Hujjat kuchini yo‘qotgan " " 30.08.2024

Oʻzbekiston Respublikasi Prezidentining

Qarori

Oʻzbekiston Respublikasi Tashqi ishlar vazirligi faoliyatini yanada takomillashtirishga doir tashkiliy chora-tadbirlar toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2024-yil 30-avgustdagi PF-133-sonli “Maʼmuriy islohotlar doirasida Tashqi ishlar vazirligi faoliyatini samarali tashkil qilish chora-tadbirlari toʻgʻrisida”gi Farmoniga asosan oʻz kuchini yoʻqotgan.

Oʻzbekiston Respublikasi Prezidentining “Oʻzbekiston Respublikasi Tashqi ishlar vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yoʻnalishlarini amalga oshirishda uning masʼuliyatini kuchaytirish chora-tadbirlari toʻgʻrisida”gi 2018-yil 5-apreldagi PF-5400-son Farmoni ijrosini taʼminlash maqsadida:

Oldingi tahrirga qarang.

(1-band Oʻzbekiston Respublikasi Prezidentining 2020-yil 26-fevraldagi PQ-4620-sonli qaroriga asosan oʻz kuchini yoʻqotgan)

2. Quyidagilar:

Oʻzbekiston Respublikasi Tashqi ishlar vazirligining tashkiliy tuzilmasi 1-ilovaga muvofiq;

boshqaruv xodimlarining cheklangan soni 256 nafar boʻlgan Oʻzbekiston Respublikasi Tashqi ishlar vazirligi markaziy apparatining tuzilmasi 2-ilovaga muvofiq;

Oʻzbekiston Respublikasi Tashqi ishlar vazirligi toʻgʻrisidagi nizom 3-ilovaga muvofiq;

Oʻzbekiston Respublikasi Tashqi ishlar vazirligi tizimi xodimlarining diplomatik martabalari toʻgʻrisidagi nizom 4-ilovaga muvofiq;

Tashqi ishlar vazirligi tizimi xodimlarining diplomatik martabalari va uzoq muddat xizmat qilganligi uchun lavozim maoshiga Oʻzbekiston Respublikasi Davlat budjeti mablagʻlari hisobidan qoʻshiladigan ustamalar miqdorlari 5 va 6-ilovalarga muvofiq;

Oʻzbekiston Respublikasining diplomatik xizmat organlarini rivojlantirish jamgʻarmasi toʻgʻrisidagi nizom 7-ilovaga muvofiq;

Tashqi ishlar vazirligining Qoraqalpogʻiston Respublikasi va viloyatlardagi Oʻzbekiston Respublikasi Davlat budjeti mablagʻlari hisobidan moliyalashtiriladigan hududiy boʻlinmalari boshqaruv xodimlarining cheklangan soni 8-ilovaga muvofiq tasdiqlansin.

3. Tashqi ishlar vazirligining Qoraqalpogʻiston Respublikasi va viloyatlardagi hududiy boʻlinmalarining asosiy vazifalari etib quyidagilar belgilansin:

savdo, investitsiya va turizm sohalarida mintaqalararo hamda xalqaro hamkorlikni yoʻlga qoʻyish va rivojlantirishda mahalliy davlat hokimiyati organlariga koʻmaklashish;

mahalliy davlat hokimiyati organlarining mamlakat tegishli hududlariga biriktirilgan Oʻzbekiston Respublikasining xorijdagi muassasalari bilan oʻzaro hamkorligini muvofiqlashtirish;

mamlakat hududida jismoniy va yuridik shaxslarga konsullik-huquqiy yordam koʻrsatish;

mahalliy davlat hokimiyati organlariga xorijiy mamlakatlar va xalqaro tashkilotlarning yuqori martabali mansabdor shaxslari ishtirokidagi xalqaro ahamiyatga ega tadbirlarni tayyorlash hamda oʻtkazishda koʻmaklashish.

4. Oʻzbekiston Respublikasi tashqi ishlar vaziriga:

zarur hollarda, Oʻzbekiston Respublikasi Tashqi ishlar vazirligining markaziy apparati, hududiy boʻlinmalari va tasarrufidagi idoraviy tashkilotlar tuzilmasiga xodimlarning belgilangan shtatlar soni doirasida oʻzgartirishlar kiritish;

Moliya vazirligi bilan kelishgan holda Oʻzbekiston Respublikasining xorijdagi diplomatik va konsullik muassasalarining yillik jamlanma xarajatlar smetasini joriy yilning 1-fevraliga qadar tasdiqlash;

Oʻzbekiston Respublikasining xorijdagi diplomatik va konsullik muassasalarining moddama-modda normativ boʻyicha xarajatlar asosida ishlab chiqilgan yillik xarajatlar smetasini joriy yilning 15-fevraliga qadar tasdiqlash;

Oʻzbekiston Respublikasi Tashqi ishlar vazirligi va uning hududiy boʻlinmalari xodimlarining lavozim maoshiga ularning ish hajmi hamda samaradorligini hisobga olgan holda Oʻzbekiston Respublikasining diplomatik xizmat organlarini rivojlantirish jamgʻarmasi mablagʻlari hisobidan 200 foizgacha har oylik ustamalar belgilash huquqi berilsin.

5. 2018-yil 1-maydan boshlab Oʻzbekiston Respublikasi Tashqi ishlar vazirligining markaziy apparati xodimlari mehnatiga haq toʻlash razryadlari Yagona tarif setkasi boʻyicha bir razryadga oshirilsin.

6. Belgilab qoʻyilsinki:

Oʻzbekiston Respublikasi tashqi ishlar vaziri, shuningdek, uning oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi;

Oldingi tahrirga qarang.

(6-bandning uchinchi xatboshisi Oʻzbekiston Respublikasi Prezidentining 2022-yil 2-dekabrdagi PF-258-sonli Farmoniga asosan chiqarilgan — Qonunchilik maʼlumotlari milliy bazasi, 03.12.2022-y., 06/22/258/1064-son)

tashqi ishlar vazirining maslahatchisi — Ijro etuvchi apparat rahbari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi hamda maqomi, mehnatga haq toʻlash, tibbiy va transport taʼminoti shartlari boʻyicha Oʻzbekiston Respublikasi tashqi ishlar vazirining oʻrinbosariga tenglashtiriladi;

Oʻzbekiston Respublikasi Tashqi ishlar vazirligining Jamoatchilik va ommaviy axborot vositalari bilan aloqalar boshqarmasi boshligʻi ommaviy diplomatiya masalalari boʻyicha ishlarni muvofiqlashtiradi hamda Tashqi ishlar vazirligining matbuot kotibi — rasmiy vakili vazifalarini bajaradi.

7. Tashqi ishlar vazirligi va Oʻzbekiston Respublikasining xorijdagi muassasalari faoliyati natijadorligini baholash vazirlik rahbariyati hamda Oʻzbekiston Respublikasining xorijdagi muassasalari rahbarlari tomonidan ustuvor tashqi siyosiy va tashqi iqtisodiy vazifalar bajarilishining samaradorligi mezonlari asosida amalga oshirilishi belgilansin.

Vazir zimmasiga — Oʻzbekiston Respublikasining yagona tashqi siyosiy va tashqi iqtisodiy siyosatini samarali amalga oshirish, tegishli vazirlik va idoralar, mahalliy davlat hokimiyati organlarining xalqaro hamkorlik masalalari boʻyicha faoliyatini muvofiqlashtirish, Oʻzbekiston Respublikasining xalqaro nufuzini izchil mustahkamlash, shuningdek, davlatlararo munosabatlarni rivojlantirish hamda milliy manfaatlarni ilgari surish boʻyicha prognoz baholarini va amaliy tavsiyalarni ishlab chiqish orqali tizimli axborot-tahlil ishlarini taʼminlash yuzasidan;

vazirning birinchi oʻrinbosari zimmasiga — xorijiy davlatlar va xalqaro tashkilotlar bilan savdo-iqtisodiy, investitsiyaviy, moliyaviy-texnikaviy va turistik hamkorlikni rivojlantirish masalalari boʻyicha samarali idoralararo aloqalarni taʼminlash, xorijiy davlatlar bilan ikki tomonlama hamkorlik boʻyicha hukumatlararo komissiyalarning (qoʻmitalarning, kengashlarning) Oʻzbekiston qismi faoliyatini tashkil etish, shuningdek, Oʻzbekiston Respublikasining xorijdagi muassasalari tomonidan tashqi iqtisodiy sohada qabul qilingan qarorlar va erishilgan kelishuvlarning amalga oshirilishi yuzasidan;

vazirning ikki tomonlama hamkorlik boʻyicha oʻrinbosari zimmasiga — xorijiy mamlakatlar bilan ikki tomonlama hamkorlikning ustuvor yoʻnalishlarini mustahkamlash va rivojlantirish, yuqori hamda oliy darajadagi tashriflarni puxta tayyorlash va natijali oʻtkazish, amaliy ahamiyat kasb etuvchi kelishuvlarga erishish, shuningdek, siyosiy-diplomatik, savdo-iqtisodiy, transport-kommunikatsiyaviy, madaniy-gumanitar, ilmiy-texnikaviy va boshqa sohalardagi hamkorlik rejalarining (“yoʻl xaritalari”ning) oʻz vaqtida hamda toʻlaqonli amalga oshirilishini taʼminlash yuzasidan;

vazirning koʻp tomonlama hamkorlik boʻyicha oʻrinbosari zimmasiga — xalqaro tashkilotlar va formatlar doirasidagi koʻp tomonlama hamkorlikning ustuvor yoʻnalishlarini mustahkamlash va rivojlantirish, mamlakatning mintaqaviy va global taraqqiyotning muhim masalalari boʻyicha xalqaro tashabbuslari, nuqtai nazari va yondashuvlarini ilgari surish, yuqori malakali diplomatik kadrlarni samarali tayyorlash, shuningdek, xorijdagi vatandoshlar bilan har tomonlama muloqotni qoʻllab-quvvatlash yuzasidan;

vazir maslahatchisi — Ijro etuvchi apparat rahbari zimmasiga — konsullik xizmatlari koʻrsatilishining sifati va tezkorligini taʼminlash, xorijda Oʻzbekiston Respublikasi fuqarolari va yuridik shaxslarining huquq va qonuniy manfaatlarini taʼsirchan himoya qilish, ularning murojaatlarini har tomonlama koʻrib chiqish, vazirlik hamda Oʻzbekiston Respublikasining xorijdagi muassasalari faoliyatiga zamonaviy axborot-kommunikatsiya texnologiyalarini joriy etish, shuningdek, moliya-xoʻjalik faoliyatini samarali amalga oshirish yuzasidan;

Oʻzbekiston Respublikasining xorijdagi muassasalari rahbarlari zimmasiga — xorijiy sheriklar bilan har tomonlama hamkorlikni yoʻlga qoʻyish va rivojlantirish, tasdiqlangan “yoʻl xaritalari”ni amalga oshirishning natijadorligi, mamlakatning tashqi siyosiy hamda savdo-iqtisodiy manfaatlarini diplomatik va boshqa xalqaro-huquqiy vositalar orqali ilgari surishni taʼminlash, oʻzi ishlab turgan davlatdan investitsiyalar va sayyohlar oqimini jalb qilish, shuningdek, Oʻzbekiston Respublikasi jismoniy va yuridik shaxslarining huquq va qonuniy manfaatlarini himoya qilish, xorijdagi vatandoshlar bilan oʻzaro manzilli hamkorlik qilish yuzasidan shaxsiy masʼuliyat yuklansin.

8. Tashqi ishlar vazirligi Axborot texnologiyalari va kommunikatsiyalarini rivojlantirish vazirligi bilan birgalikda ikki oy muddatda tashqi siyosiy idora, Oʻzbekiston Respublikasining xorijdagi muassasalari tizimida ilgʻor texnologiyalardan foydalanib, shu jumladan, quyidagilarni nazarda tutgan holda axborot-kommunikatsiya texnologiyalarini tubdan takomillashtirish va rivojlantirish boʻyicha kompleks chora-tadbirlarni ishlab chiqsin va tasdiqlasin:

Tashqi ishlar vazirligining moddiy-texnika bazasini zamonaviy kompyuter texnikasi va dasturiy taʼminot vositalari bilan mustahkamlash, axborot tarmoqlarini modernizatsiyalash, axborot xavfsizligini mustahkamlash;

Oʻzbekiston Respublikasi xorijdagi muassasalarining ishlab turilgan mamlakat bilan faol va tizimli ish olib borish boʻyicha “yoʻl xaritalari”ni monitoring qilishning axborot tizimini joriy etish;

himoyalangan videokonferensaloqa tizimini, shuningdek, xalqaro shartnomalarni, ularning amalga oshirilishini inventarizatsiya va monitoring qilishni yagona hisobga olish elektron maʼlumotlar bazasini yaratish;

veb-saytlarni, konsullik xizmatlarini koʻrsatish tartibini takomillashtirish va ularni elektron shaklga oʻtkazish;

Tashqi ishlar vazirligining Murojaatlarni qabul qilish sektori (call-center)ni zamonaviy asbob-uskunalar va aloqa texnika vositalari bilan jihozlash, kelib tushayotgan murojaatlar bilan ishlash yagona elektron tizimini va zarur dasturiy taʼminotlarni yaratish;

Internet tarmogʻi, shu jumladan, ijtimoiy platformalarning imkoniyatlaridan keng foydalanishni nazarda tutadigan “raqamli diplomatiya”ning qoʻllanilishini kengaytirish.

9. Belgilab qoʻyilsinki:

mazkur qarorning 8-bandida nazarda tutilgan kompleks chora-tadbirlarni amalga oshirish bilan bogʻliq xarajatlar Axborot-kommunikatsiya texnologiyalarini rivojlantirish jamgʻarmasi mablagʻlari hisobidan amalga oshiriladi;

Tashqi ishlar vazirligining axborot-kommunikatsiya texnologiyalarini rivojlantirish va joriy etish uchun masʼul boʻlgan boʻlinmalari xodimlariga Oʻzbekiston Respublikasining Davlat budjeti mablagʻlari hisobidan lavozim maoshining 100 foizidan kam boʻlmagan miqdorda qoʻshimcha oylik ustama toʻlanadi.

10. Vazirliklar, idoralar va boshqa davlat tashkilotlari, mahalliy davlat hokimiyati organlari:

chet davlatlar, xalqaro tashkilotlar va xalqaro huquqning boshqa subyektlari bilan Oʻzbekiston Respublikasining milliy manfaatlariga daxldor hamkorlik masalalari boʻyicha oʻz faoliyatini Tashqi ishlar vazirligi bilan muvofiqlashtirib borilishini;

xalqaro shartnomalar loyihalarini qonun hujjatlarida belgilangan tartibda kelishish va huquqiy ekspertizadan oʻtkazish uchun Tashqi ishlar vazirligiga kiritilishini taʼminlasin.

11. Belgilab qoʻyilsinki:

2018-yil 1-maydan boshlab konsullik harakatlarini amalga oshirganlik uchun konsullik yigʻimlaridan tushgan mablagʻlar Oʻzbekiston Respublikasi Davlat budjetiga — 70 foiz, Oʻzbekiston Respublikasining diplomatik xizmat organlarini rivojlantirish jamgʻarmasiga — 30 foiz nisbatida taqsimlanadi;

Oʻzbekiston Respublikasining diplomatik xizmat organlarini rivojlantirish jamgʻarmasi mablagʻlaridan faqat diplomatik xizmat organlarining vazifalarini samarali amalga oshirish, xodimlarni moddiy ragʻbatlantirish, ularning kasbiy mahoratini oshirish, Tashqi ishlar vazirligi va Oʻzbekiston Respublikasining xorijdagi muassasalari moddiy-texnika bazasini modernizatsiya qilish va mustahkamlash uchun foydalaniladi;

2019-yil 1-yanvardan boshlab Tashqi ishlar vazirligining Konsullik-huquqiy departamentiga va Oʻzbekiston Respublikasining xorijdagi muassasalaridagi konsul lavozimlariga ishga qabul qilish, asosan, chet tillarini biladigan va oliy yuridik maʼlumotga, shu jumladan, qonun ustuvorligi hamda fuqarolarning huquq va manfaatlariga soʻzsiz rioya etilishini taʼminlash sohasida ish tajribasiga ega boʻlgan shaxslar tarkibidan amalga oshiriladi;

Tarjimonlar byurosini xodimlar bilan toʻldirish yuqori malakali tarjimonlar, shu jumladan, gid-tarjimonlar tarkibidan amalga oshiriladi.

12. Oʻzbekiston Respublikasi Tashqi ishlar vazirligi ikki oy muddatda:

a) vazirlik tarkibiy tarmoqlari toʻgʻrisidagi nizomlarni va markaziy apparat xodimlarining funksional majburiyatlarini ishlab chiqsin va tasdiqlasin;

b) Tashqi iqtisodiy hamkorlik bosh boshqarmasini, eng avvalo, oliy iqtisodiy maʼlumotga va iqtisodiyotning tegishli tarmoqlarida amaliy ish tajribasiga ega boʻlgan shaxslar tarkibidan toʻldirsin;

v) Moliya vazirligi bilan birgalikda moddiy ragʻbatlantirishning aniq mezonlarini belgilagan holda Tashqi ishlar vazirligi xodimlarini Oʻzbekiston Respublikasining diplomatik xizmat organlarini rivojlantirish jamgʻarmasi mablagʻlari hisobidan moddiy ragʻbatlantirish tartibi toʻgʻrisidagi nizomni tasdiqlasin;

g) Oʻzbekiston Respublikasi Vazirlar Mahkamasiga quyidagilarni nazarda tutuvchi normativ-huquqiy hujjatlarning loyihalarini kiritsin:

budjet mablagʻlaridan oqilona va samarali foydalanishni hisobga olgan holda Oʻzbekiston Respublikasining xorijdagi muassasalarini moliyalashtirish boʻyicha moddama-modda normativlarni tasdiqlash;

xorijda favqulodda vaziyatga tushib qolgan Oʻzbekiston Respublikasi fuqarolariga moliyaviy yordam koʻrsatish mezonlari, shart-sharoitlari va mexanizmini belgilash.

13. Oʻzbekiston Respublikasi Tashqi ishlar vazirligi Toshkent shahar, Mustaqillik maydoni, 5-uy manzilida joylashtirilib, fuqarolarga konsullik xizmatlari koʻrsatiladigan Toshkent shahar, I. Karimov koʻchasi, 11-uy manzilidagi bino uning ixtiyorida qoldirilsin.

14. Oʻzbekiston Respublikasi Vazirlar Mahkamasining Tashqi ishlar vazirligi Qabullar uyini Toshkent shahar hokimligi tasarrufiga oʻtkazish toʻgʻrisidagi taklifi qabul qilinsin.

Toshkent shahar hokimligi:

Qabullar uyining manfaatdor vazirlik va idoralar murojaatlariga binoan xorijiy sheriklar bilan rasmiy tadbirlar hamda muzokaralar oʻtkazish uchun taqdim qilinishini;

Qabullar uyi, shuningdek, unga tutash hududning saqlanishi, samarali va qatʼiy maqsadlarda foydalanilishini taʼminlasin.

15. Tashqi ishlar vazirligi Adliya vazirligi, boshqa manfaatdor vazirlik va idoralar bilan birgalikda ikki oy muddatda:

qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

oʻzlari tomonidan qabul qilingan normativ-huquqiy hujjatlarni mazkur qarorga muvofiqlashtirsin.

16. Vazirlar Mahkamasining “Oʻzbekiston Respublikasida Tashqi ishlar vazirligining faoliyatini tashkil etish va takomillashtirish masalalari toʻgʻrisida”gi 1994-yil 16-martdagi 140-son qarori oʻz kuchini yoʻqotgan deb hisoblansin.

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasi tashqi ishlar vaziri A.X. Kamilov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 5-aprel,

PQ-3654-son

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
1-ILOVA

Oʻzbekiston Respublikasi Tashqi ishlar vazirligining

tashkiliy tuzilmasi

LexUZ sharhi

1-ilova norasmiy tarjima.

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
2-ILOVA

Oʻzbekiston Respublikasi Tashqi ishlar vazirligi markaziy apparatining

tuzilmasi

Boshqaruv xodimlarining cheklangan umumiy soni — 256 nafar,

* texnik va xizmat koʻrsatish xodimlari soni oʻrnatilgan meʼyorlarga muvofiq belgilanadi.

LexUZ sharhi

2-ilova norasmiy tarjima

Oldingi tahrirga qarang.

(3-ilova Oʻzbekiston Respublikasi Prezidentining 2020-yil 26-fevraldagi PQ-4620-sonli qaroriga asosan oʻz kuchini yoʻqotgan)

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
4-ILOVA

Oʻzbekiston Respublikasi Tashqi ishlar vazirligi tizimi xodimlarining diplomatik martabalari toʻgʻrisidagi

N I Z O M

1. Mazkur Nizom Oʻzbekiston Respublikasi Tashqi ishlar vazirligi (keyingi oʻrinlarda — Vazirlik) markaziy apparati xodimlariga, Oʻzbekiston Respublikasi diplomatik vakolatxonalari, konsullik muassasalari rahbarlari va diplomatik personali aʼzolariga hamda Oʻzbekiston Respublikasining xalqaro tashkilotlar huzuridagi missiyalari va vakolatxonalari (keyingi oʻrinlarda — chet el muassasalari), Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimlariga, Vazirlikning hududiy boʻlinmalari, shuningdek, Tahlil va prognozlashtirish markazi, “Dunyo” Axborot agentligi (keyingi oʻrinlarda — “Dunyo” AA) xodimlariga, Jahon iqtisodiyoti va diplomatiya universitetining maʼmuriy-boshqaruv va professor-oʻqituvchilar tarkibiga hamda diplomatik xizmat organlari zimmasiga yuklangan vazifa va funksiyalarni amalga oshirish maqsadida mansab vakolatlari va majburiyatlarini bajarayotgan boshqa quyi tashkilotlarning xodimlariga diplomatik martaba — farqlash darajalarini berish tartibini belgilaydi.

Diplomatik korpusga xizmat koʻrsatish byurosi rahbariyatiga, shuningdek, istisno hollarda, mehnatdagi alohida xizmatlari uchun mazkur byuro xodimlariga, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qaroriga binoan belgilangan tartibda tashkil etiladigan Vazirlik tizimiga kiruvchi boshqa quyi tashkilotlarning xodimlariga ham diplomatik martabalar beriladi.

2. Vazirlik markaziy apparatining xodimlariga, chet el muassasalari rahbarlari va diplomatik personali xodimlariga, Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimlariga, shuningdek, mazkur Nizomning 4-bandida nazarda tutilgan, diplomatik xizmat organlari zimmasiga yuklangan vazifa va funksiyalarni amalga oshirish maqsadida mansab vakolatlari va majburiyatlarini bajarayotgan quyi tashkilotlarning alohida toifalari xodimlariga quyidagi diplomatik martabalar beriladi:

Favqulodda va Muxtor Elchi;

Birinchi darajali Favqulodda va Muxtor Vakil;

Ikkinchi darajali Favqulodda va Muxtor Vakil;

Birinchi darajali maslahatchi;

Ikkinchi darajali maslahatchi;

Birinchi darajali birinchi kotib;

Ikkinchi darajali birinchi kotib;

Birinchi darajali ikkinchi kotib;

Ikkinchi darajali ikkinchi kotib;

Uchinchi kotib;

Attashe.

3. Vazirlik markaziy apparati xodimlariga, chet el muassasalari diplomatik personali aʼzolariga, Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimlariga, Vazirlikning hududiy boʻlinmalari, shuningdek, Tahlil va prognozlashtirish markazi, “Dunyo” AA xodimlariga, Jahon iqtisodiyoti va diplomatiya universitetining maʼmuriy-boshqaruv va professor-oʻqituvchilar tarkibiga hamda diplomatik xizmat organlari zimmasiga yuklangan vazifa va funksiyalarni amalga oshirish maqsadida mansab vakolatlari va majburiyatlarini bajarayotgan boshqa quyi tashkilotlarning xodimlariga ijobiy xizmat tavsifnomasi, malakasiga, egallab turgan lavozimiga muvofiq oliy maʼlumotga va ish stajiga ega boʻlgan taqdirda yuqorida koʻrsatilgan ketma-ketlikda diplomatik martabalar beriladi.

4. Quyidagi lavozimlarni egallab turgan shaxslarga diplomatik martabalar beriladi:

Favqulodda va Muxtor Elchi	—	Oʻzbekiston Respublikasi tashqi ishlar vaziriga, Oʻzbekiston Respublikasining Favqulodda va Muxtor Elchisiga, Oʻzbekiston Respublikasining BMT huzuridagi Doimiy vakolatxonasi boshligʻiga, Oʻzbekiston Respublikasi tashqi ishlar vaziri oʻrinbosariga, Oʻzbekiston Respublikasining alohida topshiriqlar boʻyicha Elchisiga, vazir maslahatchisi — Ijro etuvchi apparat rahbariga.
Birinchi darajali Favqulodda va Muxtor Vakil	—	Oʻzbekiston Respublikasining Favqulodda va Muxtor Elchisiga, Oʻzbekiston Respublikasining Favqulodda va Muxtor Vakiliga, Oʻzbekiston Respublikasining xalqaro tashkilot huzuridagi doimiy vakiliga, Oʻzbekiston Respublikasi tashqi ishlar vaziri oʻrinbosariga, Oʻzbekiston Respublikasining alohida topshiriqlar boʻyicha elchisiga, vazir maslahatchisi — Ijro etuvchi apparat rahbariga.
Ikkinchi darajali Favqulodda va Muxtor Vakil	—	Oʻzbekiston Respublikasining Favqulodda va Muxtor Elchisiga, Oʻzbekiston Respublikasining Favqulodda va Muxtor Vakiliga, Oʻzbekiston Respublikasining xalqaro tashkilot huzuridagi doimiy vakiliga, Oʻzbekiston Respublikasi tashqi ishlar vaziri oʻrinbosariga, Oʻzbekiston Respublikasining alohida topshiriqlar boʻyicha Elchisiga, vazir maslahatchisi — Ijro etuvchi apparat rahbariga.
Birinchi darajali maslahatchi	—	Bosh konsulga, maslahatchi vakilga, chet el muassasasi maslahatchisiga, xalqaro tashkilot huzuridagi doimiy vakil oʻrinbosariga, xalqaro tashkilot rahbari oʻrinbosari / maslahatchisiga (kvota asosida), chet el muassasasining maxsus attashesiga, tarkibiy boʻlinmalarning rahbarlariga, quyi tashkilotlar va hududiy boʻlimlarning rahbarlar tarkibiga.
Ikkinchi darajali maslahatchi	—	Mustaqil boʻlim rahbariga, Vazirlik tarkibiy boʻlinmasining rahbariga, tarkibiy boʻlinma boʻlimi boshligʻiga, chet el muassasasining maxsus attashesiga, tarkibiy boʻlinmalarning rahbarlariga, quyi tashkilotlar va hududiy boʻlinmalarning rahbarlar tarkibiga.
Birinchi darajali birinchi kotib	—	Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimiga, chet el muassasasi birinchi kotibiga, konsuliga, boʻlinmalarning rahbarlariga, quyi tashkilotlar va hududiy boʻlimlarning rahbarlar tarkibiga.
Ikkinchi darajali birinchi kotib	—	Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimiga, chet el muassasasining birinchi kotibiga, konsuliga, tarkibiy boʻlinmalarning rahbarlariga, quyi tashkilotlar va hududiy boʻlimlarning rahbarlar tarkibiga.
Birinchi darajali ikkinchi kotib	—	Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimiga, chet el muassasasining ikkinchi kotibga, vitse-konsuliga, Vazirlikning ikkinchi kotibiga, Tahlil va prognozlashtirish markazining bosh ilmiy xodimiga hamda quyi tashkilotlar va hududiy boʻlimlarning unga tenglashtirilgan lavozimlariga.
Ikkinchi darajali ikkinchi kotib	—	Oʻzbekiston Respublikasi uchun ajratilgan kvotali lavozimlarda ishlash uchun xalqaro tashkilotlarga yuborilgan Vazirlik xodimiga, chet el muassasasining uchinchi kotibiga, konsullik agentiga, Vazirlikning uchinchi kotiblariga, Tahlil va prognozlashtirish markazining bosh ilmiy xodimiga hamda quyi tashkilotlar va hududiy boʻlimlarning unga tenglashtirilgan lavozimlariga
Uchinchi kotib	—	Oʻzbekiston Respublikasining chet el muassasasi uchinchi kotibiga, vitse-konsuliga, konsullik agentiga, Vazirlikning uchinchi kotibiga, Tahlil va prognozlashtirish markazining yetakchi ilmiy xodimiga hamda quyi tashkilotlar va hududiy boʻlimlarning unga tenglashtirilgan lavozimlariga.
Attashe	—	chet el muassasasi attashesiga, Vazirlik attashesi hamda quyi tashkilotlar va hududiy boʻlimlarning unga tenglashtirilgan lavozimlariga.

5. Favqulodda va Muxtor Elchi, birinchi va ikkinchi darajali Favqulodda va Muxtor Vakil diplomatik martabalari Oʻzbekiston Respublikasi tashqi ishlar vazirining taqdimnomasiga binoan Oʻzbekiston Respublikasi Prezidenti tomonidan beriladi.

Birinchi va ikkinchi darajalardagi maslahatchi, birinchi va ikkinchi darajalardagi birinchi kotib, birinchi va ikkinchi darajalardagi ikkinchi kotib, uchinchi kotib va attashe diplomatik martabalari Vazirlik Hayʼatining qarorlari asosida Oʻzbekiston Respublikasi tashqi ishlar vazirining buyrugʻi bilan beriladi.

6. Har bir diplomatik martaba uchun diplomatik lavozimni egallab turish quyidagi muddatlarni tashkil etadi:

Attashe	2 yil
Uchinchi kotib	2 yil
Ikkinchi darajali ikkinchi kotib	2 yil
Birinchi darajali ikkinchikotib	2 yil
Ikkinchi darajali birinchi kotib	3 yil
Birinchi darajali birinchi kotib	3 yil
Ikkinchi darajali maslahatchi	4 yil
Birinchi darajali maslahatchi	4 yil

Boshlangʻich attashe diplomatik martabasi Vazirlik tizimidagi diplomatik lavozimda kamida bir yil ishlagan shaxsga (xodimga) beriladi.

Favqulodda va Muxtor Elchi, birinchi va ikkinchi darajalardagi Favqulodda va Muxtor Vakil martabalari umrbod muddatga beriladi.

Boshqa diplomatik martabalarga ega boʻlgan mansabdor shaxslar Vazirlik tizimidan pensiyaga chiqqan taqdirda ushbu diplomatik martabalar mazkur shaxslarda (xodimlarda) saqlanib qoladi.

Vazirlik yoʻli bilan uzoq muddatga oʻqishga yuborilgan xodimlarning diplomatik martabalari saqlanib qoladi. Xodim oʻqishdan va diplomatik lavozimdagi mehnat faoliyatiga qaytganidan soʻng navbatdagi diplomatik martaba ushbu Nizomda belgilangan muddatlarda beriladi.

Ilgari diplomatik martabaga ega boʻlgan va boshqa davlat tashkilotlariga ishga oʻtganligi munosabati bilan Vazirlik tizimidan ozod qilingan shaxslar (xodimlar) Vazirlik tizimiga takroran ishga joylashganida ularning hozirgi diplomatik lavozimda boʻlishi muddatini hisobga olgan holda navbatdagi diplomatik martabalar berilishi mumkin.

Diplomatik martabalarga, shu jumladan Favqulodda va Muxtor Elchi, birinchi va ikkinchi darajalardagi Favqulodda va Muxtor Vakil diplomatik martabalariga ega boʻlgan shaxslar Oʻzbekiston Respublikasi qonunchiligiga muvofiq, jinoiy javobgarlikni keltirib chiqaradigan nojoʻya ishlarni sodir etganlikda aybdor deb topilgan taqdirda diplomatik martabadan mahrum qilinishi mumkin.

7. Oʻzbekiston Respublikasi tashqi ishlar vaziri, oʻz vakolatlari doirasida, quyidagi hollarda alohida tartibda diplomatik martabalar berish huquqiga ega:

a) mamlakatning milliy manfaatlarini himoya qilish va respublikaning obroʻsini oshirish ishida (toʻgʻridan-toʻgʻri lavozim majburiyatlaridan tashqari) koʻrsatgan xizmatlari uchun avvalgi diplomatik martabada belgilangan xizmat muddati tugamasdan avval, ammo Vazirlik tizimidagi ish davrida koʻpi bilan ikki marotaba;

b) navbatga rioya etilmagan holda, ammo xodim yuqoriroq lavozimga koʻtarilish vaqtida ega boʻlgan diplomatik martabadan koʻpi bilan ikki pogʻona yuqori;

v) diplomatik martaba berishga ilk marotaba taqdim etilgan xodimlarga u egallab turgan lavozim boʻyicha nazarda tutilganiga nisbatan bir pogʻona past diplomatik martaba berish;

g) xizmat vazifalarini muvaffaqiyatli ado etganligi va ishda erishgan salmoqli yutuqlari uchun Vazirlikning mustaqil, shu jumladan xoʻjalik hisobidagi boʻlinmalari rahbarlariga;

d) ilgari Vazirlik tizimida diplomatik lavozimlarda ishlagan Oʻzbekiston Respublikasi Prezidenti Administratsiyasining, Vazirlar Mahkamasining, davlat muassasalari hamda mahalliy davlat hokimiyati organlarining xodimlariga Oʻzbekiston Respublikasi Prezidenti Administratsiyaning tegishli tarkibiy boʻlinmasi, Vazirlar Mahkamasi kompleksi rahbarining, shuningdek, davlat muassasasi va mahalliy davlat hokimiyati organi rahbarlarining tavsiyanomalari asosida. Bunda, mazkur organlardagi ish vaqti diplomatik martaba berish uchun zarur boʻlgan ish stajiga qoʻshiladi.

8. Bir diplomatik martabada belgilangan xizmat muddatini oʻtagan, biroq xizmat faoliyatida yoki xulq-atvorida jiddiy kamchiliklari boʻlgan Vazirlik tizimi xodimlariga navbatdagi diplomatik martaba berilmaydi.

9. Xizmat vazifalarini qoʻpol ravishda buzganligi yoki muntazam ravishda lozim darajada bajarmaganligi uchun xodimning martabasi pasaytirilishi mumkin.

10. Favqulodda va Muxtor Elchi, birinchi va ikkinchi darajalardagi Favqulodda va Muxtor Vakil martabasiga ega boʻlgan shaxslar (xodimlar)ga nisbatan diplomatik martabani pasaytirish yoki undan mahrum qilish Oʻzbekiston Respublikasi Prezidenti tomonidan amalga oshiriladi.

11. Vazirlik markaziy apparatining xodimlariga, chet el muassasalari diplomatik personali xodimlariga, hududiy boʻlimlar, shuningdek, Tahlil va prognozlashtirish markazi, “Dunyo” AA xodimlariga, Jahon iqtisodiyoti va diplomatiya universitetining maʼmuriy-boshqaruv va professor-oʻqituvchilar tarkibiga hamda diplomatik xizmat organlari zimmasiga yuklangan vazifa va funksiyalarni amalga oshirish maqsadida mansab vakolatlari va majburiyatlarini bajarayotgan boshqa quyi tashkilotlarning diplomatik martabaga ega boʻlgan xodimlariga oʻrnatilgan tartibda belgilanadigan miqdorlarda lavozim maoshlariga qoʻshimcha haq tayinlanadi.

LexUZ sharhi

4-ilova norasmiy tarjima.

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
5-ILOVA

Oʻzbekiston Respublikasi Tashqi ishlar vazirligi tizimi xodimlarining diplomatik martabalari uchun lavozim maoshlariga qoʻshiladigan ustamalar

MIQDORI

T/r	Diplomatik martabalar nomlanishi	Lavozim maoshiga nisbatan foiz hisobidagi ustamalar miqdori
1.	Attashe	35
2.	Uchinchi kotib	40
3.	Ikkinchi darajali ikkinchi kotib	45
4.	Birinchi darajali ikkinchi kotib	50
5.	Ikkinchi darajali birinchi kotib	55
6.	Birinchi darajali birinchi kotib	60
7.	Ikkinchi darajali maslahatchi	65
8.	Birinchi darajali maslahatchi	70
9.	Ikkinchi darajali Favqulodda va Muxtor Vakil	75
10.	Birinchi darajali Favqulodda va Muxtor Vakil	80
11.	Favqulodda va Muxtor Elchi	85

LexUZ sharhi

5-ilova norasmiy tarjima.

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
6-ILOVA

Oʻzbekiston Respublikasi Tashqi ishlar vazirligi tizimi xodimlarining uzoq muddat xizmat qilganligi uchun lavozim maoshiga qoʻshiladigan ustamalar

MIQDORI

T/r	Tashqi ishlar vazirligi tizimidagi umumiy ish staji	Lavozim maoshiga nisbatan foiz hisobidagi ustamalar miqdori
1.	2 yildan 5 yilgacha	10
2.	5 yildan 10 yilgacha	20
3.	10 yildan 15 yilgacha	30
4.	15 yildan 20 yilgacha	40
5.	20 yildan 25 yilgacha	50
6.	25 yildan yuqori	60

LexUZ sharhi

6-ilova norasmiy tarjima.

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
7-ILOVA

Oʻzbekiston Respublikasining diplomatik xizmat organlarini rivojlantirish jamgʻarmasi toʻgʻrisida

NIZOM

1. Oʻzbekiston Respublikasining diplomatik xizmat organlarini rivojlantirish jamgʻarmasi (keyingi oʻrinlarda — Jamgʻarma) diplomatik xizmat organlari vazifalarini samarali amalga oshirish, xodimlarni moddiy ragʻbatlantirish va professional jihatdan rivojlantirish, shuningdek, diplomatik xizmat organlarining moddiy-texnik bazasini modernizatsiya qilish va mustahkamlash maqsadida tashkil etilgan.

2. Jamgʻarma:

Oʻzbekiston Respublikasining fuqarolari va yuridik shaxslaridan, xorijiy fuqarolar va fuqaroligi boʻlmagan shaxslardan konsullik harakatlari amalga oshirilganligi uchun belgilangan tartibda undiriladigan yigʻimlar;

Oʻzbekiston Respublikasiga kirish paytida xorijiy fuqarolar tomonidan kirish yigʻimini toʻlashdan tushgan mablagʻlar;

Oʻzbekiston Respublikasi Tashqi ishlar vazirligi (keyingi oʻrinlarda — Vazirlik) tizimidagi mavjud noshirlik va xoʻjalik faoliyatidan tushgan foyda va ijara toʻlovlari (foyda soligʻi toʻlangandan keyin);

Oʻzbekiston Respublikasidagi xorijiy diplomatik korpusga koʻrsatiladigan xizmatlar haqi sifatida Diplomatik korpusga xizmat koʻrsatish byurosining hisobvaragʻiga kelib tushadigan mablagʻlar;

Oʻzbekiston Respublikasi Davlat budjetining mablagʻlari;

Qonun hujjatlari bilan taqiqlanmagan boshqa manbalar hisobiga shakllantiriladi.

3. Jamgʻarma mablagʻlarining kirim va chiqimlarini hisobga olish mahalliy va xorijiy valyutalarda alohida-alohida amalga oshiriladi.

4. Jamgʻarma mablagʻlari:

diplomatik xizmat vazifalarini samarali amalga oshirish;

Vazirlik markaziy apparati va uning hududiy boʻlinmalari xodimlarini moddiy ragʻbatlantirish;

Vazirlik xodimlarini chet mamlakatlarga xizmat safarlariga yuborish;

Vazirlik tizimi xodimlarini tayyorlash, qayta tayyorlash va malakasini oshirish;

axborot texnologiyalarini joriy etish va modernizatsiya qilish, Vazirlik tizimidagi va chet el muassasalarining moddiy-texnik bazasini mustahkamlash;

Vazirlik hamda Jahon iqtisodiyoti va diplomatiya universitetining ixtisoslashtirilgan kutubxonalarini shakllantirish, maʼlumotnoma adabiyotlari va turli davriy nashrlarni sotib olish;

Vazirlik faoliyatini yaxshilashga qaratilgan boshqa tadbirlar uchun ishlatiladi.

5. Jamgʻarma mablagʻlaridan foydalanish Oʻzbekiston Respublikasi tashqi ishlar vaziri tomonidan tasdiqlanadigan xarajatlar smetasi asosida, diplomatik xizmat organlarini rivojlantirish dasturlarini yoki tashqi siyosiy faoliyat bilan bogʻliq aniq tadbirlarni moliyalashtirish orqali amalga oshiriladi. Tegishli dasturlar, ularni moliyalashtirish limitlari va Jamgʻarmaning har yili zaxiraga olib qoʻyiladigan bir qismi miqdori Jamgʻara Kengashi tomonidan belgilanadi.

Oʻzbekiston Respublikasi tashqi ishlar vaziri Jamgʻarma Kengashiga rahbarlik qiladi va uning shaxsiy tarkibini tasdiqlaydi.

Jamgʻarma mablagʻlaridan foydalanish boʻyicha qaror Jamgʻarma Kengashi aʼzolarining koʻpchilik ovozi bilan qabul qilinadi. Jamgʻarma Kengashi tomonidan oʻrnatilgan limitlar doirasidagi dasturlar boʻyicha xarajatlar smetalarini tasdiqlash va tuzatishlar kiritish, shuningdek, Jamgʻarmaning zaxiradagi mablagʻlaridan foydalanish Oʻzbekiston Respublikasi tashqi ishlar vaziri zimmasiga yuklanadi.

6. Jamgʻarma mablagʻlaridan foydalanish toʻgʻrisidagi hisobot har yili Jamgʻarma Kengashi tomonidan koʻrib chiqiladi va Vazirlik tomonidan Oʻzbekiston Respublikasi Moliya vazirligiga belgilangan tartibda taqdim etiladi.

7. Jamgʻarma mablagʻlarini jamgʻarish va sarflash operatsiyalariga texnik xizmat koʻrsatish boʻyicha amaliy ishlar Vazirlikning markaziy apparati tomonidan amalga oshiriladi. Ushbu maqsadlarda mustaqil tashkilotlar tuzilmaydi.

LexUZ sharhi

7-ilova norasmiy tarjima.

Oʻzbekiston Respublikasi Prezidentining 2018-yil 5-apreldagi PQ-3654-son qaroriga
8-ILOVA

Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi hududiy boʻlinmalari boshqaruv xodimlarining

CHEKLANGAN SONI

T/r	Hududlar	Boshqaruv xodimlari soni
1.	Qoraqalpogʻiston Respublikasi	2
2.	Andijon viloyati	2
3.	Buxoro viloyati	2
4.	Jizzax viloyati	1
5.	Qashqadaryo viloyati	2
6.	Navoiy viloyati	1
7.	Namangan viloyati	1
8.	Samarqand viloyati	2
9.	Surxondaryo viloyati	2
10.	Sirdaryo viloyati	1
11.	Toshkent viloyati	1
12.	Fargʻona viloyati	1
13.	Xorazm viloyati	2
Jami:		20

LexUZ sharhi

8-ilova norasmiy tarjima,

(Qonun hujjatlari maʼlumotlari milliy bazasi, 06.04.2018-y., 07/18/3654/1024-son; 30.05.2019-y., 06/19/5733/3216-son; Qonunchilik maʼlumotlari milliy bazasi, 03.12.2022-y., 06/22/258/1064-son)