|
Hujjat kuchini yo‘qotgan " " 17.01.2024
|
Oʻzbekiston Respublikasi Vazirlar Mahkamasining
qarori
Oʻsimliklar karantini boʻyicha davlat xizmati inspektorlarining formali kiyim-boshlari namunalarini va farqlash belgilarini tasdiqlash toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2024-yil 15-yanvardagi 31-sonli “Oʻsimliklar karantini va himoyasi sohasini tartibga soluvchi qonunchilik hujjatlari tizimlashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz koʻchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻsimliklar karantini boʻyicha davlat xizmati faoliyatining samaradorligini oshirishga doir qoʻshimcha chora-tadbirlar toʻgʻrisida” 2018-yil 28-martdagi PQ-3626-son va “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartdan oʻtkazish, tasdiqlash va tayyorlash mexanizmini tartibga solishga doir chora-tadbirlar toʻgʻrisida” 2017-yil 27-fevraldagi PQ-2800-son qarorlariga muvofiq Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻsimliklar karantini boʻyicha davlat xizmati faoliyatining samaradorligini oshirishga doir qoʻshimcha chora-tadbirlar toʻgʻrisida” 2018-yil 28-martdagi PQ-3626-son qarori bilan:
oʻsimliklar karantini boʻyicha tuman va shahar inspektorlari, avtomobil yoʻllari, temir yoʻl stansiyalari, aeroportlar, daryo portidagi oʻsimliklar karantini boʻyicha chegara punktlari hamda pochtamtdagi punkt inspektorlari xizmat majburiyatlarini bajarishda maxsus formali kiyim-bosh kiyib yurishlari va tegishli farqlash belgilarini taqishlari;
inspektorlarni formali kiyim-bosh va farqlash belgilari bilan taʼminlash bilan bogʻliq xarajatlar Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining Oʻsimliklar karantini tizimini rivojlantirish jamgʻarmasi mablagʻlari hisobiga qoplanishi belgilab qoʻyilganligi maʼlumot uchun qabul qilinsin.
2. Oʻsimliklar karantini davlat inspektorlarining formali kiyim-boshlari va farqlash belgilari namunalari va tavsifi ilovaga* muvofiq tasdiqlansin.
(2-band Oʻzbekiston Respublikasi Vazirlar Mahkamasining 2021-yil 15-dekabrdagi 752-sonli qarori tahririda — Qonunchilik maʼlumotlari milliy bazasi, 16.12.2021-y., 09/21/752/1166-son)
* ilova rus tilidagi matnda berilgan.
3. Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi:
formali kiyim-boshlarni tikishga mahalliy ishlab chiqaruvchilar orasida belgilangan tartibda tanlov (tender) savdolari oʻtkazsin;
ikki oy muddatda Oʻsimliklar karantini boʻyicha davlat xizmati inspektorlarining formali kiyim-boshlarni kiyib yurishi va farqlash belgilarini taqishi tartibi toʻgʻrisidagi nizomni tasdiqlasin;
2018-2019-yillar mobaynida oʻsimliklar karantini boʻyicha tuman va shahar inspektorlari, avtomobil yoʻllari, temir yoʻl stansiyalari, aeroportlar, daryo portidagi oʻsimliklar karantini boʻyicha chegara punktlari hamda pochtamtdagi punkt inspektorlarining formali kiyim-boshlari tayyorlanishini va ularga oʻtilishini taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 28-iyun,
489-son
(Qonun hujjatlari maʼlumotlari milliy bazasi, 29.06.2018-y., 09/18/489/1417-son; Qonunchilik maʼlumotlari milliy bazasi, 16.12.2021-y., 09/21/752/1166-son)
