Norasmiy tarjima

Oʻzbekiston Respublikasi Vazirlar Mahkamasining

qarori

Davlat mulkini samarali boshqarish chora-tadbirlari toʻgʻrisida

Davlat va xoʻjalik boshqaruvi organlari, nodavlat notijorat tashkilotlarining moddiy-texnik bazasini mustahkamlash, davlat mulkini samarali boshqarishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Respublikasi Moliya vazirligi, Oʻzbekiston Respublikasi Iqtisodiyot vazirligi, Toshkent shahri va Toshkent viloyati hokimliklarining quyidagilar toʻgʻrisidagi takliflari bilan rozi boʻlish:

1-ilovaga muvofiq roʻyxat boʻyicha obyektlarni davlat organlari va boshqa tashkilotlarga tekinga oʻtkazish;

2-ilovaga muvofiq roʻyxat boʻyicha obyektlarni baholash tashkiloti tomonidan belgilangan qiymatda ochiq kim oshdi savdolarida sotish;

“Kafolat” DASKning ustav fondiga baholash tashkiloti tomonidan belgilangan qiymatda Toshkent sh., Mirobod tumani, Movaraunnahr koʻch., 13 va 13A-uy joylashgan va umumiy maydoni 7668 kv. m. boʻlgan “Oʻzagrosugʻurta” DASK va “Kafolat” DASKning sobiq binosining davlat ulishini koʻpaytirish hisobiga kiritish.

2. Oʻzbekiston Respublikasi xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Respublikasi Moliya vazirligi, Oʻzbekiston Respublikasi Iqtisodiyot vazirligi, Toshkent shahri va Toshkent viloyati hokimliklariga ular bir oy muddatda mazkur qarorning 1-ilovasida koʻrsatilgan obyektlarni baholash tashkiloti tomonidan belgilangan qiymatda, ularni keyingi saqlash va samarali foydalanishni taʼminlagan holda topshirishlari, tegishli tashkilotlar esa qabul qilishlari kerak.

3. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2014-yil 28-mart,

75-son

Vazirlar Mahkamasining 2014-yil 28-martdagi 75-son qaroriga
1-ILOVA

Davlat organlari va boshqa tashkilotlarga tekinga oʻtkaziladigan obyektlar

ROʻYXATI ¹

T/r	Nomi	Obyektning joylashgan joyi	Binolar va inshootlar maydoni ²	Obyektning oʻtkazilishiga asos boʻlgan huquq turi	Obyekt oʻtkaziladigan tashkilotning nomi
1.	Toshkent viloyati hokimligi binosining bir qismi	Toshkent shahri, Xamza tumani, Oxunboboyev koʻch., 15-uy	380 kv. m	tekinga foydalanish	“Sogʻlom avlod uchun” Jamoat fondi
2.	Eski konservatoriya binosining bir qismi	Toshkent sh., Mustaqillik koʻch., 31-uy	813 kv. m	tezkor boshqaruv huquqida	V. Uspenskiy nomidagi Respublika ixtisoslashtirilgan musiqa akademik litseyi
4.	“Toshkent Xalqaro aeroporti” DUKning sobiq “Sijjak” dam olish maskani	Toshkent viloyati, Boʻstonliq tumani, Novasoy QFY	800 kv. m, 10 ga	tezkor boshqaruv huquqida	“Oʻzbekiston havo yoʻllari” MAK
5.	“Chirchik Suvoqava” DUKning sobiq dam olish maskani	Toshkent viloyati, Boʻstonliq tumani, Sijjak QFY	235 kv. m, 2 ga	tezkor boshqaruv huquqida	Oʻzbekiston Respublikasi Sogʻliqni saqlash vazirligi
6.	Sobiq “Orom” dam olish maskani	Toshkent viloyati, Boʻstonliq tumani, Nanay QFY	663 kv. m, 2,5 ga	tekinga foydalanish	“Kamolot” yoshlar ijtimoiy harakati
7.	“Osiyo-Chimgan” mulkiy majmuasi — mehmonxona	Toshkent viloyati, Boʻstonliq tumani, Chimyon QFY	1 554 kv. m, 1,4 ga	tezkor boshqaruv huquqida	Oʻzbek Milliy akademik drama teatri
8.	Oʻzbekiston Respublikasi Harbiy sudining sobiq bino va inshootlari	Toshkent shahri, Mirobod tumani, Mirobod koʻch., 19-uy	2 140 kv. m	tezkor boshqaruv huquqida	Oʻzbekiston Respublikasi Adliya vazirligi
9.	Ofis uchun binolar	Toshkent shahri, Yakkasaroy tumani, Sh.Rustaveli koʻch., 43-uy	141 kv. m	tekinga foydalanish	Oʻzbekiston badminton federatsiyasi
10.	Sobiq Patent idorasi binosi	Toshkent shahri, Xamza tumani, Toʻytepa koʻch., 2A-uy	2 633 kv. m	tezkor boshqaruv huquqida	Tabiatni muhofaza qilish davlat qoʻmitasi
11.	Sobiq 335-son bolalar bogʻchasi ³	Toshkent shahri, Yakkasaroy tumani, Zakiy Validiy koʻch., 2-uy	3 413 kv. m	tezkor boshqaruv huquqida	Xalq taʼlimi vazirligi
12.	Sobiq 237-son bolalar bogʻchasi ³	Toshkent shahri, Xamza tumani, Izzat massivi	1 775 kv. m	tezkor boshqaruv huquqida
13.	Sobiq 440-son bolalar bogʻchasi	Toshkent shahri, Mirobod tumani, Mirobod koʻch., 25-uy	1 144 kv. m	tezkor boshqaruv huquqida
14.	Sobiq 227-son bolalar bogʻchasi	Toshkent shahri, Yakkasaroy tumani, Ivliyev koʻch., 2-tupik, 22-y	1 849 kv. m	tezkor boshqaruv huquqida	Milliy xavfsizlik xizmati
15.	Maʼmuriy bino	Toshkent shahri, Mirobod tumani, Mirobod koʻch., 15-uy	2 315 kv. m	tezkor boshqaruv huquqida	Mehnat va aholini ijtimoiy muhofaza qilish vazirligi
16.	Madaniyat va sport ishlari vazirligining sobiq binosi	Toshkent shahri, Shayxontoxur tumani, Furqat koʻch., 1-uy	7 842 kv. m	tezkor boshqaruv huquqida	Davlat raqobat qoʻmitasining Toshkent shahar hududiy boshqarmasi huzuridagi “Davlat mulkini ijaraga berish markazi” DUK
18.	Xalq taʼlimi vazirligining sobiq binosi	Toshkent sh., Shayxontoxur tumani, Oʻzbekiston shoh koʻchasi, 80-uy	7 861 kv. m	tezkor boshqaruv huquqida	Toshkent shahar ichki ishlar bosh boshqarmasi
20.	“Central Asia Megastar” QK MCHJ ning 28% davlat ulushi.			tezkor boshqaruv huquqida	Davlat raqobat qoʻmitasining “Davlat aktivlarini boshqarish markazi” DUK
22.	“Oʻzbekiston pochtasi” AJ aksiyalar paketining 25,4 %			tezkor boshqaruv huquqida

1. Tekin foydalanishga oʻtkazilgan obyektlar tezkor boshqaruv huquqi asosida tegishli tumanlar hokimliklariga biriktiriladi.

2. Aniqlashtirilishi mumkin.

3. Oʻzbekiston Respublikasi Xalq taʼlimi vazirligiga Oʻzbekiston Respublikasi Moliya vazirligi bilan birgalikda maktabgacha taʼlim muassasalari sifatida toʻliq faoliyat koʻrsatishi uchun taʼmirlash-tiklash ishlarini amalga oshirish, zarur boʻlgan asbob-uskunalar, mebel va inventarlar bilan jihozlash uchun tasdiqlangan normativlar va qoidalarga muvofiq zarur mablagʻlar ajratilishi taʼminlasin.

Vazirlar Mahkamasining 2014-yil 28-martdagi 75-son qaroriga
2-ILOVA

Ochiq kim oshdi savdolarida sotiladigan obyektlar¹

ROʻYXATI

T/r	Nomi	Obyektning Toshkent shahrida joylashgan joyi	Hajmi (binolar va inshootlar, ulush %) ²
1.	Podvalga ega 2 qavatli bino	Yakkasaroy tumani, Beshchinor koʻch., 2-uy	1 044 kv. m
2.	2 qavatli bino podvalining (garajining) bir qismi	M. Ulugʻbek tumani, X. Olimjon maydoni, 13A-uy	3 210 kv. m ³
3.	Sobiq Bolalar dunyosi” univermagi binosi (chap tomon)	M. Ulugʻbek tumani, S-2, 5-uy	2 429 kv. m ²
5.	Sobiq “Lazzat” kafesining binosi	M. Ulugʻbek tumani, Buyuk ipak yoʻli koʻch., (Markaz-1) K-7	2 188 kv. m ³
6.	Mulkiy majmua (sobiq Respublika tikuvchilik sanoati assortimenti va moda markazi) ⁴	Mirobod tumani, Mirobod koʻch., 25 -uy	5 031 kv. m ³
8.	Tijorat markazining binosi	Yunusobod tumani, Otaturk koʻchasi, 17-uy	334 kv. m ³
10.	Turar joy boʻlmagan xonalar (birinchi va ikkinchi qavatlarning bir qismi)	M.Ulugʻbek tumani, H.Olimjon maydoni, Sharqiy taraf, 13A	1 245 kv. m ³
13.	“Avtomotosport” Mulkiy majmuasi	Mirobod tumani, Kichik xalqa yoʻli koʻch., 16 -uy	2 168 kv. m
14.	Qurilish bilan tugallanmagan bino	Mirobod tumani, Sarakul-2 koʻchasi, 34-uy	1 403 kv. m
15.	“Ichan qalʼa” mehmonxona majmuasi	Yakkasaroy tumani, Yusuf Xos Xojib koʻchasi, 75a-uy, 75/9, 75/10, 75/10 4-kvartira, Tafakkur koʻchasi, 68-uy	10 100 kv. m
16.	Qurilish bilan tugallanmagan doʻkon binosi	Yakkasaroy tumani, Tafakkur koʻchasi, 55-uy yonida	632 kv. m
17.	Binoning podvalga ega qismi	M. Ulugʻbek tumani, Mustaqillik koʻchasi, 6-uy	1 400 kv. m ³

¹⁾ Sotuvga qadar obyektlar davlat mulki uchun belgilangan stavkalar boʻyicha, shu jumladan, ilgari 2014-yil uchun tegishli ijara shartnomalariga ega boʻlgan tashkilotlarga – foydalanilmayotgan davlat mulkini ijaraga berish toʻgʻrisidagi eʼlonni davriy nashrlarda, shuningdek Davlat raqobat qoʻmitasi va Savdo-sanoat palatasi veb-saytlarida majburiy eʼlon qilmasdan ijaraga berilishi mumkin.

²⁾ Aniqlashtirilishi mumkin.

³⁾ Obyektlar funksional vazifasiga koʻra qismlarga boʻlinib amalga oshirilishi mumkin.

⁴⁾ “Ipak yoʻli” AITBga toʻgʻridan-toʻgʻri shartnoma asosida sotilgan binolar, bank tomonidan ijaraga olingan binolar bundan mustasno.

⁵⁾ Sotishdan tushgan mablagʻlar (Oʻzbekiston Respublikasi Davlat raqobat qoʻmitasi tassarufida qolgan mablagʻlarning bir qismi, shuningdek baholovchi tashkilotning xizmatlariga haq toʻlash va obyektlarni ochiq kim oshdi savdosiga qoʻyish bilan bogʻliq xarajatlar bundan mustasno) Oʻzbek Milliy akademik drama teatrining maxsus hisob raqamiga teatrning ijodiy xodimlari uchun xizmat uy-joy fondini tashkil etish uchun maqsadli oʻtkaziladi.