Oʻzbekiston Respublikasi Prezidentining

Qarori

Qishloq xoʻjaligining texnik jihozlanish darajasini yanada oshirish borasidagi qoʻshimcha chora-tadbirlar toʻgʻrisida

[Koʻchirma]

Respublika qishloq xoʻjaligining asosiy texnika turlari bilan, birinchi galda, yer haydash, ekin ekish va hosilni yigʻib-terib olish kabi qishloq xoʻjaligi ishlab chiqarishi samaradorligini belgilab beruvchi asosiy agrotexnika ishlari boʻyicha taʼminlanish darajasining hozirgi holatini, shuningdek, qishloq xoʻjaligi texnikasi yetkazib berishni moliyalashtirishni tashkillashtirish masalalarini tanqidiy tahlil qilish bir qator hal etilmagan muammo va kamchiliklar mavjudligini koʻrsatdi:

birinchidan, qishloq xoʻjaligi ishlab chiqarishida foydalaniladigan qishloq xoʻjaligi texnikasining umumiy parkida jami 146,3 mingta texnikadan 56,2 mingtasi 15 yildan koʻproq vaqtdan buyon ishlatib kelinmoqda va bosqichma-bosqich yangilanishni taqozo etmoqda;

ikkinchidan, mashina-traktor parklarining moliyaviy-iqtisodiy holati amaldagi stavkalar boʻyicha tijorat kreditlarini jalb etgan holda yangi qishloq xoʻjaligi texnikasini sotib olish imkonini bermaydi;

uchinchidan, mashina-traktor parklari tomonidan koʻrsatilayotgan mexanizatsiyalashtirilgan xizmatlar haqini toʻlash tariflari darajasi paxta va gʻalla xarid narxlarining umumiy hajmida hosildorligi past xoʻjaliklarning chiqimlarini qoplamaydi;

toʻrtinchidan, qishloq xoʻjaligiga jalb etilgan korxonalar va tashkilotlarni davlat tomonidan qoʻllab-quvvatlash hamda qishloq xoʻjaligi texnikasi parkini yangilash jarayonlarini ragʻbatlantirishning amaldagi mexanizmlari bugungi kun talablariga mos kelmaydi;

beshinchidan, mahalliy davlat hokimiyati organlari mintaqaning qishloq xoʻjaligi texnikasi bilan taʼminlanishi, shuningdek, qishloq xoʻjaligida mexanizatsiyalashtirilgan va servis xizmatlari koʻrsatuvchi tashkilotlarning holati uchun yetarli darajada javobgar boʻlmasdilar.

Oʻzbekiston Respublikasi Prezidentining “2018-yilda qishloq xoʻjaligi ekinlarini oqilona joylashtirish chora-tadbirlari va qishloq xoʻjaligi mahsulotlari yetishtirishning prognoz hajmlari toʻgʻrisida” 2017-yil 15-sentabrdagi PQ-3281-sonli qaroriga muvofiq hamda bahorgi agrotexnika ishlarini oʻz vaqtida va sifatli oʻtkazish, qishloq xoʻjaligi tovar ishlab chiqaruvchilariga koʻrsatilayotgan mexanizatsiyalashtirilgan xizmatlar darajasi va sifatini oshirish maqsadida:

Oldingi tahrirga qarang.

1. Maʼlumot uchun qabul qilinsinki, Oʻzbekiston Respublikasi Qishloq xoʻjaligi vazirligi tomonidan “Oʻzagrotexsanoatxolding” AJ bilan birgalikda 2018-yilda bahorgi agrotexnika ishlarini oʻtkazish uchun zamonaviy haydov va chopiq traktorlari, gʻalla oʻrib-yigʻish kombaynlari, pluglar, seyalkalar va boshqa qishloq xoʻjaligi texnikasini jami 5 778 ta, shu jumladan, 758 ta haydov traktori, 1 500 ta chopiq traktori, 330 ta bogʻdorchilikka moʻljallangan traktor, 2 790 ta osma va tirkama qishloq xoʻjaligi texnikasi, shuningdek, boshoqli don ekinlari hosilini oʻrib-yigʻib olish boshlanishigacha — 400 ta gʻalla oʻrib-yigʻib olish kombaynlari yetkazib berishga boʻlgan birinchi navbatdagi talab-ehtiyoj belgilandi.

(1-band Oʻzbekiston Respublikasi Prezidentining 2018-yil 1-avgustdagi PF-5497-sonli Farmoni tahririda — Qonun hujjatlari maʼlumotlari milliy bazasi, 01.08.2018-y., 06/18/5497/1604-son)

2. Qishloq va suv xoʻjaligi vazirligi hamda “Oʻzagrotexsanoatxolding” AJ tomonidan ishlab chiqilgan quyidagi maqsadli parametrlar:

birinchi navbatda qishloq xoʻjaligi texnikasini hududlar boʻyicha 2018-yilning I yarmida yetkazib berish 1-ilovaga muvofiq;

qishloq xoʻjaligi texnikasini 2018-yilning 15-apreliga qadar (yirik blokli yigʻish) yetkazib berish 2-ilovaga muvofiq;

mamlakatimiz tashkilotlari tomonidan qishloq xoʻjaligi texnikasini sanoat koʻlamida ishlab chiqarish 3-ilovaga muvofiq tasdiqlansin.

Belgilansinki, yuqorida koʻrsatilgan qishloq xoʻjaligi texnikasini yetkazib berish “Agrobank” ATB kreditlari, fermer xoʻjaliklari va mashina-traktor parklarining oʻz mablagʻlari, shuningdek, “Oʻzagrotexsanoatxolding” AJ va “Oʻzagroservis” AJ tomonidan mashina-traktor parklariga taqdim etiladigan qarz mablagʻlari hisobidan amalga oshiriladi.

5. “Agrobank” ATBga fermer xoʻjaliklari va “Oʻzagroservis” AJ tarkibiga kiruvchi mashina-traktor parklariga “Oʻzagrotexsanoatxolding” AJ hamda uning tarkibiga kiruvchi tashkilotlar tomonidan taʼminlanishi (ishonch xati, mol-mulkni garovga qoʻyish) hisobiga yillik 5 foizli stavka boʻyicha 10 yil muddatga kreditlar berish tavsiya qilinsin.

7. “Agrobank” ATB va “Oʻzagroservis” AJ olingan mablagʻlar hisobiga 2018-yilning 20-yanvaridan kechiktirmay “Oʻzagrotexmash” AJ tashkilotlariga mazkur qaror bilan ishlab chiqarish va yetkazib berish belgilangan qishloq xoʻjaligi texnikasi qiymatining kamida 70 foizi miqdorida, qishloq xoʻjaligi texnikasi ishlab chiqarishni tezkor tashkillashtirish, shu jumladan, zarur qismlar va materiallarni import boʻyicha sotib olish uchun avans (boʻnak) bera boshlasin.

8. “Oʻzagrotexsanoatxolding” AJ, Oʻzbekiston Respublikasi Moliya vazirligi, Davlat soliq qoʻmitasining “Oʻzagrotexsanoatxolding” AJ tarkibiga kiruvchi mashina-traktor parklarining budjetga va maqsadli davlat jamgʻarmalariga majburiy toʻlovlar boʻyicha 2018-yilning 1-yanvarigacha boʻlgan holati boʻyicha qarzlarni toʻlash muddatini 2 yilga kechiktirish toʻgʻrisidagi taklifiga rozilik berilsin.

Oldingi tahrirga qarang.

9. Oʻzbekiston Respublikasi Moliya vazirligi, Qishloq xoʻjaligi vazirligi, Vazirlar Mahkamasi huzuridagi qishloq xoʻjaligi mahsulotlarining davlat xaridini maqsadli moliyalashtirish va qishloq xoʻjaligini texnika bilan jihozlash jamgʻarmasi, “Oʻzagrotexsanoatxolding” AJ:

(9-bandning birinchi xatboshisi Oʻzbekiston Respublikasi Prezidentining 2018-yil 1-avgustdagi PF-5497-sonli Farmoni tahririda — Qonun hujjatlari maʼlumotlari milliy bazasi, 01.08.2018-y., 06/18/5497/1604-son)

“Agrobank” ATB va boshqa manfaatdor tashkilotlar bilan birgalikda bir oy muddatda mashina-traktor parklariga ular tomonidan koʻrsatilayotgan mexanizatsiyalashtirilgan xizmatlar uchun kelib tushayotgan pul mablagʻlarini qishloq xoʻjaligi texnikasini sotib olishga ajratilgan kreditlar va qarzlar uchun hisob-kitob qilishga maqsadli yoʻnaltirish toʻgʻrisidagi nizomni ishlab chiqsin va belgilangan tartibda tasdiqlasin;

LexUZ sharhi

Qarang: Vazirlar Mahkamasining 2019-yil 12-iyuldagi 578-son qarori bilan tasdiqlangan Qishloq xoʻjaligi texnikasini kredit va lizing shartlarida xarid qilishni davlat tomonidan qoʻllab-quvvatlash tartibi toʻgʻrisidagi nizom.

gʻalla, paxta va sholining xarid narxlarini shakllantirishda mexanizatsiyalashtirilgan xizmatlar haqini toʻlash tariflari miqdorini qayta koʻrib chiqsin.

10. “Oʻzagrotexsanoatxolding” AJ:

a) “Oʻzagrotexmash” AJ bilan birgalikda:

ushbu qarorga muvofiq qishloq xoʻjaligi texnikasi oʻz vaqtida ishlab chiqarilishi va yetkazib berilishini;

mazkur qarorga muvofiq qishloq xoʻjaligiga yetkazib beriladigan qishloq xoʻjaligi texnikasi ishlab chiqarishni mahalliylashtirish boʻyicha chora-tadbirlar kompleksi bir oy muddatda ishlab chiqilishi va tasdiqlanishini taʼminlasin;

b) Qoraqalpogʻiston Respublikasi Vazirlar Kengashi, viloyatlar hokimliklari “Oʻzagroservis” AJ bilan birgalikda — qishloq xoʻjaligi texnikasini sotib olish uchun taqdim etilgan kreditlar va qarzlar oʻz vaqtida qaytarilishini;

v) “Oʻzagroservis” AJ bilan birgalikda — sotib olingan qishloq xoʻjaligi texnikasi uchun oʻz vaqtida hisob-kitob qilinishini, shuningdek, kreditlar va qarzlar hududiy tashkilotlarning bank hisobvaraqlari orqali qaytarilishini taʼminlasin.

11. Oʻzbekiston Respublikasi Qishloq va suv xoʻjaligi vazirligi, Moliya vazirligi, Oʻzbekiston Fermer, dehqon xoʻjaliklari va tomorqa yer egalari kengashi, “Oʻzagrotexsanoatxolding” AJ, “Agrobank” ATB boshqa manfaatdor tashkilotlar bilan birgalikda ikki oy muddatda xalqaro amaliyotni tahlil qilish asosida qishloq xoʻjaligi texnikasi parkini yangilash orqali qishloq xoʻjaligini modernizatsiyalashni ragʻbatlantirish boʻyicha Vazirlar Mahkamasiga takliflar kiritsin, unda quyidagilar nazarda tutiladi:

mamlakatimizda ishlab chiqariladigan yangi qishloq xoʻjaligi texnikasini sotib olayotgan qishloq xoʻjaligi tovar ishlab chiqaruvchilarini va mashina-traktor parklarini, shuningdek, paxtachilikka ixtisoslashtirilgan toʻqimachilik klasterlarini moliyaviy qoʻllab-quvvatlash;

qishloq xoʻjaligida mexanizatsiyalashtirilgan va servis xizmatlari koʻrsatish sohasida xususiy sektorni rivojlantirishga koʻmaklashuvchi moliyaviy oʻzaro munosabatlarning yangi zamonaviy tizimini yaratish.

Oldingi tahrirga qarang.

(12-band Oʻzbekiston Respublikasi Prezidentining 2018-yil 24-maydagi PQ-3751-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 30.05.2018-y., 07/18/3751/1284-son)

13. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi qoʻshimcha chiqarilgan aksiyalarni davlat roʻyxatidan oʻtkazsin hamda “Oʻzagrotexsanoatxolding” AJ, “Oʻzagroservis” AJ va “Agrobank” ATBning ilgari chiqarilgan emissiyasiga oʻzgartirishlar kiritsin.

14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov, Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 4-yanvar,

PQ-3459-son

Oʻzbekiston Respublikasi Prezidentining 2018-yil 4-yanvardagi PQ-3459-son qaroriga
1-ILOVA

Birinchi navbatda qishloq xoʻjaligi texnikasini hududlar boʻyicha 2018-yilning I yarmida yetkazib berishning

MAQSADLI PARAMETRLARI

dona

T/r	Qishloq xoʻjaligi texnikasi nomi	Jami, dona	shu jumladan:
T/r	Qishloq xoʻjaligi texnikasi nomi	Jami, dona	Qoraqalpogʻiston Respublikasi	Andijon viloyati	Buxoro viloyati	Jizzax viloyati	Qashqadaryo viloyati	Navoiy viloyati	Namangan viloyati	Samarqand viloyat	Surxondaryo viloyati	Sirdaryo viloyati	Toshkent viloyati	Fargʻona viloyati	Xorazm viloyati
1.	213 ot kuchi quvvatiga ega T-7060 traktorlari	70	2	5	9	5	6	7	5	3	9	5	10	3	1
2.	155-175 ot kuchi quvvatiga ega “Djon Diir” traktorlari	100	4	7	13	10	10	3	10	7	8	10	10	7	1
3.	150 ot kuchi quvvatiga ega “Arion-630S” traktorlari	88	6	5	8	7	9	4	7	7	9	7	8	8	3
4.	140 ot kuchi quvvatiga ega T-6070 traktorlari	350	18	32	18	34	42	14	42	18	28	34	32	24	14
5.	150 ot kuchi quvvatiga ega “Belarus 1523” traktorlari	150	6	9	15	12	15	7	12	12	15	12	15	15	5
6.	110 ot kuchi quvvatiga ega TD-5.110 traktorlari	400	30	32	30	32	34	22	32	30	32	34	32	32	28
7.	100 ot kuchigacha quvvatga ega paxtachilik traktorlari	1 100	50	45	45	200	45	40	140	40	75	150	80	140	50
8.	50 ot kuchigacha quvvatga ega “Djon Diir” bogʻdorchilik traktorlari	200	14	14	16	14	16	10	20	20	12	10	20	20	14
9.	62 ot kuchigacha quvvatga ega bogʻdorchilik traktorlari	130	10	10	12	10	8	6	12	12	8	8	12	12	10
	Jami traktorlar:	2 588	140	159	166	324	185	113	280	149	196	270	219	261	126
10.	CASE gʻalla oʻrib-yigʻish kombaynlari	200	5	17	22	22	22	6	20	22	22	8	15	15	4
11.	“Vektor” gʻalla oʻrib-yigʻish kombaynlari	100	5	2		20	2		10	12	15	15	15		4
12.	“Dominator 130” gʻalla oʻrib-yigʻish kombaynlari	100	10	6	2	15	8	4	10	14	5	6	6	10	4
	Jami kombaynlar:	400	20	25	24	57	32	10	40	48	42	29	36	25	12
13.	Agʻdarma pluglar	750	35	50	50	60	100	45	65	45	55	60	85	70	30
14.	Aniq ekish seyalkalari	200	5	15	15	15	10	10	10	15	15	40	30	13	7
15.	Chigit seyalkalari	600	30	55		65	65	30	50	25	60	60	60	60	40
16.	Paxta purkagichlari	600	40	40	40	80	45	40	40	45	40	60	40	50	40
17.	Gʻuza kultivatorlari	600	40	40	40	80	45	40	40	45	40	60	40	50	40
18.	Lazerli yer tekislagichlar	40	3	3	3	3	3	3	3	3	3	4	3	3	3
	Jami osma va tirkama texnika:	2 790	153	203	148	303	268	168	208	178	213	284	258	246	160
Jami:		5 778	313	387	338	684	485	291	528	375	451	583	513	532	298

LexUZ sharhi

1-ilova norasmiy tarjima.

Oʻzbekiston Respublikasi Prezidentining 2018-yil 4-yanvardagi PQ-3459-son qaroriga
2-ILOVA

Qishloq xoʻjaligi texnikasini 2018-yilning 15-apreliga qadar (yirik blokli yigʻish) yetkazib berishning

MAQSADLI PARAMETRLARI

T/r	Qishloq xoʻjaligi texnikasi nomi	Miqdori
1.	155-175 ot kuchi quvvatiga ega “Djon Diir” traktorlari	100
2.	150 ot kuchi quvvatiga ega “Arion-630S” traktorlari	88
3.	150 ot kuchi quvvatiga ega “Belarus 1523” traktorlari	150
4.	50 ot kuchigacha quvvatga ega “Djon Diir” bogʻdorchilik traktorlari	200
5.	Agʻdarma pluglar	400
Jami:		938

LexUZ sharhi

2-ilova norasmiy tarjima.

Oʻzbekiston Respublikasi Prezidentining 2018-yil 4-yanvardagi PQ-3459-son qaroriga
3-ILOVA

Mamlakatimiz korxonalari tomonidan qishloq xoʻjaligi texnikasini sanoat koʻlamida ishlab chiqarishning

MAQSADLI PARAMETRLARI

T/r	Qishloq xoʻjaligi texnikasi nomi	Miqdori
1.	213 ot kuchi quvvatiga ega T-7060 traktorlari	70
2.	140 ot kuchi quvvatiga ega T-6070 traktorlari	350
3.	110 ot kuchi quvvatiga ega TD-5.110 traktorlari	400
4.	100 ot kuchigacha quvvatga ega paxtachilik traktorlari	1 100
5.	62 ot kuchigacha quvvatga ega bogʻdorchilik traktorlari	130
	Jami traktorlar:	2 050
6.	CASE gʻalla oʻrib-yigʻish kombaynlari	200
7.	“Vektor” gʻalla oʻrib-yigʻish kombaynlari	100
8.	“Dominator 130” gʻalla oʻrib-yigʻish kombaynlari	100
	Jami kombaynlar:	400
9.	Agʻdarma pluglar	350
10.	Aniq ekish seyalkalari	200
11.	Chigit seyalkalari	600
12.	Paxta purkagichlari	600
13.	Gʻoʻza kultivatorlari	600
14.	Lazerli yer tekislagichlar	40
	Jami osma va tirkama texnika:	2 390
Jami:		4 840

LexUZ sharhi

3-ilova norasmiy tarjima.

(Qonun hujjatlari maʼlumotlari milliy bazasi, 04.01.2018-y., 07/18/3459/0505-son, 30.05.2018-y., 07/18/3751/1284-son, 01.08.2018-y., 06/18/5497/1604-son)