Norasmiy tarjima
Oʻzbekiston Respublikasi Vazirlar Mahkamasining
qarori
Toshkent shahridagi Inxa universitetining faoliyatini tashkil etish va moddiy-texnika bazasini shakllantirish chora-tadbirlari toʻgʻrisida
Oʻzbekiston Respublikasi Prezidentining “Toshkent shahrida Inxa universitetini tashkil etish toʻgʻrisida” 2014-yil 24-martdagi PQ-2155-son qarorini bajarish yuzasidan hamda Toshkent shahridagi Inxa universitetining (keyingi oʻrinlarda Universitet deb ataladi) moddiy-texnika bazasini tashkil etish maqsadida Vazirlar Mahkamasi qaror qiladi:
1. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Respublikasi Fanlar akademiyasi Universitetga:
Toshkent shahri, Ziyolilar koʻchasi, 9-uy manzilida joylashgan bino va inshootlar, ularga tutash hudud va muhandislik kommunikatsiyalari bilan birgalikda — bozor qiymati boʻyicha;
Toshkent shahri, Ziyolilar koʻchasi, 13a-uy manzilida joylashgan qurilishi tugallanmagan obyekt, unga tutash hudud va muhandislik kommunikatsiyalari bilan birga — obyektning bozor qiymati va utilizatsiya qiymati oʻrtasidagi farqni keyinchalik belgilangan tartibda qoplashni hisobga olgan holda utilizatsiya qiymati boʻyicha realizatsiya qilsin.
2. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi:
bir oy muddatda “Oʻzbektelekom” AK mablagʻlari hisobiga ushbu qarorning 1-bandida koʻrsatilgan sotiladigan obyektlar qiymatini baholashni;
istisno tariqasida, ushbu qarorning 1-bandida koʻrsatilgan obyektlarni sotishdan tushgan mablagʻlarni (qonun hujjatlariga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi tasarrufida qoldiriladigan mablagʻlardan tashqari) keyinchalik Oʻzbekiston Respublikasi Fanlar akademiyasining Fundamental kutubxonasini modernizatsiya qilishga, shuningdek, Oʻzbekiston Respublikasi Fanlar akademiyasi ilmiy muassasalarining ilmiy va moddiy-texnika bazasini mustahkamlashga, zamonaviy yuqori texnologiyali ilmiy asbob-uskunalar sotib olishga maqsadli foydalanish uchun Oʻzbekiston Respublikasi Fanlar akademiyasining maxsus hisob raqamiga yoʻnaltirish.
3. Universitet binolari kompleksini loyihalashtirish, rekonstruksiya qilish va qurish boʻyicha:
ishlar buyurtmachisi — “Oʻzbektelekom” AK;
“Oʻzogʻirsanoatloyiha” OAJ — bosh loyiha tashkiloti etib;
Oʻzbekiston Respublikasi Prezidenti devoni Ishlar boshqarmasining Qurilish birlashmasi — bosh pudratchi tashkilot etib belgilansin.
Buyurtmachiga, istisno tariqasida, 2014-yil 1-oktabrgacha Universitetning bino va inshootlarini rekonstruksiya qilishni loyiha-smeta hujjatlarini parallel ravishda ishlab chiqqan holda amalga oshirishga ruxsat berilsin.
4. Oʻzbekiston Respublikasi Fanlar akademiyasi va Toshkent shahar hokimligi bir oy muddatda Alisher Navoiy nomidagi Til va adabiyot instituti, Tarix instituti va “Fan” nashriyotining Toshkent shahri, Shahrisabz koʻchasi, 5-uy manzilida joylashgan binoga koʻchirilishini taʼminlasinlar.
5. Toshkent shahar hokimligi bir hafta muddatda Universitet ehtiyojlari uchun qoʻshimcha yer uchastkalari ajratish toʻgʻrisida Vazirlar Mahkamasiga takliflar kiritsin.
6. Belgilab qoʻyilsinki, Universitet tomonidan Toshkent shahri, Ziyolilar koʻchasi, 13a-uy manzilida joylashgan Oʻzbekiston Respublikasi Fanlar akademiyasining Fundamental kutubxonasi binosidan foydalanish bepul amalga oshiriladi.
7. Oʻzbekiston Respublikasi Davlat arxitektura va qurilish qoʻmitasi mazkur qarorning 1-bandida koʻrsatilgan Universitetga sotiladigan obyektlarni qurish va rekonstruksiya qilish boʻyicha loyiha-smeta hujjatlari belgilangan tartibda davlat ekspertizasidan oʻtkazilishini taʼminlasin hamda qurilish ishlarining sifatli bajarilishi ustidan qatʼiy davlat arxitektura-qurilish nazoratini oʻrnatsin.
8. Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi hamda Davlat arxitektura va qurilish qoʻmitasi Toshkent shahar hokimligi bilan birgalikda 2014-yilning oxirigacha boʻlgan muddatda Universitetning istiqboldagi ehtiyojlarini hisobga olgan holda Universitetning oʻquv kompleksini kengaytirish va unga yaqin hududda yangi obyektlar, shu jumladan yotoqxonalar qurish hamda jalb etiladigan xorijiy mutaxassislarni joylashtirish uchun shart-sharoitlar yaratish boʻyicha Vazirlar Mahkamasiga takliflar kiritsinlar.
9. Oʻzbekiston Respublikasi Iqtisodiyot vazirligi va Moliya vazirligi, zarurat boʻlganda, belgilangan tartibda tasdiqlangan loyiha-smeta hujjatlariga muvofiq “Oʻzbektelekom” AKga 2014-yilgi Investitsiya dasturi doirasida nazarda tutilgan umumiy limitlar doirasida Universitet binolari kompleksini rekonstruksiya qilishni tugallash uchun kapital qoʻyilmalar limitlarini ajratsinlar.
10. Toshkent shahridagi Inxa universiteti faoliyatini tashkil etish boʻyicha chora-tadbirlar rejasi ilovaga muvofiq tasdiqlansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 27-mart,
72-son
Vazirlar Mahkamasining 2014-yil 27-martdagi 72-son qaroriga
ILOVA
Toshkent shahridagi Inxa universiteti faoliyatini tashkil etish boʻyicha
TADBIRLAR REJASI

T/r

Tadbir nomi

Amalga oshirish shakli

Amalga oshirish muddatlari

Ijrochilar

I. Umumiy savollar

1.

Universitetni roʻyxatdan oʻtkazish uchun zarur taʼsis hujjatlarini ishlab chiqish va tasdiqlash.

Taʼsis hujjatlari

2014-yil aprel

Davlat aloqa qoʻmitasi, Oliy va oʻrta maxsus taʼlim vazirligi, Toshkent shahar hokimligi, Toshkent shahridagi Inxa universiteti

2.

Toshkent shahrida Inxa universitetini tashkil etish boʻyicha batafsil Shartnoma loyihasini tayyorlash, kelishish va imzolash.

Shartnomani imzolash

2014-yil aprel

Davlat aloqa qoʻmitasi, Oliy va oʻrta maxsus taʼlim vazirligi, Adliya vazirligi, Tashqi iqtisodiy aloqalar, investitsiyalar va savdo vazirligi, Toshkent shahridagi Inxa universiteti

3.

Oʻquv majmuasi va uning jihozlanishiga qoʻyiladigan talablar va standartlarni belgilash.

Talablar roʻyxati

2014-yil aprel

Davlat aloqa qoʻmitasi, Oliy va oʻrta maxsus taʼlim vazirligi, Toshkent shahridagi Inxa universiteti

4.

Oʻquv majmuasini rekonstruksiya qilish loyihasini birgalikda ishlab chiqish va tasdiqlash.

Dizaynni ishlab chiqish

2014-yil aprel

Davlat aloqa qoʻmitasi, “Davarxitektqurilish” qoʻmitasi, Toshkent shahridagi Inxa universiteti

5.

Akademik shaharchadagi ilmiy parkni rivojlantirish doirasida Toshkent shahridagi Inha universitetini uzoq muddatli rivojlantirish boʻyicha “yoʻl xaritasi”ni tayyorlash va tasdiqlash.

“Yoʻl xaritasi”ni tasdiqlash

2014-yil may

Fanlar akademiyasi, Davlat aloqa qoʻmitasi, Oliy va oʻrta maxsus taʼlim vazirligi, Toshkent shahridagi Inxa universiteti

6.

Toshkent shahrida Inxa universitetini tashkil etish uchun zarur boʻlgan dastlabki xarajatlar va oʻquv kompleksini rekonstruksiya qilish uchun smeta va moliyalashtirish manbalarini aniqlash.

Smetani tasdiqlash

2014-yil aprel

Davlat aloqa qoʻmitasi boshqa taʼsischilar va Toshkent shahridagi Inxa universiteti bilan birgalikda

7.

Oʻquv majmuasi binolarini boʻshatish va rekonstruksiya qilishga tayyorgarlik ishlarini amalga oshirish.

Bosqichma-bosqich tadbirlarni amalga oshirish

2014-yil aprel

Davlat aloqa qoʻmitasi, Fanlar akademiyasi, “Davarxitektqurilish” qoʻmitasi, Toshkent shahar hokimligi

8.

Oʻquv kompleksini rekonstruksiya qilish boʻyicha qurilish-montaj ishlarini amalga oshirish.

Kompleks chora-tadbirlar

2014-yil may — oktabr

Aloqa davlat qoʻmitasi, “Oʻzbektelekom” AK, Toshkent shahridagi Inxa universiteti

9.

Universitetning zarur moddiy-texnika bazasi roʻyxatini belgilash.

Asbob-uskunalar, texnika va inventarlar roʻyxati

2014-yil may

Davlat aloqa qoʻmitasi, Oliy va oʻrta maxsus taʼlim vazirligi, Toshkent shahridagi Inxa universiteti bilan birgalikda

10.

Universitetning zarur moddiy-texnika bazasini xarid qilish va oʻrnatish.

Kompleks chora-tadbirlar

iyun — oktabr

Davlat aloqa qoʻmitasi boshqa taʼsischilar va Toshkent shahridagi Inxa universiteti bilan birgalikda

11.

Universitet rektori, birinchi prorektori va boshqa mansabdor shaxslarini tayinlash.

Universitet mansabdor shaxslarini tayinlash toʻgʻrisidagi qaror

2014-yil may

Davlat aloqa qoʻmitasi, Toshkent shahridagi Inxa universiteti

12.

2014-2015 oʻquv yili uchun moliyaviy rejani ishlab chiqish va tasdiqlash.

Moliyaviy reja

2014-yil may

Muassislar, Toshkent shahridagi Inha universiteti

II. Oʻquv jarayonini tashkil etish

13.

Zarur oʻquv-uslubiy adabiyotlar, uslubiy qoʻllanmalar va ilmiy nashrlar roʻyxatini belgilash va ularni xarid qilish chora-tadbirlarini amalga oshirish.

Axborot-resurs markazini tashkil etish

2014-yil iyun — sentabr

Davlat aloqa qoʻmitasi, Oliy va oʻrta maxsus taʼlim vazirligi, Milliy kutubxona Toshkent shahridagi Inxa universiteti bilan birgalikda

14.

Universitetning tashkiliy tuzilmasi va taʼlim yoʻnalishlarini belgilash.

Meʼyoriy hujjatlar

2014-yil aprel

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

15.

Oʻquv-uslubiy hujjatlar va oʻquv dasturini ishlab chiqish va tasdiqlash.

Normativnaya dokumentatsiya

2014-yil aprel — sentabr

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

16.

Universitetda dars berish va oʻquv jarayonini tashkil etish uchun Koreya Respublikasidan malakali mutaxassislarni tanlab olish.

Shartnomalar tuzish

2014-yil mart-aprel

Toshkent shahridagi Inxa universiteti

17.

Universitetda dars berish va oʻquv jarayonini tashkil etish uchun Oʻzbekistondan malakali mutaxassislarni tanlab olish.

Shartnomalar tuzish

2014-yil mart-aprel

Toshkent shahridagi Inxa universiteti

18.

Tanlab olingan mahalliy mutaxassislarni intensiv oʻqitish uchun Inha universitetiga stajirovka oʻtash uchun yuborish.

Shartnomalar tuzish

2014-yil aprel — sentabr

Inxa universiteti, Davlat aloqa qoʻmitasi

III. Abituriyentlarni tanlash va qabul qilish

19.

Bakalavriat taʼlim yoʻnalishlari kesimida qabul rejasini belgilash.

2014-2015 oʻquv yiliga qabul rejasi

2014-yil aprel

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

20.

Abituriyentlarni tanlash va qabul qilish boʻyicha talablarni belgilash.

Abituriyentlarni tanlash va qabul qilish boʻyicha talablarni belgilash boʻyicha qaror

2014-yil aprel

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

21.

Universitetga qabul qilish eʼlonlarini chop etish.

Eʼlon joylash

2014-yil aprel

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

22.

Universitetda yaratilayotgan imkoniyatlarni keng yoritish boʻyicha chora-tadbirlar dasturini ishlab chiqish va amalga oshirish.

Kompleks chora-tadbirlar

2014-yil aprel — iyun

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti MTRK va boshqa OAV bilan birgalikda

23.

Abituriyentlar uchun tayyorlov kurslarini tashkil etish.

Kurslarni tashkil etish

2014-yil aprel — iyul

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

24.

2014/2015 oʻquv yilida abituriyentlardan hujjatlarni qabul qilishni tashkil etish uchun qabul komissiyasining vaqtinchalik joylashadigan joyini belgilash.

Qabul komissiyasi ishini tashkil etish

2014-yil iyun

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

25.

2014/2015 oʻquv yilida abituriyentlardan hujjatlarni qabul qilishni tashkil etish.

Hujjatlarni qabul qilishni tashkil etish

2014-yil iyun-iyul

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

26.

Abituriyentlar bilan test sinovlari va suhbat oʻtkazish.

Qabul imtihonlari

2014-yil iyul

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

27.

Shartnomalar tuzish, oʻqish uchun toʻlovlarni qabul qilish va talabalarni qabul qilishni tashkil etish.

Tuziladigan kontraktlar, talabalarni qabul qilish toʻgʻrisidagi buyruq

2014-yil avgust-sentabr

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti

28.

2014-yil 1-oktabrdan oʻquv jarayonini tashkil etish.

Oʻquv jarayoni boʻyicha hujjatlar

2014-yil oktabr

Oliy va oʻrta maxsus taʼlim vazirligi, Davlat aloqa qoʻmitasi, Toshkent shahridagi Inxa universiteti