Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida” 2019-yil 18-maydagi PF-5721-son Farmoni)
Oʻzbekiston Respublikasi Prezidentining “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida” 2019-yil 18-maydagi PF-5721-son Farmoniga muvofiq, shuningdek, zargarlik mahsulotlarini ishlab chiqaruvchi korxonalarga qulay shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va “Oʻzbekzargarsanoati” uyushmasi raisi D.N. Samatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 20-fevral,
103-son
Vazirlar Mahkamasining 2020-yil 20-fevraldagi 103-son qaroriga
ILOVA
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2003-yil 13-fevraldagi 75-son qarori (Oʻzbekiston Respublikasi QT, 2003-y., 2-son, 15-modda) bilan tasdiqlangan Oʻzbekiston Respublikasida chakana savdo qoidalarida:
a) VII boʻlim quyidagi tahrirda bayon qilinsin:
“VII. Qimmatbaho metallardan va qimmatbaho toshlardan yasalgan buyumlar bilan chakana savdo qilish xususiyatlari
92. Qimmatbaho metallar va qimmatbaho toshlardan yasalgan zargarlik hamda boshqa buyumlar bilan chakana savdo belgilangan tartibda roʻyxatdan oʻtgan xoʻjalik yurituvchi subyektlar — yuridik shaxslar tomonidan Oʻzbekiston Respublikasi Moliya vazirligi huzuridagi Davlat asillik darajasini belgilash palatasi (keyingi oʻrinlarda Davlat asillik darajasini belgilash palatasi deb ataladi) chakana savdo huquqi uchun beradigan roʻyxatdan oʻtkazish guvohnomasini majburiy tarzda olgan holda amalga oshiriladi.
Qimmatbaho metallar va qimmatbaho toshlardan yasalgan zargarlik hamda boshqa buyumlar ishlab chiqarish uchun litsenziyaga ega boʻlgan zargarlik buyumlarini ishlab chiqaruvchilar — yuridik shaxslar Davlat asillik darajasini belgilash palatasi tomonidan chakana savdo qilish uchun beriladigan roʻyxatdan oʻtkazish guvohnomasini olmasdan, oʻzlari ishlab chiqargan mahsulotlarni chakana sotish, aholidan ishlab chiqarish maqsadlarida foydalaniladigan qimmatbaho metallar parchalarini, qimmatbaho toshlar va ulardan yasalgan buyumlarni litsenziyada koʻrsatilgan manzil boʻyicha sotib olish huquqiga ega.
Qimmatbaho metallar va qimmatbaho toshlardan yasalgan zargarlik hamda boshqa buyumlar, qimmatbaho va yarim qimmatbaho toshlarning chakana savdosi ayrim turdagi tovarlar bilan chakana savdo huquqi uchun yigʻim obyekti hisoblanmaydi.
93. Qimmatbaho metallar va qimmatbaho toshlardan yasalgan zargarlik buyumlari hamda boshqa buyumlar, qayta ishlangan, tozalanmagan qimmatbaho va yarim qimmatbaho toshlar faqat ixtisoslashtirilgan zargarlik doʻkonlari, savdo markazlari va/yoki komplekslarning boʻlimlari hamda seksiyalarida sotiladi.
94. Savdo zalida belgilangan tartibda metrologik nazoratdan oʻtkazilgan, birinchi yoki ikkinchi toifa aniqlikdagi (elektron yoki tahliliy) tarozilar va toshlar, uzuk oʻlchagichlar, barmoq oʻlchagichlar majburiy tartibda boʻlishi shart.
95. Ixtisoslashtirilgan zargarlik doʻkonlari, savdo markazlari va/yoki komplekslarning boʻlimlari hamda seksiyalarida Oʻzbekiston Respublikasida belgilangan qimmatbaho metallar va qimmatbaho toshlardan yasalgan buyumlarning probalari toʻgʻrisidagi axborot, shuningdek, qimmatbaho metallar va qimmatbaho toshlardan yasalgan zargarlik hamda boshqa buyumlarni tekshirish, tahlil qilish va tamgʻalash tartibini belgilaydigan normativ hujjatlardan koʻchirmalar, asillik darajasi tamgʻalarining izlari, belgilangan namunadagi asillik darajasi belgilari izlarining tasviri, Davlat asillik darajasini belgilash palatasining chakana savdo huquqi uchun roʻyxatdan oʻtkazish guvohnomasi, mazkur Qoidalar va xaridor uchun zarur boʻlgan boshqa maʼlumotlar koʻzga koʻrinadigan joyga osib qoʻyilishi zarur.
Oʻzlari ishlab chiqargan zargarlik buyumlarining chakana savdosini amalga oshiruvchi yuridik shaxslar va yakka tartibdagi tadbirkorlar (litsenziyaga ega zargarlik buyumlarini ishlab chiqaruvchilar) uchun Oʻzbekiston Respublikasida belgilangan qimmatbaho metallar va qimmatbaho toshlardan yasalgan buyumlarning probalari toʻgʻrisidagi axborot, asillik darajasi tamgʻalarining izlari, belgilangan namunadagi asillik darajasi belgilari izlarining tasviri, zargarlik buyumlarini ishlab chiqarish uchun beriladigan litsenziya, ishlab chiqaruvchining shaxsiy tamgʻasining kodi va xaridorlar uchun zarur boʻlgan boshqa maʼlumotlar koʻzga koʻrinadigan joyga osib qoʻyilishi zarur.
96. Qimmatbaho metallar va qimmatbaho toshlardan yasalgan zargarlik va boshqa buyumlar faqat ularda ishlab chiqaruvchining shaxsiy tamgʻasi, Davlat asillik darajasini belgilash palatasi qoʻygan asillik darajasi tamgʻasining belgisi yoki zargarlik buyumlarini ishlab chiqaruvchi tomonidan mustaqil ravishda qoʻyiladigan belgilangan namunadagi asillik darajasi belgisi izlari mavjud boʻlsagina sotiladi (Oʻzbekiston Respublikasida ishlab chiqarilgan zargarlik buyumlari uchun).
Zargarlik va boshqa buyumlarga qoʻyilgan asillik darajasining ishonchliligi uchun ularni ishlab chiqaruvchisi javobgar boʻladi.
Chet eldan sotish maqsadida keltirilgan xorijda ishlab chiqarilgan buyumlarda ham asillik darajasi belgisi va tamgʻa, Davlat asillik darajasini belgilash palatasining Oʻzbekiston Respublikasi davlat asillik darajasi tamgʻamasining izi majburiy tartibda qoʻyilishi shart.
Gardishga solinmagan qimmatbaho toshlar qirralangan shaklda, gardishga solinmagan yarim qimmatbaho toshlar esa qayta ishlangan shaklda sotiladi.
Qirralangan olmos, zumrad, yoqut, laʼl, aleksandritlar har bir shunday tosh yoki sotiladigan qimmatbaho toshlar toʻplami uchun import qiluvchining sertifikati boʻlgan taqdirdagina sotiladi.
Sotilishi lozim boʻlgan qirralangan qimmatbaho toshlar (0,3 karatdan ortiq) alohida oʻramga ega boʻlishi, shuningdek, gardishga solingan qimmatbaho tosh uchun import qiluvchining sertifikati boʻlishi shart.
97. Chakana savdoga qoʻyilgan qimmatbaho metallar va qimmatbaho toshlardan yasalgan zargarlik va boshqa buyumlarda buyumning nomi, qimmatbaho metall turi, asillik darajasi, qoʻshimchalarning turlari va xususiyatlari, shu jumladan qimmatbaho toshning sifat hamda rangi va qiymati xususiyatlarini oʻzgartirgan ishlov berish usuli, buyumning chakana narxi koʻrsatilgan tamgʻalangan yorliqli boʻlishi kerak (qimmatbaho metallar va qimmatbaho toshlardan yasalgan zargarlik va boshqa buyumlar ulgurji sotilganda, har bir buyum uchun alohida tamgʻalangan yorliqlar boʻlishi talab qilinmaydi).
Qimmatbaho toshlar xususiyatiga ega boʻlgan sunʼiy materiallardan qoʻshimchalar sifatida foydalanilganda, yorliqlarda ushbu tosh sunʼiy tayyorlangani haqidagi axborot koʻrsatilishi shart.
Qonun hujjatlariga muvofiq, tamgʻalanmaydigan qimmatbaho metallar va qimmatbaho toshlardan yasalgan zargarlik buyumlari va boshqa buyumlarning ayrim turlarida sifat sertifikati boʻlishi zarur.
98. Qimmatbaho toshlar va qimmatbaho metallardan yasalgan zargarlik va boshqa buyumlar savdo zaliga qoʻyilishidan avval sotuvdan oldin tayyorgarlikdan oʻtishi zarur. Bu jarayon buyumlarni koʻzdan kechirish va saralash, davlat asillik darajasi tamgʻasining izi yoki ishlab chiqaruvchi mustaqil ravishda qoʻygan belgilangan namunadagi asillik darajasi belgisining (Oʻzbekiston Respublikasi hududida ishlab chiqarilgan buyumlar uchun) va ishlab chiqaruvchining shaxsiy tamgʻasinining izi, plomba va yorliqlarning saqlangani, oʻlchamlari boʻyicha saralanganligini tekshirishni oʻz ichiga oladi.
Ishlab chiqaruvchilarning rasmiy roʻyxatdan oʻtgan shaxsiy tamgʻalari toʻgʻrisidagi maʼlumotlar Davlat asillik darajasini belgilash palatasi tomonidan erkin foydalanish uchun Oʻzbekiston Respublikasining ochiq maʼlumotlar portaliga joylashtiriladi.
Sotuvchi xaridorga malakali yordam koʻrsatishi va qimmatbaho metallar hamda qimmatbaho toshlardan yasalgan buyumlarni tanlashda, yaxshi saqlashda zarur maslahat bilan taʼminlashi, xaridorni sotuvdagi mavjud namunalar bilan tanishtirishi kerak.
Xaridorning xohishiga koʻra, sotuvchi-xodim xaridor tanlagan qimmatbaho toshlar va metallardan yasalgan zargarlik buyumlarini doʻkon ish kunining oxirigacha boʻlgan muddatgacha saqlab turish huquqiga ega.
Qimmatbaho metallar va qimmatbaho toshlardan yasalgan bezaklar alohida oʻrab joylangan boʻlishi kerak.
Sotuvchi qoʻshimcha tovarlar sotishni tashkil etishi va xaridorga qoʻshimcha kompleks xizmatlar koʻrsatishi mumkin (oʻyma naqsh solish, oldindan buyurtma qabul qilish, sovgʻani yetkazib berish va topshirish, chiroyli qilib oʻrab joylash va boshqa turdagi xizmatlar).
Sotuvchi xaridorga sotib olgan tovarni berishda unda davlat asillik darajasi tamgʻasining izi yoki ishlab chiqaruvchi mustaqil ravishda qoʻygan belgilangan namunadagi asillik darajasi belgisining (Oʻzbekiston Respublikasi hududida ishlab chiqarilgan buyumlar uchun) va ishlab chiqaruvchining shaxsiy tamgʻasinining izi, shuningdek, qirrali qimmatbaho toshlar uchun sertifikatni tekshirishi hamda bular haqida xaridorni xabardor qiladi.
Sotuvchi xaridorning talabiga binoan sotib olingan qimmatbaho toshlar va qimmatbaho metallardan yasalgan zargarlik va boshqa buyumlarni oʻlchashda xatoligi 0,01 grammdan oshmaydigan tarozilarda uning ishtirokida oʻlchaydi.
Sotuvchi xaridorning talabi boʻyicha ishlab chiqaruvchilarning rasmiy roʻyxatdan oʻtgan shaxsiy tamgʻalari toʻgʻrisidagi maʼlumotlarni taqdim qilishi shart.
99. Qimmatbaho metallar va qimmatbaho toshlardan yasalgan zargarlik hamda boshqa buyumlar almashtirilmaydi va qaytarib olinmaydi, ularda sotib olungunga qadar sotuvchi tomonidan qayd qilinmagan nuqsonlar (zirakka toshlar, ilgaklarning, bilakuzukka sharnirli birikmalarning boʻsh mahkamlangani, yoriqlar, singan, tirnalgan joylar, gʻudurlar va boshqa nuqsonlar) aniqlangan, davlat asillik darajasi tamgʻasi yoki belgilangan namunadagi asillik darajasi belgisi izining zargarlik qotishmasining haqiqiy asillik darajasiga, buyum xususiyatining plombalangan yorliq maʼlumotlariga mos kelmagan holatlar bundan mustasno.
Sotilgan buyumlar, gardishga solinmagan qimmatbaho toshlar va qayta ishlov berilgan yarim qimmatbaho toshlar uchun xaridorga kassa cheki beriladi.
Qirrali qimmatbaho (0,3 karatdan ortiq) toshlar almashtirilishi va qaytarilishi mumkin emas.
100. Qimmatbaho metallar va qimmatbaho toshlardan yasalgan buyumlarda sotuvchi tomonidan qayd qilinmagan nuqsonlar aniqlangan taqdirda, xaridor ularni xarid qilingan kundan boshlab 6 oy ichida xarid narxi tegishlicha qayta hisoblangan holda, shunday buyumlarga yoki boshqa buyumlarga almashtirish huquqiga ega yoki ulardagi nuqsonlar tekin bartaraf etilishi yoxud xarid narxi mutanosib ravishda kamaytirilishi kerak.
Xaridor, shuningdek, zarari qoplangan holda oldi-sotdi shartnomasini bekor qilishga ham haqli. Xaridorning koʻrsatib oʻtilgan talablari tovar cheki nusxasi taqdim etilgandan keyingina koʻrib chiqiladi.
101. Almashtirish yoki nuqsonlarni tekinga bartaraf etish muddati buzilgan taqdirda, sotuvchi “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi Qonuniga muvofiq jarima toʻlashi shart.
102. Sifatga oid nuqsonlar paydo boʻlishi sabablari masalasida kelishmovchiliklar kelib chiqsa, sotuvchi qimmatbaho metallar va qimmatbaho toshlardan yasalgan buyumni xaridordan qabul qilib olishga va uni mustaqil ekspertiza oʻtkazish uchun Davlat asillik darajasini belgilash palatasiga yuborishga majbur, ekspertizadan oʻtkazish ishlari uchun toʻlov sotuvchi tomonidan toʻlanadi.
Mahsulot sifati boʻyicha eʼtirozlar Davlat asillik darajasini belgilash palatasining xulosasiga asosan asossiz boʻlgan taqdirda, xaridor qonun hujjatlarida belgilangan tartibda sotuvchining xarajatlarini toʻliq qoplaydi.
103. Sotilgan qimmatbaho metallar va qimmatbaho toshlardan yasalgan buyumlar uchun xaridordan naqd pullar qonun hujjatlariga muvofiq axborot-kommunikatsiya texnologiyalaridan foydalangan holda, nazorat-kassa mashinalari yoki toʻlov terminallari orqali qabul qilinadi hamda albatta chek beriladi.
104. Qimmatbaho metallar va qimmatbaho toshlardan yasalgan buyumlar bilan vositachilik savdosi tovarlar bilan vositachilik savdosi qoidalariga muvofiq faqat mazkur Qoidalarning 92-93-bandlarida koʻrsatilgan va Davlat asillik darajasini belgilash palatasining guvohnomasiga ega boʻlgan yuridik shaxslar tomonidan savdo obyektlarida amalga oshiriladi.
105. Sotuvchi qimmatbaho metallar va qimmatbaho toshlardan yasalgan buyumlarni sotish qoidalarini buzganligi, zargarlik buyumlarini asillik darajasini belgilash va tamgʻalash, shuningdek, kirim qilinmagan kontrafakt mahsulotlarni sotganligi uchun qonun hujjatlarida belgilangan tartibda javobgar boʻladi.
106. Qimmatbaho metallar va qimmatbaho toshlardan yasalgan zargarlik va boshqa buyumlarning chakana, vositachilik hamda ulgurji savdosi bilan shugʻullanadigan yuridik shaxslar axborot-kommunikatsiya texnologiyalaridan foydalangan holda, olingan va sotilgan zargarlik buyumlarining elektron reyestrini yuritishi shart.
Mazkur bandning buzilishi Oʻzbekiston Respublikasi qonun hujjatlariga muvofiq javobgarlikka sabab boʻladi”;
b) 107-band quyidagi tahrirda bayon qilinsin:
“107. Davlat asillik darajasini belgilash palatasi tomonidan qimmatbaho metallar va qimmatbaho toshlardan yasalgan zargarlik va boshqa buyumlar, qimmatbaho va yarim qimmatbaho toshlarning chakana savdosi bilan shugʻullanish huquqi uchun berilgan roʻyxatdan oʻtkazish guvohnomasiga ega boʻlgan yuridik shaxslar aholidan qimmatbaho metallar va qimmatbaho toshlardan yasalgan zargarlik buyumlari parchalarini, ulardan tayyorlangan buyumlarni, shuningdek, qimmatbaho va yarim qimmatbaho toshlarni zargarlik doʻkonlari, savdo markazlari va/yoki komplekslarining boʻlimlari, seksiyalaridagi maxsus jihozlangan punktlarda tashkil qilingan sotib olish punktlari orqali (keyingi oʻrinlarda sotib olish punktlarida deb ataladi) xarid qilish faoliyatini amalga oshirish huquqiga ega.
Bunda Davlat asillik darajasini belgilash palatasi tomonidan qimmatbaho metallar va qimmatbaho toshlardan yasalgan zargarlik va boshqa buyumlarni, qimmatbaho va yarim qimmatbaho toshlarning chakana savdosi bilan shugʻullanish huquqini beruvchi roʻyxatdan oʻtkazish guvohnomasiga ega yuridik shaxslarga:
a) aholidan shartnoma asosida quyidagilarni sotib olishga ruxsat etiladi:
oltin, kumush, platina va platina guruhiga kiruvchi qimmatbaho toshlar (paladiy, iridiy, rodiy, ruteniy va osmiy) va ulardan yasalgan madaniy-maishiy buyumlar;
qimmatbaho metallardan standart, oʻlchovli yombilar;
qimmatbaho metallardan yasalgan tangalar;
qimmatbaho va yarim qimmatbaho toshlar;
qimmatbaho metallardan yasalgan soatlar va ularning qismlari;
kumush gardishli chinni va billur buyumlar;
b) quyidagilarni sotib olish taqiqlanadi:
texnik olmoslar;
ishlov berilmagan qimmatbaho va yarim qimmatbaho toshlar;
sof holdagi, shlix, plastinalardagi, sim va qum shaklidagi oltin, kumush platina va platina guruhiga kiruvchi metallar (palladiy, iridiy, rodiy, rutiniy va osmiy);
ishlab chiqarish uchun moʻljallangan oltin, platina, paladiy va kumushdan yasalgan buyumlar (perchinlar, platinali laboratoriya shisha idishlari va anjomlari — tigllar, kosachalar, tigl qopqoqlari, elektrodlar, shpatellar, sinov naychalari, termal konvertorlar, platina va platina rodiyli qotishmalaridan tayyorlangan termooʻzgartirgichlar va boshqalar);
davlat, nodavlat va notijorat tashkilotlarining qimmatbaho buyumlari”;
v) quyidagi mazmundagi 1071 — 1074-bandlar qoʻshilsin:
“1071. Zargarlik buyumlarini ishlab chiqarish uchun litsenziyaga ega boʻlgan tadbirkorlik subyektlari Davlat asillik darajasini belgilash palatasi tomonidan beriladigan guvohnomani olmasdan, faqat ishlab chiqarish maqsadida foydalanish sharti bilan jismoniy shaxslardan litsenziyada koʻrsatilgan manzil boʻyicha (litsenziyada koʻrsatilgan manzildan boshqa manzilda boʻlsa — roʻyxatdan oʻtkazish guvohnomasini olgan holda) quyidagilarni sotib olish huquqiga ega:
qimmatbaho metallar va qimmatbaho toshlardan yasalgan zargarlik buyumlari, zargarlik buyumlarining parchalari va ulardan tayyorlangan buyumlar;
oltin izlovchilar usulida qazib olingan qimmatbaho metallar, qimmatbaho va yarim qimmatbaho toshlar;
qimmatbaho metallardan yasalgan tangalar, standart va oʻlchovli yombilar;
tish yasashga moʻljallangan mahsulotlar uchun qimmatbaho metallardan tayyorlangan disklar;
qimmatbaho va yarim qimmatbaho toshlar;
sof holdagi, shlix, plastinalardagi, sim va qum shaklidagi oltin, kumush platina va platina guruhiga kiruvchi metallar (palladiy, iridiy, rodiy, rutiniy va osmiy);
davlat, nodavlat va notijorat tashkilotlarning qimmatbaho buyumlari.
1072. Notariusning ijro xatlariga ega boʻlgan lombardlar, mikrokredit tashkilotlari ixtiyorida qoladigan zargarlik buyumlari, shuningdek, ushbu buyumlar parchalari zargarlik buyumlarini ishlab chiqarish uchun litsenziyaga ega boʻlgan yuridik shaxslar va yakka tartibdagi tadbirkorlarga yoki sotib olish uchun roʻyxatdan oʻtkazish guvohnomasiga yoki affinaj faoliyatini amalga oshirish huquqi uchun litsenziyaga ega boʻlgan yuridik shaxslarga shartnoma asosida sotilishi mumkin.
1073. Zargarlik buyumlarini ishlab chiqaruvchilar (yakka tartibdagi tadbirkorlar) zargarlik buyumlari ishlab chiqarish uchun litsenziyada koʻrsatilgan manzilda maxsus shoxobcha ochmasdan va Davlat asillik darajasini belgilash palatasi tomonidan beriladigan guvohnomasiz sotib olishni amalga oshiradi.
1074. Affinaj faoliyatini amalga oshirish huquqini beruvchi litsenziyaga ega boʻlgan tadbirkorlik subyektlari:
a) Davlat asillik darajasini belgilash palatasi tomonidan beriladigan roʻyxatdan oʻtkazish guvohnomasini olmasdan, faqat litsenziyada koʻrsatilgan manzil boʻyicha (litsenziyada koʻrsatilgan manzildan boshqa manzilda boʻlsa — roʻyxatdan oʻtkazish guvohnomasini olgan holda) yuridik va jismoniy shaxslardan:
qimmatbaho metallardan tayyorlangan zargarlik buyumlari va zargarlik buyumlarining parchalari;
oltin izlovchilar usulida qazib olingan qimmatbaho metallar;
qimmatbaho metallardan tayyorlangan tangalar, standart va oʻlchovli yombilar;
tish yasashga moʻljallangan mahsulotlar uchun qimmatbaho metallardan tayyorlangan disklar;
sof holdagi, shlix, plastinalardagi, sim va qum shaklidagi oltin, kumush platina va platina guruhiga kiruvchi metallar (palladiy, iridiy, rodiy, rutiniy va osmiy), ishlab chiqarish-texnik yoʻnalishdagi buyumlar;
qimmatbaho metallar ishlab chiqarish parchalari va chiqindilari;
davlat, nodavlat va notijorat tashkilotlarning qimmatbaho buyumlarini sotib olish;
b) qimmatbaho metallarni sotish;
v) oltin izlovchilar usulida qazib olish faoliyati bilan shugʻullanuvchi subyektlarga xizmat koʻrsatish uchun sotib olinadigan qimmatbaho metallning saqlanishini taʼminlaydigan, shuningdek, mazkur Qoidalarning 112-bandi talablariga muvofiq jihozlangan sayyor punktlar tashkil etish huquqiga egadir”;
g) 109-band quyidagi tahrirda bayon qilinsin:
“109. Sotib olish punktlari tomonidan toʻlov amalga oshirilgandan soʻng xarid qilingan qimmatbaho metallar va qimmatbaho toshlardan yasalgan zargarlik va boshqa buyumlar, ulardan tayyorlangan buyumlar, shuningdek, qimmatbaho va yarim qimmatbaho toshlar qimmatbaho sotuvchilarga qaytarilmaydi”;
d) 110 va 111-bandlar oʻz kuchini yoʻqotgan deb hisoblansin;
e) 112-band quyidagi tahrirda bayon qilinsin:
“112. Qimmatbaho metallarning asillik darajasini aniqlash va ularning ogʻirligini oʻlchash uchun sotib olish punktlari:
belgilangan barcha asillik darajalarini aniqlash uchun tahlil uskunalari va/yoki kimyoviy moddalar;
qimmatbaho toshlarni oʻlchash uchun karat (elektron yoki tahliliy) tarozilar;
oltin, kumush, platina va platina guruhiga kiruvchi metallarni oʻlchash uchun I yoki II toifadagi tarozilarga (elektron yoki tahliliy) ega boʻlishi zarur”;
j) 114-band quyidagi tahrirda bayon qilinsin:
“114. Qimmatbaho metallar va qimmatbaho toshlardan yasalgan zargarlik va boshqa buyumlar, zargarlik buyumlari parchalari, shuningdek, qimmatbaho va yarim qimmatbaho toshlarni sotib olish bilan bogʻliq barcha operatsiyalar qimmatbaho buyumlar sotuvchi ishtirokida amalga oshiriladi (asillik darajasini aniqlash, oʻlchash, shtiftlar, kanifolni olib tashlash va boshqalar)”;
z) 115 va 116-bandlar oʻz kuchini yoʻqotgan deb hisoblansin;
i) 117-band quyidagi tahrirda bayon qilinsin:
“117. Sotib olish punktlari orqali sotib olingan va kelgusida sotishga yaroqli boʻlgan, ushbu Qoidalarning 98-bandi talablariga mos keladigan zargarlik buyumlari sotuvga qoʻyiladi”;
k) quyidagi mazmundagi 1171 — 1174-bandlar qoʻshilsin:
“1171. Zargarlik buyumlarini ishlab chiqaruvchilar ham affinaj faoliyatini amalga oshirish huquqi uchun litsenziyaga ega boʻlgan yuridik shaxslar tomonidan tashkil etilgan sotib olish punktlari kabi sotib olingan qimmatbaho metallar va qimmatbaho toshlarni hisobga olish, saqlash, sarflash va hisob-kitob qilish tartibini mustaqil belgilaydi.
1172. Boshqa barcha sotib olish punktlari uchun sotib olingan qimmatbaho metallar va qimmatbaho toshlarni qabul qilish hamda hisob-kitob qilish boʻyicha mustaqil ishlab chiqilgan va hujjatlar bilan rasmiylashtirilgan tartib talab etiladi.
1173. Sotib olish punktlari Davlat asillik darajasini belgilash palatasi qoʻyadigan Oʻzbekiston Respublikasining asillik darajasi izi yoki ishlab chiqaruvchining shaxsiy tamgʻasiga hamda zargarlik buyumlari ishlab chiqaruvchisi tomonidan mustaqil ravishda qoʻyiladigan belgilangan namunadagi asillik darajasi belgisining iziga (Oʻzbekiston Respublikasi hududida ishlab chiqarilgan mahsulotlar uchun) ega boʻlmagan va sotuvga qoʻyilmaydigan buyumlarini sotib olganda, ularni zargarlik buyumlarini ishlab chiqaruvchilarga va affinaj faoliyatini amalga oshirish huquqi uchun litsenziyaga ega boʻlgan yuridik shaxslarga shartnoma asosida sotishi mumkin.
1174. Kontrafakt zargarlik buyumlarining noqonuniy aylanishi, shuningdek, sotilishining oldini olish maqsadida sotib olish punktlariga Oʻzbekiston Respublikasining asillik darajasi izi yoki ishlab chiqaruvchining shaxsiy tamgʻasiga hamda zargarlik buyumlari ishlab chiqaruvchisi tomonidan mustaqil ravishda qoʻyiladigan belgilangan namunadagi asillik darajasi belgisining iziga (Oʻzbekiston Respublikasi hududida ishlab chiqarilgan mahsulotlar uchun) ega boʻlmagan sotib olingan buyumlarni Davlat asillik darajasini belgilash palatasiga asillik darajasini belgilash va tamgʻalash operatsiyalarini amalga oshirish uchun berish taqiqlanadi.
Bunday buyumlar ushbu Qoidalarning 1173-bandiga asosan sotiladi”;
l) 118-bandda:
uchinchi xatboshidagi “nazorat-kassa mashinalari” soʻzlaridan keyin “va plastik kartalardan toʻlovlarni qabul qilish uchun hisob-kitob terminallari” soʻzlari qoʻshilsin;
beshinchi xatboshi chiqarib tashlansin;
m) 148-band quyidagi tahrirda bayon qilinsin:
“148. Sotilgan tovar puli komitent — jismoniy shaxsga komissioner tomonidan berilgan vositachilik bitimi va fuqarolik pasporti taqdim etilgan holda, xarajat-kassa orderi yoki bank oʻtkazmasi toʻlanadi”;
n) quyidagi mazmundagi X1 boʻlim qoʻshilsin:
“X1. Qimmatbaho metallar va qimmatbaho toshlardan yasalgan zargarlik va boshqa buyumlarning vositachilik savdosining xususiyatlari
1561. Qimmatbaho metallar va qimmatbaho toshlardan yasalgan zargarlik va boshqa buyumlarning (keyingi oʻrinlarda tovar deb ataladi) vositachilik savdosi Davlat asillik darajasini belgilash palatasida belgilangan tartibda roʻyxatdan oʻtgan yuridik shaxslar tomonidan amalga oshirilishi mumkin.
1562. Vositachilikka qabul qilinadigan tovarda Oʻzbekiston Respublikasi Davlat asillik darajasini belgilash palatasining tamgʻa izi yoki ishlab chiqaruvchining shaxsiy tamgʻasi izi va zargarlik buyumlarini ishlab chiqaruvchi tomonidan mustaqil qoʻyiladigan belgilangan namunadagi asillik darajasi belgisi (Oʻzbekiston Respublikasi hududida ishlab chiqarilgan mahsulotlar uchun) boʻlishi shart.
1563. Qimmatbaho metallar va qimmatbaho toshlardan yasalgan antikvar buyumlarni vositachilikka qabul qilish va sotish, Oʻzbekiston Respublikasining antikvar buyumlarini sotish tartibini tartibga soluvchi qonun hujjatlari talablariga asosan amalga oshiriladi.
Vositachilikka qabul qilinadigan tovarning qiymati va komissioner mukofoti oʻzaro kelishuv boʻyicha belgilanadi”;
o) quyidagi mazmundagi XVII2 boʻlim qoʻshilsin:
“XVII2. Qimmatbaho metallar va qimmatbaho toshlardan yasalgan zargarlik va boshqa buyumlar savdosini internet-doʻkonlar orqali amalga oshirish xususiyatlari
18710. Qimmatbaho metallar va qimmatbaho toshlardan yasalgan zargarlik va boshqa buyumlar “Elektron tijorat toʻgʻrisida”gi Oʻzbekiston Respublikasining Qonuniga muvofiq axborot-kommunikatsiya texnologiyalaridan foydalangan holda internet-doʻkonlari orqali sotiladi.
Bunda yuridik shaxsda chakana savdo bilan shugʻullanishi uchun Davlat asillik darajasini belgilash palatasi tomonidan beriladigan roʻyxatdan oʻtish guvohnomasi boʻlishi shart”;
p) 1-ilovaning 9-bandi “(mazkur Qoidaning 99-bandida keltirilgan xolatlar bundan mustasno)” soʻzlari bilan toʻldirilsin;
r) 2-ilovaga quyidagi mazmundagi 5-band qoʻshilsin:
“5. Qimmatbaho metallar va qimmatbaho toshlardan yasalgan zargarlik buyumlari va boshqa buyumlar, qimmatbaho va yarim qimmatbaho toshlar”.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2022-yil 25-fevraldagi 88-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 26.02.2022-y., 09/22/88/0165-son)
3. Vazirlar Mahkamasining 2017-yil 30-sentabrdagi 778-sonli qarori (Oʻzbekiston Respublikasi QT, 2017-y., 40-son, 1057-modda) bilan tasdiqlangan Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomda:
a) 2-banddagi “Markaziy banki huzuridagi Qimmatbaho metallar agentligi beradigan (keyingi oʻrinlarda Agentlik deb ataladi)” soʻzlari “Moliya vazirligi huzuridagi Davlat asillik darajasini belgilash palatasi (keyingi oʻrinlarda Davlat asillik darajasini belgilash palatasi deb ataladi) beradigan” soʻzlari bilan almashtirilsin;
b) 4-band quyidagi tahrirda bayon qilinsin:
“4. “Navoiy KMK” DK va “Olmaliq KMK” AJ yoki boshqa qimmatbaho metallarni ishlab chiqaruvchilar qimmatbaho metallarni (tilla va kumush) oʻlchamli plastinalar va granulalar koʻrinishida davlat standarti asosida ishlab chiqarishni taʼminlaydi”;
v) 5-bandning ikkinchi xatboshidagi “zargarlik buyumlarini ishlab chiqarish uchun litsenziyasini tekshiradi va” soʻzlari “zargarlik buyumlarini ishlab chiqarish uchun amaldagi litsenziyasini Oʻzbekiston Respublikasi Ochiq maʼlumotlar portali orqali tekshiradi yoki” soʻzlari bilan almashtirilsin;
g) 6-bandda:
birinchi xatboshidagi “har oyning birinchi va/yoki uchinchi seshanba kunlari” soʻzlari “har ish kunida” soʻzlari bilan almashtirilsin;
ikkinchi xatboshi chiqarib tashlansin;
d) 16-bandda:
birinchi xatboshidan “keyinchalik olib sotish huquqisiz, ushbu Nizomning 18-bandida nazarda tutilgan holatlar bundan mustasno” soʻzlari chiqarib tashlansin;
quyidagi mazmundagi xatboshi qoʻshilsin:
“Tijorat banklariga “Navoiy KMK” DK va “Olmaliq KMK” AJdan qimmatbaho metallarni (oltin va kumush) oʻlchamli plastinalar koʻrinishida, shuningdek, 5 gramm ogʻirlikdagi va undan ogʻir granulalarni (qimmatbaho metallar sof ogʻirligiga qayta hisoblaganda) London qimmatbaho metallar birjasining tonggi fiksingi asosida milliy valyutada sotib olish huquqi beriladi”;
e) 17-bandga quyidagi mazmundagi xatboshi qoʻshilsin:
“Navoiy KMK” DK va “Olmaliq KMK” AJdan qimmatbaho metallar mustaqil sotib olingan taqdirda, Markaziy bankka qimmatbaho metalllar plastinalarini ishlab chiqarish (qayta ishlash, tashish, saqlash va boshqalar) bilan bogʻliq xarajatlarni qoplash uchun vositachilik haqi toʻlanmaydi va bank ixtiyorida qoladi”;
i) 18-banddagi “Agentlikni xabardor qilgan holda,” soʻzlari chiqarib tashlansin;
k) 19-band quyidagi tahrirda bayon qilinsin:
“19. Davlat asllik darajasini belgilash palatasi va davlat soliq xizmati organlari qonun hujjatlariga muvofiq zargarlik buyumlarini ishlab chiqaruvchilar tomonidan sotib olingan qimmatbaho metallardan maqsadli foydalanishni nazorat qiladi (ustav jamgʻarmasida davla ulushiga ega boʻlmagan yoki kamida 50 foiz davlat ulushiga ega boʻlgan yuridik shaxslar, shuningdek, yakka tartibdagi tadbirkorlar bundan mustasno)”.
4. Vazirlar Mahkamasining “Qimmatbaho metallardan yasalgan zargarlik va boshqa buyumlarning asillik darajasini belgilash va tamgʻalash bilan bogʻliq yuridik ahamiyatga ega harakatlarni amalga oshirganlik uchun asillik darajasi toʻlovini undirish tartibini yanada takomillashtirish chora-tadbirlari toʻgʻrisida” 2017-yil 12-oktabrdagi 819-son qarorida:
a) 1-ilovada:
1-banddagi “Markaziy bank huzuridagi Qimmatbaho metallar agentligining” soʻzlari “Moliya vazirligi huzuridagi” soʻzlari bilan almashtirilsin;
13-banddagi “Markaziy banki huzuridagi Qimmatbaho metallar agentligi” soʻzlari “Moliya vazirligi” soʻzlari bilan almashtirilsin;
15-banddagi “Markaziy bank” soʻzlari “Moliya vazirligi” soʻzlari bilan almashtirilsin;
b) 2-ilovaning matni quyidagi tahrirda bayon qilinsin:
“Qimmatbaho metallardan yasalgan zargarlik va boshqa buyumlarning asillik darajasini belgilash va ularni tamgʻalash, tahlillar oʻtkazish va boshqa xizmatlar uchun asillik darajasi toʻlovi miqdorlari
|
Ishlarning nomi |
Oʻlchov birligi |
Asillik darajasi toʻlovi miqdori, bazaviy hisoblash miqdoriga nisbatan foizlarda | |
|
Asillik darajasini belgilash va tamgʻalash uchun toʻlov (asillik darajasini belgilash uchun toʻlov asillik darajasi toʻlov miqdorining 80, tamgʻalash uchun 20 foizni tashkil qiladi) | |||
|
1.1. |
Oʻzbekiston Respublikasida yuridik shaxs va yakka tartibdagi tadbirkorlar tomonidan qimmatbaho metallardan yasalgan zargarlik va boshqa buyumlar (soat korpuslaridan tashqari): |
||
|
oltin |
dona |
2,76 | |
|
kumush |
dona |
0,59 | |
|
platina, palladiy |
dona |
2,67 | |
|
1.2. |
Chet elda ishlab chiqarilgan va yuridik va jismoniy shaxslar tomonidan taqdim etilgan qimmatbaho metallardan yasalgan zargarlik va boshqa buyumlar (soat korpuslaridan tashqari): |
||
|
oltin |
dona |
6,43 | |
|
kumush |
dona |
1,83 | |
|
platina, palladiy |
dona |
6,43 | |
|
1.3. |
Oʻzbekiston Respublikasi davlat asillik darajasi tamgʻasi va sobiq Ittifoq ramzi tushirilgan asillik darajasi tamgʻa izlarini qayta tamgʻalash uchun jismoniy shaxslar tomonidan taqdim etilgan qimmatbaho metallardan yasalgan zargarlik va boshqa buyumlar (soat korpuslaridan tashqari): |
||
|
oltin |
dona |
2,94 | |
|
kumush |
dona |
0,66 | |
|
platina, palladiy |
dona |
2,94 | |
|
1.4. |
Qimmatbaho metalldan yasalgan soat korpuslari (shu jumladan ajralmaydigan brasleti bilan): |
||
|
oltin |
dona |
11,95 | |
|
kumush |
dona |
2,94 | |
|
platina, palladiy |
dona |
13,60 | |
|
1.5. |
Zargarlik va boshqa buyumlarning tarkibida elementlar* soni 5 tadan oshsa, asillik darajasini tekshirish va tamgʻalash narxi ikki baravar oshadi. |
||
|
II. Muzeylar tomonidan taqdim etiladigan buyumlar tarkibidagi qimmatbaho metallarni aniqlash uchun toʻlov | |||
|
2.1. |
1 — 5 element mavjud boʻlgan buyumlarda: |
||
|
oltin, platina va palladiy |
dona |
1,32 | |
|
kumush |
dona |
0,33 | |
|
2.2. |
Buyumlarning asillik darajasini tekshirish narxi buyum tarkibida: |
||
|
6 tadan 15 tagacha element* boʻlganda — 2 baravar; |
|||
|
16 tadan 50 tagacha element* boʻlganda — 3 baravar; |
|||
|
51 tadan 100 tagacha element* boʻlganda — 4 baravar; |
|||
|
100 tadan ortiq element* boʻlganda — 5 baravar koʻpayadi. |
|||
|
*) Element — zargarlik va boshqa mahsulotlarning tarkibiy qismi | |||
|
III. Texnik ekspertizadan oʻtkazish uchun toʻlov | |||
|
3.1. |
Quyidagilarni: |
||
|
Oʻzbekiston Respublikasi davlat asillik darajasi tamgʻalari izlarining haqiqiyligini, Oʻzbekiston Respublikasi davlat asillik darajasi tamgʻalarining izlari qalbakiligini, shuningdek, buyumlarda har xil tamgʻa izlari mavjud yoki mavjud emasligini aniqlash. |
dona |
5,40 | |
|
3.2. |
Asillik darajasini aniqlash: |
||
|
spektrometrda rentgen-fluoressentli usul bilan; |
dona |
18,20 | |
|
metall turidan qatʼiy nazar, namuna toshida tekshirish usuli bilan: |
dona |
2,2 | |
|
3.3. |
Qirralangan karat ogʻirligidagi olmoslarning (brilliantlar) xususiyatlarini aniqlash (nomlanishi, ogʻirligi, qirrasining shakli, tozalik va rang guruhi): |
||
|
0,29 gacha |
1 tosh uchun |
11,51 | |
|
0,30 dan 0,99 gacha |
1 tosh uchun |
23,02 | |
|
1,00 dan 2,99 gacha |
1 tosh uchun |
57,55 | |
|
3,00 dan 5,99 gacha |
1 tosh uchun |
80,57 | |
|
6,00 va yuqori |
1 tosh uchun |
109,34 | |
|
3.4. |
Qirralangan karat ogʻirligidagi zumrad, yoqut, sapfir va aleksandritlarning xususiyatlarini aniqlash, (nomlanishi, ogʻirligi, qirrasining shakli, tozalik va rang guruhi): |
||
|
0,29 gacha |
1 tosh uchun |
5,75 | |
|
0,30 dan 0,99 gacha |
1 tosh uchun |
17,26 | |
|
1,00 dan 2,99 gacha |
1 tosh uchun |
34,53 | |
|
3,00 dan 5,99 gacha |
1 tosh uchun |
63,30 | |
|
6,00 va yuqori |
1 tosh uchun |
86,32 | |
|
3.5. |
Qirralangan va qirralanmagan toshlarning nomlanishini aniqlash (qimmatbaho toshlardan tashqari) |
har bir nom uchun |
0,81 |
|
3.6. |
Qirralanmagan qimmatbaho va boshqa toshlarning nomlanishi va ogʻirligini aniqlash |
har bir nom uchun |
3,74 |
|
IV. Tahlil oʻtkazilganlik uchun toʻlov | |||
|
4.1. |
Zargarlik, yasama tish qotishmalari va boshqa qotishmalarda: |
||
|
kupelatsiya �suli bilan oltinni aniqlash (cheki bilan) |
1 tekshiruv |
58,82 | |
|
kumushni aniqlash (titrometrik usul bilan) |
1 tekshiruv |
32,99 | |
|
atom-emissiya spektorometrida platina, palladiyni aniqlash |
1 tekshiruv |
103,12 | |
|
4.2. |
4.2. Elektrolitlar, yaxob suv va eritmalarda (suyuq oltinda): |
||
|
oltinni aniqlash (soʻnggi kupelatsiya usuli bilan) |
1 tekshiruv |
58,82 | |
|
kumushni aniqlash (titrometrik usul bilan) |
1 tekshiruv |
32,99 | |
|
atom-emissiya spektorometrida platina, palladiyni aniqlash |
1 tekshiruv |
103,12 | |
|
4.3. |
Qoplamalar, zargarlik kretslari, shliflar va shlamlarda: |
||
|
oltinni aniqlash (soʻnggi kupelatsiya usuli bilan) |
1 tekshiruv |
58,82 | |
|
kumushni aniqlash (titrometrik usul bilan) |
1 tekshiruv |
32,99 | |
|
4.4. |
Yorugʻlikni sezadigan turli kino-foto-rentgen materiallar va fiksaj eritmalarda: |
||
|
kumushni aniqlash (titrlash usuli bilan) |
1 tekshiruv |
32,99 | |
|
4.5. |
Rudalar, jinslar, konsentrantlarni eritish usuli bilan asillik darajasini tekshirish: |
||
|
oltin va kumushning asillik darajasini tekshirish |
1 tekshiruv |
73,80 | |
|
oltin va kumushning asillik darajasini kvartlab tekshirish |
1 tekshiruv |
88,60 | |
|
platina guruhiga kiruvchi metallarning asillik darajasini jamlash |
1 tekshiruv |
57,53 | |
|
4.6. |
Atom-emissiya spektometrida 1 — 8 element boʻyicha miqdoriy tekshirish |
1 tekshiruv |
103,12 |
|
4.7. |
Namunadagi namlikni aniqlash |
1 tekshiruv |
13,33 |
|
4.8. |
Namunalarda qizdirish paytidagi yoʻqotishlarni aniqlash |
1 tekshiruv |
13,33 |
|
4.9. |
Katalizatorlarda platinani spektrofotometrik aniqlash |
1 tekshiruv |
88,69 |
|
4.10. |
Rentgen-fluoressent spektrometrda zargarlik sanoati buyumlari, qotishmalari va parchalarini miqdoriy tekshirish |
1 tekshiruv |
18,20 |
|
4.11. |
Rentgen mikroanalizatorda bir nuqtada namunaning (metall, qotishma, buyumning) kimyoviy tarkibini tekshirish |
1 tekshiruv |
84,09 |
|
4.12. |
ICP-mass-spektrometrda namunadagi kimyoviy elementlar tarkibini miqdoriy tekshirish |
1 tekshiruv |
258,80 |
|
V. Turli ishlarni amalga oshirish | |||
|
5.1. |
Probir reaktivlarni tayyorlash (ularni tayyorlashda ishlatiladigan qimmatbaho metallarni hisobga olmasdan): |
||
|
kislotali, tuzli (oltin uchun) |
1 millilitr |
0,28 | |
|
xrompik (kumush uchun) |
1 millilitr |
0,28 | |
|
Azot-kislotali kumush (kumush uchun) |
1 millilitr |
0,28 | |
|
”. | |||
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2022-yil 25-fevraldagi 88-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 26.02.2022-y., 09/22/88/0165-son)
(Qonun hujjatlari maʼlumotlari milliy bazasi, 21.02.2020-y., 09/20/103/0196-son, 15.04.2020-y., 09/20/217/0426-son; Qonunchilik maʼlumotlari milliy bazasi, 26.02.2022-y., 09/22/88/0165-son)
