Hujjat kuchini yo‘qotgan " " 28.07.2021
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining
Qarori
Koʻchmas mulk obyektlariga kadastr yigʻmajildini tayyorlash qoidalarini tasdiqlash toʻgʻrisida
[Oʻzbekiston Respublikasi Adliya vazirligi tomonidan 2015-yil 3-noyabrda roʻyxatdan oʻtkazildi, roʻyxat raqami 2725]
 LexUZ sharhi
Mazkur qaror Oʻzbekiston Respublikasi Davlat soliq qoʻmitasi huzuridagi Kadastr agentligi direktorining 2021-yil 19-iyuldagi 3-sonli ““Koʻchmas mulk obyektlariga kadastr yigʻmajildini tayyorlash qoidalarini tasdiqlash toʻgʻrisida”gi qaror, shuningdek unga oʻzgartirishlarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2725-3, 28.07.2021-y.) asosan oʻz kuchini yoʻqotgan.
Oʻzbekiston Respublikasining “Davlat kadastrlari toʻgʻrisida”gi Qonuni va Oʻzbekiston Respublikasi Vazirlar Mahkamasining 2014-yil 7-yanvardagi 1-sonli “Koʻchmas mulkka boʻlgan huquqlarni davlat roʻyxatidan oʻtkazish tartibini takomillashtirish toʻgʻrisida”gi qaroriga muvofiq Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi qaror qiladi:
1. Koʻchmas mulk obyektiga kadastr yigʻmajildini tayyorlash qoidalari ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Rais S. ARABOV
Toshkent sh.,
2015-yil 22-oktabr,
33-son
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2015-yil 22-oktabrdagi 33-son qaroriga
ILOVA
Koʻchmas mulk obyektlariga kadastr yigʻmajildini tayyorlash
QOIDALARI
Mazkur Qoidalar Oʻzbekiston Respublikasining “Davlat kadastrlari toʻgʻrisida”gi Qonuni, Oʻzbekiston Respublikasi Vazirlar Mahkamasining 1997-yil 2-iyundagi 278-son “Oʻzbekiston Respublikasida binolar va inshootlar davlat kadastrini yuritish toʻgʻrisida”gi, 1998-yil 31-dekabrdagi 543-son “Oʻzbekiston Respublikasida davlat yer kadastrini yuritish toʻgʻrisida”gi va 2014-yil 7-yanvardagi 1-son “Koʻchmas mulkka boʻlgan huquqlarni davlat roʻyxatidan oʻtkazish tartibini takomillashtirish toʻgʻrisida”gi qarorlariga muvofiq koʻchmas mulk obyektlariga kadastr yigʻmajildini tayyorlash qoidalarini belgilaydi.
1-bob. Umumiy qoidalar
1. Mazkur Qoidalarda quyidagi asosiy tushunchalar qoʻllaniladi:
bino — funksional maqsadiga qarab odamlar yashashi yoki boʻlishiga va har xil turdagi ishlab chiqarish jarayonlarini bajarishga moʻljallangan, yopiq hajmni tashkil etuvchi tayanch, toʻsma yoki har ikkala maqsadga xizmat qiluvchi konstruksiyalardan iborat qurilish tizimi;
yer uchastkasi — yer yuzasining qayd etilgan chegaraga, maydonga, joylashish manziliga, huquqiy rejimga hamda davlat yer kadastrida va yer uchastkasiga boʻlgan huquqlarni davlat roʻyxatidan oʻtkazishga oid hujjatlarda aks ettiriladigan boshqa xususiyatlariga ega boʻlgan qismi;
inshoot — har xil turdagi ishlab chiqarish jarayonlarini bajarishga, materiallar, buyumlar, asbob-uskunalarni saqlashga, odamlarning vaqtincha boʻlishiga, odamlar, yuklar va boshqa narsalarni olib oʻtishga moʻljallangan, tayanch, toʻsma yoki har ikkala maqsadga xizmat qiluvchi konstruksiyalardan iborat hajmiy, yassi yoki chiziq tarzidagi yer tepasida, yer yuzasida va yer ostida joylashgan qurilish tizimi;
koʻp yillik daraxtlar — bogʻlar, tokzorlar, tutzorlar va boshqa oʻrmon daraxtlari;
koʻchmas mulk — yer uchastkalari, yer osti boyliklari, binolar, inshootlar, koʻp yillik dov-daraxtlar va yer bilan uzviy bogʻlangan boshqa mol-mulk, yaʼni belgilangan maqsadiga nomutanosib zarar yetkazmagan holda joyini oʻzgartirish mumkin boʻlmaydigan obyektlar;
kadastr yigʻmajildi — obyektning koʻchmas mulkka boʻlgan huquqlarni shakllantirish, hisobga olish va keyinchalik davlat roʻyxatidan oʻtkazish uchun zarur boʻlgan kadastr suratiga olish, texnik inventarizatsiya qilish va pasportlashtirishning, maxsus tekshirish va izlanishlarning, sifat va qiymat jihatdan baholashning hujjatlari, materiallari va maʼlumotlari jamlamasi;
maxsus inshootlar — belgilangan maqsadlarda foydalanish uchun alohida yer uchastkasida qurilgan muhandislik inshootlari majmuasi, jumladan temir va avtomobil yoʻllari, aloqa va elektr oʻtkazish liniyalari, yer yuzasida, yer usti va yer ostida joylashgan magistral quvurlar, magistral kanal va kollektorlar;
qurilishi tugallanmagan obyektlar — qurilishi belgilangan tartibda ajratilgan yer uchastkasida tasdiqlangan loyiha hujjatlariga muvofiq boshlangan, lekin muayyan kunga kelib tugallanmagan yoki qurilishi tugallangan, lekin davlat komissiyasi tomonidan foydalanishga qabul qilinmagan va ularni qabul qilish dalolatnomasi tegishli tuman (shahar) hokimining qarori bilan tasdiqlanmagan bino va inshootlar.
2. Kadastr yigʻmajildi koʻchmas mulkning turi, tavsifi, hajmi, qiymati va boshqa koʻrsatkichlarini aniqlash maqsadida tayyorlanadi.
3. Kadastr yigʻmajildi koʻchmas mulk obyektining geografik joylashuvi, huquqiy maqomi, miqdor, sifat tavsiflari va qiymati, shuningdek uning holatidagi joriy oʻzgarishlar haqidagi materiallar va maʼlumotlarni hamda koʻchmas mulkka boʻlgan huquqlarni tasdiqlovchi hujjatlarni jamlash yoʻli bilan Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali tomonidan tayyorlanadi.
(3-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Koʻchmas mulkka boʻlgan huquqlarni tasdiqlovchi hujjatlarni oʻz ichiga olgan kadastr yigʻmajildi koʻchmas mulkka boʻlgan huquqlarni davlat roʻyxatidan oʻtkazish toʻgʻrisidagi arizaga ilova qilinadi.
4. Kadastr yigʻmajildini tayyorlash uchun yuridik va jismoniy shaxslar yoki ularning ishonchli vakillari Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filialiga ariza bilan murojaat qiladi.
(4-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Arizaga quyidagi hujjatlar ilova qilinadi:
Vazirlar Mahkamasining 2014-yil 7-yanvardagi 1-son qarori bilan tasdiqlangan Koʻchmas mulkka boʻlgan huquqlarni va u haqda tuzilgan bitimlarni davlat roʻyxatidan oʻtkazish tartibi toʻgʻrisida nizomga muvofiq, yer uchastkasiga, bino va inshootlarga hamda koʻp yillik daraxtlarga boʻlgan huquqlarni tasdiqlovchi hujjatlar;
bino va inshootlarga hamda koʻp yillik daraxtlarga boʻlgan huquqlar sudning qaroriga muvofiq oʻtgan taqdirda, sudning qarori;
koʻchmas mulkka boʻlgan huquqlarni tasdiqlovchi yuridik va jismoniy shaxslarning ixtiyoridagi boshqa hujjatlar.
Koʻchmas mulk obyektlariga boʻlgan huquqlarni tasdiqlovchi hujjatlar arizaga ilova qilinmasa, kadastr yigʻmajildi tayyorlanmaydi.
5. Arizalar Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali tomonidan qabul qilib olinadi va shu kunning oʻzida koʻchmas mulk bilan bogʻliq ishlarni bajarish boʻyicha arizalar reyestriga qayd qilinadi.
(5-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
6. Yuridik va jismoniy shaxslar yoki ularning ishonchli vakillari kadastr yigʻmajildini tayyorlash uchun Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filialiga telekommunikatsiya kanallari orqali elektron hujjat koʻrinishida ariza berishlari, kadastr yigʻmajildini tayyorlash boʻyicha shartnomalarni rasmiylashtirishlari, bajarilgan ishlar uchun toʻlovlarni amalga oshirishlari mumkin.
(6-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
7. Ariza kelib tushgan kunning oʻzida Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali bilan yuridik va jismoniy shaxs yoki ularning ishonchli vakillari oʻrtasida kadastr yigʻmajildini tayyorlash boʻyicha shartnoma tuziladi.
(7-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Kadastr yigʻmajildini tayyorlash ishlarining qiymati Vazirlar Mahkamasining 2014-yil 10-iyuldagi 186-son “Kadastr hujjatlarini tayyorlash boʻyicha davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida”gi qaroriga muvofiq aniqlanadi.
Kadastr yigʻmajildini tayyorlash kadastr obyektining murakkabligiga qarab quyidagi muddatlarda amalga oshiriladi:
koʻchmas mulk obyektlarining turar joyga oid qismi boʻyicha:
koʻp kvartirali uydagi kvartira — 7 kungacha;
yakka tartibdagi turar joy — 10 kungacha;
koʻchmas mulk obyektlarining noturar joyga oid qismi boʻyicha:
umumiy maydoni 100 kv.m. gacha boʻlgan koʻchmas mulk — 10 kungacha;
umumiy maydoni 100 kv.m dan 1000 kv.m. gacha boʻlgan koʻchmas mulk — 15 kungacha;
umumiy maydoni 1000 kv.m dan 5000 kv.m. gacha boʻlgan koʻchmas mulk — 20 kungacha;
umumiy maydoni 5000 kv.m dan 15000 kv.m. gacha boʻlgan koʻchmas mulk — 25 kungacha;
umumiy maydoni 15000 kv.m dan 50000 kv.m gacha boʻlgan koʻchmas mulk — 30 kungacha;
umumiy maydoni 50000 kv.m dan ortiq boʻlgan koʻchmas mulk — 45 kungacha.
(7-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 6-iyundagi 3-sonli qarori (roʻyxat raqami 2725-1, 20.06.2017-y.) tahririda — OʻR QHT, 2017-y., 25-son, 558-modda)
8. Kadastr yigʻmajildi quyidagi uch qismdan iborat boʻladi:
yer uchastkasining kadastr maʼlumotlari;
bino va inshootlarning kadastr maʼlumotlari;
koʻp yillik daraxtlarning kadastr maʼlumotlari.
9. Yuridik va jismoniy shaxslarning arizasiga muvofiq kadastr yigʻmajildi koʻchmas mulk obyektlari va ularga boʻlgan huquqlar bir paytda vujudga kelmagan holatlarda yer uchastkasi, bino va inshootlar hamda koʻp yillik daraxtlar boʻyicha alohida-alohida tayyorlanishi mumkin.
2-bob. Yer uchastkasining kadastr maʼlumotlarini tayyorlash
10. Yangi qurilish uchun davlat hokimiyati organi tomonidan yer uchastkasi ajratib berilgan taqdirda, yuridik va jismoniy shaxslar qurilish ishlarini boshlashdan oldin yer uchastkasi berilgan kundan eʼtiboran bir oy ichida yer uchastkasining joylashgan manzili boʻyicha Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filialiga yer uchastkasiga boʻlgan huquqlarni davlat roʻyxatidan oʻtkazish toʻgʻrisida ariza berishlari lozim. Ushbu holatda arizaga kadastr yigʻmajildi oʻrniga davlat hokimiyati organining yer uchastkasi ajratish toʻgʻrisidagi qarorini oʻz ichiga olgan, yer uchastkasi ajratish boʻyicha yigʻmajild ilova qilinadi.
(10-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Yer uchastkasi berilgan kundan eʼtiboran bir oy ichida murojaat qilinmagan taqdirda, kadastr yigʻmajildiga bino va inshootlarning kadastr maʼlumotlari bilan birgalikda yer uchastkasining ham kadastr maʼlumotlari kiritiladi.
Yuridik va jismoniy shaxslarning foydalanishida bir nechta yer uchastkasi boʻlsa, kadastr yigʻmajildi ularning har biri boʻyicha tayyorlanadi.
11. Yer uchastkasining kadastr maʼlumotlarini tayyorlashda quyidagi ishlar bajariladi:
yer uchastkasining topografik kartalari va kadastr maʼlumotlari, yer uchastkasiga boʻlgan huquqlarni tasdiqlovchi va cheklovchi hujjatlar hamda servitutlar mavjudligi oʻrganiladi;
yer uchastkasi joyida inventarizatsiya qilinadi;
yer uchastkasining chegaralari va umumiy maydoni huquqlarni tasdiqlovchi hujjatlardagi maʼlumotlar bilan solishtiriladi va ularning farqi aniqlanadi;
yer uchastkasining amaldagi maydoni huquqlarni tasdiqlovchi hujjatlarda belgilangan maydondan ortiq boʻlsa, oʻzboshimchalik bilan egallab olingan erning chegarasi kadastr planiga tushiriladi;
yer uchastkasining chegaralarini aniqlash va kelishish dalolatnomasi rasmiylashtiriladi;
yer uchastkasining kadastr pasporti tayyorlanadi.
12. Yer uchastkasini inventarizatsiya qilish natijasi boʻyicha mazkur Qoidalarning 1-ilovasida keltirilgan namunaviy shaklda Yer uchastkasining chegaralarini aniqlash va kelishish dalolatnomasi tuziladi.
13. Yer uchastkasining chegaralarini aniqlash va kelishish dalolatnomasida quyidagi maʼlumotlar aks ettiriladi:
yer uchastkasiga boʻlgan huquqni tasdiqlovchi hujjat nomi, sanasi va raqami;
yer uchastkasining joylashgan manzili – tuman, shahar, shaharcha, qishloq (ovul) va koʻchaning nomi, uy raqami, agar koʻchaning nomi va uy raqami boʻlmasa, qishloq (ovul), mahalla va qishloq aholi punktining nomi keltiriladi;
yer uchastkasining chegaralari taʼrifi;
yer uchastkasining umumiy maydoni – hujjatlar boʻyicha va amalda;
yer uchastkasining yer uchastkasini berish toʻgʻrisidagi hujjatlarda belgilangan foydalanish maqsadi va amaldagi foydalanish turi;
qishloq xoʻjaligida foydalanilayotgan yerlarning bonitet ballari va meʼyoriy qiymati;
yer uchastkasi haqidagi boshqa zarur maʼlumotlar.
14. Dalolatnoma uni tuzuvchi, yer uchastkasi yuridik shaxsga tegishli boʻlsa, uning rahbari yoki uning ishonchli vakili, yer uchastkasi jismoniy shaxsga tegishli boʻlsa, ushbu jismoniy shaxs yoki uning vakili tomonidan imzolanadi hamda chegaradosh yer uchastkalariga boʻlgan huquq egalari bilan kelishiladi.
Agar chegaradosh yer uchastkalariga boʻlgan huquq egasi – jismoniy shaxs uzoq muddatga boshqa joyga ketgan boʻlsa, yuridik shaxs boshqa tumanda (shaharda) joylashgan boʻlib, chegaralarni kelishish kuni va vaqti toʻgʻrisida ogohlantirilgan boʻlsa-da, uning rahbari yoki vakili kelishish uchun kelmasa, ushbu holat dalolatnomada aks ettiriladi.
Keyinchalik yer uchastkasiga yoki chegaradosh yer uchastkasiga nisbatan belgilangan huquq turi yoki huquq egasi oʻzgarganda, Yer uchastkasi chegaralarini belgilash va kelishish dalolatnomasini qayta tuzish talab etilmaydi, yer uchastkasining chegarasi oʻzgargan holatlar bundan mustasno.
15. Uy-joylar, boshqa bino va inshootlarni qurish uchun berilgan yer uchastkalari sʼyomka qilinadi. Bunda davlat koordinatlar tizimida chegara burilish nuqtalarining koordinatlari aniqlanadi va shartli belgilardan foydalanib yer uchastkasining elektron raqamli kadastr plani tuziladi.
16. Yer uchastkasining elektron raqamli kadastr planiga quyidagi elementlar tushiriladi va maʼlumotlar aks ettiriladi:
bino va inshootlar hamda boshqa geografik obyektlar;
yer uchastkasining davlat hokimiyati organlari tomonidan oʻrnatilgan muhofaza zonalari va oʻzboshimchalik bilan egallab olingan yerlarning chegaralari (mavjud boʻlsa);
chegaradosh yer uchastkalari va ularga boʻlgan huquq egalarining nomlari.
17. Yer uchastkasining elektron raqamli kadastr plani uning maydonidan kelib chiqib, kadastr yigʻmajildida tasvirlash uchun qulay masshtablarda tuziladi. Bunda aholi punktlaridagi yer uchastkasining kadastr plani 1:500 masshtabdan 1:2000 masshtabgacha, aholi punktlaridan tashqarida joylashgan qishloq va oʻrmon xoʻjaliklari yer uchastkasining kadastr plani 1:10000 masshtabda yoki 1:25000 masshtabda tuziladi.
Qishloq va oʻrmon xoʻjaligi yerlari, muhofaza qilinadigan tabiiy hududlar va boshqa shu kabi maqsadlarda foydanilayotgan yer uchastkalarining elektron raqamli kadastr plani mavjud topografik va qishloq xoʻjaligi kartalaridan foydalanib tuziladi.
Agar yer uchastkasining 1:500 masshtabdan 1:2000 masshtabgacha zamonaviy topografik sʼyomka materiallari mavjud boʻlsa, kadastr plani ular asosida tuzilishi mumkin.
Yer uchastkasining elektron raqamli kadastr plani qogʻozda chop etilib, planni tuzgan ijrochi, yer uchastkasiga boʻlgan huquq egasi tomonidan imzolanadi va chegaradosh yer uchastkalariga boʻlgan huquq egalari bilan kelishiladi va Yer uchastkasining chegaralarini aniqlash va kelishish dalolatnomasiga uning ajralmas qismi sifatida ilova qilinadi.
18. Yer uchastkasi joylashgan manzil tez aniqlanishini taʼminlash maqsadida yer uchastkasi joylashgan hudud plani tayyorlanadi va kadastr yigʻmajildiga kiritiladi. Yer uchastkasi joylashgan hudud plani yer uchastkasi tushirilgan, unga yaqin hududlarni oʻz ichiga olgan topografik kartalardan yoki boshqa planlardan koʻchirmadan iborat boʻladi.
19. Yer uchastkasining kadastr pasporti mazkur Qoidalarning 2-ilovasiga muvofiq tayyorlanadi va unda quyidagi maʼlumotlar aks ettiriladi:
yer uchastkasining huquq egasi: yuridik shaxsning toʻliq firma nomi yoki jismoniy shaxsning familiyasi, ismi, otasining ismi;
yer uchastkasidan yer uchastkasini berish toʻgʻrisidagi hujjat boʻyicha foydalanish maqsadi va amalda foydalanilishi;
yer uchastkasining joylashgan manzili – tuman, shahar, shaharcha, qishloq (ovul) va koʻchaning nomi, uy raqami, agar koʻchaning nomi va uy raqami boʻlmasa, qishloq (ovul), mahalla va qishloq aholi punktining nomi keltiriladi;
yer uchastkasining kadastr raqami;
yer uchastkasiga boʻlgan huquq turi;
yer uchastkasidan foydalanish muddati;
yer uchastkasining umumiy maydoni – yer uchastkasini berish toʻgʻrisidagi hujjat boʻyicha va amalda foydalanilayotgan maydoni;
yer uchastkalariga boʻlgan huquqni tasdiqlovchi hujjat nomi, sanasi va raqami;
yer uchastkasiga boʻlgan huquqning cheklanishi, servitutlar va boshqa shartlar toʻgʻrisida maʼlumotlar – turlari, mazmuni, asoslari va amal qilish muddati;
muhofaza zonalari toʻgʻrisida maʼlumotlar – muhofaza zonasi belgilangan obyekt turi va muhofaza zonasining maydoni;
yer uchastkasidagi koʻp yillik daraxtlar toʻgʻrisida maʼlumotlar: turlari va soni;
yer uchastkasiga boʻlgan huquqning davlat roʻyxatidan oʻtkazilganligi toʻgʻrisida maʼlumotlar – Koʻchmas mulkka boʻlgan huquqlar va u haqda tuzilgan bitimlar davlat reyestriga kiritilgan reyestr raqami va sana, davlat roʻyxatidan oʻtkazilganligi toʻgʻrisida guvohnoma raqami, berilgan sana (mavjud boʻlsa);
yer uchastkasini baholash toʻgʻrisidagi maʼlumotlar – qishloq xoʻjaligi yerlarining meʼyoriy qiymati, baholangan yili;
maxsus inshootlarga xos boshqa maʼlumotlar.
3-bob. Bino va inshootlarning kadastr maʼlumotlarini tayyorlash
20. Yer uchastkasiga boʻlgan huquq davlat roʻyxatidan oʻtkazilmagan boʻlsa yoki yer uchastkasiga boʻlgan huquqni tasdiqlovchi hujjat arizaga ilova qilinmagan boʻlsa alohida bino va inshootning kadastr yigʻmajildi tayyorlanmaydi, bundan yer uchastkasi berilmagan koʻp kvartirali uylardagi kvartiralar va yashash uchun moʻljallanmagan joylar mustasno.
21. Bino va inshootlarning kadastr maʼlumotlarini tayyorlash jarayonida quyidagi ishlar bajariladi:
bino va inshootlar boʻyicha huquqiy, iqtisodiy, arxitektura-shaharsozlik va boshqa zarur hujjatlar yigʻiladi va tahlil qilinadi;
bino va inshootlar texnik inventarizatsiya qilinadi, bunda binolarning ichki va tashqi oʻlchovlari aniqlanadi, maydonlari va hajmlari hisoblanadi hamda ushbu maʼlumotlar mazkur Qoidalarning tegishincha 3 yoki 4-ilovalarida keltirilgan binolarning ichki va tashqi oʻlchov qaydnomalarida aks ettiriladi;
bino va inshootlar konstruktiv qismlarining tavsifi aniqlanadi va ular mazkur Qoidalarning 5-ilovasida keltirilgan shaklda aks ettiriladi;
bino va inshootlarning arxitektura-qurilish chizmalari tayyorlanadi;
binoning muhandislik kommunikatsiyalari (gaz, elektr energiyasi, sovuq suv, issiqlik energiyasi, aloqa va boshqalar) bilan taʼminlanganligi aniqlanadi;
jismoniy shaxslarga tegishli boʻlgan bino va inshootlarning qiymati aniqlanadi;
bino va inshootlarga Vazirlar Mahkamasining 2001-yil 31-dekabrdagi 492-son qarori bilan tasdiqlangan Oʻzbekiston Respublikasi hududlarini kadastr boʻyicha boʻlish hamda yer uchastkalari, binolar va inshootlarning kadastr raqamlarini shakllantirish tartibi toʻgʻrisidagi nizomda belgilangan tartibda kadastr raqami beriladi;
bino va inshootlarning kadastr pasporti tayyorlanadi.
22. Bino va inshootlarning arxitektura-qurilish chizmalari eng kam hajmda, ortiqcha tafsilotlarsiz tuziladi.
Binoning ichki xonalari plani chiziladi. Agar bino bir necha qavatdan iborat boʻlsa, u holda barcha qavatlarning planlari, shuningdek yertoʻlaning plani chiziladi. Binoning qavat planlari 1:100 yoki 1:200 masshtabda chiziladi va nomlanadi (masalan, “1-qavat plani”, “2-qavat plani”, “Yertoʻla plani”).
23. Yer osti inshootlarining (har xil maqsadlarda foydalaniladigan quvurlar, elektr va aloqa liniyalari, foydali qazilmalarni qazib olish bilan bogʻliq boʻlgan inshootlar va h. k.) tavsifi kadastr yigʻmajildiga loyiha-smeta yoki ushbu inshootlar davlat kadastri maʼlumotlaridan foydalanib kiritiladi.
24. Maxsus inshootlarning kadastr maʼlumotlari tayyorlanayotganda ular toʻgʻrisida oʻzlariga xos maʼlumotlar tegishli davlat kadastrlari maʼlumotlaridan foydalanib kiritiladi. (Masalan, alohida kadastr obyekti boʻlgan elektr liniyasining kadastr maʼlumotlaridan uning nomi, kuchlanishi, simlar soni, elektr liniyasi tayanchlarining konstruksiyasi, transformator stansiyalari va boshqa inshootlar toʻgʻrisidagi maʼlumotlar olinishi mumkin).
25. Jismoniy shaxslarga tegishli boʻlgan bino va inshootlarning eskirganligini aniqlash ularni koʻzdan kechirish natijalariga koʻra ayrim konstruktiv qismlarning eskirishini hisoblash orqali amalga oshiriladi. Konstruktiv qismlar boʻyicha eskirish foizini aniqlashda baholash paytida ularning texnik holatini tekshirish asosida ushbu qismlarning eskirganlik foizi tegishli shaharsozlik normalari va qoidalariga muvofiq aniqlanadi va mazkur Qoidalarning 6-ilovasida keltirilgan shaklda aks ettiriladi.
26. Jismoniy shaxslarga tegishli boʻlgan bino va inshootlarning inventar qiymati Vazirlar Mahkamasining 1995-yil 29-dekabrdagi 478-son qarori bilan tasdiqlangan Jismoniy shaxslarning mulki boʻlgan binolar va inshootlarni baholash va qayta baholash toʻgʻrisida nizomga muvofiq aniqlanadi va baholash natijasi mazkur Qoidalarning 7-ilovasida keltirilgan shaklda aks ettiriladi.
Yuridik shaxslarga tegishli bino va inshootlarning qiymati sifatida ular tomonidan berilgan maʼlumotlarga asosan bino va inshootlarning kadastr yigʻmajildi tayyorlanayotgan kalendar yilning 1-yanvar holatidagi qoldiq qiymati koʻrsatiladi.
27. Bino va inshootlarning kadastr pasporti mazkur Qoidalarning 8-ilovasiga muvofiq ishlab chiqiladi va unda quyidagi maʼlumotlar aks ettiriladi:
yuridik shaxsning toʻliq firma nomi yoki jismoniy shaxsning familiyasi, ismi, otasining ismi;
bino va inshootlarning turlari;
bino va inshootlarga boʻlgan huquqni tasdiqlovchi hujjat nomi, sanasi va raqami;
bino va inshootlarga boʻlgan huquqlarni cheklovchi yoki bekor qiluvchi hujjatlarning nomi, sanasi va raqami, cheklash muddati;
bino va inshootlardan foydalanishning maxsus tartibi boʻlgan taqdirda, uni belgilashga asos boʻlgan hujjat nomi, sanasi va raqami, maxsus tartibning qisqacha tavsifi va amal qilish muddati;
bino va inshootlarning qiymati toʻgʻrisidagi maʼlumotlar;
qurilish maʼlumotlari (foydalanishga qabul qilingan yildagi konstruksiyalar turi, qavatlar soni);
bino va inshootlarning maydoni va hajmi toʻgʻrisidagi maʼlumotlar;
muhandislik kommunikatsiyalari bilan taʼminlanganlik toʻgʻrisida maʼlumotlar;
foydalanish toʻgʻrisidagi maʼlumotlar;
maxsus inshootlar toʻgʻrisidagi maʼlumotlar.
Bino va inshootlarning kadastr pasportiga ularning oʻziga xos xususiyatlarini aks ettiruvchi boshqa koʻrsatkichlar ham kiritilishi mumkin.
28. Bino va inshootlarning, ijrochi korxona arxivida saqlanadigan kadastr yigʻmajildi nusxasida kadastr maʼlumotlariga abrislar, fotosuratlar va bino va inshootlarni tavsiflovchi boshqa hujjatlar va materiallar ilova qilinishi mumkin.
29. Yer uchastkasiga boʻlgan huquq davlat roʻyxatidan oʻtkazilgan yer uchastkasida uy-joy qurish va uy-joyni rekonstruksiya qilish tugallangandan keyin yuridik va jismoniy shaxsning arizasiga asosan Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali oʻn kun ichida uy-joyni texnik inventarizatsiya qiladi va mazkur Qoidalarda belgilangan tartibda kadastr yigʻmajildini tayyorlaydi.
(29-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Kadastr yigʻmajildi tuman (shahar) hokimining uy-joyni foydalanishga qabul qilish dalolatnomasini tasdiqlash toʻgʻrisidagi qarori bilan birga quruvchi yoki uy-joy mulkdoriga yoxud ularning vakillariga bir kun muddatda topshiriladi.
Binolar qayta ixtisoslashtirilganda va rekonstruksiya qilinganda kadastr yigʻmajildiga tegishli oʻzgartirishlar kiritiladi.
30. Qurilishi tugallanmagan bino va inshootlarni boshqa shaxsga oʻtkazishda huquq egasining buyurtmasi boʻyicha kadastr yigʻmajildi tayyorlanadi, unda:
huquq egasining nomi;
yer uchastkasini berish toʻgʻrisidagi hujjatlarning mavjudligi, yer uchastkasiga boʻlgan huquqning davlat roʻyxatidan oʻtkazilganligi toʻgʻrisidagi maʼlumotlar;
yer uchastkasining imorat va inshootlar tushirilgan plani;
obyektning nomi va qurilish boshlangan yili;
loyiha-smeta hujjatlarining mavjudligi hamda arxitektura va qurilish organlari tomonidan qurilish-montaj ishlarini boshlashga ruxsat berilganligi;
qurilishi tugallangan, ammo davlat komissiyasi tomonidan foydalanishga qabul qilinmagan obyektlar roʻyxati;
qurilishi tugallanmagan bino va inshootlarning holati;
qurilishi tugallanmagan obyektning qiymati, zarur boʻlganda, baholovchi tashkilot tomonidan baholangan qiymati.
4-bob. Koʻp yillik daraxtlarning kadastr maʼlumotlarini tayyorlash
31. Yuridik va jismoniy shaxslarning mulki boʻlgan koʻp yillik daraxtlarga koʻchmas mulkning bir turi sifatida kadastr maʼlumotlari tayyorlanadi.
Qishloq xoʻjaligi kooperativlari (shirkat xoʻjaliklari) va fermer xoʻjaliklari tomonidan uzoq muddatli ijaraga berilgan yer uchastkalarida ijaraga beruvchining ruxsati bilan oʻz mablagʻlari hisobiga oʻtqazilgan va ularning mulki boʻlgan koʻp yillik daraxtlar, oʻrmon daraxtlari toʻgʻrisida maʼlumotlar kadastr yigʻmajildi tarkibiga kiritiladi.
Yakka tartibda uy-joy qurish, dehqon (shaxsiy yordamchi) xoʻjaligini hamda jamoat bogʻdorchiligi va uzumchiligini yuritish uchun berilgan yer uchastkalarida oʻstirilgan koʻp yillik daraxtlar toʻgʻrisidagi maʼlumotlar kadastr yigʻmajildiga davlat organlarining ushbu maqsadlar uchun yer uchastkalari berish toʻgʻrisidagi qarorlariga asosan kiritiladi.
32. Kadastr yigʻmajildini tayyorlash jarayonida bogʻlar, uzumzorlar, tutzorlar va boshqa oʻrmon daraxtlarining maydoni va soni aniqlanadi. Bogʻlardagi meva daraxtlari, turlarga (olma, nok, shaftoli, va hokazo) ajratilmasdan egallagan umumiy maydoni, soni hamda ular joylashgan yer boʻlaklarining (konturlarining) raqamlari aniqlanadi.
33. Koʻp yillik daraxtlarning kadastr maʼlumotlari yer uchastkasining kadastr maʼlumotlari bilan birgalikda koʻrsatiladi. Zarur holda koʻp yillik daraxtlar joylashgan yerlarning kadastr plani tuziladi. Planga shartli belgilarda koʻp yillik daraxtlar egallagan yerlar tushiriladi.
5-bob. Kadastr yigʻmajildini rasmiylashtirish
34. Kadastr yigʻmajildi A4 (210 x 297 mm) formatdagi yozuv qogʻozlarida tayyorlanadi. Bunda asosiy formatlarning qisqa tomonlarini karrali miqdorda uzaytirish bilan tashkil qilinadigan qoʻshimcha formatlar qoʻllanilishi mumkin.
35. Koʻchmas mulk obyekti faqat yer uchastkasi yoki faqat bino, inshootdan (kvartiradan, bino, inshootning bir qismidan) iborat boʻlgan hollarda kadastr yigʻmajildi tegishli obyekt boʻyicha tayyorlanadi.
36. Kadastr yigʻmajildining muqovasi mazkur Qoidalarning 9-ilovasiga muvofiq shaklda tayyorlanadi. Unda koʻchmas mulk obyektiga boʻlgan huquq egasining nomi va koʻchmas mulk obyektidan foydalanish maqsadi keltiriladi.
37. Kadastr yigʻmajildining titul varagʻi mazkur Qoidalarning 10-ilovasiga muvofiq shaklda tayyorlanadi.
38. Kadastr yigʻmajildining titul varagʻidan keyin mundarija joylashtiriladi. Unda har bir hujjatning nomi va varaq raqami yoziladi.
39. Mundarijadan keyin ijrochi tomonidan tayyorlangan qisqacha tushuntirish xati joylashtiriladi va unda koʻchmas mulk obyektlariga boʻlgan huquqlarni tasdiqlovchi hujjatlar, koʻchmas mulkka boʻlgan huquq boshqa shaxsga oʻtish holatlari, yer uchastkasiga boʻlgan huquq boshqa shaxsga bino va inshootga boʻlgan huquq oʻtishi munosabati bilan oʻtsa, birinchi yerdan foydalanuvchiga yer uchastkasini berish toʻgʻrisida davlat hokimiyati organining qarori, bino va inshootlarning tavsifini aniqlashda loyiha-smeta hujjatlari, boshqa davlat kadastrlari maʼlumotlaridan foydalanilgan taqdirda, ushbu materiallar va koʻchmas mulkning boshqa tavsiflari toʻgʻrisidagi maʼlumotlar aks ettiriladi.
40. Koʻchmas mulkka boʻlgan huquqlar davlat roʻyxatidan oʻtkazilgandan keyin kadastr yigʻmajildida mazkur Qoidalarning 11-ilovasiga muvofiq koʻchmas mulk obyektiga boʻlgan huquqning davlat roʻyxatidan oʻtkazilganligi toʻgʻrisidagi maʼlumotlar kiritiladi.
41. Tayyorlangan kadastr yigʻmajildi Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali bosh muhandisi va koʻchmas mulkka boʻlgan huquqlarni davlat roʻyxatidan oʻtkazuvchi mutaxassis tomonidan bir kun ichida tekshirib chiqiladi.
(41-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Kadastr yigʻmajildi qonun hujjatlari va mazkur Qoidalar talablariga muvofiq boʻlmagan hollarda, aniqlangan kamchiliklar yozma ravishda bir kun muddatda tegishli oʻzgartish va qoʻshimchalar kiritish uchun ijrochi mutaxassisga taqdim etiladi. Ijrochi mutaxassis kamchiliklarni koʻrib chiqadi va bir kun muddat ichida kadastr yigʻmajildiga tegishli oʻzgartish va qoʻshimchalar kiritadi.
(41-bandning ikkinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 6-iyundagi 3-sonli qarori (roʻyxat raqami 2725-1, 20.06.2017-y.) tahririda — OʻR QHT, 2017-y., 25-son, 558-modda)
Tayyorlangan kadastr yigʻmajildining titul varagʻi uni tayyorlagan tuman (shahar) yer tuzish va koʻchmas mulk kadastri davlat korxonasi rahbari, bosh muhandisi va ijrochi tomonidan imzolanadi.
42. Kadastr yigʻmajildi ikki nusxada tayyorlanadi. Uning bir nusxasi yuridik va jismoniy shaxs yoki ularning vakiliga topshiriladi. Ikkinchi nusxasi Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali arxivida doimiy saqlanadi.
(42-bandning birinchi xatboshisi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Kadastr yigʻmajildining arxiv nusxasini yoki undagi hujjatlarni tuman (shahar) yer tuzish va koʻchmas mulk kadastri davlat korxonasi arxividan olib qoʻyishga yoʻl qoʻyilmaydi, qonunda nazarda tutilgan holatlar bundan mustasno.
6-bob. Kadastr yigʻmajildiga oʻzgartirishlar kiritish
43. Kadastr yigʻmajildiga oʻzgartirishlar koʻchmas mulk obyektiga boʻlgan huquq egalarining yoki ular vakillarining, shu jumladan huquq egasi oʻzgarganda yangi huquq egalarining arizalariga muvofiq kiritiladi. Arizaga kadastr yigʻmajildiga oʻzgartirishlar kiritish uchun asos boʻlgan hujjatlar hamda yuridik va jismoniy shaxsda saqlanayotgan kadastr yigʻmajildi ilova qilinadi.
44. Bino va inshootlarning konstruktiv qismlari, xonalar soni oʻzgartirilgan holda rekonstruksiya qilinganda ular qaytadan texnik inventarizatsiya qilinadi hamda u asosida bino va inshootlarning kadastr maʼlumotlari qaytadan tayyorlanadi.
45. Bino va inshootlarning konstruktiv qismlari, xonalar soni oʻzgarmagan holda unga nisbatan huquq turi va (yoki) huquq egasi oʻzgargan taqdirda, koʻchmas mulk obyektini qaytadan texnik inventarizatsiya qilish taqiqlanadi. Bunda tegishli huquq egasining arizasiga muvofiq kadastr yigʻmajildi uning nomiga qayta rasmiylashtirib beriladi.
(45-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 6-iyundagi 3-sonli qarori (roʻyxat raqami 2725-1, 20.06.2017-y.) tahririda — OʻR QHT, 2017-y., 25-son, 558-modda)
46. Yuridik va jismoniy shaxsning koʻchmas mulk obyektiga boʻlgan huquqi bekor boʻlganda yoki bekor qilinganda, ushbu obyektga tayyorlangan kadastr yigʻmajildi yangi huquq egasiga berilishi lozim. Bunda kadastr yigʻmajildi unga tegishli oʻzgartirishlar kiritish va huquqni davlat roʻyxatidan oʻtkazish uchun yangi huquq egasi tomonidan Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filialiga topshirilishi lozim.
(46-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
47. Kadastr yigʻmajildiga oʻzgartirishlar kiritishda uning Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filialining arxivida saqlanayotgan nusxasiga ham tegishli oʻzgartirishlar kiritiladi. Bunda kadastr yigʻmajildining tuman (shahar) yer tuzish va koʻchmas mulk kadastri davlat korxonasining arxivida saqlanayotgan nusxasida mavjud boʻlgan hujjatlarni olib tashlashga yoʻl qoʻyilmaydi, yangi holatlarni tasdiqlovchi hujjatlar kadastr yigʻmajildiga yangilanishi boʻyicha qoʻshib boriladi.
(47-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
48. Kadastr yigʻmajildi yoʻqolgan yoki yaroqsiz holga kelganda huquq egasining arizasiga muvofiq Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korxonasining tegishli tuman (shahar)dagi filiali arxivida saqlanayotgan kadastr yigʻmajildining huquq egasiga tegishli qismlaridan nusxa olinadi. Ushbu nusxalardan iborat kadastr yigʻmajildining har bir varagʻiga tuman (shahar) yer tuzish va koʻchmas mulk kadastri davlat korxonasi rahbari tomonidan asliga toʻgʻri degan yozuv kiritiladi va imzolanadi hamda ariza kelib tushgan kundan boshlab ikki ish kuni ichida huquq egasiga topshiriladi.
(48-band Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
7-bob. Yakuniy qoida
49. Mazkur Qoidalar talablarining buzilishida aybdor boʻlgan shaxslar qonun hujjatlarida belgilangan tartibda javobgar boʻladi.
Koʻchmas mulk obyektlariga kadastr yigʻmajildini tayyorlash qoidalariga
1-ILOVA

NAMUNA

Yer uchastkasi chegaralarini aniqlash va kelishish

DALOLATNOMASI

20__ yil “___” ________________

_____________________ tumani (shahri)

Biz, _________________________________________________________________yer tuzish va koʻchmas mulk kadastri

(mintaqa nomi)
davlat korxonasining ___________________________________________________________________ tuman (shahar)

(filial nomi)
filiali muhandisi ________________________________________________________________________________

(ijrochining lavozimi, familiyasi, ismi, otasining ismi)

va yer uchastkasining huquq egasi ______________________________________________________________________

(yuridik shaxs vakilining lavozimi, familiyasi, ismi, otasining ismi

___________________________________________________________________________ quyidagilarni aniqladik.

yoki jismoniy shaxsning familiyasi, ismi, otasining ismi)

Yer uchastkasi ____________________________________________________________________________ joylashgan.

(joylashgan manzili)

Yer uchastkasining kadastr raqami _____________________________________________________________________
__________________________________________________________________________ ga ________ga yer uchastkasi

(yuridik shaxsning nomi yoki jismoniy shaxsning familiyasi, ismi, otasining ismi)
________________________________________________________________________________________________

(yer uchastkasi berilgan yoki unga boʻlgan huquqning oʻtishi toʻgʻrisida hujjat nomi, sanasi, raqami)

muvofiq _____________________________________________________________________ huquqi bilan berilgan,

(yer uchastkasini berish maqsadi, huquq turi)
amalda yer uchastkasining maydoni ________ ga ni tashkil qiladi.
Yer uchastkasi __________________ maqsadida foydalanilmoqda, uning ekin eri _______ ga, bogʻ _______ ga, uzumzor ______ ga, tutzor ________ ga, yaylov ______ ga, qurilish ostidagi va hovli yerlari _______ ga, boshqa yerlar ______ ga.
Yer uchastkasidan hujjatlar boʻyicha foydalanish maqsadi _________________________________________________,
amalda ___________________________________________________________________maqsadida foydalanilmoqda.
Yer uchastkasiga boʻlgan huquqning cheklanishi_____________________________________________________________

(hujjat nomi, cheklash mazmuni)

Yer uchastkasida ____________________________________________________________________________________

(hujjat nomi, muhofaza zonasi belgilangan obyekt turi,
muhofaza zonasining maydoni, foydalanish sharti)

Yer uchastkasini baholash natijalari toʻgʻrisidagi maʼlumotlar _____________________________________________
Yer uchastkasi chegaralarining taʼrifi _________________________________________________________________
Yer uchastkasi chegaralari boʻyicha yer uchastkasiga boʻlgan huquq egasining va chegaradosh yer uchastkalariga boʻlgan huquq
egalarining ______________________________________________________________________________________

(eʼtirozlari yoʻq / quyidagi eʼtirozlari mavjud)

Yer uchastkasining boshqa xususiyatlari _________________________________________________________________
Mazkur dalolatnomaga uning ajralmas qismi sifatida yer uchastkasining ____________________________________
masshtabdagi kadastr plani ilova qilinmoqda.
Filial muhandisi _________________________________________________________________________________

(ijrochining lavozimi, imzosi, familiyasi, ismi, otasining ismi)

Yer uchastkasiga boʻlgan huquq egasi

____________

________________________________

(imzo)

(familiyasi, ismi, otasining ismi)

Chegaradosh yer uchastkalariga (familiyasi, ismi, otasining ismi)

1. _________________(imzo)

_______________________________________________
(familiyasi, ismi, otasining ismi)

2. _________________(imzo)

_______________________________________________
(familiyasi, ismi, otasining ismi)

3. _________________(imzo)

_______________________________________________
(familiyasi, ismi, otasining ismi)
(1-ilova Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Koʻchmas mulk obyektlariga kadastr yigʻmajildini tayyorlash qoidalariga
2-ILOVA

ER UChASTKASINING KADASTR PASPORTI

1. Huquq egasi:
a) yuridik shaxsning nomi ___________________________________________________
b) jismoniy shaxsning familiyasi, ismi, otasining ismi__________________________
v) soliq toʻlovchining identifikatsiya raqami (STIR) _____________________________
2. Yer uchastkasidan foydalanish maqsadi:
a) hujjatlar boʻyicha _______________________________________________________
b) amalda ________________________________________________________________
3. Yer uchastkasining oʻrnashgan joyi ___________________________________________
________________________________________________________________________
4. Yer uchastkasining kadastr raqami ___________________________________________
5. Yer uchastkasiga boʻlgan huquq turi ___________________________________________
6. Foydalanish muddati _____________________________________________________
7. Yer uchastkasining maydoni (ga):
a) yer ajratish toʻgʻrisidagi hujjat boʻyicha ______________________________________
b) amalda foydalanilayotgan maydon___________________________________________
8. Huquqni belgilovchi hujjat(lar) ___________________________________________
________________________________________________________________________
9. Huquqni cheklashlar, servitutlar va boshqa shartlar toʻgʻrisida maʼlumotlar:
a) turi va mazmuni ________________________________________________________
b) asos __________________________________________________________________
v) amal qilish muddati _____________________________________________________
10. Muhofaza zonalari toʻgʻrisida maʼlumotlar:
a) muhofaza zonasi belgilangan obyekt turi ____________________________________
b) muhofaza zonasining maydoni (ga) __________________________________________
11. Yer uchastkasidagi koʻp yillik daraxtlar toʻgʻrisida maʼlumotlar:
a) turi __________________________________________________________________
b) soni (dona) ____________________________________________________________

12. Yer uchastkasiga boʻlgan huquqning davlat roʻyxatidan oʻtkazilganligi toʻgʻrisida maʼlumotlar:

davlat reyestriga kiritilgan reyestr raqami kiritilgan sana _______________________
13. Yer uchastkasini baholash toʻgʻrisidagi maʼlumotlar ____________________________
________________________________________________________________________
14. Maxsus inshootlarga xos maʼlumotlar ______________________________________
________________________________________________________________________
15. Boshqa maʼlumotlar _____________________________________________________
Ijrochi _________________________________________________________________

(lavozimi, imzosi, familiyasi, ismining bosh harfi)
Koʻchmas mulk obyektlariga kadastr yigʻmajildini tayyorlash qoidalariga
3-ILOVA

Binolarning ichki oʻlchov

Qaydnomasi

Binoning kodi

Qavat

raqami

Xonaning

plandagi raqami

Xonaning

nomi

Oʻlchamlari, m

(formulada)

Maydoni, m2

Balandligi,

m

Hajmi,

m3

Foydali

(yashash)

Yordamchi

Umumiy foydali

0001

0002

0003

0004

0005

0006

0007

Ijrochi ________________________________________________

(lavozimi, imzosi, familiyasi, ismining bosh harfi)

Koʻchmas mulk obyektlariga kadastr yigʻmajildini tayyorlash qoidalariga
4-ILOVA

Bino va inshootlarning tashqi oʻlchovi

qaydnomasi

Bino va inshootning kodi

Bino va inshootning nomi

Qavatlar soni

Oʻlchamlari,

m

(formulada)

Asosiy binolar

Yordamchi bino va inshootlar

Oʻzboshimchalik bilan qurilgan imoratlar

Umumiy qurilish osti maydoni va hajmi

Maydoni, m2

Balandligi

h, m

Hajmi

m3

Maydoni,
m2

Balandligi

h, m

Hajmi

m3

Maydoni, m2

Balandligi

h, m

Hajmi,

m3

Maydoni, m2

Hajmi

m3

0001

0002

0003

0004

0005

0006

0007

Jami

X

X

X

X

X




Ijrochi __________________________________________________

(lavozimi, imzosi, familiyasi, ismining bosh harfi)

Koʻchmas mulk obyektlariga kadastr yigʻmajildini tayyorlash qoidalariga
5-ILOVA

Bino va inshootlar konstruktiv qismlarining

TAVSIFI

Bino va inshootning kodi

Bino va inshootning nomi

Konstruktiv qismlarning tavsifi

Poydevor

Poydevor usti

Devorlar

Bostirma

Partusinlar

Tom

Tom qoplamasi

Pol

0001

0002

0003

0004

0005

0006

0007





Ijrochi __________________________________________________________

(lavozimi, imzosi, familiyasi, ismining bosh harfi)

Koʻchmas mulk obyektlariga kadastr yigʻmajildini tayyorlash qoidalariga
6-ILOVA

Bino va inshootning eskirganlik darajasini aniqlash

Bino va inshootning kodi

Konstruktiv qismlar

nomi

Texnik ahvoli

(choʻkkan, yorilgan,

chirigan va hokazo)

Konstruktiv qismlarning solishtirma ulushi, %

Solishtirma ulushlarga tuzatmalar, %

Tuzatishlar kiritilgandan keyingi solishtirma

ulushi, %

Konstruktiv qismlarning eskirganligi, %

Konstruktiv qismlar eskirganligining oʻrtacha foizi,%

0001

0002

0003

0004

0005

0006

0007

Jami




Ijrochi ___________________________________________________________

(lavozimi, imzosi, familiyasi, ismining bosh harfi)

Koʻchmas mulk obyektlariga kadastr yigʻmajildini tayyorlash qoidalariga
7-ILOVA

Bino va inshootlarning inventar qiymati


Bino va inshootlarning kodlari

Bino va inshootlarning nomi

Tiklanish qiymati, soʻm

Eskirish darajasi, %

Inventar qiymati, soʻm

0001

0002

0003

0004

0005

0006

0007




Jami

Koʻchmas mulk obyektlariga kadastr yigʻmajildini tayyorlash qoidalariga
8-ILOVA

BINO VA INShOOTLARNING KADASTR PASPORTI

I. Umumiy maʼlumotlar

1. Huquq egasining nomi _______________________________________________________________________

(yuridik shaxsning nomi, jismoniy shaxsning familiyasi, ismi.)

2. Obyektning nomi ___________________________________________________________________________
3. Huquq turi ________________________________________________________________________________

II. Yuridik maʼlumotlar

1. Huquq belgilovchi hujjat (nomi, sanasi, raqami) __________________________________________________
2. Obyektning foydalanish turi:
hujjat boʻyicha _______________________________________________________________________________
amalda _____________________________________________________________________________________
3. Foydalanishning maxsus rejimlari toʻgʻrisida maʼlumotlar ________________________________________

III. Moliyaviy-iqtisodiy maʼlumotlar

1. Jismoniy shaxsga tegishli boʻlgan bino va inshootning inventar qiymati
___________________________________________________________________________________ ming soʻm.
2. Yuridik shaxsga tegishli boʻlgan bino va inshootning 20____ yil 1-yanvar
holatiga qoldiq balans qiymati __________________________________________________________ ming soʻm

IV. Qurilish maʼlumotlari

(Agar obyekt bir nechta binodan va inshootdan iborat boʻlsa, har bir bino va inshoot boʻyicha qoʻshimcha maʼlumotlar beriladi)

1.Foydalanishga qabul qilingan yili _____________________________________________________________
2. Konstruksiyalar turi ________________________________________________________________________
3. Qavatlar soni ______________________________________________________________________________

V. Oʻlchov maʼlumotlari

1. Alohida binolar (korpuslar) soni _____________________________________________________________
2. Asosiy xonalar soni ________________________________________________________________________
3. Umumiy foydali maydoni __________ m2, foydali (yashash) maydoni ___________ (m2)
4. Inshootlar soni ______________, maydoni ______________ m2
5. Oʻzboshimchalik bilan qurilgan imoratlar egallagan maydon _______________ m2

VI. Muhandislik kommunikatsiyalari bilan taʼminlanganlik toʻgʻrisida maʼlumotlar

Muhandislik kommunikatsiyalari nomi

Binolar boʻyicha muhandislik kommunikatsiyalarining mavjudligi

0001

0002

0003

0004

0005

0006

Elektr taʼminoti
Gaz taʼminoti
Suv taʼminoti
Kanalizatsiya
Issiqlik energiyasi taʼminoti
Lift, yukkoʻtargich
Boshqa maʼlumotlar

VII. Maxsus inshootlar toʻgʻrisidagi maʼlumotlar

1. Inshootning nomi ___________________________________________________________________________
2. Inshootning tuman (shahar) chegarasidagi uzunligi, km ______________________________________________
3. Yer yuziga nisbatan joylashuvi _________________________________________________________________
4. Inshootning texnik koʻrsatkichlari ______________________________________________________________
Ijrochi _____________________________________________________________________________________

(lavozimi, imzosi, familiyasi, ismining bosh harfi)

Koʻchmas mulk obyektlariga kadastr yigʻmajildini tayyorlash qoidalariga
9-ILOVA
(9-ilova Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Koʻchmas mulk obyektlariga kadastr yigʻmajildini tayyorlash qoidalariga
10-ILOVA
(10-ilova Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining 2017-yil 14-noyabrdagi 8-sonli (roʻyxat raqami 2725-2, 14.12.2017-y.) qarori tahririda — Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)
Koʻchmas mulk obyektlariga kadastr yigʻmajildini tayyorlash qoidalariga
11-ILOVA

Koʻchmas mulk obyektiga boʻlgan huquqning davlat roʻyxatidan oʻtkazilganligi toʻgʻrisidagi maʼlumotlar

1. Koʻchmas mulk egasining toʻliq nomi _____________________________________________________________
2. Koʻchmas mulkning joylashgan manzili ___________________________________________________________
3. Yer uchastkasiga boʻlgan huquqning davlat roʻyxatidan oʻtkazilishi:
Koʻchmas mulkka boʻlgan huquqlarni va u haqda tuzilgan bitimlarning davlat reyestriga
kiritilgan sanasi va raqami ____________________________________________________________________
Yer uchastkasiga boʻlgan h�quqning davlat roʻyxatidan oʻtkazilganligi toʻgʻrisida guvohnoma
seriyasi, raqami, sanasi ________________________________________________________________________
4. Bino va inshootlarga boʻlgan huquqning davlat roʻyxatidan oʻtkazilishi:
Koʻchmas mulkka boʻlgan huquqlarni va u haqda tuzilgan bitimlarning davlat reyestriga
kiritilgan sanasi va raqami ____________________________________________________________________
Bino va inshootlarga boʻlgan huquqning davlat roʻyxatidan oʻtkazilganligi toʻgʻrisida
guvohnoma seriyasi, raqami, sanasi _______________________________________________________________
5. Koʻp yillik daraxtlarga boʻlgan huquqning davlat roʻyxatidan oʻtkazilishi:
Koʻchmas mulkka boʻlgan huquqlarni va u haqda tuzilgan bitimlarning davlat reyestriga
kiritilgan sanasi va raqami ____________________________________________________________________
Koʻp yillik daraxtlarga boʻlgan huquqning davlat roʻyxatidan oʻtkazilganligi toʻgʻrisida
guvohnoma seriyasi, raqami, sanasi _______________________________________________________________
6. Koʻchmas mulkka boʻlgan huquq turi:
yer uchastkasiga _______________________________________________________________________________
bino va inshootlarga __________________________________________________________________________
koʻp yillik daraxtlarga _________________________________________________________________________
Ijrochi _______________________________________________
(lavozimi, imzosi, familiyasi, ismining bosh harfi)

(Oʻzbekiston Respublikasi qonun hujjatlari toʻplami, 2015-y., 44-son, 568-modda; 2017-y., 25-son, 558-modda, Qonun hujjatlari maʼlumotlari milliy bazasi, 15.12.2017-y., 10/17/2725-2/0410-son)