|
Ҳужжат кучини йўқотган " " 12.12.2024
|
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
ЛОТЕРЕЯЛАР ЎТКАЗИШНИ ТАШКИЛ ЭТИШНИ ТАКОМИЛЛАШТИРИШГА ДОИР ҚЎШИМЧА ЧОРА-ТАДБИРЛАР ТЎҒРИСИДА
(қарор номи Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
LexUZ шарҳиМазкур қарор Ўзбекистан Республикаси Вазирлар Маҳкамасининг 2024 йил 6 декабрдаги 814-сонли «Ўзбекистон Республикаси Президентининг «Лотереялар ва таваккалчиликка асосланган ўйинларни ташкил этиш ва ўтказишни тартибга солишни такомиллаштириш чора-тадбирлари тўғрисида» 2024 йил 19 апрелдаги ПФ-68-сон Фармони ижросини таъминлаш чора-тадбирлари тўғрисида»ги қарорига асосан ўз кучини йўқотган.
Олдинги таҳрирга қаранг.
Лотереялар ўтказишни ташкил этишни янада такомиллаштириш, шунингдек уларнинг қатнашчилари ҳуқуқларини ҳимоя қилиш мақсадида Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
1. Лотереялар ташкил этиш бўйича фаолиятни амалга оширувчи юридик шахслар устав фондининг энг кам миқдори 200 млн. сўм миқдорида белгилансин, шундан камида 50 фоизи пул маблағлари билан шакллантирилади.
Лотереялар ташкил этиш бўйича фаолиятни амалга оширувчи юридик шахслар устав фондини шакллантириш учун кредитга, гаров остида олинган маблағлардан ҳамда бошқа жалб қилинган маблағлардан фойдаланишга йўл қўйилмайди.
(1-банд Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
Олдинги таҳрирга қаранг.
2. Белгилаб қўйилсинки, мазкур қарор қабул қилингунга қадар лотереялар ташкил этиш бўйича фаолиятни амалга ошириш ҳуқуқи учун лицензия олган юридик шахслар, ушбу қарор қабул қилинган кундан бошлаб бир йил мобайнида ўз устав фонди миқдорини мазкур қарорнинг 1-банди билан белгиланган энг кам миқдорга мувофиқлаштириши шарт.
(2-банд Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
Олдинги таҳрирга қаранг.
3. Ушбу қарор қабул қилинган кундан бошлаб бир йил ўтгандан кейин устав фонди миқдори белгиланган энг кам талабларга мувофиқ бўлмаган юридик шахслар ташкил этиш бўйича фаолиятни амалга ошириш ҳуқуқига эга бўлмайди.
(3-банд Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
Олдинги таҳрирга қаранг.
4. Ўзбекистон Республикаси Давлат солиқ қўмитаси устав фондини мазкур қарор талабларига мувофиқ шакллантирмаган, шунингдек белгиланган тартибда лицензия олмаган юридик шахслар томонидан лотереялар ташкил этиш бўйича фаолият амалга оширилишига йўл қўймаслик чора-тадбирларини кўрсин.
(4-банд Ўзбекистон Республикаси Вазирлар Маҳкамасининг 2007 йил 16 августдаги 176-сонли қарори таҳририда — ЎР ҚҲТ, 2007 й., 33-34-сон, 344-модда)
5. Ўзбекистон Республикаси Ҳукуматининг иловага мувофиқ айрим қарорларига ўзгартиришлар киритилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Голишев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2005 йил 2 август,
182-сон
Ўзбекистон Республикаси Ҳукуматининг айрим қарорларига
киритилаётган ўзгартиришлар
киритилаётган ўзгартиришлар
1. Вазирлар Маҳкамасининг «Пул-буюм лотереялари ўтказишни ташкил этишни такомиллаштириш чора-тадбирлари тўғрисида» 2002 йил 15 ноябрдаги 396-сон қарорининг (Ўзбекистон Республикаси ҚТ, 2002 й., 11-сон, 70-модда) 5-банди ўз кучини йўқотган деб ҳисоблансин.
2. Вазирлар Маҳкамасининг 2003 йил 16 июлдаги 314-сон қарори (Ўзбекистон Республикаси ҚТ, 2003 й., 7-сон, 62-модда) билан тасдиқланган Лотереялар, тотализатор ва таваккалчиликка асосланган бошқа ўйинлар ташкил этиш фаолиятини лицензиялаш тўғрисидаги Низом 6-банди «б» кичик бандининг иккинчи хатбоши қуйидаги таҳрирда баён қилинсин:
«лицензиат устав фондининг шакллантирилган миқдори лотереялар, тотализаторлар ва таваккалчиликка асосланган бошқа ўйинларни ташкил этиш бўйича фаолиятни амалга оширувчи юридик шахслар учун 200 млн. сўмдан кам бўлмаслиги керак, шундан эллик фоизи пул маблағлари билан шакллантирилади. Бунда лотереялар, тотализаторлар ва таваккалчиликка асосланган бошқа ўйинларни ташкил этиш бўйича фаолиятни амалга ошириш ҳуқуқи учун лицензия олиш тўғрисида ариза берилган вақтда лицензия талабгорининг устав фонди кўрсатиб ўтилган энг кам миқдорда тўлиқ шакллантирилган бўлиши керак. Лотереялар, тотализаторлар ва таваккалчиликка асосланган бошқа ўйинларни ташкил этиш бўйича фаолиятни амалга оширадиган юридик шахслар устав фондини шакллантириш учун кредитга, гаров остида олинган маблағлардан ҳамда бошқа жалб қилинган маблағлардан фойдаланишга йўл қўйилмайди».
