Oʻzbekiston Respublikasi Prezidentining “Davlat va xoʻjalik boshqaruvi organlari tuzilmasini yanada takomillashtirish va ular xodimlari sonini optimallashtirish chora-tadbirlari toʻgʻrisida” 2015-yil 18-dekabrdagi PQ-2450-son qaroriga hamda Oʻzbekiston Respublikasi Vazirlar Mahkamasining “Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida” 2016-yil 22-yanvardagi 15-son qaroriga muvofiq Vazirlar Mahkamasi qaror qiladi:

1. Quyidagilar:

Oʻzbekiston Respublikasi Xalq taʼlimi vazirligi tizimining tashkiliy tuzilmasi 1-ilovaga muvofiq;

Oʻzbekiston Respublikasi Xalq taʼlimi vazirligi markaziy apparatining tuzilmasi 2-ilovaga muvofiq tasdiqlansin.

2. Vazirlar Mahkamasining “Oʻzbekiston Respublikasi Xalq taʼlimi vazirligi faoliyatini tashkil etishni takomillashtirish toʻgʻrisida” 2004-yil 5-avgustdagi 372-son qaroriga (Oʻzbekiston Respublikasi QT, 2004-y., 8-son, 76-modda) 3-ilovaga muvofiq oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Vazirlar Mahkamasining Yoshlar siyosati, taʼlim, madaniyat va sport masalalari kompleksi rahbari zimmasiga yuklansin.

1. 1-bandga quyidagi tahrirdagi xatboshi qoʻshilsin:

“vazirlik va uning hududiy boʻlimlari huzuridagi markazlashtirilgan investitsiyalar hisobiga moliyalashtiriladigan obyektlarni qurish, rekonstruksiya qilish, mukammal va joriy taʼmirlash boʻyicha buyurtmachi xizmati faoliyatini muvofiqlashtirish”.

2. 2-bandda:

a) ikkinchi xatboshi chiqarib tashlansin;

b) uchinchi — beshinchi xatboshilar tegishli ravishda ikkinchi — toʻrtinchi xatboshilar deb hisoblansin.

3. 7-ilovada:

a) 7-bandga quyidagi mazmundagi xatboshi qoʻshilsin:

“markazlashtirilgan investitsiyalar hisobiga moliyalashtiriladigan obyektlar qurilishi, rekonstruksiya qilinishi, mukammal va joriy taʼmirlanishi, umumtaʼlim muassasalarining moddiy-texnika bazasi mustahkamlanishi, ularning bino va inshootlaridan maqsadli va samarali foydalanilishi yuzasidan nazoratni amalga oshirish”;

b) 8-bandda:

uchinchi va oʻn toʻqqizinchi xatboshilardagi “pedagog kadrlar” soʻzlari “xalq taʼlimi xodimlari” soʻzlari bilan almashtirilsin;

oltinchi xatboshidagi “predmetlari va” soʻzlari chiqarib tashlansin;

sakkizinchi xatboshidagi “oila sharoitlarida” soʻzlari “oilada” soʻzi bilan almashtirilsin;

oʻn yettinchi xatboshidagi “maʼlumotnoma” soʻzi chiqarib tashlansin;

yigirma ikkinchi xatboshidagi “ixtisoslashtirilgan maktabgacha tarbiya muassasalari va maktablar” soʻzlari “ixtisoslashtirilgan maktabgacha taʼlim muassasalari, maktablar va maktab-internatlar” soʻzlari bilan almashtirilsin;

yigirma oltinchi xatboshi quyidagi tahrirda bayon qilinsin:

“pedagogika oliy taʼlim muassasalari, T.N. Qori Niyoziy nomidagi Oʻzbekiston pedagogika fanlari ilmiy-tadqiqot instituti, A. Avloniy nomidagi xalq taʼlimi xodimlarini qayta tayyorlash va ularning malakasini oshirish markaziy instituti huzurida katta ilmiy xodimlar-izlanuvchilar instituti orqali ilmiy va ilmiy-pedagog kadrlar tayyorlashni belgilangan tartibda amalga oshiradi”;

yigirma yettinchi xatboshidagi “fanlar doktori va nomzodi ilmiy darajalarini” soʻzlari “fan doktori ilmiy darajasini”, “ilmiy darajalar” soʻzlari “ilmiy daraja” soʻzlari bilan almashtirilsin;

yigirma sakkizinchi xatboshidagi “aspirantura va doktorantura” soʻzlari “katta ilmiy xodimlar-izlanuvchilar instituti” soʻzlari bilan almashtirilsin;

oʻttizinchi xatboshidagi “pedagogika oʻquv yurtlari” hamda “respublika korxonalari, tashkilotlari va muassasalarining” soʻzlari tegishli ravishda “taʼlim muassasalari” hamda “respublika tashkilotlari” soʻzlari bilan almashtirilsin;

oʻttiz toʻqqizinchi xatboshidagi “pedagog xodimlar” soʻzlari “xalq taʼlimi xodimlari” soʻzlari bilan almashtirilsin;

qirqinchi xatboshidagi “maktabda” soʻzi “umumiy oʻrta” soʻzlari bilan almashtirilsin;

qirq birinchi xatboshi quyidagi tahrirda bayon qilinsin:

“xalq taʼlimi xodimlarini, oʻquvchilar va talabalarni, vazirliklar, davlat qoʻmitalari, idoralar xodimlarini mehnatda va oʻqishdagi yuqori koʻrsatkichlari, oʻquvchi yoshlarni oʻqitish va tarbiyalashdagi faol ishtiroki hamda homiylik koʻmagi uchun davlat mukofotlariga belgilangan tartibda taqdim etadi va idoraviy mukofotlar bilan taqdirlaydi”;

qirq uchinchi xatboshidagi “Umumiy oʻrta, kasb-hunar taʼlimi markazi” soʻzlari “Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi” soʻzlari bilan almashtirilsin;

v) 10-bandning toʻrtinchi xatboshidagi “maktabda” soʻzi “umumiy oʻrta” soʻzlari bilan almashtirilsin;

g) 12-banddagi “pedagog kadrlar” soʻzlari “xalq taʼlimi xodimlari” soʻzlari bilan almashtirilsin;

d) 13-bandning ikkinchi xatboshidagi “toʻrt nafar” soʻzlari “uch nafar” soʻzlari bilan almashtirilsin.

1. Vazirlar Mahkamasining “Oʻzbekiston Respublikasi Xalq taʼlimi vazirligi huzurida Multimedia umumtaʼlim dasturlarini rivojlantirish markazini tashkil etish chora-tadbirlari toʻgʻrisida” 2006-yil 7-iyundagi 110-son qarori 3-bandining uchinchi xatboshi, shuningdek qarorga 2-ilova.

2. Vazirlar Mahkamasining “Bolalar sportini rivojlantirish sohasida boshqaruvni yanada takomillashtirishga doir qoʻshimcha chora-tadbirlar toʻgʻrisida” 2009-yil 19-martdagi 76-son qarorining 2-bandi, shuningdek qarorga ilova.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Vazirlar Mahkamasining “Maktabdan tashqari taʼlim tizimini yanada takomillashtirish chora-tadbirlari toʻgʻrisida” 2011-yil 28-fevraldagi 50-son hamda “Xalq taʼlimi hududiy organlari tuzilmasini takomillashtirish toʻgʻrisida” 2011-yil 1-martdagi 52-son qarorlari) 2011-yil 20-iyundagi 183-son qaroriga ilovaning 16-bandi (Oʻzbekiston Respublikasi QT, 2011-y.. 6-son, 55-modda).

4. Vazirlar Mahkamasining “Oʻzbekiston Respublikasi Xalq taʼlimi vazirligi huzurida Respublika oʻquvchi-yoshlar markazini tashkil etish chora-tadbirlari toʻgʻrisida” 2014-yil 5-maydagi 115-son qarorining 5-bandi.

5. Vazirlar Mahkamasining “Oʻzbekiston “Yoshlik” jismoniy tarbiya va sport jamiyati faoliyatini takomillashtirish toʻgʻrisida” 2014-yil 1-avgustdagi 210-son qarorining 8-bandi.

6. Vazirlar Mahkamasining “Oʻzbekiston Respublikasi Xalq taʼlimi vazirligi huzurida Bolalar-oʻsmirlar sport maktablari xodimlarini qayta tayyorlash va ularning malakasini oshirish markazini tashkil etish toʻgʻrisida” 2015-yil 13-fevraldagi 27-son qarorining 12-bandi (Oʻzbekiston Respublikasi QT, 2015-y., 2-son, 9-modda), shuningdek qarorga 2-ilova.