Hujjat kuchini yo‘qotgan " " 10.08.2021
ELEKTR ENERGIYADA NAZORAT BOʻYIChA DAVLAT INSPEKSIYASI “OʻZDAVENERGONAZORAT” BOShLIGʻINING
BUYRUGʻI
ISTEʼMOLChILARNING ELEKTR QURILMALARIDAN TEXNIK FOYDALANISh QOIDALARINI TASDIQLASh TOʻGʻRISIDA
[Oʻzbekiston Respublikasi Adliya vazirligi tomonidan 2004-yil 9-iyulda 1383-son bilan davlat roʻyxatidan oʻtkazilgan]
 LexUZ sharhi
Mazkur buyruq Oʻzbekiston Respublikasi adliya vazirining 2021-yil 6-maydagi 11-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3298, 06.05.2021-y.) asosan 2021-yil 10-avgustdan davlat reyestridan chiqariladi.
Oʻzbekiston Respublikasining “Mehnatni muhofaza qilish toʻgʻrisida”gi Qonuni, Oʻzbekiston Respublikasi Vazirlar Mahkamasining 1992-yil 29-apreldagi 210-sonli “Sobiq SSSRning qonuniy hujjatlarini qayta koʻrib chiqish boʻyicha ishlarni tashkil etish toʻgʻrisida”gi qarori va Oʻzbekiston Respublikasi Vazirlar Mahkamasining 2004-yil 1-martdagi 96-sonli qarori bilan tasdiqlangan “Oʻzdavenergonazorat” davlat inspeksiyasi toʻgʻrisidagi nizomga asosan, buyuraman:
1. Ilova* qilinayotgan “Isteʼmolchilarning elektr qurilmalaridan texnik foydalanish qoidalari” tasdiqlansin.
* Ilova rus tilidagi matnda beriladi.
2. Mazkur buyruq Oʻzbekiston Respublikasi Adliya vazirligida davlat roʻyxatiga olingan kundan boshlab, 10 kun oʻtganidan soʻng kuchga kiritilsin.
3. Mazkur buyruq kuchga kirgan kundan boshlab SSSRning energetika va elektrlashtirish vazirligining Davlat elektr energetikada nazorat bosh boshqarmasi tomonidan 1984-yil 21-dekabrda tasdiqlangan “Isteʼmolchilarning elektr qurilmalarini texnikaviy ekspluatatsiya qilish qoidalari” Oʻzbekiston Respublikasi hududida qoʻllanilmasin.
4. Ushbu buyruqning bajarilishini nazorat qilishni oʻz zimmamda qoldiraman.
Elektr energiyada nazorat boʻyicha davlat inspeksiyasi “Oʻzdavenergonazorat” boshligʻi B. TEShABOYEV
Toshkent sh.,
2004-yil 21-may,
207-son
(Oʻzbekiston Respublikasi qonun hujjatlari toʻplami, 2004-y., 27-son, 317-modda; 2005-y., 10-11-son, 78-modda; 2012-y., 5-son, 53-modda)