Hujjat kuchini yo‘qotgan " " 22.07.2022
Oʻzbekiston Respublikasi Vazirlar Mahkamasining
qarori
Boshoqli don ekinlarining ahvolini yaxshilash chora-tadbirlari toʻgʻrisida
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Ekish paytida yoʻl qoʻyilgan kamchiliklar va 1995-yil dekabr — 1996-yil yanvar oylarida yer muzlashi oqibatida respublikaning ayrim zonalarida boshoqli don ekinlari rivojlanishidagi qoloqlikni va urugʻ unib chiqishining siyrakligini hisobga olib hamda don yetishtirishning prognoz hajmlarini kafolatli olishni taʼminlaydigan agrotexnika tadbirlarini oʻz vaqtida oʻtkazish maqsadida Vazirlar Mahkamasi qaror qiladi:
1. Boshoqli don ekinlari ahvolini yaxshilash yuzasidan tekshirish oʻtkazish, ekinlarni qayta ekish, oziqlantirish va boshqa agrotexnika tadbirlarini oʻtkazish bilan bogʻliq masalalarni shoshilinch hal etish boʻyicha 1-ilovaga muvofiq tarkibda Respublika komissiyasi tuzilsin.
2. Qoraqalpogʻiston Respublikasi Vazirlar Kengashi Raisi, viloyatlar hokimlari, Oʻzbekiston Respublikasi Qishloq xoʻjaligi vaziri Jumaniyozov, Oʻzbekiston Qishloq xoʻjaligi fanlari akademiyasi Prezidenti vazifasini bajaruvchi Usmonov, “Oʻzkimyosanoat” uyushmasining raisi Yusupbekov, “Boshgidromet” boshqarmasi boshligʻi va tegishli vazirliklar va idoralar rahbarlarining shaxsan javobgarligi ostida shu yil 25-martgacha hamma joyda boshoqli don ekinlari tekshirib chiqilsin hamda boshoqli don ekinlarining ahvolidan kelib chiqib ekinlarni parvarish qilishga oid agrotexnik tadbirlar kompleksi amalga oshirilsin. Boshoqli don ekinlarini oziqlantirish va ularga erta bahorda ishlov berish 1996-yil 1-aprelgacha tugallansin.
Ushbu ishlarni tashkil etish va amalga oshirish uchun Qoraqalpogʻiston Respublikasida va har bir viloyatda Qoraqalpogʻiston Respublikasi Vazirlar Kengashi Raisi va viloyatlar hokimlari shaxsan boshchilik qiladigan komissiyalar tashkil etilsin.
Komissiyalarga har bir dalaga dalolatnoma tuzib hamda urugʻ unib chiqishi va prognoz qilingan hosilni olish kafolati bilan har gektar erga 40 — 50 kg urugʻ hisobidan orasiga ekish maqsadga muvofiqligi toʻgʻrisida qaror qabul qilishga ruxsat berilsin.
Ushbu maqsadda viloyatlar hokimlariga viloyat dehqonchilik sanoati uyushmalarining taqsimoti boʻyicha “Oʻzdonmahsulot” davlat korporatsiyasi korxonalarida mavjud boʻlgan urugʻlikdan, asosan arpa urugʻligidan 2-ilovaga muvofiq hajmlarda foydalanish huquqi berilsin.
3. “Oʻzkimyosanoat” uyushmasiga, istisno tariqasida mineral oʻgʻitlar sotib olish uchun mablagʻi boʻlmagan xoʻjaliklarga 15 foiz haqini oldindan olmasdan boshoqli don ekinlarini oziqlantirish uchun 1996-yil 15-aprelgacha mineral oʻgʻit berishga, “Oʻzdonmahsulot” davlat korporatsiyasiga esa shu yil 25-martgacha mazkur qaror bilan tasdiklangan hajmlarda boshoqli don ekinlari urugʻligi berishga ruxsat etilsin, oʻgʻit va urugʻlik uchun hisob-kitoblar keyinchalik belgilangan tartibda amalga oshirilsin.
Oʻzbekiston Respublikasi Moliya vazirligi va Markaziy banki oʻzaro hisob-kitoblar amalga oshirilishi ustidan nazorat oʻrnatsinlar.
4. Mazkur qarorning bajarilishini nazorat qilish Bosh vazirning oʻrinbosari R.A. Giniyatullin zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 15-mart,
102-son
Vazirlar Mahkamasining 1996-yil 15-martdagi 102-son qaroriga
1-ILOVA
Boshoqli don ekinlarining ahvolini yaxshilash bilan bogʻliq masalalarni tezkorlik bilan hal etish boʻyicha Respublika komissiyasining
TARKIBI

Toshkent viloyati

R.A. Giniyatullin

—

Bosh vazir oʻrinbosari, Respublika komissiyasi raisi

Gʻ.A. Otaboyev

—

OʻzQXFA ilmiy kotibi

T.A. Azimov

—

Qishloq xoʻjaligi vazirligining bosh mutaxassisi

Andijon, Fargʻona, Namangan viloyatlari

M.J. Jumaniyozov

—

Qishloq xoʻjaligi vaziri, Respublika komissiyasi raisining oʻrinbosari

K. Eshmirzayev

—

“Gʻalla” IIB direktori

Z.Z. Ziyotov

—

Qishloq xoʻjaligi vazirligining nav sinash komissiyasi raisi

Jizzax, Sirdaryo viloyatlari

X.I. Iskanov

—

Qishloq xoʻjaligi vazirining birinchi oʻrinbosari

E. Mullaboyev

—

“Gʻalla” IIB boʻlim mudiri

A. Badalov

—

Qishloq xoʻjaligi vazirligining bosh mutaxassisi

Buxoro, Navoiy viloyatlari

Z.Z. Zikriyoyev

—

“Oʻzdavpaxtasanoatsotish” uyushmasi raisi

D. Muhamedov

—

“Gʻalla” IIB boʻlim mudiri

B. Xalimov

—

Qishloq xoʻjaligi vazirligining bosh mutaxassisi

Samarqand viloyati

S.N. Usmonov

—

Oʻzbekiston Qishloq xoʻjaligi fanlari akademiyasi prezidenti vazifasini bajaruvchi

N. Beknazarov

—

“Gʻalla” IIB boʻlim mudiri

U. Abdimavlonova

—

respublika davlat urugʻchilik inspeksiyasining boshligʻi

Qashqadaryo, Surxondaryo viloyatlari

A. Mutalov

—

“Oʻzdonmahsulot” davlat korporatsiyasi raisi

F. Gʻaybullayev

—

“Gʻalla” IIB boʻlim mudiri

E. Mirahmedov

—

“Oʻzagrokimyoservis” uyushmasining boʻlim mudiri

Qoraqalpogʻiston Respublikasi

A.Sh. Habibullayev

—

Davlat tabiatni muxofaza qilish qoʻmitasi raisi

T.O. Jabborov

—

“Oʻzqishloqxoʻjaliktaʼminottuzatish” davlat-kooperativ qoʻmitasi raisi

A. Omonov

—

“Gʻalla” IIB direktori oʻrinbosari

X. Yusupov

—

“Gʻalla” IIB boʻlim mudiri

Xorazm viloyati

E.M. Hasanov

—

“Oʻzagrokimyoservis” uyushmasi raisi

A. Aliboyev

—

“Gʻalla” IIB boʻlim mudiri

A. Hamdamov

—

respublika agrokimyolaboratoriyasi rahbari

Vazirlar Mahkamasining 1996-yil 15-martdagi 102-son qaroriga
2-ILOVA
Boshoqli don ekinlarining siyrak joylariga ekish uchun davlat resurslaridan ajratiladigan
URUGʻLIK HAJMI

Viloyatlar

(tonna)

Buxoro

200

Jizzax

400

Qashqadaryo

700

Navoiy

200

Samarqand

500

Surxondaryo

300

Sirdaryo

400

Toshkent

300

Jami:

3000