Hujjat kuchini yo‘qotgan " " 25.05.2024
Oʻzbekiston Respublikasi Prezidentining
Qarori
Oʻzbekiston Respublikasi Sanoat xavfsizligi davlat qoʻmitasi faoliyatini tashkil etish toʻgʻrisida
 LexUZ sharhi
Mazkur qaror Oʻzbekiston Respublikasi Prezidentining 2024-yil 24-maydagi PF-79-sonli “Yer qaʼridan foydalanish, sanoat, radiatsiya va yadro xavfsizligi hamda atom energiyasidan foydalanish sohalarida davlat boshqaruvi va nazorati tizimini takomillashtirish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Oʻzbekiston Respublikasi Prezidentining “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari toʻgʻrisida” 2018-yil 12-dekabrdagi PF-5594-son Farmoniga muvofiq:
1. Oʻzbekiston Respublikasi Sanoat xavfsizligi davlat qoʻmitasi (keyingi oʻrinlarda — Sanoat xavfsizligi davlat qoʻmitasi) tarkibida yuridik shaxs tashkil etmagan holda:
Oʻzbekiston Respublikasi Davlat budjetidan moliyalashtiriladigan boshqaruv xodimlarining umumiy soni 71 shtat birligidan iborat Radiatsiya va yadro xavfsizligi departamenti;
Oʻzbekiston Respublikasi Davlat budjetidan moliyalashtiriladigan boshqaruv xodimlarining umumiy soni 5 shtat birligidan iborat Angren kon-texnika inspeksiyasi;
“Olmaliq KMK” AJ mablagʻlari hisobidan moliyalashtiriladigan Olmaliq kon-texnika inspeksiyasi;
Qizilqum mintaqaviy inspeksiyasi negizida “Navoiy KMK” DK mablagʻlari hisobidan moliyalashtiriladigan Qizilqum kon-texnika inspeksiyasi tashkil etilsin.
2. Quyidagilar Radiatsiya va yadro xavfsizligi departamentining asosiy vazifalari etib belgilansin:
radiatsiya va yadro xavfsizligini taʼminlash sohasida davlat siyosatining ustuvor yoʻnalishlari boʻyicha takliflarni ishlab chiqish;
ionlashtiruvchi nurlanish manbalari muomalada boʻlish va atom energiyasidan foydalanish borasidagi faoliyatni amalga oshirishda radiatsiya va yadro xavfsizligi sohasida samarali davlat nazorati va tekshiruvini tashkil etish va taʼminlash;
nazorati ostidagi obyektlarda radiatsiya va yadro xavfsizligini taʼminlash boʻyicha profilaktika chora-tadbirlarini ishlab chiqish va amalga oshirish;
yadroviy va radioaktiv materiallar bilan ishlashda, atom energiyasidan foydalanishda, yadroviy materiallar, radioaktiv moddalar, ular mavjud boʻlgan radioaktiv manbalar va radioaktiv chiqindilarni qazib olish, qayta ishlash, tashish, saqlash, foydalanish, koʻmish hamda jismoniy himoyalash va hisobini yuritishda radiatsiya va yadro xavfsizligini taʼminlash masalalari boʻyicha normativ-huquqiy hujjatlar va texnik jihatdan tartibga solish sohasidagi normativ hujjatlarni ishlab chiqish;
atom energiyasidan tinchlik yoʻlida foydalanish sohasidagi xalqaro shartnomalar boʻyicha Oʻzbekiston Respublikasining majburiyatlari bajarilishini taʼminlash.
3. Quyidagilar:
Oʻzbekiston Respublikasi Sanoat xavfsizligi davlat qoʻmitasining tashkiliy tuzilmasi 1-ilovaga muvofiq;
Oʻzbekiston Respublikasi Davlat budjetidan moliyalashtiriladigan boshqaruv xodimlarining umumiy cheklangan soni 122 shtat birligidan iborat Oʻzbekiston Respublikasi Sanoat xavfsizligi davlat qoʻmitasi markaziy apparati tuzilmasi 2-ilovaga muvofiq;
Oʻzbekiston Respublikasi Sanoat xavfsizligi davlat qoʻmitasi hududiy boshqarmalarining namunaviy tuzilmasi 3-ilovaga muvofiq;
Radiatsiya va yadro xavfsizligi departamenti tuzilmasi 4-ilovaga muvofiq tasdiqlansin.
4. Belgilansinki, qoʻshimcha kiritilayotgan:
Sanoat xavfsizligi davlat qoʻmitasining 20 nafar boshqaruv xodimlari shtat birligini saqlash davlat sanitariya-epidemiologiya nazorati markazlarida shtatlar sonini zarur miqdorda qisqartirgan holda, ularni moliyalashtirish uchun Oʻzbekiston Respublikasi davlat budjetidan ajratiladigan mablagʻlar hisobidan amalga oshiriladi;
Sanoat xavfsizligi davlat qoʻmitasining 65 nafar boshqaruv xodimlari shtat birligini saqlash 5-ilovaga muvofiq grafik boʻyicha 2019 — 2028-yillar mobaynida bosqichma-bosqich ajratish orqali Oʻzbekiston Respublikasi Davlat budjeti mablagʻlari hisobidan amalga oshiriladi.
5. Sanoat xavfsizligi davlat qoʻmitasi raisiga:
Sanoat xavfsizligi davlat qoʻmitasining markaziy apparati, hududiy boshqarmalari va Angren kon-texnika inspeksiyasi tuzilmalariga boshqaruv xodimlarining belgilangan shtatlar soni va mehnatga haq toʻlash fondi doirasida oʻzgartirishlar kiritish;
Oʻzbekiston Respublikasi hududida atom energiyasidan foydalanish sohasidagi faoliyatni litsenziyalash maqsadida ekspertiza boʻyicha ishlarni amalga oshirish uchun xorijiy ixtisoslashtirilgan institutlar va kompaniyalar, shuningdek, xorijiy mutaxassis va ekspertlarni jalb qilish huquqi berilsin.
6. Sanoat xavfsizligi davlat qoʻmitasi Toshkent shahri, M-14, 27-uy manzili boʻyicha joylashgan maʼmuriy bino A blokining uchinchi, toʻrtinchi, beshinchi qavatlarida operativ boshqaruvi huquqi asosida joylashtirilsin.
7. Oʻzbekiston Respublikasi Vazirlar Mahkamasi bir oy muddatda Oʻzbekiston Respublikasi Sanoat xavfsizligi davlat qoʻmitasi toʻgʻrisidagi nizomni tasdiqlasin.
8. Sanoat xavfsizligi davlat qoʻmitasi ikki oy muddatda:
Sanoat xavfsizligi davlat qoʻmitasining markaziy apparati, hududiy boshqarmalari va kon-texnika inspeksiyalarini Sanoat xavfsizligi davlat qoʻmitasiga yuklangan vazifalarni professional darajada bajarishga qodir boʻlgan, zarur nazariy bilimlar va amaliy koʻnikmalarga ega yuqori malakali kadrlar bilan toʻldirilishini;
Sanoat xavfsizligi davlat qoʻmitasining tarkibiy va boʻysunuvidagi boʻlinmalari toʻgʻrisidagi nizomlarni (ustavlarni), shuningdek, xodimlarning lavozim yoʻriqnomalarini tasdiqlanishini taʼminlasin.
9. Oʻzbekiston Respublikasi Moliya vazirligi:
2018-yilda ushbu qarorni amalga oshirish doirasida Sanoat xavfsizligi davlat qoʻmitasining xarajatlari uchun Oʻzbekiston Respublikasi Davlat budjeti parametrlari chegarasida mablagʻlar ajratsin va 2019-yildan boshlab har yili zarur budjet mablagʻlarini nazarda tutsin;
ushbu qaror talablaridan kelib chiqib Oʻzbekiston Respublikasi Davlat budjetining 2018-yil uchun tasdiqlangan smeta xarajatlariga tegishli oʻzgartirishlar kiritsin;
Sanoat xavfsizligi davlat qoʻmitasiga 8 dona avtotransport vositalarini, shu jumladan 4 dona maxsus transport vositalarni saqlash uchun limit ajratsin.
10. Belgilab qoʻyilsinki:
qurilayotgan va foydalanilayotgan atom energetikasi obyektlari holatining doimiy kunu-tungi nazoratini taʼminlaydigan Radiatsiya va yadro xavfsizligi departamenti xodimlarining joylashuvi bevosita shu obyektlarda amalga oshiriladi;
yadroviy obyektlardan foydalanuvchi tashkilotlar va atom energetikasi obyektlarini quruvchi direksiyalar tomonidan Radiatsiya va yadro xavfsizligi departamenti xodimlariga yashashi va yuklatilgan funksiyalarni bajarishi uchun zarur sharoitlar begʻaraz asosda taʼminlanadi.
11. Belgilansinki, Sanoat xavfsizligi davlat qoʻmitasining mansabdor shaxslari yuklatilgan funksiyalarga muvofiq belgilangan tartibda quyidagi huquqlarga ega:
Sanoat xavfsizligi davlat qoʻmitasining nazorati ostidagi obyektlarga toʻsqinliksiz kirish;
xavfli ishlab chiqarish obyektlari sanoat xavfsizligi, radiatsiya va yadro xavfsizligi, shuningdek, yer qaʼridan foydalanishda ishlarni olib borish xavfsizligi talablariga rioya etilishi holati ustidan nazorat qilish;
sanoat, radiatsiya va yadro xavfsizligi talablariga rioya etmagan holda olib borilayotgan yoki avariya sodir boʻlishiga olib kelishi mumkin boʻlgan ishlarni toʻxtatib turish, shuningdek, odamlar hayoti xavf ostida qolganda yoki avariya holatlari yuzaga kelganda ularni ish joylaridan olib chiqish;
oʻz vakolatlari doirasida qonun hujjatlari va texnik jihatdan tartibga solish sohasidagi normativ hujjatlar talablarini buzganlik uchun tashkilotlarning mansabdor shaxslari va jismoniy shaxslarni maʼmuriy javobgarlikka tortish.
12. 2019-yil 1-yanvardan boshlab shunday tartib oʻrnatilsinki, unga muvofiq:
Sanoat xavfsizligi davlat qoʻmitasi xodimlariga Oʻzbekiston Respublikasining tegishli hududlarida joylashgan nazorati ostidagi tashkilotlar xodimlari uchun qonun hujjatlariga muvofiq belgilangan miqdorlarda ish haqiga tuman (hududiy) koeffitsiyentlari saqlanib qolinadi;
Sanoat xavfsizligi davlat qoʻmitasi xodimlariga Sanoat xavfsizligi davlat qoʻmitasining budjetdan tashqari mablagʻlari hisobidan uzluksiz ish staji (koʻp yillik xizmati) uchun lavozim maoshining: 3 yildan 5 yilgacha — 20 foizi, 5 yildan 10 yilgacha — 35 foizi, 10 yildan 15 yilgacha — 50 foizi, 15 yil va undan ortiq — 60 foizi miqdorida ustamalar toʻlanadi.
13. Sanoat xavfsizligi davlat qoʻmitasi sanoat, radiatsiya va yadro xavfsizligi sohasidagi xalqaro ixtisoslashtirilgan institutlar va tashkilotlarni jalb etgan holda xalqaro talablarga muvofiq mutaxassislarni mazkur sohalarda tizimli oʻqitish va tayyorlashni tashkil qilsin.
14. Oʻzbekiston Respublikasi Tashqi ishlar vazirligi Sanoat xavfsizligi davlat qoʻmitasining buyurtmanomalariga koʻra atom energiyasidan foydalanish sohasidagi faoliyatni litsenziyalash maqsadida ekspertiza boʻyicha ishlarda ishtirok etuvchi xorijiy mutaxassislarga kirish vizalari konsullik va boshqa yigʻimlarni undirmagan holda belgilangan tartibda rasmiylashtirilishini taʼminlasin.
15. Oʻzbekiston Respublikasi Ichki ishlar vazirligi Sanoat xavfsizligi davlat qoʻmitasining buyurtmanomalariga koʻra atom energiyasidan foydalanish sohasidagi faoliyatni litsenziyalash maqsadida ekspertiza boʻyicha ishlarda ishtirok etuvchi xorijiy mutaxassislarga davlat boji undirmagan holda belgilangan tartibda koʻp martalik vizalar rasmiylashtirilishi, berilishi va uzaytirilishini, shuningdek, vaqtincha turgan joyi boʻyicha roʻyxatga olinishi va muddati uzaytirilishini taʼminlasin.
(15-band Oʻzbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari maʼlumotlari milliy bazasi, 27.01.2021-y., 06/21/6146/0065-son)
16. Oʻzbekiston Respublikasi Bandlik va mehnat munosabatlari vazirligi Sanoat xavfsizligi davlat qoʻmitasining buyurtmanomalariga koʻra atom energiyasidan foydalanish sohasidagi faoliyatni litsenziyalash maqsadida ekspertiza boʻyicha ishlarda ishtirok etuvchi xorijiy mutaxassislarni jalb qilish uchun belgilangan tartibda ruxsatnomalar berilishini (uzaytirilishini), shuningdek, mazkur chet el fuqarolariga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (uzaytirilishini) taʼminlasin.
17. Sanoat xavfsizligi davlat qoʻmitasi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
18. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 12-dekabr,
PQ-4058-son
Oʻzbekiston Respublikasi Prezidentining 2018-yil 12-dekabrdagi PQ-4058-son qaroriga
1-ILOVA
Oʻzbekiston Respublikasi Sanoat xavfsizligi davlat qoʻmitasining
TAShKILIY TUZILMASI
* Boshqaruv xodimlarining soni Oʻzbekiston Respublikasi Sanoat xavfsizligi davlat qoʻmitasi tomonidan tegishlicha “Navoiy KMK” DK va “Olmaliq KMK” AJ bilan kelishilgan holda belgilanadi, shuningdek, moliyalashtirish tegishlicha “Navoiy KMK” DK va “Olmaliq KMK” AJ tomonidan amalga oshiriladi.
Oʻzbekiston Respublikasi Prezidentining 2018-yil 12-dekabrdagi PQ-4058-son qaroriga
2-ILOVA
Oʻzbekiston Respublikasi Sanoat xavfsizligi davlat qoʻmitasi markaziy apparati
TUZILMASI
Boshqaruv xodimlarining umumiy cheklangan soni — 122 shtat birligi.
* Xodimlar sonini oshirish bosqichma-bosqich amalga oshiriladi: 2018-yilda — 5 shtat birligi, 2019-yildan — 12 shtat birligi, 2020-yildan — 13 shtat birligi, 2024-yildan — 17 shtat birligi, 2028-yildan — 23 shtat birligi.
Oʻzbekiston Respublikasi Prezidentining 2018-yil 12-dekabrdagi PQ-4058-son qaroriga
3-ILOVA
Oʻzbekiston Respublikasi Sanoat xavfsizligi davlat qoʻmitasi hududiy boshqarmalarining
NAMUNAVIY TUZILMASI
Boshqaruv xodimlarining jami shtatlar soni 7 — 37 shtat birligini tashkil etadi.
Oʻzbekiston Respublikasi Sanoat xavfsizligi davlat qoʻmitasi hududiy boshqarmalari boshqaruv xodimlarining umumiy cheklangan soni — 190 shtat birligi.
Oʻzbekiston Respublikasi Prezidentining 2018-yil 12-dekabrdagi PQ-4058-son qaroriga
4-ILOVA
Radiatsiya va yadro xavfsizligi departamenti
TUZILMASI
Boshqaruv xodimlarining cheklangan soni — 71 shtat birligi.
* AES quriladigan manzil boʻyicha joylashtiriladi.
Oʻzbekiston Respublikasi Prezidentining 2018-yil 12-dekabrdagi PQ-4058-son qaroriga
5-ILOVA
Radiatsiya va yadro xavfsizligi departamentini kadrlar bilan toʻldirish
grafigi

T/r

Tarkibiy boʻlinma yoki lavozim nomi

shtat birligi

shundan:

2018-yilda

2019-yil 1-yanvardan

2020-yil 1-yanvardan

2024-yil 1-yanvardan

2028-yil 1-yanvardan

1.

Radiatsiya va yadro xavfsizligi departamenti rahbariyati

2

2

-

-

-

-

1.1

Departament boshligʻining birinchi oʻrinbosari

1

1

-

-

-

-

1.2

Departament boshligʻi oʻrinbosari

1

1

-

-

-

-

2.

AESning xavfsiz faoliyat yuritishini nazorat qilish boshqarmasi

28

-

-

7

8

13

2.1

Boshqarma boshligʻi

1

-

-

1

-

-

2.2

AESning radiatsiya va yadro xavfsizligi taʼminlanishini nazorat qilish boʻlimi

17

-

-

4

5

8

2.3

AESning sanoat xavfsizligi taʼminlanishini nazorat qilish boʻlimi

7

-

-

2

2

3

2.4

AESning yadroviy va radioaktiv materiallarni jismoniy himoya qilish boʻlimi

3

-

-

-

1

2

3.

Yadro qurilmalari xavfsizligini baholash boshqarmasi

7

-

3

1

-

3

3.1

Boshqarma boshligʻi

1

-

1

-

-

-

3.2

Yadro qurilmalari xavfsizligini tahlil qilish boʻlimi

3

-

2

1

-

-

3.3

Yadro qurilmalaridan foydalanish xavfsizligini qoʻllab-quvvatlash boʻlimi

3

-

-

-

-

3

4.

INMlarini hisobga olish va nazorat qilish boshqarmasi

7

1

2

-

2

2

4.1

Boshqarma boshligʻi

1

1

-

-

-

-

4.2

Yadroviy materiallarni hisobga olish va nazorat qilish boʻlimi

3

-

1

-

1

1

4.3

Radioaktiv moddalar va radioaktiv chiqindilarni hisobga olish va nazorat qilish boʻlimi

3

-

1

-

1

1

5.

Yadro va radiatsiya xavfsizligini nazorat qilishni tashkil etish boshqarmasi

9

1

2

1

3

2

5.1

Boshqarma boshligʻi

1

1

-

-

-

-

5.2

Radiatsiya va yadro xavfsizligi taʼminlanishini nazorat qilish boʻlimi

5

-

1

1

2

1

5.3

Yadroviy va radioaktiv materiallarni jismoniy himoya qilish boʻlimi

3

-

1

-

1

1

6.

Litsenziyalash va ruxsatnoma berish ishlari boshqarmasi

7

1

2

2

2

-

6.1

Boshqarma boshligʻi

1

1

-

-

-

-

6.2

Atom energiyasidan foydalanish sohasida litsenziyalash va ruxsatnoma berish ishlari boʻlimi

3

-

1

1

1

-

6.3

INM muomalada boʻlish sohasida litsenziyalash va ruxsatnoma berish ishlari boʻlimi

3

-

1

1

1

-

7.

Xalqaro hamkorlik boʻlimi

3

-

1

1

1

-

8.

Ishlatib boʻlingan yoqilgʻi va radioaktiv chiqindilar bilan xavfsiz muomalada boʻlishni nazorat qilish boʻlimi

3

-

1

-

-

2

9.

Normativ taʼminlash va kadrlarning kasbiy tayyorgarligini tashkil etish boʻlimi

4

-

1

1

1

1

Jami:

70

5

12

13

17

23


(Qonun hujjatlari maʼlumotlari milliy bazasi, 12.12.2018-y., 07/18/4058/2297-son; 27.01.2021-y., 06/21/6146/0065-son)