1.16.00.00.00 Xavfsizlik va huquq tartibot muhofazasi / 16.02.00.00 Xavfsizlikni taʼminlash kuchlari / 16.02.05.00 Ichki ishlar organlari]
[TSZ:
1.Odil sudlov. Huquq-tartibotni muhofaza qilish. Adliya / Ichki ishlar organlari]
Oʻzbekiston Respublikasi Ichki ishlar vazirining
buyrugʻi
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomani tasdiqlash haqida
[Oʻzbekiston Respublikasi Adliya vazirligi tomonidan 2022 yil 9 martda roʻyxatdan oʻtkazildi, roʻyxat raqami 3352]
LexUZ sharhi
Mazkur buyruq Oʻzbekiston Respublikasi ichki ishlar vazirining 2023-yil 2-noyabrdagi 601-sonli “Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomani tasdiqlash haqida”gi buyrugʻiga (roʻyxat raqami 3481, 06.12.2023-y.) asosan oʻz kuchini yoʻqotgan.
Oʻzbekiston Respublikasi Prezidentining 2017-yil 29-noyabrdagi PQ-3413-son “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi qaroriga muvofiq buyuraman:
1. Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnoma ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir P. BOBOJONOV
Toshkent sh.,
2022-yil 5-mart,
52-son
Oʻzbekiston Respublikasi ichki ishlar vazirining 2022-yil 5-martdagi 52-son buyrugʻiga
ILOVA
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi
YOʻRIQNOMA
Mazkur Yoʻriqnoma ichki ishlar organlarida xizmatga (bundan buyon matnda xizmat deb yuritiladi) nomzodlarni tanlab olish tadbirlarini (bundan buyon matnda tanlov deb yuritiladi) tashkil etish va oʻtkazish tartibini belgilaydi.
1-bob. Umumiy qoidalar
1. Nomzodlar xizmatga ixtiyoriy tartibda, ichki ishlar organlaridagi mavjud boʻsh lavozimlardan kelib chiqqan holda ichki ishlar organlari tomonidan tanlov asosida qabul qilinadi.
Tanlovda ishtirok etadigan nomzodlarning soni cheklanmaydi.
2. Nomzodlarga qoʻyiladigan umumiy talablar, tanlovda ishtirok etish uchun murojaat qilish hamda tanlovdan muvaffaqiyatli oʻtgan nomzodlarni xizmatga qabul qilish tartibi Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomga (bundan buyon matnda Nizom deb yuritiladi) muvofiq amalga oshiriladi.
3. Nizomga asosan:
a) xizmat majburiyatlarini bajarish chogʻida halok boʻlgan ichki ishlar organlari xodimlari va harbiy xizmatchilarning farzandlari tanlovning dastlabki oʻrganish, jismoniy tayyorgarlik darajasini baholash hamda intellektual rivojlanganlik darajasi va psixoemotsional barqarorlikni baholash bosqichlaridan muvaffaqiyatli oʻtgan taqdirda, yakuniy suhbatsiz xizmatga qabul qilinadi;
b) mazkur Yoʻriqnomaning 1-ilovasida keltirilgan roʻyxatga muvofiq ichki ishlar organlarining tor ixtisoslik boʻyicha mutaxassisliklar talab etiladigan ayrim lavozimlariga tegishli tor ixtisoslik boʻyicha mutaxassislikka ega boʻlgan nomzodlar tanlovsiz qabul qilinadi;
v) mazkur Yoʻriqnomaning 2-ilovasida keltirilgan roʻyxatga muvofiq ichki ishlar organlarining alohida mutaxassislik talab etiladigan lavozimlariga ushbu mutaxassislikka ega boʻlgan nomzodlargina tanlov asosida (bundan mazkur Yoʻriqnomaning 1-ilovasidagi roʻyxatga muvofiq tor ixtisoslik boʻyicha mutaxassisliklar talab etiladigan lavozimlar uchun nomzodlar mustasno) qabul qilinadi;
g) mazkur Yoʻriqnomaning 3-ilovasida keltirilgan roʻyxatga muvofiq ichki ishlar organlarining ayrim boʻlinmalari va lavozimlariga oʻttiz yoshdan katta boʻlgan fuqarolar qabul qilinishi mumkin;
d) quyidagi nomzodlar, istisno tariqasida, tanlov tadbirlarining jismoniy tayyorgarlik darajasini baholash bosqichidan ozod qilinadi hamda ularga ushbu bosqich boʻyicha maksimal ball beriladi:
ilmiy daraja yoki ilmiy unvonga ega boʻlgan nomzodlar;
oliy taʼlimni imtiyozli diplom bilan tamomlaganlar;
professor-oʻqituvchi va ilmiy tarkib lavozimlariga nomzodlar;
ekspert-kriminalistika, ish yuritish hamda tahliliy va yuridik taʼminlash boʻlinmalaridagi lavozimlarga nomzodlar.
(3-bandning “d” kichik bandi beshinchi xatboshisi Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
4. Oʻzbekiston Respublikasi Vazirlar Mahkamasining 2022-yil 15-yanvardagi 23-son qarori bilan tasdiqlangan Aholining jismoniy tayyorgarlik darajasini baholash boʻyicha sport sinovlarini tashkil etish va oʻtkazish tartibi toʻgʻrisidagi nizomga asosan, yosh koʻrsatkichlaridan kelib chiqib, aholining jismoniy tayyorgarlik darajasini baholash boʻyicha sport sinovlarining maxsus talablarini muvaffaqiyatli bajargan (1, 2 va 3-oʻrin gʻoliblari) fuqarolar bir yil mobaynida tanlovning jismoniy tayyorgarlik darajasini baholash bosqichidan ozod qilinadi hamda ularga ushbu bosqich boʻyicha maksimal ball beriladi.
5. Soʻnggi besh yil ichida respublika miqyosidagi sport musobaqasining gʻolibi boʻlgan yoki xalqaro miqyosdagi sport musobaqasining 1 — 3-oʻrinlaridan birini egallagan sportchilar, istisno tariqasida, xizmatga faqatgina yakuniy suhbat asosida qabul qilinadi.
6. Xizmatga qabul qilishda nomzodlar boʻyining balandligi quyidagi maxsus antropometrik parametrlarga javob berishi talab etiladi (bundan mazkur bandning toʻrtinchi xatboshisida nazarda tutilgan lavozimlar boʻyicha nomzodlar mustasno):
erkak jinsidagi nomzodlarning boʻyi — 165 santimetrdan past boʻlmasligi kerak;
ayol jinsidagi nomzodlarning boʻyi — 160 santimetrdan past boʻlmasligi kerak.
Mazkur Yoʻriqnomaning 4-ilovasida keltirilgan roʻyxatga muvofiq Ichki ishlar vazirligi Jamoat xavfsizligi departamenti Yoʻl harakati xavfsizligi xizmati va Jamoat tartibini saqlash boʻlinmalarining ayrim lavozimlariga nomzodlar boʻyining balandligi alohida antropometrik parametrlarga javob berishi talab etiladi.
7. Tanlov tadbirlarining istalgan bitta bosqichidan oʻta olmagan nomzodga uni takroran topshirishga, shuningdek tanlov tadbirlarining keyingi bosqichiga oʻtishga ruxsat berilmaydi. Bunda, nomzod keyingi tanlovlarga dastlabki oʻrganish bosqichidan boshlab qayta qatnashishi mumkin.
8. Tanlov tadbirlari davomida faxriylar kengashi aʼzolari, jamoat tashkilotlari vakillari va nomzodlarning yaqin qarindoshlari (bundan buyon matnda jamoatchilik vakillari deb yuritiladi) ishtirok etishlari mumkin.
Bunda, jamoatchilik vakillari saralash tadbirlarini oʻtkazish jarayoni va uning natijalaridan norozi boʻlgan taqdirda tanlovning tegishli komissiyasi raisiga yozma ravishda murojaat qilishlari va oʻz taklif hamda eʼtirozlarini bildirishlari mumkin. Jamoatchilik vakillarining murojaatlari Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonunida belgilangan tartibda koʻrib chiqilishi lozim.
2-bob. Tanlov tadbirlarini tashkillashtirish
9. Xizmatga munosib nomzodlarni tanlab olish maqsadida muntazam ravishda targʻibot-tashviqot ishlari olib boriladi, ommaviy axborot vositalarida hamda ichki ishlar organlarining rasmiy nashrlari, veb-saytlarida boʻsh lavozimlar toʻgʻrisida, shuningdek tanlov oʻtkazilishidan kamida bir oy oldin tanlov oʻtkazish joyi va kunlari toʻgʻrisida eʼlonlar joylashtiriladi.
10. Jamoatchilik vakillari tanlovlarni real vaqt rejimida (onlayn) kuzatib borishlari uchun tanlov tadbirlari videokuzatuv (onlayn translatsiya) ostida oʻtkaziladi.
11. Xizmatga kirish istagini bildirgan nomzodlar doimiy yashash joyi boʻyicha roʻyxatga olingan joyidagi ichki ishlar organiga mazkur Yoʻriqnomaning 5-ilovasiga muvofiq shakldagi ariza bilan unga quyidagi hujjatlarni ilova qilgan holda murojaat etadi:
biometrik pasport yoki identifikatsiya ID-kartasi (nusxasi olinib, asli qaytariladi);
qarindoshlarning (ota-ona, er-xotin, farzandlar, aka-ukalar, opa-singillar, shuningdek er-xotinlarning ota-onalari, aka-ukalari, opa-singillari) biometrik pasporti yoki identifikatsiya ID-kartasi (nusxasi olinib, asli qaytariladi);
oʻqish va ish (agar oʻqiyotgan yoki ishlayotgan boʻlsa) joyidan tavsifnoma;
nomzod tomonidan qoʻlda yoki kompyuterda yozilgan tarjimai hol;
anketa-maʼlumotnoma;
harbiy guvohnoma (nusxasi olinib, asli qaytariladi);
doimiy yashash joyi boʻyicha roʻyxatga olingan joyidan belgilangan namunadagi sogʻligʻining holati haqida maʼlumotnoma (boʻyning balandligi boʻyicha antropometrik parametri koʻrsatilgan holda).
Ichki ishlar vazirligi markaziy apparati va Ichki ishlar vazirligi Akademiyasiga, shuningdek Toshkent shahar Ichki ishlar bosh boshqarmasiga xizmatga kirish istagi boʻlgan nomzodlar, doimiy yashash joyi boʻyicha roʻyxatga olingan joyidan qatʼi nazar, tegishliligiga koʻra, Ichki ishlar vazirligi markaziy apparatiga, Ichki ishlar vazirligi Akademiyasiga yoki Toshkent shahar Ichki ishlar bosh boshqarmasiga murojaat qiladi.
Tanlov tadbirlari boshlanganidan keyin murojaat qilgan nomzodlar ushbu tanlovda emas, balki keyingi tanlovda ishtirok etishlari mumkin boʻladi.
12. Navbatdagi tanlov tadbirlari boshlanishidan oʻn kun oldin tegishli ichki ishlar organlari tomonidan tanlovda qatnashish toʻgʻrisidagi ariza bilan murojaat qilgan nomzodlarga saralash tadbirlarining boshlanish vaqti va joyi haqida xabar beriladi.
13. Tanlovni tashkil etish va oʻtkazish uchun Ichki ishlar vazirligining tegishli tarkibiy tuzilmalari, Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari (bundan buyon matnda ichki ishlar organlari boshliqlari deb yuritiladi) buyrugʻi bilan mazkur Yoʻriqnomaning 6-ilovasiga muvofiq tarkibda, aʼzolari soni toq sondan iborat boʻlgan Tanlov tadbirlarini tashkil etish va oʻtkazish komissiyalari (bundan buyon matnda Qabul komissiyasi deb yuritiladi) tuziladi.
Tanlovlar shaffof va oshkora tarzda oʻtkazilishini taʼminlash hamda jamoatchilik nazoratini oʻrnatish maqsadida Qabul komissiyasi faoliyatida ishtirok etish uchun ixtiyoriylik asosida jamoatchilik vakillari taklif etilishi mumkin.
14. Ichki ishlar organlari boshliqlarining maʼnaviy-maʼrifiy ishlar va kadrlar bilan taʼminlash boʻyicha tegishli oʻrinbosarlari Qabul komissiyalari faoliyatiga rahbarlik qiladi va quyidagilarni amalga oshiradi:
Qabul komissiyasi ishini tashkillashtiradi hamda unga yuklatilgan vazifa va funksiyalarning bajarilishini taʼminlaydi;
Qabul komissiyasi aʼzolari oʻrtasida vazifalarni taqsimlaydi hamda ularning bajarilishini nazorat qiladi;
Qabul komissiyasi tarkibidagi kichik komissiyalarni shakllantiradi va tarkibini tasdiqlaydi;
kichik komissiyalar faoliyatini muvofiqlashtiradi va nazorat qiladi;
tanlovlarni videokuzatuv qurilmalari orqali real vaqt rejimida (onlayn) kuzatib borish imkoniyati yaratilishini tashkillashtiradi.
15. Qabul komissiyasi tarkibida quyidagi yoʻnalishlar boʻyicha kichik komissiyalar tuziladi:
tegishli sohaviy xizmat rahbarlari hamda kadrlar bilan taʼminlash boʻlinmasi rahbar va xodimlaridan iborat tarkibda tuziladigan nomzodlarni dastlabki oʻrganish boʻyicha kichik komissiya;
kasbiy tayyorgarlik, shaxsiy xavfsizlik, tibbiyot boʻlinmalari, Yoshlar ittifoqi boshlangʻich tashkiloti yetakchilari va sohaviy xizmat xodimlaridan iborat tarkibda tuziladigan jismoniy tayyorgarlik darajasini baholash boʻyicha kichik komissiya;
mutaxassis-psixologlar va bevosita ularning boshliqlaridan iborat tarkibda tuziladigan intellektual rivojlanganlik darajasi va psixoemotsional barqarorlikni baholash boʻyicha kichik komissiya.
16. Tanlovlar nomzodning xohishiga koʻra, oʻzbek, qoraqalpoq yoki rus tillarida oʻtkaziladi.
17. Tanlov tadbirlari quyidagi bosqichlarni oʻz ichiga oladi:
dastlabki oʻrganish (Nizom hamda mazkur Yoʻriqnomada belgilangan talablarga mos kelishni tekshirish);
jismoniy tayyorgarlik darajasini baholash;
intellektual rivojlanganlik darajasi va psixoemotsional barqarorlikni baholash;
yakuniy suhbat.
3-bob. Nomzodlarni dastlabki oʻrganish
18. Dastlabki oʻrganish uchun hozir boʻlgan nomzodlarning Nizomda belgilangan umumiy talablar va mazkur Yoʻriqnomaning 5-bandida nazarda tutilgan talablarga javob berishini aniqlash maqsadida dastlabki oʻrganish boʻyicha kichik komissiya (bundan buyon mazkur bobda kichik komissiya deb yuritiladi) tomonidan nomzodlar taqdim qilgan hujjatlar oʻrganib chiqiladi hamda ularning boʻyi oʻlchanadi.
19. Nomzodning boʻyi talabga javob bermagan hollarda, unga dastlabki oʻrganish tadbirlarida ishtirok etishga ruxsat berilmaydi.
20. Hujjatlarida kamchilik aniqlangan nomzodga ushbu kamchilikni bartaraf etishi va navbatdagi qabul kunida hozir boʻlishi kichik komissiya aʼzolari tomonidan tushuntiriladi.
21. Dastlabki oʻrganish davomida Nizom va mazkur Yoʻriqnomada belgilangan talablarga mos deb topilgan nomzodlar shu vaqtning oʻzida suhbatdan oʻtkaziladi.
22. Suhbat kichik komissiyaning suhbat oʻtkazilishiga masʼul boʻlgan aʼzosi (aʼzolari) tomonidan nomzodga Nizom va mazkur Yoʻriqnoma talablari, uning huquq va majburiyatlari, xizmatni oʻtash bilan bogʻliq shartlar va imtiyozlar, xizmatning zararli va xavfli jihatlarini tushuntirish hamda nomzodning xizmatga kirish istagi bor yoki yoʻqligini aniqlash maqsadida oʻtkaziladi.
23. Kichik komissiya tomonidan nomzodni dastlabki oʻrganish bosqichida oʻtkazilgan tadbirlar natijalari umumlashtirilib, shu kunning oʻzida nomzodni tanlovning keyingi bosqichiga oʻtkazish yoki oʻtkazishni rad etish haqida xulosa chiqariladi.
Oʻrganish natijalari boʻyicha barcha nomzodlarga mazkur Yoʻriqnomaning 7-ilovasiga muvofiq shakldagi dastlabki oʻrganish varaqasi rasmiylashtiriladi va nomzodlarga imzolatgan holda tanishtiriladi.
24. Kichik komissiyaning masʼul aʼzosi tanlovning dastlabki oʻrganish bosqichidan muvaffaqiyatli oʻtgan nomzodlarning hujjatlari va dastlabki oʻrganish natijalarini yagona yigʻma jildda jamlaydi.
4-bob. Nomzodlarning jismoniy tayyorgarlik darajasini baholash
25. Tanlovning dastlabki oʻrganish bosqichidan muvaffaqiyatli oʻtgan nomzodlarning jismoniy tayyorgarlik darajasini aniqlash maqsadida tanlovning jismoniy tayyorgarlik darajasini baholash tadbiri oʻtkaziladi.
26. Nomzodlar jismoniy tayyorgarlik darajasini baholash mashqlarini bajarishni boshlashidan oldin ularga jismoniy tayyorgarlik darajasini baholash boʻyicha kichik komissiya (bundan buyon mazkur bobda kichik komissiya deb yuritiladi) aʼzolari tomonidan mashqlarni bajarishga qoʻyiladigan talablar, mashqlarni bajarish tartibi hamda baholash mezonlari tushuntiriladi.
27. Nomzodlarning jismoniy tayyorgarlik darajasini baholash ularning mazkur bobda nazarda tutilgan mashqlarni bajarishlarini tekshirish orqali amalga oshiriladi.
28. Jismoniy tayyorgarlik darajasini baholash tadbiri boshlanishidan oldin nomzod kichik komissiyaning masʼul aʼzolariga oʻzini biometrik pasporti yoki identifikatsiya ID-kartasini koʻrsatgan holda tanishtiradi.
29. Nomzodlar mashqlarni sport kiyimida bajarishlari tavsiya etiladi.
30. Nomzodlar tomonidan bajarilishi lozim boʻlgan jismoniy tayyorgarlik mashqlari va ularni bajarishga qoʻyiladigan talablar erkak va ayol jinsidagi nomzodlar uchun alohida belgilanadi.
31. Quyidagilar erkak jinsidagi nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
kuch ishlatish mashqi — toʻsinda (turnikda) tortilish;
tezlikka oid mashq — 100 metrga yugurish;
chidamlilikka oid mashq — 3 000 metrga yugurish.
(31-bandning toʻrtinchi xatboshisi Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
32. Quyidagilar ayol jinsidagi nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
kuch ishlatish mashqi — kuch ishlatish mashqlari kompleksi;
tezlikka oid mashq — 100 metrga yugurish;
chidamlilikka oid mashq — 1000 metrga yugurish.
33. Jismoniy tayyorgarlik mashqlari quyidagi ketma-ketlikda bajariladi:
birinchi navbatda — kuch ishlatish mashqlari;
ikkinchi navbatda — tezlikka oid mashqlar;
uchinchi navbatda — chidamlilikka oid mashqlar.
34. Jismoniy tayyorgarlik mashqlarini bajarish oraligʻida nomzodlarga dam olish uchun kamida 10 daqiqa vaqt beriladi.
35. 100 metrga yugurish mashqi stadionning yugurish yoʻlakchasida yoxud qattiq qoplamali tekis joylarda yuqori yoki quyi startdan quyidagicha amalga oshiriladi:
“Start” komandasi boʻyicha start olish chizigʻiga yaqinlashish;
“Diqqat” komandasi boʻyicha tananing ogʻirligini oldinda turgan oyoqqa oʻtkazish, gavda va boshni oldinga egish, qoʻllarni tirsakka bukish;
bosh barmoq toʻsin ichkarisidan ushlanadi, tana biroz rostlanadi, tizza boʻgʻimi toʻgʻrilanadi, oyoq uchlari choʻziladi, tovonlar birlashtiriladi;
iyak toʻsindan (turnikdan) oʻtgunga qadar qoʻllar bukiladi;
harakat toʻliq amalga oshirilishi bilan dastlabki holatga qaytiladi (osilish holati 1-2 soniya davom etishi mumkin);
oyoqlarni 45° gacha koʻtarishga ruxsat etiladi.
Ushbu mashqni bajarishda oyoqlarni bukish va kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.
37. 3000 va 1000 metrga yugurish mashqlari stadionning yugurish yoʻlakchasida yoxud qattiq qoplamali tekis joylarda, umumiy yoki alohida start berilgan holda oʻtkaziladi.
(37-bandning birinchi xatboshisi Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
Start va marra chiziqlari bir joyda belgilanishi mumkin. Bunda, yugurish hududidan chiqib ketgan yoki yugurishdan yurish holatiga oʻtgan ishtirokchi mashqni bajarmagan hisoblanadi.
38. Nomzod tomonidan kuch ishlatish mashqlari kompleksini bajarishda 1 daqiqa ichida 2 ta mashq uzluksiz bajarilishi kerak.
Har bir mashqni bajarish uchun 30 soniyadan vaqt ajratiladi. Birinchi mashqni bajarish uchun ajratilgan 30 soniya vaqt tugaganligi eʼlon qilinganda, nomzod darhol ikkinchi mashqni bajarishga kirishadi.
39. Quyidagilar birinchi mashqni bajarishga qoʻyiladigan talablar hisoblanadi:
chalqancha yotiladi;
qoʻllar belda, tizzalar bukilmagan holda oyoqlar toʻpiq qismidan boshqa bir shaxs yordamida bosilib, ushlanadi;
dastlabki holatdan gavda oldinga koʻtarilib, qoʻllar oyoq uchiga tekkanidan soʻng, dastlabki holatga qaytiladi.
Ushbu mashqni bajarish vaqtida tizzalarni bukish va oyoqlarni tepaga koʻtarish taqiqlanadi.
40. Quyidagilar ikkinchi mashqni bajarishga qoʻyiladigan talablar hisoblanadi:
tayanib yotiladi, qoʻllar yelka kengligida tizzalar bukilmagan holatda boʻladi;
qoʻllar bukilib yoziladi (bunda, bel hamda yelka qismlari birgalikda va tekis tushib chiqishi shart);
qoʻllar bukilib tana erga nisbatan parallel holatga keltirilganidan soʻng, dastlabki holatga qaytiladi.
Ushbu mashqni bajarish vaqtida qoʻllar chala bukilib yozilishi, bel va yelkalar har xil tushib chiqishi, tizzalarning erga tegishi taqiqlanadi.
41. Mazkur bobda nazarda tutilgan mashqlarni bajarish tartibini buzgan nomzodga shu mashq boʻyicha ball qoʻyilmaydi.
42. Nomzodlarning jismoniy tayyorgarlik darajasini baholash mazkur Yoʻriqnomaning 8-ilovasiga muvofiq amalga oshiriladi. Bunda, nomzodga har bir mashqni bajarganlik uchun ball beriladi. Umumiy toʻplanishi mumkin boʻlgan maksimal ball — 30 ballni tashkil etadi.
43. Jismoniy tayyorgarlik darajasini baholash tadbirlari oʻtkazilgan kundan keyingi kundan kechiktirmay uning natijalari boʻyicha mazkur Yoʻriqnomaning 9-ilovasiga muvofiq shaklda qaydnoma rasmiylashtiriladi va natijalar nomzodlarga eʼlon qilinadi.
44. Qaydnoma kichik komissiyaning jismoniy tayyorgarlik darajasini baholash boʻyicha tadbirda ishtirok etgan aʼzolari tomonidan imzolanadi.
45. Jismoniy tayyorgarlik darajasini baholash mashqlaridan jami toʻplangan balli 15 balldan past boʻlgan nomzodlar saralashning keyingi bosqichiga oʻtkazilmaydi.
46. Tanlovning yakuniy natijalarini hisoblashda jismoniy tayyorgarlik darajasini baholash mashqlaridan toʻplangan ballar yakuniy suhbat davomida toʻplangan ballar bilan birgalikda qoʻshib hisoblanadi.
5-bob. Nomzodlarning intellektual rivojlanganlik darajasi va psixoemotsional barqarorligini baholash
47. Tanlovning jismoniy tayyorgarlik darajasini baholash bosqichidan muvaffaqiyatli oʻtgan nomzodlarning intellektual rivojlanganlik darajasi va psixoemotsional barqarorligini aniqlash maqsadida psixologik oʻrganish oʻtkaziladi.
48. Nomzodlarning intellektual rivojlanganlik darajasi va psixoemotsional barqarorligini baholash psixologik test sinovidan oʻtkazish orqali amalga oshiriladi.
49. Psixologik testlar, ularning javoblari va javoblar blankalari Oʻzbekiston Respublikasi ichki ishlar vaziri yoki uning oʻrinbosari tomonidan tasdiqlanadi.
Psixologik testlar nomzodlarning quyidagi psixologik xususiyatlarini aniqlashga yoʻnaltiriladi:
aql-zakovat, umumiy intellektual salohiyat va xotira;
mantiqiy fikrlash, ziyraklik, tafakkur shakllarining rivojlanganlik darajasi, fikrlash tezligi va tahlil qilish qobiliyati;
shaxsga xos individual xususiyatlar, kirishimlilik, psixik turgʻunlik, samimiylik.
50. Psixologik testlar, ularning javoblari va javoblar blankalari Qabul komissiyasi kotibida saqlanadi, kotib testlar va ularning javoblari oshkor qilinmasligi uchun masʼul hisoblanadi.
51. Psixologik oʻrganish boshlanishidan avval nomzodlar intellektual rivojlanganlik darajasi va psixoemotsional barqarorlikni baholash boʻyicha kichik komissiya (bundan buyon mazkur bobda kichik komissiya deb yuritiladi) aʼzolari tomonidan psixologik oʻrganishni oʻtkazish tartibi, har bir vazifa boʻyicha nazarda tutilgan baholash mezonlari bilan tanishtiriladi.
52. Nomzodlar psixologik oʻrganish oʻtkaziladigan xonaga oʻzining biometrik pasporti yoki identifikatsiya ID-kartasini koʻrsatgan holda kiritiladi.
53. Test sinovlari oʻtkazilayotgan xonaga jadval, kitob, uyali telefon, kompyuter, kalkulyator hamda boshqa telekommunikatsiya vositalari va shpargalkalar olib kirish taqiqlanadi.
54. Nomzodlar barcha harakatlarni komissiya aʼzolari koʻrsatmalariga muvofiq bajaradi. Mazkur koʻrsatmalarga amal qilmagan nomzod xonadan chiqarib yuboriladi hamda u test sinovlarini bajarmagan hisoblanadi.
55. Nomzodlar bilan test sinovlari yakka tartibda yoki guruh boʻlib oʻtkazilishi mumkin. Test guruh tarkibida oʻtkazilganda, xonada nomzodlar soni 30 nafardan oshmasligi zarur.
56. Test boshlangunga qadar nomzodlar sogʻligʻining holati surishtiriladi. Oʻzini yomon his qilayotganidan shikoyat qilgan nomzodlar shu kuni test sinoviga qoʻyilmaydi. Bunday hollarda nomzodga boshqa kuni qayta test sinovidan oʻtish uchun ruxsat berilishi lozim.
57. Psixologik oʻrganish davomida nomzodlarga ikki qismdan iborat boʻlgan test asosida vazifalar beriladi.
Bunda, birinchi qismda (intellektual rivojlanganlik darajasini oʻrganish) nomzodlarga 40 ta topshiriqdan iborat boʻlgan 3 ta vazifa, ikkinchi qismda esa, (psixoemotsional barqarorlik darajasini oʻrganish) 141 ta savoldan, shuningdek javoblarning samimiy yoki nosamimiyligini aniqlash yoʻnalishi boʻyicha beriladigan 15 ta savoldan iborat 1 ta vazifa beriladi.
58. Nomzodga berilgan vazifalarni bajarish uchun 1 soat 30 daqiqa, shuningdek har bir vazifani oʻqib chiqish uchun qoʻshimcha 5 daqiqadan — umumiy 1 soat 50 daqiqa vaqt beriladi.
59. Savollarning oʻziga xosligidan kelib chiqib, javob variantlari berilishi yoki berilmasligi mumkin. Nomzodlar test savollariga javob variantlarini belgilashda javoblar varaqasidagi variantlardan faqat bitta toʻgʻri javobni belgilashi lozim.
60. Test sinovlarini topshirish vaqtida nomzodning xonadan chiqishi taqiqlanadi, bundan nomzodning sogʻligʻi yomonlashgan holatlar mustasno.
61. Test sinovlarini oʻtkazish vaqtida sinovlar oʻtkazilayotgan xonada nomzodlar hamda kichik komissiya aʼzolaridan tashqari boshqa shaxslarning boʻlishi taqiqlanadi.
62. Nomzodning psixologik test savollariga bergan javoblari 2 kun ichida mazkur Yoʻriqnomaning 10-ilovasiga muvofiq Psixologik test natijalarini hisoblash jadvali asosida kichik komissiya aʼzolari tomonidan hisoblab chiqiladi.
63. Psixologik testlarni bajarmagan, shuningdek test natijalari qoniqarsiz baholangan nomzodlarga sinovni qayta topshirishga ruxsat berilmaydi.
64. Test sinovining natijalari boʻyicha, u oʻtkazilgan kundan boshlab 2 kun ichida kichik komissiyaning psixologik oʻrganish tadbirlarida ishtirok etgan aʼzolari tomonidan mazkur Yoʻriqnomaning 11-ilovasiga muvofiq shaklda qaydnoma rasmiylashtiriladi va imzolanadi.
Psixologik oʻrganish natijalari qaydnoma rasmiylashtirilgan kunning oʻzida nomzodlarga eʼlon qilinishi lozim.
65. Psixologik oʻrganish natijalariga asosan quyidagi xulosalardan biri chiqariladi:
ichki ishlar organlarida xizmatga tavsiya etish haqida;
ichki ishlar organlarida xizmatga tavsiya etmaslik haqida.
66. Baholash natijalariga koʻra, ichki ishlar organlarida xizmatga tavsiya etilgan nomzodlargina yakuniy suhbatga qoʻyiladi.
6-bob. Yakuniy suhbat oʻtkazish
67. Yakuniy suhbat nomzodlarning aqliy salohiyati, xizmat oʻtashga ruhan tayyorligi, kirishimliligi, shuningdek xodim uchun zarur boʻlgan boshqa maʼnaviy-axloqiy va kasbiy jihatdan muhim xislatlarga egaligini aniqlash maqsadida huquqshunoslik va “tarbiya” fanlari boʻyicha bilimlarni hamda kasbga oid umumiy dunyoqarashni baholash orqali ogʻzaki savol-javob tarzida oʻtkaziladi.
68. Yakuniy suhbatga tanlovning dastlabki oʻrganish, jismoniy tayyorgarlik darajasini baholash hamda intellektual rivojlanganlik darajasi va psixoemotsional barqarorlikni baholash tadbirlaridan muvaffaqiyatli oʻtgan nomzodlar kiritiladi.
69. Yakuniy suhbatda, qoida tariqasida, bir lavozimga kamida ikkita nomzod ishtirok etishi lozim. Bunda, tanlov natijasiga koʻra, yakuniy suhbatga kirishga faqatgina bitta nomzod tavsiya etilgan boʻlsa, keyingi tanlovlar natijasiga koʻra, kamida yana bir nafar nomzod tavsiya etilgunga qadar yakuniy suhbat oʻtkazilmaydi (mazkur Yoʻriqnomaning 3-bandi “d” kichik bandi hamda 5-bandida nazarda tutilgan nomzodlarni yakuniy suhbatdan oʻtkazishda ushbu talab qoʻyilmaydi).
70. Yakuniy suhbat Qabul komissiyasi tomonidan kollegiallik prinsipi asosida har bir fan boʻyicha Ichki ishlar vazirligi tizimidan kamida bir nafardan malakali mutaxassis jalb etilgan holda oʻtkaziladi.
71. Yakuniy suhbat savollari bazasi Ichki ishlar vazirligi Kasbiy tayyorgarlik boshqarmasi tomonidan tegishli sohaviy xizmatlar bilan hamkorlikda ishlab chiqiladi hamda Oʻzbekiston Respublikasi ichki ishlar vaziri yoki uning oʻrinbosari tomonidan tasdiqlanadi va Ichki ishlar vazirligi Kasbiy tayyorgarlik boshqarmasi tomonidan vazirlikning rasmiy veb-saytiga muntazam ravishda joylashtirib boriladi.
Bunda, nomzodlarga Ichki ishlar vazirligining rasmiy veb-saytiga joylashtirilmagan savollar berilishiga yoʻl qoʻyilmaydi.
72. Imtihon oʻtkazilishidan bir soat oldin Qabul komissiyasi aʼzolari ishtirokida kompyuterda maxsus dasturdan foydalangan holda savollar bazasidan har bir fandan 1 tadan — jami 3 ta savol koʻrsatilgan biletlar shakllantiriladi. Biletlarda savollarning takrorlanishiga yoʻl qoʻyilmaydi.
73. Nomzodlarga yakuniy suhbat oʻtkaziladigan xonaga jadval, kitob, uyali telefon, kompyuter, kalkulyator hamda boshqa telekommunikatsiya vositalari va shpargalkalar olib kirish taqiqlanadi.
74. Nomzodlar yakuniy suhbat oʻtkaziladigan xonaga biometrik pasporti yoki identifikatsiya ID-kartasini koʻrsatgan holda kiritiladi.
75. Nomzodlarga yakuniy suhbat oʻtkazish boʻyicha asosiy tushunchalar va zarur maʼlumotlar tanlov tadbiri boshlanishidan oldin Qabul komissiyasi aʼzolari tomonidan beriladi.
76. Nomzodlar biletni ixtiyoriy ravishda tanlab oladi va undagi savollarga ixtiyoriy ketma-ketlikda javob beradi.
Har bir biletda quyidagi yoʻnalishlar boʻyicha savollar kiritiladi:
birinchi savol — huquqshunoslik fani;
ikkinchi savol — “tarbiya” fani;
uchinchi savol — kasbga oid umumiy dunyoqarashni aniqlashga qaratilgan savol.
77. Nomzodlarga savollarga tayyorgarlik koʻrishlari uchun 15 daqiqa vaqt beriladi. Agarda nomzod ushbu vaqtdan foydalanishni lozim deb topmasa, tayyorgarlik koʻrmasdan javob berishiga ruxsat etiladi.
78. Nomzodlarning biletga tayyorgarlik koʻrishlari uchun yakuniy suhbat oʻtkazish xonasiga tutash boʻlgan alohida auditoriya ajratiladi. Unga 5 nafargacha nomzodlar kiritilib, biletlarga tayyorgarlik koʻrish jarayoni Qabul komissiyasi kotibi tomonidan nazorat qilinadi.
79. Nomzodlar savollarga bergan javoblariga qarab, quyidagi mezonlar asosida har bir savol boʻyicha “10” ballik tizimda baholanadi:
nomzod toʻgʻri xulosa va qaror qabul qiladi, ijodiy fikrlay oladi, mustaqil mushohada yuritadi, amalda qoʻllay oladi, mohiyatini tushunadi, biladi va aytib beradi deb topilganda — 8 — 10 ball;
nomzod mustaqil mushohada yuritadi, amalda qoʻllay oladi, mohiyatini tushunadi, biladi, aytib beradi va tasavvurga ega deb topilganda — 5 — 7 ball;
nomzod mohiyatini qisman tushunadi, biladi, aytib beradi va tasavvurga ega deb topilganda — 3-4 ball;
nomzod bilmaydi, aytib bera olmaydi va tasavvurga qisman ega deb topilganda — 1-2 ball qoʻyiladi;
nomzod bilmaydi, aytib bera olmaydi va tasavvurga ega emas deb topilganda — ball qoʻyilmaydi.
80. Nomzodlarga qoʻyilgan ballar umumlashtiriladi. Bunda, yakuniy suhbat davomida toʻplanishi mumkin boʻlgan maksimal ball — 30 ballni tashkil etadi.
81. Yakuniy suhbatga qatnashmagan nomzodlarga ball qoʻyilmaydi.
82. Yakuniy suhbat oʻtkazilgan kundan keyingi kundan kechiktirmay uning natijalari nomzodlarga eʼlon qilinadi.
Qabul komissiyasi kotibi tomonidan nomzodlarning jismoniy tayyorgarlik darajasini baholash va yakuniy suhbat tadbirlarida toʻplagan ballari umumlashtirilib, mazkur Yoʻriqnomaning 12-ilovasiga muvofiq shaklda Tanlov natijalari boʻyicha qaydnoma (bundan buyon matnda qaydnoma deb yuritiladi) rasmiylashtiriladi. Umumlashtirilgandagi maksimal ball — 60 ballni tashkil etadi.
83. Qaydnoma Qabul komissiyasining har bir aʼzosi tomonidan imzolanadi hamda tasdiqlash uchun komissiya raisiga taqdim etiladi.
Qaydnomaning koʻchirma nusxasi nomzodlar va boshqa fuqarolar koʻrishi uchun qulay boʻlgan joyda (axborot stendlari yoki ichki ishlar organlarining xizmat binolari devorlarida) ilib qoʻyiladi.
84. Ichki ishlar organlaridagi mavjud boʻsh lavozimlar sonini hisobga olgan holda jismoniy tayyorgarlik darajasini baholash va yakuniy suhbatning umumlashtirilgan natijalariga koʻra, eng yuqori ball toʻplagan nomzodlar xizmatga qabul qilinadi.
85. Agar ikki yoki bir nechta nomzodlarning umumiy toʻplagan ballari teng boʻlib qolsa, ularning intellektual rivojlanganlik darajasi va psixoemotsional barqarorlikni baholash tadbirida qayd etgan natijasi inobatga olingan holda eng yaxshi koʻrsatkichga ega nomzod tanlab olinadi.
86. Tanlov tadbirlari boshlanishidan oldin dastlabki oʻrganish, jismoniy tayyorgarlik darajasini baholash, intellektual rivojlanganlik darajasi va psixoemotsional barqarorlikni baholash hamda yakuniy suhbat natijalari yuzasidan nomzodlarning ariza va shikoyatlarini koʻrib chiqish uchun Qabul komissiyasi raisining buyrugʻiga asosan Apellatsiya komissiyasi tashkil etiladi.
87. Apellatsiya komissiyasiga ariza va shikoyatlar tanlovning tegishli bosqichi boʻyicha natijalar eʼlon qilingan kundan boshlab bir hafta mobaynida taqdim etilishi mumkin.
88. Apellatsiya komissiyasi taqdim etilgan ariza va shikoyatlarni ular tushgan kundan boshlab uch ish kunidan oshmagan muddatda murojaat qilgan nomzod ishtirokida koʻrib chiqadi.
Apellatsiya komissiyasi qarori ustidan belgilangan tartibda yuqori turuvchi organga yoki sudga shikoyat qilinishi mumkin.
89. Tanlov tadbirlari davomida rasmiylashtirilgan barcha hujjatlar (dastlabki oʻrganish varaqalari, qaydnomalar va komissiya bayonnomalarining nusxalari) nomzodlarning shaxsiy hujjatlar yigʻmajildiga biriktirib qoʻyiladi.
90. Tanlovdan oʻtmagan nomzodlar boʻyicha tanlov tadbirlari davomida rasmiylashtirilgan barcha hujjatlar hamda tanlovning barcha bosqichlari aks etgan videotasvir materiallari kadrlar bilan taʼminlash boʻlinmalarida besh yil muddat davomida saqlanadi, keyin esa dalolatnoma asosida yoʻq qilinadi.
7-bob. Yakuniy qoida
91. Mazkur Yoʻriqnoma talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 1-ILOVA
Ichki ishlar organlariga xizmatga tanlovlarsiz qabul qilinadigan tor ixtisoslik boʻyicha mutaxassisliklar va lavozimlar
Axborot texnologiyalari, aloqa va axborotni himoyalash, rivojlantirish hamda kompyuterlashtirilgan boʻlinmalari boʻyicha
boshqarma, markaz, boʻlim (boʻlinma) boshligʻi va oʻrinbosarlari, bosh mutaxassis, yetakchi mutaxassis, oʻta muhim ishlar boʻyicha tezkor vakil, katta tezkor vakil, katta mutaxassis-muhandis, katta inspektor, muhandis, kichik inspektor, kichik mutaxassis, operator.
kompyuter texnologiyalari va informatika taʼlim sohasi; aloqa va axborotlashtirish, telekommunikatsiya texnologiyalari taʼlim sohasi (pochta aloqasi texnologiyasi, axborotlashtirish va kutubxonashunoslik taʼlim yoʻnalishlari bundan mustasno).
Kiberxavfsizlik boʻlinmalari boʻyicha
Markaz boshligʻi, oʻrinbosari va boʻlim boshligʻi, bosh mutaxassis, mutaxassis, oʻta muhim ishlar boʻyicha tezkor vakil, katta tezkor vakil.
axborot-kommunikatsiya texnologiyalari taʼlim sohasi (tibbiyotda kompyuter tizimlari televizion texnologiyalar, audiovizual texnologiyalar, telestudiya tizimlari va ilovalari, axborot-kommunikatsiya texnologiyalari sohasida iqtisodiyot va menejment, pochta aloqasi texnologiyasi, televideniye, radioaloqa va radioeshittirish, audio-video texnologiyalar, maxsus yoritish texnologiyalari taʼlim yoʻnalishlari bundan mustasno);
taʼlimda axborot texnologiyalari; intellektual mulk va axborot texnologiyalari huquqi;
elektronika;
mikroelektronika;
matematik injiniring;
elektronika va elektron texnikasi (tarmoqlar boʻyicha) mutaxassisliklari;
texnologik jarayonlar va ishlab chiqarishni avtomatlashtirish va boshqarish (tarmoqlar boʻyicha);
mexatronika va robototexnika;
intellektual muhandislik tizimlari (tarmoqlar va sohalar boʻyicha);
texnologik jarayonlarni boshqarishning axborot-kommunikatsiya tizimlari, elektron apparaturalar ishlab chiqarish texnologiyasi;
amaliy kosmik texnologiyalar;
dronlarni loyihalash va ekspluatatsiya qilish taʼlim yoʻnalishlari.
Jamoatchilik va ommaviy axborot vos�talari bilan aloqalar boʻlinmalari boʻyicha
boshqarma boshligʻi va oʻrinbosari, boʻlim (boʻlinma), markaz, axborot xizmati boshligʻi, matbuot kotibi, bosh rejissor, prodyuser, mutaxassis inspektor, muharrir, muharrir oʻrinbosarlari, muhim topshiriqlar boʻyicha inspektor, (katta) mutaxassis, yetakchi mutaxassis-muharrir, mutaxassis-muxbir, muxbir, operator, kichik inspektor.
jurnalistika (faoliyat turlari boʻyicha) taʼlim yoʻnalishi;
kompyuter texnologiyalari va informatika taʼlim sohasi;
rejissorlik taʼlim yoʻnalishi.
Xalqaro hamkorlik boʻlinmalari boʻyicha
boshqarma boshligʻi va oʻrinbosari, boʻlim (boʻlinma) boshligʻi, bosh inspektor, muhim topshiriqlar boʻyicha inspektor.
jahon siyosati (mintaqalar boʻyicha) taʼlim yoʻnalishi;
sharq falsafasi va madaniyati taʼlim yoʻnalishi;
xalqaro jurnalistika (faoliyat turlari boʻyicha) mutaxassisligi;
xalqaro huquq mutaxassisligi.
Nazorat-taftish inspeksiyalari boʻyicha
boshqarma boshligʻi va oʻrinbosari, boʻlim boshligʻi, bosh taftishchi, katta taftishchi, taftishchi.
iqtisodiy taʼlim sohasi.
Moliya-iqtisod boʻlinmalari boʻyicha
boshqarma boshligʻi va oʻrinbosarlari, boʻlim (boʻlinma) boshligʻi, bosh inspektor, muhandis, mutaxassis, muhandis-iqtisodchi, yetakchi mutaxassis, buxgalter, gʻaznachi, iqtisodchi.
iqtisodiy taʼlim sohasi.
Kapital qurilish va taʼmirlash boʻlinmalari boʻyicha
boshqarma boshligʻi va oʻrinbosari, boʻlim (boʻlinma) boshligʻi, bosh mutaxassis.
iqtisodiy taʼlim sohasi;
arxitektura va qurilish taʼlim sohasi;
geodeziya, kartografiya va kadastr taʼlim sohasi.
Xoʻjalik boʻlinmalari boʻyicha
boshqarma boshligʻi va oʻrinbosari, boʻlim boshligʻi, bosh muhandis, katta muhandis-energetik, katta muhandis-iqtisodchi, katta mutaxassis-zootexnik, katta inspektor-muhandis, katta muhandis, inspektor-muhandis.
iqtisodiy taʼlim sohasi;
arxitektura va qurilish taʼlimi sohasi.
Moddiy texnika taʼminoti boʻlinmalari boʻyicha
boshqarma boshligʻi va oʻrinbosari, boʻlim (boʻlinma, xizmat) boshligʻi va oʻrinbosari, bosh muhandis, muhandis, bosh mutaxassis, yetakchi mutaxassis.
moliya mutaxassisligi;
materialshunoslik va yangi materiallar texnologiyasi (tarmoqlar boʻyicha) taʼlim yoʻnalishi;
�r usti transport tizimlari va ularning ekspluatatsiyasi (transport turlari boʻyicha) taʼlim yoʻnalishi;
metrologiya, standartlashtirish va mahsulot sifati menejmenti (tarmoqlar boʻyicha) taʼlim yoʻnalishi;
oziq-ovqat xavfsizligi mutaxassisligi;
toʻqimachilik va yengil sanoat mashinalari hamda apparatlari mutaxassisligi;
toʻqimachilik va yengil sanoat mahsulotlari materialshunosligi, ekspertizasi va sifat nazorati mutaxassisligi.
farmatsevt-provizor, dorixona boshligʻi, tibbiy omborxona boshligʻi, ambulatoriya boshligʻi, farmatsevt assistenti, laborant, tibbiy roʻyxatchi, feldsher, tibbiy hamshira, shifokor-epidemiolog yordamchisi, sanitariya shifokori yordamchisi
sogʻliqni saqlash taʼlim sohasi.
Axloqiy-psixologik taʼminlash boʻlinmalari boʻyicha
boʻlinma boshligʻi, bosh psixolog, yetakchi mutaxassis-psixolog, yetakchi mutaxassis-psixolog-poligrafolog, katta psixolog, katta psixolog-poligrafolog, kriminalist-psixolog, psixolog, profilaktika xizmatining inspektor-psixologlari.
pedagogika va psixologiya mutaxassisligi;
sotsiologiya va psixologiya taʼlim sohasining psixologiya taʼlim yoʻnalishi.
Kinologiya xizmati boʻyicha
boʻlim boshligʻi, laboratoriya, veterinariya xizmati boshligʻi, boʻlinma boshligʻi, oʻqituvchi.
veterinariya taʼlim sohasi;
qishloq, oʻrmon va baliqchilik xoʻjaligi taʼlim sohasining zootexnika yoʻnalishi.
qishloq, oʻrmon va baliqchilik xoʻjaligi taʼlim sohasining zootexnika yoʻnalishi.
Madaniyat saroyi va orkestr boʻyicha
madaniyat saroyi boshligʻi-badiiy rahbar, madaniyat saroyi boshligʻi oʻrinbosari-qoʻshiq va raqs ansambli boshligʻi, ansambl boshligʻi oʻrinbosari, ansambl boshligʻining yordamchisi, oliy, birinchi, ikkinchi va uchinchi toifali artist;
orkestr boshligʻi-bosh dirijyor, orkestr boshligʻi oʻrinbosari-dirijyor, orkestr boshligʻining tarbiyaviy ishlar boʻyicha oʻrinbosari, orkestr boshligʻining yordamchisi, konsertmeyster, katta musiqachi, musiqachi.
sanʼat taʼlim sohasi (haykaltaroshlik, amaliy sanʼat, xoreografiya taʼlim yoʻnalishlari bundan mustasno)
Ekspert-kriminalistika bosh markazining Portlash-texnik ekspertizalar boʻlimi boʻyicha
boʻlim boshligʻi, bosh ekspert, katta ekspert.
kimyoviy texnologiya taʼlim yoʻnalishi;
biotexnologiya taʼlim yoʻnalishi.
Ekspert-kriminalistika bosh markazining raqamli ekspertizalar boʻlimi boʻyicha
boʻlima boshligʻi, bosh ekspert, katta ekspert.
axborot xavfsizligi, kompyuter texnologiyalari va informatika, aloqa va axborotlashtirish, telekommunikatsiya texnologiyalari taʼlim sohasi.
Ekspert-kriminalistika bosh markazining Genetik tadqiqotlar va shaxsning genom axborotini davlat roʻyxatiga olish boʻlimi boʻyicha
Boʻlim boshligʻi, bosh ekspert, katta ekspert
biologiya (turlari boʻyicha) taʼlim yoʻnalishi.
Migratsiya va fuqarolikni rasmiylashtirish boʻlinmalarining elektron axborot tizimlari va axborot xavfsizligi yoʻnalishi boʻyicha
boshqarma boshligʻi, boʻlim (boʻlinma, guruh) boshligʻi, bosh inspektor, muhim topshiriqlar boʻyicha inspektor, katta inspektor, inspektor
kompyuter texnologiyalari va informatika taʼlim sohasi;
aloqa va axborotlashtirish, telekommunikatsiya texnologiyalari taʼlim sohasi (pochta aloqasi texnologiyasi, axborotlashtirish va kutubxonashunoslik taʼlim yoʻnalishlari bundan mustasno);
dasturlash va axborot texnologiyalari;
axborot xavfsizligi;
axborot-kommunikatsiya texnologiyalari;
kompyuter injiniring;
dasturiy injiniring.
Maxsus operatsiyalarni muvofiqlashtirish boshqarmasi, Maxsus tayyorgarlik oʻquv markazi boʻyicha
modellashtirish va simulatsiya boʻyicha bosh mutaxassis;
aloqa vositalari va axborot-kommunikatsiya texnologiyalari boʻyicha bosh mutaxassis.
kompyuter texnologiyalari taʼlim sohasi;
kompyuter injiniringi (multimedia texnologiyalari) taʼlim sohasi;
televideniye, radioaloqa va radioeshittirish taʼlim sohasi;
aloqa va axborotlashtirish, telekommunikatsiya texnologiyalari taʼlim sohasi.
qidiruv asbob-uskunalari, radioelektron himoya qilish vositalari va robototexnika boʻyicha bosh mutaxassis;
radioelektron qurilmalar boʻyicha bosh mutaxassis.
elektr texnikasi, elektr mexanikasi va elektr texnologiyalari taʼlim yoʻnalishi;
radioelektron qurilmalar va tizimlar (tarmoqlar boʻyicha) (antenalar va oʻta yuqori chastotali qurilmalardan tashqari);
elektronika va elektron texnikasi (tarmoqlar boʻyicha).
portlovchi, kimyoviy va zaharlovchi moddalar boʻyicha bosh mutaxassis.
kimyo (fan yoʻnalishi boʻyicha).
Maxsus operatsiyalarni muvofiqlashtirish boshqarmasi, Toshkent metropoliteni boʻyicha maxsus otryad
radiatsion va kimyoviy xavfsizlik boʻyicha guruh bosh mutaxassisi.
kimyo (fan yoʻnalishi boʻyicha).
Terrorizm va ekstremizmga qarshi kurashish boʻlinmalarining Mafkuraviy targʻibot yoʻnalishi boʻyicha
Bosh mutaxassis, yetakchi mutaxassis
dinshunoslik; islomshunoslik, psixologiya (din sotsopsixologiyasi).
(1-ilova Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 2-ILOVA
Ichki ishlar organlariga xizmatga qabul qilish uchun alohida mutaxassislik talab etiladigan lavozimlar
departament boshligʻi, birinchi oʻrinbosari, oʻrinbosarlari, boshqarma boshliqlari, oʻrinbosarlari, boʻlim boshliqlari, boʻlinma boshliqlari, oʻta muhim ishlar boʻyicha tergovchi, katta tergovchi, tergovchi, katta surishtiruvchi, surishtiruvchi.
Huquqiy taʼlim sohasi.
Yuridik taʼminlash boʻlinmalari boʻyicha
boshqarma boshligʻi, oʻrinbosari, boʻlim, boʻlinma boshligʻi, bosh yuriskonsult, yetakchi yuriskonsult, katta yuriskonsult, yuriskonsult.
Huquqiy taʼlim sohasi.
Huquqbuzarliklar profilaktikasi xizmati boʻyicha**
Profilaktika katta inspektori.
Huquqiy taʼlim sohasi.
Axloqiy-psixologik taʼminlash boʻlinmalari boʻyicha
boʻlinma boshligʻi, bosh psixolog; yetakchi mutaxassis-psixolog, yetakchi mutaxassis-psixolog — poligrafolog, katta psixolog, katta psixolog-poligrafolog, psixolog.
pedagogika va psixologiya mutaxassisligi;
sotsiologiya va psixologiya taʼlim sohasining psixologiya taʼlim yoʻnalishi.
Migratsiya va fuqarolikni rasmiylashtirish boʻlinmalari boʻyicha
bosh boshqarma boshligʻi, oʻrinbosari, boshqarma boshliqlari, boʻlim, boʻlinma boshligʻi, bosh inspektor, muhim topshiriqlar boʻyicha inspektor, katta inspektor, inspektor.
huquqiy taʼlim sohasi;
gumanitar taʼlim sohasi;
kompyuter texnologiyalari va informatika taʼlim sohasi;
aloqa va axborotlashtirish, telekommunikatsiya texnologiyalari taʼlim sohasi (pochta aloqasi texnologiyasi, axborotlashtirish va kutubxonashunoslik taʼlim yoʻnalishlari bundan mustasno).
Yoʻl harakati xavfsizligi boʻlinmalari boʻyicha
boshqarma boshligʻi, boshliq oʻrinbosari, boʻlim boshligʻi, muhim topshiriqlar boʻyicha inspektor, katta inspektor, inspektor, brigada, batalon, divizion komandiri va oʻrinbosarlari, yoʻl-patrul xizmati (katta) inspektori.
er usti transport tizimlari va ularning ekspluatatsiyasi taʼlim yoʻnalishi;
avtomobillar va avtomobil xoʻjaligi mutaxassisligi;
avtomobil yoʻllari va aerodromlar taʼlim yoʻnalishi;
koʻpriklar, tonnellar va metropoliten qurilishi mutaxassisligi;
avtomobil transporti, yoʻl qurilish mashinalari va jihozlarining ekspluatatsiyasi taʼlim yoʻnalishi;
transport inshootlarining ekspluatatsiyasi taʼlim yoʻnalishi;
qiymat injiniringi taʼlim yoʻnalishi;
shahar yoʻllari va koʻchalari taʼlim yoʻnalishi;
kasbiy taʼlim-avtomobil va aerodromlar;
kasbiy taʼlim-transport vositalarini ishlatish va taʼmirlash taʼlim yoʻnalishi;
menejment-avtotransport boʻyicha taʼlim yoʻnalishi;
marketing-avtotransport boʻyicha taʼlim yoʻnalishi;
transport vositalarini ishlatish va taʼmirlash taʼlim yoʻnalishi;
tashishlarni tashkil etish va transport logistikasi taʼlim yoʻnalishi;
elektr texnikasi, elektr mexanikasi va elektrtexnologiyalari (avtomobil transporti) taʼlim yoʻnalishi;
xizmat koʻrsatish texnikasi va texnologiyasi (xizmat koʻrsatish tarmoqlari boʻyicha) taʼlim yoʻnalishi;
xizmatlar sohasi (avtotransport boʻyicha) taʼlim yoʻnalishi;
ekologiya va atrof muhit muhofazasi (avtotransport boʻyicha) taʼlim yoʻnalishi;
bino va inshootlar qurilishi mutaxassisligi taʼlim yoʻnalishi;
harakat xavfsizligini tashkil etish mutaxassisligi;
ichki yonuv dvigatellarini sinash va ulardan foydalanish mutaxassisligi;
koʻtarish, tashish va yoʻl qurilish mashinalari taʼlim yoʻnalishi;
huquqiy taʼlim sohasi;
harbiy taʼlim sohasi.
Ekspert-kriminalistika markazi boʻyicha
markaz boshligʻi, oʻrinbosari, boʻlim, boʻlinma boshligʻi, bosh ekspert, katta ekspert, ekspert.
tabiiy fanlar taʼlim sohasi;
hayotiy faoliyat xavfsizligi taʼlim sohasi;
ishlab chiqarish texnologiyalari taʼlim sohasi;
tasviriy sanʼat va muhandislik grafikasi taʼlim yoʻnalishi;
filologiya va tillarni oʻqitish taʼlim yoʻnalishining lingvistika mutaxassisligi;
konchilik ishi taʼlim yoʻnalishi;
elektr texnikasi, elektr mexanikasi va elektrtexnologiyalari taʼlim yoʻnalishi;
radioelektron qurilmalar va tizimlar taʼlim yoʻnalishi;
axborot xavfsizligi taʼlim yoʻnalishi;
kimyoviy texnologiya taʼlim yoʻnalishi;
biotexnologiya taʼlim yoʻnalishi;
kompyuter texnologiyalari va informatika taʼlim sohasi;
bino va inshootlar qurilishi taʼlim yoʻnalishi;
aloqa va axborotlashtirish, telekommunikatsiya texnologiyalari taʼlim sohasi;
buxgalteriya hisobi va audit taʼlim yoʻnalishining buxgalteriya hisobi, audit mutaxassisliklari;
farmatsiya taʼlim yoʻnalishi;
oziq-ovqat texnologiyasi taʼlim yoʻnalishi;
dizayn taʼlim yoʻnalishi;
er usti transport tizimlari va ularning ekspluatatsiyasi taʼlim yoʻnalishining yer usti transport vositalari va tizimlari mutaxassisligi;
huquqiy taʼlim sohasi.
*Izohlar:
1. Ushbu roʻyxatdagi ayrim lavozimlar mazkur Yoʻriqnomaning 1-ilovasiga muvofiq Ichki ishlar organlariga xizmatga tanlovlarsiz qabul qilinadigan tor ixtisoslik boʻyicha mutaxassisliklar va lavozimlar roʻyxatiga kiritilganligi bois, ushbu lavozimlar uchun nomzodlar xizmatga tanlovlarsiz qabul qilinadi;
2. Oʻzbekiston Respublikasi Prezidentining 2021-yil 29-noyabrdagi PF-27-son “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida”gi Farmoniga asosan 2024-yil 1-sentabrdan eʼtiboran Toshkent shahar ichki ishlar organlari, 2025-yil 1-sentabrdan boshlab qolgan hududiy ichki ishlar organlari profilaktika katta inspektori lavozimlariga faqat oliy yuridik maʼlumotga ega boʻlgan xodimlar tayinlanadi.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 3-ILOVA
Ichki ishlar organlarining oʻttiz yoshdan katta fuqarolar qabul qilinishi mumkin boʻlgan boʻlinmalari va lavozimlari
ROʻYXATI
1. Axborot texnologiyalari, aloqa va axborotni himoyalash, rivojlantirish hamda kompyuterlashtirilgan va kiberxavfsizlik boʻlinmalari boʻyicha:
boshqarma boshligʻi;
boshqarma boshligʻi oʻrinbosari — telekommunikatsiya va radioaloqa boʻlimi boshligʻi;
boshqarma boshligʻi oʻrinbosari — axborot tizimlari va maʼlumotlar bazasini joriy qilish boʻlimi boshligʻi;
boʻlim va boʻlinma boshligʻi;
bosh va yetakchi mutaxassis;
katta mutaxassis-muhandis;
katta muhandis;
katta inspektor;
muhim topshiriqlar boʻyicha inspektor;
mutaxassis, muhandis, kichik mutaxassis;
oʻta muhim ishlar boʻyicha tezkor vakil;
katta tezkor vakil.
2. Nazorat-taftish inspeksiyasi boʻyicha:
inspeksiya boshligʻi;
inspeksiya boshligʻi oʻrinbosari;
boʻlim boshligʻi;
bosh va katta taftishchi;
taftishchi.
3. Moliya va moddiy-texnika taʼminoti xizmatlari boʻyicha:
boshqarma boshliqlari;
boshqarma boshligʻi oʻrinbosari;
boʻlim, boʻlinma boshligʻi;
bosh iqtisodchi;
bosh muhandis-iqtisodchi;
bosh va yetakchi mutaxassis;
bosh muhandis;
bosh buxgalter, buxgalter;
gʻaznachi;
iqtisodchi.
4. Kapital qurilish va taʼmirlash xizmatlari boʻyicha:
boshqarma boshligʻi;
boshqarma boshligʻi oʻrinbosari;
boʻlim va boʻlinma boshligʻi;
bosh mutaxassis.
5. Xoʻjalik xizmatlari hamda jazoni ijro etish muassasalari va tashkilotlari boʻyicha:
departament boshligʻining ishlab chiqarishni rivojlantirish boʻyicha oʻrinbosari;
ishlab chiqarishni tashkil etish boshqarmasi boshligʻi;
boshqarma boshligʻi oʻrinbosari — ishlab chiqarish va qishloq xoʻjaligi boʻlimi boshligʻi;
korxona direktori — koloniya boshligʻining ishlab chiqarishni rivojlantirish boʻyicha oʻrinbosari;
transport boʻlimi boshligʻi;
bosh muharrir;
yetakchi va katta mutaxassis;
yetakchi mutaxassis-muharrir;
katta mutaxassis-muxbir;
katta mutaxassis-masʼul kotib;
mutaxassis-muxbir;
bosh va katta muhandis;
katta muhandis-energetik;
katta muhandis-iqtisodchi;
katta mutaxassis-zootexnik;
uchastka boshligʻi;
mutaxassis;
sex boshligʻi;
katta inspektor-muhandis;
inspektor-muhandis.
6. Jamoatchilik va ommaviy axborot vositalari bilan aloqalar boʻlinmalari boʻyicha:
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 4-ILOVA
Ichki ishlar organlariga xizmatga qabul qilishda alohida antropometrik parametrlar belgilanadigan boʻlinmalar va lavozimlar
ROʻYXATI
1. Boʻyining balandligi 175 sm. dan past boʻlmagan erkaklar va 170 sm. dan past boʻlmagan ayollar qabul qilinadigan lavozimlar:
Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boʻlinmalarining yoʻl-patrul xizmati safarbarlik guruhi komandirlari;
yoʻl-patrul xizmati (katta) inspektorlari.
2. Boʻyining balandligi 170 sm. dan past boʻlmagan erkaklar va 165 sm. dan past boʻlmagan ayollar qabul qilinadigan lavozimlar:
a) Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boʻlinmalarining ushbu Roʻyxatning 1-bandida koʻrsatilgan lavozimlardan tashqari barcha lavozimlari;
b) Oʻzbekiston Respublikasi Ichki ishlar vazirligi Jamoat xavfsizligi departamenti Jamoat tartibini saqlash boʻlinmalarining:
brigada, batalon va otryad komandirlari hamda ularning xizmat boʻyicha oʻrinbosarlari;
guruh komandirlari;
haydovchi-xodimlar (bundan navbatchilik qismlari va taʼminlash boʻlinmalari haydovchi-xodimlari mustasno);
safdor xodimlar;
otliq xodimlar;
ijtimoiy-siyosiy, ommaviy-madaniy tadbirlarni oʻtkazishda xavfsizlikni taʼminlash bataloni va otryadlarning barcha lavozimlari.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 5-ILOVA
_________________________ga
(harbiy unvoni, F.I.O.)
_________________________da
(nomzodning manzili)
yashovchi ____________________
________________________dan
(nomzodning F.I.O.)
ARIZA
Sizdan, ichki ishlar organlariga xizmatga kirish uchun oʻtkaziladigan tanlovda nomzod sifatida ishtirok etishimga ruxsat berishingizni soʻrayman.
Sinovlarni ________________ tilida topshiraman.
(oʻzbek, rus, qoraqalpoq)
Xizmat zaruriyatiga koʻra lozim topilgan hududda xizmat qilishga tayyorman. Xizmat boʻyicha menga maʼlum boʻlgan davlat, harbiy va xizmatga oid maʼlumotlarni sir saqlashga vaʼda beraman.
_______________
_______________
_______________
sana
imzo
F.I.O.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 6-ILOVA
Ichki ishlar organlaridagi xizmatga nomzodlarni tanlab olish tadbirlarini tashkil etish va oʻtkazish boʻyicha qabul komissiyasining namunaviy
TARKIBI
Rais:
Ichki ishlar organi rahbarining oʻrinbosari — maʼnaviy-maʼrifiy ishlar va kadrlar bilan taʼminlash xizmati boshligʻi.
Rais oʻrinbosari:
Maʼnaviy-maʼrifiy ishlar va kadrlar bilan taʼminlash xizmati boshligʻi oʻrinbosari.
Komissiya aʼzolari:
Tegishli sohaviy xizmat boshliqlari;
Shaxsiy xavfsizlik boshqarmasi (boʻlimi) boshligʻi;
Yuridik taʼminlash boshqarmasi (boʻlimi) boshligʻi;
Tibbiyot boshqarmasi (boʻlimi) boshligʻi;
Kasbiy tayyorgarlik boshqarmasi (boʻlimi) boshligʻi;
Maʼnaviy-maʼrifiy ishlar va kadrlar bilan taʼminlash xizmati mutaxassis-psixologi;
Faxriylar kengashi aʼzosi;
Yoshlar ittifoqi boshlangʻich tashkiloti yetakchisi;
Jamoatchilik va ommaviy axborot vositalari bilan aloqalar boshqarmasining masʼul xodimi.
Komissiya kotibi:
Kadrlar bilan taʼminlash xizmati masʼul xodimi.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 7-ILOVA
Nomzodni dastlabki oʻrganish
VARAQASI
Nomzodning familiyasi,
ismi va otasining ismi
fotosurat
(3x4 sm.)
1.
Tugʻilgan sanasi va joyi
(pasport yoki identifikatsiya ID-kartasi maʼlumotlari asosida)
2.
Yashash manzili
3.
Doimiy yashash joyi boʻyicha roʻyxatga olingan manzili
(pasport yoki identifikatsiya ID-kartasi maʼlumotlari asosida)
4.
Qurolli Kuchlardagi xizmati
(harbiy guvohnoma maʼlumotlari asosida)
5.
Boʻyining balandligi
(sogʻligʻining holati haqida maʼlumotnoma asosida)
6.
Maʼlumoti
7.
Ish joyi
Nomzodni dastlabki oʻrganish natijasi boʻyicha xulosa: ________________________ ___________________________________________________________________________________________________________________________________________________________________ .
Kichik komissiya raisi
________
_________________
imzo
(F.I.O., unvoni)
“Qaror bilan tanishdim va yuqorida qayd etilgan maʼlumotlar toʻgʻriligini tasdiqlayman”:
Nomzod
________
________________
imzo
(F.I.O.)
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 8-ILOVA
Nomzodlarning jismoniy tayyorgarlik darajasini
BAHOLASh MEZONLARI
1. Erkak jinsidagi nomzodlar uchun:
T/r
Mashqning nomi
Oʻlchov birligi
Baholash koʻrsatkichlari
aʼlo
asosiy ball
yaxshi
asosiy ball
qoniqarli
asosiy ball
1.
Turnikda tortilish
marta
16 va undan yuqori
10
14-15
7
12-13
5
2.
100 metrga yugurish
soniya
14,0 ichida
10
14,1 — 14,4
7
14,5 — 15,0
5
3.
3000 metrga yugurish
daqiqa, soniya
12,30 ichida
10
12,31 — 12,50
7
12,51 — 13,25
5
2. Ayol jinsidagi nomzodlar uchun:
T/r
Mashqning nomi
Oʻlchov birligi
Baholash koʻrsatkichlari
aʼlo
asosiy ball
yaxshi
asosiy ball
qoniqarli
asosiy ball
1.
Kuch ishlatish mashqlari kompleksi
marta
34 va undan yuqori
10
32-33
7
28 — 31
5
2.
100 metrga yugurish
soniya
17,0 ichida
10
17,01 — 17,8
7
17,9 — 18,4
5
3.
1000 metrga yugurish
daqiqa, soniya
4,30 ichida
10
4,31 — 4,50
7
4,51 — 5,20
5
(8-ilova Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 9-ILOVA
Nomzodlarning jismoniy tayyorgarlik darajasi natijalari boʻyicha
QAYDNOMA
20__ yil “____” ____________.
1. Erkak jinsidagi nomzodlar uchun:
T/r
Nomzodlarning F.I.O.
Mashqlarning nomi va baholash
Umumiy ball
Toʻsinda (turnikda) tortilish
100 metrga yugurish
3000 metrga yugurish
natija
ball
natija
ball
natija
ball
1.
2.
3.
4.
5.
6.
7.
8.
9.
...
Komissiya aʼzolari:
__________________________
(imzo)
_______________________
(F.I.O.)
__________________________
(imzo)
_______________________
(F.I.O.)
__________________________
(imzo)
_______________________
(F.I.O.)
2. Ayol jinsidagi nomzodlar uchun:
T/r
Nomzodlarning F.I.O.
Mashqlarning nomi va baholash
Umumiy ball
kuch ishlatish mashqlari kompleksi
100 metrga yugurish
3000 metrga yugurish
natija
ball
natija
ball
natija
ball
1.
2.
3.
4.
5.
6.
7.
8.
9.
...
Komissiya aʼzolari:
__________________________
(imzo)
_______________________
(F.I.O.)
__________________________
(imzo)
_______________________
(F.I.O.)
__________________________
(imzo)
_______________________
(F.I.O.)
(9-ilova Oʻzbekiston Respublikasi ichki ishlar vazirining 2022-yil 24-oktabrdagi 450-sonli buyrugʻi (roʻyxat raqami 3352-1, 11.11.2022-y.) tahririda — Qonunchilik maʼlumotlari milliy bazasi, 11.11.2022-y., 10/22/3352-1/1013-son)
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 10-ILOVA
Ichki ishlar organlarida xizmatga tavsiya etilmaydi
*Izoh: Jadvalda koʻrsatilgan vazifalarning (tegishli shkalalar bilan birga) har biri boʻyicha ichki ishlar organlarida xizmatga tavsiya etish uchun zarur boʻlgan natijani qayd etgan nomzodlargina xizmatga tavsiya etiladi. Bunda, vazifalarning (tegishli shkalalar bilan birga) aqalli bittasi boʻyicha qoniqarsiz natija qayd etgan nomzod xizmatga tavsiya etilmaydi.
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 11-ILOVA
Psixologik test sinovlari natijalari boʻyicha
QAYDNOMA
20__ yil “____” ____________
T/r
Nomzodning
F.I.O.
Intellektual rivojlanganlik darajasi boʻyicha natija
Psixoemotsional barqarorlik darajasi boʻyicha natija
Yakuniy xulosa
1-vazifa
2-vazifa
3-vazifa
4-vazifa
Asab-ruhiy turgʻunlik shkalasi
Kommunikativ qobiliyatlar shkalasi
Tashkilotchilik qobiliyatlari shkalasi
Samimiylik shkalasi
1.
2.
3.
4.
...
Komissiya aʼzolari:
______________________
______________________________
(imzo)
(F.I.O.)
______________________
______________________________
(imzo)
(F.I.O.)
______________________
______________________________
(imzo)
(F.I.O.)
Ichki ishlar organlarida xizmatga nomzodlarni tanlab olish tadbirlarini tashkil etish va oʻtkazish tartibi toʻgʻrisidagi yoʻriqnomaga 12-ILOVA
LexUZ sharhi