«В.П. Чкалов номидаги Тошкент авиация ишлаб чиқариш бирлашмаси» давлат-акциядорлик жамияти томонидан авиация техникаси экспортга етказиб берилишини кучайтириш учун қўшимча шароитлар яратиш мақсадида Вазирлар Маҳкамаси қарор қилади:

1. «В.П. Чкалов номидаги Тошкент авиация ишлаб чиқариш бирлашмаси» давлат-акциядорлик жамияти, Ўзбекистон Республикаси Давлат мулки қўмитаси, Ташқи иқтисодий алоқалар вазирлиги ва «Асака» акциядорлик-тижорат банкининг «Сибавиатранс» (Россия, Красноярск шаҳри), «Уралэкоресурс» ёпиқ турдаги акциядорлик жамияти (Россия, Екатеринбург шаҳри), «Кедр» тижорат банки (Россия, Красноярск шаҳри), «Свердлсоцбанк» Свердлов вилояти ҳудудини ижтимоий ривожлантириш тижорат банки (Россия, Екатеринбург шаҳри) билан биргаликда дастлабки устав сармояси тайёр маҳсулот, мол-мулк ва пул улуши тарзида 24,5 млн. АҚШ доллари бўлган очиқ турдаги акциядорлик жамияти шаклидаги «Ўзавиализинг» акциядорлик-лизинг компаниясини ташкил этиш тўғрисидаги таклифи маъқуллансин.

2. «Ўзавиализинг» акциядорлик-лизинг компанияси акцияларини дастлабки жойлаштириш 1-иловага мувофиқ нисбатларда назарда тутилсин. Қайд этилсинки, лизинг компанияси бошқа қатнашчиларнинг, шу жумладан, хорижий қатнашчиларнинг унга кириши учун очиқдир.

3. Қуйидагилар «Ўзавиализинг» акциядорлик-лизинг компанияси фаолиятининг асосий йўналишлари деб ҳисоблансин:

республикада ишлаб чиқарилган авиация техникасини кейинчалик молиявий ва оператив лизингга бериш учун миллий ва хорижий валютада ўз маблағлари ва қарз олинган маблағлар ҳисобига харид қилиш;

авиация техникаси бозорлари маркетинг тадқиқотларини амалга ошириш.

4. Акциядорлик-лизинг компанияси бошқаруви тузилмасига 2-иловага мувофиқ розилик берилсин.

5. Лизинг операциялари ўтказиш схемаси 3-иловага мувофиқ маъқуллансин.

10. «Ўзбекинвест» экспорт-импорт миллий суғурта компанияси лизингга берилган мол-мулк, ташиладиган юклар суғурта қилинишини, лизинг компаниянинг чет элдаги иқтисодий манфаатлари сиёсий, тижорат ва тадбиркорлик таваккалчиликларидан комплекс суғуртавий ҳимоя қилинишини, лизинг операцияларини маблағ билан таъминлаш учун экспорт кредитлари ажратувчи Ўзбекистон Республикаси резидентлари бўлган тижорат банкларига суғурта қопламалари берилишини таъминласин.

11. «Ўзавиализинг» акциядорлик-лизинг компанияси ҳаммуассислари Ўзбекистон Республикаси Молия вазирлиги, Давлат солиқ қўмитаси билан биргаликда, Марказий банк ва Адлия вазирлиги мутахассислари иштирокида янгидан ташкил этилаётган акциядорлик-лизинг компанияси уставини ўн кун муддатда ишлаб чиқсин, тасдиқласин ва рўйхатдан ўтказиш учун Ўзбекистон Республикаси Адлия вазирлигига тақдим этсин.

12. «В.П. Чкалов номидаги Тошкент авиация ишлаб чиқариш бирлашмаси» давлат-акциядорлик жамияти «Ўзавиализинг» акциядорлик-лизинг компаниясини Тошкент шаҳар, М.Ҳасанова кўчасидаги 1-уйга жойлаштирсин.

13. Ўзбекистон Республикаси Давлат божхона қўмитаси Адлия вазирлиги, Ташқи иқтисодий алоқалар вазирлиги, Молия вазирлиги билан биргаликда экспорт ва импорт лизинг операцияларини ўтказишда божхона ҳужжатларини расмийлаштириш тартибини бир ой муддатда ишлаб чиқсин ва Вазирлар Маҳкамасига киритсин.

14. Ўзбекистон Республикаси Молия вазирлиги лизинг операцияларини бухгалтерия ҳисобида акс эттириш ва лизингга берилган мол-мулк амортизациясини назарда тутувчи ҳисобот тартибини бир ой муддатда ишлаб чиқсин ва тасдиқлаш учун Вазирлар Маҳкамасига тақдим этсин.

15. Ўзбекистон Республикаси Ташқи ишлар вазирлиги ва Ташқи иқтисодий алоқалар вазирлиги Ўзбекистон Республикаси қабул қилган халқаро мажбуриятларга мувофиқ бир ой муддатда:

Ўзбекистон Республикасининг Халқаро молиявий лизинг тўғрисида 1988 йилги Оттава конвенциясига қўшилиши;

республиканинг ташкил этилаётган лизинг компанияларининг Европа лизинг компаниялари уюшмаси билан узоқ муддатли ҳамкорлигини ташкил этиш масалалари бўйича таклифларни тайёрласинлар ва Вазирлар Маҳкамасига тақдим этсинлар.

16. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.