Ўзбекистон Республикаси Вазирлар Маҳкамасининг
ФАРҒОНА «АЗОТ» ИБДА ЭКСПОРТГА МЎЛЖАЛЛАНГАН МАҲСУЛОТЛАР ИШЛАБ ЧИҚАРИШЛАРИ КОМПЛЕКСИНИ ТАШКИЛ ЭТИШ ЧОРА-ТАДБИРЛАРИ ТЎҒРИСИДА
Фарғона «Азот» ИБда энергияни тежовчи технологияларни жорий қилиш ва экспортга мўлжалланган ишлаб чиқаришларни ташкил этиш мақсадида Вазирлар Маҳкамаси қарор қилади:
1. «Ўзкимёсаноат» уюшмасининг Фарғона «Азот» ИБда йилига 200 минг тонна аммиак, 20 минг тонна меламин ишлаб чиқарадиган, карбамид ишлаб чиқаришни йилига 330 минг тоннадан 495 минг тоннагача кўпайтирадиган ишлаб чиқаришларни фойдаланишга тайёр ҳолда қуриш тўғрисидаги таклифи қабул қилинсин.
2. «Ўзистиқболстат» давлат қўмитаси юқорида кўрсатиб ўтилган лойиҳаларни Ўзбекистон Республикаси инвестиция дастурига киритсин.
3. Фарғона «Азот» ИБда экспортга мўлжалланган маҳсулотлар ишлаб чиқаришларини ташкил этишнинг бизнес-режага биноан ишлаб чиқилган асосий босқичларига
1-иловага мувофиқ розилик берилсин.
Маълумот учун қабул қилинсинки:
«Бектел» компанияси — конструкторлик ишларини, технологияларни ва ноу-хау сотиб олишни, Ўзбекистон Республикасининг лойиҳалаш ва қурилиш ташкилотларини жалб этган ҳолда объектларни лойиҳалаш ва қуришни, фрахт ва ташувларни ташкил қилган ҳолда асбоб-ускуналар ва машиналар етказиб беришни, инфраструктурани ва функционал таъминлаш тизимларини ташкил этишни, кадрларни ўқитиш ва тайёрлашни, ишлаб чиқариш қувватларини ўз вақтида ишга туширишни таъминлашни ҳамда уларни лойиҳадаги кўрсаткичларга чиқаришни амалга оширади,
«РиС Трейд ЛтД» компанияси — техник-иқтисодий асослашларни ва контрактни, маблағ билан таъминлаш схемаларини ишлаб чиқишда кўмаклашади. Ўзбекистон Республикасида меламинни қайта ишлаш ишлаб чиқариши ташкил этилгунгача йилига 20 минг тонна меламин, шунингдек зарурат бўлганда йилига 102 минг тоннагача карбамид сотишни таъминлайди.
4. «Ўзкимёсаноат» уюшмаси ва Фарғона «Азот» ИБ 1996 йилнинг сентябригача «Бектел» ва «РиС Трейд ЛТД» компаниялари билан контрактдан олдинги ишларни бажариш, техник-иқтисодий асослашларни ишлаб чиқиш юзасидан шартномани ҳамда ишлаб чиқаришлар комплекси қурилиши юзасидан контрактни тузсинлар.
Шартномани маблағ билан таъминлаш Ўзбекистон Республикаси Ҳукумати кафолати остида «РиС Трейд ЛТД» компаниясининг қарз маблағлари ҳисобига, кейинчалик уларни «инжиниринг» моддаси бўйича лойиҳанинг — умумий қийматига қўшган холда, амалга оширилсин.
Ўзбекистон Республикаси Молия вазири контрактдан олдинги ишлар юзасидан шартнома бўйича Ўзбекистон Республикаси Ҳукумати кафолатини имзолашга вакил қилиб белгилансин.
5. «Бектел» ва «РиС Трейд ЛТД» компаниялари билан контрактни тайёрлаш ва тузиш масалалари комплексини ишлаб чиқиш учун
2-иловага мувофиқ ишчи гуруҳи тузилсин, унга контракт хизматини пасайтириш чора-тадбирларини кўриш ва зарурат бўлганда, холис экспертизани таъминлаш топширилсин.
Контрактни имзолаш 1997 йил 30 мартгача тугаллансин.
6. «Ўзистиқболстат» давлат қўмитаси, Ўзбекистон Республикаси Ташқи иқтисодий фаолият миллий банки, Ташқи иқтисодий алоқалар вазирлиги, Молия вазирлиги техник-иқтисодий асослашларнинг ва контрактнинг эксперт баҳосини беришни таъминласинлар.
7. «Ўзкимёсаноат» уюшмаси контракт экспертизаси тугаллангач бир ой муддатда Ҳукумат қарори лойиҳасини киритсин, унда:
белгиланган тартибда Ўзбекистон Республикаси томонидан ажратиладиган лойиҳа қийматининг 15 фоизи миқдоридаги маблағларни;
лойиҳа қийматининг 85 фоизини Ўзбекистон Республикаси Ҳукумати кафолати остида хорижий банкларнинг кредит линияси ҳисобига маблағ билан таъминлаш схемаси ва манбаларини;
кредитларни ҳамда улар бўйича фоизларни тўлаш тартиби ва манбаларини;
лойиҳа қиймати қопланишининг ҳисоб-китоб қилинган муддатларини таъминлашни ҳисобга олган ҳолда электр энергия ва табиий газ учун табақалаштирилган нархларни назарда тутсин.
8. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Султонов зиммасига юклатилсин.
Вазирлар Маҳкамасининг Раиси И. КАРИМОВ
Вазирлар Маҳкамасининг 1996 йил 26 июлдаги 264-сон
қарорига
1-ИЛОВА
Фарғона «Азот» ИБда экспортга мўлжалланган ишлаб чиқаришларни ташкил этишга доир ишларнинг асосий босқичлари
| Т/р № |
Лойиҳани амалга ошириш ишларининг асосий босқичлари |
Лойиҳанинг номи |
Ишлаб чиқаришлар қуввати |
Ишларнинг тахминий қиймати |
Ишларни бажариш муддати |
Бажарувчи |
| 1 |
2 |
3 |
4 |
5 |
6 |
7 |
|
1. |
Контрактдан олдинги ишларни, техник- иқтисодий асослашларни бажариш ва фойдаланишга тайёр холда қуриш бўйича контрактни тайёрлаш юзасидан шартномалар тузиш |
аммиак,
меламин,
карбамид |
200 минг т
20 минг т
165 минг т |
7 млн АҚШ доллари |
1996 йил сентябрь |
«Бектел» компанияси, Фарғона «АзотИБ ва»Ўзкимёсаноат» уюшмаси, Ҳукумат кафолати остида контракт қийматига қўшиладиган маблағлар ҳисобига |
|
2. |
Фойдаланишга тайёр ҳолда қуриш юзасидан техник-иқтисодий асослашларни ва контрактни тайёрлаш |
|
|
|
1997 йилнинг 1 чораги |
«Бектел» компанияси |
|
3. |
Лойиҳанинг технологик схемасини ишлаб чиқиш ва тасдиқлаш |
|
|
|
1997 йилнинг 1 чораги |
«Ўзкимёсаноат» уюшмаси Фарғона «Азот» ИБ, «Ўзкимёлойиҳа ИТИ», «Бектел» компанияси лицензиат фирмалар |
|
4. |
Экспертиза ўтказиш ва контракт тузиш |
|
|
|
1997 йилнинг 2-чораги |
«Ўзкимёсаноат» уюшмаси, Фарғона «Азот» ИБ, ишчи гуруҳ, «Бектел» компанияси, Ўзбекистон Республикаси Ҳукумати кафолати остида қуйидаги тартибда маблағ билан таъминланади: 85% — хорижий банклар кредити; 15%— Ўзбекистон Республикаси |
|
5. |
Қуйидагиларни ишлаб чиқиш:
лойиҳанинг технологик қисми |
аммиак,
|
|
|
1998 йилнинг 1-чораги
|
«Бектел» компанияси |
|
|
|
меламин, |
|
|
1998 йилнинг 2-чораги |
—»— |
|
|
|
карбамид |
|
|
1998 йилнинг 1-чораги |
—»— |
|
|
лойиҳанинг умумий қурилиш қисми |
аммиак, |
|
|
1998 йилнинг 4-чораги |
|
|
|
|
меламин, |
|
|
1998 йилнинг Ш чораги |
|
|
|
|
карбамид |
|
|
1998 йилнинг чораги |
«ЎзкимёлойиҳаИТИ», «Бектел» компанияси ва лицензиат фирмалар кўмагида |
|
6. |
Тайёрлаш цикли узоқ бўлган асбоб-ускуналарга буюртма бериш |
аммиак, |
|
|
1998 йилнинг Ш чораги |
«Бектел» компанияси лицензиат фирмалар |
|
|
|
меламин |
|
|
1998 йилнинг 1 чораги |
|
|
|
|
карбамид |
|
|
1998 йилнинг 2-чораги |
|
|
7. |
Қурилиш-монтаж ишлари |
аммиак, |
|
|
1998-1999 йй |
«Бектел» компанияси Ўзбекистон Республикасининг бир қатор ташкилотларини жалб этган ҳолда |
|
|
|
меламин, |
|
|
1998-1999 йй |
|
|
|
|
карбамид |
|
|
1998-1999 йй |
|
|
8. |
Ишга тушириш — созлаш ишлари ва фойдаланишга топшириш |
аммиак, меламин, карбамид |
|
|
1999 йил |
«Бектел» компанияси, лицензиат фирмалар, пудрат ташкилотлари, «Ўзкимёсаноат» фирмаси, Фарғона «Азот» ИБ |
Вазирлар Маҳкамасининг 1996 йил 26 июлдаги 264-сон
қарорига 2-ИЛОВА
Фарғона «Азот» ИБда экспортга мўлжалланган маҳсулотлар ишлаб чиқариш комплексини ташкил этиш лойиҳаси бўйича «Бектел» ва «РиС Трейд ЛТД» компаниялари билан музокаралар ўтказувчи ишчи гуруҳи
| Юсупбеков Н. Р. |
— |
«Ўзкимёсаноат» уюшмаси раиси |
| Ан Г. Ю. |
— |
«Ўзмиллийбанк» бошқаруви раисининг биринчи ўринбосари |
| Возненко А. Н. |
— |
«Ўзкимёсаноат» уюшмаси раисининг биринчи ўринбосари |
| Кондратьевская Л. Е. |
— |
Вазирлар Маҳкамаси бўлимининг катта эксперти |
| Корнеев А.Г. |
— |
«Ўзистиқболстат» давлат қўмитаси раисининг ўринбосари |
| Зинин В. И. |
— |
Молия вазирининг ўринбосари |
| Абдуллаев А. А. |
— |
Фарғона «Азот» ИБ нинг бош директори |
| Назаров Х. С. |
— |
«Ўзкимёлойиҳа ИТИ» директори |
| Ортиқов Н. А. |
— |
«Ўзинвестлойиҳа» компаниясининг бош директори |
| Кулаков Ю. Н. |
— |
Ташқи иқтисодий алоқалар вазирлиги экспорт потенциалини ривожлантириш бош бошқармасининг бошлиғи |
| Набиев Л. Д. |
— |
«Ўзсаноатқурилишбанк» бошқаруви раисининг ўринбосари |
LexUZ шарҳи