O‘zbekiston Respublikasi Prezidentining
Qarori
O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasining dasturlari bo‘yicha kadrlarni o‘qitishni tashkil etishni yanada takomillashtirish chora-tadbirlari to‘g‘risida
Xorijdagi yetakchi universitetlar, ilmiy markazlar va boshqa tashkilotlarda kadrlarni tayyorlash, malakasini oshirish va stajirovkadan o‘tkazish tizimini yanada takomillashtirish, ijtimoiy soha, davlat boshqaruvi va iqtisodiyotning ustuvor tarmoqlarining yuqori malakali mutaxassislarga bo‘lgan o‘sib borayotgan ehtiyojlarini qondirish uchun zarur shart-sharoitlarni yaratish, shuningdek, O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi (keyingi o‘rinlarda — Jamg‘arma) faoliyatini samarali tashkil etish maqsadida:
1. Quyidagilar:
O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi faoliyatini yanada takomillashtirish bo‘yicha 2019-yilga mo‘ljallangan chora-tadbirlar dasturi 1-ilovaga muvofiq;
O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi dasturlariga muvofiq kadrlarni tayyorlash, malakasini oshirish va stajirovkadan o‘tkazish uchun nomzodlarni tanlov asosida saralab olish sxemasi 2-ilovaga muvofiq tasdiqlansin.
Oldingi tahrirga qarang.
(2-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(3-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(4-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
5. Jamg‘armaning Vasiylik Kengashiga:
ko‘zda tutilgan limitlar doirasida Jamg‘arma stipendiyalari yo‘nalishlari bo‘yicha o‘rnatilgan tartibda qo‘shimcha tanlovlarni e’lon qilishga;
alohida vazirlik va idoralar xodimlari kasbiy faoliyatining zarurati hamda o‘ziga xos jihatlaridan kelib chiqqan holda, Jamg‘arma stipendiyalariga nomzodlarni tanlov asosida saralab olish yo‘nalishlariga o‘zgartirishlar kiritishga;
Oldingi tahrirga qarang.
xalqaro tan olingan tashkilotlar reytingiga ko‘ra jahondagi eng yaxshi 300 talik yoki tanlangan fan yo‘nalishi bo‘yicha eng yaxshi 100 talik ro‘yxatiga kirgan xorijiy ta’lim muassasalari va ilmiy markazlarning bakalavriati, magistraturasi yoki doktoranturasiga mustaqil tarzda kirgan va ta’lim olayotgan O‘zbekiston Respublikasining fuqarolariga Jamg‘arma stipendiyalarini ajratish bo‘yicha qarorlar qabul qilishga;
(5-bandning to‘rtinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
Jamg‘arma xarajatlari parametrlarida xorijiy hamda mahalliy ta’lim va ilmiy muassasalari bilan birgalikda tashkil etiladigan ta’lim va tadqiqot loyihalarini moliyalashtirish uchun zarur mablag‘larni ko‘zda tutishga ruxsat berilsin.
(5-bandning beshinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
6. Vazirlik va idoralar ikki hafta muddatda 2019-yil uchun ajratilgan o‘rinlardan kelib chiqib, xorijda kadrlarni tayyorlash, malakasini oshirish va stajirovkadan o‘tkazishning ustuvor yo‘nalishlari va mutaxassisliklari bo‘yicha asoslangan takliflarni Jamg‘armaga taqdim etsin.
Jamg‘arma Vasiylik kengashi ikki oy muddatda Bir nomzodga ajratiladigan Jamg‘arma stipendiyasining chegaraviy o‘lchami va moliyalashtirish tartibini belgilash to‘g‘risidagi nizomni ishlab chiqsin va tasdiqlasin.
Oldingi tahrirga qarang.
(7-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
8. O‘zbekiston Respublikasi Tiklanish va taraqqiyot jamg‘armasi mablag‘lari O‘zbekiston Respublikasi Prezidentining 2018-yil 25-sentabrdagi PF-5545-son Farmonida ko‘zda tutilgan manbalar bilan bir qatorda Jamg‘armaning xorijda kadrlarni tayyorlash, malakasini oshirish va stajirovkadan o‘tkazish qismi bo‘yicha xarajatlarini moliyalashtirishning qo‘shimcha manbasi etib belgilansin.
9. O‘zbekiston Respublikasi Tiklanish va taraqqiyot jamg‘armasi:
2019-yilda Jamg‘arma dasturlari bo‘yicha xorijda kadrlarni tayyorlash, malakasini oshirish va stajirovkadan o‘tkazishni moliyalashtirish uchun 3 mln AQSH dollari miqdorida mablag‘ ajratsin;
Jamg‘armaning asoslangan talabnomalari bo‘yicha xorijda kadrlarni tayyorlash, malakasini oshirish va stajirovkadan o‘tkazish xarajatlarini moliyalashtirishni ta’minlasin.
Oldingi tahrirga qarang.
10. O‘zbekiston Respublikasi Investitsiyalar va tashqi savdo vazirligi:
(10-bandning birinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
O‘zbekiston Respublikasi nomidan tuziladigan investitsion bitimlarga investorlarning investitsiyalari obyekti bo‘lgan tashkilotlar uchun xorijda kadrlarni (mutaxassislarni), shu jumladan Jamg‘armaning ta’lim dasturlari bo‘yicha o‘qitish yo‘li bilan tayyorlash, malakasini oshirish va stajirovkadan o‘tkazishni moliyalashtirish bo‘yicha majburiyatlari kiritilishini amaliyotga tatbiq etsin;
Jamg‘arma hamda manfaatdor vazirlik va idoralar bilan birgalikda ikki oy muddatda Jamg‘arma dasturlari doirasida xorijda kadrlarni tayyorlash, malakasini oshirish va stajirovkadan o‘tkazishni moliyalashtirish uchun xalqaro moliya institutlari va xorijiy hukumat moliyaviy tashkilotlarining uzoq muddatli grant mablag‘larini jalb etish masalasini ishlab chiqsin va natijalari bo‘yicha O‘zbekiston Respublikasi Vazirlar Mahkamasiga asoslangan takliflarni kiritsin.
11. Jamg‘arma xorijda ta’lim oladigan stipendiatlarning dastlabki miqdorini aniqlab, kadrlarni tayyorlash, malakasini oshirish va stajirovkadan o‘tkazish yo‘nalishlari va mutaxassisliklari bo‘yicha aniq takliflarni bir oy muddatda O‘zbekiston Respublikasi Tashqi ishlar vazirligiga kiritsin.
12. O‘zbekiston Respublikasi Tashqi ishlar vazirligi O‘zbekiston Respublikasining xorijdagi diplomatik vakolatxonalari va konsullik muassasalari bilan birgalikda Jamg‘armaga quyidagi masalalar yuzasidan ko‘mak berilishini ta’minlasin:
xalqaro tashkilotlar, xorijiy mamlakatlar davlat tuzilmalari va nodavlat tashkilotlari bilan aloqa o‘rnatish hamda ularni kadrlarni tayyorlash, malakasini oshirish va stajirovkadan o‘tkazish bo‘yicha loyihalarni amalga oshirishga jalb qilish;
respublika mutaxassislarini xorijdagi yetakchi universitetlar, ilmiy markazlar va boshqa tashkilotlarda tayyorlash, malakasini oshirish va stajirovkadan o‘tkazishga yuborish;
hamkorlar izlash hamda Jamg‘arma stipendiatlarini o‘qitish uchun xorijiy mamlakatlar yetakchi universitetlari va ilmiy markazlari bilan hamkorlik to‘g‘risida tegishli bitimlarni tuzish;
bir yilda kamida ikki marta O‘zbekiston Respublikasining xorijdagi diplomatik vakolatxonalari va konsullik muassasalari ishtirokida Jamg‘arma dasturlari bo‘yicha kadrlarni tayyorlash, malakasini oshirish va stajirovkadan o‘tkazishni tashkillashtirish masalalarini muhokama qilish uchun video-selektor yig‘ilishini o‘tkazish.
13. Vazirliklar va idoralar bir oy muddatda O‘zbekiston Respublikasi Tashqi ishlar vazirligi va Jamg‘armaga:
mamlakatda amalga oshirilayotgan islohotlarni amalga oshirishga yetakchi xorijiy ekspertlar, shu jumladan chet elda yashaydigan vatandoshlarni jalb etish hamda ularning salohiyatidan foydalanish masalalarini ishlab chiqish uchun iqtisodiyot tarmoqlari va sohalari bo‘yicha talab etiladigan mutaxassisliklar ro‘yxatini;
ilgari tegishli vazirliklar va idoralarning markaziy apparatlari va tarkibiy bo‘linmalarida ishlagan, hozirda chet elga chiqib ketgan yuqori malakali mutaxassislar ro‘yxatini kiritsin.
Oldingi tahrirga qarang.
14. O‘zbekiston Milliy teleradiokompaniyasi, O‘zbekiston Milliy axborot agentligi, “Dunyo” axborot agentligi hamda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligiga Jamg‘arma tomonidan amalga oshirilayotgan chora-tadbirlarni ommaviy axborot vositalarida keng yoritish tavsiya etilsin.
(14-band O‘zbekiston Respublikasi Prezidentining 2019-yil 10-dekabrdagi PF-5892-sonli Farmoni tahririda — Qonun hujjatlari ma’lumotlari milliy bazasi, 11.12.2019-y., 06/19/5892/4134-son)
15. Jamg‘arma manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
16. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisi A.A. Abduvaxitov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2019-yil 4-yanvar,
PQ-4091-son
O‘zbekiston Respublikasi Prezidentining 2019-yil 4-yanvardagi PQ-4091-son qaroriga
1-ILOVA
O‘zbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi faoliyatini yanada takomillashtirish bo‘yicha 2019-yilga mo‘ljallangan
CHORA-TADBIRLAR DASTURI

T/r

Tadbirlar nomi

Amalga oshirish
shakli

Ijro muddatlari

Mas’ul ijrochilar

I. Jamg‘arma stipendiyalariga nomzodlarni tanlov asosida saralab olishni tashkil etish va uni o‘tkazish

1.

Ijtimoiy soha, davlat boshqaruvi va iqtisodiyotning istiqbolli tarmoqlari, shu jumladan mamlakat hududlarining kadrlarni xorijda o‘qitishga bo‘lgan ehtiyojini o‘rganish va buyurtmalar portfelini shakllantirish.

Chora-tadbirlar rejasi

2019-yil 1-fevralga qadar

Jamg‘arma (A. Bekmurodov),
manfaatdor vazirliklar, idoralar va tashkilotlar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

2.

Mutaxassisliklarni ko‘rsatgan holda Jamg‘arma stipendiyalarini ajratish yo‘nalishlari bo‘yicha kvotalarni tasdiqlash va saralash tanloviga hujjatlar qabuli boshlanganligi to‘g‘risida e’lon berish.

Chora-tadbirlar kompleksi

2019-yil 15-fevralga qadar

Jamg‘armaning Vasiylik kengashi (A. Abduxakimov)

3.

Stipendiatlarni xorijiy tillar, xalqaro protokol va etiket bo‘yicha dastlabki tayyorlashni tashkil etish.

Idoralararo hujjat

2019-yil 15-fevralga qadar

Jamg‘arma (A. Bekmurodov),
Oliy va o‘rta maxsus ta’lim vazirligi (I. Majidov),
Fanlar akademiyasi (B. Yuldashev),
Sog‘liqni saqlash vazirligi (A. Shadmanov),
Innovatsion rivojlanish vazirligi (I. Abduraxmonov),
Davlat boshqaruvi akademiyasi (R. Qosimov)

4.

Stipendiyalarni ajratish yo‘nalishlari bo‘yicha tasdiqlangan o‘rinlarni hisobga olgan holda Jamg‘arma stipendiyalariga nomzodlarni tanlov asosida saralab olishni o‘tkazish.

Chora-tadbirlar rejasi

2019-yil fevral-mart

Jamg‘arma (A. Bekmurodov),
Oliy va o‘rta maxsus ta’lim vazirligi (I. Majidov),
Fanlar akademiyasi (B. Yuldashev),
Sog‘liqni saqlash vazirligi (A. Shadmanov),
Innovatsion rivojlanish vazirligi (I. Abduraxmonov),
Davlat boshqaruvi akademiyasi (R. Qosimov)

5.

Jamg‘armaning stipendiyalari g‘oliblari haqidagi ma’lumotlarni vazirliklar va idoralar kesimida ommaviy axborot vositalarida e’lon qilish.

Chora-tadbirlar kompleksi

2019-yil mart

Jamg‘arma (A. Bekmurodov),
Milliy teleradiokompaniya (A. Xadjayev),
O‘zbekiston Milliy axborot agentligi (A. Ko‘chimov),
O‘zbekiston matbuot va axborot agentligi (K. Allamjonov)

6.

“Blokcheyn” texnologiyasi bo‘yicha stipendiyali dasturlarning hamkor-ishtirokchilari bilan birgalikda Jamg‘armaning innovatsion intranetini (lokal muloqot tizimi) ishlab chiqish va joriy etish.

Chora-tadbirlar kompleksi

2019-yil 1-sentabrga

qadar

Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov),
Tashqi ishlar vazirligi (A. Komilov),
Oliy va o‘rta maxsus ta’lim vazirligi (I. Majidov),
Fanlar akademiyasi (B. Yuldashev),
Sog‘liqni saqlash vazirligi (A. Shadmanov),
Innovatsion rivojlanish vazirligi (I. Abduraxmonov)

7.

Xorijda ta’lim olgan mutaxassislar to‘g‘risidagi axborotlardan ochiq foydalanishni ta’minlash maqsadida Jamg‘armaning stipendiyali dasturlari bitiruvchilarining elektron reyestrini ishlab chiqish.

Elektron

reyestr

2019-yil 1-oktabrga qadar

Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov),
Oliy va o‘rta maxsus ta’lim vazirligi (I. Majidov),
Tashqi ishlar vazirligi (A. Komilov)

8.

Elektron va bosma ommaviy axborot vositalari orqali Jamg‘armaning maqsad va vazifalari, Jamg‘arma yordamida xorijda tahsil olishning imkoniyatlari haqida jamoatchilik va tashkilotlarga keng tushuntirishlar berish bo‘yicha ishlarni tashkil qilish.

Chora-tadbirlar rejasi

2019-yil 1-oktabrga qadar

Jamg‘arma (A. Bekmurodov),
Tashqi ishlar vazirligi (A. Komilov),
Oliy va o‘rta maxsus ta’lim vazirligi (I. Majidov),
Milliy teleradiokompaniya (A. Xadjayev),
O‘zbekiston matbuot va axborot agentligi (K. Allamjonov)

II. Xorijda yashaydigan katta tajriba va ilg‘or bilimga ega bo‘lgan vatandoshlar bilan doimiy muloqot o‘rnatish

9.

Yetakchi xorijiy ekspertlar, shu jumladan, xorijda yashaydigan vatandoshlarni jalb qilish maqsadida iqtisodiyot tarmoqlari va sohalari kesimida mamlakatimizda katta ehtiyoj sezilayotgan mutaxassisliklar ro‘yxatini shakllantirish.

Chora-tadbirlar rejasi

2019-yil 1-fevralga qadar

Jamg‘arma (A. Bekmurodov),
manfaatdor vazirliklar, idoralar va tashkilotlar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

10.

Xorijdagi vatandoshlarimiz to‘g‘risida elektron katalog (reyestrni) yaratish maqsadida O‘zbekiston Respublikasining xorijdagi diplomatik vakolatxonalari va konsullik muassasalari tomonidan katta ilmiy va amaliy tajribaga ega bo‘lgan vatandoshlar, olimlar, ekspertlar, tadbirkorlar, yuqori malakali mutaxassislar to‘g‘risida ma’lumotlarni Jamg‘armaga taqdim etish.

Idoralararo
ishchi guruhi

2019-yil 1-martga qadar

Tashqi ishlar vazirligi (A. Komilov),
Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov)

11.

Xalqaro huquqning umume’tirof etilgan tamoyillari va normalariga, o‘zi istiqomat qilinayotgan mamlakat qonunchiligi va O‘zbekiston Respublikasining xalqaro shartnomalariga muvofiq xorijdagi vatandoshlarimizning huquq va erkinliklarini amalga oshirishda ko‘maklashish bo‘yicha takliflar ishlab chiqish.

Tashqi ishlar vazirining buyrug‘i

2019-yil 1-mayga qadar

Tashqi ishlar vazirligi (A. Komilov),
Jamg‘arma (A. Bekmurodov),
Yoshlar ittifoqi (Q. Quronboyev),
manfaatdor vazirliklar va idoralar

12.

Xorijda yashaydigan vatandoshlarga mamlakatda olib borilayotgan islohotlarning mazmun-mohiyatini yetkazish, vatandoshlar uchun yaratilayotgan sharoitlar va imkoniyatlar haqida ularni xabardor qilish maqsadida xorijda yashaydigan vatandoshlar bilan doimiy muloqot qilish uchun virtual makon yaratish.

Chora-tadbirlar kompleksi

2019-yil 1-iyunga qadar

Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov),
Tashqi ishlar vazirligi (A. Komilov)

13.

Xorijda yashaydigan vatandoshlar bilan birgalikda mamlakatni rivojlantirish va modernizatsiya qilishning dolzarb mavzular bo‘yicha, shu jumladan masofadan turib anjumanlar, seminarlar va “davra suhbatlari” tashkil qilish.

Chora-tadbirlar rejasi

Doimiy asosda

Jamg‘arma (A. Bekmurodov),
Tashqi ishlar vazirligi (A. Komilov),
Oliy va o‘rta maxsus ta’lim vazirligi (I. Majidov),
manfaatdor vazirliklar va idoralar

14.

Vatandoshlarni, ular tarkibidan boy tajriba va o‘zining faoliyati sohasida katta muvaffaqiyatlarga erishganlarni taklif qilib, xorijda yashaydigan vatandoshlarning xalqaro forumini o‘tkazish.

Vazirlar Mahkamasining qarori

2019-yil 15-iyunga qadar

Jamg‘arma (A. Bekmurodov),
Tashqi ishlar vazirligi (A. Komilov),
Oliy va o‘rta maxsus ta’lim vazirligi (I. Majidov),
manfaatdor vazirliklar va idoralar, Samarqand viloyati hokimligi (E. Turdimov)

15.

O‘zbekistonga xorijiy investitsiyalar va ekspertlarni jalb qilishni jadallashtirish masalalari muhokamasiga bag‘ishlangan vatandoshlar, xorijiy tadbirkorlar va ekspert-tahlilchilar doiralari ishtirokida xalqaro konferensiya o‘tkazish (Germaniya).

Vazirlar Mahkamasining

qarori

2019-yil 25-oktabrga qadar

Jamg‘arma (A. Bekmurodov),
Tashqi ishlar vazirligi (A. Komilov),
Oliy va o‘rta maxsus ta’lim vazirligi (I. Majidov),
manfaatdor vazirliklar va idoralar

III. Jamg‘armaning stipendiyalarini olish uchun kadrlarni o‘qitish bo‘yicha oliy o‘quv yurtlariga ko‘maklashish

16.

Jamg‘armaning stipendiyalariga nomzodlarni xorijiy tillarga o‘qitish bo‘yicha maxsus dasturlarni ishlab chiqish va tasdiqlash.

Idoralararo hujjat

2019-yil 1-martga qadar

Oliy va o‘rta maxsus ta’lim vazirligi (I. Majidov),
Jamg‘arma (A. Bekmurodov),
Davlat boshqaruvi akademiyasi (R. Qosimov)

17.

Jamg‘armaning stipendiyalariga nomzodlarni xorijiy tillarga (ingliz, nemis, fransuz tillari va boshqalar) o‘qitish bo‘yicha maxsus dasturlar asosida maqsadli kurslarni tashkil etish.

Chora-tadbirlar kompleksi

2019-yil 1-apreldan boshlab (doimiy asosda)

Tashqi ishlar vazirligi (A. Komilov)

18.

Respublika hududlaridagi yetakchi oliy ta’lim muassasalari huzurida ma’lumotlarni ommalashtirish, iqtidorli yoshlarni izlash va xorijiy tillarga o‘qitishga ko‘maklashish markazlarini shakllantirish.

Chora-tadbirlar kompleksi

2019-yil 15-aprelga qadar

Jamg‘arma (A. Bekmurodov),
Oliy va o‘rta maxsus ta’lim vazirligi (I. Majidov),
Sog‘liqni saqlash vazirligi (A. Shadmanov),
Fanlar akademiyasi (B. Yuldashev),
Yoshlar ittifoqi (Q. Quronboyev)

19.

Oliy ta’lim muassasalariga xorijiy hamkorlar bilan qo‘shma ta’lim va ilmiy-tadqiqot loyihalari va dasturlarni shakllantirishda ko‘maklashish.

Chora-tadbirlar rejasi

Doimiy asosda

Jamg‘arma (A. Bekmurodov),
Oliy va o‘rta maxsus ta’lim vazirligi (I. Majidov),
Sog‘liqni saqlash vazirligi (A. Shadmanov),
Fanlar akademiyasi (B. Yuldashev),
Tashqi ishlar vazirligi (A. Komilov)

20.

O‘zbekistondagi ijtimoiy-siyosiy, ijtimoiy-iqtisodiy islohotlarning borishi haqida mahalliy hamda xorijiy ekspertlarning, shu jumladan vatandoshlarning tahliliy materiallari aks etgan jurnal nashr etish.

Tashkiliy
chora-tadbirlar

2019-yil 1-sentabrga qadar

Jamg‘arma (A. Bekmurodov),
“Taraqqiyot strategiyasi” markazi (A. Burxonov),
Fanlar akademiyasi (B. Yuldashev),
Tashqi ishlar vazirligi (A. Komilov),
O‘zbekiston Milliy axborot agentligi (A. Ko‘chimov),
O‘zbekiston matbuot va axborot agentligi (K. Allamjonov),
manfaatdor vazirliklar va idoralar

IV. Jamg‘arma faoliyatining samaradorligini oshirish

21.

Jamg‘arma oldiga qo‘yilgan vazifalarni professional darajada bajarishga qodir, nazariy va amaliy ko‘nikmalarga ega bo‘lgan yuqori malakali mutaxassislar bilan Jamg‘armani to‘ldirish.

Tashkiliy
chora-tadbirlar kompleksi

2019-yil 1-martga qadar

Jamg‘arma (A. Bekmurodov)

22.

Stipendiatlar, vatandoshlar va yetakchi xalqaro ekspertlar ishtirokida masofaviy videokonferensiyalar, internet-forumlar va teleko‘priklarni o‘tkazish uchun Jamg‘armaning videokonferensiya aloqasi studiyasini tashkil etish.

Chora-tadbirlar rejasi

2019-yil 1-sentabrga qadar

Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov)

23.

Jamg‘armaning faoliyati hamda uning dasturlari bo‘yicha xorijda tahsil olish imkoniyatlari haqidagi ma’lumotlarni iqtidorli va istiqbolli yoshlar orasida, ayniqsa respublika hududlarida keng targ‘ib qilish choralarini ko‘rish, shuningdek, ularga saralash tanlovlarida ishtirok etish uchun amaliy yordam ko‘rsatish.

Amaliy
chora-tadbirlar rejasi

2019-yil 1-martdan boshlab (doimiy asosda)

Jamg‘arma (A. Bekmurodov),
Oliy va o‘rta maxsus ta’lim vazirligi (I. Majidov),
Axborot texnologiyalari va kommunikatsiyalarini rivojlantirish vazirligi (Sh. Sodiqov),
Milliy teleradiokompaniya (A. Xadjayev),
O‘zbekiston Milliy axborot agentligi (A. Ko‘chimov),
O‘zbekiston matbuot va axborot agentligi (K. Allamjonov)

24.

Vatandoshlar bo‘yicha, yetakchi universitetlar, ilmiy markazlar va boshqa muhim ma’lumotlar yuzasidan elektron ma’lumotlar bazalari uchun platforma yaratish orqali Jamg‘armaning saytini takomillashtirish.

Tashkiliy
chora-tadbirlar

2019-yil 1-martga qadar

Jamg‘arma (A. Bekmurodov),
Axborot texnologiyalari va kommunikatsiyalarini rivojlantirish vazirligi (Sh. Sodiqov),
Oliy va o‘rta maxsus ta’lim vazirligi (I. Majidov)

25.

Jamg‘arma stipendiyasining bir nomzodga chegaraviy o‘lchami va uni moliyalashtirish tartibini belgilash to‘g‘risidagi nizomni ishlab chiqish va tasdiqlash.

Vasiylik kengashining qarori

2019-yil 1-martga qadar

Jamg‘arma (A. Bekmurodov),
Moliya vazirligi (A. Xaydarov),
manfaatdor vazirliklar va idoralar

Oldingi tahrirga qarang.
(2-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(3-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
(Qonun hujjatlari ma’lumotlari milliy bazasi, 04.01.2019-y., 07/19/4091/2416-son, 11.12.2019-y., 06/19/5892/4134-son; 28.09.2020-y., 06/20/6075/1330-son; 12.02.2021-y., 06/21/6168/0111-son)