1.16.00.00.00 Xavfsizlik va huquq tartibot muhofazasi / 16.02.00.00 Xavfsizlikni taʼminlash kuchlari / 16.02.05.00 Ichki ishlar organlari]
[TSZ:
1.Davlat va jamiyat qurilishi / Inson va fuqaroning huquqlari, erkinliklari va majburiyatlari . Ombudsman. Fuqarolarning murojaatlarini koʻrib chiqish tartibi]
OʻZBEKISTON RESPUBLIKASI PREZIDENTINING
QARORI
Ichki ishlar organlari tizimini raqamli transformatsiya qilish boʻyicha kompleks chora-tadbirlar toʻgʻrisida
[Koʻchirma]
Ichki ishlar organlarining raqamli ekotizimini zamon talablariga mutanosib ravishda maqsadli raqamli yechimlar asosida yangi bosqichga olib chiqish, jamoat xavfsizligini taʼminlash va jinoyatchilikka qarshi kurashish sohasiga sunʼiy intellekt texnologiyalarini keng tatbiq etish, “markaz — hudud — mahalla” yagona texnologik yondashuvini joriy etish va axborot makonida raqamlashtirish jarayonlari natijadorligini yanada oshirish maqsadida qaror qilaman:
I. Ustuvor yoʻnalishlar
[OKOZ:
1.16.00.00.00 Xavfsizlik va huquq tartibot muhofazasi / 16.02.00.00 Xavfsizlikni taʼminlash kuchlari / 16.02.05.00 Ichki ishlar organlari]
1. Quyidagilar ichki ishlar organlari tizimini 2025 — 2027-yillarda raqamli transformatsiya qilishning ustuvor yoʻnalishlari etib belgilansin:
[OKOZ:
1.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.02.00 Axborot tizimlari, texnologiyalari va ularni taʼminlash vositalari;
2.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.01.00.00 Prokuratura / 18.01.05.00 Jinoyatchilikka qarshi kurashishda faoliyatni muvofiqlashtirish]
(a) ichki ishlar organlarining barcha axborot infratuzilmasini, xususan, axborot tizimlari, maʼlumotlar bazalari va maʼlumotlarni qayta ishlash markazlarini sunʼiy intellekt texnologiyalari asosida yagona tizimga birlashtirgan holda jinoyatchilikka qarshi kurashish borasidagi faoliyati samaradorligini yanada oshirish;
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.09.00 Maʼlum bir mutaxassislik boʻyicha xodimlarga qoʻyiladigan talablar. Kvalifikatsiya tavsiflari]
(b) ichki ishlar organlari sohasiga raqamli texnologiyalarni joriy etishga masʼul boʻlinmalarning faoliyatini yagona boshqaruv tizimi va ishlash mexanizmlari asosida muvofiqlashtirish, ular tarkibida yuqori malaka va intellektual salohiyatga ega mutaxassislardan iborat boʻlgan “raqamli jamoa”ni shakllantirish;
[OKOZ:
1.16.00.00.00 Xavfsizlik va huquq tartibot muhofazasi / 16.09.00.00 Maʼmuriy javobgarlik / 16.09.02.00 Maʼmuriy huquqbuzarlik;
2.16.00.00.00 Xavfsizlik va huquq tartibot muhofazasi / 16.11.00.00 Jinoyat qonunchiligi / 16.11.01.00 Umumiy qoidalar]
(v) jinoyatlar va maʼmuriy huquqbuzarliklar statistikasini inson omilisiz yuritish, kriminogen vaziyat va jinoyatchilik holatini, shu jumladan, hududlar va huquqbuzarliklar turlari kesimidagi tahlillarni avtomatlashtirish;
[OKOZ:
1.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.08.00 Axborotni taqdim qilish. Axborot xizmatlari;
2.16.00.00.00 Xavfsizlik va huquq tartibot muhofazasi / 16.04.00.00 Jamiyat xavfsizligi / 16.04.03.00 Axborot xavfsizligi (shuningdek, 12.08.00.00 ga qarang)]
(g) huquqiy statistika va tezkor-hisob maʼlumotlarini agregatsiya qilish, qayta ishlash va ulardan foydalanish jarayonini toʻliq raqamlashtirish, shuningdek, ichki ishlar organlari tizimida axborot xavfsizligi samaradorligini zamon talablariga mos ravishda taʼminlash.
2. Quyidagilar:
(a) Ichki ishlar organlarida zamonaviy axborot texnologiyalarini joriy etish va axborot xavfsizligini taʼminlash boʻyicha ustuvor loyihalar roʻyxati 1-ilovaga muvofiq;
(b) Hududiy ichki ishlar organlarida raqamli infratuzilmani shakllantirish boʻyicha ustuvor loyihalar roʻyxati 2-ilovaga muvofiq;
(v) Yagona interaktiv davlat xizmatlari portalida koʻrsatilayotgan xizmatlarni maqbullashtirish orqali aholiga davlat xizmatlarini proaktiv va kompozit shakllarda koʻrsatish dasturi 3-ilovaga muvofiq;
(g) Ichki ishlar organlari faoliyatiga sunʼiy intellekt texnologiyalarini tatbiq etish va rivojlantirish konsepsiyasi (keyingi oʻrinlarda — Konsepsiya) 4-ilovaga muvofiq;
(d) Vazirlik va idoralarning ichki ishlar organlari axborot tizimlari, maʼlumotlar bazalariga uzatiladigan maʼlumotlari roʻyxati 5-ilovaga muvofiq tasdiqlansin.
II. Raqamlashtirish va axborot xavfsizligini taʼminlashda yagona boshqaruv mexanizmi
[OKOZ:
1.16.00.00.00 Xavfsizlik va huquq tartibot muhofazasi / 16.02.00.00 Xavfsizlikni taʼminlash kuchlari / 16.02.05.00 Ichki ishlar organlari]
3. Ichki ishlar vazirligi Axborot texnologiyalari, aloqa va axborotni himoyalash boshqarmasi, Huquqiy statistika va tezkor-hisob maʼlumotlar bosh markazi hamda ularning hududiy boʻlinmalari negizida Ichki ishlar vazirligi Raqamli texnologiyalar va huquqiy statistika departamenti (keyingi oʻrinlarda — Departament) va uning hududiy boʻlinmalari tashkil etilsin hamda zimmasiga quyidagi asosiy vazifalar yuklansin:
(a) ichki ishlar organlari faoliyatiga raqamli texnologiyalarni keng joriy etishda yagona texnologik yondashuvni taʼminlash hamda ushbu vazifalarni bajarishda barcha boʻlinmalarning muvofiqlashtirilgan faoliyatini tashkil etish va nazorat qilish;
(b) ichki ishlar organlarining jamoat xavfsizligini taʼminlash, huquqbuzarliklarning oldini olish va jinoyatchilikka qarshi kurashish sohasidagi faoliyatiga sunʼiy intellekt texnologiyalariga asoslangan yechimlarni tatbiq etish;
(v) ichki ishlar organlarining axborot texnologiyalari va telekommunikatsiya infratuzilmalarini rivojlantirish hamda texnik qoʻllab-quvvatlash, shuningdek, barcha axborot tizimlari, dasturiy taʼminotlar va maʼlumotlar bazalarida axborot xavfsizligini taʼminlash, xavflarni tahlil qilib borish;
(g) ichki ishlar organlari tomonidan koʻrsatilayotgan elektron davlat xizmatlarini takomillashtirish, ularning sifatini oshirish hamda foydalanuvchilar uchun qulayliklarni kengaytirish;
(d) raqamli texnologiyalar yordamida huquqiy statistika hamda maxsus hisob maʼlumotlarini jamlash, saqlash va yuritish, integrallashgan maʼlumotlar banki faoliyatini taʼminlash, shuningdek, arxiv hujjatlarining markazlashgan hisobini yuritish.
[OKOZ:
1.16.00.00.00 Xavfsizlik va huquq tartibot muhofazasi / 16.02.00.00 Xavfsizlikni taʼminlash kuchlari / 16.02.05.00 Ichki ishlar organlari]
4. Belgilansinki, Departamentning bevosita rahbari ichki ishlar vazirining oʻrinbosari hisoblanadi va uning zimmasiga Departamentga qoʻyilgan vazifalarning samarali amalga oshirilishi (natijadorligi) boʻyicha shaxsiy javobgarlik yuklanadi.
5. Sinov tariqasida Toshkent shahri va Toshkent viloyati ichki ishlar bosh boshqarmalari tuzilmalarida Ichki ishlar bosh boshqarmasi boshligʻi oʻrinbosari - Raqamli texnologiyalar va huquqiy statistika xizmati boshligʻi lavozimi joriy etilsin hamda tumanlararo raqamli texnologiyalar boʻlinmalari faoliyati yoʻlga qoʻyilsin.
6. Ichki ishlar vazirligi (Z. Kurbanov) 2025-yil davomida Toshkent shahri va Toshkent viloyati ichki ishlar organlarida mazkur qarorga muvofiq joriy etilayotgan tashkiliy-shtat tuzilmasi natijadorligini baholab borsin hamda 2026-yil 1-mayga qadar respublikaning boshqa hududlarida ham ushbu amaliyotni bosqichma-bosqich davom ettirish boʻyicha asoslantirilgan taklif kiritsin.
7. Oʻzbekiston Respublikasi Ichki ishlar vazirligi Raqamli texnologiyalar va huquqiy statistika departamenti toʻgʻrisidagi nizom 6-ilovaga* muvofiq tasdiqlansin.
*6-ilova berilmaydi.
III. Raqamli transformatsiya jarayonida hamkorlik va isteʼdodli yoshlarning startap loyihalarini qoʻllab-quvvatlash
8. Ichki ishlar vazirligi Raqamli texnologiyalar vazirligi bilan hamkorlikda ichki ishlar organlari tizimida 2025 — 2027-yillarda raqamli transformatsiya jarayonlarini samarali tashkil etish va amalga oshirishda Departament va uning hududiy boʻlinmalariga har tomonlama amaliy yordam koʻrsatish maqsadida 7-ilovaga muvofiq tartibda Ichki ishlar vazirligi huzurida yuridik shaxs maqomiga ega boʻlmagan Raqamli loyihalar ofisi faoliyatini yoʻlga qoʻysin. Bunda Raqamli texnologiyalar vazirligi:
(a) Raqamli loyihalar ofisiga tegishlicha malakali ekspert va mutaxassislarni biriktiradi;
(b) oʻz imkoniyat va resurslari bilan ichki ishlar organlariga zamonaviy axborot texnologiyalarini joriy etish, shuningdek, xodimlarda raqamli kompetensiyalarni shakllantirish va axborot xavfsizligini taʼminlash borasida tashkiliy-texnik jihatdan amaliy yordam koʻrsatadi;
(v) sunʼiy intellekt texnologiyalarini tatbiq etish boʻyicha ustuvor loyihalarni toʻlaqonli amalga oshirishda har tomonlama koʻmaklashadi.
9. Ichki ishlar vazirligi va Raqamli texnologiyalar vazirligining quyidagi takliflari maʼqullansin:
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.07.00 Mehnat shartnomasi (kontrakt);
2.05.00.00.00 Mehnat va aholining bandligi toʻgʻrisidagi qonunchilik / 05.02.00.00 Mehnat / 05.02.09.00 Maʼlum bir mutaxassislik boʻyicha xodimlarga qoʻyiladigan talablar. Kvalifikatsiya tavsiflari;
3.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.05.00 Budjet tashkilotlari va muassasalarini moliyalashtirish]
(a) Departament va uning hududiy boʻlinmalariga Ichki ishlar vazirligining budjetdan tashqari mablagʻlari hisobidan bozor konyunkturasidan kelib chiqqan holda raqamli texnologiyalar sohasida malakali mutaxassislarni shartnoma asosida jalb etish;
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish;
2.16.00.00.00 Xavfsizlik va huquq tartibot muhofazasi / 16.05.00.00 Shaxs xavfsizligi / 16.05.02.00 Jamoat tartibi muhofazasi. Huquqbuzarliklar profilaktikasi;
3.19.00.00.00 Xalqaro munosabatlar. Xalqaro huquq / 19.01.00.00 Davlatlararo aloqalarda umumiy masalalar / 19.01.08.00 Davlatlararo munosabatlarda boshqa masalalar]
(b) jamoat xavfsizligini taʼminlash, huquqbuzarliklarning barvaqt oldini olish va jinoyatchilikka qarshi kurashish sohasida Dasturiy mahsulotlar va axborot texnologiyalari texnologik parki (IT-park) va uning hududiy filiallari rezidentlarini ilgʻor startap loyihalarni qoʻllab-quvvatlash uchun akseleratsiya va inkubatsiya dasturlariga hamda startap studiyalarga Birlashgan Arab Amirliklari tajribasi asosida jalb etish;
[OKOZ:
1.08.00.00.00 Uy-joy qonunchiligi. Kommunal xoʻjalik / 08.06.00.00 Noturar joylar. Maʼmuriy binolar / 08.06.01.00 Umumiy masalalar;
2.08.00.00.00 Uy-joy qonunchiligi. Kommunal xoʻjalik / 08.06.00.00 Noturar joylar. Maʼmuriy binolar / 08.06.02.00 Noturar joy fondi obyektlariga mulk huquqi va boshqa huquqlar. Balansdan balansga berish]
(v) akseleratsiya va inkubatsiya dasturlariga hamda startap studiyalar tashkil etish uchun Ichki ishlar vazirligi balansidagi binolarni ajratish;
(g) mavjud muammolarni bartaraf etishga moʻljallangan startap loyihalarni yaratish maqsadida iqtidorli yoshlarni jalb etgan holda xakatonlar tashkil etish.
IV. Qaror ijrosini tashkil etish, taʼminlash va nazorat qilish
10. Belgilansinki:
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar]
(a) Raqamli texnologiyalar vazirligi (Sh. Shermatov, O. Pekos) 2025 — 2027-yillarda ichki ishlar organlari tizimiga sunʼiy intellekt texnologiyalari va dasturiy mahsulotlar joriy etilishini hamda ustuvor loyihalar amalga oshirilishini muvofiqlashtirib borish uchun masʼul hisoblanadi;
(b) ichki ishlar organlari tizimini raqamli transformatsiya qilish jarayonlari, ustuvor loyihalarning oʻz vaqtida va sifatli amalga oshirilishi har chorak yakunida ichki ishlar va raqamli texnologiyalar vazirlari huzurida tanqidiy muhokama qilib boriladi;
(v) Ichki ishlar vazirligi (A. Tashpulatov) Raqamli texnologiyalar vazirligi (Sh. Shermatov) bilan birgalikda ikki oy muddatda Konsepsiyadan kelib chiqqan holda 2025 — 2027-yillarda ichki ishlar organlari faoliyatiga sunʼiy intellekt texnologiyalarini tatbiq etish chora-tadbirlar dasturini tasdiqlasin va qatʼiy ijroga qaratsin.
11. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 8-ilovaga muvofiq oʻzgartirish va qoʻshimchalar kiritilsin.
12. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi ichki ishlar vaziri A.A. Tashpulatov va raqamli texnologiyalar vaziri Sh.X. Shermatov belgilansin.
13. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi D.B. Kadirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 30-aprel,
PQ-155-son
Oʻzbekiston Respublikasi Prezidentining 2025-yil 30-apreldagi PQ-155-son qaroriga 1-ILOVA
Ichki ishlar organlarida zamonaviy axborot texnologiyalarini joriy etish va axborot xavfsizligini taʼminlash boʻyicha
USTUVOR LOYIHALAR ROʻYXATI
T/r
Loyiha va chora-tadbirlar nomi
Amalga oshirish mexanizmi
Ijro muddati
Moliyalashtirish manbasi
Masʼul ijrochilar
I. Faoliyatga raqamli texnologiyalarni joriy etish
1.
Ichki ishlar vazirligi tizimidagi taʼlim muassasalariga nomzodlarni qabul qilish, oʻquv jarayonini elektron shaklga oʻtkazish va doimiy monitoring qilib borish boʻyicha “E-kadr” tizimini takomillashtirish orqali “Raqamli taʼlim” platformasini yaratish.
1. Loyiha-texnik hujjatlarini ishlab chiqish va ekspertizadan oʻtkazish.
2025-yil iyun
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov,D.Nazarmuxamedov),
Raqamli texnologiyalar vazirligi
(O. Umarov)
2. Loyiha doirasida shartnomaviy ishlarni amalga oshirish.
2025yil avgust
3.Axborot tizimini ishlab chiqish va amaliyotga sinov tariqasida joriy etish.
2026yil yanvar
4. Tizimni toʻliq ishga tushirish.
2026yil mart
2.
Ichki ishlar organlarining faoliyatiga ovoz asosida shaxsni identifikatsiya qilish imkonini beradigan zamonaviy texnologiyalarni joriy etish.
1. Loyiha-texnik hujjatlarini ishlab chiqish va ekspertizadan oʻtkazish.
2025-yil sentabr
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
2. Apparat-dasturiy taʼminot va server qurilmalarini xarid qilish.
2026-yil yanvar
3. Axborot tizimini sinovdan oʻtkazish va ishga tushirish.
2026-yil aprel
3.
Ichki ishlar organlarining ichki axborot tizimlari foydalanuvchilarini identifikatsiya qilish tizimini joriy etish.
1. Loyiha-texnik hujjatlarini ishlab chiqish va ekspertizadan oʻtkazish.
2025-yil iyun
Ichki ishlar vazirligining budjetdan tashqari mablagʻlari, qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
2. Loyiha doirasida shartnomaviy ishlarni amalga oshirish.
2025-yil sentabr
3. Tizimni ishga tushirish.
2026-yil fevral
4.
Ichki ishlar organlarida tashqi va ichki integratsiyalarni yagona nuqta orqali amalga oshirish boʻyicha Ichki ishlar vazirligining “Integratsion shlyuzi” tizimini joriy etish.
1. Loyiha-texnik hujjatlarini ishlab chiqish va ekspertizadan oʻtkazish.
2025-yil iyun
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi (Z. Kurbanov),
Raqamli texnologiyalar vazirligi
(O. Umarov)
2. Loyiha doirasida shartnomaviy ishlarni amalga oshirish.
2025-yil avgust
3. Axborot tizimini ishlab chiqish va joriy etish.
2026-yil yanvar
5.
Ichki ishlar organlarida mavjud barcha texnik vositalarning hisobini yuritish boʻyicha “Raqamli texnik hisob” axborot tizimini yaratish.
1. Loyiha-texnik hujjatlarini ishlab chiqish va ekspertizadan oʻtkazish.
2025-yil avgust
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi (Z. Kurbanov),
Raqamli texnologiyalar vazirligi
(O. Umarov)
2. Loyiha doirasida shartnomaviy ishlarni amalga oshirish.
2026-yil yanvar
3. Axborot tizimini ishlab chiqish va joriy etish.
2026-yil sentabr
6.
Raqamli texnologiyalar sohasida jismoniy va yuridik shaxslarga shartnoma asosida koʻrsatiladigan pulli xizmatlar roʻyxatini tasdiqlash.
1. Raqamli texnologiyalar sohasida jismoniy va yuridik shaxslarga koʻrsatiladigan pulli xizmatlar roʻyxati va toʻlovlar miqdorini ishlab chiqish.
2025-yil sentabr
-
Ichki ishlar vazirligi
(A.Tashpulatov, Z.Kurbanov)
2. Koʻrsatiladigan pulli davlat xizmatlari roʻyxati hamda toʻlovlar miqdorini, zaruratga koʻra tegishli vazirlik va idoralar bilan kelishgan holda tasdiqlash.
2025-yil oktabr
II. Raqamli infratuzilmani modernizatsiya qilish
7.
Ichki ishlar vazirligi Maʼlumotlarni qayta ishlash yagona markazini tashkil etish.
Bunda Maʼlumotlarni qayta ishlash yagona markazini qoʻriqlanadigan obyektlar binolarida joylashtirish choralarini koʻrish.
1. Loyiha-texnik hujjatlarini ishlab chiqish va ekspertizadan oʻtkazish.
2. Loyiha doirasida shartnomaviy ishlarni amalga oshirish.
3. Apparat-dasturiy taʼminotni xarid qilish.
4. Maʼlumotlarni qayta ishlash yagona markazini qoʻriqlanadigan obyektlar binolarida joylashtirib, apparat-dasturiy taʼminotni ushbu binolarga oʻrnatish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
8.
Ichki ishlar organlari tarmoqlarini modernizatsiyalash.
1. Ichki ishlar vazirligi markaziy apparati va hududiy boshqarmalar (bosh boshqarmalar) uchun zarur qurilmalarni xarid qilish va oʻrnatish.
2. Tuman (shahar) ichki ishlar organlari, mahalla huquq-tartibot maskanlari va tayanch punktlari uchun zarur qurilmalarni xarid qilish va oʻrnatish.
2025 — 2027-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
9.
Hududiy ichki ishlar organlari bilan doimiy aloqani taʼminlash uchun raqamli trank radioaloqa tizimini yanada takomillashtirish.
1. Zaruriy dasturiy-texnik qurilmalarni oʻrnatilgan tartibda xarid qilish.
2. Dasturiy-texnik qurilmalarni oʻrnatish va ishga tushirish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
III. Raqamli infratuzilmaning axborot xavfsizligini taʼminlash, maʼlumotlarni himoyalash va tahdidlarning oldini olish
10.
Ichki ishlar vazirligining tarkibiy va hududiy tuzilmalarida axborot xavfsizligiga tahdid bilan bogʻliq holatlarni aniqlash va ularni bartaraf etish, maʼlumotlar chiqib ketishining oldini olishni monitoring qilish kompleks tizimlarini joriy etish.
1. Loyiha-texnik hujjatlarini tasdiqlash.
2025-yilsentabr
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
2. Tizimlarni xarid qilish yuzasidan shartnomaviy ishlarni amalga oshirish.
2025-yilnoyabr
3. Zarur server va dasturiy taʼminotni barcha hududiy ichki ishlar organlariga oʻrnatish.
2026-2027-yillar
11.
Ichki ishlar organlari tizimida foydalanuvchilar ishchi stansiyalarida axborot xavfsizligi tahdidlaridan himoyalash tizimlarini joriy etish.
1. Loyiha-texnik hujjatlarini tasdiqlash.
2025-yilsyentyabr
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
2. Tizimlarni xarid qilish yuzasidan shartnomaviy ishlarni amalga oshirish.
2025-yildekabr
3. Zarur server va dasturiy taʼminotni Ichki ishlar vazirligi va hududiy ichki ishlar organlariga oʻrnatish.
2026-2027-yillar
Izohlar:
1.Huquqiy munosabatlarning predmeti va tartibga solish sohasidan kelib chiqib, chora-tadbirlarni amalga oshirish shakllari, moliyalashtirish manbalari oʻzgarishi, chora-tadbirlar esa birlashtirilishi mumkin.
2. Ikki va undan koʻp bandlar birlashtirilganda, ijro muddati sifatida birlashayotgan bandlar uchun koʻrsatilgan eng kechki muddat belgilanadi.
Oʻzbekiston Respublikasi Prezidentining 2025-yil 30-apreldagi PQ-155-son qaroriga 2-ILOVA
Hududiy ichki ishlar organlarida raqamli infratuzilmani shakllantirish boʻyicha
USTUVOR LOYIHALAR ROʻYXATI
T/r
Loyiha va chora-tadbirlar nomi
Amalga oshirish mexanizmi
Ijro muddati
Moliyalashtirish manbasi
Masʼul ijrochilar
I. Raqamli texnologiyalarni joriy qilish
1.
Profilaktika inspektorlarini xizmat joylaridan uzilmagan holda faoliyat yuritishini taʼminlash maqsadida “Onlayn yoʻriqnoma” dasturiy-texnik taʼminotini joriy etish.
1. Loyiha-texnik hujjatlarini ishlab chiqish hamda ekspertizadan oʻtkazish.
2. Loyiha doirasida shartnomaviy ishlarni amalga oshirish.
3. Tizimni Samarqand va Buxoro viloyatlarida sinov tariqasida amaliyotga joriy etish.
4. Dasturiy-texnik taʼminotni respublikada toʻliq joriy etish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
2.
Hududiy ichki ishlar organlarida korporativ tarmoqlarni hamda foydalanuvchilarni markazlashgan holda boshqarish va nazorat qilish tizimlarini joriy etish.
Zaruriy dasturiy-texnik, server hamda dasturiy taʼminotlarni joriy etish.
2025-yiloktabr
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
3.
Fuqarolar, xodimlar ichki ishlar organlari binolariga kirib chiqishini nazorat qilish maqsadida hududiy ichki ishlar organlarida turniket tizimini joriy etish.
1. Loyihaoldi oʻrganishni oʻtkazish va texnik hujjatlarni tasdiqlash.
2. Loyiha doirasida shartnomaviy ishlarni amalga oshirish.
3. Zaruriy qurilmalarni oʻrnatish.
4. Tizimni amaliyotga joriy etish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
II. Raqamli infratuzilmani tashkil etish
4.
Raqamli infratuzilma toʻxtovsiz ishlashini hamda tezkor aloqani taʼminlash maqsadida zaxira optik tarmoqlarni joriy qilish.
1. Optik tarmoqlar va ulardagi xizmatlarni xatlovdan oʻtkazish.
2025-yil sentabr
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
2. Zaxira optik tarmoqlarni joriy etish.
2026yil fevral
5.
Hududlarda lokal va korporativ tarmoqlarni modernizatsiya qilish.
1. Loyihaoldi oʻrganish oʻtkazish va texnik hujjatlarni tasdiqlash.
2. Zarur tarmoq qurilmalarini oʻrnatish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
III. Axborot va maʼlumotlar xavfsizligini taʼminlash
6.
Konfidensial maʼlumotlar chiqib ketishining oldini olishga qaratilgan dasturiy taʼminotni joriy etish.
1. Loyihaoldi oʻrganish oʻtkazish va texnik hujjatlarni tasdiqlash.
2. Loyiha doirasida shartnomaviy ishlarni amalga oshirish.
3. Zaruriy dasturiy-texnik qurilmalarni xarid qilish va oʻrnatish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
7.
Korporativ tarmoq server va ishchi stansiyalarida markazlashgan antivirus kompleks tizimlarini joriy etish.
1. Loyihaoldi oʻrganish oʻtkazish va texnik hujjatlarni tasdiqlash.
2. Loyiha doirasida shartnomaviy ishlarni amalga oshirish.
3. Zaruriy dasturiy-texnik qurilmalarni xarid qilish va oʻrnatish.
2025-2026-yillar
Ichki ishlar vazirligining budjetdan tashqari mablagʻlari,
qonunchilikda taqiqlanmagan boshqa mablagʻlar
Ichki ishlar vazirligi
(Z. Kurbanov)
Izohlar:
1. Huquqiy munosabatlarning predmeti va tartibga solish sohasidan kelib chiqib, chora-tadbirlarni amalga oshirish shakllari, moliyalashtirish manbalari oʻzgarishi, chora-tadbirlar esa birlashtirilishi mumkin.
2. Ikki va undan koʻp bandlar birlashtirilganda, ijro muddati sifatida birlashayotgan bandlar uchun koʻrsatilgan eng kechki muddat belgilanadi.
Oʻzbekiston Respublikasi Prezidentining 2025-yil 30-apreldagi PQ-155-son qaroriga 3-ILOVA
Yagona interaktiv davlat xizmatlari portalida koʻrsatilayotgan xizmatlarni maqbullashtirish orqali aholiga davlat xizmatlarini proaktiv va kompozit shakllarda koʻrsatish
DASTURI
T/r
Chora-tadbirlar nomi
Amalga oshirish mexanizmi
Ijro muddati
Masʼul ijrochilar
2025-yilda erishiladigan koʻrsatkichlar
(xizmat koʻrsatish soni)
I. Ichki ishlar organlari tomonidan koʻrsatiladigan davlat xizmatlarini Yagona interaktiv davlat xizmatlari portalida joriy etish
1.
“Avtotransport vositasini jarima maydonchasidan chiqarish” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yiliyun
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi
(O. Umarov)
1 000 ta
2. Elektron davlat xizmatini Yagona interaktiv davlat xizmatlari portalida ishga tushirish.
2025-yiliyul
2.
“Oʻzbekiston Respublikasida doimiy yashovchi chet el fuqarolari va fuqaroligi boʻlmagan shaxslarni bir manzildan ikkinchi manzilga turgan joyi boʻyicha doimiy roʻyxatga olish” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yiliyun
Ichki ishlar vazirligi (Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi (O. Umarov)
100 ta
2. Elektron davlat xizmatini Yagona interaktiv davlat xizmatlari portalida ishga tushirish.
2025-yil sentabr
3.
“Fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish faoliyati uchun litsenziya” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yiliyun
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi (O. Umarov)
-
2. Elektron davlat xizmatini Yagona interaktiv davlat xizmatlari portalida ishga tushirish.
2025-yil avgust
4.
“Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyish, Oʻzbekiston Respublikasi hududiga olib kirish hamda Oʻzbekiston Respublikasi hududidan olib chiqish, Oʻzbekiston Respublikasi hududi orqali tranzit qilish uchun ruxsatnoma” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yiliyun
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi
(O. Umarov)
-
2. Elektron davlat xizmatini Yagona interaktiv davlat xizmatlari portalida ishga tushirish.
2025-yil avgust
5.
“Portlovchi materiallarni olib kirish, sotib olish, saqlash, shuningdek, avtomobil va temir yoʻl transportida tashish uchun ruxsatnoma” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2. Elektron davlat
2025-yiliyun
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi
(O. Umarov)
-
xizmatini Yagona interaktiv davlat xizmatlari portalida ishga tushirish.
2025-yil avgust
6.
Fuqaroning doimiy manzilini hamda unga tegishli koʻchmas mulkda doimiy roʻyxatdan oʻtgan yashovchilar toʻgʻrisidagi maʼlumotni tahrirlash.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yilsentabr
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi
(O. Umarov)
2. Elektron davlat xizmatini Yagona interaktiv davlat xizmatlari portalida ishga tushirish.
2025-yil noyabr
7.
“Ommaviy tadbirlar oʻtkazish uchun ruxsatnoma” davlat xizmatini elektron shaklga oʻtkazish.
1. Davlat xizmatini elektron koʻrinishga oʻtkazish boʻyicha reglament ishlab chiqish va tasdiqlash.
2025-yiliyul
Ichki ishlar vazirligi
(Z. Kurbanov),
Adliya vazirligi
(N. Muxammadiyev),
Raqamli texnologiyalar vazirligi
(O. Umarov)
2. Elektron davlat xizmatini Yagona interaktiv davlat xizmatlari portalida ishga tushirish.
2025-yilsentabr
II. Davlat xizmatlarini proaktiv va kompozit shakllarda taqdim etish
8.
Davlat raqam belgilarini saqlovga qoʻyish muddati tugayotgani haqida Yagona portal orqali xabarnoma va foydalanuvchining telefon raqamiga SMS xabar yuborish.
Fuqaro auksion orqali yutib olgan davlat raqam belgilari imtiyozli ravishda bir yillik muddatga saqlovga qoʻyilgan boʻlsa, muddat tugashidan 10 kun oldin mobil telefoniga SMS xabar yuborish.
2025-yil avgust
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
50 ta
9.
Avtotransport vositasining texnik koʻrikdan oʻtishi uchun Yagona portal orqali xabarnoma va foydalanuvchining telefon raqamiga SMS xabar yuborish.
Texnik koʻrikdan oʻtish lozim boʻlgan fuqarolarga 10 kun oldin SMS xabar yuborish.
2025-yil sentabr
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
100 ta
10.
Maʼmuriy huquqbuzarlik sodir etilganligi uchun jarima solinganda Yagona portal orqali xabarnoma va foydalanuvchining telefon raqamiga SMS xabar yuborish.
Fuqaroga jarima haqida tezkor xabar berish.
2025-yil iyun
Ichki ishlar vazirligi
(Z. Kurbanov),
Raqamli texnologiyalar vazirligi
(O. Umarov)
10 mln ta
Oʻzbekiston Respublikasi Prezidentining 2025-yil 30-apreldagi PQ-155-son qaroriga 4-ILOVA
Ichki ishlar organlari faoliyatiga sunʼiy intellekt texnologiyalarini tatbiq etish va rivojlantirish
KONSEPSIYASI
1-bob. Umumiy qoidalar
1. Ichki ishlar organlari faoliyatiga sunʼiy intellekt texnologiyalarini tatbiq etish va rivojlantirish konsepsiyasi (keyingi oʻrinlarda — Konsepsiya) Oʻzbekiston Respublikasi Prezidentining 2024-yil 14-oktabrdagi “Sunʼiy intellekt texnologiyalarini 2030-yilga qadar rivojlantirish strategiyasini tasdiqlash toʻgʻrisida”gi PQ-358-son qarori talablaridan kelib chiqib ichki ishlar organlarida sunʼiy intellekt texnologiyalari, raqamli texnologiyalar hamda robototexnikani qoʻllashning maqsadi, vazifalari, asosiy yoʻnalishlari, tamoyillari va mexanizmini belgilaydi.
2. Konsepsiya ichki ishlar organlari faoliyatida sunʼiy intellekt texnologiyalaridan foydalanish sohasidagi munosabatlarni tashkil etish va huquqiy tartibga solishda idoraviy va normativ-huquqiy hujjat loyihalarini ishlab chiqish va amalga oshirishning tashkiliy va innovatsion asosi hisoblanadi.
2-bob. Konsepsiyaning maqsadi, vazifalari va tamoyillari
3. Konsepsiyaning asosiy maqsadlari quyidagilardan iborat:
sunʼiy intellekt texnologiyalaridan foydalangan holda jamoat xavfsizligini taʼminlash va jinoyatchilikka qarshi kurashish samaradorligini oshirish;
ichki ishlar organlarining davlat xizmatlari koʻrsatish sohasini sunʼiy intellekt texnologiyalaridan foydalangan holda takomillashtirish;
sunʼiy intellekt texnologiyalaridan samarali foydalanish uchun mutaxassislarni tayyorlash, kadrlarning malakasini muntazam oshirish hamda maxsus oʻquv dasturlari, seminar-treninglar tashkil etish;
sunʼiy intellekt usullaridan foydalangan holda ichki ishlar organlarida kiberxavfsizlikni taʼminlash, maʼlumotlar bazalari, telekommunikatsiya tarmoqlariga boʻladigan har qanday ruxsatsiz kirishlarni oldindan aniqlash va ularning oldini olish.
4. Quyidagilar Konsepsiyaning vazifalari hisoblanadi:
ichki ishlar organlarida sunʼiy intellekt texnologiyalaridan foydalanishni tashkil etish va rejalashtirishning normativ-huquqiy tartibga solinishini takomillashtirish;
sunʼiy intellekt texnologiyalari asosida maʼlumotlarni qayta ishlash uchun ichki ishlar organlari texnik infratuzilmasini shakllantirish;
ichki ishlar organlari xodimlarining jinoyatchilikka qarshi kurashishda sunʼiy intellekt texnologiyalaridan samarali foydalanishini taʼminlash;
jamoat xavfsizligini taʼminlashda sunʼiy intellekt texnologiyalari, raqamli texnologiya va robototexnikani keng joriy etish;
sunʼiy intellekt texnologiyalarini qoʻllash va rivojlantirish orqali joriy infratuzilmani maqbullashtirish;
sunʼiy intellekt texnologiyalaridan foydalanib ichki ishlar organlari xodimlarining mehnat samaradorligini oshirish hamda bu orqali tashkiliy-shtat taʼminotini maqbullashtirish;
ichki ishlar organlarining tezkor-profilaktik va davlat xizmatlari koʻrsatish faoliyatining samaradorlik koʻrsatkichlarini oshirish;
sunʼiy intellekt texnologiyalaridan foydalanish boʻyicha malakali kadrlar tayyorlash, xodimlar malakasini oshirish, ushbu jarayonga xorijiy mutaxassislarni jalb qilish;
sunʼiy intellekt texnologiyalarini ichki ishlar organlari faoliyatida keng qoʻllash boʻyicha bevosita ichki ishlar organlari tizimida, idoralararo, shuningdek, xalqaro hamkorlik qilish uchun zaruriy sharoitlar yaratish;
jamoat xavfsizligini taʼminlashda sunʼiy intellekt texnologiyalarini qoʻllash boʻyicha ilgʻor xorijiy tajribani oʻrganish va uni tatbiq etish choralarini koʻrish, sohada xalqaro hamkorlikni amalga oshirish.
5. Konsepsiyani amalga oshirishning asosiy tamoyillari quyidagilardan iborat:
qonuniylik;
xavfsizlik;
shaffoflik;
texnologik mustaqillik;
iqtisodiy, ilmiy-amaliy asoslanganlik;
jarayonlarning yaxlitligi.
6. Ichki ishlar vazirligining Raqamli texnologiyalar va huquqiy statistika departamenti mazkur Konsepsiyani amalga oshirish va nazorat qilishga bevosita masʼul hisoblanadi.
3-bob. Sunʼiy intellekt texnologiyalarini qoʻllash subyektlari va tartibi
7. Ichki ishlar vazirligining sohaviy xizmatlari va hududiy boʻlinmalari, shuningdek, taʼlim muassasalari sunʼiy intellekt texnologiyalarini qoʻllashning subyektlari hisoblanadi.
8. Ichki ishlar organlari faoliyatiga sunʼiy intellekt texnologiyalarini joriy etishda quyidagi tashkiliy choralar koʻrilishi lozim:
mavjud axborot-tahliliy taʼminot tizimining texnologik infratuzilmasini, idoraviy telekommunikatsiya va maʼlumotlarni uzatish tizimini kengaytirish, yaxlit dasturiy-texnik komplekslarni ommalashtirish orqali sunʼiy intellekt texnologiyalarini joriy etishga texnik tayyorgarlik koʻrish;
xodimlarda sunʼiy intellekt texnologiyalarini qoʻllashga oid bilimlarni shakllantirish uchun taʼlim muassasalarida ushbu texnologiyalardan foydalanish boʻyicha sharoitlar yaratish, sunʼiy intellekt sohasida ixtisoslashgan taʼlim muassasalari va ilmiy-texnika institutlari bilan hamkorlikda Raqamli kompetensiyalar va innovatsiya markazi faoliyatini yoʻlga qoʻyish;
sunʼiy intellekt texnologiyalaridan foydalanib, tezkor-profilaktik va xizmat koʻrsatish koʻrsatkichlari hamda mehnat unumdorligini oshirish, kunlik takrorlanadigan funksiyalar va xizmatlar, ayniqsa, jarayonlarda inson omilini cheklaydigan yaxlit avtomatlashtirish tizimlarni joriy etish hisobiga amaldagi tashkiliy-shtat tuzilmalarini bosqichma-bosqich maqbullashtirish.
4-bob. Konsepsiyaning asosiy yoʻnalishlari va bosqichlari
9. Quyidagilar Konsepsiyaning asosiy yoʻnalishlari hisoblanadi:
maʼlumotlarni yigʻish, saqlash va qayta ishlashda sunʼiy intellekt texnologiyalaridan foydalanish (Big Data);
huquqbuzarliklarning oldini olish, sodir etilgan jinoyatlarni “issiq izidan” fosh etishga xizmat qiluvchi geoaxborot tizimida makon, vaqt, holat, qilmish, obyekt, predmet va shaxsni oʻzaro bogʻlovchi tahliliy va prognoz modellarini yaratish (Real-time Intelligence Crime Analytics System, Domain Awareness System);
vaziyat va holat ssenariysining tahlili va prognozi asosida boshqaruv qarorlarini ishlab chiqish (Intelligent Information Decision Support System);
raqamli kriminalistika sohasida tadqiqotlar olib borish va tergov qilish jarayonlariga zamonaviy texnologiyalarni joriy etish (Digital forensics);
kuzatuv kameralarida qayd etilgan tasvirlarni real vaqt rejimida profayling tahlil qilish (Profiling analysis) orqali shaxsning jinoiy xulq-atvorini prognozlash mexanizmini joriy etish;
aholiga xizmat koʻrsatish, ekspert-kriminalistika va tezkor-profilaktik faoliyatda robototexnika imkoniyatlaridan foydalanish.
10. Ichki ishlar organlari faoliyatiga sunʼiy intellekt texnologiyalarini tatbiq etish va uni rivojlantirish quyidagi bosqichlarda amalga oshiriladi:
1-bosqich — yaqin istiqbolda (2025 — 2027-yillarda) joriy etiladigan sunʼiy intellekt texnologiyalari:
ijtimoiy va kriminogen vaziyatni prognozlash maqsadida katta hajmdagi (Big Data) maʼlumotlarni, shu jumladan, jinoyatchilik darajasi, ijtimoiy taranglik holatlarini tahlil qilish (maʼlumotlarni mashinaviy oʻqitish algoritmlari asosida tahlil qilish texnologiyalari);
huquqbuzarlikning oldini olish, jinoyatlarni “issiq izidan” fosh etishga xizmat qiluvchi geoaxborot tizimida makon, vaqt, holat, qilmish, obyekt, predmet va shaxsni oʻzaro bogʻlovchi tahliliy va prognoz modellarini yaratish;
foto va videotasvirdagi predmetlar va boshqa holatlarni kompyuter nigohi (Computer Vision) usulidan foydalangan holda idrok etuvchi (aniqlovchi) texnologiyalarni joriy etish;
nutqni aniqlash va sintez qilish, shu jumladan, ovozli yordamchilar, mijozlarga avtomatik ovozli xizmat koʻrsatish texnologiyalarini (ogʻzaki nutqni mashinada oʻqiladigan formatga aylantiradigan texnologiyalar) joriy etish;
tavsiya berish va qaror qabul qilishda qoʻllab-quvvatlashning “aqlli” tizimlari (maʼlumotlar asosida mustaqil qarorlar qabul qilish algoritmlari)ni yaratish;
kuzatuv kameralarida qayd etilgan tasvirlarni real vaqt rejimida profayling qilish;
jinoyat va hodisalar haqidagi xabarlarni qayd etish va hisobini yuritish, hisob-qayd faoliyatini amalga oshirish;
chuqur oʻrganish algoritmlariga asoslangan maʼlumotlarni tahlil qilish texnologiyalari (prognozlash (prediktiv) tahlil tizimlari)ni yaratish.
2-bosqich — uzoq istiqbolda (2027-yil va keyingi yillar) joriy etiladigan sunʼiy intellekt texnologiyalari:
jamoat xavfsizligini taʼminlashda sunʼiy intellekt bilan jihozlangan avtonom dronlardan foydalanish;
voqealarni modellashtirish orqali sodir boʻlishi mumkin boʻlgan jinoyatchilik va huquqbuzarliklarni virtual shakllantirish;
huquqbuzarliklar va jinoyatchilikning oldini olishda hamda elektron davlat xizmatlarini koʻrsatishda robototexnika komplekslarini joriy etish;
taʼlim jarayonida oʻquv dasturlari boʻyicha avtomatlashtirilgan tarzda oʻqitishni yoʻlga qoʻyish;
xizmat hujjatlarini avtomatik ravishda rasmiylashtirish;
inson miyasi bilan taqqoslanadigan va hissiyotlarni aks ettirish qobiliyatiga ega sunʼiy intellekt texnologiyalarini qoʻllash.
11. Jamoat xavfsizligini taʼminlashda quyidagi sunʼiy intellekt yechimlarini ishlab chiqish va qoʻllash koʻzda tutiladi:
jinoyatlar va huquqbuzarliklar haqidagi xabarlarni qabul qilish va qayta ishlashning markazlashtirilgan “102” avtomatlashtirilgan tizimi, videomonitoring tizimlari va navigatsiya tizimi (sunʼiy yoʻldosh) maʼlumotlari va boshqa texnologiyalarning oʻzaro uygʻunlashgan imkoniyatlari asosida sunʼiy intellekt yordamida kuch va vositalarni boshqarish tizimi;
real vaqt rejimida aniqlash va qayd etish imkoniyatiga ega “aqlli” videokuzatuv tizimlari yordamida shaxslarning noqonuniy xatti-harakatlarini, qidirilayotgan shaxslarni, transport vositalarini va boshqa obyektlarni aniqlash tizimi;
yoʻl harakati xavfsizligini nazorat qilishning “aqlli” tizimlari;
yoʻl harakati qoidabuzarliklarini transport vositalarining davlat raqami va piyodalarning biometrik maʼlumotlari asosida avtomatlashtirilgan video va foto qayd etish tizimlari;
avtotransport vositalarini boshqarish huquqi uchun imtihon topshirishda bilimlarni avtomatlashtirilgan nazorat qilishning “aqlli” texnologiyalari;
ichki ishlar organlari tizimida robototexnika tizimlari va robotlar uchun sunʼiy intellekt texnologiyalarini joriy etish;
ichki ishlar organlari xodimlarining asosiy vazifalarini taʼminlovchi avtomatlashtirilgan ish joylarini tashkil etish.
12. Huquqbuzarliklar profilaktikasi va jinoyatchilikka qarshi kurashishni taʼminlashda quyidagi sunʼiy intellekt yechimlarini ishlab chiqish va qoʻllash koʻzda tutiladi:
tezkor ahamiyatga ega katta hajmdagi muhim maʼlumotlarni, shu jumladan, turkumlashmagan turli xil boshqa maʼlumotlarni kompleks qayta ishlash tizimlari;
tezkor-tergov faoliyatini amalga oshirishda tasvir va nutqni aniqlash va jinoiy xatti-harakat (qilmish)ni tahlil va prognoz qilish texnologiyalari asosida qaror qabul qilish tizimi;
jinoiy xatti-harakatlar sodir etilishini kriminalistik prognozlash texnologiyalari;
davlat organlari va idoralari, mahalliy davlat hokimiyatining maʼlumotlari, shuningdek, ommabop telekommunikatsiya tarmoqlarining boshqa axborot resurslari maʼlumotlari asosida jinoiy ahamiyatga ega boʻlgan maʼlumotlarni qidirish va olish boʻyicha “aqlli” tizimlar;
internet va ijtimoiy tarmoqlarda firibgarlik alomatlari bor xabarlar, diniy-ekstremistik (terrorchilik) va boshqa turdagi jinoiy qilmishlar sodir etish koʻzlangan maʼlumotlarni avtomatik aniqlash va belgilangan tartibda blokirovka qilish uchun moʻljallangan “aqlli” algoritm va ularga asoslangan tizimlar;
kriminalistik maʼlumotlar bazasida maʼlumotlarni “aqlli” qayta ishlash texnologiyalari;
3D skanerlash va matematik modellashtirish texnologiyalaridan foydalangan holda hodisa joyini koʻzdan kechirish jarayonlarini va protsessual hujjatlarni rasmiylashtirishni kompleks avtomatlashtirish;
respublika hududlarida sodir etilgan bir xil turdagi jinoyatlarning fosh qilinishiga koʻmaklashuvchi yashirin qonuniyatlar, usullar va jihatlarni aniqlash boʻyicha “aqlli” tizimlar;
DNK biologik materiallarini oʻrganish asosida insonning tashqi fenotipik belgilarini aniqlash imkonini beruvchi “aqlli” tizimlar.
13. Kuch va vositalarni boshqarish, manfaatdor davlat organlari va idoralari bilan maqsadli hamkorlik qilish, turli vaziyatlarda har tomonlama asoslangan boshqaruv qarorlarini qabul qilishni qoʻllab-quvvatlovchi quyidagi “aqlli” tizimlar joriy etilishi koʻzda tutiladi:
vaziyatni tezkor ravishda tahlil etish va prognozlash, qaror qabul qilishni qoʻllab-quvvatlash boʻyicha “aqlli” tizim;
vaziyatni tezkor ravishda onlayn monitoring qilish va hodisalarga tezkor javob berish tizimlari;
elektron hujjat aylanishi va idoraviy ijro intizomi “aqlli” tizimlari;
rejalashtirish, prognozlash va boshqaruv qarorlarini qabul qilish jarayonlarini avtomatlashtirish.
14. Jismoniy va yuridik shaxslarga davlat xizmatlari koʻrsatish sifatini oshirish uchun quyidagi sunʼiy intellekt texnologiyalarini keng qoʻllash koʻzda tutiladi:
ichki ishlar organlari tomonidan koʻrsatiladigan davlat xizmatlari uchun elektron ariza berish blanklarini toʻldirishni avtomatlashtirish;
davlat xizmatlarini koʻrsatishda tasodifiy yoki qasddan qilingan noqonuniy harakatlarni aniqlash va hodisalarga javob berishni avtomatlashtirish;
mansabdor shaxslarning xatti-harakatlari (harakatsizligi) va qarorlari ustidan shikoyat qilish tartiblarini avtomatlashtirish.
15. Quyidagi yoʻnalishlarda sunʼiy intellekt texnologiyalarining alohida turlarini rivojlantirish koʻzda tutiladi:
a) ichki ishlar organlari faoliyatida axborotni himoyalash va kiberxavfsizlikni taʼminlash boʻyicha:
Ichki ishlar vazirligining IT infratuzilmasiga halokatli taʼsirlarni, shu jumladan, kompyuter hujumlarining tavsiflangan vektorlari (CAPEC, ATT&CK, OWASP, STI va boshqalar)ni aniqlash va qayta ishlash boʻyicha tadbirlarni monitoring qilish texnologiyalari;
Ichki ishlar vazirligining tarkibiy va hududiy boʻlinmalari axborot tizimlari va telekommunikatsiya tarmoqlarida ruxsatsiz harakatlarni aniqlash, hodisalarga avtomatlashtirilgan javob berish;
ichki ishlar organlari raqamli infratuzilmasida axborot-kommunikatsiya resurslari bilan taʼminlanganlik darajasini, ularning sifati va ishonchliligini prognozlash;
b) ichki ishlar organlariga xodimlar va xizmatchilarni xizmat (ish)ga qabul qilish, ular bilan ishlash, oʻqitish va malakasini oshirish jarayonlarini maqbullashtirish, normativ-huquqiy va protsessual hujjatlarni ishlab chiqish jarayonlarini tashkillashtirish boʻyicha:
ilmiy tadqiqotlarning ustuvor yoʻnalishlarini aniqlash funksiyalari bilan ichki ishlar organlari faoliyatining ilmiy-texnik taʼminotini tahlil qilish, tajriba-sinov ishlarini olib borish, ilmiy tadqiqotlarni rejalashtirish va ichki ishlar organlari ehtiyojlarini prognozlash texnologiyalari;
huquqiy ekspertiza qilishni avtomatlashtirish;
xodimlarning mehnat samaradorligini oshirishga qaratilgan huquqiy axborot tizimini joriy etish;
taʼlimda virtual reallik texnologiyalarini joriy etish, virtual poligonlar va simulyatsiya oʻyinlarini yaratish;
xizmatga nomzodlarni kasbiy-psixologik tanlash, xodimlar bilan psixologik ishlarni tashkil etish, psixofiziologik diagnostika, xodimlarni shaxsiy-kasbiy rivojlantirish va ruhiy tetiklantirish ishlari boʻyicha kadrlar taʼminoti boʻlinmalarining faoliyatini avtomatlashtiradigan “aqlli” tizimlarni joriy etish;
psixofiziologik tekshirishning texnik va texnologik vositalarini, psixodiagnostik majmualarni, shuningdek, xodimlarni reabilitatsiya qilish uskunalarini takomillashtirish;
tibbiyot diagnostikasida sunʼiy intellekt tizimlarini joriy etish;
v) moddiy-texnika taʼminoti boʻyicha:
moddiy va moliyaviy resurslar harakatini avtomatik monitoring qilish;
xarajatlarni rejalashtirish va maqbullashtirish, shu jumladan, xizmat koʻrsatish va transport taʼminotini boshqarish.
5-bob. Konsepsiyani amalga oshirish mexanizmi
16. Ichki ishlar vazirligi taʼlim va ilmiy muassasalarida sunʼiy intellekt sohasida fundamental, ilmiy-amaliy tadqiqotlar olib borish hamda innovatsion ishlanmalar ishlab chiqish, tajriba-sinovlar oʻtkazish ishlari shu sohadagi mahalliy va xorijiy taʼlim muassasalari, IT kompaniyalar va korxonalar bilan hamkorlikda tashkil etiladi.
17. Konsepsiyani amalga oshirish uchun Ichki ishlar vazirligi taʼlim muassasalarida quyidagi institutsional sharoitlarni yagona innovatsion platformada yaratish koʻzda tutiladi:
“Expert hub” (bilimlar makoni) tor ixtisoslik boʻyicha ekspertlar, koʻp yillik boy tajribaga ega amaliyot xodimlari va mutaxassislar guruhi;
kraudfanding — loyihalar boʻyicha vazirlik va idoralar, shuningdek, ixtisoslashgan taʼlim muassasalarining intellektual va moddiy resurslarini uygʻunlashtirish va hamkorlik qilish platformasi;
ichki ishlar organlari xizmat faoliyatini takomillashtirish, modernizatsiya qilish hamda metodologiyasini ishlab chiquvchi Ichki ishlar vazirligi taʼlim muassasalarining mutaxassislik kafedra professor-oʻqituvchilari va izlanuvchilaridan tashkil topgan maxsus ixtisoslashgan loyiha guruhi;
ichki ishlar organlari strategik va taktik boshqaruv, shuningdek, rahbar va xodimlarda raqamli savodxonlikni shakllantirish va rivojlantirish borasida ilmiy-metodologik tadqiqotlar olib boruvchi raqamli kompetensiya guruhi;
tajriba-sinov va aprobatsiya, shu jumladan, oʻquv-amaliy trening va ssenariylar asosida kvest mashgʻulotlar oʻtkazuvchi virtual laboratoriyalar.
6-bob. Konsepsiyani amalga oshirishdan kutilayotgan natijalar
18. Konsepsiyani amalga oshirish natijasida quyidagilarga erishiladi:
jamoat xavfsizligini taʼminlash, huquqbuzarliklarning oldini olish va jinoyatchilikka qarshi kurashishda sunʼiy intellekt texnologiyalaridan foydalanish orqali ichki ishlar organlarining faoliyati samaradorligi oshiriladi;
ichki ishlar organlari tomonidan koʻrsatiladigan davlat xizmatlariga sunʼiy intellekt texnologiyalarini joriy etish orqali aholiga yanada qulayliklar yaratilib, xizmat koʻrsatish sifati oshiriladi;
ichki ishlar organlari faoliyatiga sunʼiy intellekt texnologiyalarini joriy etish orqali mehnat unumdorligi oshishiga erishiladi;
mavjud maʼlumotlar asosida yuz berayotgan hodisalar, huquqbuzarliklarni sunʼiy intellekt texnologiyalaridan foydalangan holda tahlil qilish va kriminogen vaziyatni prognozlash imkoni yaratiladi;
jamoat xavfsizligini taʼminlash faoliyatiga sunʼiy intellekt texnologiyalari, robototexnika va mashinaviy oʻqitish kabi zamonaviy texnologiyalarning keng joriy etilishi kuch va vositalarning muvofiqlashtirilgan holda harakatlanishiga xizmat qiladi.
19. Mazkur Konsepsiyani amalga oshirishning pirovard natijasi ichki ishlar organlari faoliyatiga sunʼiy intellekt texnologiyalarini keng joriy etish hamda bunday texnologiyalardan foydalangan holda ichki ishlar organlari oldiga qoʻyilgan vazifalarning samarali bajarilishini taʼminlash hisoblanadi.
7-bob. Yakunlovchi qoida
20. Mazkur Konsepsiyaning amalga oshirilishiga masʼul boʻlgan mansabdor shaxslar ichki ishlar organlari faoliyatiga sunʼiy intellekt texnologiyalarining keng joriy etilishi borasida zarur chora-tadbirlar belgilanishi hamda ularning oʻz vaqtida amalga oshirilishini taʼminlamaganliklari uchun shaxsan javobgar hisoblanadi.
Oʻzbekiston Respublikasi Prezidentining 2025-yil 30-apreldagi PQ-155-son qaroriga 5-ILOVA
Vazirlik va idoralarning ichki ishlar organlari axborot tizimlari, maʼlumotlar bazalariga uzatiladigan maʼlumotlari
ROʻYXATI
T/r
Maʼlumotlar nomi
Muddati
Maʼlumot taqdim etuvchi idora
1.
Kadastr agentligining koʻchmas mulklar toʻgʻrisidagi maʼlumotlari
2025-yil sentabr
Oʻzbekiston Respublikasi Iqtisodiyot va moliya vazirligi huzuridagi Kadastr agentligi
2.
Yoʻl-transport hodisalari natijasida tan jarohati olganlik boʻyicha tibbiyot muassasalariga murojaatlar toʻgʻrisidagi maʼlumotlar
2025-yil noyabr
Oʻzbekiston Respublikasi Sogʻliqni saqlash vazirligi
3.
Narkologik kasalliklar roʻyxatidagi bemorlarga muqaddam berilgan haydovchilik guvohnomasi toifasi toʻgʻrisidagi maʼlumotlar
2025-yil noyabr
4.
Ruhiy kasalliklar roʻyxatidagi bemorlarga muqaddam berilgan haydovchilik guvohnomasi toifasi toʻgʻrisidagi maʼlumotlar
2025-yil noyabr
5.
Elektr energiyasi, neft mahsulotlari va gazdan foydalanishni nazorat qilish inspeksiyasining “E-dalolatnoma” axborot tizimi maʼlumotlari
2025-yil oktabr
Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi
6.
Rasmiy ishsizlar toʻgʻrisida maʼlumotlar
2025-yil noyabr
Oʻzbekiston Respublikasi Kambagʻallikni qisqartirish va bandlik vazirligi
7.
Yoshlar yetakchilari toʻgʻrisidagi maʼlumotlar (“Yoshlar daftari”)
2025-yil oktabr
Oʻzbekiston Respublikasi Vazirlar Mahkamasi huzuridagi Yoshlar ishlari agentligi
8.
“Ayollar daftari”da turgan ayollar toʻgʻrisidagi maʼlumotlar
2025-yil noyabr
Oʻzbekiston Respublikasi Vazirlar Mahkamasi huzuridagi Oila va xotin qizlar qoʻmitasi
9.
Mahalla raislarining ish faoliyatiga oid maʼlumotlar (mahalla.ijro.uz)
2025-yil sentabr
Oʻzbekiston mahallalari uyushmasi
10.
“Yagona milliy ijtimoiy himoya” va “Ijtimoiy himoya yagona reyestri” axborot tizimlarining tegishli maʼlumotlari
2025-yil noyabr
Oʻzbekiston Respublikasi Prezidenti huzuridagi Ijtimoiy himoya milliy agentligi
11.
Oliy taʼlim tashkilotlarida tahsil olayotgan talabalar toʻgʻrisidagi maʼlumotlar (taʼlim yoʻnalishi, taʼlim turi, taʼlim shakli, toʻlov shakli)
2025-yil oktabr
Oʻzbekiston Respublikasi Oliy taʼlim, fan va innovatsiyalar vazirligi
12.
Quyidagi maʼlumotlar:
hududlar kesimida tabiiy gaz bilan taʼminlanganlik darajasi;
hududlar kesimida suyultirilgan gaz bilan taʼminlanganlik darajasi;
hududlar kesimida elektr energiya bilan taʼminlanganlik darasi;
hududlar kesimida avtomobillarga gaz toʻldirish shoxobchalari soni, ularning faoliyat yuritayotganligi yoki yuritmayotganligi haqidagi maʼlumotlar
2025-yil sentabr
Oʻzbekiston Respublikasi Energetika vazirligi
Izoh: amaldagi qonunchilikka muvofiq davlat axborot tizimlari va resurslarining maʼlumotlari “Raqamli hukumat” tizimi idoralararo integratsiyalashuv platformasi (IIP) orqali taqdim etiladi. Har bir maʼlumot almashinuvi yuzasidan alohida texnik hujjatlar ishlab chiqiladi.
Oʻzbekiston Respublikasi Prezidentining 2025-yil 30-apreldagi PQ-155-son qaroriga 7-ILOVA
Ichki ishlar vazirligi huzurida faoliyat koʻrsatuvchi Raqamli loyihalar ofisining tarkibi va asosiy vazifalari*
1. Ichki ishlar vazirligi huzuridagi Raqamli loyihalar ofisining (keyingi oʻrinlarda — Loyihalar ofisi) tarkibi:
Loyihalar ofisi rahbari: Oʻzbekiston Respublikasi ichki ishlar vazirining oʻrinbosari — Raqamli texnologiyalar va huquqiy statistika departamenti boshligʻi;
Loyihalar ofisi hamrahbari: Oʻzbekiston Respublikasi raqamli texnologiyalar vazirining birinchi oʻrinbosari;
Loyihalar ofisi ishtirokchilari: Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasi direktori, Dasturiy mahsulotlar va axborot texnologiyalari texnologik parki (IT-park) direktori, “UNICON.UZ” MCHJ direktori, “UZINFOCOM” MCHJ direktori, Raqamli texnologiyalar va sunʼiy intellektni rivojlantirish ilmiy-tadqiqot instituti direktori (tegishlicha malakali ekspert va mutaxassislar biriktiriladi);
Loyihalar ofisi aʼzolari: Ichki ishlar vazirligi Raqamli texnologiyalar va huquqiy statistika departamentining Raqamli transformatsiya boshqarmasi boshligʻi, sohaviy departamentlarning mutaxassislari (yoʻnalishlar boʻyicha).
2. Loyihalar ofisi faoliyatining maqsadi — ichki ishlar organlari tizimida 2025 — 2027-yillarda raqamli transformatsiya jarayonlarini hamda bu boradagi ustuvor loyihalar amalga oshirilishini samarali tashkil etish.
3. Loyihalar ofisi faoliyatining asosiy yoʻnalishlari:
ichki ishlar organlarini raqamli transformatsiya qilish boʻyicha sohalar kesimida tarmoq rejalarini ishlab chiqish va ijro etilishini tashkil etish;
ichki ishlar organlari tizimiga sunʼiy intellekt imkoniyatlarini joriy etish boʻyicha kompleks chora-tadbirlarni belgilash;
ichki ishlar organlarining telekommunikatsiya infratuzilmasini rivojlantirish;
ichki ishlar organlari xodimlarining raqamli kompetensiyalarini shakllantirish, zamonaviy axborot texnologiyalari sohasida bilim va malakasini oshirish mexanizmlarini joriy etish.
4. Loyihalar ofisining faoliyati davri — 2025 — 2027-yillar.
* Ichki ishlar vazirligi huzurida Raqamli loyihalar ofisi faoliyatini tashkil etish tartibi va mexanizmlari, shuningdek, uning faoliyatiga shartnoma asosida axborot texnologiyalari sohasi boʻyicha boshqa mutaxassislarni oʻrnatilgan tartibda jalb etish yuzasidan Ichki ishlar vazirligi va Raqamli texnologiyalar vazirligi tomonidan qoʻshma qaror qabul qilinadi.
Oʻzbekiston Respublikasi Prezidentining 2025-yil 30-apreldagi PQ-155-son qaroriga 8-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomda:
a) 10-band quyidagi mazmundagi oʻn sakkizinchi xatboshi bilan toʻldirilsin:
“Bunda axborot texnologiyalari boʻlinmalariga xizmatga kirish istagini bildirgan axborot texnologiyalari sohasidagi mutaxassis nomzodlar oʻrganish bosqichidan antropometrik parametrlar tatbiq etilmagan holda sogʻligʻining umumiy xizmatga yaroqlilik darajasiga oid talabalar asosida oʻtadi”;
“50. Ushbu Nizomning 33-bandi uchinchi xatboshisi, 47 yoki 48-bandlariga muvofiq maxsus unvonlar berilgan xodimlarga (shu jumladan mazkur Nizom kuchga kirgunga qadar xizmatga oʻtkazilgan (yuborilgan) yoki Oʻzbekiston Respublikasi Prezidentining Farmon, qaror, farmoyishi yoki uning roziligi bilan yuborilgan), shuningdek, Raqamli texnologiyalar vazirligi va uning tizimidagi tashkilotlardan (mehnat staji 3 yildan kam boʻlmaganda) Ichki ishlar vazirligi Raqamli texnologiyalar va huquqiy statistika departamenti, uning hududiy hamda sohaviy boʻlinmalariga xizmatga qabul qilingan (oʻtkazilgan, yuborilgan) xodimlarga xizmat yillari uchun foizli ustama haq belgilashda va malaka toifalarini berishda ularning ilgarigi ish joyidagi (foizli ustama toʻlash uchun belgilangan) mehnat stajlari inobatga olinadi hamda ushbu davr xodim ichki ishlar organlaridan boʻshatilgan taqdirda unga pensiya tayinlashda umumiy xizmat stajiga qoʻshib hisoblanadi”.
2. Oʻzbekiston Respublikasi Prezidentining 2018-yil 30-oktabrdagi “Yoʻl harakati xavfsizligini taʼminlash sohasida investitsiyaviy loyihani amalga oshirish chora-tadbirlari toʻgʻrisida”gi PQ-3989-son qarori 3-bandining oltinchi xatboshisi quyidagi tahrirda bayon etilsin:
“Belgilansinki, investitsiyaviy xarajatlar toʻliq qoplanganidan soʻng, mazkur qarorda nazarda tutilgan jarima summasining Investorga tegishli qismi Oʻzbekiston Respublikasi Ichki ishlar vazirligining budjetdan tashqari jamgʻarmasiga hamda Ichki ishlar vazirligining “Xavfsiz shahar” tizimlarini rivojlantirish markazi” davlat muassasasiga teng ulushda yoʻnaltiriladi”.
3. Oʻzbekiston Respublikasi Prezidentining 2024-yil 15-yanvardagi “Kriminologiya sohasida ilmiy-amaliy tadqiqot ishlarini tashkil etish chora-tadbirlari toʻgʻrisida”gi PQ-22-son qaroriga 5-ilovaning “Mazmuni” ustunidagi “Huquqiy statistika va tezkor-hisob maʼlumotlar markazining” soʻzlari “Raqamli texnologiyalar va huquqiy statistika departamenti Huquqiy statistika bosh markazining” soʻzlari bilan almashtirilsin.
4. Vazirlar Mahkamasining 2020-yil 28-sentabrdagi “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida”gi 593-son qarorida:
22-bandning ikkinchi xatboshisidagi “Huquqiy statistika va tezkor hisob maʼlumotlar markazidan” soʻzlari “Raqamli texnologiyalar va huquqiy statistika departamenti Huquqiy statistika bosh markazidan” soʻzlari bilan almashtirilsin;
Qoraqalpogʻiston Respublikasida va viloyatlarda boshqa davlatlardan kelgan chet el fuqarolari va fuqaroligi boʻlmagan shaxslarga Oʻzbekiston Respublikasida doimiy yashashga ruxsatnoma berish sxemasining 2-bosqich “Tadbirlar” ustuni 2-bandidagi “Huquqiy statistika va tezkor hisob maʼlumotlar markazidan” soʻzlari “Raqamli texnologiyalar va huquqiy statistika departamenti Huquqiy statistika bosh markazidan” soʻzlari bilan almashtirilsin;
24-bandning ikkinchi xatboshisidagi “Huquqiy statistika va tezkor hisob maʼlumotlar markazidan” soʻzlari “Raqamli texnologiyalar va huquqiy statistika departamenti Huquqiy statistika bosh markazidan” soʻzlari bilan almashtirilsin;
Toshkent shahri va Toshkent viloyatiga boshqa davlatlardan kelgan chet el fuqarolari va fuqaroligi boʻlmagan shaxslarga Oʻzbekiston Respublikasida doimiy yashash uchun ruxsatnoma berish sxemasining 2-bosqich “Tadbirlar” ustuni 2-bandidagi “Huquqiy statistika va tezkor hisob maʼlumotlar markazidan” soʻzlari “Raqamli texnologiyalar va huquqiy statistika departamenti Huquqiy statistika bosh markazidan” soʻzlari bilan almashtirilsin.
5. Vazirlar Mahkamasining 2021-yil 8-iyuldagi 431-son qarori bilan tasdiqlangan Maʼmuriy huquqbuzarlik toʻgʻrisida yagona elektron ish yurituv tizimi orqali maʼmuriy huquqbuzarlikka oid ishlarni yuritish tartibi haqidagi nizomga 1-ilovaning 1-bosqich “Tadbirlar” ustuni 3-bandidagi “Huquqiy statistika va tezkor-hisob maʼlumotlar markazi” soʻzlari “Raqamli texnologiyalar va huquqiy statistika departamenti Huquqiy statistika bosh markazi” soʻzlari bilan almashtirilsin.
6. Vazirlar Mahkamasining 2022-yil 23-iyundagi 343-son qarori bilan tasdiqlangan Mahalla huquq-tartibot maskanining namunaviy loyihasining 10-bandidagi “Huquqiy statistika va tezkor hisob maʼlumotlar markazi” soʻzlari “Raqamli texnologiyalar va huquqiy statistika departamenti Huquqiy statistika bosh markazi” soʻzlari bilan almashtirilsin.
7. Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentiga 5-ilovadagi “Huquqiy statistika va tezkor-hisob maʼlumotlar markazi” soʻzlari “Raqamli texnologiyalar va huquqiy statistika departamenti Huquqiy statistika bosh markazi” soʻzlari bilan almashtirilsin.
8. Vazirlar Mahkamasining 2024-yil 27-iyundagi “Oʻzbekiston Respublikasi Ichki ishlar vazirligi huzuridagi Jazoni ijro etish departamenti va uning tizimidagi jazoni ijro etish muassasalarining bino va inshootlaridan samarali foydalanish hamda sohaga zamonaviy axborot-kommunikatsiya texnologiyalarini joriy etish chora-tadbirlari toʻgʻrisida”gi 358-son qarorining 3-bandi “a” kichik bandining beshinchi xatboshisidagi “Ichki ishlar vazirligining Huquqiy statistika va tezkor-hisob maʼlumotlar markazi” soʻzlari “Ichki ishlar vazirligi Raqamli texnologiyalar va huquqiy statistika departamenti Huquqiy statistika bosh markazi” soʻzlari bilan almashtirilsin.
(Qonunchilik maʼlumotlari milliy bazasi, 06.05.2025-y., 07/25/155/0412-son)
