиҳаларига доир ишлар дастурлари ҳар йили қабул қилинади ва келгуси йил мобайнида Ўзбекистон Республикаси Олий Мажлисининг Қонунчилик палатасига киритиш мўлжалланаётган қонун лойиҳаларини тайёрлашни назарда тутади.
(2-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
3. Қонун лойиҳаларига доир ишлар дастурларига қуйидагиларда:
Ўзбекистон Республикаси Конституциясида ва қонунларида;
Ўзбекистон Республикаси Олий Мажлиси палаталарининг қарорларида;
Ўзбекистон Республикаси Президентининг ҳужжатларида ва топшириқларида;
Ўзбекистон Республикаси Вазирлар Маҳкамасининг қарорларида ва топшириқларида;
мамлакатни ижтимоий-сиёсий ва социал-иқтисодий ривожлантиришнинг устувор йўналишларини ҳисобга олган ҳолда давлат ва хўжалик бошқаруви органлари, маҳаллий давлат ҳокимияти органларининг ташаббусларида ва таклифларида назарда тутилган қонунлар лойиҳалари киритилади.
4. Қонун лойиҳаларига доир ишлар дастурларида норматив-ҳуқуқий ҳужжатларнинг комплекслилигини ва ўзаро бир-бирини тўлдиришини ҳисобга олган ҳолда, ижтимоий-сиёсий ва социал-иқтисодий соҳалардаги демократик ўзгаришларни амалга ошириш учун зарур бўлган қонунлар лойиҳаларини тайёрлаш назарда тутилади.
(3 ва 4-бандлар Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
5. Вазирлар Маҳкамаси Ўзбекистон Республикаси Президентига Ҳукуматнинг қонун лойиҳаларига доир фаолияти, шунингдек Ўзбекистон Республикаси Президентининг қонун лойиҳаларини ишлаб чиқиш бўйича ҳужжатлари ва топшириқларининг Вазирлар Маҳкамаси томонидан бажарилиши тўғрисида ахборот беради.
(5-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
6. Вазирлар Маҳкамаси Ўзбекистон Республикаси Олий Мажлиси палаталарининг қонун лойиҳаларини тайёрлаш бўйича таклифларини белгиланган тартибда кўриб чиқади ва уларни ишлаб чиқиш бўйича ўз фаолиятини улар билан мувофиқлаштиради.
(6-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
II. Қонун лойиҳаларига доир ишлар дастурларини тайёрлаш ва қабул қилиш
7. Қонун лойиҳаларига доир ишлар дастурларининг лойиҳалари давлат ва хўжалик бошқаруви органлари, маҳаллий давлат ҳокимияти органлари (кейинги ўринларда манфаатдор ташкилотлар деб аталади) таклифлари асосида Ўзбекистон Республикаси Адлия вазирлиги томонидан ишлаб чиқилади.
Қонун лойиҳаларига доир ишлар дастурларининг лойиҳаларида қуйидагилар назарда тутилади:
қонун лойиҳасининг ишчи номи;
қонунни қабул қилиш зарурлигининг асосланиши ва у қабул қилинган тақдирда кутиладиган натижалар;
қонун лойиҳасини ишлаб чиқиш бўйича масъул ижрочилар;
қонун лойиҳаси муҳокамасини ўтказиш бўйича тадбирлар (зарурият бўлганда);
қонун лойиҳасини Вазирлар Маҳкамасига киритиш муддати.
Вазирлар Маҳкамаси аппаратининг қонун лойиҳаси кўриб чиқилиши учун масъул бўлган таркибий бўлинмаси.
(7-банднинг саккизинчи хатбошиси Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
Қонун лойиҳаларига доир ишлар дастурларининг лойиҳаларида бошқа қоидалар ҳам назарда тутилиши мумкин.
Қонун лойиҳаларига доир ишлар дастурларига киритиш учун таклифларни (кейинги ўринларда таклифлар деб аталади) тайёрлашда, фақат амалдаги қонунларга ўзгартиришлар ва қўшимчалар киритиш билангина чекланиб қолмай, мустақил ва яхлит қонунлар лойиҳаларини ишлаб чиқишга алоҳида эътибор қаратилади.
8. Келгуси йил учун таклифлар манфаатдор ташкилотлар томонидан, уларнинг биринчи раҳбарлари (истисно ҳолатларда — уларнинг биринчи ўринбосарлари) имзоси билан жорий йилнинг 1 октябригача Ўзбекистон Республикаси Адлия вазирлигига тақдим этилади.
9. Таклифлар Ўзбекистон Республикаси Адлия вазирлигига ушбу Низомга иловага мувофиқ шакл бўйича жадвал тарзида тақдим этилади, жадвалга қуйидаги ҳужжатлар илова қилинади:
қонун лойиҳаси қабул қилиш зарурияти асослари ва кутиладиган натижалар назарда тутилган қонун лойиҳасининг концепцияси;
қонун лойиҳасига тушунтириш хати — агар қонун лойиҳаси матни тайёрланган бўлса;
қабул қилиниши, ўзгартирилиши ёки қўшимчалар киритилиши, қонун лойиҳаси қабул қилинганлиги муносабати билан ўз кучини йўқотган деб эътироф этилиши лозим бўлган қонун ва қонун ости ҳужжатларининг рўйхати — агар қонун лойиҳаси матни тайёрланган бўлса;
халқаро ҳужжатларни ва хорижий мамлакатларнинг қонунчилигини ўрганиш якунлари бўйича таҳлилий ахборот;
(9-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
қонун лойиҳасининг жамоатчилик ёки мутахассислар муҳокамасини ўтказишнинг тахмин қилинаётган санаси тўғрисидаги ахборот (зарурият бўлганда).
(7 — 9-бандлар Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
10. Манфаатдор ташкилотлар раҳбарлари таклифларнинг сифати, асосланганлиги ва Ўзбекистон Республикаси Адлия вазирлигига ўз вақтида киритилиши учун шахсан жавоб берадилар.
(10-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
11. Ўзбекистон Республикаси Адлия вазирлиги манфаатдор ташкилотларнинг таклифларини тизимли, пухта ва танқидий кўриб чиқади, ишлаб чиқиш таклиф этилаётган қонунлар лойиҳаларининг устуворлигини, асосланганлигини ва долзарблигини, шунингдек уларнинг қонунчилик нормаларига мувофиқлигини ўрганади.
(11-банднинг биринчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Таклифларни ўрганиш доирасида Ўзбекистон Республикаси Адлия вазирлиги:
таклифлар ушбу Низомда назарда тутилган талабларга мувофиқ бўлмаган тақдирда уларни манфаатдор ташкилотларга қайтариш;
қонун лойиҳалари бўйича қўшимча таҳлилий материалларни сўраб олиш, шунингдек қонун лойиҳаларини қонун лойиҳаларига доир ишлар дастурлари лойиҳаларига киритиш учун чуқур ва ҳар томонлама таҳлил қилиш ва етарлича асосни ишлаб чиқиш учун манфаатдор ташкилотларнинг ходимлари, нодавлат нотижорат ташкилотлари ҳамда бошқа фуқаролик жамияти институтларининг вакилларини жалб этган ҳолда ишчи гуруҳлар ташкил этиш ҳуқуқига эга.
Манфаатдор ташкилотларнинг таклифларини кўриб чиқиш якунлари бўйича Ўзбекистон Республикаси Адлия вазирлиги навбатдаги йил учун қонун лойиҳаларига доир ишлар дастурлари лойиҳасини шакллантиради.
12. Қонун лойиҳаларига доир ишлар дастурлари лойиҳасида, қоидага кўра, қонунлар лойиҳалари қуйидаги гуруҳлар бўйича жойлаштирилади:
Ўзбекистон Республикаси Конституциясида ва қонунларида, Ўзбекистон Республикаси Олий Мажлиси палаталарининг қарорларида, Ўзбекистон Республикаси Президентининг ҳужжатлари ва топшириқларида, Вазирлар Маҳкамасининг қарорлари ва топшириқларида назарда тутилган қонунлар лойиҳалари;
мамлакатни ижтимоий-сиёсий ва социал-иқтисодий ривожлантиришнинг устувор йўналишларини ҳисобга олинган ҳолда манфаатдор ташкилотларнинг ташаббуслари ва таклифлари асосида ишлаб чиқилган қонунлар лойиҳалари.
(11 ва 12-бандлар Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
121. Қонун лойиҳаларига доир ишлар дастурларининг лойиҳаси Ўзбекистон Республикаси Адлия вазирлиги томонидан манфаатдор ва бошқа ташкилотлар билан олдиндан келишилади.
122. Ўзбекистон Республикаси Адлия вазирлиги олдиндан келишув натижаларини ҳисобга олган ҳолда қонун лойиҳаларига доир ишлар дастурлари лойиҳасини қайта ишлаб чиқади ва уни муҳокама қилишни ташкил этади.
123. Муҳокама қилишда Ўзбекистон Республикаси Молия вазирлиги ва Иқтисодиёт вазирлигининг (мажбурий тартибда), шунингдек манфаатдор ва бошқа ташкилотлар вакиллари қатнашадилар.
Муҳокама қилишда Ўзбекистон Республикаси Вазирлар Маҳкамасининг, нодавлат нотижорат ва бошқа ташкилотларнинг вакиллари ҳам қатнашиши мумкин.
124. Муҳокама якунлари бўйича Ўзбекистон Республикаси Адлия вазирлиги, зарурият бўлганда, қонун лойиҳаларига доир ишлар дастурлари лойиҳасини қайта ишлаб чиқади ҳамда уни келишиш (виза қўйиш) учун манфаатдор ва бошқа ташкилотларга белгиланган тартибда юборади.
(121 — 124-бандлар Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарорига асосан тўлдирилган — ЎР ҚҲТ, 2016 й., 42-сон, 484-модда)
13. Ўзбекистон Республикаси Адлия вазирлиги қонун лойиҳаларига доир ишлар дастурлари лойиҳасини тайёрлаш масалалари бўйича Ўзбекистон Республикаси Президенти ҳузуридаги Давлат ва жамият қурилишининг қонунчилик асосларини, суд-ҳуқуқ тизимини ислоҳ қилиш бўйича кенгаш, Ўзбекистон Республикаси Президенти ҳужжатлари ва Вазирлар Маҳкамаси қарорлари билан тузилган қонунлар лойиҳаларини тайёрлаш бўйича комиссиялар ва ишчи гуруҳлар, таълим ва илмий муассасалар, шунингдек бошқа манфаатдор ташкилотлар билан ўзаро ҳамкорлик қилади.
(13-банд Ўзбекистон Республикаси Вазирлар Маҳкамасининг 2018 йил 7 июндаги 429-сонли қарори таҳририда — Қонун ҳужжатлари маълумотлари миллий базаси, 08.06.2018 й., 09/18/429/1330-сон)
14. Келгуси йилга қонун лойиҳаларига доир ишлар дастури лойиҳаси манфаатдор ташкилотлар билан келишилган ҳолда Ўзбекистон Республикаси Адлия вазирлиги томонидан Вазирлар Маҳкамасига жорий йилнинг 1 декабригача бўлган муддатда киритилади.
141. Ўзбекистон Республикаси Вазирлар Маҳкамасининг Ўзбекистон Республикаси Олий Мажлисидаги ваколатли вакили қонун лойиҳаларига оид ишлар дастури сифатли тайёрланиши ва ўз вақтида киритилиши, шунингдек Ўзбекистон Республикаси Вазирлар Маҳкамаси аппаратида пухта ишлаб чиқилиши ва ахборот берилиши учун жавоб беради.
(141-банд Ўзбекистон Республикаси Вазирлар Маҳкамасининг 2018 йил 30 январдаги 67-сонли қарорига асосан киритилган — Қонун ҳужжатлари маълумотлари миллий базаси, 01.02.2018 й., 09/18/67/0636-сон)
15. Қонун лойиҳаларига доир ишлар дастурлари лойиҳаси Вазирлар Маҳкамаси томонидан Ўзбекистон Республикаси Президенти Администрациясининг тегишли таркибий бўлинмаси билан келишилади.
(15-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
Ўзбекистон Республикаси Президенти Администрациясининг тегишли таркибий бўлинмаси билан келишилгандан кейин қонун лойиҳаларига доир ишлар дастурлари лойиҳаси Вазирлар Маҳкамаси Раёсати кўриб чиқиши ва маъқуллаши учун киритилади.
(15-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда — Қонун ҳужжатлари маълумотлари миллий базаси, 14.05.2019 й., 09/19/397/3123-сон)
16. Қабул қилинган қонун лойиҳаларига доир ишлар дастури Вазирлар Маҳкамаси томонидан Ўзбекистон Республикаси Олий Мажлиси палаталарига, шунингдек манфаатдор ташкилотларга юборилади.
161. Қонун лойиҳасининг асосий ижрочиси бўлган манфаатдор ва бошқа ташкилотлар навбатдаги йил учун қонун лойиҳаларига доир ишлар дастурлари қабул қилинган кундан бошлаб ўн кун мобайнида қонун лойиҳасини ишлаб чиқиш режа-жадвалини ишлаб чиқадилар ва тасдиқлайдилар.
(161-банднинг биринчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Қонун лойиҳасини ишлаб чиқиш режа-жадвали манфаатдор ва бошқа ташкилот раҳбари томонидан тасдиқланади.
(161-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Қонун лойиҳасини ишлаб чиқиш режа-жадвалининг нусхаси у тасдиқланган пайтдан икки кун мобайнида Ўзбекистон Республикаси Адлия вазирлигига юборилади, унга қуйидагилар тўғрисидаги ахборотлар илова қилинади:
(161-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
қонун лойиҳасини ишлаб чиқиш бўйича асосий ижрочи бўлган таркибий бўлинманинг номи;
қонун лойиҳасини ишлаб чиқиш учун масъул бўлган шахслар, улар билан боғланиш маълумотлари.
(161-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарорига асосан тўлдирилган — ЎР ҚҲТ, 2016 й., 42-сон, 484-модда)
17. Қонун лойиҳаларига доир ишлар дастурларига ўзгартириш ва қўшимчалар киритиш Вазирлар Маҳкамаси томонидан Ўзбекистон Республикаси қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари, фармойишлари ва топшириқлари, Вазирлар Маҳкамасининг қарорлари асосида, шунингдек ушбу Низом талабларига мувофиқ Ўзбекистон Республикаси Адлия вазирлигининг таклифларига кўра амалга оширилади.
18. Ўзбекистон Республикаси Адлия вазирлигининг қонун лойиҳаларига доир ишлар дастурларига ўзгартириш ва қўшимчалар киритиш тўғрисидаги таклифлари унинг ўз ташаббусига кўра ёки манфаатдор ташкилотларнинг ушбу Низомга мувофиқ тақдим этилган таклифларини кўриб чиқиш якунлари бўйича киритилади.
III. Қонун лойиҳаларига доир ишлар дастурларини тайёрлаш ва ижро этиш жараёни мониторинги
19. Ўзбекистон Республикаси Адлия вазирлиги:
қонун лойиҳаларига доир ишлар дастури лойиҳасига киритиш учун таклифларни тайёрлашда, унга киритилган қонун лойиҳаларини ишлаб чиқиш, келишиш ва киритишда манфаатдор ташкилотлар ишининг амалда мувофиқлаштирилишини таъминлайди, шунингдек методик раҳбарликни амалга оширади;
манфаатдор ташкилотлар иштирокида қонун лойиҳаларига доир ишлар дастурларига киритиш учун таклифларни тайёрлашни ташкил этиш, қонун лойиҳаларини ишлаб чиқиш, экспертизадан ўтказиш ва келишиш, шунингдек улар бажарилиши мониторинги масалалари бўйича тизимли асосда семинарлар ўтказади;
қонун лойиҳаларига доир ишлар дастурлари бажарилиши устидан самарали ва тизимли мониторингни амалга оширади, қонун лойиҳаларини ишлаб чиқиш, келишиш ва Вазирлар Маҳкамасига киритишда манфаатдор ташкилотларга зарур ёрдам беради;
ҳар чоракда Вазирлар Маҳкамасига қонун лойиҳалари ўз вақтида киритилмаслигини сабаблари ва шартлари, уларнинг паст сифати кўрсатилган, шунингдек қонун лойиҳаларини ўз вақтида ва сифатли ишлаб чиқиш ва киритишни таъминлаш бўйича таклифлар билдирилган ҳолда қонун лойиҳаларига доир ишлар дастурлари бажарилиши тўғрисида ахборот киритади.
(19-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
20. Манфаатдор ташкилотларнинг раҳбарлари тайёрланадиган қонун лойиҳаларининг сифати, асосланганлиги ва ўз вақтида тайёрланиши, шунингдек уларнинг Ўзбекистон Республикаси Вазирлар Маҳкамаси Регламенти билан белгиланган муддатларда кўриб чиқилиши учун шахсан жавоб берадилар.
(20-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
21. Қонун лойиҳаси тайёрланиши учун масъул бўлган манфаатдор ташкилот:
қонун ҳужжати лойиҳаси ишлаб чиқилишини ташкил этади, ҳамижрочилар ишини мувофиқлаштиради, зарур ҳолларда бошқа манфаатдор ташкилотлар ходимларини жалб этган ҳолда ишчи гуруҳ ташкил этади;
қонун лойиҳаси билан тартибга солинадиган предмет ва уни қўллаш амалиёти доирасида қонунчиликни ўрганади;
муайян ижтимоий муносабатларни ҳуқуқий тартибга солишга салбий таъсир кўрсатадиган бўшлиқлар ва номувофиқликларни, шунингдек ушбу ижтимоий муносабатларни ҳуқуқий тартибга солиш эҳтиёжини белгилайди;
қонун лойиҳасини қабул қилиш натижасида қонунчиликнинг самарадорлигига таъсир кўрсатадиган сабаблар ва шартларни ўрганади;
етакчи хорижий мамлакатларда тегишли ҳуқуқий муносабатларни қонунчилик йўли билан тартибга солиш тажрибасини ўрганади;
тайёрланган қонун ҳужжати лойиҳасининг белгиланган тартибда Вазирлар Маҳкамасига киритилишини таъминлайди;
ҳар чоракда ҳисобот чорагидан кейинги ойнинг 5-кунигача Ўзбекистон Республикаси Адлия вазирлигига қонун лойиҳаларига доир ишлар дастурларининг тегишли бандлари бажарилиши, шунингдек қонун ҳужжатлари кучга киргунга қадар улар лойиҳаларининг ҳолати тўғрисида ахборот тақдим этади.
(21-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
22. Қонун лойиҳаларига доир ишлар дастурлари бажарилиши мониторинги Ўзбекистон Республикаси Адлия вазирлиги томонидан амалга оширилиб, ўз ичига манфаатдор ташкилотлар томонидан қонун лойиҳаларининг сифати ва уларни ишлаб чиқишнинг белгиланган муддатларига риоя қилинишини, шунингдек уларнинг амалга оширилаётган ислоҳотларнинг мақсад ва вазифаларига, инсон ҳуқуқ ва эркинликларини ҳимоя қилиш бўйича талабларга, халқаро нормалар ва стандартларга, Ўзбекистон Республикаси Конституцияси ва қонунларига мувофиқлигини баҳолашни олади.
(22-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
23. Ўзбекистон Республикаси Адлия вазирлиги ҳар ойда қонун лойиҳаси ишлари дастурлари бажарилишининг боришини кўриб чиқади.
Қонун лойиҳаларини ишлаб чиқишда қонун лойиҳаларига доир ишлар дастурларида назарда тутилган муддатлардан орқада қолинган тақдирда Ўзбекистон Республикаси Адлия вазирлиги бу ҳақда манфаатдор ташкилотларни ёзма шаклда хабардор қилади.
(23-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
24. Ўзбекистон Республикаси Адлия вазирлиги қонун лойиҳаларига доир ишлар дастурлари бажарилиши мониторингини амалга ошириш учун қонун лойиҳаларига доир ишлар дастурлари лойиҳасини шакллантириш, шунингдек қонун лойиҳаларига доир ишлар масалалари бўйича манфаатдор ташкилотлардан зарур маълумотларни сўраб олиш ва ёзма тушунтириш беришни талаб қилиш, юқорида кўрсатиб ўтилган масалалар бўйича улар фаолияти мониторингини олиб бориш ҳуқуқига эга.
Сўраладиган маълумотлар ва ёзма тушунтиришлар манфаатдор ташкилотлар томонидан Ўзбекистон Республикаси Адлия вазирлигига 10 кун муддатда етказилади.
25. Ўзбекистон Республикаси Адлия вазирлиги ҳар чоракда ҳисобот чорагидан кейинги ойнинг 15-кунигача Вазирлар Маҳкамасига қонун лойиҳаларига доир ишлар дастурлари бажарилиши тўғрисида ахборот киритади.
Қонун лойиҳаларини ишлаб чиқиш муддатлари бузилган ёки улар сифатсиз тайёрланган ҳолларда адлия вазири бу ҳақдаги масалани манфаатдор ташкилотлар раҳбарларини тегишли жавобгарликка тортиш учун Ўзбекистон Республикаси Вазирлар Маҳкамаси Президиумига кўриб чиқиш учун киритиш ҳуқуқига эга.
(25-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
26. Ўзбекистон Республикаси Адлия вазирлиги ҳар йилнинг якунлари бўйича манфаатдор ташкилотларнинг қонун лойиҳаларига доир ишлар дастури лойиҳасини шакллантириш, шунингдек қонун лойиҳаларига доир ишлар дастурларида назарда тутилган қонун лойиҳаларини тайёрлаш бўйича фаолияти натижаларини умумлаштиради ва баҳолайди.
(26-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
261. Ўзбекистон Республикаси Вазирлар Маҳкамасининг Ўзбекистон Республикаси Олий Мажлисидаги ваколатли вакили қонун лойиҳаларига оид ишлар дастурлари ижросининг мониторингини олиб боради, шунингдек, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотларнинг қонун лойиҳаларига оид ишлар дастурини ўз вақтида ва сифатли ижро этишларига доир ишларини мувофиқлаштиришда иштирок этади.
(261-банд Ўзбекистон Республикаси Вазирлар Маҳкамасининг 2018 йил 30 январдаги 67-сонли қарорига асосан киритилган — Қонун ҳужжатлари маълумотлари миллий базаси, 01.02.2018 й., 09/18/67/0636-сон)
27. Ўзбекистон Республикаси Вазирлар Маҳкамасининг мажлисларида, шунингдек президиумларида манфаатдор ташкилотлар раҳбарларининг қонун лойиҳаларига доир ишлар дастурларига киритилган қонун лойиҳаларини ўз вақтида ва сифатли ишлаб чиқиш тўғрисидаги ҳисоботлари тизимли асосда эшитилиши мумкин.
(27-банд Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
IV. Якунловчи қоида
28. Ушбу Низом талаблари бузилишида айбдор бўлган шахслар қонунчиликда назарда тутилган тартибда жавобгарликка тортилади.
(28-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Қонунлар лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш бўйича дастурларини тайёрлаш ва қабул қилиш, шунингдек уларнинг бажарилиши мониторинги тартиби тўғрисидаги низомга
ИЛОВА
ИЛОВА
20__ йилда қонунлар лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш дастури лойиҳасига
ТАКЛИФЛАР
|
Т/р |
Қонун лойиҳасининг ишчи номи |
Қонунни қабул қилиш зарурлигининг асосланиши ва у қабул қилинган тақдирда кутиладиган натижалар |
Қонун лойиҳасини ишлаб чиқиш бўйича масъул ижрочилар |
Қонун лойиҳаси муҳокамасини ўтказиш бўйича тадбирлар |
Қонун лойиҳасини Вазирлар Маҳкамасига киритиш муддати |
|
I. Ўзбекистон Республикаси Конституциясида ва қонунларида, Ўзбекистон Республикаси Олий Мажлиси палаталарининг қарорларида, | |||||
|
1. |
|
||||
|
2. |
|
||||
|
3. |
|
||||
|
II. Мамлакатни ижтимоий-сиёсий ва ижтимоий-иқтисодий ривожлантиришнинг устувор йўналишларини ҳисобга олинган ҳолда | |||||
|
1. |
|
||||
|
2. |
|
||||
|
3. |
|
||||
(илова Ўзбекистон Республикаси Вазирлар Маҳкамасининг 2016 йил 17 октябрдаги 345-сонли қарори таҳририда — ЎР ҚҲТ, 2016 й., 42-сон, 484-модда)
Вазирлар Маҳкамасининг 2011 йил 5 августдаги 227-сон қарорига
2-ИЛОВА
2-ИЛОВА
Ўзбекистон Республикаси Ҳукуматининг ўз кучини йўқотган айрим қарорлари
РЎЙХАТИ
1. Вазирлар Маҳкамасининг 2006 йил 15 майдаги «Ҳукуматнинг қонун лойиҳаларига доир иш режаларини тайёрлаш ва қабул қилиш ҳамда уларнинг ижроси мониторингини олиб бориш тартиби тўғрисидаги низомни тасдиқлаш ҳақида» 84-сон қарори.
2. Вазирлар Маҳкамасининг 2006 йил 5 августдаги «Ўзбекистон Республикаси Ҳукуматининг 2006 йил иккинчи ярим йиллигидаги қонун лойиҳаларига доир иш режаларини тасдиқлаш тўғрисида» 159-сон қарори.
3. Вазирлар Маҳкамасининг 2006 йил 22 декабрдаги «Ўзбекистон Республикаси Ҳукуматининг 2007 йилги қонун лойиҳаларига доир иш режаларини тасдиқлаш тўғрисида» 264-сон қарори.
4. Вазирлар Маҳкамасининг 2007 йил 20 декабрдаги «Ўзбекистон Республикаси Ҳукуматининг 2008 йилги қонун лойиҳаларига доир иш режаларини тасдиқлаш тўғрисида» 262-сон қарори.
5. Вазирлар Маҳкамасининг 2008 йил 25 декабрдаги «Ўзбекистон Республикаси Ҳукуматининг 2009 йилги қонун лойиҳаларига доир иш режаларини тасдиқлаш тўғрисида» 278-сон қарори.
6. Вазирлар Маҳкамасининг 2009 йил 25 декабрдаги «Ўзбекистон Республикаси Ҳукуматининг 2010 йилги қонун лойиҳаларига доир иш режасини тасдиқлаш тўғрисида» 331-сон қарори.
(Ўзбекистон Республикаси қонун ҳужжатлари тўплами, 2011 й., 32-33-сон, 335-модда; 2012 й., 37-сон, 429-модда; 2016 й., 42-сон, 484-модда; Қонун ҳужжатлари маълумотлари миллий базаси, 01.02.2018 й., 09/18/67/0636-сон, 08.06.2018 й., 09/18/429/1330-сон; 14.05.2019 й., 09/19/397/3123-сон; Қонунчилик маълумотлари миллий базаси, 05.04.2022 й., 09/22/153/0266-сон)
