Oʻzbekiston Respublikasi Prezidentining “Iqtisodiyot sohasidagi loyiha ishlari samaradorligini oshirish chora-tadbirlari toʻgʻrisida” 2017-yil 14-martdagi PQ-2831-son qarori hamda Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti faoliyatini tashkil etish toʻgʻrisida” 2017-yil 25-apreldagi F-4917-son farmoyishiga muvofiq Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining Ilmiy-texnik kengashi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining Ilmiy-texnik kengashi tarkibi 2-ilovaga muvofiq tasdiqlansin.

2. Quyidagilarga:

“OʻzInjiniring” Respublika loyiha instituti direktoriga — Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining Ilmiy-texnik kengashi toʻgʻrisidagi nizom talablariga qatʼiy rioya etish;

Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining Ilmiy-texnik kengashi aʼzolariga — Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining Ilmiy-texnik kengashi toʻgʻrisidagi nizom talablaridan kelib chiqqan holda investitsiya loyihalarining loyihaoldi hujjatlarini koʻrib chiqish va ekspertiza natijalariga koʻra xulosa berish ishlarining sifatli, puxta va toʻliq amalga oshirilishini taʼminlash yuzasidan shaxsiy masʼuliyat yuklansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J.Ramatov zimmasiga yuklansin.

1. Mazkur Nizom Oʻzbekiston Respublikasi Prezidentining “Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari toʻgʻrisida” 2017-yil 14-martdagi PQ-2831-son qaroriga muvofiq Vazirlar Mahkamasi huzuridagi “OʻzInjiniring” Respublika loyiha instituti Ilmiy-texnik kengashining tuzilmasi, vazifalari, huquqlari va majburiyatlari, shuningdek Ilmiy-texnik kengash (keyingi oʻrinlarda ITK deb ataladi) faoliyati reglamentini belgilaydi.

2. Ushbu Nizomda quyidagi asosiy tushunchalardan foydalaniladi:

loyihaoldi hujjatlari — loyihani amalga oshirish boʻyicha qabul qilingan parametrlarning imkoniyatlarini va maqsadga muvofiqligini asoslab beruvchi, shuningdek uning davomiyligini baholovchi hujjatlar toʻplami hisoblanadi. Loyihaoldi hujjatlari quyidagilarni oʻz ichiga oladi: loyihaning dastlabki texnik-iqtisodiy asoslari (texnik-iqtisodiy hisoblash); materiallar va jihozlar bilan taʼminlash, qurilish-montaj ishlarini olib borish va boshqa ishlarni amalga oshirish boʻyicha tender savdolari oʻtkazish yuzasidan tender hujjatlari; loyihaning yakuniy texnik-iqtisodiy asoslari yoki texnik-iqtisodiy hisoblari, shuningdek moliyaviy taklif va/yoki kredit va investitsiya shartnomalari (pul mablagʻlari jalb etilgan holatlarda);

dastlabki texnikaviy iqtisodiy asos yoki dastlabki texnik-iqtisodiy hisoblash (keyingi oʻrinlarda DTIA yoki DTIH deb ataladi) — loyihaning oqilona tanlanganligi hamda qabul qilingan qarorlarning texnikaviy, tashkiliy va iqtisodiy samaradorligini, shuningdek texnologik jihozlarining bahosini qoʻshgan holda, loyihani amalga oshirish uchun zarur boʻlgan mablagʻlarga ehtiyojlarni va uning manbalarini barcha yoʻnalishlar boʻyicha oʻrgangan holda shakllantirilgan oxirgi toʻliq bahosini asoslab beruvchi loyihaoldi hujjati hisoblanadi;

texnik-iqtisodiy asos yoki texnik-iqtisodiy hisoblash (keyingi oʻrinlarda TIA yoki TIH deb ataladi) –loyihaning moliyalashtirish shartlarini hisobga olgan holda va tender savdolari natijalari asosida aniqlangan texnikaviy, tashkiliy va moliyaviy-iqtisodiy qarorlarning eng samaradorligini aniqlab beruvchi loyihaoldi hujjati;

iqtisodiyotning bazaviy tarmoqlari — geologiya, yoqilgʻi-energetika kompleksi, kimyo, neft-kimyo va metallurgiya sanoati (Oʻzbekiston Respublikasi Prezidentining “Neft-gaz tarmogʻidagi loyiha ishlarini tashkil etish tartibini takomillashtirish toʻgʻrisida” 2017-yil 19-apreldagi PQ–2901-son qarori talablariga asosan Neft-gaz tarmogʻini hisobga olmagan holda) sohasiga mansub korxonalar.

Ilmiy-texnik kengash xulosasi — belgilangan tartibda oʻtkazilgan investitsiya loyihalarining loyihaoldi hujjatlarini ekspertiza natijalari asosida ishlab chiqilgan hujjat;

ITK kotibiyati — ITK yigʻilishida koʻriladigan masalalar boʻyicha materiallar tayyorlab beradigan organ.

3. ITK ishlari Oʻzbekiston Respublikasi Prezidentining 2017-yil 25-apreldagi F-4917-son farmoyishi bilan tasdiqlangan Vazirlar Mahkamasi huzuridagi “OʻzInjiniring” Respublika loyiha instituti Nizomi asosida tashkil qilinadi.

4. ITK Vazirlar Mahkamasi huzuridagi “OʻzInjiniring” Respublika loyiha instituti (keyingi oʻrinlarda institut deb ataladi) va shuningdek iqtisodiyotning bazaviy tarmoqlaridagi loyiha institutlari tomonidan ishlab chiqilgan investitsiya loyihalarining loyihaoldi hujjatlarini koʻrib chiqadigan kollegial organ hisoblanadi.

5. Iqtisodiyotning bazaviy tarmoqlarida ishlab chiqilgan investitsiya loyihalarining DTIA/DTIH, va TIA/TIH, hujjatlari, neft-gaz tarmogʻidan tashqari, belgilangan tartibda faqat institut ITK ning ijobiy xulosasidan keyin vakolatli organlarga ekspertiza qilish uchun kiritiladi.

6. Institut Nizomiga muvofiq ITK asosiy vazifasi — Institut, shuningdek bazaviy tarmoqning loyiha tashkilotlari tomonidan ishlab chiqilgan (DTIL/DTIH va TIA/TIH) loyihaoldi hujjatlarini koʻrib chiqib xulosa berish hisoblanadi.

7. ITK quyidagi funksiyalarni bajaradi:

investitsiya loyihalarining DTIA/DTIH, TIA/TIH texnik-iqtisodiy parametrlarini institut va seksiya mutaxassislarining ekspertizasi natijalarini koʻrib chiqadi;

umuman iqtisodiyot va tarmoq isteʼmolidan kelib chiqib, institut bajargan ekspertiza natijasi asosida investitsiya loyihasini amalga oshirish imkoniyatini aniqlaydi;

Oʻzbekiston Respublikasi vakolatli organlarida bazaviy tarmoqda belgilangan tartibda koʻrib chiqish va tasdiqlash uchun tayyorlangan (ushbu Nizom ilovasidagi shakl boʻyicha) Institut xulosasini tasdiqlaydi;

zarurat boʻlganda investitsiya loyihasini kelgusida amalga oshirish boʻyicha tavsiyalar beradi.

8. ITK tarkibi Oʻzbekiston Respublikasi Vazirlar Mahkamasining qarori bilan tasdiqlanadi.

9. ITK tarkibiga iqtisodiyotning tegishli sohalari boʻyicha seksiyalar va kotibiyat kiradi.

10. ITK quyidagi huquqlarga ega:

loyihaoldi hujjatlarini koʻrib chiqish natijalariga koʻra xulosalar, takliflar va tavsiyalar berish, loyihalarni qayta ishlash uchun tashabbuskorlarga (buyurtmachilarga) qaytarish yoki keyingi bosqichda koʻrib chiqish (ekspertizadan oʻtkazish) uchun Oʻzbekiston Respublikasining vakolatli organlariga yuborish;

Kengash majlisiga masalalarni tayyorlash, materiallarni tanlash va tizimga solish maqsadida soha idoralari tarkibida, loyiha institutlarida, shuningdek boshqa tashkilotlarda ishlayotgan yuqori malakali konsultant va mutaxassislarni (shuningdek mustaqil konsalting va injiniring kompaniyalari, shu jumladan xorijiy kompaniyalarning tajribaga ega boʻlgan mutaxassis/ekspertlarini) shartnoma asosida jalb etish;

ITK raisi yoki uning oʻrinbosari imzosi bilan davlat organlari va xoʻjalik birlashmalari, loyiha institutlari va boshqa tashkilotlardan koʻrilayotgan masalalar yuzasidan kerakli maʼlumot yoki xulosalarni soʻrab olish. Bunda soʻrov yuborilgan davlat organlari va xoʻjalik birlashmalari, loyiha institutlari va boshqa tashkilotlar 5 ish kuni mobaynida institutga tegishli javobni yuborishlari shart;

ITK vakolati va javobgarligi doirasidagi masalalarni echish uchun institut, davlat organlari va xoʻjalik birlashmalari, loyiha institutlari va boshqa tashkilotlar (tashkilot rahbarlari bilan kelishgan holda) mutaxassislaridan iborat vaqtinchalik ishchi guruhlar tuzish;

loyihalarni koʻrib chiqish va xulosa berish maqsadida shartnoma asosida mustaqil ekspertlar, shu jumladan xorijiy ekspertlarni tayinlash;

ITK vakolati doirasidagi masalalarni koʻrib chiqish boʻyicha belgilangan tartibda majlislar tashkil etish.

Bunda mutaxassislarni va mustaqil ekspertlarni jalb etish bilan bogʻliq xarajatlar Institutning loyihalarni ishlab chiqish va ekspertizadan oʻtkazish boʻyicha koʻrsatadigan xizmatlaridan olingan mablagʻlar hisobidan qoplanadi.

11. ITK raisi quyidagi huquqlarga ega:

zarurat boʻlganda mustaqil ekspertlarni jalb etish va ular bilan aniq investitsiya loyihasiga konsultatsiya xizmati koʻrsatish yuzasidan shartnomalar tuzish;

ITK majlislari protokollarini tasdiqlash;

ITK aʼzolari tomonidan qabul qilinadigan qarorlar boʻyicha tavsiyalar berish;

mazkur Nizomga asosan ITKga tegishli masalalar boʻyicha qarorlar qabul qilish.

12. ITK aʼzolari kuyidagi huquq va vakolatlarga ega:

ITK qarorlarini tayyorlashda qatnashish va oʻz xulosasini berish;

ITK ishlarida ularning vakolatiga kiradigan masalalarni muhokama qilishda ishtirok etish;

ITK majlislarida muhokama qilish uchun savollar tavsiya qilish;

ITK majlisida koʻrib chiqish uchun tayyorlangan materiallar bilan oldindan tanishish;

13. ITK aʼzolari quyidagilarga majbur:

kun tartibidagi masalalarni puxta va har tomonlama koʻrib chiqish asosida qarorlar qabul qilish;

ITKning bevosita majlislariga kelishni taʼminlash;

taqdim etilgan maʼlumotlarni koʻrib chiqishda maxfiylik shartlariga rioya qilish.

14. ITK va uning seksiyalari aʼzolari ITK majlisida koʻrib chiqiladigan masalalar boʻyicha qabul qilinadigan qarorlarning qonunchilikka muvofiqligi uchun masʼuldir, shu jumladan:

investitsiya loyihasining koʻrib chiqilayotgan natijalarining ilmiy-texnik va texnik-iqtisodiy darajasini baholashning xolisligi;

zamonaviy talablarga muvofiq, xomashyo resurslari va texnologik jarayonlarning samaradorligi bilan bogʻliq holda loyihani amalga oshirish strategiyasining toʻgʻri tanlanganligi;

texnologiyalar, texnologik uskunalar va texnik yechimlarning optimal tanlanishi;

investitsiya loyihalarning oʻz vaqtida koʻrib chiqilishi va qaror chiqarilishi uchun javob beradilar.

15. ITK va uning seksiyalari ITK majlislarida tarkibidagi aʼzolarining kamida 75 foizi qatnashgan taqdirda masalalarni koʻrib chiqishga va qarorlar qabul qilishga haqlidir.

16. ITK raisi yoxud uning oʻrinbosari ITK ishlarini tashkil qiladi, majlis kun tartibini shakllantiradi va majlisni olib boradi.

17. ITK aʼzosi — mutaxassisi ITK seksiyasi majlisida uzrli sabab boʻyicha qatnasha olmagan taqdirda mazkur mutaxassis boʻysunadigan vazirlik, idora, tashkilot rahbari ITK raisi nomiga yozma murojaat qiladi va boshqa vakolatli vakilni yuboradi, vakilga kun tartibidagi masalalarni muhokama qilishda ovoz berish huquqini beradi.

18. Seksiyalar majlislarida koʻrib chiqish uchun materiallar toʻplami, shuningdek ITK qarorlari loyihalari loyihaning tegishli masʼul bosh muhandisi tomonidan Institutning koʻrib chiqilayotgan masalalar yoʻnalishlari boʻyicha funksional boʻlimlari boshliqlari bilan birgalikda tayyorlanadi.

19. Institutning loyihaning tegishli masʼul bosh muhandisi ITK majlisigacha 3 kundan kechikmay ITK raisiga, uning oʻrinbosariga, ITK kotibiyati rahbariyatiga, shuningdek ITKning har bir aʼzosiga majlisning kun tartibini va ITKning tayyorlangan xulosasi loyihasini, zarurat boʻlganda, majlisga tayyorgarlik koʻrish uchun unga qoʻshimcha materiallarni ilova qilgan holda taqdim etadi.

20. Loyihaning masʼul bosh muhandisi ITKning har bir aʼzosi soʻrovi boʻyicha unga zarur materiallarni oʻrganish uchun beradi, davlat siri yoki boshqacha sir boʻlgan materiallar bundan mustasno.

21. Zarurat boʻlganda, ITK muhokamasiga kiritiladigan materiallarni yanada puxta ishlab chiqish va ekspert xulosasini shakllantirish uchun Institut ITK tarkibiga kirmaydigan vakolatli mutaxassislarni, shu jumladan xorijiy ekspert mutaxassislarni jalb etishi mumkin.

22. Koʻrib chiqilayotgan masalalar boʻyicha tayyorlangan qarorlar loyihalari ITK majlisida Institutning loyihaning masʼul bosh muhandisi tomonidan maʼlum qilinadi. Zarurat boʻlganda, koʻrib chiqilayotgan loyiha yoki masala xususiyatidan kelib chiqqan holda, loyihaning tashabbuskori, buyurtmachisi, shuningdek loyiha tashkiloti vakillarining maʼruzalari eshitilishi mumkin.

23. ITK majlislarida qarorlar oddiy ochiq ovoz berish orqali koʻpchilik ovoz bilan qabul qilinadi. Ovozlar teng boʻlgan taqdirda ITK raisining ovozi hal qiluvchi hisoblanadi.

24. Majlis natijalari protokol bilan rasmiylashtiriladi, u tegishli loyihaning masʼul bosh muhandisi tomonidan tayyorlanadi va bevosita imzolanadi. ITK aʼzolari kelishish varagʻini imzolashadi. Protokol ITK raisi tomonidan, u boʻlmagan taqdirda — ITK raisining oʻrinbosari tomonidan tasdiqlanadi.

ITK xulosasining loyihasi ITK majlisidan keyin, majlis oʻtkazilgan sanadan boshlab ikki ish kunidan oshmaydigan muddatda rasmiylashtiriladi va zarurat boʻlganda puxtalashtiriladi.

ITK xulosasining loyihasi ikki nusxada rasmiylashtiriladi, bunda xulosa birinchi nusxasining oxirgi sahifasiga ekspertiza oʻtkazishda qatnashgan Institut boʻlinmalarining boshliqlari, shuningdek rais oʻrinbosarlari va ITK kotibiyati rahbariyati viza qoʻyadi.

Xulosa loyihasi ikki nusxasining oxirgi varagʻiga seksiya rahbari (koʻrib chiqilayotgan masala yoʻnalishi boʻyicha) va loyihaning masʼul bosh muhandisi tomonidan imzolanadi.

Xulosa ITK seksiyalarining majlisda qatnashgan barcha aʼzolari bilan kelishiladi, kelishish varagʻi ular tomonidan toʻldiriladi va imzolanadi.

Ushbu tartibotlar tugallagandan keyin ITK xulosasi ikki nusxada ITK raisiga tasdiqlash uchun kiritiladi.

25. ITK tasdiqlangan xulosasining bir nusxasi belgilangan tartibda loyihaning tashabbuskoriga (buyurtmachisiga) — vakolatli organlarda loyihani ekspertizadan oʻtkazish uchun beriladi.

ITK tasdiqlagan loyihasining ikkinchi nusxasi saqlash uchun Institutning ilmiy-texnika va axborot-tahlil ishlanmalari boʻlimiga beriladi.

26. ITK majlisini tayyorlash va oʻtkazish muddati ITK xulosasi koʻrib chiqish uchun kiritilgan sanadan boshlab bir haftadan oshmasligi kerak.

27. Alohida holatlarda (ITK raisi qaroriga koʻra) ITK xulosasi Institut mutaxassislari tomonidan tayyorlanadi, loyihaning tegishli masʼul bosh muhandisi tomonidan uzil-kesil rasmiylashtiriladi va majlis oʻtkazmasdan, soʻrov metodi bilan ITK aʼzolari bilan kelishiladi, yakka tartibdagi ish natijalari boʻyicha esa — ITKning har bir aʼzosi bilan — ITK aʼzolarining ish joyi boʻyicha Institutning loyihaning masʼul bosh muhandisi (uning oʻrinbosari, byuro mutaxassisi) bilan kelishiladi.

Institutning ITK aʼzolari koʻrib chiqishda ularning shaxsiy ishtirokini tasdiqlovchi hujjat sifatidagi xulosaning kelishish varagʻini imzolaydilar, koʻrib chiqilayotgan masalalar boʻyicha alohida mulohazasi mavjud boʻlgan taqdirda ITK aʼzosi uni ITK raisi nomiga axborotnoma tarzida rasmiylashtirishi va ITK kotibiyatiga taqdim etishi kerak.

Kelishish varagʻi ITK ushbu seksiyasi aʼzolarining 75 foiz va undan koʻp imzosiga ega boʻlgan taqdirda haqiqiy hisoblanadi.

ITKning zarur tarzda rasmiylashtirilgan xulosasi imzolangandan keyin toʻldirilgan kelishish varagʻi bilan birga ITK raisiga tasdiqlash uchun kiritiladi.

28. ITK kotibiyati kotibiyat rahbari va seksiyalar kotiblaridan iborat boʻladi.

ITK kotibiyati:

ITK seksiyasi majlislari kun tartibi loyihasini shakllantiradi;

ITK majlisini oʻtkazishni tashkil qiladi;

Koʻriladigan masalalar boʻyicha majlis protokollari va ITK xulosalari loyihalarini tayyorlaydi.

Bunda kun tartibi loyihasi, majlislar protokollarining, ITK xulosalarining loyihalari ITK seksiyalari kotiblari tomonidan tayyorlanadi.

ITK kotibiyati ITK seksiya aʼzolarining majlisga kelishini va ularni materiallar bilan taʼminlashni tashkil qiladi.

ITK seksiyalari majlislarining protokollari belgilangan tartibda rasmiylashtiriladi. Protokol seksiya kotibi tomonidan imzolanadi va ITK raisi tomonidan tasdiqlanadi.

1. Loyihaning nomi.

2. Tashabbuskor.

3. Buyurtmachi.

4. Loyiha tashkiloti.

5. Ishlab chiqish uchun asoslar, shu jumladan:

loyihaoldi hujjatlarining tasdiqlangan loyihalash topshirigʻi koʻrsatkichlariga muvofiqligi haqidagi xulosalar, shuningdek tarmoq kengashlarining loyihani amalga oshirish maqsadga muvofiqligi toʻgʻrisidagi xulosaning mavjudligini tasdiqlash;

loyihani amalga oshirishning zarurligini tasdiqlovchi asosiy hujjatlar.

6. Loyihaning maqsadi.

7. Qurilish maydonining tavsifi, shu jumladan:

obyektning joylashuv variantlari, taqqoslash tahlilining natijalari va tanlab olingan joy, maydonlar, trassalar afzalliklari;

qurilish uchun tavsiya etilayotgan maydonning, joyning qisqacha taʼrifi, tabiiy iqlim, muhandis-geologik, ekologik va boshqa sharoitlar haqidagi maʼlumotlar.

8. Loyihaning asosiy koʻrsatkichlari, shu jumladan:

ishlab chiqariladigan mahsulot hajmi (quvvati) ;

asosiy mahsulot turi va uning taʼrifi;

materiallar, xomashyo va boshqa turdagi (asosiy xomashyo turlari, materiallar, butlovchi buyumlar) resurslarning mavjudligi.

9. Loyihada qabul qilingan asosiy texnologik yechimlar, shu jumladan texnologik jarayonlarning umumiy tavsifi, asosiy texnologik asbob-anjomlar, mashina va mexanizmlar.

10. Qatʼiy arxitektura-qurilish, hajm-rejalashtirish yechimlari va ularning asosiy koʻrsatkichlari.

11. Obyektning qatʼiy muhandislik taʼminoti boʻyicha yechimlari va asbob-anjomlar bilan taʼminlanishi.

12. Qurish va foydalanish davridagi zararli tashlamalar va oqova suvlar, atrof-muhit ifloslanishining oldini olish chora-tadbirlarining mavjudligi.

13. Sanoat xavfsizligi.

14. Loyihani moliyaviy-iqtisodiy baholash, shu jumladan:

loyihani amalga oshirish budjeti va moliyalashtirish rejasi;

xarajatlar, realizatsiya qilingan mahsulot tannarxi, soliqlar va boshqa davlat maqsadli fondlariga majburiy toʻlovlar;

loyihaning moliyaviy-iqtisodiy samaradorligini baholash va xarajatlarni qoplay olishi, shuningdek taklif etilayotgan moliyalashtirish sxemasining maqbulligi;

loyiha asosiy koʻrsatkichlari mosligining tahlili.

15. Tavakkalchilik va noaniqlik aspektlari.

16. Loyihani oldinga surish boʻyicha xulosa va kamchiliklar, shu jumladan:

loyihaning tasdiqlangan loyihani ishlab chiqish topshirigʻiga muvofiqligi;

loyihani xomashyo resurslari bilan bogʻlagan holda amalga oshirish strategiyasining toʻgʻri tanlanganligi;

eng maqbul texnologiya va texnologik qurilmalar (yuqori texnologik, energiya samaradorligi va h.k.) tanlanganligi;

loyihani amalga oshirishning moliyaviy-iqtisodiy jihatdan maqsadga muvofiqligi.

ITK raisi — “OʻzInjiniring” RLI direktorining birinchi oʻrinbosari.

ITK raisining oʻrinbosari — “OʻzInjiniring” RLI bosh muhandisi.

ITK kotibiyati rahbari — “OʻzInjiniring” RLI ilmiy-texnik va axborot-tahlil ishlanmalari boʻlimi boshligʻi.

Seksiya rahbari — Oʻzbekiston Respublikasi Geologiya va mineral resurslar davlat qoʻmitasi raisining birinchi oʻrinbosari;

Seksiya kotibi — “OʻzInjiniring” RLI ogʻir sanoat boʻyicha byurosi LBM yoki LBM oʻrinbosari (koʻrib chiqilayotgan loyiha yoki masalaning mohiyatidan kelib chiqqan holda).

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshligʻi;

“Davarxitektqurilish” qoʻmitasining shaharsozlik hujjatlarini ekspertizadan oʻtkazish boshqarmasi boshligʻi;

Moliya vazirligining Sanoatning bazaviy tarmoqlarini, yoqilgʻi-energetika majmuasini va geologiyani rivojlantirishni moliyalashtirish va tariflarni tartibga solish Bosh boshqarmasi boshligʻi;

“OʻzGEORANGMETLITI” davlat unitar korxonasi direktorining oʻrinbosari yoki “Oʻzogʻirsanoatloyiha” AJ bosh muhandisi (koʻrib chiqilayotgan loyiha yoki masalaning mohiyatidan kelib chiqqan holda);

Oʻzbekiston Respublikasi Fanlar akademiyasining vakolatli vakili;

Toshkent texnika universiteti muhandislik geologiyasi va Kon ishi fakultetining “Kon ishi” kafedrasi mudiri yoki “Metallurgiya” kafedrasi mudiri (koʻrilayotgan loyiha yoki masalaning mohiyatidan kelib chiqqan holda);

“Oʻzinjiniring” RLI ogʻir sanoat boʻyicha LBM yoki LBM oʻrinbosari (koʻrib chiqilayotgan loyiha yoki masalaning mohiyatidan kelib chiqqan holda);

“OʻzInjiniring” RLI loyihalarning TIAlarini baholash boʻlimi boshligʻi.

Seksiya rahbari — “Oʻzkimyosanoat” AJ raisining birinchi oʻrinbosari.

Seksiya kotibi — “OʻzInjiniring” RLI kimyo sanoati boʻyicha LBM.

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshligʻi;

“Davarxitektqurilish” qoʻmitasining shaharsozlik hujjatlarini ekspertizadan oʻtkazish boshqarmasi boshligʻi;

Moliya vazirligi Sanoatning bazaviy tarmoqlarini, yoqilgʻi-energetikasi majmuasini va geologiyani rivojlantirishni moliyalashtirish va tariflarni tartibga solish Bosh boshqarmasining Mashinasozlik, avtomobil va elektrotexnika sanoati, kimyo va qishloq xoʻjaligi mashinasozligini moliyalashtirish boʻlimi boshligʻi;

“Oʻzkimyosanoatloyiha” AJ texnik direktori;

Oʻzbekiston Respublikasi Fanlar akademiyasining vakolatli vakili;

Toshkent kimyo-texnologiya institutining “Noorganik moddalarni ishlab chiqarish texnologiyasi” fakultetining “Noorganik moddalarni ishlab chiqarish” kafedrasi mudiri;

“OʻzInjiniring” RLI elektroenergetika boʻyicha LBM;

“Oʻzinjiniring” RLI loyihalarning TIAsini baholash boʻlimi boshligʻi.

Elektroenergetika seksiyasi:

Seksiya rahbari — “Oʻzbekenergo” AJ raisining oʻrinbosari.

Seksiya kotibi — “OʻzInjiniring” RLI elektroenergetika boʻyicha LBM.

Iqtisodiyot vazirligining Investitsiya dasturlarini shakllantirish va amalga oshirilishini nazorat qilish Bosh boshqarmasi boshligʻi;

“Davarxitektqurilish” qoʻmitasining shaharsozlik hujjatlarini ekspertizadan oʻtkazish boshqarmasi boshligʻi;

Moliya vazirligi Sanoatning bazaviy tarmoqlarini, yoqilgʻi-energetikasi majmuasini va geologiyani rivojlantirishni moliyalashtirish va tariflarni tartibga solish bosh boshqarmasining Yoqilgʻi-energetikasi majmuini moliyaviy balanslashtirishni tartibga solish va energiya tejamkorligi boʻyicha investitsiya dasturlarining samaradorligini monitoring qilish boʻlimi boshligʻi;

“Teploelektroproyekt” AJ bosh muhandisi yoki “Gidroproyekt” AJ direktori oʻrinbosari (koʻrib chiqilayotgan loyiha yoki masalaning mohiyatidan kelib chiqqan holda);

“Sredazenergosetproyekt” AJ bosh muhandisi yoki “Selenergoproyekt” AJning sanoat boʻyicha direktori (koʻrib chiqilayotgan loyiha yoki masalaning mohiyatidan kelib chiqqan holda);

Oʻzbekiston Respublikasi Fanlar akademiyasining vakolatli vakili;

Toshkent davlat texnika universiteti “Energetika” fakultetining “Elektrtaʼminoti” kafedrasi mudiri;

“OʻzInjiniring” RLI loyihalarning TIAsini baholash boʻlimi boshligʻi.