Oʻzbekiston Respublikasi Vazirlar Mahkamasining
qarori
NEFT MAHSULOTLARINI SOTISh VA ULARGA TARIFLARNI ShAKLLANTIRISh TARTIBI TOʻGʻRISIDA
[Koʻchirma]
Neft bazalarining yuridik shaxs sifatida qayta tashkil etilganligini, xususiylashtirilgan va avtomobillarga yonilgʻi qoʻyish xususiy shoxobchalari mavjudligini hisobga olgan holda neft mahsulotlari sotish mexanizmini takomillashtirish, ularning raqobat qilishi uchun shart-sharoitlar yaratish maqsadida Vazirlar Mahkamasi qaror qiladi:
Oldingi tahrirga qarang.
(1-bandning birinchi xatboshisi Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan chiqarilgan — OʻR QHT, 2013-y., 11-son, 141-modda)
Oldingi tahrirga qarang.
Neft mahsulotlari sotuvchi neft bazalarining cheklangan ustamalarini shakllantirish toʻgʻrisidagi Nizom ilovaga muvofiq tasdiqlansin.
(1-bandning ikkinchi xatboshisi Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
Oldingi tahrirga qarang.
3. Belgilab qoʻyilsinki, ulgurji isteʼmolchilar va AYQShlarga neft mahsulotlari xarid qilish yuzasidan bir vaqtning oʻzida turli neft bazalari bilan shartnomalar tuzishga ruxsat beriladi. Bunda:
(3-bandning birinchi xatboshisi Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
har bir ulgurji isteʼmolchi yoki chakana isteʼmolchilarga neft mahsulotlari sotuvchi AYQSh neft mahsulotlarining asosiy hajmini oladigan neft bazasini mustaqil ravishda tanlaydi. Boshqa neft bazasiga asosiy sifatida biriktirib qoʻyishga faqat oldingi asosiy neft bazasidan qarz mavjud boʻlmaganda yoʻl qoʻyiladi;
barcha neft mahsulotlarini boshqa neft bazalaridan olishga faqat haqini 100 foiz oldindan toʻlash shartida yoʻl qoʻyiladi.
4. Oʻzbekiston Respublikasi Vazirlar Mahkamasining “Toshkent shahrini neft mahsulotlari bilan taʼminlashni yaxshilash chora-tadbirlari toʻgʻrisida” 1998-yil 7-sentabrdagi 382-son qarori (OʻR QT, 1998-y., 9-son, 33-modda) bilan tasdiqlangan Toshkent shahrini neft mahsulotlari bilan taʼminlash toʻgʻrisidagi Nizomning 8-bandidagi “Toshshaharneftmahsulot” korxonasi” soʻzlari “Oʻzneftmahsulot” aksiyadorlik kompaniyasi” soʻzlari bilan almashtirilsin.
5. Oʻzbekiston Respublikasi Moliya vazirligi Davlat soliq qoʻmitasi, Monopoliyadan chiqarish va raqobatni rivojlantirish davlat qoʻmitasi hamda Adliya vazirligi bilan birgalikda bir oy muddatda qonun hujjatlariga mazkur qarordan kelib chiquvchi oʻzgartirishlar kiritish yuzasidan takliflar tayyorlasin va taqdim etsin, shuningdek idoraviy normativ-huquqiy hujjatlarga tegishli oʻzgartirishlar kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov zimmasiga yuklansin.
Oʻzbekiston Respublikasining Bosh vaziri Oʻ.SULTONOV
Toshkent sh.,
2003-yil 1-iyul,
296-son
Vazirlar Mahkamasining 2003-yil
1-iyuldagi 296-son qaroriga
ILOVA
Oldingi tahrirga qarang.
Neft mahsulotlari sotuvchi neft bazalarining cheklangan ustamalarini shakllantirish toʻgʻrisida
(ilova nomi Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
NIZOM
I. Umumiy qoidalar
Oldingi tahrirga qarang.
1. Ushbu Nizom “Oʻzbekneftgaz” milliy-xolding kompaniyasi korxonalari va qonunchilikda belgilangan tartibda neft mahsulotlari sotish huquqiga litsenziyaga ega boʻlgan boshqa korxonalar tomonidan sotiladigan neft mahsulotlariga cheklangan ustamalarni shakllantirish tartibini belgilaydi.
(1-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
2. Ushbu Nizomda quyidagi atamalar qoʻllanadi:
“mintaqalar” — Qoraqalpogʻiston Respublikasi, viloyatlar va Toshkent shahri;
“mintaqaviy moliya organlari” — Qoraqalpogʻiston Respublikasi Moliya vazirligi, Toshkent shahar hokimligi moliya bosh boshqarmasi, viloyatlar hokimliklari moliya boshqarmalari.
II. Neft mahsulotlarini neft bazalarigacha tashish haqi miqdorini belgilash
3. Buxoro neftni qayta ishlash zavodi va Fargʻona neftni qayta ishlash zavodi oʻz mahsulotini ichki bozorda Oʻzbekiston Respublikasi Moliya vazirligida deklaratsiya qilinadigan narxlar boʻyicha sotadi.
Oldingi tahrirga qarang.
4. Neft mahsulotlarini sotishda “Oʻzneftmahsulot” aksiyadorlik kompaniyasi Buxoro neftni qayta ishlash zavodi va Fargʻona neftni qayta ishlash zavodidan temir yoʻl orqali neft bazalarigacha tashish haqi miqdorini shunday tartibda belgilaydiki, bunda aynan bir turdagi bir tonna neft mahsulotlarining istalgan neft bazasigacha yoki neft bazasi filialigacha tashish summasi bir xil boʻlishi kerak. Bunda neftni qayta ishlash zavodlarining neft mahsulotlarini temir yoʻl orqali tashish boʻyicha mumkin boʻlgan salbiy moliyaviy natijasi umumiy xoʻjalik faoliyatidan olingan daromadlar hisobiga qoplanadi.
(4-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
III. Neft bazalari ustamalarini shakllantirish
Oldingi tahrirga qarang.
5. “Oʻzneftmahsulot” aksiyadorlik kompaniyasi neft bazalarining cheklangan ustama narxlari Oʻzbekiston Respublikasi Moliya vazirligi tomonidan deklaratsiya qilinadi.
Bunda “Oʻzneftmahsulot” aksiyadorlik kompaniyasi neft bazalarining cheklangan ustama narxlarini deklaratsiya qilish uchun hisob-kitoblar, neft mahsulotlarini neft bazalaridan AYQSh joylashgan joygacha tashish boʻyicha xarajatlarning ustama narxlar tarkibiga kiritilishini hisobga olgan holda, “Oʻzneftmahsulot” aksiyadorlik kompaniyasi tomonidan taqdim etiladi.
(5-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
6. Bitta mintaqa doirasida neft mahsulotlarining har xil turlari uchun turlicha cheklangan ustamalarning deklaratsiya qilinishiga yoʻl qoʻyiladi. Bunga:
neft mahsulotlarining har xil turlari uchun qabul qilib olish, saqlash, sigʻimlardan chiqarib olish va tashish boʻyicha texnik shartlarda jiddiy tafovutlar mavjud boʻlganda;
neft mahsulotlarining har xil turlari boʻyicha qabul qilib olish, saqlash va sotishga ishlab chiqarish xarajatlari oʻrtasida jiddiy tafovutlarning paydo boʻlishiga olib keladigan boshqa obyektiv omillar mavjud boʻlganda yoʻl qoʻyiladi.
7. Neft mahsulotlarini yetkazib berish quyidagi tartibda amalga oshiriladi:
neft mahsulotlarini isteʼmolchilarga bevosita neft bazalaridan avtotsisternalarda berish;
neft mahsulotlarini isteʼmolchilarga bevosita neftni qayta ishlash korxonalaridan temir yoʻl tsisternalarida yetkazib berish.
Bunda neft mahsulotlarining aynan bir turi boʻyicha deklaratsiyalash yetkazib berish turiga qarab turli cheklangan ustamalar bilan amalga oshiriladi.
8. Neft bazalari ustamalarni deklaratsiyalangan cheklangan ustamalardan past darajada belgilash huquqiga ega. Aynan bitta neft bazasidan va neft mahsulotlarining aynan bir turini turli isteʼmolchilarga aynan bitta sanada turli ustamalar bilan sotishga yoʻl qoʻyilmaydi.
Oldingi tahrirga qarang.
9. “Oʻzneftmahsulot” aksiyadorlik kompaniyasi neft bazalaridan avtomobil benzini va dizel yonilgʻisini AYQShga sotish, chegirishni hisobga olgan holda, yagona chakana narxlar boʻyicha amalga oshiriladi.
Butun respublika boʻyicha yagona chakana narxlar markazlashtirilgan holda belgilanadigan neft mahsulotlarini neft bazalari tomonidan, shu jumladan AYQSh hamda neft bazalari tarkibiga kiradigan boshqa boʻlinmalar orqali sotishda sotish narxi (qoʻshilgan qiymat soligʻini va neft bazasi ustama narxini chegirgan holda) va sotib olish narxi oʻrtasidagi ijobiy tafovut tegishli neftni qayta ishlash zavodlarining depozit hisob raqamlariga ularning yetkazib berishlariga mutanosib ravishda oʻtkaziladi. Bunda neftni qayta ishlash zavodlarining depozit hisob raqamlariga oʻtkaziladigan summa avtobenzinni sotib olishga xarajatlarning bir qismi shaxslarning ayrim toifalariga har oylik pul kompensatsiyasi toʻlanadigan pul mablagʻlari summasiga kamaytiriladi. Koʻrsatib oʻtilgan ushbu summalar boʻyicha har chorakda neft bazalari va neftni qayta ishlaydigan zavodlari oʻrtasida taqqoslash dalolatnomalari tuziladi.
Oldingi tahrirga qarang.
Neftni qayta ishlash zavodlarining depozit hisob raqamlariga oʻtkaziladigan koʻrsatib oʻtilgan mablagʻlar neft bazalarining davlat maqsadli jamgʻarmalariga majburiy ajratmalari summasiga kiritilmaydi, yagona soliq toʻlovini toʻlashda esa — yagona soliq toʻloviga kiritilmaydi.
(9-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — OʻR QHT, 2016-y., 17-son, 176-modda)
Oldingi tahrirga qarang.
10. Neft bazalarining cheklangan ustama narxlarini deklaratsiya qilish Vazirlar Mahkamasining 2010-yil 28-oktabrdagi 239-son qarori bilan tasdiqlangan Tovarlar (ishlar, xizmatlar)ga tartibga solinadigan narxlar (tariflar)ni shakllantirish, deklaratsiya qilish (tasdiqlash) va belgilash hamda ularning qoʻllanilishini davlat tomonidan nazorat qilish tartibi toʻgʻrisidagi Nizomga va boshqa qonunchilikka muvofiq amalga oshiriladi.
(10-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
IV. Xususiylashtirilgan va avtomobillarga yonilgʻi quyish xususiy shoxobchalarida ustamalarni shakllantirish
Oldingi tahrirga qarang.
11. Barcha AYQShlar uchun, ularning joylashgan joyidan qatʼi nazar, Oʻzbekiston Respublikasi Vazirlar Mahkamasi tomonidan tasdiqlanadigan avtomobil benzini va dizel yoqilgʻisining chakana narxidan chegirishlarning yagona miqdori belgilanadi.
(11-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
Oldingi tahrirga qarang.
(12-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
Oldingi tahrirga qarang.
(13-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
Oldingi tahrirga qarang.
(14-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
Oldingi tahrirga qarang.
(141-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
V. Neft mahsulotlari sotuvchi korxonalarning cheklangan ustamalari parametrlarini belgilash
15. Neft bazalari choraklik moliyaviy hisobotlar topshirish bilan bir vaqtda mintaqaviy moliya organlariga cheklangan ustamalarga deklaratsiya toʻldirish uchun taqdim etiladigan formatda tamom boʻlgan chorak uchun daromadlar va xarajatlarni moddalar boʻyicha koʻrsatgan holda koʻrsatib oʻtilgan hisobotlarning nusxalarini taqdim etadilar.
16. “Oʻzneftmahsulot” aksiyadorlik kompaniyasi har bir oy tamom boʻlishidan oldin oʻn besh kundan kechikmay Oʻzbekiston Respublikasi Moliya vazirligiga neft bazalari va ularning filiallari tomonidan oldingi oyda neft mahsulotlari turlari boʻyicha sotilgan neft mahsulotlari tonnasi toʻgʻrisidagi axborotni taqdim etadi.
17. Har bir mintaqada neft mahsulotlarining bozor fondini (tonnada) oʻzlariga tegishli xususiylashtirilgan va avtomobillarga yonilgʻi quyish xususiy shoxobchalari orqali mintaqa hududida sotish hajmida eng yuqori salmoqqa ega boʻlgan kamida 5 korxona moliyaviy natijalarining monitoringi olib boriladi. Koʻrsatib oʻtilgan korxonalar har chorakda mintaqaviy moliya organlariga tamom boʻlgan chorak uchun quyidagi maʼlumotlarni taqdim etadilar:
choraklik moliyaviy hisobotlar nusxalari;
avtomobillarga yonilgʻi quyish shoxobchalari va neft mahsulotlari turlari boʻyicha neft mahsulotlari sotishning fizik hajmlari toʻgʻrisida maʼlumot.
Oldingi tahrirga qarang.
(18-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
Oldingi tahrirga qarang.
(19-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qaroriga asosan oʻz kuchini yoʻqotgan — OʻR QHT, 2013-y., 11-son, 141-modda)
Oldingi tahrirga qarang.
20. Mazkur Nizomga rioya etilishini nazorat qilish Oʻzbekiston Respublikasi Moliya vazirligi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Davlat soliq qoʻmitasi hamda ularning hududiy organlari tomonidan amalga oshiriladi.
(20-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)
Oldingi tahrirga qarang.
21. Ustamalarning “Oʻzneftmahsulot” aksiyadorlik kompaniyasi neft bazalari tomonidan belgilangan, oshirilgan taqdirda noqonuniy olingan daromad summasi belgilangan tartibda jarima solingan holda olib qoʻyiladi.
(21-band Oʻzbekiston Respublikasi Vazirlar Mahkamasining 2013-yil 7-martdagi 69-sonli qarori tahririda — OʻR QHT, 2013-y., 11-son, 141-modda)

(Oʻzbekiston Respublikasi qonun hujjatlari toʻplami, 2003-y., 13-son, 102-modda; 2004-y., 52-son, 523-modda; 2005-y., 32-33-son, 251-modda; 2005-y., 52-son, 386-modda; 2006-y., 43-44-son, 429-modda; 2010-y., 23-son, 182-modda, 31-son, 261-modda; 2011-y., 7-8-son, 63-modda; 2012-y., 6-son, 60-modda; 8-9-son, 85-modda; 2013-y., 11-son, 141-modda; 2016-y., 17-son, 176-modda; Qonunchilik maʼlumotlari milliy bazasi, 05.04.2022-y., 09/22/153/0266-son)