921-сон 20.11.2019. Andijon viloyatida aholi, shu jumladan yoshlar oʻrtasida kompyuter texnologiyalari va Internet jahon axborot tarmogʻidan samarali foydalanishni tashkil etish chora-tadbirlari toʻgʻrisida

O‘zbekiston Respublikasi Vazirlar Mahkamasining

qarori

Andijon viloyatida aholi, shu jumladan yoshlar o‘rtasida kompyuter texnologiyalari va Internet jahon axborot tarmog‘idan samarali foydalanishni tashkil etish chora-tadbirlari to‘g‘risida

Andijon viloyatida aholi, shu jumladan yoshlarning mafkuraviy immunitetini kuchaytirish, ijodiy va intellektual salohiyatini ro‘yobga chiqarish uchun sharoitlar yaratish, ularni kompyuter texnologiyalari, dasturlash asoslari, kompyuter o‘yinlari va kompyuter sportiga (kibersportga) jalb etish bo‘yicha keng ko‘lamli ishlar amalga oshirilmoqda.

Shu bilan birga, xalqaro miqyosda zamonaviy texnologiyalarga asoslangan raqamli iqtisodiyotning jadal rivojlanishi axborot-kommunikatsiya texnologiyalari sohasida yuqori malakali dasturchi va mutaxassislarni tayyorlash tizimini takomillashtirish, umumta’lim maktablarini zamonaviy kompyuter texnologiyalari bilan ta’minlash va yuqori tezlikdagi Internet jahon axborot tarmog‘iga ulanish, kompyuter o‘yinlari va kibersportni yoshlar o‘rtasida yanada ommalashtirish, shuningdek, axborot texnologiyalariga yo‘naltirilgan adabiyotlar turlari va hajmlarini ko‘paytirishni talab etmoqda.

Andijon viloyatida yoshlarning axborot-kommunikatsiya texnologiyalari sohasiga bo‘lgan qiziqishini yanada oshirish, kompyuter o‘yinlari va kibersportni rivojlantirish ishlariga keng jalb qilish uchun qulay shart-sharoit yaratish, ularga zamonaviy raqamli texnologiyalar, dasturlash asoslari, elektron tijorat yo‘nalishlarini o‘rgatish maqsadida Vazirlar Mahkamasi qaror qiladi:

1. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Xalq ta’limi vazirligi, Jismoniy tarbiya va sport vazirligi, O‘zbekiston yoshlar ittifoqining:

Andijon viloyati tuman (shahar)larida yuridik shaxs tashkil etmagan holda Dasturiy mahsulotlar va axborot texnologiyalari texnologik parki direksiyasining tarkibiy bo‘linmasi shaklida raqamli texnologiyalar o‘quv markazlarini (keyingi o‘rinlarda markazlar deb ataladi) tashkil qilish;

Andijon viloyati umumta’lim maktablarida kompyuter texnologiyalari, kompyuter o‘yinlari va kibersport bo‘yicha to‘garaklarni (keyingi o‘rinlarda to‘garaklar deb ataladi) belgilangan tartibda tashkil etish to‘g‘risidagi takliflari ma’qullansin.

2. Quyidagilar:

a) markazlarning asosiy vazifalari etib belgilansin:

yoshlarga kompyuter dasturlash tillarini, robototexnika, axborot texnologiyalari va elektron tijorat sohasida innovatsion tadbirkorlik asoslarini o‘rgatish;

yoshlarning kompyuter o‘yinlari, kibersportga qiziqishini oshirish, ushbu sohada sportchilarni tayyorlash, musobaqalar va boshqa tadbirlarni o‘tkazish hamda ularda yoshlarning ishtirok etishini ta’minlash;

milliy qadriyatlarni, madaniy va xalq merosini targ‘ib qiluvchi mahalliy dasturiy ta’minotlar, dizayn ishlari, o‘yinlar hamda video mahsulotlarini yaratishga yoshlarni keng jalb qilish;

raqamli texnologiyalar sohasida mahorat darslari, treninglar, ilmiy-amaliy konferensiyalar va seminarlar o‘tkazish;

axborot-kommunikatsiya texnologiyalari sohasida malaka oshirish kurslarini tashkil etish;

b) to‘garaklarning asosiy vazifalari etib belgilansin:

yoshlarga kompyuter dasturlash asoslari, kompyuter savodxonligi, axborot texnologiyalari asoslarini o‘rgatish;

yoshlarning bo‘sh vaqtlarida kibersport hamda axborot texnologiyalariga qiziqishini oshirish, ushbu sohada ularga kasbiy ko‘nikmalar berish.

3. Quyidagilar:

Andijon viloyatida aholi, shu jumladan yoshlar o‘rtasida kompyuter texnologiyalari va Internet jahon axborot tarmog‘idan samarali foydalanishni tashkil etish bo‘yicha chora-tadbirlar dasturi (keyingi o‘rinlarda Chora-tadbirlar dasturi deb ataladi) 1-ilovaga muvofiq;

Andijon viloyatida raqamli texnologiyalar o‘quv markazlari hamda umumta’lim maktablarida kompyuter texnologiyalari, kompyuter o‘yinlari va kibersport to‘garaklarini tashkil etishni muvofiqlashtirish bo‘yicha respublika ishchi guruhining (keyingi o‘rinlarda respublika ishchi guruhi deb ataladi) tarkibi 2-ilovaga muvofiq;

Andijon viloyatida raqamli texnologiyalar o‘quv markazlari joylashtiriladigan manzillar ro‘yxati 3-ilovaga muvofiq tasdiqlansin.

4. Belgilansinki, Chora-tadbirlar dasturiga muvofiq aholi, shu jumladan yoshlar o‘rtasida kompyuter texnologiyalari va Internet jahon axborot tarmog‘idan samarali foydalanishni tashkil etish ishlarida, birinchi navbatda, umumta’lim maktablarining mavjud imkoniyatlaridan keng foydalaniladi.

5. Respublika ishchi guruhi Chora-tadbirlar dasturida nazarda tutilgan vazifalarning ijrosini har chorakda kamida bir marta tahlil qilib, ularni amalga oshirishga to‘sqinlik qilayotgan muammolarni bartaraf etib borish choralarini ko‘rsin.

6. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Xalq ta’limi vazirligi, Andijon viloyati hokimligi bilan birgalikda yoshlarni kompyuter texnologiyalari va Internet jahon axborot tarmog‘idan samarali foydalanishga keng jalb etish borasidagi barcha mavjud imkoniyatlardan samarali va to‘liq foydalangan holda, o‘quvchi-yoshlarning bo‘sh vaqtlarini mazmunli o‘tkazish maqsadida umumta’lim maktablarida yoshlarning qiziqishlaridan kelib chiqib, bir oy muddatda kompyuter texnologiyalari, kompyuter o‘yinlari va kibersport bo‘yicha to‘garaklar faoliyatini yo‘lga qo‘ysin.

Bunda:

a) O‘zbekiston Respublikasi Xalq ta’limi vazirligi Axborot texnologiyalari va kommunikatsiyalarini rivojlantirish vazirligi bilan birgalikda:

to‘garaklar faoliyatini tashkil etish, to‘garaklarni tegishli kadrlar va metodik qo‘llanmalar bilan ta’minlash, umumta’lim maktablarida muntazam turli tadbirlar, ko‘rik-tanlovlar o‘tkazilishini tashkil etish;

to‘garaklarning faoliyat yuritishi, tadbirlar o‘tkazilishi uchun zarur bo‘ladigan xonalarni ajratish va tegishli shart-sharoit yaratish, ularga o‘quvchi-yoshlar qatnovini yo‘lga qo‘yish bo‘yicha;

b) Andijon viloyati hokimligi umumta’lim maktablarida to‘garaklarni tashkil etish uchun zarur bo‘ladigan o‘quv-qo‘llanmalar va boshqa inventarlar bilan ta’minlash bo‘yicha mas’ul etib belgilansin.

7. Andijon viloyati hokimligi Axborot texnologiyalari va kommunikatsiyalarini rivojlantirish vazirligi, Xalq ta’limi vazirligi takliflari asosida bir oy muddatda to‘garaklar uchun zarur bo‘ladigan inventarlarni xarid qilish masalalarini hal etsin.

8. O‘zbekiston Respublikasi Xalq ta’limi vazirligi, Axborot texnologiyalari va kommunikatsiyalarini rivojlantirish vazirligi Andijon viloyati hokimligi bilan birgalikda:

joriy yilning dekabr oyidan boshlab to‘garaklar rahbarlari va o‘qituvchilarining malaka oshirish kurslarini Andijon viloyati xalq ta’limi xodimlarini qayta tayyorlash va malakasini oshirish markazida tashkil etish;

malaka oshirish kurslarida mashg‘ulot o‘tkazish uchun sohaning malakali, yetuk mutaxassis va o‘qituvchilarini jalb etish hamda ularning oylik maoshlarini belgilangan tartibda qoplash choralarini ko‘rsin.

9. Belgilansinki:

a) markazlar yetakchi o‘quv muassasalarining malakali mutaxassis, ekspertlarini markazlarda o‘quv mashg‘ulotlarini o‘tkazish uchun shartnoma asosida jalb qiladi;

b) markazlarda yoshlar uchun qisqa muddatli bepul hamda chuqurlashtirilgan uzoq muddatli pulli o‘quv kurslari tashkil etiladi;

v) markazlarda davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar xodimlari uchun pulli malaka oshirish kurslari tashkil etiladi;

g) markazlarni tashkil etish va ularning faoliyatini amalga oshirish bilan bog‘liq xarajatlar quyidagi mablag‘lar hisobidan amalga oshiriladi:

markazlar joylashtiriladigan bino va inshootlarni rekonstruksiya qilish va mukammal ta’mirlash, ularni zarur mebel va inventar bilan jihozlash, markazlar joylashtiriladigan bino va inshootlar atrofini obodonlashtirish, shuningdek, markazlarning boshqa joriy xarajatlarini qoplash — tashkilotchilarning mablag‘lari, homiylik xayriyalari hamda o‘quv kurslari va malaka oshirish kurslaridan tushadigan mablag‘lar;

Oldingi tahrirga qarang.

markazlarni zarur texnik infratuzilma, texnik qurilmalar va jihozlar bilan ta’minlash — tashkilotchilarning mablag‘lari, o‘quv kurslari va malaka oshirish kurslaridan tushadigan mablag‘lar, homiylik xayriyalari va Raqamli texnologiyalarni rivojlantirish jamg‘armasi mablag‘lari;

(9-band “g” kichik bandining uchinchi xatboshisi O‘zbekiston Respublikasi Vazirlar Mahkamasining 2023-yil 28-dekabrdagi 688-sonli qarori tahririda — Qonunchilik ma’lumotlari milliy bazasi, 29.12.2023-y., 09/23/688/0996-son)

Oldingi tahrirga qarang.

markazlar xodimlari hamda shartnoma asosida jalb qilinadigan mutaxassis, ekspert hamda boshqa xodimlar mehnatiga haq to‘lash — 2019-yilda Raqamli texnologiyalarni rivojlantirish jamg‘armasi mablag‘lari, 2020-yildan boshlab esa — markazlar tomonidan ko‘rsatilgan pulli xizmatlardan tushadigan mablag‘lar;

(9-band “g” kichik bandining to‘rtinchi xatboshisi O‘zbekiston Respublikasi Vazirlar Mahkamasining 2023-yil 28-dekabrdagi 688-sonli qarori tahririda — Qonunchilik ma’lumotlari milliy bazasi, 29.12.2023-y., 09/23/688/0996-son)

d) to‘garaklarni tashkil etish va ularning faoliyatini amalga oshirish bilan bog‘liq xarajatlar quyidagi mablag‘lar hisobidan amalga oshiriladi:

umumta’lim maktablarini tegishli dastur doirasida kompyuter sinflari bilan ta’minlash — xalqaro va xorijiy moliya institutlari mablag‘lari va qonunchilikda taqiqlanmagan boshqa manbalar;

to‘garaklarda faoliyat ko‘rsatayotgan umumta’lim maktablari xodimlari, shuningdek, shartnoma asosida jalb qilinadigan mutaxassis, ekspert hamda boshqa xodimlar mehnatiga haq to‘lash, to‘garaklarning boshqa joriy xarajatlarini qoplash — to‘garaklarda ta’lim berishda pullik xizmat ko‘rsatishdan olingan daromadlar;

to‘garaklarga taqdim etiladigan yuqori tezlikdagi Internet jahon axborot tarmog‘i xizmatlari va “ZiyoNET” tarmog‘iga kirish uchun belgilangan tariflar asosida xarajatlarni qoplash — Andijon viloyati mahalliy budjeti, tumanlar (shaharlar) budjetlari hisobiga ushbu maqsadlarga ajratiladigan mablag‘lar doirasida belgilangan tartibda amalga oshiriladi.

10. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Xalq ta’limi vazirligi, Oliy va o‘rta maxsus ta’lim vazirligi, Jismoniy tarbiya va sport vazirligi bilan birgalikda uch oy muddatda markazlar va to‘garaklar uchun zamonaviy raqamli texnologiyalar, dizayn ishlari, elektron tijorat, dasturlash asoslari, kompyuter o‘yinlari va kibersport bo‘yicha o‘quv dasturlarini ishlab chiqsin va belgilangan tartibda tasdiqlasin.

11. Respublika Ma’naviyat va ma’rifat markazi yoshlarni madaniyat va san’atga jalb etish, ularning bo‘sh vaqtlarini mazmunli tashkil etish borasidagi vazifalarni amalga oshirishda muntazam ravishda tegishli tahliliy ishlarni olib borsin, yoshlarning to‘garaklarga qatnashi, ushbu joylarda o‘tkazilayotgan tadbirlarning mazmundorligini o‘rganish bo‘yicha doimiy monitoring yuritsin hamda natijalari bo‘yicha O‘zbekiston Respublikasi Axborot texnologiyalari va kommunikatsiyalarini rivojlantirish vazirligiga tegishli tavsiyalar berib borsin.

12. O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga kitobxonlikni rivojlantirish borasida Andijon viloyatida olib borilayotgan islohotlarni keng yoritish, shuningdek, ushbu yo‘nalishda amalga oshirilayotgan chora-tadbirlarning mazmuni va mohiyatini tushuntirish ishlarini tashkil qilish tavsiya etilsin.

13. Mazkur qarorning bajarilishini nazorat qilish O‘zbekiston Respublikasi axborot texnologiyalari va kommunikatsiyalarini rivojlantirish vaziri Sh.M. Sadikov, xalq ta’limi vaziri Sh.X. Shermatov zimmasiga hamda O‘zbekiston Respublikasi Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyatiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2019-yil 20-noyabr,

921-son

Vazirlar Mahkamasining 2019-yil 20-noyabrdagi 921-son qaroriga
1-ILOVA

Andijon viloyatida aholi, shu jumladan yoshlar o‘rtasida kompyuter texnologiyalari va Internet jahon axborot tarmog‘idan samarali foydalanishni tashkil etish bo‘yicha

ChORA-TADBIRLAR DASTURI

T/r	Amalga oshiriladigan tadbirlar	Bajarish muddati	Ijro uchun mas’ullar	Sarf-xarajatlar (mln so‘m)	Moliyalashtirish manbalari	Amalga oshirish mexanizmi
I. Axborot-kommunikatsiya texnologiyalari infratuzilmasini rivojlantirish
1.	Xalq ta’limi muassasalarining yuqori tezlikdagi Internet jahon axborot tarmog‘iga ulanishini ta’minlash.	2019-2020-yillar	Axborot texnologiyalari va kommunikatsiyalarini rivojlantirish vazirligi, Xalq ta’limi vazirligi	114 355,0	Mas’ul vazirlik va idoralar mablag‘lari hisobidan	785 ta xalq ta’limi muassasalariga qurilmalarni tanlov asosida xarid qilish va qurilish hamda montaj ishlarini amalga oshirish.
2.	Davlat tibbiyot muassasalari va tashkilotlarining yuqori tezlikdagi Internet jahon axborot tarmog‘iga ulanishini ta’minlash.	2019-2020-yillar	Axborot texnologiyalari va kommunikatsiyalarini rivojlantirish vazirligi, Sog‘liqni saqlash vazirligi	33 477,0	Mas’ul vazirlik va idoralar mablag‘lari hisobidan	272 ta davlat tibbiyot muassasalari va tashkilotlariga qurilmalarni tanlov asosida xarid qilish va qurilish hamda montaj ishlarini amalga oshirish.
3.	Maktabgacha ta’lim muassasalarini yuqori tezlikdagi Internet jahon axborot tarmog‘iga ulanishini ta’minlash.	2020-yil iyul	Axborot texnologiyalari va kommunikatsiyalarini rivojlantirish vazirligi, Maktabgacha ta’lim vazirligi	56 549,0	Mas’ul vazirlik va idoralar mablag‘lari hisobidan	459 ta maktabgacha ta’lim muassasalariga qurilmalarni tanlov asosida xarid qilish va qurilish hamda montaj ishlarini amalga oshirish.
II. Raqamli texnologiyalar o‘quv markazlarini tashkil qilish
4.	Andijon viloyati tuman (shahar)larida Raqamli texnologiyalar o‘quv markazini zarur infratuzilma, texnik qurilmalar va jihozlar bilan ta’minlash:		Andijon viloyati hokimligi, tuman (shahar) hokimliklari, Axborot texnologiyalari va kommunikatsiyalarini rivojlantirish vazirligi, O‘zbekiston yoshlar ittifoqi	Har bir tuman (shahar) uchun 450,0	Tashkilotchilarning mablag‘lari hisobidan	1. Binoni ta’mirlash. 2. Zarur texnik qurilmalar va jihozlarni xarid qilish. 3. Markazni yuqori tezlikdagi Internet jahon axborot tarmog‘i bilan ta’minlash. 4. Markazda lokal tarmoq tashkil etish.
	Andijon shahrida;	2019-yil dekabr
	Asaka tumanida;	2020-yil iyun
	Shahrixon tumanida;	2020-yil dekabr
	Oltinko‘l tumanida;	2021-yil iyun
	Baliqchi tumanida;	2021-yil dekabr
	Bo‘z tumanida;	2022-yil iyun
	Buloqboshi tumanida;	2022-yil dekabr
	Jalaquduq tumanida;	2023-yil iyun
	Izboskan tumanida;	2023-yil dekabr
	Qo‘rg‘ontepa tumanida;	2024-yil iyun
	Marhamat tumanida;	2024-yil dekabr
	Paxtaobod tumanida;	2025-yil iyun
	Ulug‘nor tumanida;	2025-yil iyun
	Xo‘jaobod tumanida;	2025-yil dekabr
	Andijon tumanida;	2025-yil dekabr
	Xonobod shahrida.	2025-yil dekabr
5.	Raqamli texnologiyalar o‘quv markazlarida zamonaviy o‘quv kurslarni tashkil etish.	Doimiy	Axborot texnologiyalari va kommunikatsiyalarini rivojlantirish vazirligi, Xalq ta’limi vazirligi	2 980,5	Tashkilotchilarning mablag‘lari hisobidan	1. Markazlar uchun o‘qituvchi-murabbiylarni tayyorlash va o‘quv dasturlarni ishlab chiqish. 2. Markazlarga tinglovchi-larni tanlab olish va o‘qitishni tashkil qilish.
6.	Umumta’lim maktablari o‘qituvchilarini axborot-kommunikatsiya texnologiyalari sohasida bilim va ko‘nikmalarini yanada oshirish maqsadida Raqamli texnologiyalar o‘quv markazlarida malaka oshirish kurslarini tashkil etish.	2020-yil fevral — aprel	Axborot texnologiyalari va kommunikatsiyalarini rivojlantirish vazirligi, Xalq ta’limi vazirligi	Smeta hujjatlari asosida	Tashkilotchilarning mablag‘lari hisobidan	Umumta’lim maktablari o‘qituvchilarining axborot-kommunikatsiya texnologiyalari sohasidagi bilimlarini baholash mezonini ishlab chiqish va ularning malakasini oshirish.
7.	Raqamli texnologiyalar o‘quv markazlarida davlat organlari xodimlari va tadbirkorlik subyektlari uchun shartnoma asosida kechki kurslarni tashkil etish.	Doimiy	Axborot texnologiyalari va kommunikatsiyalarini rivojlantirish vazirligi	Smeta hujjatlari asosida	Tashkilotchilarning mablag‘lari hisobidan	1.4O‘quv dasturlarini ishlab chiqish va tasdiqlash. 2. Tinglovchilarni tasdiqlangan grafik asosida tanlab olish. 3. O‘qitishni tashkil qilish.
8.	Umumta’lim maktablarini axborot-kommunikatsiya texnologiyalari sohasidagi o‘quv qo‘llanmalar bilan ta’minlash.	2019 — 2021-yillar	Xalq ta’limi vazirligi, Axborot texnologiyalari va kommunikatsiyalarini rivojlantirish vazirligi	Smeta hujjatlari asosida	Ijrochilar mablag‘lari hisobidan	1. Umumta’lim maktablari kutubxonalaridagi axborot-kommunikatsiya texnologiyalari bo‘yicha o‘quv qo‘llanmalari va materiallarini xatlovdan o‘tkazish. 2. Xatlov natijalariga ko‘ra zarur kitbolar va o‘quv materillari ro‘yxatini shakllantirish. 3. Ro‘xatga ko‘ra kitoblar va o‘quv qo‘llanmalarini xarid qilish. 4. Umumta’lim maktablari kutubxonalarini yangi darsliklar bilan boyitib borish.
III. Kompyuter industriyasi va sportini rivojlantirish
9.	Andijon viloyatida Elektron kompyuter sporti federatsiyasining bo‘linmasi faoliyatini tashkil etish.	2019-yil yakuniga qadar	O‘zbekiston elektron kompyuter sporti federatsiyasi, Andijon viloyati hokimligi	-	-	Andijon viloyatida Elektron kompyuter sporti federatsiyasining bo‘linmasi faoliyatini tashkil etish bo‘yicha ishlarni amalga oshirish.
10.	Viloyat miqyosida kompyuter o‘yinlari va kibersport bo‘yicha davriy musobaqalarni o‘tkazish.	Doimiy	O‘zbekiston elektron kompyuter sporti federatsiyasi, O‘zbekiston yoshlar ittifoqi, Sog‘liqni saqlash vazirligi, Andijon viloyati hokimligi	Smeta hujjatlari asosida	O‘zbekiston elektron kompyuter sporti federatsiyasi mablag‘lari va homiylik xayriyalari	1. 2019 — 2022-yillar davomida hududiy va respublika musobaqa-larini tashkil etish reja-jadvali va nizomini ishlab chiqish. 2. Kibersport bo‘yicha musoba-qalar va turnirlar o‘tkaziladigan binolarni zarur jihoz va uskunalar bilan jihozlash.
11.	Elektron kompyuter sporti bo‘yicha trenerlik faoliyati bilan shug‘ullanuvchi shaxslarni attestatsiyadan o‘tkazish va elektron kompyuter sporti bo‘yicha trenerlar reyestrini shakllantirish.	2020-yil I chorak	Jismoniy tarbiya va sport vazirligi, O‘zbekiston elektron kompyuter sporti federatsiyasi, Andijon viloyati hokimligi	-	-	1. Elektron kompyuter sporti bo‘yicha trenerlik faoliyati bilan shug‘ullanuvchi shaxslarni attestatsiyadan o‘tkazish bo‘yicha amaldagi hujjatlarga o‘zgartirishlar kiritish. 2. Elektron kompyuter sporti bo‘yicha trenerlik faoliyati bilan shug‘ullanuvchi shaxslarni attestatsiyasini tashkil qilish.
12.	Kompyuter o‘yinlari bilan shug‘ullanadigan klublar reyestrini shakllantirish va ularni pasportlashtirish.	2020-yil I chorak	Jismoniy tarbiya va sport vazirligi, O‘zbekis�on elektron kompyuter sporti federatsiyasi, Andijon viloyati hokimligi	Belgilangan yig‘im miqdorida	O‘zbekiston elektron kompyuter sporti federatsiyasi va homiylar mablag‘lari	1. Ishchi guruhlarni shakllantirish, Andijon viloyatidagikompyuter o‘yinlari bilan shug‘ullanadigan klublarni xatlovdan o‘tkazish. 2. Klublar reyestrini shakllantirish va ularni pasportlashtirish.
13.	Umumta’lim maktablaridagi kompyuter sinflarini jihozlash, texnik holatni yanada yaxshilash.	2019-2020-yillar	Xalq ta’limi vazirligi, Axborot texnologiyalari va kommunikatsiyalarini rivojlantirish vazirligi, Andijon viloyati hokimligi	Smeta hujjatlari asosida	Xalqaro moliya institutlari va xorijiy hukumat moliya tashkilotlarining kredit va grant mablag‘lari	1. Umumta’lim maktablarining kompyuter texnikalari bilan ta’minlanganligini xatlovdan o‘tkazish. 2. Xatlov natijalariga ko‘ra kompyuter texnikalari va texnik vositalar ro‘yxatini shakllantirish. 3. Ro‘xatga ko‘ra kompyuter texnikalari va texnik vositalarni xarid qilish. 4. Xarid qilingan kompyuter texnikalari va texnik vositalarni umumta’lim maktablarida o‘rnatish ishlarini tashkil etish.
14.	Umumta’lim maktablarida lokal hisoblash tarmoqlarni tashkil etish.	2019 — 2021-yillar	Xalq ta’limi vazirligi, Moliya vazirligi, Axborot texnologiyalari va kommunikatsiyalarini rivojlantirish vazirligi	Smeta hujjatlari asosida	Ajratilgan budjet mablag‘lari doirasida, Xalq ta’limi vazirligining budjetdan tashqari mablag‘lari	1. Umumta’lim maktablarining lokal hisoblash tarmoqlarini xatlovdan o‘tkazish. 2. Xatlov natijalariga ko‘ra zarur jihoz va texnik vositalar ro‘yxatini shakllantirish. 3. Ro‘xatga ko‘ra jihoz va texnik vositalarni xarid qilish. 4. Xarid qilingan jihoz va texnik vositalarni umumta’lim maktablarida o‘rnatish sozlash ishlarini tashkil etish.
15.	Hududlarda Raqamli texnologiyalar o‘quv markazlarini va kompyuter texnologiyalari, kompyuter o‘yinlari va kibersport bo‘yicha to‘garaklar faoliyatining aholi, ayniqsa, yoshlar o‘rtasida keng targ‘ibotini yo‘lga qo‘yish.	Doimiy	MTRK, O‘zA, Axborot texnologiyalari va kommunikatsiyalarini rivojlantirish vazirligi, O‘zbekiston yoshlar ittifoqi, Xalq ta’limi vazirligi, Jismoniy tarbiya va sport vazirligi	Smeta hujjatlari asosida	Ijrochilar mablag‘lari hisobidan	1. Mediya-reja ishlab chiqish va tasdiqlash. 2. Hududlarda targ‘ibot guruh-larini shakllantirish, targ‘ibot rejasini ishlab chiqish. 3. Raqamli texnologiyalar o‘quv markazlarini va kompyuter texnologiyalari, kompyuter o‘yinlari va kibersport bo‘yicha to‘garaklar faoliyati to‘g‘risida maxsus ko‘rsatuv va roliklar tayyorlab, ommaviy axborot vositalari va ijtimoiy tarmoqlar orqali keng yoritib borish.

Izoh. Loyihalarning yakuniy parametrlari loyihalarning loyiha-smeta hujjatlarini tasdiqlash va belgilangan tartibda tanlov savdolarini o‘tkazish natijalari bo‘yicha aniqlanadi.

Vazirlar Mahkamasining 2019-yil 20-noyabrdagi 921-son qaroriga
2-ILOVA

TARKIBI

1. Sh.M. Sadikov	—	O‘zbekiston Respublikasi axborot texnologiyalari va kommunikatsiyalarini rivojlantirish vaziri, Ishchi guruh rahbari
2. U.I. Shukurov	—	Andijon viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari, Ishchi guruh rahbarining o‘rinbosari
3. Sh.X. Shermatov	—	O‘zbekiston Respublikasi xalq ta’limi vaziri
4. D.X. Nabiyev	—	O‘zbekiston Respublikasi jismoniy tarbiya va sport vaziri
5. I.U. Madjidov	—	O‘zbekiston Respublikasi oliy va o‘rta maxsus ta’lim vaziri
6. Sh.R. Rajabbayev	—	O‘zbekiston Respublikasi innovatsion rivojlanish vazirining birinchi o‘rinbosari v.b.
7. A.Y. Xaydarov	—	O‘zbekiston Respublikasi moliya vazirining o‘rinbosari
8. A.M. Jumaboyev	—	O‘zbekiston yoshlar ittifoqi Markaziy Kengashi raisining birinchi o‘rinbosari

Izoh. Ishchi guruh a’zolari boshqa lavozimga o‘tganda, uning tarkibiga mazkur lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

Vazirlar Mahkamasining 2019-yil 20-noyabrdagi 921-son qaroriga
3-ILOVA

Andijon viloyatida raqamli texnologiyalar o‘quv markazlari joylashtiriladigan manzillar

RO‘YXATI

T/r	Tuman (shahar) nomi	Raqamli texnologiyalar o‘quv markazi joylashtiriladigan manzil
1.	Andijon shahri	Cho‘lpon ko‘chasi, 9-uy
2.	Asaka tumani	Asaka shahri, Sohil bo‘yi ko‘chasi, 1-uy
3.	Shahrixon tumani	Shahrixon shahri, Shahrixon shox ko‘cha, 42-uy
4.	Andijon tumani	Kuygan-yor shaharchasi, Andijon ko‘chasi, 2-uy
5.	Izboskan tumani	Ch. Azimov ko‘chasi, 1-uy
6.	Qo‘rg‘ontepa tumani	Mustaqillik ko‘chasi, 50-uy
7.	Baliqchi tumani	“Avesto” MFY, Xudayberdiyev ko‘chasi, 8-uy
8.	Paxtaobod tumani	Paxtaobod shahri, A. Temur ko‘chasi, 2-uy
9.	Jalaquduq tumani	Oxunboboyev shahri, O‘zbekiston ko‘chasi, 48-uy
10.	Marhamat tumani	Ipak yo‘li ko‘chasi, 1-uy
11.	Oltinko‘l tumani	Chinobod ko‘chasi, 35-uy
12.	Buloqboshi tumani	Farog‘at ko‘chasi, 43-DIMI
13.	Xo‘jaobod tumani	Uzun ko‘chasi, 11-uy
14.	Bo‘z tumani	A. Ikramov ko‘chasi, 14-uy
15.	Ulug‘nor tumani	“Shahribod” MFY, Mustaqillik ko‘chasi, 2-uy
16.	Xonobod shahri	Ziyokor ko‘chasi, 5-uy

Izoh. Andijon viloyatida raqamli texnologiyalar o‘quv markazlari hamda umumta’lim maktablarida kompyuter texnologiyalari, kompyuter o‘yinlari va kibersport to‘garaklarini tashkil etishni muvofiqlashtirish bo‘yicha respublika ishchi guruhi raqamli texnologiyalar o‘quv markazlari joylashtiriladigan manzillarga tegishli o‘zgartirishlar kiritish huquqiga ega.

(Qonun hujjatlari ma’lumotlari milliy bazasi, 21.11.2019-y., 09/19/921/4043-son; Qonunchilik ma’lumotlari milliy bazasi, 29.12.2023-y., 09/23/688/0996-son)