Oʻzbekiston Respublikasining Qonuni

Qurol toʻgʻrisida

Qonunchilik palatasi tomonidan 2019-yil 18-mayda qabul qilingan
Senat tomonidan 2019-yil 21-iyunda maʼqullangan

1-bob. Umumiy qoidalar

1-modda. Ushbu Qonunning maqsadi

Ushbu Qonun qurol va uning oʻq-dorilari muomalasi bilan bogʻliq munosabatlarni tartibga soladi hamda fuqarolarning hayoti va sogʻligʻini, mulkni himoya qilishga hamda jamoat xavfsizligini taʼminlashga qaratilgan.

Oldingi tahrirga qarang.

2-modda. Qurol toʻgʻrisidagi qonunchilik

Qurol toʻgʻrisidagi qonunchilik ushbu Qonun va boshqa qonunchilik hujjatlaridan iboratdir.

Agar Oʻzbekiston Respublikasining xalqaro shartnomasida Oʻzbekiston Respublikasining qurol toʻgʻrisidagi qonunchiligida nazarda tutilganidan boshqacha qoidalar belgilangan boʻlsa, xalqaro shartnoma qoidalari qoʻllaniladi.

LexUZ sharhi

Qoʻshimcha maʼlumot uchun qarang: 2008-yil 14-noyabrdagi “Mustaqil Davlatlar Hamdoʻstligiga aʼzo davlatlarning oʻqotar qurollar, oʻq dorilar, portlovchi moddalarning qonunga xilof ravishda tayyorlanishi va aylanishiga qarshi kurashda hamkorligi toʻgʻrisida”gi bitim.

(2-modda Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

3-modda. Asosiy tushunchalar

Ushbu Qonunda quyidagi asosiy tushunchalar qoʻllaniladi:

gazli qurol — koʻzdan yosh oqizadigan yoki achishtiradigan moddalarni qoʻllash yoʻli bilan jonli nishonga vaqtinchalik shikast yetkazish uchun moʻljallangan qurol;

kalta stvolli qurol — stvolining uzunligi uch yuz millimetrdan va umumiy uzunligi olti yuz millimetrdan oshmaydigan qurol;

pnevmatik qurol — siqilgan, suyultirilgan yoki qotirilgan gazsimon moddaning quvvati hisobiga yoʻnaltirilgan holda harakatga keladigan aslaha bilan nishonni masofadan turib urish uchun moʻljallangan qurol;

signal beruvchi qurol — tuzilishi jihatidan faqat yorugʻlik, tutunli yoki tovushli signallar berish uchun moʻljallangan qurol;

sovuq qurol — shikast yetkaziladigan obyekt bilan bevosita toʻqnashish chogʻida odamning jismoniy kuchi yordamida nishonni urish uchun moʻljallangan qurol;

Oldingi tahrirga qarang.

sovuq qurol sifatida foydalanilishi mumkin boʻlgan ashyolar — kasbiy, ishlab chiqarish yoki sport faoliyatida yoxud xoʻjalik-maishiy maqsadlarda foydalanish uchun moʻljallangan, sanoat usulida yoki qoʻlbola tarzda yasalgan tigʻli, kesuvchi ashyolar (pichoqlar, bigizlar va boshqa uchi oʻtkirlangan sanchiladigan, kesuvchi ashyolar), jismoniy kuch ishlatganda shikast yetkazishi mumkin boʻlgan ashyolar (beysbol bitalari, softbol oʻyini uchun bitalar);

(3-modda Oʻzbekiston Respublikasining 2020-yil 5-noyabrdagi OʻRQ-645-sonli Qonuniga asosan yettinchi xatboshi bilan toʻldirilgan — Qonun hujjatlari maʼlumotlari milliy bazasi, 06.11.2020-y., 03/20/645/1469-son)

uloqtirish quroli — nishonni aslaha bilan masofadan turib urish uchun moʻljallangan, odamning jismoniy kuchi yoki mexanik qurilma yordamida yoʻnaltirilgan holda harakatga keladigan qurol;

oʻq-dorilar — qurolning jonli nishonni yoki boshqa nishonni urish uchun moʻljallangan hamda tarkibida portlovchi, poroxli, uloqtiruvchi, pirotexnik yoki urib chiqaradigan moddalar yoxud ularning birikmasi mavjud boʻlgan qurol-yarogʻ ashyolari va uloqtiriladigan aslahasi;

oʻqotar qurol — porox yoki boshqa modda quvvati hisobiga yoʻnaltirilgan holda harakatga keluvchi aslaha bilan nishonni masofadan turib mexanik urish uchun moʻljallangan qurol;

oʻqotar qurolning asosiy qismlari — stvol, zatvor, oʻqdon (baraban), ramka, stvol qutisi;

qurol — tuzilishiga koʻra jonli nishonni yoki boshqa nishonni urish, signallar berish uchun moʻljallangan qurilmalar va ashyolar. Tuzilishi jihatidan qurolga oʻxshash boʻlgan xoʻjalik-maishiy va ishlab chiqarish maqsadidagi buyumlar sifatida sertifikatlangan buyumlar, shuningdek tuzilishi jihatidan qurolga oʻxshash boʻlgan sport aslahalari qurol jumlasiga kirmaydi;

qurol muomalasi — qurolni va uning oʻq-dorilarini, oʻqotar qurolning asosiy qismlarini ishlab chiqarish, taʼmirlash, realizatsiya qilish, olish, hisobga olish, saqlash, olib yurish, tashish, kolleksiyalash, koʻrgazmaga qoʻyish, ulardan foydalanish, ularni olib qoʻyish, yoʻq qilish, Oʻzbekiston Respublikasi hududiga olib kirish va Oʻzbekiston Respublikasi hududidan olib chiqish, shuningdek ularni Oʻzbekiston Respublikasi hududi orqali tranzit qilish;

qurol egasi — ushbu Qonun talablariga muvofiq olingan qurol kimning egaligida turgan boʻlsa, oʻsha jismoniy yoki yuridik shaxs.

4-modda. Qurol va uning oʻq-dorilari muomalasining asosiy prinsiplari

Qurol va uning oʻq-dorilari muomalasining asosiy prinsiplari quyidagilardan iborat:

qonuniylik;

fuqarolarning hayoti va sogʻligʻini himoya qilish hamda saqlash, ularning huquq va erkinliklarini himoya qilish ustuvorligi;

Oʻzbekiston Respublikasining qurol va uning oʻq-dorilari muomalasi sohasidagi xalqaro majburiyatlarining vijdonan bajarilishi;

qurol va uning oʻq-dorilari muomalasi masalalariga doir axborotning oshkoraligi hamda undan foydalana olish.

2-bob. Qurolning tasnifi

5-modda. Qurolning turlari

Qurol moʻljallanilgan maqsadi hamda asosiy parametrlari va tavsiflariga koʻra fuqaroviy qurol, xizmat quroli va jangovar qurol turlariga boʻlinadi.

LexUZ sharhi

Qarang: Vazirlar Mahkamasining 2023-yil 1-maydagi 175-son “Fuqaroviy va xizmat quroli hamda uning oʻq-dorilari muomalasi sohasida litsenziyalash va ruxsat berish tartib-taomillarini takomillashtirish chora-tadbirlari toʻgʻrisida”gi qarori.

6-modda. Fuqaroviy qurol

Ov va sport bilan shugʻullanish uchun, shuningdek oʻzini oʻzi himoya qilish maqsadida foydalanish uchun moʻljallangan qurol fuqaroviy qurol jumlasiga kiradi.

Fuqaroviy qurol quyidagilarga boʻlinadi:

1) ov quroli:

soyli stvolli oʻqotar qurol;

silliq stvolli oʻqotar qurol, shu jumladan soyli qismining uzunligi bir yuz qirq millimetrdan oshmaydigan oʻqotar qurol;

kombinatsiyalangan (soyli stvolli va silliq stvolli) oʻqotar qurol, shu jumladan almashtiriladigan va joylashtiriladigan soyli stvolli oʻqotar qurol;

Oldingi tahrirga qarang.

pnevmatik qurol;

(6-modda ikkinchi qismi 1-bandining beshinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

tigʻli sovuq qurol (ov pichoqlari, ov xanjarchalari va xanjarlar);

signal beruvchi qurol;

LexUZ sharhi

Qarang: Oʻzbekiston Respublikasining “Ov qilish va ovchilik xoʻjaligi toʻgʻrisida”gi Qonuni.

2) sport quroli:

soyli stvolli oʻqotar qurol;

silliq stvolli oʻqotar qurol;

tigʻli sovuq qurol (rapiralar, shpagalar va qilichlar);

uloqtirish quroli (kamonlar, arbaletlar va nayzalar);

Oldingi tahrirga qarang.

pnevmatik qurol;

(6-modda ikkinchi qismi 2-bandining oltinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

signal beruvchi qurol;

3) oʻzini oʻzi himoya qilish quroli:

gazli qurol — koʻzdan yosh oqizadigan yoki achishtiradigan moddalar bilan toʻldirilgan gazli ballonchalar, mexanik purkagichlar, aerozolli qurilmalar va boshqa qurilmalar;

elektroshok qurilmalari, uchqun chiqargichlar va shikast yetkazuvchi taʼsiri elektr energiyasidan foydalanishga asoslangan boshqa qurilmalar.

Fuqaroviy oʻqotar qurol qatorasiga oʻq uzishni istisno etishi va oʻqdon (baraban) sigʻimi oʻn dona patrondan ortiq boʻlmasligi kerak.

LexUZ sharhi

Qarang: Vazirlar Mahkamasining 2020-yil 28-iyuldagi 455-son “Fuqaroviy qurol va xizmat quroli sohasidagi ayrim normativ-huquqiy hujjatlarni tasdiqlash toʻgʻrisida”gi qarori.

7-modda. Xizmat quroli

Fuqarolarning hayoti va sogʻligʻini, mol-mulkni himoya qilishga, tabiatni va tabiiy resurslarni, qimmatbaho va xavfli yuklarni, maxsus xat-xabarlarni muhofaza qilishga doir vazifalarni bajarish chogʻida yuridik shaxslarning (bundan buyon matnda maxsus xizmat vazifalariga ega yuridik shaxslar deb yuritiladi) xodimlari tomonidan, shuningdek davlat organlarining mansabdor shaxslari tomonidan shaxsiy xavfsizlikni taʼminlash maqsadida foydalanish uchun moʻljallangan qurol xizmat quroli jumlasiga kiradi.

Xizmat quroli qatorasiga oʻq uzishni istisno etishi, oʻqdon (baraban) sigʻimi oʻn dona patrondan ortiq boʻlmasligi, kalibri silliq stvolli qurol uchun yigirma besh millimetrdan va ogʻiz qismidagi quvvat uch yuz ellik joulgacha boʻlgan soyli kalta stvolli qurol uchun toʻqqiz millimetrdan oshmasligi kerak.

Maxsus xizmat vazifalariga ega yuridik shaxslarning va xizmat qurolini saqlash, olib yurish, undan foydalanish huquqiga ega boʻlgan davlat organlari mansabdor shaxslarining roʻyxati Oʻzbekiston Respublikasi Vazirlar Mahkamasi tomonidan belgilanadi.

LexUZ sharhi

Qarang: Vazirlar Mahkamasining 2020-yil 28-iyuldagi 455-sonli qarori bilan tasdiqlangan Fuqaroviy qurol va xizmat quroli hamda ularning oʻq-dorilari davlat kadastrini shakllantirish va yuritish tartibini belgilash toʻgʻrisidagi nizom.

8-modda. Jangovar qurol

Oldingi tahrirga qarang.

Oʻzbekiston Respublikasi Mudofaa vazirligi, Ichki ishlar vazirligi, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Oʻzbekiston Respublikasi Milliy gvardiyasi, Davlat bojxona qoʻmitasi, Elektron texnologiyalarini rivojlantirish markazi, Favqulodda vaziyatlar vazirligining, Axborot texnologiyalari va kommunikatsiyalarini rivojlantirish vazirligining harbiy tuzilmalari (bundan buyon matnda maxsus organlar va harbiy tuzilmalar deb yuritiladi) qurollantirilgan yoki qurollantirishga moʻljallangan, jangovar harakatlarni olib borish hamda xizmat vazifalarini bajarish uchun moʻljallangan qurol jangovar qurol jumlasiga kiradi.

(8-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Jangovar qurolni va uning oʻq-dorilarini olish, saqlash va ulardan foydalanish faqat maxsus organlar va harbiy tuzilmalar tomonidan, shuningdek ushbu Qonun 12-moddasining yettinchi qismida nazarda tutilgan, maxsus xizmat vazifalariga ega yuridik shaxslar tomonidan amalga oshiriladi.

Jangovar qurolning va uning oʻq-dorilarining muomalasi tartibi Oʻzbekiston Respublikasi Prezidenti tomonidan belgilanadi.

3-bob. Qurol va uning oʻq-dorilari muomalasi

9-modda. Fuqaroviy va xizmat quroli hamda uning oʻq-dorilari muomalasiga belgilanadigan cheklovlar

Oʻzbekiston Respublikasi hududida quyidagilar taqiqlanadi:

1) fuqaroviy va xizmat quroli hamda uning oʻq-dorilari sifatida quyidagilarning muomalasi:

oʻqdon (baraban) sigʻimi oʻn dona patrondan ortiq, stvol uzunligi stvol qutisi bilan besh yuz millimetrdan va qurolning umumiy uzunligi sakkiz yuz millimetrdan kam boʻlgan uzun stvolli oʻqotar qurol, shuningdek tuzilishi oʻq otish imkoniyatini yoʻqotmagan holda uni sakkiz yuz millimetrdan kam uzunlikkacha buklash, siljitish yoki qismlarga ajratish imkonini beradigan qurolning;

boshqa ashyolarning shaklini takrorlovchi oʻqotar qurolning;

soyli stvolli oʻqotar qurolning patronlariga moslab tayyorlangan silliq stvolli oʻqotar qurolning;

stvolsiz oʻqotar qurolning (patron gilzasi stvol sifatida foydalaniladigan qurolning);

3D-printerida polimer va kompozit materiallardan chiqarilgan oʻqotar qurolning;

Oʻzbekiston Respublikasi Vazirlar Mahkamasi tomonidan belgilangan normalarga muvofiq boʻlmagan chiqish parametrlariga ega boʻlgan elektroshok qurilmalarining, uchqun chiqargichlarning va boshqa qurilmalarning;

qoʻllanilishiga Oʻzbekiston Respublikasi Vazirlar Mahkamasi tomonidan ruxsat etilmagan, asabni falajlaydigan, zaharli va boshqa kuchli taʼsir koʻrsatuvchi moddalar bilan toʻldirilgan gazli qurolning;

shikastlovchi taʼsiri radioaktiv nurlanish, kimyoviy va biologik (bakteriologik) omillardan foydalanishga asoslangan qurolning;

shikastlovchi taʼsiri elektromagnit, nur, issiqlik, infratovush yoki ultratovush nurlanishdan foydalanishga asoslangan qurol va boshqa anjomlarning;

tigʻining yoki keskichining (damining) uzunligi toʻqson millimetrdan ortiq boʻlgan, tugmasi yoki pishangi bosilganda sopidan avtomatik ravishda chiqariladigan va mahkamlanadigan yoxud ogʻirlik kuchi yoki tezkor harakat hisobiga surilib chiqadigan hamda avtomatik ravishda oʻrnashadigan tigʻli sovuq qurol va pichoqlarning;

uloqtiriladigan anjomi zirhteshar, yondiruvchi, havoda iz qoldiruvchi yoki portlovchi taʼsirga ega oʻq-dorilarning, shuningdek gazli toʻpponchalar va revolverlar uchun sochma oʻq-dorili patronlarning;

qurol sifatida qoʻllash uchun maxsus moslashtirilgan zarb berib-parchalovchi va uloqtiruvchi taʼsirga ega ashyolarning (gurzilar, kastetlar, surikenlar, bumeranglar va boshqa ashyolarning), bundan sport aslahalaridan foydalanish mustasno;

2) fuqaroviy qurol hamda uning oʻq-dorilari sifatida quyidagilarning muomalasi:

Oldingi tahrirga qarang.

pnevmatik kalta stvolli qurol, shuningdek tashqi tomondan avtomatik qurol nusxalariga (replikalariga) oʻxshash pnevmatik qurolning (bundan ushbu qurolni sport obyektlarida saqlash va undan foydalanish mustasno);

(9-modda 2-bandining ikkinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

cheklangan shikast yetkazuvchi oʻqotar qurolning (poroxli yoki boshqa modda quvvati hisobiga yoʻnaltirilgan holda harakat oluvchi va odamni oʻldirish uchun moʻljallanmagan, jarohat yetkazuvchi taʼsir kuchiga ega boʻlgan patronning otiladigan anjomi bilan masofadan turib jonli nishonga mexanik shikast yetkazish uchun moʻljallangan kalta stvolli oʻqotar qurolning va stvolsiz oʻqotar qurolning);

gazli kalta stvolli qurolning;

Oldingi tahrirga qarang.

maxsus taʼmirlash ishlarini amalga oshirmasdan turib oʻq uzish imkoniyatini istisno etadigan oʻquv qurolining va vazn-oʻlchamli qurolning;

nur-tovushli taʼsirga ega patron bilan oʻq uzishni imitatsiya qilish uchun moʻljallangan, maxsus taʼmirlash ishlarini amalga oshirmasdan turib boshqa turdagi patronlar bilan oʻq uzish imkoniyatini istisno etadigan paxtavon qurolning va uning oʻq-dorilarining;

(9-moddaning 2-bandi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan beshinchi va oltinchi xatboshilar bilan toʻldirilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

harakatga keltiruvchi vositalarni, uloqtiruvchi moddani va shikast yetkazuvchi taʼsir kuchiga ega boʻlgan otiladigan anjomni gilza yordamida yaxlit holda birlashtiradigan silliq stvolli oʻqotar quroldan yoki cheklangan shikast yetkazuvchi oʻqotar quroldan oʻq uzish uchun moʻljallangan va odamni oʻldirish uchun moʻljallanmagan, jarohat yetkazuvchi taʼsir kuchiga ega boʻlgan patronlarning;

koʻzdan yosh oqizadigan yoki achishtiradigan moddalar bilan toʻldirilgan harakatga keltiruvchi vositalarni gilza yordamida yaxlit holda birlashtiradigan, gazli quroldan yoki cheklangan shikast yetkazuvchi oʻqotar quroldan oʻq uzish uchun moʻljallangan va odamni oʻldirish uchun moʻljallanmagan, gazli taʼsir kuchiga ega boʻlgan patronlarning;

harakatga keltiruvchi vositalarni, nur-tovushli taʼsirga ega anjomlarni gilza yordamida yaxlit holda birlashtiradigan, oʻqotar quroldan, gazli yoki signal beruvchi quroldan oʻq uzish uchun moʻljallangan va jonli nishonga yoki boshqa nishonga shikast yetkazish uchun moʻljallanmagan nur-tovushli taʼsirga ega boʻlgan patronlarning;

poʻlat oʻzakli aslahasi boʻlgan, jonli nishonga yoki boshqa nishonga shikast yetkazish uchun moʻljallangan oʻqotar quroldan oʻq uzish uchun moʻljallangan patronlarning;

3) soyli stvolli sport oʻqotar qurolini yoki ogʻiz qismidagi quvvat 3 jouldan yuqori va kalibri 4,5 millimetrdan ortiq boʻlgan pnevmatik sport qurolini, shuningdek tigʻli sovuq sport qurolini hamda uloqtirish qurolini sport obyektlaridan tashqarida saqlash va ulardan foydalanish, bundan hayvonot dunyosi obyektlarini harakatsizlantirish va emlash bilan bogʻliq ilmiy-tadqiqot hamda profilaktika ishlarini amalga oshirish uchun kamonlar va arbaletlardan foydalanish mustasno;

4) fuqaroviy va xizmat quroliga tovushsiz oʻq uzish moslamalarini va tunda koʻrish moʻljallagichlarini oʻrnatish, bundan ov qilish uchun moʻljallagichlar mustasno;

5) qurolni va uning oʻq-dorilarini joʻnatish;

Oldingi tahrirga qarang.

6) fuqaroviy qurolni (bundan oʻzini oʻzi himoya qilish quroli mustasno), sovuq qurolni hamda sovuq qurol sifatida foydalanilishi mumkin boʻlgan ashyolarni oʻzini oʻzi himoya qilish maqsadida olib yurish;

(9-moddaning 6-kichik bandi Oʻzbekiston Respublikasining 2020-yil 5-noyabrdagi OʻRQ-645-sonli Qonuni tahririda — Qonun hujjatlari maʼlumotlari milliy bazasi, 06.11.2020-y., 03/20/645/1469-son)

7) mitinglar, koʻcha yurishlari, namoyishlar va boshqa ommaviy tadbirlar oʻtkazilganda, koʻngilochar va hordiq chiqarish uchun moʻljallangan, alkogolli mahsulotlar realizatsiya qilinadigan joylarda, taʼlim, tibbiyot muassasalarida hamda qurol olib yurish taqiqlangan boshqa jamoat joylarida boʻlgan vaqtda, shuningdek alkogolli ichimlikdan, giyohvand modda taʼsiridan yoki oʻzgacha tarzda mast holda fuqaroviy qurolni olib yurish;

Oldingi tahrirga qarang.

8) qurolni va sovuq qurol sifatida foydalanilishi mumkin boʻlgan ashyolarni jamoat joylarida, shu jumladan shahar transportida, shahar atrofiga qatnovchi, shaharlararo va xalqaro transportda ochiq (gʻilofsiz) holda olib yurish;

(9-moddaning 8-kichik bandi Oʻzbekiston Respublikasining 2020-yil 5-noyabrdagi OʻRQ-645-sonli Qonuni tahririda — Qonun hujjatlari maʼlumotlari milliy bazasi, 06.11.2020-y., 03/20/645/1469-son)

Oldingi tahrirga qarang.

9) sovuq qurol sifatida foydalanilishi mumkin boʻlgan ashyolarni ulardan kasbiy faoliyatda, sport faoliyatida yoki xoʻjalik-maishiy maqsadlarda foydalanish bilan bogʻliq boʻlmagan hollarda, jamoat joylarida olib yurish;

(9-moddaning 9-kichik bandi Oʻzbekiston Respublikasining 2020-yil 5-noyabrdagi OʻRQ-645-sonli Qonuni tahririda — Qonun hujjatlari maʼlumotlari milliy bazasi, 06.11.2020-y., 03/20/645/1469-son)

10) fuqaroviy va xizmat qurolini hamda uning oʻq-dorilarini realizatsiya qilish boʻyicha faoliyatni amalga oshirayotgan yuridik shaxslarning ixtisoslashtirilgan doʻkonlaridan tashqarida fuqaroviy hamda xizmat qurolini va uning oʻq-dorilarini realizatsiya qilish;

11) fuqaroviy qurolga qonuniy asosda egalik qilmaydigan shaxslarga bunday qurolning patronlarini realizatsiya qilish, bundan sport tashkilotlarida oʻqotar quroldan foydalanish bilan bogʻliq sport turlari bilan shugʻullanuvchi yoki taʼlim muassasalarida oʻq otish boʻyicha tayyorgarlikdan oʻtayotgan shaxslarga patronlar berish mustasno.

Oldingi tahrirga qarang.

12) fuqaroviy qurol va uning oʻq-dorilarini hadya etish.

LexUZ sharhi

Qarang: Oʻzbekiston Respublikasining Fuqarolik kodeksining 31-bobi.

(9-modda Oʻzbekiston Respublikasining 2022-yil 31-maydagi OʻRQ-772-sonli Qonuniga asosan 12-band bilan toʻldirilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

10-modda. Qurolni va uning oʻq-dorilarini olish huquqiga ega boʻlgan subyektlar

Oʻzbekiston Respublikasi hududida qurolni va uning oʻq-dorilarini olish huquqiga quyidagilar ega:

maxsus organlar va harbiy tuzilmalar;

maxsus xizmat vazifalariga ega yuridik shaxslar;

Oldingi tahrirga qarang.

qurolni va uning oʻq-dorilarini ishlab chiqarish bilan shugʻullanuvchi yuridik shaxslar;

(10-moddaning toʻrtinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

qurolni va uning oʻq-dorilarini realizatsiya qilish bilan shugʻullanuvchi yuridik shaxslar;

(10-moddaning beshinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

ovchilik va otish sporti sohasidagi faoliyat bilan shugʻullanuvchi yuridik shaxslar;

qurolni kolleksiyalash yoki koʻrgazmaga qoʻyish bilan shugʻullanuvchi yuridik va jismoniy shaxslar;

Oʻzbekiston Respublikasi fuqarolari;

chet el fuqarolari;

Oʻzbekiston Respublikasida doimiy yashovchi fuqaroligi boʻlmagan shaxslar.

11-modda. Fuqaroviy va xizmat qurolini hamda uning oʻq-dorilarini olish va roʻyxatdan oʻtkazish tartibi

Oldingi tahrirga qarang.

Ushbu Qonun 10-moddasining uchinchi — oʻninchi xatboshilarida koʻrsatilgan subyektlar ichki ishlar organlarining amal qilish muddati uch oylik boʻlgan ruxsatnomalari asosida fuqaroviy va xizmat qurolini olish huquqiga ega.

(11-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

LexUZ sharhi

Qarang: Oʻzbekiston Respublikasi “Ichki ishlar organlari toʻgʻrisida”gi Qonunining 4-moddasi.

Oldingi tahrirga qarang.

Fuqaroviy va xizmat qurolini olishga doir ruxsatnoma unda koʻrsatilgan qurolni hamda uning oʻq-dorilarini olish, ichki ishlar organlarida roʻyxatdan oʻtkazilguniga qadar ularni tashish va saqlash huquqini beradi.

(11-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Fuqaroviy va xizmat qurolini olishga doir ruxsatnoma qurolni hamda uning oʻq-dorilarini olib yurish va qoʻllash huquqini bermaydi.

Oldingi tahrirga qarang.

Quyidagilarni olish ichki ishlar organlarining ruxsatnomalarisiz amalga oshiriladi:

(11-modda toʻrtinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

signal beruvchi qurolni va tigʻli sovuq ov qurolini — maxsus xizmat vazifalariga ega yuridik shaxslar hamda ovchilik sohasidagi faoliyat bilan shugʻullanuvchi yuridik shaxslar tomonidan olish;

signal beruvchi qurolni, tigʻli sovuq ov qurolini hamda tigʻli sovuq va uloqtirish sport qurolini — qurolni realizatsiya qilish bilan shugʻullanuvchi yuridik shaxslar tomonidan olish;

tigʻli sovuq va uloqtirish sport qurolini — otish sporti sohasidagi faoliyat bilan shugʻullanuvchi yuridik shaxslar tomonidan olish;

Oldingi tahrirga qarang.

tigʻli sovuq ov qurolini, oʻqotar ov qurolining va pnevmatik qurolning oʻq-dorilarini — Oʻzbekiston Respublikasining ov qilish huquqi berilgan fuqarolari tomonidan olish;

(11-modda toʻrtinchi qismining beshinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

(11-modda toʻrtinchi qismining oltinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan 2022-yil 2-sentabrdan chiqariladi — Qonunchilik maʼlumotlari milliy bazasi, 01.06.2022-y., 03/22/772/0460-son)

Oldingi tahrirga qarang.

Fuqaroviy va xizmat quroli olingan kundan eʼtiboran oʻn kunlik muddatda ichki ishlar organlarida roʻyxatdan oʻtkazilishi kerak, bundan ichki ishlar organlarining ruxsatnomasisiz olinadigan qurol va uning oʻq-dorilari mustasno.

(11-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Qurol ichki ishlar organlari tomonidan roʻyxatdan oʻtkazilganda qurolni realizatsiya qilish bilan shugʻullanuvchi yuridik shaxsning realizatsiya qilingan qurol belgilari (turi, xili, modeli, zavod seriyasi va raqami, chiqarilgan yili) koʻrsatilgan holda qurolni olishga doir ruxsatnoma asosida amal qilish muddati uch yil boʻlgan ruxsatnomalar quyidagilarga beriladi:

(11-modda oltinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

maxsus xizmat vazifalariga ega yuridik shaxslarga, ovchilik va otish sporti sohasidagi faoliyat bilan shugʻullanuvchi yuridik shaxslarga — qurolni saqlash uchun;

Oʻzbekiston Respublikasi fuqarolariga — qurolni saqlash va olib yurish uchun;

qurolni kolleksiyalash yoki koʻrgazmaga qoʻyish bilan shugʻullanuvchi yuridik shaxslar va fuqarolarga — qurolni kolleksiyalash yoki koʻrgazmaga qoʻyish uchun.

Fuqaroviy va xizmat qurolini hamda uning oʻq-dorilarini olishga, saqlashga, saqlashga va olib yurishga, kolleksiyalashga, koʻrgazmaga qoʻyishga doir ruxsatnomaning amal qilish muddatini uzaytirish mazkur ruxsatnomani olish uchun nazarda tutilgan tartibda amalga oshiriladi.

Oldingi tahrirga qarang.

Tigʻli sovuq ov qurolini va signal beruvchi qurolni, oʻqotar ov qurolining oʻq-dorilarini roʻyxatdan oʻtkazish Oʻzbekiston Respublikasi fuqarosining ovchilar jamoat birlashmasi tomonidan berilgan ovchilik guvohnomasida amalga oshiriladi. Ovchilik guvohnomasidagi roʻyxatdan oʻtish toʻgʻrisidagi maʼlumotlar mazkur qurolni olish qonuniy ekanligining tasdigʻi boʻladi hamda Oʻzbekiston Respublikasi fuqarosiga uni saqlash, olib yurish, tashish va undan foydalanish huquqini beradi.

(11-moddaning sakkizinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

12-modda. Maxsus xizmat vazifalariga ega yuridik shaxslar tomonidan qurolni va uning oʻq-dorilarini olish

Oldingi tahrirga qarang.

Maxsus xizmat vazifalariga ega yuridik shaxslar qurolni olishga doir ruxsatnoma olish uchun ichki ishlar organlariga quyidagilarni taqdim etadi:

(12-modda birinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

qurolni olishga doir ruxsatnoma berish toʻgʻrisidagi ariza uni olishdan koʻzlangan maqsad, olinadigan qurol va uning oʻq-dorilari toʻgʻrisidagi maʼlumotlar hamda qurolni va uning oʻq-dorilarini saqlash uchun maxsus jihozlangan bino (qurolxona) joylashgan yer koʻrsatilgan holda;

qurolni va uning oʻq-dorilarini yetkazib berishga doir kontrakt (shartnoma);

Oldingi tahrirga qarang.

(12-modda birinchi qismining toʻrtinchi xatboshisi Oʻzbekiston Respublikasining 2024-yil 7-fevraldagi OʻRQ-905-sonli Qonuniga asosan chiqarilgan — Qonunchilik maʼlumotlari milliy bazasi, 07.02.2024-y., 03/24/905/0106-son)

qurol hamda uning oʻq-dorilari but saqlanishini, berilishi-qabul qilib olinishini, hisobga olinishini hamda ulardan foydalanilishini taʼminlash majburiyati zimmasiga yuklatilgan yuridik shaxs xodimi tayinlanganligi toʻgʻrisidagi buyruq yoki farmoyish tusidagi boshqa hujjat;

qurolga va uning oʻq-dorilariga boʻlgan talab miqdorining hisob-kitobi, qurol va uning oʻq-dorilari bilan taʼminlash normalari hisobga olingan holda.

Qurolning sarflangan, yoʻqotilgan yoki yoʻq qilish uchun topshirilgan oʻq-dorilari oʻrniga oʻq-dorilar olish uchun oʻq-dorilar hisobdan chiqarilganligining qonuniyligini tasdiqlovchi hujjatlar (oʻq-dorilarni hisobdan chiqarish dalolatnomalari, oʻquv-mashq otishlari va boshqa otishlarni oʻtkazish chogʻida sarflangan oʻq-dorilarga doir tarqatish-topshirish qaydnomalari, oʻq-dorilarni yoʻq qilish uchun qabul qilib olish (topshirish) dalolatnomalari) qoʻshimcha ravishda taqdim etiladi.

Oldingi tahrirga qarang.

Qurolni olishga doir ruxsatnoma berish toʻgʻrisidagi ariza ichki ishlar organlari tomonidan ariza barcha zarur hujjatlar bilan olingan kundan eʼtiboran oʻttiz ish kuni ichida koʻrib chiqiladi.

(12-moddaning uchinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Qurolni olishga doir ruxsatnomani berish quyidagi asoslarga koʻra rad etilishi mumkin:

ushbu moddaning birinchi va ikkinchi qismlarida koʻrsatilgan hujjatlarning toʻliq hajmda taqdim etilmaganligi;

qurolning va uning oʻq-dorilarining ishonchli hisobga olinishi va but saqlanishini taʼminlash imkoniyati yoʻqligi yoki ushbu sharoitlar lozim darajada taʼminlanmaganligi;

taqdim etilgan hujjatlarda notoʻgʻri yoki buzib koʻrsatilgan maʼlumotlarning mavjudligi;

Oldingi tahrirga qarang.

yuridik shaxsning qurol va uning oʻq-dorilari but saqlanishini, berilishi-qabul qilib olinishini hamda hisobga olinishini taʼminlash majburiyati oʻz zimmasiga yuklatilgan yoxud xizmat qurolini olib yurish va undan foydalanish huquqiga ega boʻlgan xodimining doimiy yashash joyi mavjud emasligi, xodimda ushbu Qonun 13-moddasi oʻninchi qismining ikkinchi, uchinchi, beshinchi — sakkizinchi, oʻninchi — oʻn uchinchi xatboshilarida nazarda tutilgan qurolga egalik qilish uchun monelik qiladigan asoslar yuzaga kelganligi, shuningdek ushbu Qonunning 1-ilovasida koʻrsatilgan xizmat quroliga egalik qilishga monelik qiladigan kasalliklarning yoki jismoniy nuqsonlarning mavjudligi.

(12-modda toʻrtinchi qismining beshinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Qurolni olishga doir ruxsatnomani berish rad etilgan taqdirda, ichki ishlar organlari bu haqda arizachini rad etish sabablarini, qonunchilikning aniq normalarini va arizachi koʻrsatilgan sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddatni koʻrsatgan holda, qaror qabul qilingan sanadan eʼtiboran bir ish kunidan kechiktirmay yozma shaklda xabardor qilishi shart.

(12-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Maxsus xizmat vazifalariga ega yuridik shaxslarning xodimlari uchun moʻljallangan qurolning va uning oʻq-dorilarining turlari, xillari, modellari hamda soni Oʻzbekiston Respublikasi Vazirlar Mahkamasi tomonidan belgilanadi.

Oldingi tahrirga qarang.

Maxsus xizmat vazifalariga ega yuridik shaxslar qurol, uning oʻq-dorilari ishlab chiqariladigan va saqlanadigan obyektlarni, jangovar texnikani, ekologik jihatdan oʻta xavfli ishlab chiqarishlarni, radioaktiv chiqindilar koʻmiladigan joylarni, pul mablagʻlari hamda qimmatliklar tayyorlanadigan va saqlanadigan, qimmatbaho metallar hamda qimmatbaho toshlar qazib olinadigan, qayta ishlanadigan va saqlanadigan joylarni, shuningdek xavfli yuklarni, pul mablagʻlarini va qimmatliklarni, davlat siri yoki qonun bilan qoʻriqlanadigan boshqa sirlar jumlasiga kiritilgan maʼlumotlar koʻrsatilgan xat-xabarlar va yuklarni qoʻriqlash boʻyicha qonunchilik bilan zimmasiga yuklatilgan majburiyatlarni bajarish uchun jangovar qurolni hamda uning oʻq-dorilarining ayrim xillari va modellarini olish huquqiga ega. Maxsus xizmat vazifalariga ega yuridik shaxslarning jangovar quroldan va uning oʻq-dorilaridan boshqa maqsadlarda foydalanishi taqiqlanadi.

(12-moddaning yettinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

Maxsus xizmat vazifalariga ega boʻlgan yuridik shaxsning xodimiga qurol va uning oʻq-dorilari mazkur xodim tasdiqlangan dasturlarga muvofiq har yilgi xizmat-jangovar, ijtimoiy-huquqiy, axloqiy-psixologik hamda jismoniy tayyorgarlik kurslaridan oʻtganidan soʻng va ushbu Qonun 13-moddasining oʻninchi qismida belgilangan asoslar mavjud boʻlmagan taqdirda, yuridik shaxs rahbarining qaroriga hamda ichki ishlar organlarining qurolni olib yurishga doir ruxsatnomasiga binoan beriladi.

(12-moddaning sakkizinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

13-modda. Oʻzbekiston Respublikasi fuqarolari tomonidan fuqaroviy qurolni va uning oʻq-dorilarini olish

Oʻzbekiston Respublikasining yigirma besh yoshga toʻlgan fuqarolari fuqaroviy ov qurolini va uning oʻq-dorilarini olish huquqiga ega.

Oʻzbekiston Respublikasining oʻn sakkiz yoshga toʻlgan fuqarolari fuqaroviy sport qurolini va oʻzini oʻzi himoya qilish qurolini olish huquqiga ega.

Ov quroli va uning oʻq-dorilari Oʻzbekiston Respublikasining ov qilish huquqi berilgan fuqarolari tomonidan olinishi mumkin.

LexUZ sharhi

Qarang: Oʻzbekiston Respublikasining “Ov qilish va ovchilik xoʻjaligi toʻgʻrisida”gi Qonunining 5-moddasi.

Oʻzbekiston Respublikasi fuqarosi olgan, uning egaligida turgan soyli stvolli oʻqotar ov qurolining umumiy soni uchtadan, pnevmatik ov qurolining umumiy soni uchtadan, silliq stvolli oʻqotar qurolning umumiy soni beshtadan oshmasligi kerak, bundan mazkur qurol turlari kolleksiyalash yoki koʻrgazmaga qoʻyish obyektlari boʻlgan hollar mustasno.

Bittadan ortiq har bir soyli stvolli oʻqotar ov quroliga, pnevmatik ov quroliga va silliq stvolli oʻqotar ov quroliga egalik qilganlik uchun har yili bazaviy hisoblash miqdorining bir baravari miqdorida yigʻim undiriladi, bundan mazkur qurol turlari kolleksiyalash yoki koʻrgazmaga qoʻyish obyektlari boʻlgan hollar mustasno.

Oʻzbekiston Respublikasining ov qilish huquqi berilgan fuqarolari ovchilikka bogʻliq kasbiy faoliyat bilan shugʻullanayotgan yoki kamida oʻn yil davomida mulkida avtomatik boʻlmagan (bir zaryadlovchi) silliq stvolli oʻqotar ov quroliga ega boʻlgan boʻlsa hamda ularda ov qilish qoidalarini yoki qurol muomalasini buzish bilan bogʻliq huquqbuzarliklar mavjud boʻlmasa, soyli stvolli oʻqotar ov qurolini, shu jumladan aralash oʻqotar qurolni yoxud yarim avtomat silliq stvolli oʻqotar ov qurolini va uning oʻq-dorilarini, oʻqdon (baraban) sigʻimi toʻrt dona patrondan ortiq boʻlgan silliq stvolli oʻqotar ov qurolini, shuningdek ogʻiz qismidagi quvvat oltmish besh jouldan yuqori va kalibri toʻqqiz millimetrdan ortiq boʻlgan pnevmatik ov qurolini olish huquqiga egadir.

LexUZ sharhi

Qarang: Oʻzbekiston Respublikasining “Ov qilish va ovchilik xoʻjaligi toʻgʻrisida”gi Qonuni.

Fuqaroviy qurolni olishga doir ruxsatnomani olish uchun Oʻzbekiston Respublikasi fuqarosi doimiy yashash joyi boʻyicha ichki ishlar organiga quyidagilarni taqdim etishi shart:

arizani;

quroldan xavfsiz foydalanish qoidalariga oʻqish boʻyicha maxsus qisqa muddatli kurslarda oʻqitilganligi toʻgʻrisidagi guvohnomani;

Oldingi tahrirga qarang.

(13-modda yettinchi qismining toʻrtinchi xatboshisi Oʻzbekiston Respublikasining 2024-yil 7-fevraldagi OʻRQ-905-sonli Qonuniga asosan chiqarilgan — Qonunchilik maʼlumotlari milliy bazasi, 07.02.2024-y., 03/24/905/0106-son)

ovchilar jamoat birlashmasi tomonidan berilgan ovchilik guvohnomasini (ov qurolini olish uchun);

LexUZ sharhi

Qarang: Oʻzbekiston Respublikasining “Ov qilish va ovchilik xoʻjaligi toʻgʻrisida”gi Qonunining 28-moddasi.

ovchilar jamoat birlashmasining tavsiyanomasini (soyli stvolli oʻqotar ov qurolini, yarim avtomat silliq stvolli oʻqotar ov qurolini yoki oʻqdon (baraban) sigʻimi toʻrt dona patrondan ortiq boʻlgan silliq stvolli oʻqotar ov qurolini, shuningdek ogʻiz qismidagi quvvat oltmish besh jouldan yuqori va kalibri toʻqqiz millimetrdan ortiq boʻlgan pnevmatik ov qurolini olish uchun);

otish sporti sohasidagi faoliyat bilan shugʻullanuvchi yuridik shaxs tomonidan berilgan sportchi guvohnomasini (sport qurolini olish uchun).

Fuqaroviy qurolni olishga doir ruxsatnoma berish toʻgʻrisidagi ariza ichki ishlar organlari tomonidan ariza barcha zarur hujjatlar bilan olingan kundan eʼtiboran oʻttiz kun ichida koʻrib chiqiladi.

Oʻzbekiston Respublikasi fuqarosi doimiy yashash joyi oʻzgargan taqdirda, yangi doimiy yashash joyi boʻyicha roʻyxatga olingan kundan eʼtiboran oʻn kun muddat ichida tegishli ichki ishlar organiga oʻziga tegishli fuqaroviy qurolni qayta roʻyxatdan oʻtkazish toʻgʻrisidagi ariza bilan murojaat qilishi shart.

Oʻzbekiston Respublikasining quyidagi fuqarolariga fuqaroviy qurolni olishga doir ruxsatnoma berilmaydi:

ushbu moddaning birinchi va ikkinchi qismlarida belgilangan yoshga toʻlmaganlarga;

muomalaga layoqatsiz yoki muomala layoqati cheklangan deb topilganlarga;

ushbu moddaning yettinchi qismida sanab oʻtilgan hujjatlarni taqdim etmaganlarga yoki taqdim etilgan hujjatlarida notoʻgʻri yoxud buzib koʻrsatilgan maʼlumotlar mavjud boʻlganda;

Oldingi tahrirga qarang.

(13-modda oʻninchi qismining beshinchi xatboshisi Oʻzbekiston Respublikasining 2026-yil 17-apreldagi OʻRQ-1133-sonli Qonuni tahririda — Qonunchilik maʼlumotlari milliy bazasi, 18.04.2026-y., 03/26/1133/0379-son)

qasddan jinoyatlar sodir etganlik uchun sudlanganlik holati tugallanmaganlarga yoki sudlanganligi olib tashlanmaganlarga, bundan ushbu qismning beshinchi xatboshisida koʻrsatilganlar mustasno;

huquqni muhofaza qiluvchi organlarda fuqarolarga nisbatan ekstremistik faoliyatning, shuningdek shaxslarning hayoti va sogʻligʻiga haqiqiy tahdid soluvchi faoliyatning belgilari mavjud boʻlgan gʻayriqonuniy harakatlar toʻgʻrisidagi maʼlumotlar mavjud boʻlganda;

jinoiy jazoni oʻtayotganlarga;

doimiy yashash joyiga yoki qurol va uning oʻq-dorilari but saqlanishini taʼminlaydigan saqlash sharoitlariga ega boʻlmaganlarga;

oʻziga nisbatan jinoyat ishi qoʻzgʻatilganlarga;

Oʻzbekiston Respublikasi Maʼmuriy javobgarlik toʻgʻrisidagi kodeksining 185, 220, 220¹ va 221-moddalarida nazarda tutilgan huquqbuzarliklarni sodir etganlik uchun maʼmuriy javobgarlikka tortilganlarga;

jamoat tartibiga, boshqaruvning belgilangan tartibiga tajovuz qiluvchi huquqbuzarliklarni sodir etganlik yoki ov qoidalarini buzganlik, shuningdek badanga yengil shikast yetkazganlik va giyohvandlik vositalarini, ularning analoglarini yoki psixotrop moddalarni oz miqdorda gʻayriqonuniy ravishda tayyorlaganlik, olganlik, saqlaganlik, tashiganlik yoki joʻnatganlik uchun bir yil davomida takroran maʼmuriy javobgarlikka tortilganlarga;

Oldingi tahrirga qarang.

xotin-qizlarga nisbatan tazyiq oʻtkazgan va (yoki) zoʻravonlik sodir etganlarga, bolalarga nisbatan zoʻravonlik sodir etganlarga — himoya orderida qurol olish uchun ruxsatnoma olishga doir huquqni taqiqlash nazarda tutilgan hollarda (himoya orderining amal qilishi yoki unda koʻrsatilgan muddat davrida);

(13-modda oʻninchi qismining oʻn uchinchi xatboshisi Oʻzbekiston Respublikasining 2026-yil 17-apreldagi OʻRQ-1133-sonli Qonuni tahririda — Qonunchilik maʼlumotlari milliy bazasi, 18.04.2026-y., 03/26/1133/0379-son)

ushbu Qonunning 2-ilovasida koʻrsatilgan fuqaroviy qurolga egalik qilishga monelik qiladigan kasalliklar yoki jismoniy nuqsonlar mavjud boʻlganda;

ruhiy holatning buzilishlari va (yoki) narkologik kasalliklar sababli dispanser hisobida turgan yaqin qarindoshlari va boshqa shaxslar ushbu fuqarolarning doimiy yashash joyi boʻyicha birgalikda yashayotganda.

Quroldan xavfsiz foydalanish qoidalariga oʻqitish boʻyicha maxsus qisqa muddatli kurslarda oʻqitish tartibi va maxsus kurslarda oʻqitilganlik toʻgʻrisidagi guvohnomaning shakli Oʻzbekiston Respublikasi Vazirlar Mahkamasi tomonidan belgilanadi.

Fuqaroviy qurolni olishga doir ruxsatnoma Oʻzbekiston Respublikasi fuqarolariga ularning doimiy yashash joyi boʻyicha birgalikda yashovchi yaqin qarindoshlarida va boshqa shaxslarda ushbu modda oʻninchi qismining uchinchi, beshinchi va yettinchi xatboshilarida nazarda tutilgan asoslar mavjud boʻlgan taqdirda ham berilmaydi.

Fuqaroviy qurolni olishga doir ruxsatnoma berish rad etilgan taqdirda, ichki ishlar organlari bu haqda arizachini rad etish sabablarini, qonunchilikning aniq normalarini va arizachi koʻrsatilgan sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddatni koʻrsatgan holda, qaror qabul qilingan sanadan eʼtiboran bir ish kunidan kechiktirmay yozma shaklda xabardor qilishi shart.

Fuqaroviy qurolni va uning oʻq-dorilarini (bundan oʻzini oʻzi himoya qilish quroli mustasno) birinchi marta olayotgan Oʻzbekiston Respublikasi fuqarolari ovchilar jamoat birlashmasida (ov quroli uchun) va otish sporti sohasidagi faoliyat bilan shugʻullanuvchi yuridik shaxslarda (sport quroli uchun) quroldan xavfsiz foydalanish qoidalarini bilishi yuzasidan tekshiruvdan oʻtishi shart, ushbu birlashma va yuridik shaxslar quroldan xavfsiz foydalanish qoidalarini bilish yuzasidan tegishli tekshiruvdan oʻtkazilganlik toʻgʻrisidagi hujjatlarni beradi.

LexUZ sharhi

Qarang: Oʻzbekiston Respublikasining “Ov qilish va ovchilik xoʻjaligi toʻgʻrisida”gi Qonuni va Vazirlar Mahkamasining 2020-yil 28-iyuldagi 455-son “Fuqaroviy qurol va xizmat quroli sohasidagi ayrim normativ-huquqiy hujjatlarni tasdiqlash toʻgʻrisida”gi qarori.

(13-modda Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

13¹-modda. Qurolga egalik qilishga qarshi koʻrsatmalar mavjud emasligi yuzasidan tibbiy tekshiruv

Oʻzbekiston Respublikasi fuqarolari va maxsus xizmat vazifalariga ega boʻlgan yuridik shaxslarning xodimlari ichki ishlar organlarining yoʻllanmalari boʻyicha quyidagi tartibda davlat sogʻliqni saqlash organlarining tibbiyot muassasalarida (bundan buyon matnda tibbiyot muassasalari deb yuritiladi) qurolga egalik qilishga qarshi koʻrsatmalar mavjud emasligi yuzasidan davriy tibbiy tekshiruvlardan oʻtishi kerak:

Oʻzbekiston Respublikasining birinchi marta qurol va uning oʻq-dorilarini olayotgan fuqarolari, shuningdek qurolni saqlashga va olib yurishga, kolleksiyalashga yoki koʻrgazmaga qoʻyishga doir ruxsatnomalarning amal qilish muddatlarini uzaytirishda — doimiy yashash joyi boʻyicha tibbiyot muassasalarida;

yuridik shaxsning qurol va uning oʻq-dorilari but saqlanishini, berilishi-qabul qilib olinishini, hisobga olinishini taʼminlash majburiyatlari oʻz zimmasiga yuklatilgan yoxud xizmat qurolini olib yurish va undan foydalanish huquqidan foydalanadigan xodimlari qurolni saqlashga va (yoki) olib yurishga doir ruxsatnomalarni olishda hamda ularning amal qilish muddatini uzaytirishda — doimiy yashash joyi boʻyicha tibbiyot muassasalarida yoxud maxsus xizmat vazifalariga ega boʻlgan yuridik shaxs va tibbiyot muassasasi oʻrtasidagi shartnomaga muvofiq belgilangan tibbiyot muassasalarida.

Ichki ishlar organlarining tibbiy tekshiruvdan oʻtishga doir yoʻllanmasining amal qilishi muddati u berilgan kundan eʼtiboran oʻn kunni tashkil etadi.

Tibbiy tekshiruv ushbu Qonunning 1 va 2-ilovalarida koʻrsatilgan kasalliklar yoki jismoniy nuqsonlar mavjud emasligini aniqlash maqsadida pulli asosda oʻtkaziladi.

Oʻzbekiston Respublikasining qurolni va uning oʻq-dorilarini birinchi marta olayotgan yoki qurolni saqlash va olib yurishga, kolleksiyalashga yoxud koʻrgazmaga qoʻyishga doir ruxsatnomalarning amal qilish muddatlarini uzaytirayotgan fuqarosining doimiy yashash joyi boʻyicha birgalikda yashovchi yaqin qarindoshlari hamda boshqa shaxslar doimiy yashash joyi boʻyicha ruhiy kasalliklar va narkologiya dispanserlarida hisobda turishi boʻyicha tekshiriladi.

Davlat sogʻliqni saqlash organlarining tibbiy tekshiruvdan oʻtkazishni amalga oshirishga ruxsat berilgan tibbiyot muassasalari roʻyxati, tibbiy tekshiruvni oʻtkazganlik uchun tariflarning miqdorlari va tibbiy tekshiruv natijalariga doir xulosaning shakli Oʻzbekiston Respublikasi Sogʻliqni saqlash vazirligi tomonidan belgilanadi.

(13¹-modda Oʻzbekiston Respublikasining 2022-yil 31-maydagi OʻRQ-772-sonli Qonuniga asosan kiritilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

13²-modda. Qurolga egalik qilishga qarshi koʻrsatmalar mavjud emasligi yuzasidan tibbiy tekshiruvdan oʻtish tartibi

Tibbiy tekshiruv tibbiyot muassasasi tomonidan Oʻzbekiston Respublikasining tekshiruvdan oʻtayotgan fuqarosining yoki yuridik shaxs xodimining shaxsini tasdiqlovchi hujjat (identifikatsiyalovchi ID-kartasi, pasporti yoki shaxsni tasdiqlovchi boshqa hujjat) koʻrsatilgan holda, ichki ishlar organlarining yoʻllanmasi asosida oʻtkaziladi.

Tibbiy tekshiruv tibbiyot muassasasi tomonidan ichki ishlar organlarining yoʻllanmasi taqdim etilgan kundan eʼtiboran oʻn kunlik muddat ichida oʻtkaziladi.

Tibbiy tekshiruvni oʻtkazish uchun tibbiyot muassasasi tomonidan maxsus tibbiy komissiya tuziladi. Tibbiy komissiya tarkibi tibbiyot muassasasining maʼmuriyati tomonidan tasdiqlanadi.

Tibbiy komissiya tibbiy tekshiruvdan oʻtkazish bilan bogʻliq maʼlumotlarni qayd etish uchun tibbiy tekshiruvdan oʻtayotgan shaxslarning ambulatoriya kartalarini yuritadi.

Ambulatoriya kartasida tibbiy tekshiruvni oʻtkazishda ishtirok etayotgan barcha shifokorlar va mutaxassislarning tibbiy tekshiruvdan oʻtayotgan shaxs toʻgʻrisidagi tibbiy xulosalari koʻrsatilishi kerak.

Tibbiy tekshiruvdan oʻtayotgan shaxsni tekshirish uning doimiy yashash joyi boʻyicha ruhiy-asab kasalliklari va narkologiya dispanserlarida tibbiy komissiya tomonidan amalga oshiriladi.

Tibbiyot muassasasi tibbiy komissiyaning tibbiy tekshiruv natijalari boʻyicha qurolga egalik qilishga qarshi koʻrsatmalar mavjudligi (mavjud emasligi) toʻgʻrisidagi xulosasini elektron shaklda rasmiylashtiradi hamda tibbiy tekshiruv oʻtkazilgan paytdan eʼtiboran bir ish kuni ichida xulosa yoʻllanma bergan ichki ishlar organiga axborotning maxfiyligi taʼminlangan holda, pochta aloqasi vositalari yoki axborot tizimi orqali yuboriladi.

Xulosa tibbiy komissiya rahbarining imzosi va tibbiyot muassasasining muhri bilan tasdiqlanadi.

Tibbiy komissiyaning xulosasi berilgan paytdan eʼtiboran oʻttiz kun ichida amal qiladi.

(13²-modda Oʻzbekiston Respublikasining 2022-yil 31-maydagi OʻRQ-772-sonli Qonuniga asosan kiritilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

14-modda. Qurolni va uning oʻq-dorilarini olish huquqiga ega boʻlgan boshqa subyektlar tomonidan qurolni va uning oʻq-dorilarini olish

Ushbu Qonun 10-moddasining toʻrtinchi — yettinchi xatboshilarida koʻrsatilgan yuridik shaxslar xizmat va ustav vazifalarini bajarish uchun zarur boʻlgan tegishli qurolni va uning oʻq-dorilarini mazkur Qonun 12-moddasining birinchi — beshinchi qismlarida belgilangan tartibda olish huquqiga ega.

15-modda. Qurolni va uning oʻq-dorilarini Oʻzbekiston Respublikasi hududiga olib kirish, Oʻzbekiston Respublikasi hududidan olib chiqish va Oʻzbekiston Respublikasi hududi orqali tranzit qilish

Oldingi tahrirga qarang.

Fuqaroviy va xizmat qurolini hamda uning oʻq-dorilarini Oʻzbekiston Respublikasi hududiga olib kirish, Oʻzbekiston Respublikasi hududidan olib chiqish va Oʻzbekiston Respublikasi hududi orqali tranzit qilish Oʻzbekiston Respublikasi Ichki ishlar vazirligining ruxsatnomalariga koʻra amalga oshiriladi.

(15-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

LexUZ sharhi

Qarang: Oʻzbekiston Respublikasi “Ichki ishlar organlari toʻgʻrisida”gi Qonunining 4-moddasi.

Oldingi tahrirga qarang.

Uchinchi mamlakatlarning qurolli kuchlarini taʼminlash uchun moʻljallangan qurolni va uning oʻq-dorilarini Oʻzbekiston Respublikasi hududi orqali tranzit qilish Oʻzbekiston Respublikasining qonunchiligi hamda ularga binoan qabul qilingan xalqaro shartnomalariga muvofiq amalga oshiriladi.

(15-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

16-modda. Fuqaroviy va xizmat qurolini hamda uning oʻq-dorilarini ishlab chiqarish

Fuqaroviy va xizmat qurolini hamda uning oʻq-dorilarini ishlab chiqarishni amalga oshiruvchi yuridik shaxslar bunday turdagi qurolni hamda uning oʻq-dorilarini ishlab chiqarish uchun litsenziyaga ega boʻlishi, ishlab chiqarish xavfsizligi talablarini, ishlab chiqarish ustidan nazoratni, shuningdek ishlab chiqarilayotgan mahsulotning sifatini va but saqlanishini taʼminlashi shart.

Silliq stvolli ov quroli uchun patronlarning anjomlari silliq stvolli ov qurolini saqlash va olib yurishga doir ruxsatnoma asosida shu qurol egasi tomonidan shaxsiy foydalanish uchun ishlab chiqarilishi mumkin. Oʻqotar qurolni taʼmirlash va uning butlovchi qismlarini almashtirish shu qurolning egasi tomonidan mustaqil ravishda amalga oshirilishi mumkin, bundan oʻqotar qurolning asosiy qismlari mustasno.

17-modda. Fuqaroviy va xizmat qurolini hamda uning oʻq-dorilarini realizatsiya qilish

Fuqaroviy va xizmat qurolini hamda uning oʻq-dorilarini realizatsiya qilishni amalga oshiruvchi yuridik shaxslar:

fuqaroviy va xizmat qurolini hamda uning oʻq-dorilarini realizatsiya qilish uchun litsenziyaga ega boʻlishi;

fuqaroviy va xizmat qurolining hamda uning oʻq-dorilarining but saqlanishini, ularni saqlash xavfsizligini taʼminlashi;

xaridordan muayyan qurol turini olishga doir ruxsatnomani koʻrsatishini talab qilishi;

olinayotgan va realizatsiya qilinayotgan fuqaroviy va xizmat quroli hamda uning oʻq-dorilari hisobga olinishini, shuningdek hisobga olish hujjatlari oʻn yil mobaynida saqlanishini taʼminlashi;

Oldingi tahrirga qarang.

realizatsiya qilinayotgan oʻzini oʻzi himoya qilish qurolini, tigʻli sovuq ov qurolini va signal beruvchi qurolni, oʻqotar ov qurolining oʻq-dorilarini roʻyxatdan oʻtkazishi;

(17-modda birinchi qismining oltinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

(17-modda birinchi qismining yettinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan 2022-yil 2-sentabrdan chiqariladi — Qonunchilik maʼlumotlari milliy bazasi, 01.06.2022-y., 03/22/772/0460-son)

Muayyan qurol turini olishga doir ruxsatnomani taqdim etmagan jismoniy va yuridik shaxslarga fuqaroviy va xizmat qurolini hamda uning oʻq-dorilarini, shuningdek raqami va ishlab chiqaruvchining tamgʻasi mavjud boʻlmagan qurolni realizatsiya qilish taqiqlanadi.

Oldingi tahrirga qarang.

Fuqaroviy va xizmat qurolini hamda uning oʻq-dorilarini realizatsiya qilish uchun litsenziyaga ega boʻlgan yuridik shaxslarning bitta savdo zalida qurolni va boshqa turdagi tovarlarni realizatsiya qilishi taqiqlanadi, bundan sport, ov va baliq ovlash ashyolari, qurolning ehtiyot qismlari mustasno.

(17-moddaning uchinchi qismi Oʻzbekiston Respublikasining 2026-yil 13-yanvardagi OʻRQ-1111-sonli Qonuni taxririda — Qonunchilik maʼlumotlari milliy bazasi, 13.01.2026-y., 03/26/1111/0037-son. Kuchga kirish sanasi — 2026-yil 14-aprel)

Oldingi tahrirga qarang.

18-modda. Oʻzbekiston Respublikasi fuqarolari, chet el fuqarolari va fuqaroligi boʻlmagan shaxslar tomonidan fuqaroviy qurolni hamda uning oʻq-dorilarini sotish, meros qilib olish

(18-moddaning nomi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Oʻzbekiston Respublikasi fuqarolari, chet el fuqarolari va Oʻzbekiston Respublikasida doimiy yashovchi fuqaroligi boʻlmagan shaxslar oʻz mulkidagi fuqaroviy qurolni hamda uning oʻq-dorilarini ichki ishlar organlarining fuqaroviy qurolni realizatsiya qilishga doir ruxsatnomalari asosida, fuqaroviy va xizmat qurolini hamda uning oʻq-dorilarini realizatsiya qilish uchun litsenziyaga ega boʻlgan yuridik shaxslar orqali sotish huquqiga ega.

(18-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Fuqaroviy qurolni va uning oʻq-dorilarini meros qilib olish merosxoʻrda mazkur turdagi qurolni olishga doir ruxsatnoma mavjud boʻlgan taqdirda, qurol ichki ishlar organlarida qayta roʻyxatdan oʻtkazilganidan soʻng amalga oshiriladi. Fuqaroviy qurolni olishga doir ruxsatnomani olish rad etilgan taqdirda, fuqaroviy qurol fuqaroviy va xizmat qurolini hamda uning oʻq-dorilarini realizatsiya qilish uchun litsenziyaga ega boʻlgan yuridik shaxslar orqali realizatsiya qilinishi yoki ichki ishlar organlariga tekin asosda topshirilishi kerak.

LexUZ sharhi

Qarang: Vazirlar Mahkamasining 2020-yil 26-dekabrdagi 810-sonli qarori bilan tasdiqlangan Oʻzbekiston Respublikasi fuqarolari, fuqaroligi boʻlmagan shaxslar va chet el fuqarolarining qurol va uning oʻq-dorilari muomalasi sohasida ruxsat berish tartib-taomillaridan oʻtish tartibi toʻgʻrisidagi nizom.

(18-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

19-modda. Qurol bilan mukofotlash

Oldingi tahrirga qarang.

Maxsus organlarning va harbiy tuzilmalarning harbiy xizmatchilari hamda xodimlari ularning rahbarlari buyruqlari asosida olgan qurol, shuningdek Oʻzbekiston Respublikasi fuqarolari tomonidan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining qarorlari, chet davlatlar rahbarlarining hamda chet davlatlar hukumatlari rahbarlarining mukofotlashga oid hujjatlari asosida olingan qurol mukofot qilingan quroldir. Mukofot qilingan qurolni saqlashga va olib yurishga doir ruxsatnoma ichki ishlar organlari tomonidan beriladi.

(19-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Mukofot qilingan qurolni saqlash va olib yurishga doir ruxsatnomaning amal qilish muddati cheklanmaydi.

Qatorasiga oʻq uzish imkoniyatini beradigan, shuningdek ushbu Qonunning 9-moddasiga binoan Oʻzbekiston Respublikasi hududida muomalasi taqiqlangan qurol mukofot qilinadigan qurol boʻlishi mumkin emas.

Oldingi tahrirga qarang.

Oʻzbekiston Respublikasi fuqarosi qatorasiga oʻq uzish imkoniyatini beradigan, shuningdek ushbu Qonunning 9-moddasiga binoan Oʻzbekiston Respublikasi hududida muomalasi taqiqlangan qurol bilan mukofotlangan taqdirda, ushbu qurol olingan kundan eʼtiboran bir kunlik muddatda ichki ishlar organiga topshirilishi lozim.

(19-moddaning toʻrtinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Mukofotga berilgan jangovar yoki xizmat qurolini sotishga va meros qilib olishga, shuningdek uning oʻq dorilarini olishga yoʻl qoʻyilmaydi.

(19-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

20-modda. Yuridik shaxslar tomonidan fuqaroviy va xizmat qurolini hamda uning oʻq-dorilarini realizatsiya qilish

Oldingi tahrirga qarang.

Ushbu Qonun 10-moddasining uchinchi, toʻrtinchi, oltinchi va yettinchi xatboshilarida koʻrsatilgan yuridik shaxslar oʻzida qonuniy asoslarda turgan fuqaroviy va xizmat qurolini hamda uning oʻq-dorilarini ichki ishlar organlarining qurolni va uning oʻq-dorilarini realizatsiya qilishga doir ruxsatnomalari asosida, fuqaroviy va xizmat qurolini hamda uning oʻq-dorilarini realizatsiya qilish uchun litsenziyaga ega boʻlgan yuridik shaxslar orqali, ushbu qurolni va uning oʻq-dorilarini keyinchalik ichki ishlar organlarida qayta roʻyxatdan oʻtkazish sharti bilan realizatsiya qilish huquqiga ega.

(20-moddaning matni Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

21-modda. Fuqaroviy va xizmat qurolini hamda uning oʻq-dorilarini saqlash

Oldingi tahrirga qarang.

Oʻzbekiston Respublikasining yuridik shaxslari, fuqarolari, Oʻzbekiston Respublikasi hududida doimiy yashovchi chet el fuqarolari va fuqaroligi boʻlmagan shaxslar ichki ishlar organlarining qurolni saqlashga yoki saqlash va olib yurishga doir ruxsatnomalari asosida fuqaroviy hamda xizmat qurolini va uning oʻq-dorilarini saqlash huquqiga ega.

(21-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Fuqaroviy va xizmat quroli hamda uning oʻq-dorilari ularning but saqlanishini, xavfsiz saqlanishini taʼminlaydigan hamda ulardan begona shaxslar foydalanishini istisno etadigan sharoitlarda, qulflanadigan seyflarda yoki metall shkaflarda saqlanishi kerak.

Fuqaroviy va xizmat qurolini hamda uning oʻq-dorilarini saqlash yuridik shaxslar tomonidan alohida ajratilgan, maxsus jihozlangan va texnik jihatdan mustahkamlangan, qoʻriqlash-yongʻin signalizatsiyasi, qoʻriqlash va jismoniy himoyaning boshqa texnik vositalari bilan jihozlangan qurolxonalardagi qulflanadigan seyflarda yoki metall shkaflarda amalga oshiriladi.

Sport oʻqotar qurolini va uning oʻq-dorilarini, shu jumladan soyli stvolli sport qurolini yoki ogʻiz qismidagi quvvat 3 jouldan yuqori va kalibri 4,5 millimetrdan ortiq boʻlgan pnevmatik sport qurolini, shuningdek tigʻli sovuq va uloqtirish sport qurolini saqlash sport obyektlari hududida jihozlangan qurolxonalardagi qulflanadigan seyflarda yoki metall shkaflarda amalga oshiriladi.

Fuqaroviy qurolni va uning oʻq-dorilarini saqlash Oʻzbekiston Respublikasi fuqarolari tomonidan ularning doimiy yashash joyida amalga oshiriladi.

Ov yoki otish sporti bilan shugʻullanishni amalga oshirish chogʻida Oʻzbekiston Respublikasi fuqarolari tomonidan fuqaroviy qurolni va uning oʻq-dorilarini saqlash begona shaxslarning quroldan foydalanishini istisno etadigan shartlarga rioya etgan holda amalga oshirilishi kerak.

Chet el fuqarolari tomonidan Oʻzbekiston Respublikasida vaqtincha boʻlish davrida olingan fuqaroviy qurolni va uning oʻq-dorilarini saqlashga fuqaroviy qurol hamda uning oʻq-dorilari olingandan keyin besh kun mobaynida ruxsat etiladi.

Chet el fuqarolari tomonidan Oʻzbekiston Respublikasi hududiga ov qilish, sport tadbirlarida ishtirok etish yoki koʻrgazmaga qoʻyish maqsadlarida olib kirilgan fuqaroviy va xizmat qurolini hamda uning oʻq-dorilarini vaqtincha saqlash chet el fuqarolariga taklifnomani rasmiylashtirgan yuridik shaxslar tomonidan amalga oshiriladi.

Oldingi tahrirga qarang.

Jismoniy va yuridik shaxslarning oʻzi topib olgan yoki oʻziga topshirilgan, lekin oʻzi mulkdori boʻlmagan qurolni hamda uning oʻq-dorilarini saqlashi va ulardan foydalanishi taqiqlanadi. Bunday qurol hamda uning oʻq-dorilari darhol, biroq bir sutkadan kechiktirmay ichki ishlar organlariga topshirilishi lozim.

(21-moddaning toʻqqizinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Qurolni va uning oʻq-dorilarini oʻz ixtiyori bilan topshirganlik uchun Oʻzbekiston Respublikasi Vazirlar Mahkamasi tomonidan taqdirlash choralari belgilanishi mumkin.

Oʻqotar qurolni va uning oʻq-dorilarini ixtiyoriy tartibda topshirgan shaxslarga uni olish boʻyicha imtiyozli huquq beriladi.

22-modda. Qurolni va uning oʻq-dorilarini kolleksiyalash hamda koʻrgazmaga qoʻyish

Oldingi tahrirga qarang.

Jismoniy va yuridik shaxslar ichki ishlar organlarining ruxsatnomalari asosida qurolni hamda uning oʻq-dorilarini kolleksiyalash va koʻrgazmaga qoʻyish huquqiga ega.

(22-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Jismoniy va yuridik shaxslar tomonidan ilmiy-texnikaviy, badiiy, kriminalistik, tarixiy, axborot, bilim orttirish maqsadlarida hamda boshqa maqsadlarda toʻplamlar tuzish uchun qurolni va uning oʻq-dorilarini yigʻish hamda saqlash kolleksiya deb eʼtirof etiladi.

Qurolni va uning oʻq-dorilarini muzeybop tarzda kolleksiyalash yuridik shaxslar tomonidan ana shu maqsadlar uchun moʻljallangan alohida, maxsus binolarda amalga oshiriladi.

Qurolni va uning oʻq-dorilarini muzey binolarida saqlash ularning but saqlanishini, saqlash xavfsizligini taʼminlaydigan va ularga begona shaxslar kirishini istisno etadigan sharoitlarda amalga oshirilishi kerak.

Qurolni muzey binolaridan tashqarida koʻrgazmaga qoʻyishga faqat signalizatsiya bilan jihozlangan yopiq vitrinalar va stendlarda yoʻl qoʻyiladi.

Qurolni va uning oʻq-dorilarini kolleksiyalash jismoniy shaxslar tomonidan oʻzining doimiy yashash joyida, ularning but saqlanishini, saqlash xavfsizligini taʼminlaydigan va ularga begona shaxslar kirishini istisno etadigan shartlarga rioya etgan holda, qulflanadigan seyflarda yoki metall shkaflarda amalga oshiriladi.

Qurolning oʻq-dorilari faqat oʻqsizlantirilgan holda koʻrgazmaga qoʻyilishi mumkin.

Oldingi tahrirga qarang.

Ichki ishlar organlarida roʻyxatdan oʻtkazilmagan quroldan koʻrgazmaga qoʻyish uchun foydalanish taqiqlanadi.

(22-moddaning sakkizinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Qurolni va uning oʻq-dorilarini koʻrgazmaga qoʻyishga doir ruxsatnomaga ega boʻlgan jismoniy va yuridik shaxslar koʻrgazmani tashkil etish chogʻida:

binolarni ijaraga olish, qurolni va uning oʻq-dorilarini koʻrgazmaga qoʻyish tartibi, ularning but saqlanishini taʼminlash toʻgʻrisida shartnomalar tuzishi;

Oldingi tahrirga qarang.

chet ellik ishtirokchilar uchun Oʻzbekiston Respublikasi Ichki ishlar vazirligining ularga tegishli qurolni va uning oʻq-dorilarini Oʻzbekiston Respublikasi hududiga olib kirishga doir ruxsatnomasini, shuningdek ularni tashishga doir ruxsatnomasini olishi;

(22-modda toʻqqizinchi qismining uchinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

koʻrgazmaga qoʻyish rejalarini va ekspozitsiyalarni joylashtirish sxemalarini koʻrgazma oʻtkaziladigan joydagi ichki ishlar organlariga kelishib olish uchun taqdim etishi;

(22-modda toʻqqizinchi qismining toʻrtinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

koʻrgazmaga qoʻyilgan qurol va uning oʻq-dorilari joylashtiriladigan hamda saqlanadigan joylarga begona shaxslarning ruxsatsiz kirishiga yoʻl qoʻymasligi;

qurol va uning oʻq-dorilari ekspozitsiyalari ochiq vitrinalar va stendlarda joylashtirilgan taqdirda, qurolni hamda uning oʻq-dorilarini har kuni koʻrgazma ishi tugagach saqlash uchun ular but saqlanishini taʼminlashga doir talablarga binoan jihozlangan xonalarda saqlash uchun topshirishi shart.

LexUZ sharhi

Qarang: Vazirlar Mahkamasining 2020-yil 26-dekabrdagi 810-sonli qarori bilan tasdiqlangan Yuridik shaxslarning qurol va uning oʻq-dorilari muomalasi sohasida ruxsat berish tartib-taomillaridan oʻtish tartibi toʻgʻrisidagi nizom.

23-modda. Fuqaroviy va xizmat qurolini hamda uning oʻq-dorilarini olib yurish

Oldingi tahrirga qarang.

Fuqaroviy va xizmat qurolini hamda uning oʻq-dorilarini olib yurish muayyan turdagi, xildagi va modeldagi qurolni olib yurish, saqlash hamda olib yurish uchun ichki ishlar organlari tomonidan berilgan ruxsatnomalar asosida quyidagi hollarda amalga oshiriladi:

(23-modda birinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

maxsus xizmat vazifalariga ega yuridik shaxslarning xodimlari tomonidan — xizmat majburiyatlarini bajarishi chogʻida;

Oʻzbekiston Respublikasi fuqarolari, Oʻzbekiston Respublikasi hududida doimiy yashovchi chet el fuqarolari va fuqaroligi boʻlmagan shaxslar tomonidan — ov qilinadigan, sport tadbirlari yoki otish mashqlari oʻtkaziladigan joylarda, oʻquv maqsadida, oʻzini oʻzi himoya qilish maqsadida.

Oʻzbekiston Respublikasi hududida vaqtincha turgan chet el fuqarolari oʻzlariga tegishli fuqaroviy va xizmat qurolini hamda uning oʻq-dorilarini ov yoki sport tadbirlari oʻtkaziladigan joylarda olib yurishi mumkin.

Uzun stvolli oʻqotar qurolni olib yurish gʻilofidan olingan holatda, himoyalagichga qoʻyilgan oʻqlangan oʻqdon (baraban) bilan, kalta stvolli oʻqotar qurolni olib yurish esa xuddi shunday holatda gʻilofda amalga oshiriladi.

Patronni oʻqdonga yuborishga faqat qurolni qoʻllash zarurati boʻlganda yoxud zaruriy mudofaa holatida yoki oxirgi zarurat holatida fuqarolarning hayoti, sogʻligʻi hamda mol-mulkini, shuningdek yuridik shaxslarning mol-mulkini himoya qilish uchun ruxsat etiladi.

Yaroqlilik, saqlash yoki foydalanish muddati oʻtgan texnik jihatdan nosoz fuqaroviy va xizmat qurolidan hamda uning oʻq-dorilaridan, shu jumladan gazli quroldan foydalanish taqiqlanadi, bundan tadqiqot ishlarini va sinovlarni oʻtkazish yoxud qurolning hamda uning oʻq-dorilarining texnik holatini tekshirish hollari mustasno.

Jismoniy shaxslar ov vaqtida ov qurolini va uning oʻq-dorilarini olib yurganda shaxsini tasdiqlovchi hujjatni, ovchilar jamoat birlashmasi tomonidan berilgan ovchilik guvohnomasini, ov qilish huquqiga doir hujjatlarni, qurolni saqlash va olib yurishga doir ruxsatnomani yonida olib yurishi shart.

Fuqaroviy va xizmat qurolini saqlash hamda olib yurish huquqiga ega boʻlgan jismoniy shaxslar ulardan xavfsiz foydalanishga doir belgilangan qoidalarni bajarishi shart.

24-modda. Fuqaroviy va xizmat qurolini hamda uning oʻq-dorilarini tashish

Oldingi tahrirga qarang.

Yuridik shaxslar oʻzlariga tegishli fuqaroviy va xizmat qurolini hamda uning oʻq-dorilarini ichki ishlar organlarining fuqaroviy va xizmat qurolini hamda uning oʻq-dorilarini tashish uchun amal qilish muddati uch oy boʻlgan ruxsatnomalari asosida tashish huquqiga ega.

(24-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Fuqaroviy va xizmat qurolini hamda uning oʻq-dorilarini tashish uchun yuridik shaxslar:

tashish uchun tuzilishi yukni begona shaxslarning koʻrishi va unga kirishi imkoniyatini istisno etadigan texnik jihatdan soz transport vositalarini ajratishi;

qurolni va uning oʻq-dorilarini zavod oʻrovida yoxud soʻrgʻichlangan yoki plombalangan maxsus idishda tashishi;

Oldingi tahrirga qarang.

oʻn donadan koʻp miqdordagi oʻqotar qurol yoki uning besh yuz donadan ortiq miqdordagi oʻq-dorilari turkumi olib borilayotgan yoʻlda ichki ishlar organlarining, Oʻzbekiston Respublikasi Milliy gvardiyasi organlarining yoki idoraviy harbiylashtirilgan qoʻriqlash organlarining qurolli qoʻriqchilari tomonidan kuzatib borilishini taʼminlashi shart.

(24-modda ikkinchi qismining toʻrtinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Fuqaroviy va xizmat quroli tashish chogʻida oʻq-dorilardan alohida, oʻqi chiqarib olingan holatda boʻlishi kerak.

Oldingi tahrirga qarang.

Fuqaroviy va xizmat qurolini hamda uning oʻq-dorilarini tashiyotgan transport vositasining ochilganligi, idishning shikastlanganligi, muhrlarning izlari yoki plombalar buzilganligi alomatlari aniqlangan taqdirda, qurolli qoʻriqchilar boshligʻi bu haqda darhol ichki ishlar organlariga xabar qilishi, dalolatnoma tuzishi, sodir boʻlgan holatning sabablarini aniqlash yuzasidan zarur choralar koʻrishi hamda hodisa joyi qoʻriqlanishini taʼminlashi shart.

(24-moddaning toʻrtinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ichki ishlar organlarining fuqaroviy va xizmat qurolini hamda uning oʻq-dorilarini tashishga doir ruxsatnomalarisiz:

yuridik shaxslar tomonidan Qoraqalpogʻiston Respublikasi, viloyatlar va Toshkent shahri hududi doirasida, mazkur qurollarni va uning oʻq-dorilarini ichki ishlar organlari roʻyxatga olgan joyda;

jismoniy shaxslar tomonidan ov quroli, silliq stvolli sport quroli va uning oʻq-dorilarini ovda hamda sport tadbirlarida ishtirok etish uchun ichki ishlar organlarining mazkur turdagi qurolni saqlash va olib yurishga doir ruxsatnomalari asosida;

jismoniy shaxslar tomonidan oʻzini oʻzi himoya qilish qurolini ichki ishlar organlarining mazkur turdagi qurolni saqlash va olib yurishga doir ruxsatnomalari asosida;

ushbu Qonun 11-moddasining toʻrtinchi qismiga muvofiq ichki ishlar organlarida roʻyxatdan oʻtkazilmaydigan fuqaroviy va xizmat qurolini hamda uning oʻq-dorilarini tashish amalga oshiriladi.

(24-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Jismoniy shaxslarga tegishli fuqaroviy va xizmat qurolini tashish jildlarda, qinlarda yoki maxsus gʻiloflarda amalga oshiriladi.

25-modda. Fuqaroviy va xizmat qurolini hamda uning oʻq-dorilarini hisobga olish

Yuridik shaxslar fuqaroviy va xizmat quroli hamda uning oʻq-dorilari hisobini yuritishi, ularning but saqlanishini, ularni saqlash va ulardan foydalanish xavfsizligini taʼminlashi shart.

LexUZ sharhi

Qoʻshimcha maʼlumot uchun qarang: Oʻzbekiston Respublikasi ichki ishlar vazirining 2015-yil 30-iyundagi 105-sonli buyrugʻi bilan tasdiqlangan Qurol va uning oʻq-dorilarini hisobga olish kitoblari hamda ularni berish va qabul qilish jurnallarini yuritish tartibiga qoʻyiladigan yagona talablar (2015-yil 29-iyul, roʻyxat raqami 2702).

26-modda. Fuqaroviy va xizmat qurolining qoʻllanilishi

Fuqaroviy va xizmat qurolini saqlash hamda olib yurish huquqiga ega boʻlgan jismoniy shaxslar zaruriy mudofaa holatida yoki oxirgi zarurat holatida oʻz hayoti va sogʻligʻini, boshqa fuqarolarning hayoti va sogʻligʻini hamda mol-mulkni himoya qilish uchun qurolni qoʻllashi mumkin. Fuqaroviy va xizmat quroli qoʻllanilishidan avval bu haqda oʻziga qarshi qurol qoʻllanilayotgan shaxs aniq ifodalangan tarzda ogohlantirilishi kerak, bundan shunday ogohlantirishning imkoni boʻlmagan yoxud qurolning qoʻllanilishini kechiktirish fuqarolarning va qurol egasining hayotiga bevosita xavf tugʻdiradigan yoki boshqa ogʻir oqibatlarga olib kelishi mumkin boʻlgan hollar mustasno. Bunda zaruriy mudofaa holatida qurolning qoʻllanilishi uchinchi shaxslarga zarar yetkazmasligi kerak.

Homiladorlik belgilari sezilib turgan ayollarga, nogironlik belgilari koʻrinib turgan shaxslarga, yoshi aniq koʻrinib turgan yoki maʼlum boʻlgan voyaga yetmaganlarga nisbatan fuqaroviy va xizmat qurolini qoʻllash taqiqlanadi, bundan ularning qurolli qarshilik koʻrsatganligi, fuqarolarning yoxud qurolni qoʻllayotgan shaxsning hayoti va sogʻligʻiga tahdid etib hujum qilganligi hollari mustasno.

Fuqaroviy va xizmat quroli qoʻllanilgan, fuqarolarning hayoti va sogʻligʻiga zarar yetkazilishiga olib kelgan har bir holat toʻgʻrisida qurol egasi qurol qoʻllanilgan joydagi ichki ishlar organiga darhol xabar qilishi shart.

Fuqaroviy va xizmat quroli qoʻllanilganligi natijasida fuqarolarning sogʻligʻiga zarar yetkazilgan taqdirda, mazkur qurol egasi badaniga shikast yetgan fuqarolarga birinchi yordam koʻrsatishi, shuningdek ularga imkon qadar qisqa muddatda birinchi tibbiy yordam berilishi choralarini koʻrishi shart.

Fuqaroviy va xizmat quroli qoʻllanilganligi natijasida fuqarolarning hayotiga, sogʻligʻiga hamda mol-mulkiga zarar yetkazilgan har bir holat toʻgʻrisida ichki ishlar organlari darhol prokurorga xabar qiladi.

Fuqaroviy qurolni ov va sport bilan shugʻullanish uchun qoʻllash, shuningdek xizmat qurolini qoʻllash qoidalari Oʻzbekiston Respublikasi Vazirlar Mahkamasi tomonidan belgilanadi.

27-modda. Fuqaroviy va xizmat quroli hamda uning oʻq-dorilari egalarining huquq va majburiyatlari

Fuqaroviy va xizmat quroli hamda uning oʻq-dorilari egalari quyidagi huquqlarga ega:

fuqaroviy va xizmat qurolini hamda uning oʻq-dorilarini realizatsiya qilish, kolleksiyalash va koʻrgazmaga qoʻyish;

Oldingi tahrirga qarang.

fuqaroviy qurol va uning oʻq-dorilarini meros qilib olish;

(27-modda birinchi qismining uchinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

fuqaroviy va xizmat qurolidan hamda uning oʻq-dorilaridan oʻz moʻljallangan maqsadi boʻyicha foydalanish;

tegishli ruxsatnoma boʻlgan taqdirda, fuqaroviy va xizmat qurolini hamda uning oʻq-dorilarini saqlash va olib yurish.

Fuqaroviy va xizmat quroli hamda uning oʻq-dorilari egalari:

Oldingi tahrirga qarang.

oʻz mulkidagi fuqaroviy qurolni ichki ishlar organlarida roʻyxatdan oʻtkazishi (qayta roʻyxatdan oʻtkazishi), bundan ushbu Qonun 11-moddasining toʻrtinchi qismida koʻrsatilgan hollar mustasno;

(27-modda ikkinchi qismining ikkinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

fuqaroviy va xizmat qurolini hamda uning oʻq-dorilarini tashishning ushbu Qonunda belgilangan tartibiga rioya etishi;

fuqaroviy va xizmat quroli hamda uning oʻq-dorilari but saqlanishini taʼminlashi;

Oldingi tahrirga qarang.

qurol toʻgʻrisidagi qonunchilikning talablariga rioya etilishini tekshirish uchun ichki ishlar organlari xodimlarining fuqaroviy va xizmat quroli saqlanadigan obyektlar hududiga hamda joylarga soat 6-00 dan 22-00 gacha moneliksiz kirishini taʼminlashi, tanishib chiqish uchun ularga zarur hujjatlarni taqdim etishi;

(27-modda ikkinchi qismining beshinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

ovchilarning jamoat birlashmasida (ov quroli uchun) va otish sporti sohasidagi faoliyat bilan shugʻullanuvchi yuridik shaxslarda (sport quroli uchun) qurol bilan xavfsiz muomalada boʻlish qoidalariga oid bilimlarining tekshiruvidan oʻtishi;

Oldingi tahrirga qarang.

ichki ishlar organlarining yoʻllanmasi boʻyicha qurolga egalik qilishga qarshi koʻrsatmalar mavjud emasligi yuzasidan tibbiy tekshiruvdan oʻtishi;

(27-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan yettinchi xatboshi bilan toʻldirilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

(27-modda ikkinchi qismining sakkizinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan 2022-yil 2-sentabrdan chiqariladi — Qonunchilik maʼlumotlari milliy bazasi, 01.06.2022-y., 03/22/772/0460-son)

Oldingi tahrirga qarang.

doimiy yashash joyi oʻzgargan taqdirda, yangi doimiy yashash joyi boʻyicha roʻyxatga olingan kundan eʼtiboran oʻn kunlik muddat ichida tegishli ichki ishlar organiga oʻziga tegishli fuqaroviy qurolni qayta roʻyxatdan oʻtkazish toʻgʻrisidagi ariza bilan murojaat qilishi shart.

(27-modda ikkinchi qismining sakkizinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

28-modda. Qurolni va uning oʻq-dorilarini olib qoʻyish

Oldingi tahrirga qarang.

Qurolni va uning oʻq-dorilarini olib qoʻyish ichki ishlar organlari tomonidan quyidagi hollarda amalga oshiriladi:

(28-modda birinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

qurol va uning oʻq-dorilari muomalasi qoidalari jismoniy va yuridik shaxslar tomonidan buzilganda;

qurolning mulkdori boʻlgan fuqaro vafot etganda mol-mulkni meros qilib olish masalasi hal boʻlguniga qadar, shuningdek qonuniy asoslarda jangovar yoki xizmat quroliga ega boʻlgan fuqaro vafot etganda;

qurolning mulkdori boʻlgan fuqaro bedarak yoʻqolgan deb topilganda, shuningdek mol-mulkni meros qilib olish toʻgʻrisidagi masala hal boʻlguniga qadar fuqaro vafot etgan deb eʼlon qilinganda;

litsenziat yoki qurol muomalasiga doir ruxsatnoma egasi boʻlgan yuridik shaxs tugatilganda;

fuqaroviy va xizmat quroli muomalasi sohasidagi ruxsatnomalar toʻxtatib turish uchun asos boʻlgan masala hal etilgunga qadar toʻxtatib turilganda;

fuqaroviy va xizmat quroli muomalasi sohasidagi litsenziyalar hamda ruxsatnomalar tugatilganda, bekor qilinganda;

Oldingi tahrirga qarang.

xotin-qizlarga nisbatan tazyiq oʻtkazgan va (yoki) zoʻravonlik sodir etgan, bolalarga nisbatan zoʻravonlik sodir etgan shaxsning fuqaroviy qurolni saqlash va olib yurish huquqi himoya orderining amal qilishi yoki unda koʻrsatilgan muddat davrida cheklanganda;

(28-modda birinchi qismining sakkizinchi xatboshisi Oʻzbekiston Respublikasining 2026-yil 17-apreldagi OʻRQ-1133-sonli Qonuni tahririda — Qonunchilik maʼlumotlari milliy bazasi, 18.04.2026-y., 03/26/1133/0379-son)

Oldingi tahrirga qarang.

ushbu Qonun 13-moddasi oʻninchi qismining beshinchi, oltinchi, yettinchi, oʻn toʻrtinchi va oʻn beshinchi xatboshilarida nazarda tutilgan qurolga egalik qilishga monelik qiladigan holatlar yuzaga kelganda;

(28-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuniga asosan toʻqqizinchi xatboshi bilan toʻldirilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

aniq holatlarga bogʻliq ravishda favqulodda holat joriy etilganda.

Qurolni va uning oʻq-dorilarini olib qoʻyish quyidagilar tomonidan ham amalga oshiriladi:

Oldingi tahrirga qarang.

tabiatni muhofaza qilish toʻgʻrisidagi qonunchilik buzilgan hollarda, ov, baliq ovlash, tabiatni va tabiiy boyliklarni muhofaza qilish qoidalariga rioya etilishi ustidan davlat nazoratini amalga oshiruvchi organlar tomonidan oʻz vakolatlari doirasida, keyinchalik qurol va uning oʻq-dorilari huquqbuzarlik sodir etilgan joydagi ichki ishlar organlariga topshirilgan holda;

(28-modda ikkinchi qismining ikkinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

bojxona toʻgʻrisidagi qonunchilik buzilgan hollarda, bojxona organlari tomonidan oʻz vakolatlari doirasida, keyinchalik qurol va uning oʻq-dorilari huquqbuzarlik sodir etilgan joydagi ichki ishlar organlariga topshirilgan holda;

(28-modda ikkinchi qismining uchinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

boshqa organlar tomonidan oʻz vakolatlari doirasida.

Oldingi tahrirga qarang.

Olib qoʻyilgan, shuningdek musodara qilingan qurol va uning oʻq-dorilari ichki ishlar organlariga topshirilishi lozim. Bunda olib qoʻyilgan, jinoyat ishlari boʻyicha ashyoviy dalil deb topilgan qurol va uning oʻq-dorilari jinoyat-protsessual qonunchilikda belgilangan tartibda topshiriladi.

(28-moddaning uchinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Olib qoʻyilgan, texnik jihatdan foydalanishga yaroqli boʻlgan qurol va uning oʻq-dorilari qurolni realizatsiya qilish bilan shugʻullanuvchi yuridik shaxslar orqali realizatsiya qilinishi bunda sotuvdan tushgan summa qurolning va uning oʻq-dorilarining sobiq egasiga olib qoʻyilgan buyumni realizatsiya qilishga doir xarajatlar chegirib tashlangan holda berilishi lozim.

(28-moddaning toʻrtinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Olib qoʻyilgan, texnik jihatdan foydalanish uchun yaroqsiz boʻlgan, shuningdek yasama, qaytadan yasalgan va Oʻzbekiston Respublikasi hududida muomalasi taqiqlangan qurol hamda uning oʻq-dorilari ichki ishlar organlari tomonidan yoʻq qilib tashlanadi yoki maxsus organlar va harbiy tuzilmalar kolleksiyasiga topshiriladi.

(28-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Texnik jihatdan nosoz yoxud yaroqlilik, saqlash yoki foydalanish muddati oʻtgan olib qoʻyilgan gazli qurol ichki ishlar organlariga yoʻq qilib tashlash uchun tekin topshiriladi.

(28-moddaning oltinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Qurolni va uning oʻq-dorilarini olib qoʻyish haqida bayonnoma (dalolatnoma) tuzilib, unda olib qoʻyilayotgan qurolning turi, xili, modeli, kalibri, seriyasi va raqami, shuningdek oʻq-dorilarning turi hamda miqdori koʻrsatiladi yoxud bu haqda tegishli yozuv yozib qoʻyiladi.

4-bob. Chet davlatlarning Oʻzbekiston Respublikasida akkreditatsiya qilingan diplomatik vakolatxonalari, konsullik muassasalari va ularga tenglashtirilgan tashkilotlar, shuningdek chet el fuqarolari va fuqaroligi boʻlmagan shaxslar quroli hamda uning oʻq-dorilari muomalasining oʻziga xos xususiyatlari

29-modda. Fuqaroviy qurolni va uning oʻq-dorilarini chet el fuqarolari hamda fuqaroligi boʻlmagan shaxslar tomonidan olish.

Oʻzbekiston Respublikasida doimiy yashovchi chet el fuqarolari va fuqaroligi boʻlmagan shaxslar ushbu Qonunda Oʻzbekiston Respublikasi fuqarolari uchun belgilangan tartibda fuqaroviy qurolni va uning oʻq-dorilarini olish huquqiga ega.

Oldingi tahrirga qarang.

Oʻzbekiston Respublikasi hududida vaqtincha turgan chet el fuqarolari oʻzlari fuqarosi boʻlgan chet davlatlarning Oʻzbekiston Respublikasida akkreditatsiya qilingan diplomatik vakolatxonalari, konsullik muassasalari va ularga tenglashtirilgan tashkilotlarning iltimosnomalari asosida Oʻzbekiston Respublikasi Ichki ishlar vazirligi tomonidan berilgan qurol olishga doir ruxsatnomalar boʻyicha Oʻzbekiston Respublikasida fuqaroviy qurolni va uning oʻq-dorilarini olish huquqiga ega. Olingan fuqarolik quroli va uning oʻq-dorilari ular olingan kundan eʼtiboran besh kundan kechiktirmay Oʻzbekiston Respublikasi hududidan olib chiqilishi lozim.

(29-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

30-modda. Chet davlatlarning Oʻzbekiston Respublikasida akkreditatsiya qilingan diplomatik vakolatxonalari, konsullik muassasalari va ularga tenglashtirilgan tashkilotlar tomonidan Oʻzbekiston Respublikasi hududiga qurolni va uning oʻq-dorilarini olib kirish hamda Oʻzbekiston Respublikasi hududidan olib chiqish, Oʻzbekiston Respublikasi hududida saqlash, olib yurish va ulardan foydalanish

Chet davlatlarning Oʻzbekiston Respublikasida akkreditatsiya qilingan diplomatik vakolatxonalari, konsullik muassasalari va ularga tenglashtirilgan tashkilotlarning binolari hamda xodimlari xavfsizligini taʼminlash uchun Oʻzbekiston Respublikasi hududiga qurolni va uning oʻq-dorilarini olib kirish hamda Oʻzbekiston Respublikasi hududidan olib chiqish, Oʻzbekiston Respublikasi hududida saqlash, olib yurish va ulardan foydalanish Oʻzbekiston Respublikasining xalqaro shartnomalarida belgilangan tartibda amalga oshiriladi.

Chet davlatlarning Oʻzbekiston Respublikasida akkreditatsiya qilingan diplomatik vakolatxonalari, konsullik muassasalari va ularga tenglashtirilgan tashkilotlar xodimlari tomonidan Oʻzbekiston Respublikasi hududiga fuqaroviy qurolni va uning oʻq-dorilarini olib kirish hamda Oʻzbekiston Respublikasi hududidan olib chiqish Oʻzbekiston Respublikasining xalqaro shartnomalarida belgilangan tartibda amalga oshiriladi. Mazkur qurolni va uning oʻq-dorilarini Oʻzbekiston Respublikasi hududida roʻyxatdan oʻtkazish, saqlash, olib yurish va ulardan foydalanish ushbu Qonunda Oʻzbekiston Respublikasi fuqarolari uchun belgilangan tartibda amalga oshiriladi.

31-modda. Chet el fuqarolari va fuqaroligi boʻlmagan shaxslar tomonidan Oʻzbekiston Respublikasi hududiga fuqaroviy qurolni hamda uning oʻq-dorilarini olib kirish va Oʻzbekiston Respublikasi hududidan olib chiqish, Oʻzbekiston Respublikasi hududida saqlash, olib yurish va ulardan foydalanish

Oldingi tahrirga qarang.

Oʻzbekiston Respublikasi hududida vaqtincha turgan chet el fuqarolari va fuqaroligi boʻlmagan shaxslar turistik faoliyatni amalga oshirish uchun litsenziyasi mavjud boʻlgan yuridik shaxsning taklifnomasi, ushbu yuridik shaxs bilan ov qilish uchun tuzilgan shartnoma yoki sport tadbirlarida ishtirok etish uchun taklifnoma mavjud boʻlgan hamda fuqaroviy qurol muomalasiga ushbu Qonunda nazarda tutilgan cheklovlarni inobatga olgan holda Oʻzbekiston Respublikasi Ichki ishlar vazirligi tomonidan beriladigan tegishli ruxsatnoma mavjud boʻlgan taqdirda Oʻzbekiston Respublikasi hududiga ov va sport qurolini hamda uning oʻq-dorilarini olib kirishi mumkin. Olib kirilgan ov va sport quroli hamda uning ishlatilmagan oʻq-dorilari shartnomada yoki taklifnomada belgilangan muddatlarda Oʻzbekiston Respublikasi hududidan olib chiqilishi kerak.

(31-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Oʻzbekiston Respublikasi hududida vaqtincha turgan chet el fuqarolari va fuqaroligi boʻlmagan shaxslar Oʻzbekiston Respublikasida turgan davrda fuqaroviy qurolni va uning oʻq-dorilarini Oʻzbekiston Respublikasi Ichki ishlar vazirligi tomonidan qurol olish uchun berilgan ruxsatnomalarga koʻra saqlashi mumkin.

(31-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oʻzbekiston Respublikasida doimiy yashovchi chet el fuqarolari hamda fuqaroligi boʻlmagan shaxslar ushbu Qonunda Oʻzbekiston Respublikasi fuqarolari uchun belgilangan tartibda fuqaroviy qurolni va uning oʻq-dorilarini saqlash, olib yurish hamda ulardan foydalanish huquqiga ega.

Chet el fuqarolari va fuqaroligi boʻlmagan shaxslar tomonidan Oʻzbekiston Respublikasi hududiga oʻzini oʻzi himoya qilish qurolini olib kirish taqiqlanadi.

Oʻzbekiston Respublikasi hududidan fuqaroviy qurolni va uning oʻq-dorilarini olib chiqish muddatlarining, shuningdek ularni Oʻzbekiston Respublikasi hududiga olib kirish hamda ulardan Oʻzbekiston Respublikasi hududida foydalanish tartibining buzilishi ularning olib qoʻyilishiga sabab boʻladi.

LexUZ sharhi

Qarang: Vazirlar Mahkamasining 2020-yil 26-dekabr 810-sonli qarori bilan tasdiqlangan Oʻzbekiston Respublikasi fuqarolari, fuqaroligi boʻlmagan shaxslar va chet el fuqarolarining qurol va uning oʻq-dorilari muomalasi sohasida ruxsat berish tartib-taomillaridan oʻtish tartibi toʻgʻrisidagi nizom.

5-bob. Fuqaroviy va xizmat quroli hamda uning oʻq-dorilari muomalasi sohasida litsenziyalar va ruxsatnomalar berish

32-modda. Fuqaroviy va xizmat quroli hamda uning oʻq-dorilari muomalasining litsenziyalash-ruxsat berish tizimi

Oldingi tahrirga qarang.

Oʻzbekiston Respublikasi hududida fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish belgilangan tartibda Oʻzbekiston Respublikasi Ichki ishlar vazirligi tomonidan beriladigan litsenziyalar asosida amalga oshiriladi.

(32-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyishga, Oʻzbekiston Respublikasi hududiga olib kirish hamda Oʻzbekiston Respublikasi hududidan olib chiqishga, Oʻzbekiston Respublikasi hududi orqali tranzit qilishga doir ruxsatnomalar Oʻzbekiston Respublikasi Vazirlar Mahkamasi belgilagan tartibda ichki ishlar organlari tomonidan beriladi.

(32-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

33-modda. Fuqaroviy va xizmat quroli muomalasi sohasida ruxsatnoma berish toʻgʻrisidagi ariza koʻrib chiqilganligi, uning amal qilish muddati uzaytirilganligi uchun yigʻim

Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyishga, Oʻzbekiston Respublikasi hududiga olib kirish hamda Oʻzbekiston Respublikasi hududidan olib chiqishga, shuningdek Oʻzbekiston Respublikasi hududi orqali tranzit qilishga doir ruxsatnoma (bundan buyon matnda ruxsatnoma deb yuritiladi) berish toʻgʻrisidagi ariza koʻrib chiqilganligi va ruxsatnomaning amal qilish muddati uzaytirilganligi uchun yigʻim undiriladi.

Oldingi tahrirga qarang.

Ruxsatnoma berish toʻgʻrisidagi ariza koʻrib chiqilganligi va uning amal qilish muddati uzaytirilganligi uchun yigʻim summalari Oʻzbekiston Respublikasi Ichki ishlar vazirligining hisobvaragʻiga oʻtkaziladi.

(33-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

34-modda. Ruxsatnomaning amal qilishini toʻxtatib turish

Ruxsatnomaning amal qilishi quyidagi hollarda toʻxtatib turilishi mumkin:

ruxsat berishga doir talablar va shartlar ruxsatnomaning egasi tomonidan buzilganligi aniqlanganda;

Oldingi tahrirga qarang.

ruxsatnoma egasi zimmasiga aniqlangan qoidabuzarliklarni bartaraf etish majburiyatini yuklovchi sud qarori yoki ichki ishlar organining koʻrsatmasi bajarilmaganda.

(34-modda birinchi qismining uchinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ruxsatnomaning amal qilishini toʻxtatib turish sud tartibida amalga oshiriladi, ruxsatnomaning amal qilishi qurol va uning oʻq-dorilari yoʻqolishi yoki talon-toroj qilinishi xavfining oldini olish bilan bogʻliq holda oʻn ish kunidan koʻp boʻlmagan muddatga toʻxtatib turilgan taqdirda esa ichki ishlar organi tomonidan ham amalga oshiriladi.

(34-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ichki ishlar organining ruxsatnomaning amal qilishini toʻxtatib turish toʻgʻrisidagi qarori uning egasiga qaror qabul qilingan kundan eʼtiboran bir ish kunidan kechiktirmay, ruxsatnomaning amal qilishini toʻxtatib turish sabablari va qonunchilikning aniq normalari koʻrsatilgan holda yozma yoki elektron (mavjud boʻlgan taqdirda) shaklda yetkaziladi.

(34-moddaning uchinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Ruxsatnomaning amal qilishini toʻxtatib turish toʻgʻrisidagi sudning qarori uning egasiga qonunchilikda belgilangan muddatlarda yetkaziladi.

(34-moddaning uchinchi va toʻrtinchi qismlari Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

Ichki ishlar organi yoki sud ruxsatnomaning amal qilishini toʻxtatib turishga sabab boʻlgan holatlarning ruxsatnoma egasi tomonidan bartaraf qilinishi muddatini belgilashi shart. Bunda ruxsatnomaning amal qilishini toʻxtatib turishga sabab boʻlgan holatlarni bartaraf etish uchun belgilangan muddat besh ish kunidan kam boʻlmasligi kerak.

(34-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Ruxsatnomaning amal qilishini toʻxtatib turish muddati uning umumiy amal qilish muddatiga kirmaydi.

Oldingi tahrirga qarang.

Ruxsatnomaning amal qilishini toʻxtatib turishga sabab boʻlgan holatlar ruxsatnoma egasi tomonidan bartaraf etilgan taqdirda, ichki ishlar organi yoki sud koʻrsatilgan holatlar bartaraf etilganligi haqida tasdiqnoma olingan kundan eʼtiboran besh ish kuni ichida ruxsatnomaning amal qilishini qayta tiklash toʻgʻrisida qaror qabul qilishi shart.

(34-moddaning yettinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ichki ishlar organining ruxsatnomaning amal qilishini toʻxtatib turish toʻgʻrisidagi qarori ustidan sudga shikoyat qilinishi mumkin. Ruxsatnomaning amal qilishini toʻxtatib turish sud tomonidan asossiz deb topilgan taqdirda, ichki ishlar organi ruxsatnoma egasi oldida u koʻrgan zarar miqdorida javobgar boʻladi.

(34-moddaning sakkizinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

35-modda. Ruxsatnomaning amal qilishini tugatish

Ruxsatnomaning amal qilishi quyidagi hollarda tugatiladi:

ruxsatnoma egasi uning amal qilishini tugatish toʻgʻrisida ariza bilan murojaat etganda;

yuridik shaxs boʻlgan ruxsatnoma egasi tugatilganda — tugatilgan paytdan eʼtiboran yoki uning faoliyati qayta tashkil etish natijasida tugatilganda — qayta tashkil etilgan paytdan eʼtiboran, bundan uning oʻzgartirilishi mustasno, shuningdek qoʻshilish natijasida qayta tashkil etilayotgan yuridik shaxslarda yangidan paydo boʻlgan yuridik shaxsni davlat roʻyxatidan oʻtkazish sanasida ayni oʻsha harakatni va (yoki) faoliyatni bajarish va (yoki) amalga oshirishga doir ruxsat etish xususiyatiga ega hujjat mavjud boʻlganda;

ovchilik guvohnomasining amal qilishi tugatilganda (ov quroliga doir ruxsatnomalarga nisbatan);

jismoniy shaxs boʻlgan ruxsatnoma egasi vafot etganda, uning muomala layoqati cheklanganda, u muomalaga layoqatsiz deb topilganda;

Oldingi tahrirga qarang.

ushbu Qonun 13-moddasi toʻqqizinchi qismining uchinchi — oʻninchi va oʻn ikkinchi xatboshilarida nazarda tutilgan, ruxsatnoma olish imkoniyatini istisno etadigan holatlar yuzaga kelganda;

(35-modda birinchi qismining oltinchi xatboshisi Oʻzbekiston Respublikasining 2020-yil 5-oktabrdagi OʻRQ-640-sonli Qonuni tahririda — Qonun hujjatlari maʼlumotlari milliy bazasi, 05.10.2020-y., 03/20/640/1348-son)

ruxsatnoma egasi ruxsat berishga doir talablar va shartlarni bir yil davomida muntazam ravishda (ikki va undan ortiq marotaba) yoki bir marotaba qoʻpol ravishda buzganda, agar mazkur qoidabuzarliklar fuqarolarning hayoti va sogʻligʻiga, jamoat xavfsizligiga zarar yetkazilishiga olib kelgan boʻlsa;

Oldingi tahrirga qarang.

ruxsatnoma egasi ruxsatnomaning amal qilishi toʻxtatib turilishiga sabab boʻlgan holatlarni ichki ishlar organi yoki sud tomonidan belgilangan muddatda bartaraf etmaganda;

(35-modda birinchi qismining sakkizinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

ichki ishlar organining ruxsatnoma berish toʻgʻrisidagi qarori qonunga xilof ekanligi aniqlanganda;

(35-modda birinchi qismining toʻqqizinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

ruxsatnomaning amal qilish muddati oʻtganda;

bajarilishi uchun ruxsatnoma berilgan bir martalik harakat bajarilganda.

Ushbu modda birinchi qismining uchinchi, toʻrtinchi, beshinchi, oʻninchi va oʻn birinchi xatboshilarida koʻrsatilgan hollar yuzaga kelishi bilan ruxsatnomaning amal qilishi tugatilgan hisoblanadi.

Oldingi tahrirga qarang.

Ruxsatnomaning amal qilishi ushbu modda birinchi qismining ikkinchi va oltinchi xatboshilarida koʻrsatilgan hollarda ichki ishlar organi tomonidan, shuningdek ushbu modda birinchi qismining yettinchi, sakkizinchi va toʻqqizinchi xatboshilarida koʻrsatilgan hollarda esa sud tomonidan tugatiladi.

(35-moddaning uchinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ruxsatnomaning amal qilishini tugatish toʻgʻrisidagi sudning qarori ruxsatnomaning egasiga va ichki ishlar organiga qonunchilikda belgilangan muddatlarda yetkaziladi.

(35-moddaning toʻrtinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ichki ishlar organining ruxsatnomaning amal qilishini tugatish toʻgʻrisidagi qarori ruxsatnoma egasiga qaror qabul qilingan kundan eʼtiboran bir ish kunidan kechiktirmay yozma yoki elektron (mavjud boʻlgan taqdirda) shaklda yetkaziladi. Ruxsatnomaning amal qilishini tugatish toʻgʻrisidagi qaror ruxsatnoma egasi tomonidan olingan kundan eʼtiboran oʻn kun ichida ruxsatnoma ichki ishlar organiga qaytarilishi va yoʻq qilinishi lozim.

(35-moddaning beshinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Ruxsatnomaning amal qilishi uning amal qilishini tugatish toʻgʻrisida qaror qabul qilingan sanadan eʼtiboran tugatiladi.

Oldingi tahrirga qarang.

Ichki ishlar organining ruxsatnomaning amal qilishini tugatish toʻgʻrisidagi qarori ustidan sudga shikoyat qilinishi mumkin. Ruxsatnomaning amal qilishini tugatish sud tomonidan asossiz deb topilgan taqdirda, ichki ishlar organi ruxsatnoma egasi oldida u koʻrgan zarar miqdorida javobgar boʻladi.

(35-moddaning yettinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

36-modda. Ruxsatnomani bekor qilish

Ruxsatnoma:

egasining uni bekor qilish toʻgʻrisidagi arizasi;

soxta hujjatlardan foydalangan holda olinganligi fakti aniqlanganligi asosida bekor qilinadi.

Oldingi tahrirga qarang.

Ruxsatnoma ushbu moddaning birinchi qismi ikkinchi xatboshisida koʻrsatilgan holda ichki ishlar organi tomonidan, ushbu moddaning birinchi qismi uchinchi xatboshisida koʻrsatilgan holda sud tomonidan bekor qilinadi.

(36-moddaning ikkinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ruxsatnoma egasi tomonidan sudning uni bekor qilish toʻgʻrisidagi qarori olingan kundan keyin oʻn kun ichida ruxsatnoma ichki ishlar organiga qaytarilishi va yoʻq qilinishi lozim.

(36-moddaning uchinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Sudning ruxsatnomani bekor qilish toʻgʻrisidagi qarori berilgan sanadan eʼtiboran amal qiladi.

6-bob. Yakunlovchi qoidalar

37-modda. Fuqaroviy va xizmat qurolini hamda uning oʻq-dorilarini, shuningdek tuzilishi jihatidan qurolga oʻxshash boʻlgan buyumlarni sertifikatlashtirish

Oʻzbekiston Respublikasi hududida ishlab chiqarilayotgan va Oʻzbekiston Respublikasi hududiga olib kirilayotgan fuqaroviy va xizmat quroli hamda uning oʻq-dorilari, shuningdek tuzilishi jihatidan qurolning mazkur turlariga oʻxshash boʻlgan buyumlar sertifikatlashtirilishi shart.

Fuqaroviy va xizmat quroliga hamda uning oʻq-dorilariga doir texnik talablar, ushbu qurol va oʻq-dorilarni tamgʻalash, oʻrash-joylash qoidalari va ularning muvofiqligini baholash uchun sinov usullari texnik jihatdan tartibga solish sohasidagi normativ hujjatlar bilan belgilanadi.

LexUZ sharhi

Qarang: Vazirlar Mahkamasining 2020-yil 28-iyuldagi 455-sonli qarori bilan tasdiqlangan Fuqaroviy qurol va xizmat qurolini hamda ularning oʻq-dorilarini, shuningdek, tuzilishi jihatdan qurolga oʻxshash boʻlgan buyumlarni sertifikatlash tartibi toʻgʻrisidagi nizom.

38-modda. Fuqaroviy va xizmat quroli hamda uning oʻq-dorilari davlat kadastri

Fuqaroviy va xizmat quroli hamda uning oʻq-dorilari davlat kadastri (bundan buyon matnda Qurol kadastri deb yuritiladi) Oʻzbekiston standartlashtirish, metrologiya va sertifikatlashtirish agentligi tomonidan yuritiladi va nashr etiladi hamda u fuqaroviy va xizmat quroli hamda uning oʻq-dorilari toʻgʻrisidagi tizimlashtirilgan maʼlumotlarni oʻz ichiga oladigan rasmiy toʻplamdir.

Fuqaroviy va xizmat quroli hamda uning oʻq-dorilari toʻgʻrisidagi maʼlumotlar sertifikatlashtirishning ijobiy natijalari asosida Qurol kadastriga kiritiladi.

LexUZ sharhi

Qurol kadastriga tigʻli sovuq qurol va uloqtirish quroli toʻgʻrisidagi, yagona nusxalari Oʻzbekiston Respublikasi hududiga olib kiriladigan yoki Oʻzbekiston Respublikasi hududidan olib chiqiladigan fuqaroviy va xizmat oʻqotar quroli haqidagi maʼlumotlar kiritilmaydi.

LexUZ sharhi

39-modda. Oʻzbekiston Respublikasining Davlat oʻq-gilzotekasini tashkil etish

Hodisa sodir boʻlgan joydan olingan, shuningdek soyli stvolli fuqaroviy va xizmat oʻqotar qurolidan nazorat tartibida otilgan, qurol izlari tushgan oʻqlar, gilza va patronlar Oʻzbekiston Respublikasining Davlat oʻq-gilzotekasini shakllantirish uchun yuboriladi.

Oʻzbekiston Respublikasining Davlat oʻq-gilzotekasi Oʻzbekiston Respublikasi Ichki ishlar vazirligi tomonidan yuritiladi.

LexUZ sharhi

Qarang: Vazirlar Mahkamasining 2020-yil 10-yanvardagi 13-son “Oʻzbekiston Respublikasi Davlat oʻq-gilzotekasi faoliyatini tashkil etish chora-tadbirlari toʻgʻrisida”gi qarori.

40-modda. Fuqaroviy va xizmat quroli hamda uning oʻq-dorilari muomalasi ustidan davlat nazorati

Oldingi tahrirga qarang.

Oʻzbekiston Respublikasi hududida fuqaroviy va xizmat quroli hamda uning oʻq-dorilari muomalasi ustidan davlat nazorati ichki ishlar organlari tomonidan amalga oshiriladi.

(40-moddaning birinchi qismi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

Ichki ishlar organlari oʻz vakolatlari doirasida:

(40-modda ikkinchi qismining birinchi xatboshisi Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

fuqaroviy va xizmat quroli hamda uning oʻq-dorilari muomalasi sohasida litsenziyalar va ruxsatnomalar berish;

litsenziyalar va ruxsatnomalar talablari hamda shartlariga rioya etilishini tekshirish;

litsenziyalar va ruxsatnomalarning talablari hamda shartlariga rioya etilishini tekshirishlar chogʻida yuzaga keladigan masalalar boʻyicha zarur axborotni soʻrab olish;

qurol va uning oʻq-dorilari ishlab chiqariladigan, taʼmirlanadigan, realizatsiya qilinadigan, saqlanadigan hamda yoʻq qilinadigan joylarda ularni koʻzdan kechirish;

tekshirishlar natijalari asosida litsenziyalar va ruxsatnomalar talablari hamda shartlarining aniq buzilishlarini koʻrsatgan holda dalolatnomalar tuzish;

litsenziyalar va ruxsatnomalar egalari zimmasiga aniqlangan qoidabuzarliklarni bartaraf etish majburiyatini yuklovchi qarorlar chiqarish, bunday qoidabuzarliklarni bartaraf etish muddatlarini belgilash;

Oldingi tahrirga qarang.

litsenziyalar va ruxsatnomalarning amal qilishini toʻxtatib turish, qayta tiklash, litsenziyalar va ruxsatnomalarni bekor qilish yoki qonunchilikda nazarda tutilgan hollarda va tartibda ularni bekor qilish toʻgʻrisidagi ariza bilan sudga murojaat qilish huquqiga ega.

(40-modda ikkinchi qismining sakkizinchi xatboshisi Oʻzbekiston Respublikasining 2021-yil 12-oktabrdagi OʻRQ-721-sonli Qonuni tahririda — Qonunchilik maʼlumotlari milliy bazasi, 12.10.2021-y., 03/21/721/0952-son)

Oldingi tahrirga qarang.

Fuqaroviy qurolni saqlash tartibiga rioya etilishini tekshirish ichki ishlar organlarining profilaktika (katta) inspektorlari tomonidan bir yilda kamida bir marta amalga oshirilishi kerak.

(40-modda Oʻzbekiston Respublikasining 2022-yil 31-maydagi OʻRQ-772-sonli Qonuniga asosan uchinchi qism bilan toʻldirilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Fuqaroviy va xizmat quroli hamda uning oʻq-dorilari muomalasi ustidan davlat nazorati boshqa organlar tomonidan ham oʻz vakolatlari doirasida amalga oshirilishi mumkin.

41-modda. Qurol va uning oʻq-dorilari muomalasi sohasida xalqaro hamkorlik

Oldingi tahrirga qarang.

Qurol va uning oʻq-dorilari muomalasi sohasida, shu jumladan ularning qonunga xilof muomalasi bilan bogʻliq jinoyatlarni aniqlash, ularning oldini olish, ularga chek qoʻyish hamda ularni fosh etishda chet davlatlar bilan hamkorlik Oʻzbekiston Respublikasining qonunchiligiga va xalqaro shartnomalariga muvofiq amalga oshiriladi.

(41-moddaning matni Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

42-modda. Nizolarni hal etish

Oldingi tahrirga qarang.

Qurol va uning oʻq-dorilari muomalasi sohasidagi nizolar qonunchilikda belgilangan tartibda hal etiladi.

(42-moddaning matni Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

43-modda. Qurol toʻgʻrisidagi qonunchilikni buzganlik uchun javobgarlik

Qurol toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladi.

(43-modda Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: Oʻzbekiston Respublikasining Maʼmuriy javobgarlik toʻgʻrisidagi kodeksi 90¹, 185, 220, 221-moddalari, Oʻzbekiston Respublikasining Jinoyat kodeksi 247, 248, 249, 297-moddalari.

44-modda. Ushbu Qonunning ijrosini, yetkazilishini, mohiyati va ahamiyati tushuntirilishini taʼminlash

Oldingi tahrirga qarang.

Oʻzbekiston Respublikasi Ichki ishlar vazirligi boshqa manfaatdor tashkilotlar bilan birgalikda ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

(44-moddaning matni Oʻzbekiston Respublikasining 2022-yil 31-maydagi OʻRQ-772-sonli Qonuni tahririda — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

45-modda. Qonunchilikni ushbu Qonunga muvofiqlashtirish

(45-moddaning nomi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

46-modda. Ushbu Qonunning kuchga kirishi

Ushbu Qonun rasmiy eʼlon qilingan kundan eʼtiboran olti oy oʻtgach kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2019-yil 29-iyul,

OʻRQ-550-son

Oldingi tahrirga qarang.

“Qurol toʻgʻrisida”gi Oʻzbekiston Respublikasi Qonuniga
1-ILOVA

Xizmat quroliga egalik qilishga monelik qiladigan kasalliklar yoki jismoniy nuqsonlar

ROʻYXATI

T/r	Kasalliklarning va jismoniy nuqsonlarning nomi
I. Ruhiy va asab kasalliklari
1.	Ruhiy holatning barcha buzilishlari
2.	Epilepsiya
3.	Epizodik va paroksizmal buzilishlar
4.	Karotid sinusining qoʻzgʻalishi bilan bogʻliq boʻlgan hushdan ketish, idiopatik periferik vegetativ nevropatiya
II. Narkologik kasalliklar
1.	Barcha narkologik kasalliklar, bundan tamakiga tobelik mustasno
III. Koʻz kasalliklari
1.	Koʻzning koʻrish funksiyasi sezilarli darajada buzilishi bilan bogʻliq surunkali kasalliklari (koʻrish oʻtkirligining korreksiya bilan bir koʻzda 0,5 (50 foiz) dan pastligi, ikkinchi koʻzda 0,2 (20 foiz) dan pastligi)
IV. Quloq kasalliklari
1.	Eshitish zaifligi (garanglik 4 daraja, karlik)
V. Tayanch-harakat tizimi kasalliklari
1.	Qoʻl kaftining qoʻshimcha bosh barmogʻi
2.	Barmoqlarning bir-biriga suyaklanib birikishi
3.	Barmoqlarning bir-biriga parda yordamida birikishi
4.	Koʻplab barmoqlarning birikib ketganligi
5.	Qoʻlning tugʻma ravishda mavjud emasligi
6.	Qoʻl kafti saqlangan holda yelka va bilakning mavjud emasligi
7.	Yelka, bilak va kaftning mavjud emasligi
8.	Qoʻl kafti va barmoqlarning mavjud emasligi
9.	Bilak suyagining kaltaligi
10.	Tirsak suyagining kaltaligi
11.	Qisqichsimon kaft
12.	Qoʻl kaltaligiga sabab boʻluvchi boshqa nuqsonlar
13.	Qoʻl kaltaligiga sabab boʻluvchi noaniq nuqsonlar
14.	Qoʻlning noaniq sababli tugʻma mavjud emasligi
15.	Qoʻl va oyoqlarning sababi noaniq boʻlgan fokomeliyasi
16.	Suyak rivojlanishi nuqsonlari natijasidagi tugʻma skolioz
17.	Toʻliq boʻlmagan osteogenez
18.	Poliostoz fibroz displaziya
19.	Suyak siniqlarining bitmasligi (yolgʻon boʻgʻim)
20.	Artorodez va suyak bitishidan keyingi psevdoartroz
21.	Suyak siniqlarining sekin bitishi
22.	Ushbu bandning boshqa kichik bandlarida taʼriflanmagan stressli siniqlar
23.	Ushbu bandning boshqa kichik bandlarida taʼriflanmagan patologik sinishlar
24.	Suyak butunligining boshqa buzilishlari
25.	Suyak butunligining noaniq sababli buzilishlari
26.	Fibroz displaziya (aniq bir suyakda)
27.	Suyak zichligining va tuzilishining noaniq sababli buzilishlari
28.	Oʻtkir gematogen osteomiyelit
29.	Oʻtkir osteomiyelitning boshqa turlari
30.	Surunkali, koʻp oʻchoqli osteomiyelit
31.	Idiopatik aseptik nekroz
32.	Medikament taʼsiridagi osteonekroz
33.	Travma oqibatidagi osteonekroz
34.	Boshqa ikkilamchi osteonekroz
35.	Boshqa sababli osteonekroz
36.	Noaniq sababli osteonekroz
37.	Suyaklar gipertrofiyasi
38.	Osteoliz
39.	Poliyeomiyelit natijasidagi osteopatiyalar
40.	Oʻsmalar natijasidagi sinishlar
41.	Yelkaning oʻsmirlar osteoxondrozi
42.	Bilak suyaklari oʻsmirlar osteoxondrozi
43.	Spastik boʻyin qiyshiqligi
44.	Tugʻma boʻyin qiyshiqligi (toʻshoʻmrov soʻrgʻichsimon muskulining tugʻma deformatsiyasi)
45.	Klippel — Feyl sindromi
46.	Boʻyindagi qovurgʻa
47.	Boʻyin umurtqalararo diski jarohati, miyelopatiya bilan
48.	Boʻyin umurtqalararo diski jarohati, radikulopatiya bilan
49.	Folkmanning ishemik kontrakturasi
50.	Erbaning tugʻuruq vaqtidagi paralichi
VI. Noinfeksion va infeksion kasalliklar
1.	Qon aylanishi yetishmovchiligi asoratiga ega yurak kasalliklari
2.	Yaqqol ifodalangan oʻpka-yurak yetishmovchiligi bilan asoratlangan surunkali oʻpka obstruktiv kasalligi
3.	Gipertoniya kasalligi III bosqichi
4.	Bronxial astmaning ogʻir kechishi
5.	Jigar sirrozi
6.	Oʻtkir nefritik sindrom
7.	Surunkali nefrotik sindrom
8.	Nefrotik sindrom
9.	Oʻtkir buyrak yetishmovchiligi
10.	Surunkali buyrak yetishmovchiligi
11.	Tireotoksikoz (gipertireoz)
12.	Tuberkulyoz faol shakllarining har qanday joylashuvi

(1-ilova Oʻzbekiston Respublikasining 2022-yil 31-maydagi OʻRQ-772-sonli Qonuniga asosan kiritilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

Oldingi tahrirga qarang.

“Qurol toʻgʻrisida”gi Oʻzbekiston Respublikasi Qonuniga
2-ILOVA

Fuqaroviy qurolga egalik qilishga monelik qiladigan kasalliklar yoki jismoniy nuqsonlar

ROʻYXATI

T/r	Kasalliklarning va jismoniy nuqsonlarning nomi
I. Ruhiy va asab kasalliklari
1.	Ruhiy holatning barcha buzilishlari
2.	Epilepsiya
3.	Epizodik va paroksizmal buzilishlar
4.	Karotid sinusining qoʻzgʻalishi bilan bogʻliq boʻlgan hushdan ketish, idiopatik periferik vegetativ nevropatiya
II. Narkologik kasalliklar
1.	Barcha narkologik kasalliklar, bundan tamakiga tobelik mustasno
III. Koʻz kasalliklari
1.	Koʻzning koʻrish funksiyasining sezilarli darajada buzilishi bilan bogʻliq surunkali kasalliklari (koʻrish oʻtkirligining korreksiya bilan bir koʻzda 0,5 (50 foiz) dan pastligi, ikkinchi koʻzda 0,2 (20 foiz) dan pastligi)
IV. Quloq kasalliklari
1.	Eshitish zaifligi (garanglik 4 daraja, karlik)
V. Tayanch-harakat tizimi kasalliklari
1.	Qoʻl kaftining qoʻshimcha bosh barmogʻi
2.	Barmoqlarning bir-biriga suyaklanib birikishi
3.	Barmoqlarning bir-biriga parda yordamida birikishi
4.	Koʻplab barmoqlarning birikib ketganligi
5.	Qoʻlning tugʻma mavjud emasligi
6.	Qoʻl kafti saqlangan holda yelka va bilakning mavjud emasligi
7.	Yelka, bilak va kaftning mavjud emasligi
8.	Qoʻl kafti va barmoqlarning mavjud emasligi
9.	Bilak suyagining kaltaligi
10.	Tirsak suyagining kaltaligi
11.	Qisqichsimon kaft
12.	Qoʻl kaltaligiga sabab boʻluvchi boshqa nuqsonlar
13.	Qoʻl kaltaligiga sabab boʻluvchi noaniq nuqsonlar
14.	Qoʻlning noaniq sababli tugʻma mavjud emasligi
15.	Qoʻl va oyoqlarning sababi noaniq boʻlgan fokomeliyasi
16.	Suyak rivojlanishi nuqsonlari natijasidagi tugʻma skolioz
17.	Toʻliq boʻlmagan osteogenez
18.	Poliostoz fibroz displaziya
19.	Suyak siniqlarining bitmasligi (yolgʻon boʻgʻim)
20.	Artorodez va suyak bitishidan keyingi psevdoartroz
21.	Suyak siniqlarining sekin bitishi
22.	Ushbu bandning boshqa kichik bandlarida taʼriflanmagan stressli siniqlar
23.	Ushbu bandning boshqa kichik bandlarida taʼriflanmagan patologik sinishlar
24.	Suyak butunligining boshqa buzilishlari
25.	Suyak butunligining noaniq sababli buzilishlari
26.	Fibroz displaziya (aniq bir suyakda)
27.	Suyak zichligining va tuzilishining noaniq sababli buzilishlari
28.	Oʻtkir gematogen osteomiyelit
29.	Oʻtkir osteomiyelitning boshqa turlari
30.	Surunkali, koʻp oʻchoqli osteomiyelit
31.	Idiopatik aseptik nekroz
32.	Medikament taʼsiridagi osteonekroz
33.	Travma oqibatidagi osteonekroz
34.	Boshqa ikkilamchi osteonekroz
35.	Boshqa sababli osteonekroz
36.	Noaniq sababli osteonekroz
37.	Suyaklar gipertrofiyasi
38.	Osteoliz
39.	Poliyeomiyelit natijasidagi osteopatiyalar
40.	Oʻsmalar natijasidagi sinishlar
41.	Yelkaning oʻsmirlar osteoxondrozi
42.	Bilak suyaklari oʻsmirlar osteoxondrozi
43.	Spastik boʻyin qiyshiqligi
44.	Tugʻma boʻyin qiyshiqligi (toʻshoʻmrov soʻrgʻichsimon muskulining tugʻma deformatsiyasi)
45.	Klippel — Feyl sindromi
46.	Boʻyindagi qovurgʻa
47.	Boʻyin umurtqalararo diski jarohati, miyelopatiya bilan
48.	Boʻyin umurtqalararo diski jarohati, radikulopatiya bilan
49.	Folkmanning ishemik kontrakturasi
50.	Erbaning tugʻuruq vaqtidagi paralichi
VI. Noinfeksion va infeksion kasalliklar
1.	Qon aylanishi yetishmovchiligi asoratiga ega yurak kasalliklari
2.	Yaqqol ifodalangan oʻpka-yurak yetishmovchiligi bilan asoratlangan surunkali oʻpka obstruktiv kasalligi
3.	Gipertoniya kasalligi III bosqichi
4.	Bronxial astmaning ogʻir kechishi
5.	Jigar sirrozi
6.	Oʻtkir nefritik sindrom
7.	Surunkali nefrotik sindrom
8.	Nefrotik sindrom
9.	Oʻtkir buyrak yetishmovchiligi
10.	Surunkali buyrak yetishmovchiligi
11.	Tireotoksikoz (gipertireoz)
12.	Tuberkulyoz faol shakllarining har qanday joylashuvi

(2-ilova Oʻzbekiston Respublikasining 2022-yil 31-maydagi OʻRQ-772-sonli Qonuniga asosan kiritilgan — Qonunchilik maʼlumotlari milliy bazasi, 01.06.2022-y., 03/22/772/0460-son — 2022-yil 2-sentabrdan kuchga kiradi)

(Qonun hujjatlari maʼlumotlari milliy bazasi, 29.07.2019-y., 03/19/550/3484-son; 05.10.2020-y., 03/20/640/1348-son; 06.11.2020-y., 03/20/645/1469-son; Qonunchilik maʼlumotlari milliy bazasi, 21.04.2021-y., 03/21/683/0375-son, 12.10.2021-y., 03/21/721/0952-son, 14.03.2022-y., 03/22/759/0213-son; 01.06.2022-y., 03/22/772/0460-son; 07.02.2024-y., 03/24/905/0106-son; 13.01.2026-y., 03/26/1111/0037-son; 18.04.2026-y., 03/26/1133/0379-son)