Yakka tartibdagi tadbirkorlar tomonidan oʻzlari ishlab chiqargan mahsulotlar eksportini yanada ragʻbatlantirish, shuningdek ularning faoliyati uchun qoʻshimcha qulay shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.

1. Vazirlar Mahkamasining 1999-yil 23-martdagi 131-son qarori (Oʻzbekiston Respublikasi QT, 1999-y. 3-son, 15-modda) bilan tasdiqlangan Madaniy boyliklarning olib chiqilishi va olib kirilishi tartibi toʻgʻrisidagi nizomda:

a) 5v-ilova matni rus tilidagi matnda berilgan;

b) 7-ilovada:

8-pozitsiyadagi “10 — 75” raqamlari “10 — 75*” raqamlari bilan almashtirilsin;

20-pozitsiyadagi “5” raqami “2” raqami bilan almashtirilsin;

quyidagi mazmundagi izoh qoʻshilsin:

“* Hunarmandchilik faoliyati bilan shugʻullanuvchi yakka tartibdagi tadbirkorlar uchun oʻzlari yaratgan amaliy bezak sanʼati buyumlari badiiy ekspertizadan oʻtkazilganligi va ularga hujjatlar rasmiylashtirilganligi uchun maxsus yigʻim eng kam oylik ish haqining 10 foizni tashkil etadi”.