Oʻzbekiston Respublikasi Vazirlar Mahkamasining
qarori
Muhofaza etiladigan tabiiy hududning pasportini yuritish tartibi toʻgʻrisidagi Nizomni tasdiqlash haqida
“Muhofaza etiladigan tabiiy hududlar toʻgʻrisida”gi Oʻzbekiston Respublikasi Qonuniga muvofiq va Oʻzbekiston Respublikasi Prezidentining “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida” 2013-yil 15-iyuldagi PQ-2003-son qarorini bajarish yuzasidan, shuningdek muhofaza etiladigan tabiiy hududlarni boshqarish, muhofaza qilish va ulardan foydalanish tartibini yanada takomillashtirish maqsadida Vazirlar Mahkamasi qaror qiladi:
1. Muhofaza etiladigan tabiiy hududning pasportini yuritish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Tabiatni muhofaza qilish davlat qoʻmitasi manfaatdor vazirliklar va idoralar bilan birgalikda bir oy muddatda ular tomonidan qabul qilingan normativ-huquqiy hujjatlarni ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamentiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 2-iyun,
137-son
Vazirlar Mahkamasining 2014-yil 2-iyundagi 137-son qaroriga
ILOVA
ILOVA
Muhofaza etiladigan tabiiy hududning pasportini yuritish tartibi toʻgʻrisida
NIZOM
1. Ushbu Nizom “Muhofaza etiladigan tabiiy hududlar toʻgʻrisida”gi Oʻzbekiston Respublikasi Qonunining 15-moddasiga muvofiq muhofaza etiladigan tabiiy hudud pasportini tuzish va yuritish tartibini belgilaydi.
2. Yuritishida muhofaza etiladigan tabiiy hududlar boʻlgan davlat organlari, yuridik va jismoniy shaxslar har bir hudud boʻyicha pasport tuzadilar. Pasportda ushbu hududni, uning rejimi va boshqaruvni tavsiflaydigan maʼlumotlar koʻrsatiladi.
3. Muhofaza etiladigan tabiiy hududning pasporti ushbu Nizomga 1-ilovaga muvofiq shakl boʻyicha tuziladi.
Oldingi tahrirga qarang.
4. Muhofaza etiladigan tabiiy hudud pasportlarining hisobi reyestrda Oʻzbekiston Respublikasi Ekologiya va atrof muhitni muhofaza qilish davlat qoʻmitasi tomonidan ushbu Nizomga 2-ilovaga muvofiq shakl boʻyicha yuritiladi.
(4-bandning birinchi xatboshisi Oʻzbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari maʼlumotlari milliy bazasi, 15.11.2017-y., 09/17/915/0259-son)
Oldingi tahrirga qarang.
Muhofaza etiladigan tabiiy hududlar pasportlarining hisobi reyestri Oʻzbekiston Respublikasi Ekologiya va atrof muhitni muhofaza qilish davlat qoʻmitasining rasmiy veb-saytida joylashtiriladi.
(4-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari maʼlumotlari milliy bazasi, 15.11.2017-y., 09/17/915/0259-son)
Oldingi tahrirga qarang.
5. Muhofaza etiladigan tabiiy hududning pasporti yuritishida ushbu hudud boʻlgan davlat organida, yuridik yoki jismoniy shaxsda saqlanadi. Pasportning nusxasi Oʻzbekiston Respublikasi Ekologiya va atrof muhitni muhofaza qilish davlat qoʻmitasiga beriladi.
(5-band Oʻzbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari maʼlumotlari milliy bazasi, 15.11.2017-y., 09/17/915/0259-son)
6. Muhofaza etiladigan tabiiy hudud pasportiga:
muhofaza etiladigan tabiiy hududni qayta tuzish toʻgʻrisidagi hujjat (qaror);
unda joylashgan muhofaza etiladigan tabiiy obyektlar va majmualarning asosiy turlari fotosuratlari;
alohida muhofaza etiladigan tabiiy hudud va uning muhofaza zonasi doirasida yer uchastkalarining chegaralari chizilgan muhofaza etiladigan tabiiy hudud va uning muhofaza zonasi xaritasi ilova qilinadi.
Zaruriyat boʻlganda muhofaza etiladigan tabiiy hududning pasportiga pasportda koʻrsatilgan maʼlumotlarni tasdiqlaydigan boshqa hujjatlar (materiallar) ilova qilinadi.
7. Muhofaza etiladigan tabiiy hududning pasporti u yuritishida boʻlgan davlat organi, yuridik shaxsning rahbari tomonidan imzolanadi va muhr bilan tasdiqlanadi. Jismoniy shaxsning yuritishida boʻlgan muhofaza etiladigan tabiiy hudud pasporti uning egasi tomonidan imzolanadi.
8. Pasportga kiritilgan maʼlumotlarning toʻgʻriligi, shuningdek uni oʻz vaqtida yangilab turish uchun javobgarlik yuritishida muhofaza etiladigan tabiiy hududlar boʻlgan davlat organlariga, yuridik va jismoniy shaxslarga yuklanadi.
Oldingi tahrirga qarang.
9. Muhofaza etiladigan tabiiy hududning pasporti unga kiritilgan maʼlumotlar oʻzgargan taqdirda yangilanishi kerak. Yangilangan pasport nusxasi muhofaza etiladigan tabiiy hududlar pasportlari hisobini yuritish reyestrni dolzarb holatda saqlab turish uchun Oʻzbekiston Respublikasi Ekologiya va atrof muhitni muhofaza qilish davlat qoʻmitasiga berilishi kerak.
(9-band Oʻzbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari maʼlumotlari milliy bazasi, 15.11.2017-y., 09/17/915/0259-son)
10. Muhofaza etiladigan tabiiy hududning pasporti yangilangan taqdirda oldingi pasport u yuritishida boʻlgan davlat organida, yuridik va jismoniy shaxsda 5 yil mobaynida saqlanishi kerak.
11. Saqlash muddati tamom boʻlgan yoki muhofaza etiladigan tabiiy hududlarning faoliyat koʻrsatishi toʻxtatilganda barcha pasportlar belgilangan tartibda tegishli arxivlarga berilishi kerak.
Oldingi tahrirga qarang.
12. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
(12-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 82-moddasi, Jinoyat kodeksining 204-moddasi.
Muhofaza etiladigan tabiiy hududning pasportini yuritish tartibi toʻgʻrisidagi nizomga
1-ILOVA
1-ILOVA
|
Muhofaza etiladigan tabiiy hududning | ||||
| 1. Nomi: ________________________________________________________________ | ||||
| 2. Toifasi: ______________________________________________________________ | ||||
| 3. Turi:_________________________________________________________________ | ||||
|
4. Muhofaza etiladigan tabiiy hududni tuzish (qayta tuzish) toʻgʻrisidagi hujjat (qaror):_________________________________________________________________ | ||||
|
(tuzish toʻgʻrisidagi hujjatning nomi) | ||||
| _______________________________________________________________ | ||||
|
(qarorni qabul qilgan organning nomi) | ||||
|
___________________________ |
___________________________ |
_____________ | ||
|
(hujjatning turi) |
(tartib raqami) |
(sana) | ||
|
5. Muhofaza etiladigan tabiiy hudud joylashgan joy:____________________________ | ||||
| 6. Egasining (yuqori tashkilotning) pochta manzili:______________________________ _______________________________________________________________________ | ||||
| 7. Idoraviy mansublik/egasi:________________________________________________ | ||||
| 8. Maydon (ga): _____________, | ||||
| Hududni zonalashtirish: | ||||
| _______________________________________________________________ | ||||
|
(zonaning nomi) |
|
(maydon) | ||
| _______________________________________________________________ | ||||
|
(zonaning nomi) |
|
(maydon) | ||
| _______________________________________________________________ | ||||
|
(zonaning nomi) |
|
(maydon) | ||
| _______________________________________________________________ | ||||
|
(zonaning nomi) |
|
(maydon) | ||
| _______________________________________________________________ | ||||
|
(zonaning nomi) |
|
(maydon) | ||
| 9. Muhofaza etiladigan tabiiy hududga beriladigan yerlar: ________________________________________________________________________ | ||||
|
(yer ajratish toʻgʻrisida qaror qabul qilgan organ(lar), qarorning tartib raqami va sanasi) | ||||
| _______________________________________________________________ | ||||
|
(davlat yer kadastrida uchastka(lar)ning tartib raqami va roʻyxatdan oʻtkazilgan sanasi) | ||||
| 10. Foydalanuvchilar (egalari), boshqa shaxslarga berilgan yerlarning soni va maydoni: | ||||
| a) qishloq xoʻjaligi maqsadidagi yerlar________________________________________ b) oʻrmon fondi yerlari_____________________________________________________ v) yer fondining boshqa toifalari____________________________________________ | ||||
| 11. Muhofaza etiladigan zona(lar) va maydon:___________________________________ ________________________________________________________________________ | ||||
|
12. Muhofaza etiladigan tabiiy hududning qisqacha tavsifi (tabiiy-geografik shart- sharoitlar, flora va fauna):_________________________________________________ | ||||
| 13. Muhofaza etiladigan tabiiy hudud rejim va uni boshqarish:____________________ ________________________________________________________________________ | ||||
| 14. Muhofaza etiladigan tabiiy obyektlar va majmualar: _________________________ ________________________________________________________________________ | ||||
| 15. Xalqaro Qizil kitobga kiritilgan turlar: oʻsimliklar______________________________________________________________ hayvonlar_______________________________________________________________ | ||||
| 16. Oʻzbekiston Respublikasining Qizil kitobiga kiritilgan turlar: oʻsimliklar______________________________________________________________ hayvonlar_______________________________________________________________ | ||||
| 17. Muhofaza etiladigan tabiiy hududning pasportiga ilova qilinadigan materiallar:_____________________________________________________________ ________________________________________________________________________ ________________________________________________________________________ | ||||
| | | | | |
|
(yuridik shaxsning) |
| | | |
|
M.Oʻ. |
________________________ |
___________ | ||
| | |
(F.I.O) |
(imzo) | |
Muhofaza etiladigan tabiiy hududning pasportini yuritish tartibi toʻgʻrisidagi nizomga
2-ILOVA
2-ILOVA
Muhofaza etiladigan tabiiy hududlarning pasportlari hisobini yuritish
reyestri
| T/r | Nomi, toifasi (turi) | Tuzilgan sanasi | Joylashgan joyi | Idoraviy mansublik/ egasi | Maydon | Oʻzgartirilgan sana |
| | | | | | | |
| | | | | | | |
| | | | | | | |
(Oʻzbekiston Respublikasi qonun hujjatlari toʻplami, 2014-y., 23-son, 268-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son; Qonunchilik maʼlumotlari milliy bazasi, 05.04.2022-y., 09/22/153/0266-son)
