Oʻzbekiston Respublikasi Vazirlar Mahkamasining
qarori
Sugʻurta xizmatlari bozorini yanada rivojlantirish boʻyicha kompleks chora-tadbirlar belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida
Oʻzbekiston Respublikasi Prezidentining “Sugʻurta xizmatlari bozorini yanada rivojlantirishning kompleks chora-tadbirlari toʻgʻrisida” 2024-yil 1-martdagi PQ-108-son qarori ijrosini taʼminlash, shuningdek, sugʻurta faoliyatiga oid qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
sugʻurta faoliyatini amalga oshirishga oid qonunchilik hujjatlarini oʻzaro muvofiqlashtirish;
sugʻurta xizmatlaridan elektron shaklda foydalanish imkoniyatlarini kengaytirish;
sugʻurta faoliyatini tartibga soluvchi vakolatli davlat organining nomiga tuzatishlar kiritish.
2. Oʻzbekiston Respublikasi Hukumatining 2-ilovaga muvofiq ayrim qarorlari 2024-yil 1-sentabrdan oʻz kuchini yoʻqotgan deb hisoblansin.
3. Oʻzbekiston Respublikasi Istiqbolli loyihalar milliy agentligi:
bir oy muddatda manfaatdor vazirlik va idoralar bilan birgalikda ushbu qaror bilan kiritilgan oʻzgartirish va qoʻshimchalarning mazmuni sugʻurta xizmatlari ishtirokchilariga keng tushuntirilishini tashkil etsin;
ikki oy muddatda Adliya vazirligi bilan birgalikda sugʻurtalovchilarga nisbatan choralar va sanksiyalarni qoʻllash hamda sugʻurta xizmatlarini elektron shaklda koʻrsatish tartiblarini ishlab chiqsin va tasdiqlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi Istiqbolli loyihalar milliy agentligi direktori D.R. Li zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 30-iyul,
458-son
Vazirlar Mahkamasining 2024-yil 30-iyuldagi 458-son qaroriga
1-ILOVA
1-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sugʻurtasi toʻgʻrisida” 1994-yil 26-yanvardagi 38-son qarori 3-bandining uchinchi xatboshisidagi “sugʻurta qilinuvchiga” soʻzlari “sugʻurtalangan shaxsga” soʻzlari bilan almashtirilsin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2025-yil 23-iyuldagi 458-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 24.07.2025-y., 09/25/458/0648-son)
3. Vazirlar Mahkamasining “Obyektlarni davlat mablagʻlari va hukumat kafolati ostidagi kreditlar hisobiga barpo etishda qurilish tavakkalchiliklarini majburiy sugʻurta qilish toʻgʻrisida” 1999-yil 20-dekabrdagi 532-son qarorida:
a) 1-bandning uchinchi xatboshisidagi “cheklangan tariflar” soʻzlari “sugʻurta tariflari” soʻzlari bilan almashtirilsin;
b) ilovada:
2-band quyidagi tahrirda bayon etilsin:
“2. Sugʻurta tashkiloti (keyingi oʻrinlarda — sugʻurtalovchi) pudratchi va yoki sugʻurtalashdan manfaatdor boshqa shaxslarning mulkiy manfaatlarini, shuningdek, qurilish pudrati shartnomasida nazarda tutilgan qurilish-montaj ishlarini amalga oshirishda uchinchi shaxslarning hayotiga, sogʻligʻiga va mol-mulkiga zarar yetkazilganligi uchun sugʻurta qildiruvchining javobgarligini sugʻurta qiladi.”;
3 va 4-bandlar, 7-bandning ikkinchi xatboshisi, 9-bandning toʻrtinchi va beshinchi xatboshilari, 14-band, 20-bandning birinchi va ikkinchi xatboshilari, 29-band, 30-bandning birinchi va ikkinchi xatboshilari, 31-band, 32-bandning ikkinchi, toʻrtinchi va oltinchi xatboshilaridagi tegishli kelishikdagi “sugʻurtalanuvchi” soʻzi tegishli kelishikdagi “sugʻurta qildiruvchi” soʻzlari bilan almashtirilsin;
6-band quyidagi tahrirda bayon etilsin:
“6. Polisning yoki tavakkalchiliklarni sugʻurta qilish shartnomasining amal qilish muddati sugʻurtalovchi va sugʻurta qildiruvchi oʻrtasidagi kelishuvga koʻra qurilish pudrat shartnomasining muddatiga muvofiq belgilanadi. Obyektni foydalanishga topshirish muddati uzaytirilgan taqdirda, polis tomonlarning qoʻshimcha kelishuviga koʻra belgilanadigan qoʻshimcha sugʻurta mukofoti toʻlanishi sharti bilan amal qilishni davom etadi”;
8-band quyidagi tahrirda bayon etilsin:
“8. Sugʻurtalovchining javobgarligi sugʻurtalangan mol-mulk qurilish maydoniga tushirilgan paytdan boshlanadi, biroq sugʻurta qildiruvchi tomonidan sugʻurta uchun sugʻurta mukofoti amalda toʻlangan sanadan va sugʻurta shartnomasida qayd etilgan sanadan oldin boshlanmaydi. Sugʻurtalovchining javobgarligi qurilish, montaj qilish, asbob-uskunalarni boʻsh va ish holatida sinashning butun davri mobaynida davom etadi hamda obyektni foydalanishga topshirish paytida, biroq sugʻurta shartnomasida koʻrsatilgan sanadan kechikmay tugaydi”;
birinchi xatboshi quyidagi tahrirda bayon etilsin:
“12. Sugʻurta shartnomasi sugʻurta qildiruvchining yozma yoki elektron shakldagi ariza-anketasi asosida tuziladi, unda tavakkalchilik darajasi toʻgʻrisida bir fikrga kelish uchun muhim ahamiyatga ega boʻlgan barcha holatlar toʻgʻrisidagi axborot mavjud boʻladi va sugʻurtalovchi tomonidan imzolanadigan sugʻurta polisi bilan rasmiylashtiriladi.”;
ikkinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
birinchi xatboshi quyidagi tahrirda bayon etilsin:
“13. Sugʻurta qildiruvchi sugʻurtalovchiga sugʻurta uchun sugʻurta mukofotini toʻlashga majbur. Sugʻurta mukofotini toʻlash boshlangungacha sugʻurta shartnomasining sugʻurtalovchining majburiyatlariga oid qismi kuchga kirmaydi. Sugʻurta mukofoti foizdagi toʻlov stavkasini jami sugʻurta summasiga koʻpaytirgan holda hisoblab chiqariladi.”;
ikkinchi xatboshidagi tegishli kelishikdagi “sugʻurta toʻlovi” soʻzlari tegishli kelishikdagi “sugʻurta mukofoti” soʻzlari bilan almashtirilsin;
birinchi va ikkinchi xatboshilar quyidagi tahrirda bayon etilsin:
“16. Agar sugʻurta qildiruvchiga va sugʻurta shartnomasi uning foydasiga tuzilgan shaxsga bogʻliq boʻlmagan sabablarga koʻra ishlar uch oydan ortiq boʻlmagan davrga toʻxtatib turilsa, sugʻurta shartnomasining amal qilishi tomonlar oʻrtasidagi qoʻshimcha bitimga muvofiq koʻrsatib oʻtilgan davrga toʻxtatib turilishi mumkin va u sugʻurta qildiruvchining yozma yoki elektron shakldagi bildirishnomasidan keyin ishlar qayta tiklanganda, sugʻurta davrini ishlar toʻxtatib turilgan davrga koʻpaytirgan holda, qoʻshimcha sugʻurta mukofotisiz yangidan kuchga kiradi.
Qurilish obyekti sugʻurta qildiruvchiga va sugʻurtalash uning foydasiga tuzilgan shaxsga bogʻliq boʻlmagan sabablarga koʻra konservatsiya qilinganda, sugʻurta shartnomasi boʻyicha qolgan davr uchun mutanosib ravishda hisoblab chiqarilgan sugʻurta mukofotining bir qismi sugʻurtalovchi tomonidan qaytariladi”;
uchinchi va toʻrtinchi xatboshilardagi “sugʻurta toʻlovi” soʻzlari “sugʻurta mukofoti” soʻzlari bilan almashtirilsin;
17-band quyidagi tahrirda bayon etilsin:
“17. Sugʻurta hodisasi boshlanganda sugʻurta qildiruvchi yoki sugʻurta shartnomasi uning foydasiga tuzilgan shaxs sugʻurtalovchining soʻrovnomalarini yoki talablarini kutib oʻtirmasdan koʻrilishi mumkin boʻlgan zararlarni kamaytirishning imkoni boʻlgan barcha choralarni koʻrishi va yetti kundan kechikmay sugʻurtalovchini sodir boʻlgan hodisadan yozma yoki elektron shaklda xabardor qilishi shart. Sugʻurtalovchi xabarni olgandan keyin uch kun ichida obyektni koʻzdan kechirib chiqishga majbur”;
birinchi xatboshi quyidagi tahrirda bayon etilsin:
“18. Sugʻurta qildiruvchi mazkur mol-mulk boʻyicha boshqa sugʻurta tashkilotlari bilan tuzilgan barcha sugʻurta shartnomalari toʻgʻrisida sugʻurtalovchini yozma yoki elektron shaklda xabardor qilishi shart”;
ikkinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
19-band quyidagi tahrirda bayon etilsin:
“19. Sugʻurta qildiruvchining yozma yoki elektron shakldagi arizasi olinib, sugʻurta tovonini toʻlash toʻgʻrisidagi masalani hal etish uchun zarur boʻlgan barcha hujjatlar olingandan keyin komissiya tuziladi, komissiya tarkibiga sugʻurta qildiruvchining va sugʻurtalovchining vakillari, shuningdek, zarurat boʻlganda manfaatdor shaxs hisobiga vakolatli tashkilotlarning vakillari kiritiladi”;
21-band quyidagi tahrirda bayon etilsin:
“21. Sugʻurta qildiruvchi shikastlangan mol-mulk va hodisa roʻy bergan joy sugʻurtalovchining vakillari tomonidan koʻzdan kechirilgach hamda sugʻurta hodisasi oqibatlarini bartaraf etish boʻyicha xatti-harakatlar sugʻurtalovchi bilan yozma yoki elektron shaklda kelishib olingandan keyin imkoniyatga qarab sugʻurta hodisasi oqibatlarini bartaraf etishga (almashtirishga, tuzatishga) kirishishi mumkin”.
4. Vazirlar Mahkamasining 2008-yil 24-iyundagi 141-son qarori bilan tasdiqlangan Transport vositalari egalarining fuqarolik javobgarligini majburiy sugʻurta qilish qoidalarida:
a) 12-bandning birinchi xatboshisidagi “ushbu Qoidalarga 3-ilovaga muvofiq shakl boʻyicha ariza-anketada koʻrsatilgan majburiy sugʻurta shartnomasini tuzish toʻgʻrisidagi” soʻzlari chiqarib tashlansin;
b) 13-bandning birinchi xatboshisidagi “ushbu Qoidalarning 3-ilovasiga muvofiq shakl” soʻzlari “ariza-anketa” soʻzlari bilan almashtirilsin;
v) 16-band “yozma” soʻzidan keyin “yoki elektron” soʻzlari bilan toʻldirilsin;
g) 21-banddagi “ushbu Qoidalarga 3-ilovaga muvofiq shakl” soʻzlari “ariza-anketa” soʻzlari bilan almashtirilsin;
d) 16-band, 31-bandning ikkinchi xatboshisi, 34-bandning beshinchi xatboshisi, 35-band, 38-bandning ikkinchi xatboshisi, 41-bandning birinchi xatboshisi hamda 44 va 67-bandlardagi “yozma” soʻzidan keyin “yoki elektron” soʻzlari bilan toʻldirilsin;
e) 5-ilovaning II-boʻlimi quyidagi tahrirda bayon etilsin:
|
“ |
|
|
II. Sugʻurta tarifining tarkibi |
|
|
Koʻrsatkichlar |
|
|
Sugʻurta mukofotining brutto-stavkasi |
100 |
|
Netto-stavka (majburiy sugʻurta shartnomasi boʻyicha joriy sugʻurta toʻlovlarini taʼminlashga moʻljallangan brutto-stavkaning bir qismi) |
80 |
|
Transport vositalari egalarining fuqarolik javobgarligini majburiy sugʻurta qilish xarajatlari |
20 |
Izoh. Ogohlantiruvchi chora-tadbirlar zaxirasiga jamgʻarilgan va ishlatilmagan mablagʻlar sugʻurtalovchining ustav kapitalini oshirishga yoʻnaltiriladi”.
5. Vazirlar Mahkamasining 2008-yil 10-dekabrdagi 271-son qarori bilan tasdiqlangan Xavfli ishlab chiqarish obyektida avariya yuz bergan taqdirda boshqa shaxslarning hayoti, sogʻligʻi va (yoki) mol-mulkiga hamda atrof muhitga zarar yetkazganlik uchun fuqarolik javobgarligini majburiy sugʻurta qilish tartibi toʻgʻrisidagi nizomda:
a) 2-bandda:
ikkinchi xatboshidagi “sugʻurtalanuvchining” soʻzi “sugʻurta qildiruvchining” soʻzlari bilan almashtirilsin;
toʻrtinchi va beshinchi xatboshilar quyidagi tahrirda bayon etilsin:
“xavfli ishlab chiqarish obyektida avariya sodir boʻlganda boshqa shaxslarning hayoti, sogʻligʻi va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sugʻurta qilish shartnomasi — ushbu Nizomda nazarda tutilgan sugʻurta hodisasi yuz berganda sugʻurtalovchi shartnomada belgilangan toʻlovni sugʻurta tovonini jabrlanganga ushbu sugʻurta hodisasi oqibatida yetkazilgan zararni sugʻurta shartnomasida belgilangan sugʻurta summasi miqdorida toʻlash majburiyatini oladigan sugʻurta shartnomasi;
sugʻurta hodisasi toʻgʻrisidagi dalolatnoma — sugʻurta hodisasi yuz bergan taqdirda, sugʻurtalovchi tomonidan sugʻurta qildiruvchi yoki uning vakili ishtirokida tuziladigan hujjat, u avariya sodir boʻlgan vaqt, joy va uning sababi toʻgʻrisidagi axborotlardan, boshqa shaxslarga yetkazilgan zarar miqdori, shuningdek, zararni kamaytirish maqsadida sugʻurta qildiruvchi tomonidan qilingan xarajatlar miqdori toʻgʻrisidagi maʼlumotlardan iborat boʻladi”;
b) 4-banddagi “sugʻurtalanuvchilar” soʻzi “sugʻurta qildiruvchilar” soʻzlari bilan almashtirilsin;
v) 6-band quyidagi tahrirda bayon etilsin:
“6. Xavfli ishlab chiqarish obyektida avariya sodir boʻlgan taqdirda, boshqa shaxslarning hayoti, sogʻligʻi va (yoki) mol-mulkiga hamda atrof-muhitga yetkazilgan zararni foydalanuvchi-sugʻurta qildiruvchi tomonidan qoplash boʻyicha fuqarolik javobgarligi paydo boʻlishi bilan bogʻliq boʻlgan sugʻurta qildiruvchining mulkiy manfaatlari majburiy sugʻurta qilish obyektlari hisoblanadi.”;
g) 7-bandning birinchi xatboshisi quyidagi tahrirda bayon etilsin:
“7. Sugʻurta qildiruvchining quyidagilar oqibatida paydo boʻlgan fuqarolik javobgarligi sugʻurta hodisasi deb eʼtirof etilmaydi:”;
d) 11 va 13-bandlar, 14-bandning “d” va “e” kichik bandlari, 17-bandning birinchi xatboshisi hamda “b” va “g” kichik bandlari, 19-band, 27-bandning “b”, “v” va “g” kichik bandlari hamda 32 va 35-banddagi tegishli kelishikdagi “sugʻurtalanuvchi” soʻzi tegishli kelishikdagi “sugʻurta qildiruvchi” soʻzlari bilan almashtirilsin;
e) 12-bandda:
birinchi xatboshi quyidagi tahrirda bayon etilsin:
“12. Sugʻurta shartnomasi sugʻurta qildiruvchining sugʻurtalovchi tomonidan belgilangan shaklga muvofiq rasmiylashtirilgan yozma yoki elektron shakldagi arizasi asosida rasmiylashtiriladi. Sugʻurta qildiruvchi arizada sugʻurtalovchi tomonidan qoʻyilgan masalalarga muvofiq aniq va toʻliq maʼlumotlarni koʻrsatishi shart”;
ikkinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
j) 15-bandda:
“a”,“b” va “v” kichik bandlardagi tegishli kelishikdagi “sugʻurtalanuvchi” soʻzi tegishli kelishikdagi “sugʻurta qildiruvchi” soʻzlari bilan almashtirilsin;
“b” kichik banddagi “(sugʻurta summasi)” soʻzlari chiqarib tashlansin;
z) 16-bandda:
birinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
“a” kichik banddagi “sugʻurta holatini” soʻzlari “sugʻurta hodisasini” soʻzlari bilan almashtirilsin;
“b” kichik banddagi “sugʻurta holatlarini” soʻzlari “sugʻurta hodisasini” soʻzlari bilan almashtirilsin;
i) 23-bandda:
birinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
“b” kichik band “yozma” soʻzidan keyin “yoki elektron” soʻzlari bilan toʻldirilsin;
y) VIII boʻlimning nomi, 25-band, 26-bandning birinchi va ikkinchi xatboshilari, 29-band, 30-band, 32-band va 33-banddagi “sugʻurta puli” soʻzlari “sugʻurta toʻlovi” soʻzlari bilan almashtirilsin;
k) 24-banddagi “Sugʻurta qoplovi (sugʻurta puli)ni” soʻzlari “Sugʻurta tovoni (sugʻurta toʻlovi)ni” soʻzlari bilan almashtirilsin;
l) 28-band quyidagi tahrirda bayon etilsin:
“28. Sugʻurta tovoni (sugʻurta toʻlovi) bevosita zarar koʻrganga toʻlanadi. Ushbu Nizomning 15-bandi “b” kichik bandida nazarda tutilgan xarajatlar sugʻurta qildiruvchiga toʻlanadi”;
m) 31-band quyidagi tahrirda bayon etilsin:
“31. Yetkazilgan zarar, shuningdek, boshqa shaxslar tomonidan qoplanadigan hollarda sugʻurtalovchi faqat sugʻurta shartnomasi boʻyicha toʻlanishi kerak boʻlgan sugʻurta tovoni (sugʻurta toʻlovi) va boshqa shaxslar tomonidan qoplanadigan pul oʻrtasidagi tafovutni toʻlaydi. Sugʻurta qildiruvchi sugʻurtalovchini zararni jabrlanganga qoplash uchun boshqa shaxslar tomonidan amalga oshirilgan — oʻziga maʼlum boʻlgan toʻlovlar toʻgʻrisida xabardor qilishi shart”;
n) 34-band quyidagi tahrirda bayon etilsin:
“34. Sugʻurta qildiruvchining zararni toʻlash (subrogatsiya) yuzasidan talab qilish huquqining sugʻurta tovoni (sugʻurta toʻlovi)ni toʻlagan sugʻurtalovchiga oʻtishi qonunchilik hujjatlari va shartnoma bilan tartibga solinadi”.
6. Vazirlar Mahkamasining “Ish beruvchining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2009-yil 24-iyundagi 177-son qarorida:
a) 2-banddagi “Moliya vazirligi” soʻzlari “Istiqbolli loyihalar milliy agentligi” soʻzlari bilan almashtirilsin;
b) 1-ilovada:
11-band “yozma” soʻzidan keyin “yoki elektron” soʻzlari bilan toʻldirilsin;
12-bandning “a” kichik bandidagi “ushbu Qoidalarga 2-ilovaga muvofiq shakl boʻyicha” soʻzlari chiqarib tashlansin;
15-band, 29-bandning uchinchi, toʻrtinchi, oltinchi va yettinchi xatboshilari, 31-bandning toʻrtinchi va oltinchi xatboshilari, 32-bandning ikkinchi xatboshisi, 34-bandning birinchi xatboshisi, 40-banddagi, 53-bandning uchinchi xatboshisi va 66-banddagi “yozma” soʻzidan keyin “yoki elektron” soʻzlari bilan toʻldirilsin;
54-bandning “a” kichik bandi quyidagi tahrirda bayon etilsin:
“a) annuitetlar shartnomasini tuzish toʻgʻrisidagi ariza”;
1-ilova 8-bandning uchinchi, toʻrtinchi, oltinchi va yettinchi xatboshilari, 10-bandning toʻrtinchi va oltinchi xatboshilari “yozma” soʻzidan keyin “yoki elektron” soʻzlari bilan toʻldirilsin;
6-ilovaning kirish qismidagi “Moliya vazirligi” soʻzlari “Istiqbolli loyihalar milliy agentligi” soʻzlari bilan almashtirilsin;
9-ilovaning II boʻlimi quyidagi tahrirda bayon etilsin:
|
“ |
|
|
II. Sugʻurta tarifi tarkibi |
|
|
Koʻrsatkichlar |
|
|
Sugʻurta mukofotining brutto-stavkasi |
100 |
|
Netto-stavka (ish beruvchining fuqarolik javobgarligini majburiy sugʻurta qilish shartnomalari boʻyicha joriy sugʻurta toʻlovlarini taʼminlashga moʻljallangan brutto-stavkaning bir qismi) |
75 |
|
Ish beruvchining fuqarolik javobgarligini majburiy sugʻurta qilish xarajatlari |
25 |
Izoh. Ogohlantiruvchi chora-tadbirlar zaxirasiga jamgʻarilgan va ishlatilmagan mablagʻlar sugʻurtalovchining ustav kapitalini oshirishga yoʻnaltiriladi”.
7. Vazirlar Mahkamasining 2010-yil 28-dekabrdagi 321-son qarori bilan tasdiqlangan Davlat sud ekspertlarining hayoti va sogʻligʻini davlat tomonidan majburiy sugʻurta qilish toʻgʻrisidagi nizomda:
a) 2-bandning toʻrtinchi, sakkizinchi, oʻninchi va oʻn birinchi xatboshilari, 3, 4 va 13-band, 14-bandning birinchi xatboshisi, 17-bandning toʻrtinchi xatboshisi va 19-bandning ikkinchi xatboshisi, 23-bandning “a” va “b” kichik bandlari, 24-bandning birinchi, uchinchi va beshinchi xatboshilari hamda 25-banddagi “sugʻurta qilingan” soʻzlari “sugʻurtalangan” soʻzi bilan almashtirilsin;
b) 7-banddagi “ushbu Nizomga 2-ilovaga muvofiq shakl boʻyicha” soʻzlari chiqarib tashlansin;
v) 18-bandda:
uchinchi xatboshidagi “sugʻurta qilingan” soʻzlari “sugʻurtalangan” soʻzi bilan almashtirilsin;
toʻrtinchi va beshinchi xatboshilar quyidagi tahrirda bayon etilsin:
“sugʻurtalangan shaxs (naf oluvchi) yozma yoki elektron shakldagi ariza bilan murojaat qilgan sanadan eʼtiboran ikki ish kuni mobaynida sugʻurtalovchi haqidagi barcha zarur maʼlumotlarni taqdim etishi;
sugʻurtalangan shaxsning hayoti yoki sogʻligʻiga zarar yetkazilganligi borasida oʻziga maʼlum boʻlgan paytdan eʼtiboran yigirma ish kunidan kechiktirmay, sugʻurtalovchiga yozma yoki elektron shaklda maʼlum qilishi shart”;
g) 20-bandda:
uchinchi xatboshidagi “sugʻurta qilingan shaxs” soʻzlari “sugʻurtalangan shaxs” soʻzlari bilan almashtirilsin;
toʻrtinchi xatboshi “yozma” soʻzidan keyin “yoki elektron” soʻzlari bilan toʻldirilsin;
d) 21-bandda:
birinchi xatboshidagi “sugʻurta qilingan shaxs” soʻzlari “sugʻurtalangan shaxs” soʻzlari bilan almashtirilsin;
ikkinchi xatboshi “yozma” soʻzidan keyin “yoki elektron” soʻzlari bilan toʻldirilsin;
e) 26-band quyidagi tahrirda bayon etilsin:
“26. Sugʻurtalovchi tomonidan sugʻurta tovonini toʻlashni rad etish toʻgʻrisida qaror qabul qilingan taqdirda, bu haqda sugʻurtalangan shaxsga (naf oluvchiga) uning sugʻurta tovonini toʻlash talabidan iborat boʻlgan ariza bilan yozma yoki elektron murojaatidan keyin oʻn besh ish kunidan kechikmay, rad etish asoslari koʻrsatilgan holda xabar qilingan boʻlishi kerak”.
8. Vazirlar Mahkamasining “Qutqaruv xizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisida” 2015-yil 22-iyundagi 166-son qarorida:
a) 2-bandning ikkinchi xatboshisidagi “sugʻurtalanuvchilarning” soʻzi “sugʻurta qildiruvchilarning” soʻzlari bilan almashtirilsin;
b) ilovada:
toʻrtinchi xatboshidagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
sakkizinchi xatboshidagi “sugʻurtalovchi tomonidan sugʻurta qildiruvchiga” soʻzlari “sugʻurta qildiruvchi tomonidan sugʻurtalovchiga” soʻzlari bilan almashtirilsin;
6, 7, 9 — 12 va 16-band, 17-bandning birinchi va beshinchi xatboshilari hamda 22-bandning toʻrtinchi xatboshisidagi tegishli kelishikdagi “sugʻurtalanuvchi” soʻzi tegishli kelishikdagi “sugʻurta qildiruvchi” soʻzlari bilan almashtirilsin;
7-banddagi “, majburiy sugʻurta qilinishi lozim boʻlgan shaxslar roʻyxatini koʻrsatgan holda, mazkur Nizomning 3-ilovasiga* muvofiq shakl boʻyicha” soʻzlari chiqarib tashlansin;
birinchi va oltinchi xatboshilardagi “sugʻurtalanuvchi” soʻzi “sugʻurta qildiruvchi” soʻzlari bilan almashtirilsin;
uchinchi va beshinchi xatboshilar “yozma” soʻzidan keyin “yoki elektron” soʻzlari bilan toʻldirilsin;
ikkinchi xatboshidagi “sugʻurtalanuvchini” soʻzi “sugʻurta qildiruvchini” soʻzlari bilan almashtirilsin;
uchinchi va toʻrtinchi xatboshilar quyidagi tahrirda bayon etilsin:
“oʻz faoliyatini amalga oshirish natijasida sugʻurta qildiruvchi va (yoki) sugʻurtalangan shaxs (naf oluvchi) toʻgʻrisidagi maʼlumotlarning maxfiyligini taʼminlash;
sugʻurta tovonini toʻlashni rad etish toʻgʻrisida qaror qabul qilingan taqdirda, sugʻurta qildiruvchi sugʻurta tovonini toʻlash uchun murojaat etgandan keyin oʻn besh ish kunidan kechikmay, bu haqda sugʻurta qildiruvchiga rad etish sabablarini asoslagan holda yozma yoki elektron shaklda xabar qilish”;
ikkinchi xatboshi “yozma” soʻzidan keyin “yoki elektron” soʻzlari bilan toʻldirilsin;
toʻrtinchi xatboshidagi “sugʻurtalanuvchidan” soʻzi “sugʻurta qildiruvchidan” soʻzlari bilan almashtirilsin;
24-bandning oʻn toʻqqizinchi xatboshisi va 26-band “yozma” soʻzidan keyin “yoki elektron” soʻzlari bilan toʻldirilsin.
9. Vazirlar Mahkamasining 2015-yil 15-sentabrdagi 266-son qarori bilan tasdiqlangan Tashuvchining fuqarolik javobgarligini majburiy sugʻurta qilish qoidalarida:
a) 2-bandning toʻqqizinchi xatboshisi quyidagi tahrirda bayon etilsin:
“tashuvchi — mulk huquqi asosida yoki boshqa qonuniy asoslarda transport vositasiga egalik qiladigan, qonunchilikka muvofiq yoʻlovchilarni hamda ularning mol-mulkini tijorat asosida tashish boʻyicha xizmatlar koʻrsatadigan va buning uchun tegishli litsenziyaga ega boʻlgan yoxud ruxsat etish xususiyatiga ega hujjati boʻlgan yuridik shaxs yoki yakka tartibdagi tadbirkor.”;
b) 12-bandning ikkinchi va uchinchi xatboshilari quyidagi tahrirda bayon etilsin:
“tashuvchining fuqarolik javobgarligini majburiy sugʻurta qilish shartnomasini tuzish toʻgʻrisidagi ariza;
tashuvchining faoliyatini amalga oshirish uchun tegishli litsenziya yoki ruxsat etish xususiyatiga ega hujjatning tasdiqlangan nusxasi, tashuvchi oʻz faoliyatini qonunchilikka muvofiq tegishli litsenziya yoki ruxsat etish xususiyatiga ega hujjatsiz amalga oshirish hollari bundan mustasno;”;
v) 11 va 15-bandlar, 28-bandning birinchi xatboshisi, 30-bandning beshinchi xatboshisi, 40-band, 62-bandning ikkinchi xatboshisi va 2-ilova 9-bandining beshinchi xatboshisi “yozma” soʻzidan keyin “yoki elektron” soʻzlari bilan toʻldirilsin;
g) 55-bandning beshinchi xatboshisidagi “tashuvchi xodimlarining” soʻzlari “tashuvchining, tashuvchi xodimlarining” soʻzlari bilan almashtirilsin;
d) 5-ilovaning IV boʻlimi quyidagi tahrirda bayon etilsin:
|
“ |
|
|
IV. Sugʻurta tariflarining tuzilishi |
|
|
Koʻrsatkichlar |
|
|
Sugʻurta mukofotining brutto-stavkasi |
100 |
|
Netto-stavka (majburiy sugʻurta shartnomalari boʻyicha joriy sugʻurta toʻlovlarini taʼminlashga moʻljallangan brutto-stavkaning bir qismi) |
75 |
|
Transport vositalari egalarining fuqarolik javobgarligini majburiy sugʻurta qilish xarajatlari |
25 |
Izoh. Ogohlantiruvchi chora-tadbirlar zaxirasiga jamgʻarilgan va ishlatilmagan mablagʻlar sugʻurtalovchining ustav kapitalini oshirishga yoʻnaltiriladi”.
10. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 20-ilovada:
5-pozitsiyaning “d” kichik bandi quyidagi tahrirda bayon etilsin:
“d) xavfi yuqori boʻlgan obyektlar va potensial xavfli ishlab chiqarishlardan foydalanish uchun xavfli ishlab chiqarish obyektida avariya yuz bergan taqdirda, boshqa shaxslarning hayoti, sogʻligʻi va (yoki) mol-mulkiga hamda atrof-muhitga zarar yetkazganlik uchun fuqarolik javobgarligini majburiy sugʻurta qilish shartnomasi va polisi”;
9-pozitsiyaning “e” kichik bandi quyidagi tahrirda bayon etilsin:
“e) xavfi yuqori boʻlgan obyektlar va potensial xavfli ishlab chiqarishlardan foydalanishda, xavfli ishlab chiqarish obyektida avariya yuz bergan taqdirda, boshqa shaxslarning hayoti, sogʻligʻi va (yoki) mol-mulkiga hamda atrof-muhitga zarar yetkazganlik uchun fuqarolik javobgarligi boʻyicha majburiy sugʻurta shartnomasi va amaldagi sugʻurta polisining mavjudligi *”.
Vazirlar Mahkamasining 2024-yil 30-iyuldagi 458-son qaroriga
2-ILOVA
2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Sugʻurta xizmatlari bozorini yanada rivojlantirish chora-tadbirlari toʻgʻrisida” 2002-yil 27-noyabrdagi 413-son qarorining 3-bandi.
2. Vazirlar Mahkamasining 2008-yil 24-iyundagi 141-son qarori bilan tasdiqlangan Transport vositalari egalarining fuqarolik javobgarligini majburiy sugʻurta qilish qoidalariga 3-ilova.
3. Vazirlar Mahkamasining 2009-yil 24-iyundagi 177-son qarori bilan tasdiqlangan Ish beruvchining fuqarolik javobgarligini majburiy sugʻurta qilish qoidalariga 2 va 7-ilovalar.
4. Vazirlar Mahkamasining 2010-yil 28-dekabrdagi 321-son qarori bilan tasdiqlangan Davlat sud ekspertlarining hayoti va sogʻligʻini davlat tomonidan majburiy sugʻurta qilish toʻgʻrisidagi nizomga 2-ilova.
5. Vazirlar Mahkamasining 2015-yil 22-iyundagi 166-son qarori Qutqaruv xizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi nizomning rus tilidagi matniga 3-ilova.
6. Vazirlar Mahkamasining 2015-yil 15-sentabrdagi 266-son qarori bilan tasdiqlangan Tashuvchining fuqarolik javobgarligini majburiy sugʻurta qilish qoidalariga 3-ilova.
7. Vazirlar Mahkamasining “Iqtisodiy faoliyat turlarini tasniflashning xalqaro tizimiga oʻtish chora-tadbirlari toʻgʻrisida” 2016-yil 24-avgustdagi 275-son qaroriga 2-ilovaning 15-bandi.
8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida” 2019-yil 5-fevraldagi PQ-4160-son qarori)” 2019-yil 10-avgustdagi 661-son qaroriga ilovaning 14-bandi.
9. Vazirlar Mahkamasining “Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi faoliyatini tashkil etish chora-tadbirlari toʻgʻrisida” 2019-yil 31-dekabrdagi 1060-son qarori.
10. Vazirlar Mahkamasining “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida” 2021-yil 22-fevraldagi 87-son qaroriga ilovaning 45-bandi.
11. Vazirlar Mahkamasining “Elektron turdagi sugʻurta xizmatlarini koʻrsatish tartibi toʻgʻrisidagi nizomni tasdiqlash haqida” 2022-yil 5-dekabrdagi 694-son qarori.
12. Vazirlar Mahkamasining “Oʻzbekiston Respublikasi Transport vazirligi huzuridagi Transport nazorati inspeksiyasi faoliyatini tashkil etish chora-tadbirlari toʻgʻrisida” 2023-yil 15-dekabrdagi 668-son qaroriga 3-ilovaning18-bandi.
(Qonunchilik maʼlumotlari milliy bazasi, 05.08.2024-y., 09/24/458/0573-son; 24.07.2025-y., 09/25/458/0648-son)
