|
Hujjat kuchini yo‘qotgan " " 11.10.2005
|
Oʻzbekiston Respublikasi Vazirlar Mahkamasining
qarori
TADBIRKORLIK SUBYEKTLARINI DAVLAT ROʻYXATIDAN OʻTKAZISh VA HISOBGA QOʻYISh TIZIMINI TAKOMILLAShTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 2005-yil 11-oktabrdagi 224-sonli qaroriga muvofiq oʻz kuchini yoʻqotgan.
Kichik va oʻrta biznesni jadal rivojlantirish va uning samarali faoliyat koʻrsatishi uchun qulay iqtisodiy va huquqiy shart-sharoitlarni shakllantirish, tadbirkorlik subyektlarini davlat roʻyxatidan oʻtkazish tartibini soddalashtirish maqsadida Vazirlar Mahkamasi qaror qiladi:
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2003-yil 20-avgustdagi 357-sonli qaroriga muvofiq oʻz kuchini yoʻqotgan — OʻR QHT, 2003-y., 15-16-son, 130-modda)
2. Belgilansinki, tadbirkorlik subyektlarini davlat roʻyxatidan oʻtkazish ularni hisobga qoʻyish bilan bir vaqtda “bir yoʻla” prinsipi boʻyicha amalga oshiriladi.
Oldingi tahrirga qarang.
(2-bandning ikkinchi—beshinchi xatboshilari Oʻzbekiston Respublikasi Vazirlar Mahkamasining 2003-yil 20-avgustdagi 357-sonli qarori bilan chiqarilgan — OʻR QHT, 2003-y., 15-16-son, 130-modda)
Adliya organlari, tumanlar (shaharlar) hokimliklari 2002-yil 1-yanvargacha, ular tomonidan ilgari roʻyxatdan oʻtkazilgan tadbirkorlik subyektlarining roʻyxatdan oʻtkazish hujjatlarini, mansubligiga koʻra yuqorida qayd etilgan roʻyxatdan oʻtkazuvchi organlarga topshirsinlar. Tadbirkorlik subyektlari roʻyxatdan oʻtkazish hujjatlarining topshirilganligi toʻgʻrisida yozma ravishda xabardor qilinsin.
Oldingi tahrirga qarang.
(3-4-bandlar Oʻzbekiston Respublikasi Vazirlar Mahkamasining 2003-yil 20-avgustdagi 357-sonli qaroriga muvofiq oʻz kuchini yoʻqotgan — OʻR QHT, 2003-y., 15-16-son, 130-modda)
5. Oʻzbekiston Respublikasi savdo-sanoat palatasi:
davlat roʻyxatidan oʻtkazish va hisobga qoʻyish uchun zarur hujjatlarni tayyorlashda yordam koʻrsatishni tashkil etsin, shuningdek roʻyxatdan oʻtkazuvchi organlarda tadbirkorlik subyektlari manfaatlarini ifodalasin;
davlat roʻyxatidan oʻtkazish uchun hujjatlarni tayyorlash boʻyicha koʻrsatiladigan xizmatlar uchun toʻlovlarni shartnoma asosida olti oygacha muddatga kechiktirsin.
(5-bandning birinchi va ikkinchi xatboshilari Oʻzbekiston Respublikasi Vazirlar Mahkamasining 2005-yil 11-fevraldagi 59-sonli qarori tahririda— OʻR QHT, 2005-y., 5-6-son, 34-modda)
6. Oʻzbekiston Respublikasi Ichki ishlar vazirligi muhrlar va shtamplarni tayyorlash, saqlash va ulardan foydalanish tartibini ikki oy muddatda tasdiqlasin va Oʻzbekiston Respublikasi Adliya vazirligida roʻyxatdan oʻtkazsin.
7. Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, Oʻzbekiston Respublikasi Davlat soliq qoʻmitasi, Makroiqtisodiyot va statistika vazirligi, Mehnat va aholini ijtimoiy muhofaza qilish vazirligi, Ichki ishlar vazirligi, Sogʻliqni saqlash vazirligi tadbirkorlik subyektlarini davlat roʻyxatidan oʻtkazish va hisobga qoʻyishning ushbu qaror bilan belgilangan yangi tartibiga toʻliq rioya qilinishi uchun barcha zarur tashkiliy chora-tadbirlarni amalga oshirsinlar.
8. Oʻzbekiston Respublikasi Adliya vazirligi bir oy muddatda:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirliklar va idoralar bilan birgalikda tumanlar (shaharlar) hokimliklari huzuridagi xoʻjalik yurituvchi subyektlarni davlat roʻyxatidan oʻtkazish boʻlimlari toʻgʻrisidagi namunaviy nizomni ishlab chiqsin va belgilangan tartibda roʻyxatdan oʻtkazsin;
qonun hujjatlariga tadbirkorlik subyektlarini davlat roʻyxatidan oʻtkazish va hisobga qoʻyishning ushbu qaror bilan belgilangan tartibiga rioya qilmaganlik uchun davlat organlariga va mansabdor shaxslarga nisbatan sanksiyalarni nazarda tutuvchi oʻzgartirishlar va qoʻshimchalar toʻgʻrisidagi takliflarni Vazirlar Mahkamasiga kiritsin.
9. Kichik va xususiy tadbirkorlikni rivojlantirishni ragʻbatlantirish boʻyicha Respublika muvofiqlashtiruvchi kengashi (R.S.Azimov) ushbu qarorning bajarilishini oʻrgansin va 2002-yil yanvar oyida Vazirlar Mahkamasiga axborot bersin.
10. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.
11. Oʻzbekiston Respublikasi Hukumatining 3-ilovaga muvofiq baʼzi qarorlari oʻz kuchini yoʻqotgan deb hisoblansin.
12. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2001-yil 22-avgust,
347-son
Tadbirkorlik subyektlarini davlat roʻyxatidan oʻtkazish va hisobga qoʻyish tartibi toʻgʻrisida
nizom
I. Umumiy qoidalar
1. Mazkur Nizom Vazirlar Mahkamasining “Tadbirkorlik subyektlarini davlat roʻyxatidan oʻtkazish va hisobga qoʻyish tizimini takomillashtirish toʻgʻrisida” 2001-yil 22-avgustdagi 347-son qaroriga muvofiq ishlab chiqilgan va:
tadbirkorlik subyektlarini (yuridik shaxslar, shu jumladan dehqon va fermer xoʻjaliklari, yakka tartibdagi tadbirkorlar, yuridik shaxslar boʻlmasdan tashkil etilgan dehqon xoʻjaliklarini) Oʻzbekiston Respublikasi Adliya vazirligida, Qoraqalpogʻiston Respublikasi Adliya vazirligida, viloyat adliya boshqarmalarida, tumanlar (shaharlar) hokimliklarida (keyingi oʻrinlarda roʻyxatdan oʻtkazuvchi organlar deb yuritiladi) davlat roʻyxatidan oʻtkazish;
tadbirkorlik subyektlarini davlat roʻyxatidan oʻtkazish bilan bir vaqtda tegishli ravishda davlat soliq va statistika organlarida, yoʻl jamgʻarmasida, mehnat, aholini ish bilan taʼminlash va ijtimoiy muhofaza qilish tuman (shahar) boʻlimida yoki tuman (shahar) ijtimoiy taʼminot boʻlimida hisobga qoʻyish tartibini belgilab beradi.
2. Tegishli ravishda davlat soliq va statistika organlarida, yoʻl jamgʻarmasida, mehnat, aholini ish bilan taʼminlash va ijtimoiy muhofaza qilish tuman (shahar) boʻlimida yoki tuman (shahar) ijtimoiy taʼminot boʻlimida hisobga qoʻyish bilan bir vaqtda davlat roʻyxatidan oʻtkazish:
auditorlik va sugʻurta tashkilotlari, birjalar, shuningdek xorijiy investitsiya ishtirokidagi korxonalar va Toshkent shahrida tashkil etiladigan bozorlar Oʻzbekiston Respublikasi Adliya vazirligi tomonidan;
xorijiy investitsiyalar ishtirokidagi korxonalar va tegishli ravishda Qoraqalpogʻiston Respublikasi va viloyatlarda tashkil etiladigan bozorlar Qoraqalpogʻiston Respublikasi Adliya vazirligi, viloyatlar adliya boshqarmalari tomonidan;
Oldingi tahrirga qarang.
3. Korxonalar va tashkilotlarning Yagona davlat registri joylardagi statistika organlari tomonidan toʻldiriladigan roʻyxatdan oʻtkazish kartalari asosida Oʻzbekiston Respublikasi Iqtisodiyot vazirligi tomonidan yuritiladi.
(3-band Oʻzbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — OʻR QHT, 2003-y., 4-son, 42-modda)
4. Davlat roʻyxatidan oʻtkazish uchun zarur hujjatlarni tayyorlash muassasalarning ixtiyoriga koʻra:
muassislarning oʻzlari tomonidan;
shartnoma asosida Tovar ishlab chiqaruvchilar va tadbirkorlar palatasi huzuridagi axborot-maslahat markazlari, yoxud boshqa konsalting firmalari, boshqa shaxslar tomonidan amalga oshiriladi.
5. Tadbirkorlik subyekti davlat roʻyxatidan oʻtkazilganligi uchun:
xorijiy investitsiyalar ishtirokidagi korxonalar uchun — eng kam oylik ish haqining besh baravari, shuningdek 500 AQSh dollari;
ustav fondi toʻliq xorijiy investorlar tomonidan shakllantiriladigan korxonalar uchun — 2000 AQSh dollari;
sugʻurta va auditorlik tashkilotlari, birjalar va bozorlar uchun — eng kam oylik ish haqining toʻrt baravari miqdorida davlat boji toʻlanadi.
Oldingi tahrirga qarang.
Bojning 20 foizi tegishli ravishda Sudlar va adliya organlarini rivojlantirish jamgʻarmasi va tuman (shahar) hokimliklarining markazlashtirilgan hisob raqamiga, qolgan summa — tegishli ravishda respublika budjetiga, Qoraqalpogʻiston Respublikasi budjetiga va mahalliy budjetlarga oʻtkaziladi.
(5-bandning beshinchi xatboshi Oʻzbekiston Respublikasi Vazirlar Mahkamasining 2003-yil 30-apreldagi 197-sonli qarori tahririda — OʻR QHT, 2003-y., 7-8-son, 66-modda)
Tadbirkorlik subyektlarining tumanlar (shaharlar) hokimliklarida davlat roʻyxatidan oʻtkazilganligi uchun roʻyxatdan oʻtkazish yigʻimlarining cheklangan stavkalari har yili Oʻzbekiston Respublikasi Vazirlar Mahkamasining qarori bilan belgilanadi. Roʻyxatdan oʻtkazish yigʻimlari roʻyxatdan oʻtkazuvchi organ joylashgan joydagi mahalliy budjetlarga oʻtkaziladi.
Davlat mulki negizida tashkil etiladigan aksiyadorlik jamiyatlari, shuningdek dehqon xoʻjaliklari roʻyxatdan oʻtkazish yigʻimi toʻlashdan ozod etiladi.
II. Roʻyxatdan oʻtkazuvchi organga taqdim etiladigan hujjatlar
6. Tadbirkorlik subyektlarini yuridik shaxs sifatida roʻyxatdan oʻtkazish uchun roʻyxatdan oʻtkazuvchi organga (shaxsan kelib yoki pochta orqali) ariza taqdim etiladi. Davlat roʻyxatidan oʻtkazish toʻgʻrisidagi arizaga faqat:
taʼsis hujjatlarining notarial tasdiqlangan ikki asl nusxasi (davlat korxonalari negizida tashkil etilgan aksiyadorlik jamiyatlarini roʻyxatdan oʻtkazish uchun notarial tasdiqlangan taʼsis hujjatlari talab etilmaydi);
tadbirkorlik subyektining pochta manzilini tasdiqlovchi hujjat (fermer va dehqon xoʻjaliklari, shuningdek davlat korxonalari negizida tashkil etiladigan aksiyadorlik jamiyatlari bundan mustasno);
davlat bojining yoki roʻyxatdan oʻtkazish yigʻimining belgilangan miqdori toʻlanganligi toʻgʻrisidagi bank toʻlov hujjati (dehqon xoʻjaliklari, shuningdek davlat korxonalari negizida tashkil etiladigan aksiyadorlik jamiyatlari bundan mustasno);
belgilangan tartibda shaharlar (tumanlar) hokimliklarining vakolatli organlari tomonidan berilgan firma nomi toʻgʻrisidagi guvohnoma;
muhr va shtamp eskizlari uch nusxada ilova qilinadi.
7. Mazkur Nizomning 6-bandida koʻrsatilgan hujjatlarga qoʻshimcha ravishda:
a) bozorlarni davlat roʻyxatidan oʻtkazish uchun uni tashkil etishga shahar (tuman) hokimligining roziligi (yoki qarori);
b) ustav fondi toʻliq xorijiy investorlar tomonidan shakllantiriladigan korxonalar, xorijiy investitsiyalar ishtirokidagi korxonalar va xorijiy sarmoya ishtirokidagi boshqa tashkilotlarni davlat roʻyxatidan oʻtkazish uchun:
xorijiy muassis toʻgʻrisida yuridik shaxs roʻyxatdan oʻtkazilgan joydagi savdo reyestridan koʻchirma va Oʻzbekiston Respublikasining konsullik muassasasi tomonidan belgilangan tartibda legalizatsiya qilingan, bular mavjud boʻlmagan taqdirda, muassis roʻyxatdan oʻtkazilgan davlat Tashqi ishlar vazirligida, mazkur mamlakatning Oʻzbekiston Respublikasidagi konsullik muassasasida yoki diplomatik vakolatxonasida legalizatsiya qilingan, keyinchalik Oʻzbekiston Respublikasi Tashqi ishlar vazirligining Konsullik boshqarmasida tasdiqlangan bankning tavsiya xati taqdim etiladi. (Oʻzbekiston Respublikasi norezidentlari boʻlgan jismoniy shaxslar bankning tavsiya xati va oʻz pasportlariga oid maʼlumotlar nusxasini taqdim etadi). Agar xorijiy muassisning korxona (tashkilot) ustav fondiga ulushi intellektual mulk hisoblansa, u holda ariza beruvchi Oʻzbekiston Respublikasi Fan va texnika davlat qoʻmitasining uni baholash toʻgʻrisidagi xulosasini taqdim etishi kerak;
qoʻshma korxonaning ustav fondi 20 mln AQSh dollarini yoki undan ortiqni tashkil etgan taqdirda Vazirlar Mahkamasining Oʻzbekiston Respublikasi hududida qoʻshma korxona tashkil etish toʻgʻrisidagi qarorining nusxasi taqdim etiladi.
8. Tadbirkorlik subyektining Ustavi, masʼuliyati cheklangan va qoʻshimcha majburiyatli jamiyatlar uchun taʼsis shartnomasi, toʻliq va kommandit shirkatlar uchun esa faqat taʼsis shartnomasi tadbirkorlik subyekti (yuridik shaxs) tomonidan roʻyxatdan oʻtkazuvchi organga taqdim etiladigan taʼsis hujjati hisoblanadi.
Davlat mulki negizida tashkil etiladigan aksiyadorlik jamiyatlari tasdiqlangan Ustavni notarial tasdiqlamasdan taqdim etishga haqlidir.
9. Muassislardan biri tomonidan tegishli binoni (shu jumladan turar joyni) tadbirkorlik subyektining pochta manzili sifatida foydalanishga boʻlgan huquqini tasdiqlovchi hujjat (mulkchilik huquqiga boʻlgan dalolatnoma, binoni sotib olishga, ijaraga olishga shartnoma yoki ijaraga beruvchining bino ijarasi toʻgʻrisidagi kafolat xati, shuningdek yashash joyidan berilgan maʼlumotnoma) tadbirkorlik subyektining pochta manzilini tasdiqlovchi hujjat boʻlib xizmat qilishi mumkin.
10. Tadbirkorlik subyektlarini davlat roʻyxatidan oʻtkazish va ularni hisobga qoʻyish:
yuridik shaxslarni mazkur Nizomga 1-ilovaga muvofiq sxema boʻyicha;
yakka tartibdagi tadbirkorlarni — mazkur Nizomga 2-ilovaga muvofiq sxema boʻyicha;
III. Roʻyxatdan oʻtkazuvchi organga tadbirkorlik subyektlarining ayrim toifalari tomonidan taqdim etiladigan hujjatlar
11. Yakka tartibdagi tadbirkor.
Davlat roʻyxatidan oʻtkazish uchun yakka tartibdagi tadbirkor tomonidan tumanlar (shaharlar) hokimliklariga oʻz yashash joyidagi roʻyxatdan oʻtkazuvchi organga (shaxsan oʻzi kelib) mazkur Nizomga 4-ilovaga muvofiq shakl boʻyicha davlat roʻyxatidan oʻtkazish toʻgʻrisidagi ariza beriladi.
Davlat roʻyxatidan oʻtkazish toʻgʻrisidagi arizaga 3x4 oʻlchamli ikkita fotosurat; roʻyxatdan oʻtkazish yigʻimining belgilangan miqdori toʻlanganligi toʻgʻrisidagi bank toʻlov hujjati, muhr va shtamp eskizlari uch nusxada taqdim etiladi hamda pasport koʻrsatiladi.
Agar jismoniy shaxs arizada tadbirkorlik faoliyati amalga oshiriladigan joy deb ushbu maqsadlar uchun joylardagi davlat hokimiyati organlari tomonidan belgilanmagan joyni koʻrsatsa, qoʻshimcha ravishda unda bunday joy mavjudligini tasdiqlovchi hujjat taqdim etiladi (mulkchilik huquqiga boʻlgan dalolatnoma, binoni sotib olishga, ijaraga olishga shartnoma yoki bino ijarasi toʻgʻrisida ijaraga beruvchining kafolat xati, oʻz faoliyatini turar joy binosida amalga oshirish niyati boʻlgan taqdirda turar joy binosini turar joyga moʻljallanmagan binoga oʻtkazish toʻgʻrisidagi dalolatnoma).
12. Xususiy korxonalar.
Davlat roʻyxatidan oʻtkazish uchun xususiy korxonalar tomonidan roʻyxatdan oʻtkazuvchi organga mazkur Nizomga 3-ilovaga muvofiq shakl boʻyicha davlat roʻyxatidan oʻtkazish toʻgʻrisida ariza taqdim etiladi (shaxsan oʻzi kelib yoki pochta orqali). Arizaga quyidagilar ilova qilinadi:
korxona Ustavining notarial tasdiqlangan ikki asl nusxasi;
tadbirkorlik faoliyati subyektining pochta manzilini tasdiqlovchi hujjat;
davlat boji yoki roʻyxatdan oʻtkazish yigʻimining belgilangan miqdori toʻlanganligi haqida bank toʻlov hujjati;
shaharlar (tumanlar) hokimliklarining vakolatli organlari tomonidan berilgan firma nomi toʻgʻrisidagi guvohnoma;
muhr va shtamp eskizlari uch nusxada.
13. Masʼuliyati cheklangan va qoʻshimcha majburiyatli jamiyatlar.
Masʼuliyati cheklangan va qoʻshimcha majburiyatli jamiyatlarni davlat roʻyxatidan oʻtkazish uchun roʻyxatdan oʻtkazuvchi organga mazkur Nizomga 3-ilovaga muvofiq shakl boʻyicha roʻyxatdan oʻtkazish toʻgʻrisida ariza taqdim etiladi (shaxsan oʻzi kelib yoki pochta orqali). Arizaga quyidagilar ilova qilinadi:
masʼuliyati cheklangan va qoʻshimcha majburiyatli jamiyatlar uchun Ustav va taʼsis shartnomasining notarial tasdiqlangan ikki asl nusxasi. Jamiyat bir shaxs tomonidan taʼsis etilgan taqdirda, u tomonidan va notarial tasdiqlangan Ustav;
tadbirkorlik faoliyati subyektining pochta manzilini tasdiqlovchi hujjat;
davlat boji yoki roʻyxatdan oʻtkazish yigʻimining belgilangan miqdori toʻlanganligi haqida bank toʻlov hujjati;
shaharlar (tumanlar) hokimliklarining vakolatli organlari tomonidan berilgan firma nomi toʻgʻrisidagi guvohnoma;
muassislarning har biri tomonidan taʼsis hujjatlarida koʻrsatilgan oʻz ulushining kamida 30 foizi ustav fondiga qoʻshilganligini tasdiqlovchi bankning maʼlumotnomasi. Tadbirkorlik subyektining ustav fondi yoki uning bir qismi mulkiy ulush (koʻchmas mulk, asbob uskunalar va hokazolar) yoki intellektual mulk hisobiga shakllantirilgan taqdirda bank maʼlumotnomasi talab etilmaydi, taʼsis hujjatlarida ustav fondini shakllantirish manbalari koʻrsatilishi muassislar niyatining tasdigʻi hisoblanadi.
muhr va shtamp eskizlari uch nusxada.
14. Dehqon xoʻjaliklari (yuridik shaxslar).
Dehqon xoʻjaliklarini (yuridik shaxslarni) davlat roʻyxatidan oʻtkazish uchun tumanlar (shaharlar) hokimliklariga (shaxsan oʻzi kelib yoki pochta orqali) mazkur Nizomga 3-ilovaga muvofiq shakl boʻyicha davlat roʻyxatidan oʻtkazish toʻgʻrisida ariza taqdim etiladi. Arizaga quyidagilar ilova qilinadi:
qishloq xoʻjaligi kooperativi (shirkat xoʻjaligi) umumiy yigʻilishining yoki yuqori boshqaruv organining, yoxud boshqa qishloq xoʻjaligi korxonasi ish beruvchisi (maʼmuriyati)ning xoʻjalik tashkil etish toʻgʻrisidagi qarori;
Ustavning notarial tasdiqlangan ikki asl nusxasi;
shaharlar (tumanlar) hokimliklarining vakolatli organlari tomonidan berilgan firma nomi toʻgʻrisidagi guvohnoma;
muhr va shtamp eskizlari uch nusxada.
15. Yuridik shaxs boʻlmasdan tashkil etilgan dehqon xoʻjaligi.
Yuridik shaxs boʻlmasdan tashkil etiladigan dehqon xoʻjaligini davlat roʻyxatidan oʻtkazish uchun tumanlar (shaharlar) hokimliklariga (shaxsan oʻzi kelib) mazkur Nizomga 4-ilovaga muvofiq shakl boʻyicha davlat roʻyxatidan oʻtkazish toʻgʻrisida ariza taqdim etiladi. Arizaga quyidagilar ilova qilinadi:
qishloq xoʻjaligi kooperativi (shirkat xoʻjaligi) umumiy yigʻilishining yoki yuqori boshqaruv organining yoxud boshqa qishloq xoʻjaligi korxonasi ish beruvchisi (maʼmuriyati)ning xoʻjalik tashkil etish toʻgʻrisidagi qarori;
pasport koʻrsatiladi.
16. Fermer xoʻjaligi.
davlat roʻyxatidan oʻtkazish uchun fermer xoʻjaligi tomonidan tumanlar (shaharlar) hokimliklariga roʻyxatdan oʻtkazuvchi organga (shaxsan oʻzi kelib yoki pochta orqali) mazkur Nizomga 3-ilovaga muvofiq shakl boʻyicha davlat roʻyxatidan oʻtkazish toʻgʻrisida ariza taqdim etiladi. Arizaga quyidagilar ilova qilinadi:
qishloq xoʻjaligi kooperativi (shirkat xoʻjaligi) umumiy yigʻilishining yoki yuqori boshqaruv organining xoʻjalik tashkil etish toʻgʻrisidagi qarori yoxud boshqa qishloq xoʻjaligi korxonasining ish beruvchisi (maʼmuriyati)ning fermer xoʻjaligi tashkil etish toʻgʻrisidagi qarori;
Ustavning notarial tasdiqlangan ikki asl nusxasi;
tadbirkorlik faoliyati subyektining pochta manzilini tasdiqlovchi hujjat;
davlat boji yoki roʻyxatdan oʻtkazish yigʻimining belgilangan miqdori toʻlanganligi haqida bank toʻlov hujjati;
shaharlar (tumanlar) hokimliklarining vakolatli organlari tomonidan berilgan firma nomi toʻgʻrisidagi guvohnoma;
hokimliklar tomonidan tashkil etiladigan tanlov komissiyasining yer uchastkasi berish toʻgʻrisidagi bayonnomasi, tovar qishloq xoʻjaligi ishlab chiqarishi tashkil etishning biznes-rejasi nusxalari;
muhr va shtamp eskizlari uch nusxada;
IV. Tadbirkorlik subyektlarini davlat roʻyxatidan oʻtkazish va hisobga qoʻyish
17. Roʻyxatdan oʻtkazuvchi organning davlat roʻyxatidan oʻtkazish yoki asoslari koʻrsatilgan holda roʻyxatdan oʻtkazishni rad etish haqidagi qarori zarur hujjatlar ilova qilingan roʻyxatdan oʻtkazish haqidagi ariza olingan kundan boshlab:
yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari boʻyicha 3 ish kunidan kechikmay;
yuridik shaxs sifatidagi barcha tadbirkorlik subyektlari boʻyicha 7 ish kunidan kechikmay qabul qilinadi.
18. Roʻyxatdan oʻtkazuvchi organning fermer va dehqon xoʻjaliklarini davlat roʻyxatidan oʻtkazish haqidagi qarori uning yer uchastkasi berish toʻgʻrisidagi tegishli qarori bilan bir vaqtda qabul qilinadi.
19. Ariza beruvchi roʻyxatdan oʻtkazuvchi organning qaroridan, uning mansabdor shaxslarining gʻayriqonuniy harakati (harakatsizligi)dan norozi boʻlgan yoki roʻyxatdan oʻtkazish muddatlari buzilgan taqdirda u (ariza beruvchi) belgilangan tartibda sudga murojaat qilishga haqlidir.
20. Yuridik shaxs sifatidagi barcha tadbirkorlik subyektlarining davlat roʻyxatidan oʻtkazilganligi haqidagi maʼlumotlar roʻyxatdan oʻtkazuvchi organ tomonidan mazkur Nizomga 5-ilovaga muvofiq yuridik shaxslarning davlat reyestriga kiritiladi. Yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari toʻgʻrisidagi maʼlumotlar mazkur Nizomga 6 va 7-ilovalarga muvofiq shakllar boʻyicha reyestrga kiritiladi.
21. Roʻyxatdan oʻtkazuvchi organlar davlat roʻyxatidan oʻtkazilgan kundan boshlab bir kun mobaynida mazkur Nizomga 8-ilovaga muvofiq shakl boʻyicha u haqdagi davlat reyestridan olingan maʼlumotlarni tadbirkorlik subyekti joylashgan joydagi:
yuridik shaxslar boʻyicha statistika, soliq organlari hamda muhr va shtamp eskizlarini uch nusxada ilova qilgan holda ichki ishlar organlariga;
yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari boʻyicha — soliq organiga hamda muhr va shtamp eskizlarini uch nusxada ilova qilgan holda ichki ishlar organlariga rasman taqdim etadi.
22. Mazkur nizomning 21-bandida koʻrsatilgan maʼlumotlar olingach ikki kun muddatda:
soliq organlari — yuridik shaxsni, yakka tartibdagi tadbirkorni, yuridik shaxs boʻlmasdan tashkil etilgan dehqon xoʻjaligini, shu jumladan budjetdan tashqari Pensiya jamgʻarmasiga sugʻurta badallari toʻlovchi sifatida (yuridik shaxs boʻlmasdan tashkil etilgan dehqon xoʻjaliklaridan tashqari) hisobga qoʻyadi, ularga soliq toʻlovchining identifikatsiya raqamini beradi va uni statistika va roʻyxatdan oʻtkazuvchi organlarga rasman maʼlum qiladi;
statistika organlari yuridik shaxsni korxonalar va tashkilotlarning Yagona davlat registriga kiritadi, roʻyxatdan oʻtkazish kartasini toʻldiradi va roʻyxatdan oʻtkazuvchi va soliq organlariga tadbirkorlik subyektiga berilgan kodlarni rasman maʼlum qiladi;
ichki ishlar organlari muhr va shtamp tayyorlashga ruxsatnomani rasmiylashtiradi hamda roʻyxatdan oʻtkazuvchi organga eskizning ikki nusxasi bilan birgalikda muhr va shtamp tayyorlashga ruxsatnomani yuboradi.
23. Roʻyxatdan oʻtkazuvchi organ statistika organlaridan berilgan kodlar toʻgʻrisidagi axborot, soliq organlaridan esa soliq toʻlovchining identifikatsiya raqami toʻgʻrisidagi axborot, shuningdek ichki ishlar organlaridan eskizning ikki nusxasi bilan birgalikda muhr va shtamp tayyorlashga ruxsatnoma olingach, ikki kun muddatda:
tadbirkorlik subyektlari — yuridik shaxslarga mazkur Nizomga 9-ilovaga muvofiq shakl boʻyicha “Yuridik shaxsning davlat roʻyxatidan oʻtkazilganligi toʻgʻrisida guvohnoma” va roʻyxatdan oʻtkazuvchi organning muhri bilan tasdiqlangan, “roʻyxatdan oʻtkazildi” degan belgi qoʻyilgan taʼsis hujjatlarini, shuningdek eskiz bilan birgalikda muhr va shtamp tayyorlashga ruxsatnomani beradi;
yakka tartibdagi tadbirkorga va yuridik shaxs boʻlmasdan tashkil etiladigan dehqon xoʻjaligiga— mazkur Nizomga 10-ilovaga muvofiq shakl boʻyicha “Yakka tartibdagi tadbirkorning (yuridik shaxs boʻlmasdan tashkil etilgan dehqon xoʻjaligining) davlat roʻyxatidan oʻtkazilganligi toʻgʻrisida guvohnoma”ni, shuningdek eskiz bilan birgalikda muhr va shtamp tayyorlashga ruxsatnomani beradi;
tegishli hududiy yoʻl jamgʻarmasiga, mehnat, aholini ish bilan taʼminlash va ijtimoiy muhofaza qilish tuman (shahar) boʻlimiga yoki tuman (shahar) ijtimoiy taʼminot boʻlimiga roʻyxatdan oʻtkazilgan tadbirkorlik subyekti boʻyicha davlat reyestridan toʻliq koʻchirmani yoʻllaydi. Yuborilgan reyestrdan koʻchirma tadbirkorlik subyektini koʻrsatib oʻtilgan organlarda hisobga qoʻyish uchun asos hisoblanadi;
Tovar ishlab chiqaruvchilar va tadbirkorlar hududiy palatalariga, davlat sanitariya-epidemiologiya nazorati markazlariga va tadbirkorlik subyektlari joylashgan joydagi yongʻin xavfsizligi xizmatlariga tegishli reyestrdan koʻchirmani maʼlumot uchun yuboradi.
24. Roʻyxatdan oʻtkazuvchi organlar yilning har choragida roʻyxatdan oʻtkazilgan va hisobda turgan roʻyxatdan oʻtkazilgan tadbirkorlik subyektlari sonini soliq va statistika organlari bilan solishtiradi.
V. Tadbirkorlik faoliyatini boshlash uchun zarur boʻlgan tartibotlar
25. Tadbirkorlik subyekti davlat roʻyxatidan oʻtgach tadbirkorlik faoliyatini boshlash uchun majburiy tartibda:
banklarga oʻz faoliyati uchun zarur boʻlgan hisob raqamlari ochish uchun (yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari ular tomonidan bank hisob raqami mavjudligi talab etiladigan faoliyatning ayrim turlari amalga oshirilgan hollarda hisob raqami ochish uchun murojaat qiladilar);
vakolatli davlat organlariga tadbirkorlik faoliyatining ayrim turlarini amalga oshirish uchun qonun hujjatlarida belgilangan tartibda litsenziyalar (yoki ruxsatnomalar) olish uchun majburiy tartibda murojaat qiladilar.
26. Bankda hisob raqamlari ochish uchun tadbirkorlik subyekti tomonidan bankka quyidagi hujjatlar taqdim etiladi:
tadbirkorlik subyekti faoliyat joyi manzili va ochiladigan hisob raqamlari turlari koʻrsatilgan holda ariza;
davlat roʻyxatidan oʻtkazilganlik toʻgʻrisidagi guvohnoma nusxasi;
rahbar va bosh buxgalter imzolarining notarial tasdiqlangan namunalari (dehqon xoʻjaligi boshligʻi va yakka tartibdagi tadbirkor oʻz imzolari namunalarini taqdim etadi) va dumaloq muhr ottiskining ikki nusxasi.
Arizani koʻrib chiqish va bank tomonidan hisob raqami ochish muddati koʻrsatib oʻtilgan hujjatlar olingan kundan boshlab ikki bank kunidan ortiq boʻlmasligi kerak.
27. Davlat roʻyxatidan oʻtkazilganlik toʻgʻrisidagi guvohnoma tadbirkorlik subyektining keyinchalik muhandislik kommunikatsiyalariga (gaz tarmoqlari, elektr taʼminoti, suvdan foydalanish, issiqlik taʼminoti, kanalizatsiya va boshqalarga) ulanishga ruxsatnoma beruvchi tashkilotlarga murojaat qilishi uchun asos hisoblanadi.
28. Tadbirkorlik subyekti majburiy tartibda oʻz faoliyatini amalga oshirish uchun qonun hujjatlarida belgilangan tartibda beriladigan tegishli ruxsatnomalar uchun oʻzi foydalanayotgan bino (obyekt) joylashgan joydagi:
yongʻin xavfsizligi xizmati davlat organlariga — agar tadbirkorlik subyekti faoliyati yogʻoch-taxta materiallar, tez alangalanadigan, suyuq yonilgʻilar va gazlar (suyultirilgan aerozol va boshqalar) ishlab chiqarilishi, saqlanishi va sotilishini nazarda tutgan, shuningdek foydalanilayotgan obyekt turar joyda joylashgan hollarda;
davlat sanitariya-epidemiologiya markazlariga kimyoviy va biologik moddalar, attorlik-pardoz-andoz buyumlari ishlab chiqarish tashkil etilgan, radioaktiv va radiatsiya texnikasidan, ionlashtirilgan nurlanish manbalari va ushbu manbalar mavjud boʻlgan priborlardan foydalanilgan, biologik aktiv moddalarni maxsus chiqaradigan yangi oziq-ovqat qoʻshimchalari qoʻllanilgan, oziq-ovqat xomashyosi va oziq-ovqat mahsulotlari ishlab chiqarilgan, shu jumladan yangi texnologiyalar boʻyicha ishlab chiqarilgan va sotilgan, shu jumladan umumiy ovqatlanish mahsulotlari ishlab chiqarilgan va sotilgan hollarda murojaat qilishi kerak.
29. Davlat yongʻin xavfsizligi xizmati organlarining ruxsatnomasini olish uchun tadbirkorlik subyekti tomonidan oʻz manzili, faoliyat koʻrsatish joyi va turi koʻrsatilgan holda ariza taqdim etiladi.
30. Davlat sanitariya-epidemiologiya markazlarining ruxsatnomasini olish uchun tadbirkorlik subyekti tomonidan quyidagi hujjatlar taqdim etiladi:
tadbirkorlik subyekti faoliyati joyining manzili va turi koʻrsatilgan holda ariza;
oziq-ovqat mahsulotlari va umumiy ovqatlanish mahsulotlari ishlab chiqarish, oziq-ovqat mahsulotlari bilan savdo qilish uchun jalb etiladigan shaxslarning tibbiyot daftarchasida ishga qoʻyilish koʻrsatilgan holda tibbiy koʻrikdan oʻtganlik toʻgʻrisidagi hujjatlar nusxalari.
31. Muhandislik kommunikatsiyalariga ulanishga ruxsatnoma olish uchun tadbirkorlik subyekti tomonidan oʻzi joylashgan joydagi energiya taʼminoti, suv taʼminoti, issiqlik taʼminoti, gaz taʼminoti, kanalizatsiyaning tegishli tuman (shahar) xizmatlariga ariza, davlat roʻyxatidan oʻtganlik toʻgʻrisidagi guvohnomaning nusxasi taqdim etiladi.
32. Mazkur Nizomning 29-30-bandlarida koʻrsatilgan ruxsatnomalarni berish zarur hujjatlar ilova qilingan holda tadbirkorlik subyektining arizasi olingan kundan boshlab ikki ish kunidan ortiq boʻlmagan muddatda amalga oshiriladi (davlat sanitariya-epidemiologiya markazlari tomonidan laboratoriya tadqiqotlari oʻtkazilishi zarur boʻlgan taqdirda ular tomonidan ruxsatnoma tekshirishning uzil-kesil natijalari olingandan keyin beriladi). Mazkur Nizomning 29-30-bandlarida koʻrsatilgan ruxsatnomalar berilganligi uchun toʻlov undirilmaydi (davlat sanitariya-epidemiologiya markazlari tomonidan oʻtkaziladigan laboratoriya tekshirishlari xarajatlari bundan mustasno).
33. Tadbirkorlik subyektlari yuridik shaxslar taʼsis hujjatlariga oʻzgartirish va qoʻshimchalar kiritilgan taqdirda bir hafta muddatda ularni roʻyxatdan oʻtkazgan organga quyidagi hujjatlarni taqdim etadilar:
ariza;
tadbirkorlik subyektini boshqarish vakolatli organining taʼsis hujjatlariga oʻzgartirish va qoʻshimchalar kiritish toʻgʻrisidagi qarori;
oʻzgartirish va qoʻshimchalar matnining tadbirkorlik subyekti muhri bilan tasdiqlangan ikki nusxasi;
nomi yoki tashkiliy-huquqiy shakli oʻzgargan taqdirda roʻyxatdan oʻtkazilganlik toʻgʻrisidagi guvohnomaning asl nusxasi;
roʻyxatdan oʻtkazish yigʻimining belgilangan miqdori toʻlanganligi toʻgʻrisidagi bank toʻlov hujjati.
Tadbirkorlik subyektlari oʻz pochta manzili oʻzgargan taqdirda oʻn kun muddatda bu haqda roʻyxatdan oʻtkazuvchi, soliq va statistika organlarini yozma ravishda xabardor qilishlari shart.
Kiritilgan oʻzgartirish va qoʻshimchalarni davlat roʻyxatidan oʻtkazish mazkur Nizomda belgilangan roʻyxatdan oʻtkazish tartibiga muvofiq amalga oshiriladi.
Tadbirkorlik subyekti faoliyatining turi va unda ishlovchilarning oʻrtacha yillik soni oʻzgarishi munosabati bilan Korxonalar va tashkilotlarning Yagona davlat reyestriga oʻzgartirish va qoʻshimchalar kiritilgan taqdirda statistika organlari bu haqda roʻyxatdan oʻtkazuvchi organni, soliq organini hamda tadbirkorlik subyektini xabardor qiladi.
34. Yakka tartibdagi tadbirkorlar ularga berilgan davlat roʻyxatdan oʻtkazilganlik toʻgʻrisidagi guvohnomada koʻrsatilgan faoliyat joyi va turi oʻzgargan taqdirda bu haqda roʻyxatdan oʻtkazuvchi organni va soliq organini yozma ravishda xabardor qilishlari shart. Roʻyxatdan oʻtkazuvchi organ va soliq organi koʻrsatib oʻtilgan oʻzgarishlar olingandan keyin uch kun muddatda yakka tartibdagi tadbirkorni ular tomonidan roʻyxatdan oʻtkazuvchi va hisobga olish hujjatlariga kiritilgan oʻzgartirishlar toʻgʻrisida yozma ravishda maʼlum qilishlari shart.
35. Agar tadbirkorlik subyekti tomonidan taʼsis hujjatlariga kiritiladigan oʻzgartirish va qoʻshimchalar:
ularga berilgan kodlar va soliq toʻlovchining identifikatsiya raqami oʻzgarishiga olib kelmasa, bunday oʻzgartirishlar davlat roʻyxatidan oʻtkazilganligi uchun toʻlov belgilangan roʻyxatdan oʻtkazish yigʻimining 50 foizi miqdorida undiriladi;
uning faqat pochta manzili oʻzgarishiga tegishli boʻlsa roʻyxatdan oʻtkazish yigʻimi (davlat boji) undirilmaydi.
36. Mazkur Nizom buzilishida aybdor boʻlgan shaxslar qonun hujjatlariga muvofiq javob beradilar.
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
1-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
1-ILOVA
Tadbirkorlik subyektlarini (yuridik shaxs tashkil etgan holda) davlat roʻyxatidan oʻtkazish va hisobga qoʻyish sxemasi
1. Ilovalar bilan birga taʼsis hujjatlari tayyorlash (Tovar ishlab chiqaruvchilar va tadbirkorlar palatasining tegishli tuzilmalari yordamida yoki muassisning oʻzi tomonidan);
2. Hujjatlarni roʻyxatdan oʻtkazuvchi organga (tadbirkorlik subyektlarini roʻyxatdan oʻtkazish boʻlimlariga) kiritish;
3. Roʻyxatdan oʻtkazuvchi organda hujjatlarni koʻrib chiqish va davlat roʻyxatidan oʻtkazish (tegishli davlat organlarida hisobga qoʻygan holda) yoki davlat roʻyxatidan oʻtkazish rad etilganligi toʻgʻrisida qaror qilish, shuningdek Ichki ishlar vazirligi organlarida muhr va shtamplar tayyorlashga ruxsatnoma olish;
4. Tegishli organlarni xabardor qilish;
5. Tadbirkorlik subyektiga “Davlat roʻyxatidan oʻtkazilganlik toʻgʻrisida guvohnoma” hamda muhr va shtamplar tayyorlashga Ichki ishlar vazirligi organlarining ruxsatnomasini berish.
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
2-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
2-ILOVA
Yakka tartibdagi tadbirkorlarni davlat roʻyxatidan oʻtkazish va hisobga qoʻyish sxemasi (faoliyatni amalga oshirish joyi mavjud boʻlgan taqdirda bino sotib olinganligi, ijaraga olinganligi haqidagi shartnoma yoki ijaraga beruvchining bino ijarasi haqidagi kafolat xati, turar joyni turar joyga moʻljallanmagan binoga oʻtkazish haqidagi dalolatnoma)
1. Ilovalar bilan birga taʼsis hujjatlari tayyorlash;
2. Hujjatlarni roʻyxatdan oʻtkazuvchi organga (tuman (shahar)hokimligiga) kiritish;
3. Roʻyxatdan oʻtkazuvchi organda hujjatlarni koʻrib chiqish va davlat roʻyxatidan oʻtkazish (soliq organlarida hisobga qoʻygan holda) yoki davlat roʻyxatidan oʻtkazish rad etilganligi toʻgʻrisida qaror qilish, shuningdek zarurat boʻlganda, Ichki ishlar vazirligi organlarida muhr va shtamplar tayyorlashga ruxsatnoma olish;
4. Tegishli organlarni xabardor qilish;
5. Yakka tartibdagi tadbirkorga “Davlat roʻyxatidan oʻtkazilganlik toʻgʻrisida guvohnoma” hamda muhr va shtamplar tayyorlashga Ichki ishlar vazirligi organlarining ruxsatnomasini berish.
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
3-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
3-ILOVA
Ariza
| Kimga______________________________________________ |
|
(roʻyxatdan oʻtkazuvchi organning nomi) |
| ________________________________________________dan |
|
(ariza beruvchining f. i. o.) |
|
ARIZA |
| _________________________________________________ni |
| davlat roʻyxatidan oʻtkazishingizni iltimos qilaman. |
| Mulkchilik shakli:___________________________________ |
|
jamoat (davlat), xusisiy |
| Tashkiliy-huquqiy shakli: |
| ___________________________________________________ |
|
(AJ, masʼuliyati cheklangan yoki qoʻshimcha majburiyatli jamiyat, toʻliq yoki kommandit shirkat, unitar korxona, xususiy korxona, ishlab chiqarish shirkati, fermer xoʻjaligi, yuridik shaxs tashkil holda dehqon xoʻjaligi va boshqa tijorat tashkilotlari) |
| Roʻyxatdagi xodimlarning taxmin qilinayotgan soni_____kishi |
| Pochta manzili:_________________________________________ |
| Pochta indeksi:____________aloqa qilinadigan telefon:______ |
| Arizaga koʻshimcha ravishda ilova qilinadigan hujjatlar*: |
| 1.____________________________________________________ |
| 2.____________________________________________________ |
| ______________________________________________________ |
|
(toʻldirilgan sana) (muassisning yoki vakolatli shaxs-ariza beruvchining imzosi) |
* — Tadbirkorlik subyektlarini davlat roʻyxatidan oʻtkazish va hisobga qoʻyish toʻgʻrisida nizomning (Vazirlar Mahkamasining 2001-yil 22-avgustdagi 347-son qaroriga 1-ilova) 6-bandida nazarda tutilgan hujjatlar (7-band boʻyicha hujjatlar tadbirkorlik subyektining turiga koʻra taqdim etiladi).
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
4-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
4-ILOVA
Ariza
| |
_______tuman (shahar) hokimi |
| |
_______________________ga |
| |
______________________dan |
| |
(ariza beruvchining f. i. o.) |
|
| |
|
ARIZA | |
| ___________________________________________muddatga | |
|
(jismoniy shaxs — yakka tartibdagi tadbirkor tomonidan toʻldiriladi) | |
|
___________________________________________________ | |
|
(faoliyat amalga oshiriladigan joy) | |
| __________________________________amalga oshirish uchun | |
|
(faoliyat turi) | |
| __________________________________________sifatida | |
|
(dehqon xoʻjaligi, yakka tartibdagi tadbirkor) | |
| yuridik shaxs boʻlmasdan tadbirkorlik faoliyati bilan shugʻullanish uchun davlat roʻyxatidan oʻtkazishingizni soʻrayman. | |
| Tadbirkor, dehqon xoʻjaligi boshligʻi toʻgʻrisidagi maʼlumotlar: | |
| F. I. O._______________________________________ | |
| Pasportga oid maʼlumotlar:______________________ | |
|
(seriya, №, kim tomonidan berilgan) | |
| Uy manzili:____________________________________ | |
| Pochta indeksi:_______ | Telefon:__________ |
| Arizaga qoʻshimcha ravishda ilova qilinadigan hujjatlar: | |
| 1.__________________________________________________ | |
| 2.__________________________________________________ | |
| 3.__________________________________________________ | |
|
___________________ |
___________________ |
|
(toʻldirilgan sana) |
(muassis yoki vakolatli shaxsning imzosi) |
|
___________________ |
___________________ |
|
(ariza qabul qilingan sana) |
(hokimlik masʼul xodimining imzosi*) |
* —yakka tartibdagi tadbirkor uchun toʻldiriladi.
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
5-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
5-ILOVA
Yuridik shaxslarning davlat reyestri
|
T/r |
Hujjatlar tushgan sana (kirish) |
Ariza beruvchi — muassislar |
Hujjatlarni topshirish maqsadi (roʻyxatdan oʻtkazish yoki taʼsis hujjatlarini oʻzgartirish va h.k.) |
Roʻyxatdan oʻtkazilayotgan yuridik shaxsning Ustav fondi |
Roʻyxatdan oʻtkazuvchi organning davlat roʻyxatidan oʻtkazish toʻgʻrisidagi qarorining tartib raqami va sanasi | |||
| | |
Jismoniy shaxslar |
Yuridik shaxslar |
| | | ||
|
1 |
2 |
3 |
4 |
5 |
6 |
7 |
8 |
9 |
|
Roʻyxatga olingan yuridik shaxs haqidagi maʼlumotlar |
Guvohnoma roʻyxatga olingan tartib raqami va sana (reyestr boʻyicha) |
Davlat roʻyxatiga olish toʻgʻrisidagi guvohnoma berilgan (olingan) sana |
Tugatish-davlat reyestridan chiqarish yoki oʻzgartirishlar kiritish sanasi |
Izohlar | ||||||
|
firmali nomi |
mulkchilik shakli (jamoat, xususiy) MSh kodi |
tashkiliy-huquqiy shakli THSh kodi |
asosiy faoliyat turi XXTUT kodi |
pochta manzili, telefon MHOBT kodi |
KTUT kodi |
soliq toʻlovchining identifikatsiya raqami kodi | ||||
|
11 |
12 |
13 |
14 |
15 |
16 |
17 |
18 |
19 |
20 |
21 |
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
6-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
6-ILOVA
Yuridik shaxs boʻlmasdan tashkil etilgan dehqon xoʻjaliklari davlat reyestri
| T/r |
Ariza berilgan sana |
Dehqon xoʻjaligi boshligʻining familiyasi, ismi, otasining ismi |
Dehqon xoʻjaligi boshligʻining uy manzili |
Dehqon xoʻjaligi boshligʻining pasport maʼlumotlari |
Asosiy faoliyat turi |
Faoliyat amalga oshiriladigan joy |
Tuman hokimi qarorining tartib raqami va sanasi |
Guvohnomaning tartib raqami |
Soliq toʻlovchining identifikatsiya raqami kodi |
Guvohnoma olingan |
Davlat reyestridan chiqarilgan sana |
Qoʻshimcha maʼlumotlar | |
|
sana |
imzo | ||||||||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
14 |
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
7-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
7-ILOVA
Yakka tartibdagi tadbirkorlarning davlat reyestri
|
T/r |
Ariza berilgan sana |
Yakka tartibdagi tadbirkorning familiyasi, ismi, otasining ismi |
Yakka tartibdagi tadbirkorning uy manzili |
Yakka tartibdagi tadbirkorning pasportiga oid maʼlumotlar |
Toʻlangan roʻyxatidan oʻtkazish yigʻimi miqdori |
Amalga oshiriladigan faoliyat turi |
Faoliyat amalga oshiriladigan joy |
Tuman hokimi qarorining tartib raqami va sanasi |
Guvohnomaning tartib raqami |
Guvohnomaning amal qilish muddati |
Soliq toʻlovchining identifikatsiya raqami kodi |
Guvohnoma olingan |
Qoʻshimcha maʼlumotlar |
Davlat reyestridan chiqarilgan sana | |
|
Sana |
imzo | ||||||||||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
14 |
15 |
16 |
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
8-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
8-ILOVA
Tadbirkorlik subyektlari toʻgʻrisida statistika va soliq organlariga taqdim etiladigan zarur
MAʼLUMOTLAR
| 1. Tadbirkorlik subyektining nomi (f. i. o.*) | |||||
| Toʻliq: | |||||
| | |||||
| Qisqartirilgan: | |||||
| 2. Pochta manzili (tuman, shahar) (uy manzili*) | |||||
| | |||||
| | |||||
| | |||||
| | | | | | |
| 3. Yangidan tashkil etilgan | | Ilgari tashkil etilgandan keyin qayta tuzilgan | | ||
| | | | | | |
| 4. Pochta indeksi: | | ||||
| | | | | | |
| 5. Muloqot telefonlari: | | ||||
| | | | | | |
| 6. Asosiy faoliyat turi (statistika organlari tomonidan roʻyxatdan oʻtkazuvchi organga berilgan tasdiqlangan klassifikatorga muvofiq) | |||||
| | |||||
| 7. Mulkchilik shakli (“Mulkchilik toʻgʻrisida”gi Oʻzbekiston Respublikasi Qonuniga muvofiq) | |||||
| | |||||
| 8. Tashkiliy-huquqiy shakli | |||||
| | |||||
| | |||||
| 9. Muassislar toʻgʻrisda maʼlumotlar: | |||||
|
Muassislar (nomi, mamlakat, soliq toʻlovchining identifikatsiya raqami, familiyasi, ismi, otasining ismi, pasport yoki shaxsiy raqami*) |
Muassislarning ustav fondidagi ulushi | ||||
|
ming soʻm hisobida |
ming AQSh dollari hisobida |
foizlar hisobida | |||
|
|
| | | ||
| | | | | ||
| | | | | ||
|
Jami ustav fondi |
| | | ||
| 10. Tadbirkorlik subyekti tashkiliy tarkibiga kiruvchi tashkilot (xhjalik jamiyati)____________________________ | |||||
| | | | |
|
|
| 11. Roʻyxat boʻyicha taxminiy soni | |
kishi |
| ||
| | | | | | |
| 12. Tuman (shahri) koʻrsatilgan roʻyxatdan oʻtkazuvchi organ nomi | |||||
| | |||||
| | | | | | |
| 13. Davlat roʻyxatidan oʻtkazish tshgʻrisida qaror* | | | |||
| | | | | | |
| 14. Faoliyat amalga oshiriladigan joy*________________ | |||||
| 15. Faoliyatni amalga oshirish muddati_________________ | |||||
| Roʻyxatdan oʻtkazuvchi organ mansabdor shaxsining familiyasi, ismi, otasining ismi________________________________ | |||||
| | | | imzo__________________ | ||
| | | | M. Oʻ. | | |
* — yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari uchun toʻldiriladi.
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
9-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
9-ILOVA
Yuridik shaxsni davlat roʻyxatidan oʻtkazish toʻgʻrisida
GUVOHNOMA
| Reyestrdagi tartib raqami №______ |
№ 0000000 | |
| _____y. “___”______________ | | |
| Mazkur guvohnoma firma nomi___________________________ | ||
| _________________________________________boʻlgan yuridik | ||
| shaxsga_______________________________________________ | ||
|
(roʻyxatdan oʻtkazuvchi organ nomi, tuman, shahar, qarorning tartib raqami va sanasi) | ||
| _____________________________________________________ | ||
| _____________________________________________________ | ||
|
(yuridik shaxs boʻlgan dehqon xoʻjaliklari, fermer xoʻjaliklari uchun ajratilgan yer uchastkasi va uning maydoni koʻrsatiladi) | ||
| _____________________________ning qaroriga asosan berildi. | ||
| | |
THSh |
| Tashkiliy-huquqiy sh�kli: | | |
| | |
MSh |
| Mulkchilik shakli: | | |
| | |
MHOBT |
| Pochta manzili: | | |
| | |
KTUT |
| Yuridik shaxs kodi: | | |
| | |
XXTUT |
| Tarmoq kodi: | | |
| | |
STIR |
| Soliq toʻlovchining identifikatsiya raqami: | | |
| | | |
| Qoʻshimcha maʼlumotlar | | |
| M. Oʻ. | | |
| Vakolatli oragan rahbari |
________________ | |
| | |
imzo |
Tadbirkorlik subyektlarini davlat
roʻyxatidan oʻtkazish va hisobga qoʻyish
tartibi toʻgʻrisidagi nizomga
10-ILOVA
roʻyxatidan oʻtkazish va hisobga qoʻyish
tartibi toʻgʻrisidagi nizomga
10-ILOVA
Yakka tartibdagi tadbirkor (yuridik shaxs boʻlmasdan tashkil etilgan dehqon xoʻjaligi)ni davlat roʻyxatidan oʻtkazish toʻgʻrisida
GUVOHNOMA
| Reyestrdagi tartib raqami №_______ |
№ 0000000 | |
| _____y. “___”_____________ | | |
| Yakka tadbirkor yoki dehqon xoʻjaligi boshligʻining familiyasi, ismi, otasining ismi______________________________ | ||
| Pasport seriya___________ tartib raqami______________ | ||
| __________tomonidan ___________y. “___”da berilgan. | ||
| Uy manzili________________________________________ | ||
| Amalga oshiriladigan faoliyat turi_______________________ | ||
| Faoliyat amalga oshiriladigan joy________________________ | ||
| Mazkur Guvohnoma: | ||
| —_____tumani (shahar) hokimining __y. “__”_____dagi ___-son qaroriga asosan berildi; | ||
| —_____y. “__”_____________gacha amal qiladi*. | ||
| Soliq toʻlovchining identifikatsiya raqami kodi___________ | ||
| Izoh**:_______________________________________________ | ||
| | | |
|
Surat oʻrni |
| |
| | | |
| | | |
| M. Oʻ. | | |
| Vakolatli organ rahbari |
_________________ | |
| | |
imzo |
* — faqat yakka tartibdagi tadbirkorlar uchun
** — dehqon xoʻjaliklari uchun ajratiladigan yer uchastkasi va uning maydoni koʻrsatiladi
*** — yuridik shaxs boʻlmasdan tashkil etilgan dehqon xoʻjaliklariga nisbatan amal qilmaydi.
Oʻzbekiston Respublikasi hukumatining ayrim qarorlariga kiritilayotgan oʻzgartirishlar va qoʻshimchalar
1. Oʻzbekiston Respublikasi Vazirlar Mahkamasining “Yuridik shaxslar birlashmalari, aksiyadorlik jamiyatlarini davlat roʻyxatidan oʻtkazish haqidagi Nizomni tasdiqlash toʻgʻrisida” 1994-yil 22-martdagi 153-son qarorida (Oʻzbekiston Respublikasi QT, 1994-y., 3-son, 18-modda):
b) Yuridik shaxslar birlashmalari, aksiyadorlik jamiyatlarini davlat roʻyxatidan oʻtkazish toʻgʻrisidagi Nizomda:
Nizom nomi va matnidan aksiyadorlik jamiyatlariga havola chiqarib tashlansin;
4-bandning “a” kichik bandi quyidagi tahrirda bayon etilsin:
“a) yuridik shaxslar birlashmasini davlat roʻyxatidan oʻtkazish toʻgʻrisida ariza va belgilangan shakldagi roʻyxatga olish kartasi”;
4-bandning “e” kichik bandi oʻz kuchini yoʻqotgan deb hisoblansin;
6-band quyidagi tahrirda bayon qilinsin:
“Yuridik shaxslar birlashmalarini davlat roʻyxatidan oʻtkazish zarur hujjatlar ilova qilingan roʻyxatdan oʻtkazish toʻgʻrisidagi ariza taqdim etilgan vaqtdan boshlab 10 kun mobaynida amalga oshiriladi. Yuridik shaxslar birlashmalari reyestri va davlat roʻyxatidan oʻtkazilganlik toʻgʻrisidagi guvohnoma tadbirkorlik subyektlari uchun belgilangan tartibda rasmiylashtiriladi”;
7-band, 11-bandning ikkinchi xatboshi, 12-band va qarorga 1 va 2-ilovalar oʻz kuchini yoʻqotgan deb hisoblansin.
2. Oʻzbekiston Respublikasi Vazirlar Mahkamasining “Davlat boji stavkalari haqida” 1994-yil 3-noyabrdagi 533-son qarori bilan tasdiqlangan Davlat boji stavkalari (Oʻzbekiston Respublikasi QT, 1994-y.,11-son, 49-modda) quyidagi mazmundagi 8-band bilan toʻldirilsin:
“8. Adliya organlari tomonidan davlat roʻyxatidan oʻtkazganlik uchun:
xorijiy investitsiyalar ishtirokidagi korxonalar – eng kam oylik ish haqining besh baravari va 500 AQSh dollari miqdorida;
Ustav fondi toʻliq xorijiy investorlar tomonidan shakllantiriladigan korxonalar – 2000 AQSh dollari miqdorida;
Sugʻurta va auditorlik tashkilotlari, birjalar, bozorlar – eng kam oylik ish haqining toʻrt baravari miqdorida”.
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2004-yil 21-iyuldagi 346-sonli qaroriga muvofiq oʻz kuchini yoʻqotgan — OʻR QHT, 2004-y., 29-son, 335-modda)
4. Oʻzbekiston Respublikasi Vazirlar Mahkamasining “Xoldinglar toʻgʻrisidagi Nizomni tasdiqlash haqida” 1995-yil 12-oktabrdagi 398-son qarorida (Oʻzbekiston Respublikasi QT, 1995-y., 10-son, 39-modda):
a) qarorning 2-bandi quyidagi tahrirda bayon qilinsin:
“2. Xoldinglarni davlat roʻyxatidan oʻtkazish tadbirkorlik subyektlarini davlat roʻyxatidan oʻtkazish va hisobga qoʻyish uchun belgilangan tartibda amalga oshiriladi”;
b) Xoldinglar toʻgʻrisidagi Nizomda:
birinchi xatboshidagi va 5-banddagi “Oʻzbekiston Respublikasida korxonalar toʻgʻrisida” soʻzlari chiqarib tashlansin;
II boʻlim 1-bandidagi “Oʻzbekiston Respublikasi qonun hujjatlari bilan xoʻjalik jamiyatlari va shirkatlari uchun” soʻzlari “tadbirkorlik subyektlarini davlat roʻyxatidan oʻtkazish va hisobga qoʻyish uchun” soʻzlari bilan almashtirilsin.
5. Oʻzbekiston Respublikasi Vazirlar Mahkamasining “Bozorlar faoliyatini tashkil etishni takomillashtirish toʻgʻrisida” 2000-yil 12-avgustdagi 315-son qarori bilan tasdiqlangan Bozorlarni tashkil etish, davlat roʻyxatidan oʻtkazish va ular faoliyatini tashkil etish tartibi toʻgʻrisidagi Nizomda (Oʻzbekiston Respublikasi QT, 2000-y., 8-son, 50-modda):
a) 8-band quyidagi tahrirda bayon etilsin:
“8. Bozorlarni davlat roʻyxatidan oʻtkazish tadbirkorlik subyektlarini davlat roʻyxatidan oʻtkazish va hisobga qoʻyish uchun belgilangan tartibda amalga oshiriladi”;
b) 9-12-bandlar va 13-bandning ikkinchi xatboshi oʻz kuchini yoʻqotgan deb hisoblansin.
6. Oʻzbekiston Respublikasi Vazirlar Mahkamasining 2001-yil 9-martdagi 119-son qarori bilan tasdiqlangan Davlat mulki boʻlgan obyektlarni davlat tasarrufidan chiqarish va xususiylashtirish tartibi toʻgʻrisidagi Nizomda (Oʻzbekiston Respublikasi QT, 2001-y., 3-son, 17-modda) 38-bandning birinchi xatboshi quyidagi tahrirda bayon etilsin:
“38. Aksiyadorlik jamiyatlarini davlat roʻyxatidan oʻtkazish tadbirkorlik subyektlarini davlat roʻyxatidan oʻtkazish va hisobga qoʻyish uchun belgilangan tartibda amalga oshiriladi”.
Oʻzbekiston Respublikasi Hukumatining oʻz kuchini yoʻqotgan qarorlari roʻyxati
1. Oʻzbekiston Respublikasi Vazirlar Mahkamasining “Oʻzbekiston Respublikasi hududidagi korxonalarni davlat roʻyxatidan oʻtkazish toʻgʻrisidagi Nizomni tasdiqlash haqida” 1991-yil 12-iyundagi 159-son qarori (Oʻzbekiston Respublikasi QT, 1991-y., 6-son, 19-modda).
2. Oʻzbekiston Respublikasi Vazirlar Mahkamasining “Oʻzbekiston Respublikasida birjalar faoliyatini muvofiqlashtirish toʻgʻrisida” 1992-yil 3-martdagi 95-son qarori (Oʻzbekiston Respublikasi QT, 1992-y., 3-son, 5-modda).
3. Oʻzbekiston Respublikasi Vazirlar Mahkamasining “Korxonalarga (tashkilotlarga) faoliyatning ayrim turlari bilan shugʻullanish huquqini beradigan maxsus ruxsatnomalar (litsenziyalar) berish tartibi toʻgʻrisidagi Nizomga qoʻshimchalar kiritish va Oʻzbekiston Respublikasi hukumatining ayrim qarorlarini oʻzgartirish va oʻz kuchini yoʻqotgan deb hisoblash haqida” 1993-yil 19-martdagi 147-son qarorining 1-bandi.
4. Oʻzbekiston Respublikasi Vazirlar Mahkamasining “Auditorlarni va auditorlik firmalarini davlat roʻyxatiga olish toʻgʻrisidagi Nizomni tasdiqlash haqida” 1993-yil 17-iyundagi 293-son qarori (Oʻzbekiston Respublikasi QT, 1993-y., 6-son, 24-modda).
5. Oʻzbekiston Respublikasi Vazirlar Mahkamasining “Davlat korxonalarini ochiq turdagi aksionerlik jamiyatlariga aylantirishga oid tashkiliy chora-tadbirlar toʻgʻrisida” 1995-yil 15-iyundagi 221-son qarorining 4-bandi (Oʻzbekiston Respublikasi QT, 1995-y., 6-son, 21-modda).
6. Oʻzbekiston Respublikasi Vazirlar Mahkamasining “Moliya-sanoat guruhlari toʻgʻrisidagi Nizomni tasdiqlash haqida” 1995-yil 12-sentabrdagi 354-son qarori (Oʻzbekiston Respublikasi QT, 1995-y., 9-son, 32-modda).
7. Oʻzbekiston Respublikasi Vazirlar Mahkamasining “Oʻzbekiston Respublikasida xorijiy investitsiyalar ishtirokidagi korxonalarni tashkil etish, davlat roʻyxatidan oʻtkazish va tugatish tartibi toʻgʻrisida” 1997-yil 2-iyuldagi 336-son qarori 1-bandining birinchi va ikkinchi xatboshilari hamda qarorga 1-ilova (Oʻzbekiston Respublikasi QT, 1997-y., 7-son, 24-modda).
9. Oʻzbekiston Respublikasi Vazirlar Mahkamasining “Oʻzbekiston Respublikasi hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2001-yil 27-iyundagi 276-son qaroriga ilovaning 1-bandi (Oʻzbekiston Respublikasi QT, 2001-y., 6-son, 34-modda).
(Oʻzbekiston Respublikasi Qonun hujjatlari toʻplami, 2001-y., 15-16-son, 106-modda; 2003-y., 4-son, 42-modda; 7-8-son, 66-modda; 15-16-son, 130-modda; 2004-y., 29-son, 335-modda; 2005-y., 5-6-son, 34-modda)
