Jamgʻarma mazkur bandning birinchi xatboshisidagi tashkilotlarning barcha huquqlari, majburiyatlari va shartnomalari boʻyicha huquqiy vorisi hisoblanadi;

ilmiy faoliyatga oid davlat dasturlariga Oʻzbekiston Respublikasi Davlat budjetidan ajratiladigan mablagʻlar Jamgʻarma tomonidan moliyalashtiriladi.

6. Barcha vazirlik va idoralar, mahalliy ijro etuvchi hokimiyat organlari, xoʻjalik birlashmalari, ustav fondida davlat ulushi 50 foiz va undan yuqori boʻlgan yirik tashkilotlarda amaldagi rahbar oʻrinbosarlaridan biriga innovatsiyalarni joriy etish (Chief Innovation Officer) vazifasi yuklatilsin.

Innovatsiyalarni joriy etish vazifasi yuklatilgan rahbar oʻrinbosarlarining tegishli yoʻnalishdagi faoliyatini muvofiqlashtirish Vazirlikka yuklatilsin hamda ularning bazaviy lavozim maoshiga har oyda 30 foiz miqdorida ustama toʻlansin.

7. Qoraqalpogʻiston Respublikasi va viloyatlarda innovatsion hududga aylantirilayotgan tumanlar roʻyxati 3-ilovaga muvofiq tasdiqlansin.

Vazirlik (I.Y. Abduraxmonov) Qoraqalpogʻiston Respublikasi Vazirlar Kengashi raisi va viloyatlar hokimlari bilan birgalikda bir oy muddatda 3-ilovada koʻrsatilgan tumanlarni innovatsion hududlarga aylantirish boʻyicha dasturlarni ishlab chiqsin va tasdiqlasin.

8. Namangan viloyati Chust tumani hokimligi boshqaruv apparatida hokimlikning umumiy shtat birliklari cheklangan soni doirasida tuman hokimining innovatsiyalarni rivojlantirish masalalari boʻyicha oʻrinbosari lavozimi (keyingi oʻrinlarda — hokim oʻrinbosari) joriy etilsin.

Belgilab qoʻyilsinki:

hokim oʻrinbosari Oʻzbekiston Respublikasi innovatsion rivojlanish vazirining tavsiyanomasi asosida belgilangan tartibda lavozimga tayinlanadi va lavozimidan ozod etiladi;

Chust tumanida yangi hududiy innovatsion infratuzilmalar yaratish va innovatsion tadbirkorlikni rivojlantirish maqsadida “Yashnobod” innovatsiya texnoparki rezidentlarini eksterritorial tamoyil asosida Chust tumani hududida joylashtirishga ruxsat etiladi.

9. Vazirlik tomonidan ilmiy tashkilotlar reytingi yuritilayotganligi hamda ularning ilmiy va innovatsion faoliyatini baholash tizimi joriy etilganligi maʼlumot uchun qabul qilinsin.

Vazirlik hamda Oliy va oʻrta maxsus taʼlim vazirligi manfaatdor vazirlik va idoralar bilan birgalikda uch oy muddatda oliy taʼlim muassasalarining ilmiy va innovatsion faoliyatini baholash tizimini joriy qilsin.

10. Shunday tartib oʻrnatilsinki, unga muvofiq:

Vazirlik tomonidan har kalendar yil yakuni boʻyicha ilmiy tashkilotlarning hamda har oʻquv yili yakuni boʻyicha oliy taʼlim muassasalarining ilmiy va innovatsion faoliyati baholanadi;

Vazirlik baholash natijalariga koʻra oliy taʼlim muassasalari va ilmiy tashkilotlar rahbarlari, shu jumladan rektor (direktor) hamda ularning ilmiy ishlar va innovatsiyalar boʻyicha prorektoriga (direktor oʻrinbosariga) nisbatan ragʻbatlantirish yoki intizomiy jazolarni qoʻllash haqida tizimida oliy taʼlim muassasalari va ilmiy tashkilotlari boʻlgan tegishli vazirlik va idoralarga taqdimnoma kiritadi;

oliy taʼlim muassasalari va ilmiy tashkilotlar rahbarlarining (rektor, direktor) ilmiy ishlar va innovatsiyalar boʻyicha prorektor va direktor oʻrinbosari Oʻzbekiston Respublikasi innovatsion rivojlanish vazirining taqdimnomasiga muvofiq tizimida oliy taʼlim muassasalari va ilmiy tashkilotlari boʻlgan tegishli vazirlik va idoralar rahbarining buyrugʻiga asosan lavozimga tayinlanadi va lavozimidan ozod etiladi.

11. Investitsiyalar va tashqi savdo vazirligi Tashqi ishlar vazirligi va Vazirlik bilan birgalikda 2021-yil 1-mayga qadar nufuzli xorijiy universitetlar va ilmiy markazlar bilan ilmiy-innovatsion sohada ikki tomonlama oʻzaro manfaatli hamkorlikni rivojlantirishga qaratilgan chora-tadbirlar rejasini tasdiqlasin va amalga oshirilishini taʼminlasin.

12. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.

13. Vazirlik bir oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur Farmon ijrosini samarali tashkil etishga masʼul va shaxsiy javobgar etib innovatsion rivojlanish vaziri I.Y. Abduraxmonov belgilansin.

Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022-yil 1-yanvarga qadar axborot berilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 1-aprel,

PF-6198-son

Oʻzbekiston Respublikasi Prezidentining 2021-yil 1-apreldagi PF-6198-son Farmoniga
1-ILOVA

Innovatsion rivojlanish vazirligining 2021-2022-yillardagi ustuvor faoliyat yoʻnalishlarini amalga oshirish boʻyicha amaliy chora-tadbirlar

DASTURI

Oldingi tahrirga qarang.

T/r	Tadbirlar nomi	Amalga oshirish mexanizmi	Bajarish muddatlari	Moliyalashtirish manbalari	Masʼul ijrochilar
I. Biotexnologiyalarni rivojlantirish sohasida
1.	Biotexnologik yoʻl bilan Oʻzbekiston sharoitida koronavirus infeksiyasiga qarshi mahalliy vaksina yaratish.	1. Biotexnologik yoʻl bilan koronavirus infeksiyasiga qarshi yangi avlod vaksinalarini yaratishga yoʻnaltirilgan texnologiyalarni ishlab chiqish uchun ilmiy izlanishlarni olib borish.	2021-yil 1-iyul	Ilmiy faoliyatga oid davlat dasturlariga ajratilgan mablagʻlar, ijrochilar mablagʻlari, davlat budjeti mablagʻlari, xalqaro moliya institutlari va xorijiy tashkilotlarning grantlar	Innovatsion rivojlanish vazirligi, Fanlar akademiyasi, Sogʻliqni saqlash vazirligi, Genomika va bioinformatika markazi, Oʻsimlik moddalari kimyosi instituti, Mikrobiologiya instituti, Bioorganik kimyo instituti, Immunologiya va inson genomikasi instituti, Virusologiya ilmiy-tadqiqot instituti, Farmatsevtika tarmogʻini rivojlantirish agentligi
		2. Vaksinalarning laboratoriya sharoitida tajriba namunalarini ishlab chiqarish texnologiyasini yaratish, vaksina samaradorligi va xavfsizligini aniqlash boʻyicha ilmiy-tadqiqotlarni amalga oshirish.	2021-yil 15-sentabr
		3. Yaratilgan vaksinalarning tajriba namunalarini ishlab chiqish va ilmiy-texnikaviy hujjatlarni shakllantirish.	2021-yil 1-dekabr
		4. Yaratilgan vaksinalarning klinik sinovlarini oʻtkazish.	2022-yil 1-dekabr
		5. Biotexnologik yoʻl bilan yaratilgan mahalliy vaksinalarni davlat roʻyxatidan oʻtkazish va ommaviy ishlab chiqarishni yoʻlga qoʻyish.	2022-yil 1-mart
2.	Yuqumli kasalliklarni aniqlash uchun yangi tashxislash test-tizimlari — gepatit V virusi DNKsini aniqlash uchun sezuvchanligi 99 foizdan kam boʻlmagan PZR diagnostikum ishlab chiqish.	1. Gepatit V virusi genomining genetik strukturasini tahlil qilish, PZR tahlilini oʻtkazish uchun zarur boʻlgan sintezlangan va tozalangan praymer hamda fluoresent zondlarning eritmalarini tayyorlash.	2021-yil 1-sentabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Oʻsimlik moddalari kimyosi instituti
		2. Gepatit V virusining DNKsi PZR tahlilini laboratoriya tekshiruvidan oʻtkazish va natijalariga koʻra gepatit V virusining DNKga nisbatan yuqori aniqlik va sezuvchanlikka ega boʻlgan praymerlar va fluoresent zondlarini tanlab olish.	2022-yil 1-mart
		3. Ishlab chiqilgan diagnostikumni tibbiyot muassasalarida klinik sinovlardan oʻtkazish va uni davlat roʻyxatidan oʻtkazish uchun texnik hujjatlarni tayyorlash.	2022-yil 10-avgust
		4. Sezuvchanligi 99 foizdan kam boʻlmagan va 100 foiz oʻziga xoslikka ega PZR diagnostikumini ishlab chiqish, uni PZR tahlillari yordamida klinik namunalarda gepatit V virusi DNKsini aniqlash uchun qoʻllash.	2022-yil 15-sentabr
		5. Diagnostikumni davlat roʻyxatidan oʻtkazish.	2022-yil 15-noyabr
3.	Zamonaviy post-genomik texnologiyalar asosida oʻsimliklarning yangi genotiplari — makkajoʻxorining qurgʻoqchilikka, shoʻrxoklikka va sovuqqa bardoshligi yangi navlarini yaratish.	1. Qishloq xoʻjaligi ekinlarida qurgʻoqchilikka aloqador nomzod genlar roʻyxatini tuzish. NCBI, Yensemble Plants databazalaridan nomzod genning makkajoʻxoridagi ortologini izlab topish. Vektor konstruksiya tayyorlashda foydalaniladigan oraliq vektorlarni koʻpaytirib olish.	2021-yil 1-dekabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Qishloq xoʻjaligi vazirligi, Genomika va bioinformatika markazi
		2. Toʻqima kulturasi va somatik embriogenez usullarini qoʻllagan holda genetik konstruksiyani makkajoʻxori hujayrasiga kiritish.	2022-yil 1-noyabr
		3. Genomida CRISPR/CAS9 vektor konstruksiya oʻtirgan T0 oʻsimliklardan T1 avlod olish va fitotron sharoitida dastlabki morfologik belgilarni aniqlash.	2022-yil 15-dekabr
		4. Zamonaviy genlarni tahrirlovchi texnologiyalardan foydalangan holda qurgʻoqchilik, shoʻrxoklik va sovuqqa bardoshli yangi makkajoʻxori navlarini yaratish, koʻpgina resurslarni, xususan, suv, mineral oʻgʻitlar va koʻplab ishchi kuchini tejab, koʻproq hosil olishga erishish.	2022-yil 21-dekabr
4.	“Gene pyramiding” texnologiyalari asosida tola sifati yuqori boʻlgan, qurgʻoqchilik va shoʻrxoklikka chidamli, yuqori hosildor paxta navini yaratish.	1. Tola sifati va vilt kasalligiga chidamli boʻlgan bir nechta QTL (Quantitative trait locus-miqdoriy belgilar lokuslari) lokuslarini genlarni piramidalash usuli bilan bir genotipga jamlangan avlod duragaylarini olish uchun ilmiy tadqiqotlarni amalga oshirish.	2021-yil 10-dekabr	Ilmiy faoliyatga oid davlat dasturlariga ajratilgan mablagʻlar	Fanlar akademiyasi, Innovatsion rivojlanish vazirligi, Qishloq xoʻjaligi vazirligi, Genomika va bioinformatika markazi
		2. Qurgʻoqchilik va shoʻrxoklikka chidamli boʻlgan gʻoʻza liniyalari asosida yangi avlod duragay namunalarini olish.	2022-yil 15-noyabr
		3. Olingan yangi avlod duragaylarida laboratoriya tahlillarini oʻtkazish hamda urugʻlarini tayyorlash.	2022-yil 1-dekabr
		4. Yangi avlod duragaylari laboratoriya tahlillarini davom ettirish hamda urugʻlarini tayyorlab dala sharoitida koʻchatzorlar tashkil etish uchun ekish.	2022-yil 1-dekabr
		5. Qurgʻoqchilik, shoʻrlanishga chidamlilikni taʼminlovchi va tola sifati belgilariga genetik birikkan yangi gʻoʻza navini belgilangan tartibda sinovdan oʻtkazish. Taqdim etilgan yangi gʻoʻza naviga patent olish choralarini koʻrish.	2022-yil 15-dekabr
II. Tuproq unumdorligini oshirish sohasida
5.	Namangan va Toshkent viloyatlarida mobil laboratoriyalar tarmogʻini tashkil etib, tuproqdagi mavjud foydali va zararli moddalarni aniqlash asosida qishloq xoʻjaligi ekinlarining agrokimyoviy xaritalarini ishlab chiqish.	1. Namangan va Toshkent viloyatlarida mobil laboratoriyalar tarmogʻini tashkil etish.	2021-yil 1-dekabr	Ilmiy loyihalarga ajratilgan davlat budjeti mablagʻlari, mahalliy budjet mablagʻlari	Innovatsion rivojlanish vazirligi, Qishloq xoʻjaligi vazirligi, Namangan viloyati hokimligi, Toshkent viloyati hokimligi
		2. Mobil laboratoriyalar va qishloq xoʻjaligi korxonalari hamkorligida ekin yerlari tuprogʻida mavjud foydali va zararli moddalar darajasini baholash ishlarini tashkil etish.	2022-yil 1-fevral
		3. Mobil laboratoriyalarda agrokimyoviy xaritalarni ishlab chiqish va ular asosida tavsiyalar tayyorlashni yoʻlga qoʻyish.	2022-yil 1-mart
6.	Qoraqalpogʻiston Respublikasi, Namangan, Fargʻona, Surxondaryo va Toshkent viloyatlarida tanlab olingan pilot yer maydonlarida tuproqlarning sogʻlomlik darajasini baholovchi tuproq-ekologik xaritalarini ishlab chiqish.	1. Tuproqning sogʻlomlik darajasini baholovchi indekslarni va uslubiy koʻrsatmani ishlab chiqish.	2021-yil 1-sentabr	Ilmiy loyihalarga ajratilgan davlat budjeti mablagʻlari, mahalliy budjet mablagʻlari	Innovatsion rivojlanish vazirligi, Qishloq xoʻjaligi vazirligi, Qoraqalpogʻiston Respublikasi Vazirlar Kengashi, Namangan, Fargʻona, Surxondaryo va Toshkent viloyati hokimliklari
		2. Tuproqning sogʻlomlik darajasini baholovchi indekslar asosida Qoraqalpogʻiston Respublikasi, Namangan, Fargʻona, Surxondaryo va Toshkent viloyatlarida tanlab olingan pilot yer maydonlarida dala tadqiqotlarini oʻtkazish va tuproq-ekologik xaritalarini ishlab chiqish.	2021-yil 1-dekabr
7.	Ishlab chiqilgan agrokimyoviy va tuproq-ekologik xaritalari asosida tanlab olingan pilot yer maydonlarida asosiy qishloq xoʻjaligi ekinlarini sinovdan oʻtkazish.	1. Asosiy qishloq xoʻjaligi ekin turlarini aniqlab olish va ekilishini taʼminlash.	2022-yil 1-aprel	Ilmiy loyihalarga ajratilgan davlat budjeti mablagʻlari	Qishloq xoʻjaligi vazirligi, Innovatsion rivojlanish vazirligi, Tuproqshunoslik va agrokimyo ilmiy-tadqiqot instituti
		2. Vegetatsiya davrida har bir ekin turi boʻyicha fenologik kuzatuvlarni olib borish, tuproq tarkibidagi zaharli elementlarni oʻsimlik vegetativ organlariga va hosiliga taʼsirini oʻrganish.	2022-yil 1-oktabr
		3. Olingan yakuniy maʼlumotlar asosida zaharli elementlarning tuproqqa, asosiy qishloq xoʻjaligi ekinlariga va hosiliga salbiy taʼsirlari va tuproqni sogʻlomlashtirish tadbirlari yuzasidan uslubiy qoʻllanma ishlab chiqish.	2022-yil 1-dekabr
8.	Sirdaryo viloyati Mirzaobod tumani tuproqlarida agrokimyoviy xaritalar asosida tuproq resurslarini kompleks monitoring qilish va boshqarish tizimining informatsion taʼminotini ishlab chiqish.	1. Sunʼiy intellekt va katta maʼlumotlar texnologiyalari asosida tahlil qilishning mavjud uslublarini oʻrganish va yangi mos uslublar ishlab chiqish hamda raqamli tuproqshunoslik asoslarini shakllantirish.	2021-yil 1-dekabr	Ilmiy loyihalarga ajratilgan davlat budjeti mablagʻlari	Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi huzuridagi Raqamli texnologiyalar va sunʼiy intellektni rivojlantirish ilmiy-tadqiqot instituti, Qishloq xoʻjaligi vazirligi
		2. Mirzaobod tumani tuproqlarini kompleks tahlil qilish asosida tuproq holati maʼlumotlari bazasini shakllantirish.	2022-yil 1-iyul
		3. Sunʼiy intellekt texnologiyalarida katta hajmdagi maʼlumotlarni tahlil qilish uslublaridan foydalangan holda tuproq holati, uning unumdorlik koʻrsatkichlari hamda mazkur koʻrsatkichlarning oʻzaro funksional bogʻlanishi asosida intellektual modellar ishlab chiqish.	2022-yil 1-sentabr
		4. Ishlab chiqilgan modellar asosida tuproq resurslarini tezkor, aniq va samarali tahlil qilish, baholash, monitoring qilish hamda boshqarish yuzasidan ilmiy asoslangan tavsiyalar beruvchi interaktiv tizimni ishlab chiqish va joriy qilish.	2022-yil 1-dekabr
9.	Buxoro viloyati Buxoro tumanida geoaxborot tizimi texnologiyalari yordamida tuproqlar degradatsiyasini baholash va xaritalash.	1. Tuproqlar degradatsiyasini baholash uchun zarur indikatorlar tizimini ishlab chiqish.	2021-yil 1-may	FAO grant mablagʻlari, Ilmiy loyihalarga ajratilgan davlat budjeti mablagʻlari	Innovatsion rivojlanish vazirligi, Qishloq xoʻjaligi vazirligi, Tuproqshunoslik va agrokimyo ilmiy-tadqiqot instituti, Buxoro viloyati hokimligi
		2. Buxoro tumani misolida tuproqlar degradatsiyasi holatini tahlil qilish va tanlab olingan degradatsiya indikatorlari asosida baholash.	2021-yil 1-oktabr
		3. Geoaxborot tizimi texnologiyalaridan foydalangan holda pilot yer maydoni degradatsiyasi holatining 3D agrokimyoviy va tuproq ekologik xaritalarini ishlab chiqish.	2021-yil 1-dekabr
10.	FargʻonaviloyatiFurqat tumanidagi pilot yer maydonlar misolida sugʻoriladigan shoʻrlangan qishloq xoʻjaligi yerlarining tezkor maʼlumotlari va ularni qayta ishlashga yoʻnaltirilgan “Shoʻrlangan tuproq” mobil ilova yaratish	1. “Shoʻrlangan tuproq” mobil ilovasini yaratish maqsadida Fargʻona viloyati Furqat tumanidan yer maydoni tanlash hamda dala tuproq tadqiqotlarini bajarish.	2022-yil 1-aprel	Ilmiy loyihalarga ajratilgan davlat budjeti mablagʻlari	Qishloq xoʻjaligi vazirligi, Innovatsion rivojlanish vazirligi, Tuproqshunoslik va agrokimyo ilmiy tadqiqot instituti, Fargʻona viloyati hokimligi
		2. Laboratoriya va kameral sharoitda tanlangan yer maydoni tuproqlarining umumiy holati boʻyicha maʼlumotlarni olish.	2022-yil 1-avgust
		3. Pilot yer maydoni tuproqlarining mexanik tarkibi, shoʻrlanish darajasi va tiplari, umumiy va zaharli tuzlar miqdori, tuproq muhitining maʼlumotlari bazasini yaratish.	2022-yil 1-noyabr
		4. Sugʻoriladigan qishloq xoʻjaligi yerlari shoʻrlangan maydonlarining geoserver xaritasidan foydalangan holda mobil ilovasini yaratish.	2022-yil 1-dekabr
		5. Mobil ilovaga yerdan foydalanuvchilarning joylashgan oʻrnini aniqlash imkonini beruvchi “geolokatsiya” funksiyasini kiritish.	2022-yil 1-dekabr
		6. Yerdan foydalanuvchilar uchun shoʻrlangan yerlardan samarali foydalanish tadbirlarini keng tatbiq qilish mavzularida ilmiy-amaliy roliklar tayyorlash va ommaviy axborot vositalarida yoritish.	2022-yil 1-dekabr
III. “Sunʼiy intellekt”ni joriy etish sohasida
11.	Toshkent shahri Nurafshon koʻchasida “aqlli svetofor”lar orqali yoʻl harakatini tartibga solish tizimini joriy qilish.	1. Nurafshon koʻchasida 12 ta “aqlli svetofor” oʻrnatilishi uchun mavjud chorrahalar tahlilini qilish va takliflar ishlab chiqish.	2021-yil aprel	Mahalliy budjet va shu maqsadlar uchun jalb qilingan boshqa mablagʻlar hisobidan	Toshkent shahar hokimligi, Ichki ishlar vazirligi, Innovatsion rivojlanish vazirligi
		2. “Aqlli svetofor” obyektlarini qurish boʻyicha loyiha-smeta hujjatlarini ishlab chiqish.	2021-yil may
		3. Nurafshon koʻchasida 12 ta “aqlli svetofor” oʻrnatish va 3 oy sinov muddati davomida monitoring ishlarini olib borish.	2021-yil avgust
12.	Oʻzbek tili nutqini tanib olish va sintez qilish texnologiyasini yaratish.	1. Nutqni tanib olish, sintez qilish va tahrirlashning raqamli texnologiyasini yaratish mavzusida tanlov eʼlon qilish.	2021-yil 1-may	Ilmiy loyihalarga ajratilgan davlat budjeti mablagʻlari	Innovatsion rivojlantirish vazirligi
		2. Kelib tushgan loyihalarni ilmiy-texnik ekspertizadan oʻtkazish.	2021-yil 1-iyun
		3. Tanlovda gʻolib boʻlgan loyiha ijrochisi bilan shartnoma tuzish.	2021-yil 1-iyul
		4. Ilmiy-tadqiqot loyihasini moliyalashtirish.	2021-yil 1-sentabr
13.	Taʼlim jarayonida keng foydalaniladigan “aqlli displey” texnologiyalarini joriy etish.	1. “Aqlli displey” prototiplarini yaratish uchun texnik topshiriq ishlab chiqish.	2021-yil 1-iyun	Ilmiy loyihalarga ajratilgan davlat budjeti mablagʻlari, mahalliy va xorijiy investitsiyalar, budjetdan tashqari mablagʻlar	Innovatsion rivojlanish vazirligi, loyiha tashabbuskorlari
		2. “Aqlli displey”larni mahalliylashtirish yuzasidan chora-tadbirlar dasturini ishlab chiqish.	2021-yil 1-iyul
		3. Ilmiy loyiha tanlovini eʼlon qilish va tanlov natijasiga koʻra gʻoliblarni aniqlash, loyihalarni moliyalashtirish va amalga oshirilishini monitoring qilish.	2021-yil 1-sentabr
		4. “Aqlli displey”ning dasturiy taʼminoti va kontentini ishlab chiqish.	2021-yil 1-noyabr
		5. “Aqlli displey” qurilmalarini forsayt, forum va innoweyek tadbirlari doirasida joriy etilishini taʼminlash.	2022-yil 1-aprel
		6. Tayyor mahsulotni elektrotexnika va elektronika sanoatiga shartnoma asosida yetkazib berish.	2022-yil 1-may
14.	“I-SUD” intellektual tizimini joriy qilish.	1. Nutq va matnni tanib olish hamda matnlarni tasniflash uchun maʼlumotlar bazasini shakllantirish.	2021-yil 1-iyul	Ilmiy loyihalarga ajratilgan davlat budjeti mablagʻlari	Oliy sud, Innovatsion rivojlanish vazirligi
		2. Sud hujjatlarini avtomatik ravishda tayyorlashda intellektual dasturiy taʼminotni yaratish.	2021-yil 1-oktabr
		3. Dasturiy taʼminotni sinovdan oʻtkazish.	2021-yil 1-dekabr
		4. “I-SUD” intellektual tizimini joriy qilish.	2022-yil 1-fevral
IV. Qayta tiklanuvchi energetikani rivojlantirish sohasida
15.	Vodorod olish uchun moʻljallangan quyosh energiyasi asosida ishlaydigan qurilmaning tajriba namunasini yaratish.	1. Quyosh elektr modullari asosida elektrolizer ishlab chiqish metodikasini yaratish.	2021-yil 1-may	Ilmiy loyihalarga ajratilgan davlat budjeti mablagʻlari	Fanlar akademiyasi, Innovatsion rivojlanish vazirligi, Energetika vazirligi, Materialshunoslik instituti
		2. Quvvati 10 kVtga teng elektrolizer tajriba nusxasini yaratish va sinovdan oʻtkazish.	2021-yil 1-noyabr
		3. Yaratilgan texnologiya asosida vodorodning tajriba partiyasini ishlab chiqarishni tashkil qilish.	2022-yil 1-iyul
16.	Oʻzbekistondagi “Katta quyosh pechi”da quyosh termokimyoviy sikli yordamida vodorod ishlab chiqarish.	1. Termokimyoviy sikl asosida vodorod olish tizimini modellashtirish.	2021-yil 1-oktabr	Ilmiy loyihalarga ajratilgan davlat budjeti mablagʻlar	Fanlar akademiyasi, Innovatsion rivojlanish vazirligi, Energetika vazirligi, Fizika-texnika instituti
		2. Quvvati 10 kVtga teng reaktorning tajriba nusxasini yaratish va sinovdan oʻtkazish.	2021-yil 31-dekabr
		3. Yaratilgan texnologiya asosida vodorodning tajriba partiyasini ishlab chiqarishni tashkil qilish.	2022-yil 31-dekabr
17.	Respublikada karbon tolalarini ishlab chiqarish texnologiyasini yaratish.	1. Ilmiy loyiha tanlovini eʼlon qilish.	2021-yil 1-iyun	Ilmiy loyihalarga ajratilgan davlat budjeti mablagʻlari	Innovatsion rivojlanish vazirligi, Fanlar akademiyasi, Materialshunoslik instituti
		2. Gʻolib loyihani moliyalashtirish.	2021-yil 1-sentabr
		3. Texnologiyaning tajriba-pilot qurilmasini yaratib, tijoratlashtirishga tayyorlash.	2023-yil 1-may
		4. Yaratilgan texnologiya asosida mahsulotning tajriba partiyasini ishlab chiqarishni tashkil qilish.	2023-yil 1-iyul
18.	Import oʻrnini bosuvchi neft-gaz konlaridan kern namunalari olish snaryadlarini yaratish.	1. Ilmiy loyiha tanlovini eʼlon qilish.	2021-yil 1-iyun	Ilmiy loyihalarga ajratilgan davlat budjeti mablagʻlari, ijrochilar mablagʻlari	Innovatsion rivojlanish vazirligi, Davlat geologiya qoʻmitasi, “Oʻzbekneftgaz” AJ
		2. Gʻolib loyihani moliyalashtirish.	2021-yil 1-sentabr
		3. Texnologiyaning tajriba-pilot qurilmasini yaratib, tijoratlashtirishga tayyorlash.	2022-yil 1-may
		4. Yaratilgan texnologiya asosida mahsulotning tajriba partiyasini ishlab chiqarishni tashkil qilish va isteʼmolchilarga shartnoma asosida yetkazib berish.	2022-yil 1-iyul
V. Chorvachilikni rivojlantirish sohasida
19.	Jaydari “merinos” zotli qoʻy va “angor” zotli echkilarning sermahsul genotiplarini yaratish, goʻshtdor va jundor qoʻylarning genofondini saqlash va koʻpaytirish.	1. Loyihani amalga oshirish uchun asosiy materiallar, shu jumladan, seleksiya va genetika amallari uchun zarur uskuna va jihozlarni xarid qilish.	2021-yil 1-oktabr	Ilmiy loyihalarga ajratilgan davlat budjeti, Veterinariya xizmati va chorvachilikni rivojlantirish jamgʻarmasi, mahalliy budjet mablagʻlari	Veterinariya va chorvachilikni rivojlantirish davlat qoʻmitasi, Innovatsion rivojlanish vazirligi, Toshkent viloyati hokimligi
		2. Toshkent viloyati Ohangaron tumanida goʻshtdor va jundor qoʻylarning genofondini tahlil qilish asosida jaydari zotli qoʻy va “angor” zotli echkilarning sermahsul genotiplarini yaratishning seleksiya usullarini ishlab chiqish.	2022-yil 1-aprel
		3. Reproduktiv funksiya va hayotiylik darajasining pasayishi, anomaliyalar tarqalishining sabablarini tahlil qilish orqali ularning oldini olishning ilmiy asoslangan tizimini ishlab chiqish.	2022-yil 1-avgust
		4. Goʻshtdor va jundor (“merinos”) qoʻylarning sonini 25 ming boshga, iqtisodiy samaradorligini 32 foizga, sof jun miqdorini 65tonna/yil, goʻsht va sut mahsuldorligini 30 — 32 foizga oshirish.	2022-yil 1-oktabr
		5. Jaydari zotli qoʻy va “angor” zotli echkining molekulyar genetikasi laboratoriyasini yaratish, qishloq xoʻjaligi hayvonlarida molekulyar genetik va sitogenetik tadqiqotlar boshlash va shu asosda hayvonlarning genetik monitoringini yoʻlga qoʻyish.	2022-yil 1-iyul
20.	Sut mahsulotlarini ishlab chiqarish samaradorligini oshirishda innovatsion yashil gidroponika ozuqasini yetishtirishni tashkil qilish.	1. Loyihani amalga oshirish uchun asosiy materiallarni xarid qilish.	2021-yil 1-sentabr	Ilmiy loyihalarga ajratilgan davlat budjeti mablagʻlari, loyiha tashabbuskorlari mablagʻlar	Innovatsion rivojlanish vazirligi, loyiha tashabbuskori
		2. Qurilish-montaj ishlarini tashkillashtirish.	2021-yil 1-sentabr
		3. Innovatsion yashil gidroponika uskunasini sertifikatsiyadan oʻtkazish.	2022-yil 1-fevral
		4. Innovatsion yashil gidroponika ozuqasini yetishtirish.	2022-yil 1-may
21.	Yuqori oqsilli va kompakt koʻrinishdagi silos tayyorlash texnologiyasini joriy qilish.	1. Loyihani amalga oshirish uchun asosiy materiallar, shu jumladan ozuqa-yem tayyorlash uchun zarur uskunalar hamda materiallar xarid qilish.	2021-yil 1-noyabr	Ilmiy loyihalarga ajratilgan davlat budjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Ozuqa ekini yetishtiriladigan yer maydonlarini tayyorlash.	2021-yil 1-noyabr
		3. Amarant, makkajoʻxori va vigna oʻsimliklari ekishni tashkillashtirish.	2022-yil 1-aprel
		4. Amarant, makkajoʻxori va vigna oʻsimliklari birlashmasidan granulalangan yem-ozuqa tayyorlashni yoʻlga qoʻyish. Bunda yangi silosning anʼanaviy silosga nisbatan ozuqa miqdori kamida 8-marta va hajmi 3-marta yuqori boʻlishiga erishish.	2022-yil 1-noyabr
		5. Yangi ishlab chiqarilgan ozuqani belgilangan tartibda sertifikatsiyadan oʻtkazish.	2022-yil 1-dekabr
22.	Turli tuproq-iqlim sharoitlarida kasalliklar va zararkunandalarga chidamli ozuqabop lavlagining “Oʻzbekiston-85” navi birlamchi urugʻchiligini tashkil qilish.	1. Loyihani amalga oshirish uchun asosiy materiallar va zarur uskunalarni xarid qilish.	2021-yil 1-oktabr	Ilmiy loyihalarga ajratilgan davlat budjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Ozuqabop lavlagining “Oʻzbekiston-85” navi ekiladigan yer maydonlarini tayyorlash.	2021-yil 1-noyabr
		3. Ozuqabop lavlagining “Oʻzbekiston-85” navini Ohangaron tumanida ekishni tashkillashtirish. Bunda ildizmeva hosildorligini 900 s/ga (amalda 500 s/ga), undagi qand miqdorining 9 foizga hamda sut mahsuldorligini 15 foizga oshirishni taʼminlash.	2022-yil 1-aprel
		4. Onalik koʻchatzorlarda 25 tonna ildizmevalar va urugʻlik koʻchatzorlaridan 2 tonna urugʻlik tayyorlanishini yoʻlga qoʻyish.	2022-yil 1-noyabr
		5. Chorvachilikka ixtisoslashgan fermer xoʻjaliklarini elita urugʻlik materiallari bilan taʼminlashni yoʻlga qoʻyish.	2022-yil 1-dekabr
23.	Qashqarbedani boshoqli ekinlar bilan aralash holda yetishtirish texnologiyasini ishlab chiqish.	1. Loyihani amalga oshirish uchun asosiy materiallar va zarur uskunalarni xarid qilish.	2021-yil 1-oktabr	Ilmiy loyihalarga ajratilgan davlat budjeti mablagʻlari, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. Qashqarbeda ozuqa ekinini “Oqjoʻxori-8” bilan “qoʻsh ekin” texnologiyasi asosida ekiladigan yer maydonlarini tayyorlash.	2021-yil 1-noyabr
		3. Qashqarbeda va “Oqjoʻxori-8” ozuqa oʻsimliklarini ekishni tashkillashtirish. Bunda hosildorlikni 430 s/ga (amalda 200 s/ga) yetkazish.	2022-yil 1-aprel
		5. Yangi ishlab chiqarilgan ozuqani belgilangan tartibda sertifikatsiyadan oʻtkazish.	2022-yil 1-dekabr
24.	Ozuqabop oʻsimliklar yetishtirish va qayta ishlash asosida yem-ozuqa ishlab chiqarish texnologiyasini yaratish.	1. Loyihani amalga oshirish uchun asosiy materiallar va zarur uskunalarni, shu jumladan granulalashtiradigan uskunalarni xarid qilish.	2021-yil 1-oktabr	Ilmiy loyihalarga ajratilgan davlat budjeti, loyiha tashabbuskorlari mablagʻlari	Innovatsion rivojlanish vazirligi, loyiha tashabbuskorlari
		2. 25 turdagi ozuqabop ekinlar yetishtiriladigan yer maydonlarini har bir oʻsimlik xususiyati asosida tayyorlash.	2021-yil 1-noyabr
		3. Yer tuproq-iqlim sharoitini inobatga olib, ozuqa ekinlarini ekishni tashkillashtirish. Bunda hosildorlikni 30 tonna/ga (amalda 15 tonna/ga) yetkazish agrotexnik choralarini koʻrish.	2022-yil 1-aprel
		4. 25 turdagi ozuqabop ekinlar hosilidan chorvachilik uchun oqsilga boy granulalangan tayyor mahsulot ishlab chiqarishni yoʻlga qoʻyish.	2022-yil 1-noyabr
		5. Yangi ishlab chiqarilgan ozuqa mahsulotlarini belgilangan tartibda sertifikatsiyadan oʻtkazish.	2022-yil 1-dekabr
25.	Oʻzbekistonning yagona milliy qoramol zoti — “Bushuyev” zotli qoramollarning genetik pasportini yaratish, uning mahsuldorlik va pushtdorlik koʻrsatkichlarini yaxshilash.	1. Turli genotipdagi “Bushuyev” zotli qoramollardan qon namunalarini olish va ilmiy tadqiqot ishlarini amalga oshirish.	2021-yil 1-avgust	Ilmiy faoliyatga oid davlat dasturlariga ajratilgan mablagʻlar	Veterinariya va chorvachilikni rivojlantirish davlat qoʻmitasi, Innovatsion rivojlanish vazirligi
		2. “Bushuyev” zotli qoramollarning qon oqsil polimorf tizimlarini oʻrganish va tahlil etish orqali zotning molekulyar panelini ishlab chiqish hamda genetik pasportini yaratish.	2022-yil 10-avgust
		3. Turli genotipdagi “Bushuyev” zotli qoramollarning mahsuldorlik koʻrsatkichlari ular qon, oqsil, polimorf tizimlariga bogʻliq ravishda oʻrganish orqali genetik markerlar asosida zotning mahsuldorlik va pushtdorlik koʻrsatkichlarini aniqlash.	2022-yil 15-sentabr
		4. Sirdaryo viloyatining Sardoba tumanida “Bushuyev” zotli qoramollarni aholi xonadonlarida koʻpaytirish, uning mahsuldorlik va pushtdorlik koʻrsatkichlarini yaxshilash boʻyicha tadqiqotlarni amalga oshirish.	2022-yil 1-dekabr
VI. Qishloq xoʻjaligi sohasida
26.	Chust tumani fermer xoʻjaliklari uchun mayda urugʻli sabzavot ekinlarini ekish mashinasining sanoat namunasini yaratish.	1. Loyihani ilmiy-texnik ekspertizadan oʻtkazish va moliyalashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maxsus taʼlim vazirligi, AJ “Oʻzavtosanoat” Namangan muhandislik qurilish instituti
		2. Uskunaning tajriba nusxasini yaratib, tijoratlashtirishga tayyorlash.	2021-yil 1-noyabr
		3. Yaratilgan texnologiya asosida mahsulot ishlab chiqarishni tashkil qilish.	2021-yil 1-dekabr
		4. Ishlab chiqilgan mahsulotni fermer xoʻjaliklariga shartnoma asosida yetkazib berish.	2022-yildan boshlab
27.	Chust tumani fermer xoʻjaliklari uchun kartoshka kovlagichning sanoat namunasini yaratish.	1. Loyihani ilmiy-texnik ekspertizadan oʻtkazish va moliyalashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maxsus taʼlim vazirligi, AJ “Oʻzavtosanoat”, Namangan muhandislik-qurilish instituti
		2. Uskunaning tajriba nusxasini yaratib, tijoratlashtirishga tayyorlash.	2021-yil 1-oktabr
		3. Yaratilgan texnologiya asosida mahsulot ishlab chiqarishni tashkil qilish.	2021-yil 1-noyabr
		4. Ishlab chiqilgan mahsulotni fermer xoʻjaliklariga shartnoma asosida yetkazib berish.	2022-yildan boshlab
28.	Dehqon va fermer xoʻjaliklari uchun keng qamrovli chizel-kultivatorning sanoat namunasini yaratish.	1. Loyihani ilmiy-texnik ekspertizadan oʻtkazish va moliyalashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maxsus taʼlim vazirligi, AJ “Oʻzavtosanoat”, Namangan muhandislik-qurilish instituti
		2. Chizel-kultivatorning sanoat namunasini tayyorlash uchun texnik hujjatlar ishlab chiqish va ishlab chiqaruvchiga taqdim etish.	2021-yil 25-mart
		3. Texnologiyaning sanoat namunasini yaratib, sinovdan oʻtkazish.	2021-yil 1-oktabr
		4. Yaratilgan texnologiya asosida mahsulot ishlab chiqarishni tashkil qilish.	2021-yil 1-dekabr
		5. Ishlab chiqilgan mahsulotni fermer xoʻjaliklariga shartnoma asosida yetkazib berish.	2022-yildan boshlab
29.	Tolaning sifatini yaxshilash maqsadida paxta separatoriningsanoat namunasini yaratish.	1. Loyihani ilmiy-texnik ekspertizadan oʻtkazish va moliyalashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maxsus taʼlim vazirligi, AJ “Oʻzavtosanoat”
		2. Texnologiyaning tajriba nusxasini yaratib, tijoratlashtirishga tayyorlash.	2021-yil 1-oktabr
		3. Yaratilgan texnologiya asosida mahsulot ishlab chiqarishni tashkil qilish.	2021-yil 1-noyabr
		4. Ishlab chiqilgan mahsulotni paxta tozalash zavodlariga shartnoma asosida yetkazib berish.	2022-yildan boshlab
30.	Yeryongʻoq hosilini yigʻishtirish mashinasining koʻp funksiyali (kovlash, poyasini donidan ajratish, saralash va yuklash) mukammallashtirilgan konstruksiyasini yaratish.	1. Loyihani ilmiy-texnik ekspertizadan oʻtkazish va moliyalashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar	Innovatsion rivojlanish vazirligi, Oliy va oʻrta maxsus taʼlim vazirligi, AJ “Oʻzavtosanoat”
		2. Texnologiyani tajriba nusxasini yaratib, tijoratlashtirishga tayyorlash.	2021-yil 1-oktabr
		3. Yaratilgan texnologiya asosida mahsulot ishlab chiqarishni tashkil qilish.	2021-yil 1-oktabr
		3. Yaratilgan texnologiya asosida mahsulot ishlab chiqarishni tashkil qilish.	2022-yildan boshlab
31.	Sirdaryo viloyatining Sirdaryo tumanida gʻoʻza va soyani, soya va makkajoʻxorini qoʻsh ekin usulida ekish texnologiyasini yaratish.	1. Sirdaryo tumanida qoʻsh ekin uchun pilot yer maydonlarini tanlash va qishloq xoʻjaligi korxonasi bilan ijara shartnomasini rasmiylashtirish.	2021-yil 1-aprel	Ilmiy faoliyatga oid davlat dasturlariga ajratilgan mablagʻlar, mahalliy budjet mablagʻlari	Qishloq xoʻjaligi vazirligi, Innovatsion rivojlanish vazirligi, Sirdaryo viloyati hokimligi, loyiha tashabbuskori
		2. Soya va makkajoʻxorining qoʻsh ekin sifatida ekishga mos keladigan navlarini tanlash.	2021-yil 1-aprel
		3. Soya va makkajoʻxorining urugʻlarini, oʻgʻitlar va boshqa moddiy texnika jihoz va uskunalarini xarid qilish.	2021-yil 1-aprel
		4. Gʻoʻza va soyani, gʻoʻza va makkajoʻxorini qoʻsh ekin usulida ekishni tashkil qilish.	2021-yil 1-aprel
		5. Qoʻsh ekin usulida ekilgan soya donini yigʻishtirib olish. Har bir gektar yer maydonidan qoʻshimcha 12 — 14 sentner soya doni olish. Tuproq tarkibidagi gumus, azotva fosfor miqdorini 15 foizga oshirishga erishish.	2021-yil 1-avgust
		6. Qoʻsh ekin usulida ekilgan makkajoʻxori va soya koʻk massasini (mahsulotini) yigʻishtirib olish. Gektaridan 650 sentner koʻk massa va silos tarkibidagi hazm boʻladigan proteyin miqdorini 35 foizga (amalda 950 kg/ga; qoʻsh ekinda 1 250 kg/ga) oshirishga, bir gektar yer maydonidan olinadigan ozuqa birligini 26 foizga (amaldagi 10,6 tonna/ga dan 13,4 tonna/ga) oshirishga erishish, tuproq unumdorligini saqlab qolish.	2021-yil 1-oktabr
32.	Respublikaning turli tuproq-iqlim sharoitlariga mos uzumning agrobiologik xususiyatlarini Toshkent viloyatining Qibray tumanida oʻrganish asosida eksportbop xoʻraki va istiqbolli texnik navlarni yaratish.	1. Tashkiliy texnika va uzumning texnik va xoʻraki navlarini qayta ishlash uskuna va jihozlarini xarid qilish.	2021-yil 1-oktabr	Ilmiy faoliyatga oid davlat dasturlariga ajratilgan mablagʻlar, mahalliy budjet mablagʻlari	Innovatsion rivojlanish vazirligi, Qishloq xoʻjaligi vazirligi, Oʻsimlikshunoslik ilmiy-tadqiqot instituti
		2. Uzumning texnik va xoʻraki navlarini laboratoriya sharoitida mexanik tahlilini oʻtkazish. Tahlil va belgilangan tadbirlarni amalga oshirish natijasida uzumning texnik navida sharbat miqdorini 700 litr/tonnaga (amalda 600 litr/tonna) va xoʻraki navlarda quruq massa miqdorini 35 kg/s (amalda 20 kg/s) ga yetkazish.	2021-yil 1-noyabr
		3. Uzumning qish va bahorgi sovuqlarga va boshqa agressiv iqlim sharoitlariga chidamligini dala sharoitida oʻrganish. Yoʻqotish darajasini 30 foizgacha kamaytirish (hozirda 50 foiz va undan yuqori).	2022-yil 1-aprel
		4. Uzumni qayta ishlash va uning yakuniy mahsulot — vinoga nisbatan yaroqliligi darajasini tahlil qilish. Uzum mahsulotlarining import oʻrnini bosuvchi va eksportga yoʻnaltirilgan vino mahsulotiga nisbatan yaroqliligi boʻyicha tavsiyalar ishlab chiqish.	2022-yil 1-oktabr
33.	Toshkent (Boʻstonliq va Ohangaron tumanlari), Jizzax (Zomin, Baxmal va Forish) hamda Surxondaryo viloyatlarida kovul dorivor oʻsimligini yetishtirish va qayta ishlash texnologiyasini joriy etish.	1. Kovul dorivor oʻsimligini innovatsion texnologiya asosida yetishtirishni yoʻlga qoʻyish.	2021-yil 1-dekabr	Mahalliy budjet mablagʻlari, loyiha tashabbuskorlari mablagʻlari	Qishloq xoʻjaligi vazirligi, Innovatsion rivojlanish vazirligi, Toshkent, Jizzax va Surxondaryo viloyatlari hokimliklari
		2. Yaratilgan texnologiya asosida sanoat korxonalarida mahsulotni qayta ishlab chiqarishni tashkil qilish.	2022-yil 1-aprel
34.	Namangan viloyati Chust tumanida Goji (dereza) dorivor oʻsimligini yetishtirish va qayta ishlash texnologiyasini joriy etish.	1. Chust tumanida Goji (dereza) dorivor oʻsimligini yetishtirish, qayta ishlash te?nologiyasini (urugʻ mahsulotini) tijoratlashtirishga tayyorlash.	2021-yil 1-oktabr	Mahalliy budjet mablagʻlari, loyiha tashabbuskorlari mablagʻlari	Qishloq xoʻjaligi vazirligi, Innovatsion rivojlanish vazirligi, Namangan viloyati hokimligi
		2. Mahsulot ishlab chiqarishni yoʻlga qoʻyish va ishlab chiqilgan mahsulotni qayta ishlashni tashkil etish.	2022-yildan boshlab
35.	Xorazm, Toshkent, Andijon viloyatlari va Surxondaryo viloyati (Shoʻrchi tumani)da steviya dorivor oʻsimligini yetishtirish va qayta ishlash texnologiyasini joriy etish.	1. Yaratilgan texnologiya asosida sanoat korxonalarida mahsulotni qayta ishlab chiqarishni tashkil qilish.	2021-yil 1-oktabr	Mahalliy budjet mablagʻlari, loyiha tashabbuskorlari mablagʻlari	Innovatsion rivojlanish vazirligi, Fanlar akademiyasi, Xorazm, Toshkent, Andijon va Surxondaryo viloyatlari hokimliklari
		2. Mahsulot ishlab chiqarishni yoʻlga qoʻyish va ishlab chiqilgan mahsulotni qayta ishlashni tashkil etish.	2022-yil 1-yanvardan boshlab
		3. Steviya oʻsimligining poyasi va barglaridan qand-shakar oʻrnini bosadigan modda ishlab chiqarish texnologiyasini ishlab chiqish.	2022-yil

(1-ilova Oʻzbekiston Respublikasi Prezidentining 2022-yil 1-dekabrdagi PQ-435-son qarori tahririda — Qonunchilik maʼlumotlari milliy bazasi, 03.12.2022-y., 07/22/435/1063)

Oʻzbekiston Respublikasi Prezidentining 2021-yil 1-apreldagi PF-6198-son Farmoniga
2-ILOVA

Innovatsion rivojlanish vazirligining 2021-2022-yillardagi faoliyati natijadorligini baholash

koʻrsatkichlari

T/r	Koʻrsatkichlar nomi		Oʻlchov birligi	Amaldagi	2021-yil natijalari boʻyicha	2022-yil natijalari boʻyicha
1.	Ilmiy-tadqiqot va tajriba-konstruktorlik faoliyati bilan shugʻullanayotgan xodimlar soni (1 mln. aholi soniga nisbatan)		nafar	932	950	1 050
2.	Ilmiy-tadqiqot va innovatsion loyihalarni moliyalashtirishga xorijdan jalb etilgan mablagʻlar		mlrd soʻm	6,9	7,2	12,0
3.	Xorijga qisqa muddatli ilmiy stajirovka oʻtashga yuborilayotgan yosh olimlar		nafar	180	242	450
4.	Xalqaro qoʻshma ilmiy loyihalar soni		dona	21	49	79
5.	Startap loyihalar akseleratsiyasi dasturlaridagi ishtirokchilar soni		dona	50	60	210
6.	Tijoratlashtiriladigan ilmiy ishlanmalar jami soni		dona	-	102	200
7.	Tijoratlashtirilgan ilmiy ishlanmalarga asoslangan mahsulotlarni ishlab chiqarish hajmi		mlrd soʻm	-	35	70
8.	Oʻzbekiston sharoitida koronavirus infeksiyasiga qarshi biotexnologik yoʻl bilan yaratiladigan mahalliy vaksina soni		dona	-	2	2
9.	Post-genomik texnologiyalar asosida yaratiladigan makkajoʻxorining qurgʻoqchilikka, shoʻrxoklikka va sovuqqa bardoshli yangi navining hosildorlik koʻrsatkichi		s/ga	20 — 35	20 — 35	45 — 50
10.	SNP-mikrochiplashtirish texnologiyasiga asoslangan GWAS usuli yordamida olingan molekulyar markerlar soni		dona	-	-	384
11.	Metabolomik muhandislik texnologiyasi asosida olinadigan gʻoʻzaning transformant liniyalari sinovdan oʻtkaziladigan eksperimental-tajriba maydonlari		ga	-	-	10
12.	Chorvachilik sohasi uchun ozuqabop lavlagining “Oʻzbekiston-85” navini Ohangaron tumanida yetishtirishdan olinadigan hosildorlik dinamikasi		s/ga	500	500	900
13.	Qashqarbeda va “Oqjoʻxori-8” ozuqa oʻsimliklarini yetishtirishdan olinadigan hosildorlik dinamikasi		s/ga	200	200	430
14.	Respublika hududlarida tashkil etiladigan tuproqning agrokimyoviy, mikrobiologik va biokimyoviy tahlilini amalga oshiruvchi va uning tarkibidagi zararli moddalarni aniqlovchi innovatsion “tuproq klinikalari” soni		dona	-	2	5
15.	Makkajoʻxori va soyani qoʻsh ekin usulida yetishtirish natijasida olinadigan	koʻk massasi miqdori koʻrsatkichi	s/ga	420	650	720
		silos tarkibidagi proteyin miqdori	kg/ga	950	1 250	1 420
		ozuqa birligi miqdori	tn/ga	10,6	13,4	14,8
16.	Qoraqalpogʻiston Respublikasida sut mahsulotlarini ishlab chiqarish samaradorligini oshirish uchun innovatsion yashil gidroponika usulida tayyorlanadigan ozuqa miqdori		kg	671 000	1 073 600	1 525 000

Oʻzbekiston Respublikasi Prezidentining 2021-yil 1-apreldagi PF-6198-son Farmoniga
3-ILOVA

Qoraqalpogʻiston Respublikasi va viloyatlarda innovatsion hududga aylantirilayotgan tumanlar

roʻyxati

	Hududlar	Tumanlar
1.	Qoraqalpogʻiston Respublikasi	Nukus tumani
2.	Andijon viloyati	Marhamat tumani
3.	Buxoro viloyati	Romitan tumani
4.	Jizzax viloyati	Doʻstlik tumani
5.	Qashqadaryo viloyati	Nishon tumani
6.	Navoiy viloyati	Karmana tumani
7.	Namangan viloyati	Chust tumani
8.	Samarqand viloyati	Urgut tumani
9.	Sirdaryo viloyati	Sirdaryo tumani
10.	Surxondaryo viloyati	Oltinsoy tumani
11.	Toshkent viloyati	Ohangaron tumani
12.	Fargʻona viloyati	Oltiariq tumani
13.	Xorazm viloyati	Gurlan tumani

Oʻzbekiston Respublikasi Prezidentining 2021-yil 1-apreldagi PF-6198-son Farmoniga
4-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2006-yil 25-iyuldagi “Oʻzbekiston Respublikasining fan va texnika, adabiyot, sanʼat va meʼmorchilik sohasidagi davlat mukofotlarini taʼsis etish toʻgʻrisida”gi PF-3781-son Farmonida:

a) 2-band quyidagi tahrirda bayon etilsin:

“Oʻzbekiston Respublikasining fan va texnika, adabiyot, sanʼat va meʼmorchilik sohasidagi davlat mukofotlariga talabgorlar boʻyicha tavsiyanomalarni qabul qilish va ularni saralash, davlat mukofotlariga nomzodlar roʻyxatini shakllantirish, ularning ilmiy, ijodiy, adabiy va badiiy ishlarining keng muhokamasini tashkil qilish, ekspertizadan oʻtkazish hamda tegishli takliflarni Oʻzbekiston Respublikasi Prezidentiga taqdim etishda:

fan va texnika sohasida — Vazirlar Mahkamasi huzuridagi Fan va texnologiyalar boʻyicha respublika kengashiga yuklatilsin;

adabiyot, sanʼat va meʼmorchilik sohasida — Vazirlar Mahkamasi huzuridagi Oʻzbekiston Respublikasining adabiyot, sanʼat va meʼmorchilik sohasidagi davlat mukofotlari boʻyicha kengashning asosiy vazifasi etib hisoblansin.

Vazirlar Mahkamasi huzuridagi Oʻzbekiston Respublikasining adabiyot, sanʼat va meʼmorchilik sohasidagi davlat mukofotlari boʻyicha kengash tarkibi 1-ilovaga muvofiq tasdiqlansin”;

b) 1-ilovaning matni quyidagi tahrirda bayon etilsin:

“Vazirlar Mahkamasi huzuridagi Oʻzbekiston Respublikasining adabiyot, sanʼat va meʼmorchilik sohasidagi Davlat mukofotlari boʻyicha kengash

TARKIBI

A.N. Aripov

—

Oʻzbekiston Respublikasining Bosh vaziri, Kengash raisi

A.A. Abduvaxitov

—

Oʻzbekiston Respublikasi Prezidenti maslahatchisi, Kengash raisi oʻrinbosari

X.M. Sultonov

—

Oʻzbekiston Respublikasi Prezidenti maslahatchisi — Spichrayteri, Kengash raisi oʻrinbosari

Kengashning adabiyot sohasi boʻyicha shuʼbasi:

S.S. Saidov

—

Oʻzbekiston Yozuvchilar uyushmasi raisi, shuʼba mudiri

N.M. Mahmudov

—

Oʻzbekiston Respublikasi Fanlar akademiyasi Oʻzbek tili, adabiyoti va folklori instituti direktori, filologiya fanlari doktori, professor (tilshunos)

B. Sayfullayev

—

Oʻzbekiston Respublikasi Oliy Majlisi Senatining Yoshlar, madaniyat va sport qoʻmitasi raisi

Sh.T. Rizayev

—

“Oʻzbekkino” Milliy agentligi bosh direktorining birinchi oʻrinbosari, filologiya fanlari nomzodi, dotsent (adabiyotshunos)

Sh.S. Sirojiddinov

—

Toshkent davlat Oʻzbek tili va adabiyoti universiteti rektori, filologiya fanlari doktori, professor (adabiyotshunos)

E.A. Sidikova

—

Oʻzbekiston Yozuvchilar uyushmasining Fargʻona viloyati boʻlimi rahbari, Oʻzbekiston xalq shoiri

10.

E.J. Shukurov

—

“Maʼnaviy hayot” jurnali bosh muharriri, Oʻzbekistonda xizmat koʻrsatgan madaniyat xodimi

11.

K.A. Karimov

—

Qoraqalpogʻiston Yozuvchilar uyushmasi raisi, Qoraqalpogʻiston xalq shoiri, Qoraqalpogʻistonda xizmat koʻrsatgan jurnalist

Kengashning sanʼat va meʼmorchilik sohasi boʻyicha shuʼbasi:

12.

O.A. Nazarbekov

—

Oʻzbekiston Respublikasi madaniyat vaziri, shuʼba mudiri

13.

A.V. Nuriddinov

—

Oʻzbekiston Badiiy akademiyasi raisi, Oʻzbekiston xalq rassomi

14.

Lavozimiga koʻra

—

Toshkent shahar Arxitektura va qurilish bosh boshqarmasi boshligʻi birinchi oʻrinbosari — shahar bosh arxitektori

15.

R. Abdullayev

—

Oʻzbekiston Bastakorlar uyushmasi raisi, Oʻzbekiston sanʼat arbobi

16.

S.A. Abdullayev

—

Kamoliddin Behzod nomidagi Milliy rassomlik va dizayn instituti professori, Oʻzbekiston sanʼat arbobi (rassom)

17.

N.Gʻ. Karimova

—

Oʻzbekiston Respublikasi Fanlar akademiyasining Sanʼatshunoslik ilmiy-tadqiqot instituti katta ilmiy xodimi, sanʼatshunoslik fanlari nomzodi (kinotanqidchi)

18.

M.M. Azizov

—

Muqimiy nomidagi Oʻzbekiston davlat musiqali teatri direktori, Oʻzbekiston xalq artisti

19.

M.Q. Ahmedov

—

Toshkent arxitektura-qurilish instituti professori, arxitektura fanlari doktori

20.

I. Jabborov

—

Kamoliddin Behzod nomidagi Milliy rassomlik va dizayn instituti professori, Oʻzbekiston sanʼat arbobi (haykaltarosh)

21.

M.M. Muratov

—

Alisher Navoiy nomidagi Oʻzbekiston davlat akademik katta teatri direktori

22.

M.A. Yoʻlchiyeva

—

Y. Rajabiy nomidagi oʻzbek milliy musiqa sanʼati instituti “Maqom xonandaligi” kafedrasi professori, Oʻzbekiston xalq artisti

23.

A.M. Mansurov

—

Oʻzbekiston davlat konservatoriyasi prorektori, professor

24.

Q.T. Moʻminov

—

“Oʻzbekiston” ashula va raqs ansambli badiiy rahbari, Oʻzbekiston xalq artisti

25.

O. Matyakubov

—

Oʻzbekistonda xizmat koʻrsatgan sanʼat arbobi, Davlat mukofoti sohibi, musiqashunos

26.

M.J. Sapayeva

—

Berdaq nomidagi Qoraqalpoq davlat akademik musiqali teatri artisti, Oʻzbekiston xalq artisti

27.

A.Sh. Shahobiddinov

—

“Oʻzbekfilm” kinostudiyasi rejissyori, Oʻzbekistonda xizmat koʻrsatgan madaniyat xodimi

28.

O.A. Vasilyev

—

Oʻzbekiston davlat akademik rus drama teatri direktori, Oʻzbekistonda xizmat koʻrsatgan artist

”;

v) 2-ilovaning matnida:

3-bandning ikkinchi xatboshisi quyidagi tahrirda bayon etilsin:

“Davlat mukofotlarini berish toʻgʻrisidagi takliflar:

fan va texnika sohasida — Vazirlar Mahkamasi huzuridagi Fan va texnologiyalar boʻyicha respublika kengashi;

adabiyot, sanʼat va meʼmorchilik sohasida — Vazirlar Mahkamasi huzuridagi Oʻzbekiston Respublikasining Adabiyot, sanʼat va meʼmorchilik sohasidagi davlat mukofotlari boʻyicha kengashi tomonidan taqdim etiladi.

Tegishli davlat mukofotlarini berish toʻgʻrisidagi takliflar Vazirlar Mahkamasi huzuridagi Fan va texnologiyalar boʻyicha respublika kengashi hamda Vazirlar Mahkamasi huzuridagi Oʻzbekiston Respublikasining Adabiyot, sanʼat va meʼmorchilik sohasidagi davlat mukofotlari boʻyicha kengashi (keyingi oʻrinlarda — Davlat mukofotlari boʻyicha kengashlar) qaroriga muvofiq belgilangan tartibda Oʻzbekiston Respublikasi Prezidentiga koʻrib chiqish kiritiladi”;

4-bandning beshinchi xatboshisi, 6-bandning toʻrtinchi va oltinchi xatboshilaridagi “kengash” soʻzi “kengashlar” soʻzi bilan almashtirilsin;

7-band quyidagi tahrirda bayon etilsin:

“Davlat mukofotlariga talabgorlar boʻyicha tavsiyanomalar va ularga tegishli materiallarni tayyorlash, Davlat mukofotlari boʻyicha kengashlarga taqdim etish, ularni Davlat mukofotlari boʻyicha kengashlarning ishchi organlarida rasmiylashtirish, ekspertizadan oʻtkazish, Davlat mukofotlari boʻyicha kengashlarida koʻrib chiqish tartibi Oʻzbekiston Respublikasi Vazirlar Mahkamasi tomonidan belgilanadi”;

8-banddagi “kengash” soʻzi “kengashlar” soʻzi bilan almashtirilsin.

2. Oʻzbekiston Respublikasi Prezidentining 2017-yil 5-iyundagi “Toshkent shahrining Yashnobod tumanida innovatsiya texnoparkini tashkil qilish toʻgʻrisida”gi PF-5068-son Farmonida:

a) 1-banddan “1-ilovaga muvofiq qatnashuvchilar tarkibi bilan” soʻzlari chiqarib tashlansin;

b) 5-band oʻz kuchini yoʻqotgan deb hisoblansin;

v) 6-bandning uchinchi xatboshisi quyidagi tahrirda bayon etilsin:

“Oʻzbekiston Respublikasi Innovatsion rivojlanish vazirligi “Yashnobod” texnoparki faoliyatini muvofiqlashtiradi, xoʻjalik yurituvchi subyektlarga “Yashnobod” texnoparki rezidenti maqomini berish toʻgʻrisida qaror qabul qiladi va “Yashnobod” texnoparki rahbarini lavozimga tayinlaydi va lavozimidan ozod qiladi”;

g) 7-bandda:

toʻrtinchi xatboshi chiqarib tashlansin;

oltinchi xatboshidagi “iqtisodiyot” soʻzi “innovatsion rivojlanish” soʻzlari bilan almashtirilsin;

d) 1 va 2-ilovalar oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2017-yil 29-noyabrdagi “Oʻzbekiston Respublikasi Innovatsion rivojlanish vazirligini tashkil etish toʻgʻrisida”gi PF-5264-son Farmonining 1 va 3-bandlari oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmoni 22-ilovasining matni quyidagi tahrirda bayon etilsin:

“Raqamli Oʻzbekiston — 2030” strategiyasini amalga oshirish boʻyicha muvofiqlashtirish komissiyasi

TARKIBI

1.	A.N. Aripov	—	Oʻzbekiston Respublikasining Bosh vaziri, komissiya raisi
2.	O.M. Umarov	—	Oʻzbekiston Respublikasi Bosh vazirining maslahatchisi, komissiya raisining oʻrinbosari
3.	Sh.M. Sadikov	—	axborot texnologiyalari va kommunikatsiyalarini rivojlantirish vaziri
4.	T.A. Ishmetov	—	moliya vaziri
5.	R.K. Davletov	—	adliya vaziri
6.	A.V. Shin	—	maktabgacha taʼlim vaziri
7.	Sh.X. Shermatov	—	xalq taʼlimi vaziri
8.	A.X. Toshqulov	—	oliy va oʻrta maxsus taʼlim vaziri
9.	A.M. Xadjibayev	—	sogʻliqni saqlash vaziri
10.	A.S. Sultanov	—	energetika vaziri
11.	J.A. Xodjayev	—	qishloq xoʻjaligi vaziri
12.	Sh.R. Xamrayev	—	suv xoʻjaligi vaziri
13.	N.B. Xusanov	—	bandlik va mehnat munosabatlari vaziri
14.	B.E. Zakirov	—	qurilish vaziri
15.	I.Y. Abduraxmonov	—	innovatsion rivojlanish vaziri
16.	I.R. Maxkamov	—	transport vaziri
17.	Sh.D. Kudbiyev	—	Davlat soliq qoʻmitasi raisi
18.	M.B. Azimov	—	Davlat bojxona qoʻmitasi raisi
19.	I.I. Norqulov	—	iqtisodiy taraqqiyot va kambagʻallikni qisqartirish vazirining birinchi oʻrinbosari
20.	B.E. Zaxidov	—	Markaziy bank raisining birinchi oʻrinbosari
21.	O.A. Pekos	—	axborot texnologiyalari va kommunikatsiyalarini rivojlantirish vazirining birinchi oʻrinbosari
22.	A.J. Ortikov	—	Davlat aktivlarini boshqarish agentligi direktori
23.	Gʻ.M. Ziyayev	—	Axborotlashtirish va telekommunikatsiyalar sohasida nazorat boʻyicha davlat inspeksiyasi boshligʻi
24.	A.D. Xadjayev	—	Oʻzbekiston milliy teleradiokompaniyasi raisi
25.	F.K. Umarov	—	Davlat soliq qoʻmitasi raisining birinchi oʻrinbosari — Kadastr agentligi direktori
26.	U.I. Muhammadiyev	—	Davlat xizmatlari agentligi direktori
27.	B.K. Ziyayev	—	Elektron hukumat loyihalarini boshqarish markazi direktori v.b., komissiya kotibi	”.

5. Oʻzbekiston Respublikasi Prezidentining 2017-yil 1-noyabrdagi “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida”gi PQ-3365-son qarorida:

a) 1-bandning uchinchi va toʻrtinchi xatboshilaridagi “2018 — 2021-yillarda” soʻzlari “2018 — 2022-yillarda” soʻzlari bilan almashtirilsin;

b) 10-banddan uchinchi xatboshi chiqarib tashlansin;

v) 2-ilovaning matni quyidagi tahrirda bayon etilsin:

“2018 — 2022-yillarda Dasturni amalga oshirish moliyaviy xarajatlarining hisob-kitob hajmlari

PARAMETRLARI

T/r	Xarajatlarning nomlanishi	Valyuta turi	Jami*	shu jumladan yillar boʻyicha:
T/r	Xarajatlarning nomlanishi	Valyuta turi	Jami*	2018 g.	2019-y.	2020-y.	2021-y.	2022-y.
	Jami xarajatlar	mln soʻm	116 019,4	26 500,0	27 262,0	32 352,1	29 905,3	-
	Jami xarajatlar	ming. AQSh dollari	32 270,74	900,0	1 650,0	8 201,3	8 713,1	12 806,3
	shu jumladan:
1.	Ilmiy-tadqiqot muassasalarining bino va inshootlarini rekonstruksiya qilish va kapital taʼmirlash	mln soʻm	116 019,4	26 500,0	27 262,0	32 352,1	29 905,3	-
2.	Ilmiy va laboratoriya uskunalari bilan jihozlash**	ming. AQSh dollari	30 375,27	900,0	1 650,0	8 201,3	8 201,3	11 422,7
3.	Zarur butlovchi buyumlar, sarflash materiallari va reaktivlar bilan taʼminlash**	ming. AQSh dollari	1 895,47	-	-		511,8	1 383,67

* Xarajatlar qiymati joriy narxlarda koʻrsatilgan va loyiha-smeta hujjatlarini ishlab chiqish hamda oʻtkaziladigan tender (tanlov) savdolarining yakunlariga koʻra aniqlashtirilishi lozim.

** Mablagʻ ajratish Ilm-fanni moliyalashtirish va innovatsiyalarni qoʻllab-quvvatlash jamgʻarmasiga mablagʻlar kelib tushishiga qarab amalga oshiriladi. Bunda Jamgʻarma mablagʻlarining yetishmayotgan qismi boʻyicha xarajatlar ajratilgan budjet mablagʻlari hisobidan va uning doirasida amalga oshiriladi.

Izoh. Vazirlar Mahkamasi Oʻzbekiston Respublikasi Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda boshqa manfaatdor vazirliklar va idoralarning qoʻshma takliflari asosida, ajratilayotgan mablagʻlardan rejali va ratsional foydalanishni taʼminlashni inobatga olgan holda Dastur parametrlariga oʻzgartirishlar kiritishga haqlidir”.

6. Oʻzbekiston Respublikasi Prezidentining 2017-yil 30-noyabrdagi “Oʻzbekiston Respublikasi Innovatsion rivojlanish vazirligi faoliyatini tashkil etish toʻgʻrisida”gi PQ-3416-son qarorida:

a) 1-band oʻz kuchini yoʻqotgan deb hisoblansin;

b) quyidagi mazmundagi 3¹-band bilan toʻldirilsin:

“3¹. Vazirlikka quyidagi maqsadlar uchun shartnoma asosida, jumladan xorijiy konsultantlar va ekspertlarni, shuningdek texnik koʻmak va grantlarini jalb qilishga ruxsat etilsin:

innovatsion rivojlanish strategiyalarini ishlab chiqish va ilm-fan sohasida ilgʻor xalqaro tajribani oʻrganish va tatbiq etish, shuningdek vazirlikka yuklatilgan boshqa vazifalar va topshiriqlarni bajarish;

vazirlik va uning tarkibiy boʻlinmalari xodimlarini qayta tayyorlash va malakasini oshirish, shuningdek ilmiy-innovatsion rivojlantirishning dolzarb masalalari boʻyicha tadqiqotlar oʻtkazish, investitsiya siyosati strategiyasini ishlab chiqish;

xorijiy mamlakatlarning tegishli vazirliklari va idoralari bilan samarali va oʻzaro manfaatli hamkorlik oʻrnatish”;

v) quyidagi mazmundagi 7¹-band bilan toʻldirilsin:

“7¹. Vazirlik Oʻzbekiston Respublikasi Moliya vazirligi, Investitsiyalar va tashqi savdo vazirligi, Bandlik va mehnat munosabatlari vazirligi, Davlat statistika qoʻmitasi, Davlat soliq qoʻmitasi, Davlat bojxona qoʻmitasi, Davlat aktivlarini boshqarish agentligi boshqa vazirlik va idoralar statistik axborot byulletenlarini majburiy tarqatish roʻyxatiga kiritilsin”;

g) 1 — 6-ilovalar oʻz kuchini yoʻqotgan deb hisoblansin.

7. Oʻzbekiston Respublikasi Prezidentining 2018-yil 19-apreldagi “Oʻzbekiston Respublikasi Innovatsion rivojlanish vazirligi huzurida Ilgʻor texnologiyalar markazini tashkil qilish toʻgʻrisida”gi PQ-3674-son qarorining 2-bandi quyidagi mazmundagi oʻn ikkinchi xatboshi bilan toʻldirilsin:

“Markaz faoliyati, shu jumladan tijoratlashtirish, ilmiy tadbirkorlik va biznes boʻyicha bilim va koʻnikmalarni oshirish boʻyicha pulli toʻlov asosida oʻquv va trening kurslarini tashkil etish”.

8. Oʻzbekiston Respublikasi Prezidentining 2018-yil 27-apreldagi “Innovatsion gʻoyalar, texnologiyalar va loyihalarni amaliy joriy qilish tizimini yanada takomillashtirish chora-tadbirlari toʻgʻrisida”gi PQ-3682-son qarorida:

a) 1-band quyidagi tahrirda bayon etilsin:

“1. Oʻzbekiston Respublikasi Innovatsion rivojlanish vazirligi hamda Investitsiyalar va tashqi savdo vazirligining 2018-yildan boshlab har yili xorijiy innovatsion va ilmiy markazlar, investitsion fondlar, texnologik agentliklar, texnoparklar va biznes-inkubatorlarning faol ishtirokida Xalqaro innovatsion gʻoyalar haftaligi — “InnoWeek.Uz” (keyingi oʻrinlarda — haftalik) oʻtkazish toʻgʻrisidagi takliflari maʼqullansin”;

b) 2-bandning birinchi xatboshisidagi “Innovatsiyalar yarmarkalari va xalqaro forumlarni” soʻzlari “Haftalikni” soʻzi bilan almashtirilsin;

v) 3-bandning birinchi xatboshisidagi “innovatsiyalar yarmarkasini” soʻzlari “haftalikni” soʻzi bilan almashtirilsin;

g) 4-bandda:

ikkinchi xatboshi chiqarib tashlansin;

uchinchi xatboshidagi “innovatsiyalar yarmarkalarini” soʻzlari “haftalikni” soʻzi bilan almashtirilsin;

toʻrtinchi xatboshidagi “innovatsiyalar yarmarkalarini oʻtkazishning” soʻzlari “haftalikni oʻtkazish joyi,” soʻzlari bilan almashtirilsin;

uchinchi va toʻrtinchi xatboshilar tegishlicha ikkinchi va uchinchi xatboshilar deb hisoblansin;

d) 5 va 7-bandlardagi “innovatsiyalar yarmarkalari va xalqaro forumlarni” soʻzlari “haftalikni”soʻzi bilan almashtirilsin;

e) 8-bandda:

ikkinchi xatboshidagi “innovatsiyalar yarmarkalari va xalqaro forumlarda” soʻzlari “haftalikda” soʻzi bilan almashtirilsin;

uchinchi xatboshidagi “innovatsiyalar yarmarkalari va xalqaro forumlarning” soʻzlari “haftalikning” soʻzi bilan almashtirilsin;

j) 9-bandning uchinchi xatboshisidagi “innovatsiyalar yarmarkalari va xalqaro forumlarning” soʻzlari “haftalikning” soʻzi bilan almashtirilsin.

9. Oʻzbekiston Respublikasi Prezidentining 2018-yil 27-apreldagi “Oʻzbekiston Respublikasida urugʻchilik tizimini tubdan takomillashtirish chora-tadbirlari toʻgʻrisida”gi PQ-3683-son qarorida:

a) 1-bandning beshinchi xatboshisidagi “xulosasiga asosan Innovatsion rivojlanish vazirligining qarori boʻyicha” soʻzlari “qaroriga binoan” soʻzlari bilan almashtirilsin;

b) 2-band quyidagi tahrirda bayon etilsin:

“2. Oʻzbekiston Respublikasi Prezidentining 2019-yil 17-apreldagi “Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida”gi PF-5708-son Farmoniga muvofiq Oʻzbekiston Respublikasi Innovatsion rivojlanish vazirligi huzurida Urugʻchilikni rivojlantirish markazi va uning boʻlinmalari Qishloq xoʻjaligi vazirligi huzuridagi Urugʻchilikni rivojlantirish markazi etib qayta tashkil etilganligi maʼlumot uchun qabul qilinsin”;

v) 4 — 6 va 8-bandlar oʻz kuchini yoʻqotgan deb hisoblansin;

g) 7-banddan beshinchi xatboshi chiqarib tashlansin;

d) 12-banddagi “Innovatsion rivojlanish” soʻzlari “Qishloq xoʻjaligi” soʻzlari bilan almashtirilsin;

e) 1 va 2-ilovalar oʻz kuchini yoʻqotgan deb hisoblansin.

10. Oʻzbekiston Respublikasi Prezidentining 2018-yil 5-maydagi “Faol tadbirkorlik va innovatsion faoliyatni rivojlantirish uchun shart-sharoitlarni yaratish boʻyicha qoʻshimcha chora-tadbirlar toʻgʻrisida”gi PQ-3697-son qarorida:

a) 1-bandda:

birinchi xatboshidagi “davlat-xususiy sheriklik shartlarida” soʻzlari “davlat tashkilotlarining budjetdan tashqari innovatsiyalarni rivojlantirish jamgʻarmalari mablagʻlarini, xalqaro moliya institutlarining grant va/yoki kreditlarini, xorijiy investorlarning mablagʻ va sarmoyalarini jalb qilgan holda hamda” soʻzlari bilan almashtirilsin;

quyidagi mazmundagi ikkinchi xatboshi bilan toʻldirilsin:

“Ikki yoki undan ortiq shaxslar ishtirokida tashkil etiladigan innovatsiya markazlari aksiyadorlik va boshqa tashkiliy-huquqiy shaklda ham tuzilishi mumkin. Bunday hollarda taʼsis hujjatlarida uning tashkiliy-huquqiy shakli, ishtirokchilarning shartlari va vazifalari aniq koʻrsatiladi”;

ikkinchi xatboshi uchinchi xatboshi deb hisoblansin;

b) 3-bandda:

birinchi xatboshidagi “davlat-xususiy sheriklikning” soʻzlari “markazlar tashkil etishning” soʻzlari bilan almashtirilsin;

toʻrtinchi — yettinchi xatboshilar chiqarib tashlansin;

yettinchi xatboshidagi “davlat sherigi” soʻzlari “mahalliy hokimiyatlar” soʻzlari bilan almashtirilsin;

sakkizinchi xatboshi quyidagi tahrirda bayon etilsin:

“markaz tashkil etish bilan bogʻliq kelishuv tomonlarining huquqlari va majburiyatlari, Innovatsion rivojlanish vazirligi roziligi bilan tuziladigan kelishuvlarda belgilanadi”;

v) 4-bandning oltinchi xatboshisi quyidagi tahrirda bayon etilsin:

“Davlat va jamiyat maqsadlari uchun yangi, innovatsion mahsulotlar yaratish, ishlab chiqarish va xizmatlarni yoʻlga qoʻyish maqsadida davlat boshqaruvi organlari, xoʻjalik birlashmalari, taʼlim va ilmiy-tadqiqot muassasalari, nodavlat tashkilotlar hamda xususiy tadbirkorlar markazlar faoliyatini moliyalashtirishlari mumkin”;

g) 5-bandda:

uchinchi — beshinchi xatboshilar chiqarib tashlansin;

oltinchi xatboshidan “markazlarni tashkil etish boʻyicha davlat-xususiy sheriklik toʻgʻrisidagi kelishuvda belgilangan muddatlarni hisobga olgan holda” soʻzlari chiqarib tashlansin;

oltinchi va yettinchi xatboshilar tegishlicha ikkinchi va uchinchi xatboshilar deb hisoblansin;

d) 7-bandda:

birinchi xatboshidagi “boʻyicha davlat qoʻmitasi” soʻzlari “va tashqi savdo vazirligi” soʻzlari bilan almashtirilsin;

ikkinchi xatboshidan “davlat-xususiy sheriklik” soʻzlari chiqarib tashlansin;

uchinchi xatboshi quyidagi tahrirda bayon etilsin:

“Oʻzbekiston Respublikasi Tashqi ishlar vazirligi Investitsiyalar va tashqi savdo vazirligi bilan birgalikda doimiy ravishda markazlarni tashkil etishga xorijiy davlat vakillarini jalb qilish, shuningdek, grantlar va homiylik xayriyalarini ajratish maqsadida xalqaro va xorijiy tashkilotlar, moliya institutlari vakillari bilan muzokaralar oʻtkazishni;”;

toʻrtinchi xatboshi chiqarib tashlansin;

beshinchi xatboshidagi “mazkur qarorning mazmun-mohiyatini” soʻzlari “markazlar faoliyatini” soʻzlari bilan almashtirilsin;

oltinchi xatboshi “tuman (shahar)larda” soʻzlaridan keyin “xorijiy investorlar yoki homiylar ishtirokida” soʻzlari bilan toʻldirilsin;

beshinchi va oltinchi xatboshilar tegishlicha toʻrtinchi va beshinchi xatboshilar deb hisoblansin;

e) 8-banddagi “davlat va xususiy sheriklarning” soʻzlari “tashabbuskorlar” soʻzi bilan almashtirilsin.

11. Oʻzbekiston Respublikasi Prezidentining 2018-yil 7-maydagi “Iqtisodiyot tarmoqlari va sohalariga innovatsiyalarni joriy etish mexanizmlarini takomillashtirish boʻyicha qoʻshimcha chora-tadbirlar toʻgʻrisida”gi PQ-3698-son qarorida:

a) 1-banddan uchinchi va beshinchi xatboshilar chiqarib tashlansin;

b) 2-bandda:

ikkinchi xatboshi “lavozimga tayinlash” soʻzlaridan keyin “va lavozimidan ozod etish” soʻzlari bilan toʻldirilsin;

beshinchi xatboshi quyidagi tahrirda bayon etilsin:

“Oʻzbekiston Respublikasi innovatsion rivojlanish vazirining tegishli oʻrinbosari ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlarining faoliyatini samarali muvofiqlashtirish boʻyicha masʼul hisoblanadi”;

quyidagi mazmundagi oʻninchi xatboshi bilan toʻldirilsin:

“kichik startap loyihalarni moliyalashtirishga”;

oʻninchi va oʻn birinchi xatboshilar tegishlicha oʻn birinchi va oʻn ikkinchi xatboshilar deb hisoblansin;

v) 6-bandning birinchi xatboshisidan “oʻz xarajatlarini oʻzi qoplash asosida” soʻzlari chiqarib tashlansin;

g) 7-band oʻz kuchini yoʻqotgan deb hisoblansin.

12. Oʻzbekiston Respublikasi Prezidentining 2018-yil 14-iyuldagi “Ilmiy va ilmiy-texnikaviy faoliyat natijalarini tijoratlashtirish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-3855-son qarorida:

a) 2-bandda:

ikkinchi xatboshidagi “va ilmiy-texnikaviy faoliyat natijalaridan foydalangan” soʻzlari “faoliyat natijalarini qoʻllagan” soʻzlari bilan almashtirilsin;

toʻrtinchi xatboshi quyidagi tahrirda bayon etilsin:

“intellektual mulk obyektlariga boʻlgan mulkiy huquqlarni uchinchi shaxslarga oʻtkazish va mazkur obyektlardan foydalanish huquqini royalti toʻlovlariga asoslangan litsenziya shartnomalarini tuzish orqali, shu jumladan, ularni keyinchalik ushbu huquqlar oluvchisi tomonidan tijoratlashtirish sharti bilan berish va boshqa usullar orqali amalga oshiriladi”;

b) 7-banddagi va 9-bandning “v” kichik bandidagi “boʻyicha davlat qoʻmitasi” soʻzlari “va tashqi savdo vazirligiga” soʻzlari bilan almashtirilsin;

v) 10-band quyidagi tahrirda bayon etilsin:

“10. Oʻzbekiston Respublikasi Adliya vazirligi huzuridagi Intellektual mulk agentligi Oʻzbekiston Respublikasi Davlat budjeti mablagʻlari hisobidan yaratilgan intellektual mulk obyektlari boʻyicha axborotning doimiy asosda ularni keyinchalik tijoratlashtirilishini choralarini koʻrish uchun Oʻzbekiston Respublikasi Innovatsion rivojlanish vazirligiga taqdim etilishini taʼminlasin”.

13. Oʻzbekiston Respublikasi Prezidentining 2018-yil 20-iyuldagi “Fan va oliy taʼlim sohasi xodimlarining mehnat haqi miqdorini yanada oshirish, ilmiy va ilmiy-texnik faoliyat natijalari joriy etilishini davlat tomonidan qoʻllab-quvvatlash chora-tadbirlari toʻgʻrisida”gi PQ-3876-son qarorida:

2-bandning ikkinchi xatboshisidagi “Oʻzbekiston Respublikasi Fanlar akademiyasi boshqaruv apparati xodimlarining” soʻzlari “Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston va Navoiy boʻlimlari maʼmuriy-boshqaruv xodimlarining” soʻzlari bilan almashtirilsin;

4-banddagi “Oʻzbekiston Respublikasi Fanlar akademiyasi boshqaruv apparati xodimlari” soʻzlari “Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston, Navoiy boʻlimlari maʼmuriy-boshqaruv xodimlari” soʻzlari bilan almashtirilsin.

14. Oʻzbekiston Respublikasi Prezidentining 2019-yil 9-iyuldagi “Matematika taʼlimi va fanlarini yanada rivojlantirishni davlat tomonidan qoʻllab-quvvatlash, shuningdek, Oʻzbekiston Respublikasi Fanlar akademiyasining V.I. Romanovskiy nomidagi Matematika instituti faoliyatini tubdan takomillashtirish chora-tadbirlari toʻgʻrisida”gi PQ-4387-son qarorida:

a) 19-bandning toʻrtinchi xatboshisi chiqarib tashlansin;

b) beshinchi — oʻninchi xatboshilar tegishlicha toʻrtinchi — toʻqqizinchi xatboshilar deb hisoblansin;

v) 1-ilovaning 4, 5, 6, 14-pozitsiyalari “Moliyalashtirish manbalari” ustunidagi “Davlat ilmiy-texnik dasturlarini” soʻzlari “Ilmiy faoliyatga oid davlat dasturlarini” soʻzlari bilan almashtirilsin.

15. Oʻzbekiston Respublikasi Prezidentining 2019-yil 30-avgustdagi “Yoshlarni ilm-fan sohasiga jalb etish va ularning tashabbuslarini qoʻllab-quvvatlash tizimini takomillashtirish chora-tadbirlari toʻgʻrisida”gi PQ-4433-son qarorida:

a) 1-bandning uchinchi xatboshisidagi “vazirining birinchi” soʻzlari “vaziri tomonidan uning tegishli” soʻzlari bilan almashtirilsin;

b) 3-bandning ikkinchi xatboshisidagi “Iqtidorli yoshlar bilan ishlash” soʻzlari “Yoshlar salohiyatini rivojlantirish” soʻzlari bilan almashtirilsin;

v) 9-banddan uchinchi va toʻrtinchi xatboshilar chiqarib tashlansin;

g) 15-band oʻz kuchini yoʻqotgan deb hisoblansin;

d) 3-ilovaning 13-pozitsiyasi “Ijro muddati” ustunidagi “2020-yil 15-sentabr” soʻzlari “Tadbir doirasida” soʻzlari bilan almashtirilsin;

e) 4-ilova oʻz kuchini yoʻqotgan deb hisoblansin.

(Qonun hujjatlari maʼlumotlari milliy bazasi, 02.04.2021-y., 06/21/6198/0269-son; 03.12.2022-y., 07/22/435/1063)