|
Hozirgi vaqtda mazkur hujjatga o‘zgartirish kiritilmoqda
|
Oʻzbekiston Respublikasi Vazirlar Mahkamasining
qarori
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizomni tasdiqlash haqida
(qaror nomi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunining 15-moddasiga muvofiq hamda shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibini belgilash maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
1. Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizom ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
2. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi Oʻzbekiston Respublikasi Adliya vazirligi bilan birgalikda uch oy muddatda mahallalar fuqarolar yigʻinlarining raislari tomonidan ishonchnomalarni tasdiqlash tartiblari borasidagi bilimlarni oshirishga qaratilgan oʻquv seminarlarini oʻtkazish rejasini ishlab chiqsin va uning amalga oshirilishini taʼminlasin.
(2-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga hamda Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-aprel,
328-son
Vazirlar Mahkamasining 2019-yil 18-apreldagi 328-son qaroriga
ILOVA
ILOVA
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisida
NIZOM
(ilova nomi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
1-bob. Umumiy qoidalar
Oldingi tahrirga qarang.
1. Ushbu Nizom shaharchalar, qishloqlar va ovullar, shuningdek shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari (keyingi oʻrinlarda fuqarolar yigʻinlarining raislari deb ataladi) tomonidan ishonchnomalarni tasdiqlash tartibini belgilaydi.
(1-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
2. “Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunining 15-moddasiga muvofiq fuqarolar yigʻinining raisi xat-xabarlarni, shu jumladan pul va posilkalarni olishga, ish haqini hamda mehnat munosabatlari bilan bogʻliq boʻlgan boshqa toʻlovlarni olishga, mualliflar va ixtirochilarga toʻlanadigan haqlarni, pensiyalar, nafaqalar va stipendiyalarni, shuningdek, banklardan summalarni olishga ishonchnomalarni (keyingi oʻrinlarda ishonchnomalar deb ataladi) tasdiqlashi mumkin.
(2-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
3. Fuqarolar yigʻinining raisi ishonchnomalarni tasdiqlashda Oʻzbekiston Respublikasining qonunchilik hujjatlariga, shuningdek, ushbu Nizomga amal qiladi.
(3-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Fuqarolar yigʻinining raisi tomonidan tasdiqlanayotgan ishonchnomalarga fuqarolar yigʻinlarining nomlari qayd etilgan muhr bosiladi.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
4. Fuqarolar yigʻinining raisi ishonchnomalarni tasdiqlashda quyidagi huquqlarga ega:
(4-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
ishonchnomaning loyihalarini tuzish va ishonchnomaga doir masalalar yuzasidan tushuntirishlar berish;
jismoniy shaxslardan ishonchnomalarni tasdiqlash uchun zarur boʻlgan hujjatlarni talab qilib olish.
Oldingi tahrirga qarang.
5. Fuqarolar yigʻinining raisi ishonchnomalarni tasdiqlashda:
(5-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
jismoniy shaxslarga oʻz huquqlarini amalga oshirishda va qonuniy manfaatlarini himoya qilishda koʻmaklashish, ularning huquq va majburiyatlarini tushuntirib berishga;
tomonlar taqdim etgan ishonchnoma loyihalarining mazmun-mohiyati va ahamiyatini tushuntirib berish, ularning mazmuni tomonlarning asl maqsadiga mos kelish-kelmasligini va qonun talablariga zid kelish-kelmasligini tekshirishga;
Oldingi tahrirga qarang.
qonunchilik hujjatlariga mos kelmaydigan ishonchnomalarni amalga oshirishni rad etishga;
(5-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
ishonchnomalarni tasdiqlash vaqtida fuqarolar yoki mansabdor shaxslar tomonidan qonunchilik hujjatlari buzilganligini aniqlagan taqdirda, zarur choralar koʻrish uchun huquqni muhofaza qiluvchi tegishli organlarga bu haqda xabar qilishga majbur.
(5-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
6. Ishonchnomalar davlat tilida rasmiylashtiriladi. Rasmiylashtirilgan ishonchnoma matni fuqarolarning talabiga binoan fuqarolar yigʻinining raisi tomonidan rus tilida yoki imkoni boʻlsa, boshqa maqbul tilda beriladi.
(6-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Agar, ishonchnoma murojaat qilgan shaxs tushunmaydigan yoki yaxshi bilmaydigan tilda rasmiylashtirilsa, unda ishonchnoma matni fuqarolar yigʻinining raisi yoki murojaat qilgan shaxs tanigan tarjimon tomonidan ogʻzaki tarjima qilinishi mumkin. Bu haqda hujjat matniga va tasdiqlovchi yozuvga kim tomonidan tarjima qilinganligi va matn mazmuni tushuntirilganligi haqida fuqarolar yigʻinining raisi tomonidan yozib qoʻyilishi, imzolanishi va muhr qoʻyilishi kerak. Bunday holda murojaat qilgan shaxs oʻzi biladigan tilda ismi, familiyasi, otasining ismini toʻliq yozib, imzo qoʻyadi.
(6-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
7. Fuqarolar yigʻinlarining raislari tomonidan tasdiqlanadigan ishonchnomalar mazkur Nizomga 1-ilovaga muvofiq ishonchnomalarni roʻyxatga olish kitobida (keyingi oʻrinlarda Roʻyxatga olish kitobi deb ataladi) roʻyxatga olinadi. Roʻyxatga olish kitobidagi yozuvlar qalam bilan yozilishiga yoʻl qoʻyilmaydi. Ochiq qolgan joylarga chiziq tortib qoʻyiladi.
(7-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Har bir ishonchnoma alohida tartib raqam bilan roʻyxatga olinadi. Roʻyxatga olish kitobida qayd etilgan ishonchnoma raqami fuqarolar yigʻinining raisi tomonidan tasdiqlanadigan yoki beriladigan ishonchnomaning tasdiqlovchi yozuvida koʻrsatiladi.
(7-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Roʻyxatga olish kitobidagi tartib raqamlarining raqamlanishida xatolikka yoʻl qoʻyilsa, alohida maʼlumotnoma tuziladi va fuqarolar yigʻini raisining imzosi va muhri bilan roʻyxatga olish kitobiga yelimlanib qoʻyiladi.
(7-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
8. Ishonchnomalarni tasdiqlash fuqarolar yigʻini joylashgan binoda amalga oshiriladi. Fuqaro kasalligi, nogironligi tufayli yoki boshqa sabablarga koʻra fuqarolar yigʻiniga bora olmaydigan ayrim hollarda ishonchnomalar fuqarolar yigʻini binosidan tashqarida, yaʼni mazkur jismoniy shaxs yoxud uning vakili joylashgan joyda toʻldirilishi mumkin.
Ishonchnomalar fuqarolar yigʻini joylashgan binodan tashqarida toʻldirilsa, hujjatning tasdiqlovchi yozuvida va ishonchnomalarni roʻyxatga olish kitobida ishonchnoma rasmiylashtirilgan joyning manzili koʻrsatiladi.
Oldingi tahrirga qarang.
9. Fuqarolar yigʻinining raisi ishonchnomani rasmiylashtirishni soʻrab murojaat qiluvchilarning (ularning qonuniy vakillarining, shuningdek, vasiy va homiylarining) shaxsini aniqlaydi.
(9-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Ishonchnomani rasmiylashtirishni soʻrab murojaat qiluvchi fuqarolarning shaxsi quyidagi hujjatlarga asosan aniqlanadi:
Oʻzbekiston fuqarolarining shaxsi — Oʻzbekiston Respublikasi fuqarosining pasporti;
16 yoshga toʻlmagan fuqarolarning shaxsi — tugʻilganlik toʻgʻrisidagi guvohnoma;
harbiy xizmatchilarning shaxsi — harbiy qismlar va harbiy muassasalar qoʻmondonligi tomonidan beriladigan shaxsiy guvohnomalar yoki harbiy biletlar (harbiy xizmatga majbur fuqarolarning harbiy bileti bundan mustasno);
Oldingi tahrirga qarang.
chet el fuqarolarining shaxsi — ularning milliy pasporti (qonunchilik hujjatlariga muvofiq chet el fuqarolari tegishli ichki ishlar organlari tomonidan roʻyxatga olinishi lozim) yoki Oʻzbekiston Respublikasida yashash guvohnomasi yoxud diplomatik pasporti yoki Oʻzbekiston Respublikasida akkreditatsiya qilinganligini tasdiqlovchi akkreditatsiya kartochkasi;
(9-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
fuqaroligi boʻlmagan shaxs uchun — Oʻzbekiston Respublikasida yashash guvohnomasi.
10. Ishonchnoma tasdiqlab berilayotganda ishonchnoma beruvchining muomala layoqati belgilangan tartibda aniqlanadi. Ishonchnoma vakil tomonidan tuzilgan taqdirda, uning vakolati ham tekshiriladi.
Oldingi tahrirga qarang.
Fuqarolar yigʻinining raisi tomonidan fuqarolarning muomala layoqati ular bilan shaxsiy muloqot davomida aniqlanadi.
(10-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
11. Fuqarolar yigʻinining raisida ishonchnomani tasdiqlashni soʻrab murojaat qiluvchilar ruhiy kasalligi yoki aqli zaifligi oqibatida oʻz xatti-harakatlarining ahamiyatini tushuna olmaydi yoki oʻz harakatlarini boshqara olmaydi yoxud spirtli ichimliklar yoki giyohvandlik va psixotrop moddalarni isteʼmol qilishi oqibatida oʻz oilasini ogʻir moddiy ahvolga solib qoʻyadi deb hisoblash uchun asos boʻlsa-da (shubha toʻgʻrisida), ammo shu fuqaroning muomalaga layoqatsiz yoki muomala layoqati cheklanganligi toʻgʻrisida maʼlumotlar boʻlmasa, ular ishonchnomani tasdiqlashni kechiktiradi va sudning shu shaxsni muomalaga layoqatsiz yoki muomala layoqati cheklangan deb topganligi toʻgʻrisidagi qarori bor-yoʻqligini aniqlaydi.
(11-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Agar, mazkur shaxs sud tomonidan muomalaga layoqatsiz deb topilgan boʻlsa, fuqarolar yigʻinining raisi ishonchnomani tasdiqlashni rad etish haqida qaror chiqaradi. Fuqarolar yigʻinining raisi ushbu qarordan norozi tomonning sudga murojaat qilish huquqini tushuntirishi lozim.
(11-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Agar, mazkur shaxs sud tomonidan muomala layoqati cheklangan deb topilgan boʻlsa, fuqarolar yigʻinining raisi ishonchnomani tasdiqlashda muomala layoqati cheklangan shaxs homiysining roziligini talab etadi.
(11-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
12. Fuqarolar yigʻinining raisi ishonchnomani haqiqiy emas deb topganligi toʻgʻrisida sudning qonuniy kuchga kirgan hal qiluv qarori yoki ajrimini olgan taqdirda, bu haqda ishonchnomalarni roʻyxatga olish kitobiga va ishonchnomaning fuqarolar yigʻinida saqlanadigan asl nusxasiga tegishli yozuv kiritadi, oʻz imzosi va muhrini qoʻyadi.
(12-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
13. Jismoniy shaxslar tomonidan taqdim qilingan yoki fuqarolar yigʻinlarining raislari tomonidan tuziladigan ishonchnoma loyihalari qonunchilik hujjatlariga zid boʻlmasligi lozim.
(13-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
14. Ishonchnomalar fuqarolar yigʻinining raisi ishtirokida imzolanadi.
(14-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Agar, fuqaro jismoniy nuqsoni, kasalligi, savodsizligi tufayli yoki qandaydir boshqa sabablarga koʻra ishonchnomani oʻz qoʻli bilan imzolay olmasa, ishonchnomani uning topshirigʻiga koʻra oʻzi va fuqarolar yigʻinining raisi hozirligida boshqa fuqaro imzolashi mumkin, bunda ishonchnoma tasdiqlashni soʻrab murojaat qilgan fuqaroning hujjatni oʻz qoʻli bilan imzolay olmaganligi sabablari hujjat matniga va tasdiqlovchi yozuvga yozib qoʻyilishi shart.
(14-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Agar, ishonchnomani tasdiqlashni soʻrab murojaat qilgan fuqaro savodsiz, koʻzi ojiz boʻlsa yoki qandaydir sabablar tufayli koʻzi yaxshi koʻrmasa, shuningdek, kasalligi tufayli ishonchnomani oʻqiy olmasa, fuqarolar yigʻinining raisi unga hujjat matnini ovoz chiqarib oʻqib beradi va bu haqda hujjat matnida va tasdiqlovchi yozuvda qayd etadi.
(14-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Ishonchnoma tasdiqlashni soʻrab kar-soqovlik nuqsoni (kar-soqov, kar, qulogʻi ogʻir) boʻlgan shaxs murojaat qilsa hamda savodsiz boʻlsa, ishonchnomani tasdiqlash paytida u bilan muomala qila oladigan va ishonchnomaning mazmunini uning xohish-irodasiga muvofiq ekanligini oʻz imzosi bilan tasdiqlovchi surdo tarjimon hozir boʻlishi shart.
Kar-soqovlik nuqsoni (kar-soqov, kar, qulogʻi ogʻir) boʻlgan hamda muomala layoqatiga ega boʻlgan savodli fuqaro ishonchnoma tasdiqlashni soʻrab murojaat qilsa, ishonchnoma uning oʻzi tomonidan va surdo tarjimon tomonidan imzolanishi mumkin.
Oldingi tahrirga qarang.
Kar-soqovlik nuqsoni (kar-soqov, kar, qulogʻi ogʻir) boʻlgan, muomala layoqatiga ega boʻlgan, biroq surdo tarjimon bilan muloqot qila olmaydigan savodli fuqaro oʻz imzosi bilan ishonchnomaning mazmunini oʻzining xohish-irodasiga muvofiq ekanligini fuqarolar yigʻinining raisi bilan yozma ravishda bildiradigan boʻlsa, ishonchnomani tasdiqlashda surdo tarjimonning ishtiroki shart emas. Ushbu yozishmalar ishonchnoma bilan birga tikib qoʻyiladi.
(14-bandning oltinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Tarjimon yoki surdo tarjimon ishonchnoma tarjimasini notoʻgʻri yoki yolgʻon tarjima qilganligi uchun qonunchilik hujjatlariga muvofiq javobgarlikka tortilishi haqida fuqarolar yigʻinining raisi tomonidan ogohlantiriladi va bu haqda ishonchnoma matnida koʻrsatiladi.
(14-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
2-bob. Ishonchnomalarni tasdiqlash tartibi
Oldingi tahrirga qarang.
15. Ishonchnomaning matni aniq va ravshan, mazmuniga taalluqli sana va muddatlar koʻrsatilgan boʻlishi shart. Fuqarolarning familiyasi, ismi, otasining ismi, doimiy yashash joyi boʻyicha roʻyxatga olingan manzili koʻrsatilgan ishonchnomalarni tasdiqlashda chet el fuqarolari qatnashayotgan boʻlsa, ularning fuqaroligi ham koʻrsatib oʻtilishi kerak.
(15-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
Oldingi tahrirga qarang.
16. Ishonchnomadagi oxirigacha toʻldirilmagan satrlar va boshqa boʻsh joylarga chiziq tortib qoʻyiladi, chet elda amal qiladigan ishonchnomalar bundan mustasno. Qoʻshimcha va tuzatishlar tegishli shaxslarning (ishonchnomani imzolagan boshqa shaxslarning) imzosi oldidan izohlanishi va tasdiqlovchi yozuvning oxirida fuqarolar yigʻini raisining imzosidan oldin takroran izohlanishi, fuqarolar yigʻini raisining imzosi va muhri bilan tasdiqlanishi kerak. Tasdiqlovchi yozuvdagi tuzatishlar fuqarolar yigʻini raisining imzosidan oldin izohlanishi va imzosi hamda muhri bilan tasdiqlanishi kerak. Bunda tuzatishlar shunday qilinishi kerakki, oʻchirilgan barcha soʻzlarni va raqamlarni boshlangʻich matnda oʻqish imkoni boʻlishi lozim.
(16-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Fuqarolar yigʻinining raisi oʻz tashabbusi bilan yoki manfaatdor shaxslarning iltimosiga koʻra, ishonchnomaga uning mohiyatini oʻzgartirmaydigan qoʻshimchalarni kiritishi yoki undagi aniq arifmetik xatolarnigina tuzatishi mumkin.
(16-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
17. Murojaat qiluvchining iltimosiga koʻra, ishonchnoma loyihasi fuqarolar yigʻinining raisi tomonidan tuzilishi mumkin.
(17-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
18. Ishonchnomalarni tasdiqlashda mazkur Nizomga 2 yoki 3-ilovalarda keltirilgan namunalarga muvofiq tasdiqlovchi yozuvlar yoziladi hamda fuqarolar yigʻinining raisi tomonidan imzolanib, muhr bosiladi.
(18-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
19. Tasdiqlovchi yozuvning matni kompyuter vositasida oʻchirilmasdan aniq yozilishi shart. Ochiq joylarga chiziq tortib qoʻyilishi, yozuvlar va boshqa tuzatishlar ushbu Nizomning 16-bandi asosida izohlanishi kerak.
Tasdiqlovchi yozuvlarni amalga oshirish uchun tegishli yozuv matni boʻlgan shtamplar ishlatilishi mumkin.
Oldingi tahrirga qarang.
20. Fuqarolar yigʻinining raisi tomonidan ishonchnomalarni tasdiqlash uchun hujjatlar quyidagi hollarda qabul qilinmaydi:
(20-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
qirib oʻchirilgan yoki qoʻshimchalar kiritilgan, soʻzlari ustidan chizilgan va izoh berilmagan boshqa tuzatishlari boʻlgan, shuningdek, qalamda yozilgan hujjatlar;
bir necha varaqlarda bayon etilib, varaqlari raqamlanmagan va ip oʻtkazib tikilmagan hujjatlar, hujjatni bergan tashkilot mansabdor shaxsining imzosi va muhri boʻlmagan hujjatlar;
faksimile imzo muhri qoʻyilgan hujjatlar.
Oldingi tahrirga qarang.
21. Fuqarolar yigʻinining raisi quyidagi hollarda ishonchnomani tasdiqlashni rad etadi, agar:
(21-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
bunday ishonchnomani tasdiqlash qonunga zid boʻlsa;
bu harakat notarius tomonidan amalga oshirilishi kerak boʻlsa;
muomalaga layoqatsiz fuqaro yoxud zarur vakolatlari boʻlmagan vakil ishonchnomani tasdiqlashni soʻrab murojaat qilgan boʻlsa;
Oldingi tahrirga qarang.
ishonchnomani tasdiqlash uchun taqdim etilayotgan hujjatlar qonunchilik hujjatlari talablariga muvofiq boʻlmasa.
(21-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Taqdim etilgan hujjatlarning qalbakilashtirilganligi yaqqol koʻrinib turgan boʻlsa yoki bunga shubha tugʻdiruvchi yetarli asoslar mavjud boʻlsa, ishonchnoma tasdiqlash uchun taqdim etilayotgan hujjatlar qonunchilik hujjatlari talablariga muvofiq emas deb hisoblanadi.
(21-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Ishonchnomani tasdiqlash rad etilgan taqdirda fuqarolar yigʻinining raisi murojaat qilingan kundan boshlab uch kundan kechiktirmasdan mazkur Nizomga 4-ilovaga muvofiq qaror chiqaradi hamda murojaat qilgan shaxsga beradi.
(21-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Rad etish toʻgʻrisidagi qarorda quyidagilar koʻrsatilishi kerak:
Oldingi tahrirga qarang.
qaror chiqarilgan sana, qaror chiqargan fuqarolar yigʻini raisining familiyasi, ismi va otasining ismi, fuqarolar yigʻinining nomi, joylashgan joyi (pochta manzili);
(21-bandning toʻqqizinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
ishonchnomani tasdiqlashni soʻrab murojaat qilgan shaxsning familiyasi, ismi va otasining ismi, turar joyi;
Oldingi tahrirga qarang.
ishonchnomani tasdiqlashni rad etishga sabab boʻlgan holatlar (qonunchilik hujjatlariga asoslangan holda);
(21-bandning oʻn birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
shikoyat qilish tartibi.
Oldingi tahrirga qarang.
22. Fuqarolar yigʻinining raisi ishonchnoma tasdiqlash uchun oʻz ish joyidan tashqariga chiqqanida, manfaatdor jismoniy shaxslar uning amaldagi transport xarajatlarini qoplaydi.
(22-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
23. Ishonchnomani tuzish va tasdiqlash uchun ishonchli vakilning ishtiroki talab etilmaydi.
Ishonchli vakil haqidagi, shuningdek, ishonchnoma obyekti haqidagi maʼlumotlar ishonchnoma beruvchi tomonidan taqdim etilgan hujjatlar yoki uning soʻzlariga asosan yozilishi mumkin. Ishonchli vakil haqidagi, shuningdek, ishonchnoma obyekti haqidagi maʼlumotlar ishonchnoma beruvchining soʻzlariga asosan yozilgan holda berilgan maʼlumotlarning toʻgʻriligi uchun ishonchnoma beruvchi masʼuldir. Bu haqda ishonchnoma matnida va tasdiqlovchi yozuvda qayd etib qoʻyiladi.
Oldingi tahrirga qarang.
24. Ishonchnoma matnida uning tuzilgan (imzolangan) joyi va sanasi, ishonch bildiruvchi va ishonchli vakilning familiyasi, ismi, otasining ismi, doimiy yashash joyi boʻyicha roʻyxatga olingan manzili, ishonchli vakilga berilayotgan vakolatlar doirasi, Fuqarolik kodeksining 141 va 142-moddalari tushuntirilganligi koʻrsatilib oʻtilishi kerak.
(24-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
Oldingi tahrirga qarang.
25. Fuqarolar yigʻinining raisi oʻz nomiga va oʻz nomidan, xotini (eri) nomiga hamda uning nomidan, xotinining (erining) va oʻzining qarindosh-urugʻlari (ota-onasi, bolalari, nabiralari, tugʻishgan aka-uka va opa-singillari), ular bilan vasiylik va homiylik tufayli bogʻlangan shaxslar nomiga hamda ularning nomidan ishonchnomalarni tasdiqlashga haqli emas.
(25-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Bunday hollarda ishonchnomalar istalgan boshqa fuqarolar yigʻinining raisi tomonidan amalga oshiriladi.
(25-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Mazkur bandning birinchi xatboshidagi qoidalar buzilgan holda tasdiqlangan ishonchnomalar haqiqiy emas deb hisoblanadi.
26. Fuqarolar yigʻinlarining raislari jismoniy shaxslarga ularning yozma arizasiga muvofiq hamda sud, prokuratura, tergov organlarining qaror yoki ajrim shaklida yoxud protsessual qonunlarda belgilangan boshqa tartibda rasmiylashtirilgan talabnomalariga asosan roʻyxatga olish kitobidan koʻchirmalar beradi.
Oldingi tahrirga qarang.
27. Fuqarolar yigʻinlarining raislari tomonidan tasdiqlangan yoki berilgan, nusxalari fuqarolar yigʻinining yigʻmajildlarida saqlanayotgan ishonchnomalar yoʻqolgan taqdirda, jismoniy shaxslarning yoki ularning qonuniy vakillarining yozma arizasiga koʻra, yoʻqolgan hujjatlarning dublikatlari beriladi.
(27-bandning birinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Arizalardagi imzolar fuqarolar yigʻinining raisi tomonidan tasdiqlanadi.
(27-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Jismoniy va yuridik shaxslarning vakillariga berilgan ishonchnomalar matnida hujjatning dublikatini olish vakolati koʻrsatilgan boʻlishi lozim.
Ishonchnoma dublikatida tasdiqlangan va berilgan asl ishonchnomaning toʻliq matni boʻlishi shart.
28. Ishonchnoma koʻpi bilan uch yil muddatga berilishi mumkin. Agar, ishonchnomada muddat koʻrsatilgan boʻlmasa, u berilgan kundan boshlab bir yil mobaynida oʻz kuchini saqlaydi.
29. Berilgan kuni koʻrsatilmagan ishonchnoma haqiqiy hisoblanmaydi.
Oldingi tahrirga qarang.
Fuqarolar yigʻinining raisi tomonidan tasdiqlanib, Oʻzbekiston Respublikasidan tashqarida harakatlarni amalga oshirishga moʻljallangan, amal qilish muddati koʻrsatilmagan ishonchnoma uni bergan shaxs tomonidan bekor qilingunicha oʻz kuchini saqlaydi.
(29-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
30. Ishonchnoma beruvchi tomonidan ishonchnoma bekor qilingan taqdirda, roʻyxatga olish kitobiga hamda fuqarolar yigʻinining raisida saqlanayotgan ishonchnoma nusxasiga belgi qoʻyiladi. Ushbu ariza ishonchnoma nusxasiga yoki alohida yigʻmajildga tikib qoʻyiladi. Arizaning ikkinchi nusxasi ishonchli vakilni xabardor qilish uchun ishonch bildiruvchiga beriladi.
(30-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
3-bob. Yakunlovchi qoidalar
Oldingi tahrirga qarang.
31. Fuqarolar yigʻinining raisi tomonidan ishonchnomalar tasdiqlanganligi uchun toʻlov undirilmaydi.
(31-band Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
32. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
(32-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizomga
1-ILOVA
1-ILOVA
(1-ilovaning belgisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
|
Namuna
Ishonchnomalarni roʻyxatga olish KITOBI
| ||||
|
Tartib raqami |
Tasdiqlash sanasi |
Ishonch bildiruvchining F.I.O. va yashash joyi |
Ishonchnomaning qisqacha mazmuni |
Hujjat olinganligi haqida imzo |
|
1 |
2 |
3 |
4 |
5 |
|
|
|
|
|
|
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizomga
2-ILOVA
2-ILOVA
(2-ilovaning belgisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
| | | | | | | | |
Namuna | |
|
Ishonchnoma beruvchi tomonidan shaxsan imzolangan ishonchnomaning tasdiqlovchi yozuvi | |||||||||
|
20___ yilning “____” ____________ kuni. | |||||||||
| | | | | | | | | | |
| Ushbu ishonchnomani men, ___________________________________________________________________________ | |||||||||
|
_______________________(fuqarolar yigʻinining nomi, ishonchnomani tasdiqlovchi | |||||||||
|
_____________________________________________________________________________________ tasdiqladim. | |||||||||
|
shaxsning lavozimi, familiyasi, ismi, otasining ismi) | |||||||||
|
Ishonchnoma fuqaro ________________________________________________________________________________ | |||||||||
|
(ishonch bildiruvchining familiyasi, ismi, otasining ismi) | |||||||||
|
tomonidan mening huzurimda imzolandi. | |||||||||
|
Ishonch bildiruvchining shaxsi aniqlandi, muomalaga layoqatliligi tekshirildi. | |||||||||
| | | | | | | | | | |
|
______________________________________ |
| | | |
__________________ | ||||
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizomga
3-ILOVA
3-ILOVA
(3-ilovaning belgisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
| | | | | | | | |
Namuna | |
|
Ishonch bildiruvchining iltimosiga koʻra boshqa shaxslar tomonidan imzolangan ishonchnomaning tasdiqlovchi yozuvi | |||||||||
|
20____ yilning “_____” _____________ kuni. | |||||||||
| | | | | | | | | | |
|
Ushbu ishonchnomani men, ___________________________________________________________________________ | |||||||||
|
________________________(fuqarolar yigʻinining nomi, ishonchnomani tasdiqlovchi | |||||||||
|
_____________________________________________________________________________________ tasdiqladim. | |||||||||
|
shaxsning lavozimi, familiyasi, ismi, otasining ismi) | |||||||||
|
Fuqaro ______________________________________________________________________________________ning | |||||||||
|
(ishonch bildiruvchining familiyasi, ismi, otasining ismi) | |||||||||
|
________________________________________________________________________________________________(kasalligi, koʻzi ojizligi va hokazo) | |||||||||
|
tufayli uning iltimosiga koʻra va mening huzurimda ishonchnomani fuqaro __________________________________ | |||||||||
|
(ishonchnomani ishonch bildiruvchining iltimosiga koʻra imzolovchi shaxsning familiyasi, ismi, otasining ismi) | |||||||||
|
imzoladi. | |||||||||
| | | | | | | | | | |
|
Roʻyxatga olish kitobiga ________________ raqami bilan qayd etildi. | |||||||||
| | | | | | | | | | |
|
______________________________________ |
| | | |
__________________ | ||||
| | | | | | | | | | |
Oldingi tahrirga qarang.
Shaharchalar, qishloqlar va ovullar, shuningdek, shaharlardagi, shaharchalardagi, qishloqlardagi hamda ovullardagi mahallalar fuqarolar yigʻinlarining raislari tomonidan ishonchnomalarni tasdiqlash tartibi toʻgʻrisidagi nizomga
4-ILOVA
4-ILOVA
(4-ilovaning belgisi Oʻzbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik maʼlumotlari milliy bazasi, 01.08.2023-y., 09/23/327/0549-son)
|
Ishonchnomani tasdiqlashni rad etishning namunaviy matni | |||||||||
|
20__ yilning “___” _________ kuni. | |||||||||
| | | | | | | | | | |
|
Men, ____________________________________________________________________________________________ | |||||||||
|
(fuqarolar yigʻinining nomi, ishonchnomani tasdiqlovchi | |||||||||
|
________________________________________________________________________________________________. | |||||||||
|
shaxsning lavozimi, familiyasi, ismi, otasining ismi) | |||||||||
|
Fuqaro ______________________________________________________________________________________ning | |||||||||
|
(murojaat qiluvchining manzili, familiyasi, ismi, otasining ismi) | |||||||||
|
ishonchnomani tasdiqlash haqidagi murojaatini koʻrib chiqib, ______________________________________________ | |||||||||
| | ________(rad etish asoslari) | ||||||||
|
Ushbu rad etish yuzasidan sudga shikoyat qilinishi mumkin. | |||||||||
| | | | | | | | | | |
|
______________________________________ |
| | | |
__________________ | ||||
(Qonun hujjatlari maʼlumotlari milliy bazasi, 19.04.2019-y., 09/19/328/2967-son; 29.09.2020-y., 09/20/593/1340-son; Qonunchilik maʼlumotlari milliy bazasi, 05.04.2022-y., 09/22/153/0266-son; 01.08.2023-y., 09/23/327/0549-son)
