Oʻzbekiston Respublikasi Prezidentining “Oʻzbekiston Respublikasida investitsiya iqlimi va ishbilarmonlik muhitini yanada takomillashtirishga doir qoʻshimcha chora-tadbirlar toʻgʻrisida” 2014-yil 7-apreldagi PF-4609-sonli Farmoniga muvofiq:

1. 2015-yilning 1-yanvaridan boshlab Oʻzbekiston Respublikasi Prezidentining baʼzi qarorlariga ilovaga muvofiq oʻzgartish va qoʻshimchalar kiritilsin.

2. Ushbu qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining 2007-yil 16-martdagi PQ-605-sonli qarori bilan tasdiqlangan Alkogolli mahsulotlar bilan chakana savdo qilish huquqini beradigan ruxsat guvohnomasini berish tartibi toʻgʻrisidagi nizomda:

a) 5-bandining oltinchi xatboshidagi “maxsus” soʻzidan oldin “belgilangan tartibda roʻyxatdan oʻtkazilgan” soʻzlari qoʻshib qoʻyilsin;

b) 6-bandida:

uchinchi xatboshidagi “notarial tasdiqlangan” soʻzlari chiqarib tashlansin;

beshinchi va oltinchi xatboshilar chiqarib tashlansin;

yettinchi xatboshi beshinchi xatboshi deb hisoblansin;

quyidagi mazmundagi xatboshi qoʻshilsin:

“Ishchi organ ruxsat guvohnomasini berish uchun boshqa vakolatli organlarda mavjud boʻlgan zarur hujjatlar va axborotni belgilangan tartibda axborot sohasidagi hamkorlik vositasida, shu jumladan elektron koʻrinishida mustaqil ravishda oladi, mazkur bandda nazarda tutilgan hujjatlar va axborot bundan mustasno”;

v) 13-bandning ikkinchi va uchinchi xatboshilari quyidagi tahrirda bayon etilsin:

“ruxsat guvohnomasini berish uchun zarur hujjatlarning toʻliq hajmda taqdim etilmasligi;

buyurtmachining alkogolli mahsulotlar bilan chakana savdo qilish uchun mazkur Nizomning 5-bandida belgilangan talablarga muvofiq emasligi”.