|
Hujjat kuchini yo‘qotgan " " 01.04.2021
|
Oʻzbekiston Respublikasi Vazirlar Mahkamasining
qarori
Kam taʼminlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisidagi Nizomni tasdiqlash haqida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 5-martdagi 122-sonli “Aholini ijtimoiy himoya qilish tizimini yanada takomillashtirish hamda sohaga zamonaviy axborot-kommunikatsiya texnologiyalarini keng joriy etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Vazirlar Mahkamasining “Ijtimoiy nafaqalarni tayinlash va toʻlash tartibini yanada takomillashtirish chora-tadbirlari toʻgʻrisida” 2012-yil 12-dekabrdagi 350-son qaroriga muvofiq hamda kam taʼminlangan oilalarni ijtimoiy himoya qilishning manzilliligini kuchaytirish maqsadida Vazirlar Mahkamasi qaror qiladi:
1. Kam taʼminlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisidagi Nizom 1-ilovaga muvofiq tasdiqlansin.
2. Oʻzbekiston Respublikasi Bandlik va mehnat munosabatlari vazirligi fuqarolarning oʻzini oʻzi boshqarish organlari hududlariga 8 — 10 ta fuqarolarning oʻzini oʻzi boshqarish organiga 1 xodim hisobidan tuman (shahar) aholi bandligiga koʻmaklashish markazlarining malakali mutaxassislari biriktirilishini taʼminlasin.
(2-band Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
3. Respublika “Mahalla” xayriya jamoat fondi Oʻzbekiston Respublikasi Bandlik va mehnat munosabatlari vazirligi bilan birgalikda aholi oʻrtasida ehtiyojmand oilalarga ijtimoiy nafaqalar va moddiy yordam tayinlash va toʻlash tartibi toʻgʻrisida keng tushuntirish ishlarini olib borsin.
(3-band Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
4. Vazirlar Mahkamasining “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida” 1996-yil 10-dekabrdagi 437-son qarorida (Oʻzbekiston Respublikasi QT, 1996-y., 12-son, 35-modda):
2-bandning ikkinchi xatboshidagi va 3-banddagi “16” raqami “14” raqami bilan almashtirilsin.
5. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
6. Vazirliklar va idoralar bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 15-fevral,
44-son
Vazirlar Mahkamasining 2013-yil 15-fevraldagi 44-son qaroriga
1-ILOVA
1-ILOVA
Kam taʼminlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisida
N I Z O M
I. Umumiy qoidalar
1. Ushbu Nizom fuqarolarning oʻzini oʻzi boshqarish organlari tomonidan 14 yoshgacha bolalari boʻlgan oilalarga nafaqa (keyingi oʻrinlarda bolali oilalarga nafaqa deb ataladi), bola ikki yoshga toʻlgunga qadar bola parvarishi boʻyicha nafaqa (keyingi oʻrinlarda bola parvarishi boʻyicha nafaqa deb ataladi) va kam taʼminlangan oilalarga moddiy yordam (keyingi oʻrinlarda moddiy yordam deb ataladi) tayinlash va toʻlash tartibini belgilaydi.
2. Ushbu Nizomning fuqarolarning oʻzini oʻzi boshqarish organlari tomonidan bola parvarishi boʻyicha nafaqa tayinlash va toʻlash qismida amal qilishi, korxona va tashkilotlarda ishlayotgan hamda qonun hujjatlarida belgilangan tartibda mazkur korxona yoki tashkilotlar mablagʻlari hisobidan nafaqaning ushbu turi toʻlanayotgan onalarga tatbiq etilmaydi.
3. Bolali oilalarga nafaqa, bola parvarishi boʻyicha nafaqa va moddiy yordamning toʻlanadigan miqdorlari qonun hujjatlarida oʻrnatilgan tartibda belgilanadi.
Oldingi tahrirga qarang.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 13-sentabrdagi 731-sonli qaroriga asosan chiqarilgan — Qonun hujjatlari maʼlumotlari milliy bazasi, 14.09.2018-y., 09/18/731/1876-son)
Bolali oilalarga nafaqa va moddiy yordam 6 oy muddatga, bola parvarishi boʻyicha nafaqa esa – 12 oyga tayinlanadi, biroq bola ikki yoshga toʻlgan oydan keyingi oyga oʻtmasligi kerak.
Agar tugʻilgan, farzandlikka olingan yoki vasiylikka qabul qilingan ikki va undan ortiq bolalar parvarish qilinsa, u holda bola parvarishi boʻyicha nafaqa kichik bola ikki yoshga toʻlgunga qadar bir baravar miqdorda toʻlanadi.
4. Bolali oilalarga nafaqa, bola parvarishi boʻyicha nafaqa va moddiy yordam tayinlash va toʻlash toʻgʻrisidagi qaror fuqarolarning oʻzini oʻzi boshqarish organi – posyolka, qishloq va ovul, shuningdek shaharlarning mahallalari fuqarolar yigʻini (vakillar yigʻilishi) yoki bunday qarorlarni qabul qilish uchun fuqarolar yigʻini tomonidan vakolat berilgan Komissiya (keyingi oʻrinlarda Komissiya deb ataladi) tomonidan qabul qilinadi.
Komissiya fuqarolar yigʻini tomonidan fuqarolarning oʻzini oʻzi boshqarish organi hududida istiqomat qiluvchi obroʻ-eʼtiborli va hurmatga sazovor fuqarolar orasidan saylanadi. Komissiyaga fuqarolar yigʻinining raisi boshchilik qiladi. Komissiya aʼzolari 2 yil muddatga, fuqarolar yigʻini raisi esa – uning butun vakolati davriga saylanadi. Ushbu Komissiya tarkibi kamida 15 kishidan iborat boʻlishi kerak.
Komissiya aʼzosi vakolatlarining amal qilishi davrida aʼzolikdan chiqqan taqdirda, fuqarolar yigʻini Komissiya aʼzolarini qaytadan saylaydi.
Komissiya qarori, uning yigʻilishida tasdiqlangan tarkibning kamida uchdan ikki qismi ishtirok etsa qonuniy hisoblanadi.
5. Bolali oilalarga nafaqalar, bola parvarishi boʻyicha nafaqalar va moddiy yordam tayinlash va toʻlashda fuqarolarning oʻzini oʻzi boshqarish organlari quyidagi asosiy tamoyillarga amal qilishlari kerak:
ijtimoiy adolatga soʻzsiz rioya qilish;
keng oshkoralik va ochiqlikni taʼminlash;
davlat tomonidan qoʻllab-quvvatlashsiz daromadlarini oshirishning aniq imkoniyati boʻlmagan haqiqatda ehtiyojmand oilalarga nafaqalar va moddiy yordam berish;
nafaqalar va moddiy yordamni manzilli tarzda tayinlashni taʼminlash yoʻli bilan ularni toʻlashga ajratilgan mablagʻlardan maqsadli va samarali foydalanish;
aholini ijtimoiy muhofaza qilish tadbirlariga ayrim oilalar va fuqarolar tomonidan boqimandalik munosabatida boʻlish, oʻzining iqtisodiy faolligi hisobiga emas, balki davlat yordami hisobiga yashashga intilishga yoʻl qoʻymaslik;
oila aʼzolarining moddiy farovonligi, bolalarni tarbiyalash, ularni har tomonlama jismoniy, aqliy va maʼnaviy-axloqiy kamol topishi uchun zarur shart-sharoitlar yaratish, maʼlumoti va kasb darajasini oshirish borasida oilaning masʼuliyatini kuchaytirish.
6. Fuqarolar yigʻini tomonidan ehtiyojmand deb eʼtirof etilgan oila nafaqa yoki moddiy yordamning faqat bir turini olish huquqiga ega.
7. Quyidagilar bolali oilalarga nafaqalar, bola parvarishi boʻyicha nafaqalar va moddiy yordam toʻlovlarini mablagʻ bilan taʼminlash manbalari hisoblanadi:
mahalliy budjetlar mablagʻlari;
budjetdan tashqari manbalar (jamoat va xayriya jamgʻarmalari, korxonalarning mablagʻlari, fuqarolarning ixtiyoriy xayr-ehsonlari va boshqalar).
II. Bolali oilalarga nafaqa, bola parvarishi boʻyicha nafaqa va moddiy yordam tayinlash shartlari
8. Bolali oilalarga nafaqa, bola parvarishi boʻyicha nafaqa va moddiy yordam har bir oila aʼzosiga oʻrtacha oylik jami daromad miqdori jami daromad aniqlanayotgan davr uchun belgilangan mehnatga haq toʻlashning eng kam miqdorining 52,7 foizidan ortiq boʻlmagan oilalarga tayinlanadi.
(8-bandning birinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
Bolali oilalarga nafaqa, bola parvarishi boʻyicha nafaqa va moddiy yordam tayinlash va toʻlash ushbu Nizomning 1-ilovasiga muvofiq sxema boʻyicha amalga oshiriladi.
9. Quyidagilar bolali oilalarga nafaqa, bola parvarishi boʻyicha nafaqa va moddiy yordam olishda ustunlik huquqiga ega:
ota-onasining ikkisini ham yoʻqotgan, bolalar tarbiyasi bilan esa qarindoshlar shugʻullanayotgan oilalar;
ota-onalardan biri yoki har ikkisi ham nogiron boʻlgan oilalar;
14 yoshgacha boʻlgan ikki va undan ortiq bolalarni tarbiyalayotgan, boshqa qarindoshlardan alohida yashayotgan beva ayollar (beva erlar);
nogiron bolasi (bolalari) boʻlgan oilalar;
bolani (bolalarni) toʻliq boʻlmagan oilada tarbiyalayotgan onalar (otalar). Bunda bolaning amalda toʻliq boʻlmagan oilada ona (ota) tomonidan tarbiyalanishini fuqarolarning oʻzini oʻzi boshqarish organi belgilaydi;
ota-onalardan biri yoki har ikkisi ishsiz boʻlgan va ish izlovchi sifatida bandlikka koʻmaklashish markazlarida hisobda turgan oilalar;
(9-bandning yettinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)
yolgʻiz pensionyerlar.
10. Bolali oilalarga nafaqa, bola parvarishi boʻyicha nafaqa va moddiy yordam ariza beruvchining oʻzini oʻzi boshqarish organiga murojaat qilgan oyning keyingi oyidan boshlab toʻlanadi.
11. Bola parvarishi boʻyicha nafaqani kelgusida ham olishga muhtojligi boʻlgan taqdirda uni olgan shaxs toʻlovlarning avvalgi oʻn ikki oylik muddati tugashidan bir oy oldin, bola ikki yoshga toʻlgunga qadar ushbu nafaqani uzluksiz toʻlanishini davom ettirish masalasini hal etish uchun belgilangan tartibda fuqarolar yigʻiniga takroran murojaat etish huquqiga ega.
Bolali oilalarga nafaqa va moddiy yordam toʻlashning belgilangan muddati tugagandan soʻng ariza beruvchi nafaqa va moddiy yordam toʻlashni yangi muddatga davom ettirilishini soʻrab ariza bilan murojaat qilish huquqiga ega.
Bolali oilalarga nafaqa va moddiy yordam olish uchun ariza oldingi davrda tayinlangan nafaqa va moddiy yordam toʻlash muddati tugayotgan oydan keyingi oyga beriladi. Takroriy murojaatlarni koʻrib chiqish umumiy belgilangan tartibda amalga oshiriladi.
III. Bolali oilalarga nafaqa, bola parvarishi boʻyicha nafaqa va moddiy yordam uchun murojaat qilish tartibi
12. Bolali oilalarga nafaqa va moddiy yordam ariza beruvchining yashash joyi (doimiy yoki asosan yashab turgan joyi) boʻyicha fuqarolarning oʻzini oʻzi boshqarish organi tomonidan oila boshligʻi yoki boshqa muomalaga layoqatli oila aʼzosining yozma arizasi asosida, bola parvarishi boʻyicha nafaqa esa – bolaning onasi yoki uning oʻrnini bosuvchi shaxsning arizasi asosida tayinlanadi.
(12-bandning birinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
Alohida hollarda, oilada muomalaga layoqatli aʼzolar boʻlmagan taqdirda nafaqa va moddiy yordam oila aʼzolarining yozma arizasisiz fuqarolarning oʻzini oʻzi boshqarish organi raisining taqdimnomasi boʻyicha tayinlanishi mumkin.
13. Bolali oilalarga nafaqa, bola parvarishi boʻyicha nafaqa va moddiy yordam tayinlash toʻgʻrisidagi ariza ushbu Nizomning 2-ilovasiga muvofiq shakl boʻyicha fuqarolarning oʻzini oʻzi boshqarish organi raisi nomiga beriladi.
Arizaga quyidagilar ilova qilinadi:
ushbu Nizomning 3-ilovasiga muvofiq shakl boʻyicha oilaning tarkibi va daromadlari toʻgʻrisidagi maʼlumotlar hamda ushbu daromadlarni tasdiqlovchi hujjatlar;
bolali oilalarga nafaqa yoki bola parvarishi boʻyicha nafaqa olish uchun – bolalarning tugʻilganlik toʻgʻrisidagi guvohnomalari nusxalari;
asosan yashab turgan joyi boʻyicha nafaqa va moddiy yordam olish uchun — doimiy yashash (doimiy yashash joyi boʻyicha roʻyxatga olingan) joyi boʻyicha bolali oilalarga nafaqa, bola parvarishi boʻyicha nafaqa va moddiy yordam tayinlanmaganligi va toʻlanmaganligi toʻgʻrisida fuqarolarning oʻzini oʻzi boshqarish organi tomonidan berilgan maʼlumotnoma;
(13-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
agar bolalar vasiylikka olingan boʻlsa – vasiylik va homiylik organining qaroridan koʻchirma.
Bundan tashqari, moddiy yordamga ehtiyojmandlik toʻgʻrisidagi arizaga, ariza beruvchining xohishiga koʻra, oilaning ehtiyojmandligini tasdiqlovchi boshqa hujjatlar ham ilova qilinishi mumkin.
14. Bolali oilalarga nafaqa, bola parvarishi boʻyicha nafaqa yoki moddiy yordam tayinlash uchun ariza oila ushbu nafaqa yoki moddiy yordamni olish istagi boʻlgan oydan oldingi oyning 15-sanasidan kechiktirmay beriladi.
15. Nafaqa va moddiy yordam tayinlash toʻgʻrisidagi arizalarni roʻyxatdan oʻtkazish fuqarolarning oʻzini oʻzi boshqarish organi kotibi tomonidan maxsus roʻyxatga olish kitobiga qayd etish orqali amalga oshiriladi. Bunda arizani kelib tushish sanasi, ariza bergan shaxsning familiyasi, ismi, otasining ismi va yashash manzili, iltimosning qisqacha mazmuni va fuqarolar yigʻini tomonidan qaror qabul qilingandan keyin bayonnoma sanasi va raqami koʻrsatilgan holda qabul qilingan qaror toʻgʻrisidagi maʼlumotlar koʻrsatiladi.
Ushbu Nizomning 13-bandiga muvofiq ariza hamda oilaning daromadlari miqdori va tarkibini tasdiqlaydigan zarur maʼlumotnomalar berilgan kun ariza roʻyxatdan oʻtkazilgan kun deb hisoblanadi.
IV. Bolali oilalarga nafaqa, bola parvarishi boʻyicha nafaqa va moddiy yordam olish uchun arizalarni koʻrib chiqish tartibi
16. Ariza beruvchining ehtiyojmandligi darajasini aniqlash va bolali oilalarga nafaqa, bola parvarishi boʻyicha nafaqa va moddiy yordam tayinlash (rad etish) toʻgʻrisida xulosa chiqarish uchun fuqarolarning oʻzini oʻzi boshqarish organida maxsus komissiya tashkil etiladi, uning tarkibi fuqarolarning oʻzini oʻzi boshqarish organi raisi tomonidan 12 oy muddatga, kamida 3 kishidan iborat etib tasdiqlanadi.
(16-bandning birinchi xatboshisi Oʻzbekiston Respublikasi Vazirlar Mahkamasining 2020-yil 20-iyundagi 396-sonli qarori tahririda — Qonun hujjatlari maʼlumotlari milliy bazasi, 20.06.2020-y., 09/20/396/0793-son)
Maxsus komissiya tarkibiga oʻzini oʻzi boshqarish organi maslahatchilari, kotibi, ushbu organ hududiga biriktirilgan tuman (shahar) aholi bandligiga koʻmaklashish markazi xodimi, shuningdek zaruriyat boʻlganda, tuman (shahar) davlat soliq inspeksiyalari va moliya organlari vakillari kiritiladi.
(16-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
Hududida 300 tadan koʻp oila yashaydigan fuqarolarning oʻzini oʻzi boshqarish organlarida bir necha maxsus komissiyalar tashkil etilishi mumkin. Bunda aholi bandligiga koʻmaklashish markazi xodimi har bir komissiyada ishtirok etishi shart.
(16-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
17. Bolali oilalarga nafaqa, bola parvarishi boʻyicha nafaqa va moddiy yordam tayinlash toʻgʻrisidagi ariza uch bosqichda koʻrib chiqiladi.
Birinchi bosqichda maxsus komissiya ariza berilgan sanadan boshlab uch kun muddatda ariza beruvchi tomonidan fuqarolarning oʻzini oʻzi boshqarish organiga taqdim etilgan maʼlumotlar asosida oilaning aʼzosiga toʻgʻri keladigan oʻrtacha oylik jami daromad miqdorini aniqlaydi.
Agar oila aʼzosiga toʻgʻri keladigan oʻrtacha oylik jami daromad miqdori ushbu Nizomning 8-bandida nazarda tutilgan miqdordan kam boʻlsa, maxsus komissiya oilaning moddiy va mulkiy holatini tekshirish sanasini belgilaydi.
Ikkinchi bosqichda maxsus komissiya ariza berilgan sanadan boshlab oʻn kun muddatda oilaning moddiy va mulkiy holatini oʻrganib chiqadi, shundan keyin tegishli nafaqa yoki moddiy yordamni tayinlash yoki tayinlashni rad etish toʻgʻrisidagi xulosani fuqarolar yigʻiniga yoki Komissiyaga kiritadi.
Uchinchi bosqichda ariza berilgan oyning oxirgi kunidan kechikmay, maxsus komissiyaning xulosasi inobatga olingan holda, ariza tegishli nafaqa yoki moddiy yordamni tayinlash va toʻlash yoki tayinlashni rad etish toʻgʻrisidagi masalalarni hal etish uchun fuqarolar yigʻini yoki Komissiya tomonidan koʻrib chiqiladi.
V. Oila aʼzosiga toʻgʻri keladigan oʻrtacha oylik jami daromad miqdorini aniqlash
18. Oila aʼzosiga toʻgʻri keladigan oʻrtacha oylik jami daromad, bolali oilalarga nafaqa, bola parvarishi boʻyicha nafaqa yoki moddiy yordam olish uchun murojaat qilingan oydan oldingi oxirgi uch oy uchun hisoblab chiqilgan oilaning mehnatga layoqatli har bir aʼzosining oʻrtacha oylik daromadi summasini oila tarkibiga kiritiladigan oila aʼzolari soniga boʻlingan holda aniqlanadi.
19. Bolali oilalarga nafaqa, bola parvarishi boʻyicha nafaqa va moddiy yordam olish uchun oila tarkibiga:
bolalarning otasi, onasi yoki nikohdagi har ikki ota-onasi (farzandlikka oluvchilar);
ota-onalar bilan birga yashaydigan va ularning qaramogʻida boʻlgan bolalar, shuningdek ota-onalar bilan birgalikda yashaydigan va oʻz oilalariga ega boʻlmagan 16 yoshdan katta yoshdagi bolalar (shu jumladan farzandlikka olingan bolalar);
Oldingi tahrirga qarang.
(19-bandning toʻrtinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 307-sonli qaroriga asosan chiqarilgan — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
Oldingi tahrirga qarang.
(19-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 307-sonli qaroriga asosan chiqarilgan — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
Oilaning birgalikda yashovchi aʼzolari tarkibi fuqarolarning oʻzini oʻzi boshqarish organi tomonidan belgilanadi.
20. Bolali oilalarga nafaqalar, bola parvarishi boʻyicha nafaqalar va moddiy yordam tayinlash uchun oʻrtacha oylik jami daromad miqdorini hisoblab chiqishda inobatga olinadigan oila tarkibiga quyidagilar kiritilmaydi:
Oldingi tahrirga qarang.
(20-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 20-iyundagi 396-sonli qaroriga asosan chiqarilgan — Qonun hujjatlari maʼlumotlari milliy bazasi, 20.06.2020-y., 09/20/396/0793-son)
ota-onalari ularga nisbatan ota-ona huquqlaridan mahrum etilgan bolalar;
toʻliq davlat taʼminotidagi bolalar, shuningdek vasiylikka (homiylikka) olingan bolalar;
chaqiriq boʻyicha harbiy xizmatni oʻtayotgan yoxud harbiy taʼlim muassasasida oʻqiyotganligi sababli oilada boʻlmagan ota-ona (farzandlikka oluvchi);
sudning qonuniy kuchga kirgan hukmi boʻyicha jazoni ijro etish joylarida ekanligi munosabati bilan oilada boʻlmagan ota yoki ona (farzandlikka oluvchi).
21. Agar bir uy xoʻjaligida (bir pochta manzili boʻyicha) bolali ikki va undan ortiq oilalar yashagan taqdirda, bolali oilalarga nafaqa, bola parvarishi boʻyicha nafaqa va moddiy yordam olish uchun bir oila tarkibiga arizachi, uning turmush oʻrtogʻi va ular bilan birgalikda yashaydigan va oʻz oilalariga ega boʻlmagan bolalar (shu jumladan farzandlikka olingan bolalar) kiritiladi.
(21-band Oʻzbekiston Respublikasi Vazirlar Mahkamasining 2020-yil 20-iyundagi 396-sonli qarori tahririda — Qonun hujjatlari maʼlumotlari milliy bazasi, 20.06.2020-y., 09/20/396/0793-son)
22. Oʻrtacha oylik jami daromad miqdorini hisoblab chiqishda hisobga olinadigan oilaning jami daromadiga, oila aʼzolari tomonidan olingan quyidagi daromadlar kiritiladi:
mehnatga haq toʻlash shaklidagi daromadlar;
mulkiy daromadlar;
yakka tartibdagi tadbirkorning daromadi;
chet elda ishlaydigan yoki tadbirkorlik faoliyatini amalga oshirayotgan oila aʼzolaridan pul tushumlari summasi;
pensiyalar va nafaqalar (ushbu Nizomda nazarda tutilgan tartibda oila olayotgan nafaqa yoki moddiy yordam, Vazirlar Mahkamasining 2018-yil 13-sentabrdagi 731-son qarori bilan amalga kiritilgan un va qolipli non xarid qilish boʻyicha qoʻshimcha xarajatlarni qoplash uchun har oylik pul kompensatsiyasi, nogironligi boʻyicha nafaqa, boquvchisini yoʻqotganlik pensiyasi va nafaqasi (har bir boqimandaga), bolalikdan nogiron boʻlgan 16 yoshdan katta shaxslarga nafaqa, 16 yoshgacha boʻlgan nogiron bolalar va 18 yoshga toʻlmagan OIV infeksiyasiga chalingan shaxslarga nafaqa, Pensiya jamgʻarmasi orqali beriladigan bola tugʻilganligi hamda dafn etish marosimi uchun bir yoʻla toʻlanadigan nafaqa bundan mustasno);
(22-bandning oltinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
shaxsiy yordamchi (dehqon) xoʻjaligini yuritishdan olingan daromad;
Oʻzbekiston Respublikasi qonun hujjatlarida belgilangan boshqa daromadlar.
Mehnatga haq toʻlash shaklidagi daromadlar hisoblangan summa boʻyicha hisobga olinadi (soliq toʻgʻrisidagi qonun hujjatlarida nazarda tutilgan soliqlar va boshqa majburiy toʻlovlar chegirib tashlangunga qadar).
“Xar bir oila — tadbirkor” dasturi doirasida mikrokredit olingan sanadan boshlab oxirgi 12 oy mobaynida oilaviy tadbirkorlikni amalga oshirishdan olingan daromadlar hamda stipendiyalar oilaning jami daromadiga kiritilmaydi.
(22-bandning oʻninchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
23. Oilaning oʻrtacha oylik jami daromadi fuqarolar tomonidan ushbu Nizomning 13-bandiga muvofiq taqdim etiladigan oilaning tarkibi va oila aʼzolarining daromadlari toʻgʻrisidagi maʼlumotlar asosida aniqlanadi.
24. Agar oilaning mehnatga layoqatli har bir aʼzosining oʻrtacha oylik daromadlari toʻgʻrisida taqdim etilgan maʼlumotlarda daromad summasi koʻrsatilmagan boʻlsa yoki mehnatga haq toʻlashning eng kam miqdorining 87,9 foizidan kam summa koʻrsatilgan boʻlsa, u holda oilaning oʻrtacha oylik jami daromadini hisoblash uchun daromadni normativdan past koʻrsatgan yoki daromadi mavjudligi toʻgʻrisidagi maʼlumotlarni taqdim etmagan oila aʼzolarining har biriga nafaqa yoki moddiy yordamga murojaat qilingan oyda belgilangan mehnatga haq toʻlashning eng kam miqdorining 87,9 foiziga teng boʻlgan normativ daromad miqdori qabul qilinadi.
Ushbu qoida:
bola uch yoshga toʻlgunga qadar uning parvarishi bilan band boʻlgan onalarga (ularning oʻrnini bosuvchi shaxslarga);
taʼlim muassasalarida oʻqiyotganlarga (mehnat shartnomasiga muvofiq ishlarni amalga oshirish holati bundan mustasno);
ishlamaydigan pensionyerlarga, pensiya tayinlash uchun zarur boʻlgan ish stajiga ega boʻlmagan qariyalarga va mehnatga layoqatsizlik yuzasidan nafaqa oluvchi fuqarolarga, bolalikdan nogironligi mavjud shaxslarning onalariga, bolalikdan nogironligi mavjud shaxslarga, OIV infeksiyasiga chalingan shaxslarga, shuningdek, I yoki II guruh nogironligi mavjud shaxslarga;
amalda shaxsiy yordamchi (dehqon) xoʻjaligini yuritish bilan band boʻlgan oila aʼzosiga;
oʻzganing parvarishiga muhtoj boʻlgan oila aʼzosini parvarish qilayotganlarga;
oilaning “Xar bir oila — tadbirkor” dasturi doirasida oilaviy tadbirkorlikda band boʻlgan, biroq ushbu dastur boʻyicha mikrokredit olingan sanadan boshlab koʻpi bilan 12 oy band boʻlgan aʼzolariga;
oila aʼzolariga, agar ariza beruvchining yashash manzilida 2 oy va undan ortiq muddatda boshqa oila aʼzolari bilan birgalikda yashamayotgan boʻlsa;
tuman (shahar) aholi bandlikka koʻmaklashish markaziga ish qidiruvchi sifatida rasmiy murojaat qilgan yoki ishsiz sifatida roʻyxatga olingan fuqarolarga nisbatan qoʻllanilmaydi.
(24-band Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
25. Agar taqdim etilgan maʼlumotlarda shaxsiy yordamchi (dehqon) xoʻjaligini yuritishdan olingan oʻrtacha oylik daromad miqdori koʻrsatilmagan yoxud shaxsiy yordamchi (dehqon) xoʻjaligini yuritishdan olinadigan belgilangan normativ daromaddan past koʻrsatilgan boʻlsa, u holda oilaning jami daromadini aniqlash uchun shaxsiy yordamchi (dehqon) xoʻjaligini yuritishdan olinadigan oylik daromadning normativ miqdori qabul qilinadi.
Shaxsiy yordamchi (dehqon) xoʻjaligini yuritishdan olinadigan normativ daromad ushbu Nizomning 4-ilovasiga muvofiq shaxsiy yordamchi (dehqon) xoʻjaligini yuritish uchun foydalaniladigan sotixlar sonini nafaqa yoki moddiy yordam soʻrab murojaat qilingan oyda belgilangan mehnatga haq toʻlashning eng kam miqdorining 0,035 miqdoriga koʻpaytirish yoʻli bilan aniqlanadi.
(25-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
Yer uchastkasi unumdorligi obyektiv shart-sharoitlarga koʻra (suv bilan taʼminlanmaganlik, tuproqning shoʻrlanishi va boshqalar) yuqorida koʻrsatilgan miqdordagi normativ daromad olish imkonini bermaydigan yoki umuman daromad olish imkonini bermaydigan alohida hollarda mahalliy davlat hokimiyati organlari normativ daromadga pasayish tomoniga tuzatish kiritishlari mumkin.
26. Oila daromadi va uning tarkibi oʻzgargan taqdirda ariza beruvchi shaxs bir oydan kech boʻlmagan muddatda bu haqda nafaqa va moddiy yordam toʻlayotgan fuqarolarning oʻzini oʻzi boshqarish organiga maʼlum qilishi shart.
VI. Oilaning moddiy va mulkiy holatini oʻrganish
27. Maxsus komissiya ariza beruvchining yashash joyiga chiqqan holda oilaning moddiy va mulkiy holatini oʻrganib chiqadi.
28. Oilaning moddiy va mulkiy holatini oʻrganish natijalariga koʻra maxsus komissiya ushbu Nizomning 5-ilovasiga muvofiq shakl boʻyicha oilaning moddiy va mulkiy holatini oʻrganish dalolatnomasini tuzadi.
Dalolatnomada:
oʻrganilayotgan oilaning tarkibi;
oilaning mehnatga layoqatli aʼzolarining bandligi toʻgʻrisidagi maʼlumotlar;
shaxsiy yordamchi (dehqon) xoʻjaligini yuritish uchun foydalaniladigan yer uchastkasi maydoni;
oʻrganilayotgan oilaning moddiy jihatdan taʼminlanganligi darajasini baholash;
tegishli nafaqa yoki moddiy yordamni tayinlash boʻyicha xulosa koʻrsatiladi.
29. Oilaning moddiy va mulkiy holatini tekshirish natijalari boʻyicha maxsus komissiya bolali oilalarga nafaqa, bola parvarishi boʻyicha nafaqa va moddiy yordam olishga ehtiyojmand oilalar roʻyxatini shakllantiradi hamda ularni ushbu kalendar oyi tugashidan kamida besh kun oldin koʻrib chiqishi uchun fuqarolar yigʻini yoki Komissiyaga kiritadi.
VII. Fuqarolar yigʻini tomonidan bolali oilalarga nafaqa, bola parvarishi boʻyicha nafaqa va moddiy yordam tayinlash toʻgʻrisida qaror qabul qilish
30. Bolali oilalarga nafaqa, bola parvarishi boʻyicha nafaqa, moddiy yordam tayinlash yoki uni tayinlashni rad etish toʻgʻrisidagi qaror fuqarolar yigʻini (Komissiya) tomonidan ochiq ovoz berish yoʻli bilan qabul qilinadi.
Agar fuqarolar yigʻini ishtirokchilarining (Komissiya aʼzolarining) oddiy koʻpchiligi qarorni yoqlab ovoz bersa u qabul qilingan hisoblanadi.
31. Fuqarolar yigʻini (Komissiya) qarori, qoidaga koʻra, har bir ariza beruvchi boʻyicha alohida, uning ishtirokida qabul qilinadi. Ariza beruvchi uzrli sababga koʻra fuqarolar yigʻinida (Komissiya yigʻilishida) ishtirok etmagan taqdirda oilaning boshqa muomalaga layoqatli aʼzosi ishtirok etishi shart. Ariza beruvchi yoki ariza beruvchi oilasining boshqa vakili ishtirok etmagan taqdirda ushbu oilaga tegishli nafaqa yoki moddiy yordam tayinlash toʻgʻrisidagi masala koʻrib chiqilmaydi va koʻrib chiqish uchun keyingi oyga koʻchiriladi.
Nafaqa yoki moddiy yordam tayinlash toʻgʻrisida qaror keyingi oyga koʻchirilgan oilalarga yangidan roʻyxatdan oʻtish va ehtiyojmandligini oʻrganish (nafaqa yoki moddiy yordam yuzasidan ariza berish, oila daromadlari va tarkibi toʻgʻrisidagi maʼlumotlarni taqdim etish, daromadlar va mulkiy holatni qoʻshimcha ravishda oʻrganish) tartibi talab etilmaydi.
32. Qaror quyidagilarni aks ettirgan holda fuqarolar yigʻini (Komissiya yigʻilishi) bayonnomasi bilan rasmiylashtiriladi:
ariza beruvchining familiyasi, ismi va otasining ismi;
ochiq ovoz berish natijalari;
tayinlangan nafaqa yoki moddiy yordamning turi va miqdori;
toʻlovlar boshlanadigan oy va ular tugaydigan oy;
qaror qabul qilingan sana.
Tegishli nafaqa yoki moddiy yordam tayinlash rad etilgan taqdirda, ariza beruvchiga fuqarolar yigʻinida (Komissiya yigʻilishida) rad etish sabablari koʻrsatilgan holda maʼlum qilinadi, bu toʻgʻrida bayonnomada qayd etiladi.
33. Bayonnoma fuqarolar yigʻini raisi tomonidan imzolanadi va besh kun muddatda ariza beruvchiga maʼlum qilinadi.
34. Bolali oilalarga nafaqa tayinlangan oilada voyaga yetmagan bolalar soni oʻzgargan taqdirda (bolalardan biri 14 yoshga toʻlgan, navbatdagi bola tugʻilgan va hokazo), nafaqa miqdori bolalarning tegishli soniga ega boʻlgan oila uchun belgilangan miqdorlarga muvofiqlashtiriladi. Bunda yangi miqdor boʻyicha nafaqa toʻlash oilada voyaga yetmagan bolalar soni oʻzgargan oydan keyingi oydan boshlanadi. Bu holda nafaqa miqdorini qayta koʻrib chiqish boʻyicha fuqarolar yigʻini yoki Komissiya qarori talab etilmaydi.
VIII. Bolali oilalarga nafaqa, bola parvarishi boʻyicha nafaqa va moddiy yordam toʻlash
35. Bolali oilalarga nafaqa, bola parvarishi boʻyicha nafaqa va moddiy yordam fuqarolar yigʻini yoki Komissiyaning qarori bayonnomasi asosida toʻlanadi.
Fuqarolarning oʻzini oʻzi boshqarish organi kotibi har oyda oyning oxirgi kunidan kechikmay, fuqarolar yigʻinining (Komissiyaning) qarori bayonnomasi asosida oluvchining familiyasi, pasport raqami, shuningdek toʻlanishi kerak boʻlgan summani koʻrsatgan holda tegishli nafaqa va moddiy yordam toʻlashga vedomost tuzadi. Vedomostlar fuqarolarning oʻzini oʻzi boshqarish organi raisining imzosi va muhr hamda ushbu organ hududiga biriktirilgan tuman (shahar) aholi bandligiga koʻmaklashish markazi xodimining imzosi bilan tasdiqlanadi.
(35-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
Nafaqa va moddiy yordamning har bir turi uchun alohida uch nusxada vedomostlar tuziladi.
36. Belgilangan tartibda toʻldirilgan va tasdiqlangan vedomostlar tegishli nafaqa yoki moddiy yordam tayinlangan oyning 5-sanasigacha boʻlgan muddatda tumanlar (shaharlar) hokimliklarining moliya boʻlimlariga (keyingi oʻrinlarda tuman (shahar) moliya boʻlimlari deb ataladi) yuboriladi.
Taqdim etilgan vedomostlar barcha uch nusxaning har bir varagʻiga tasdiqlovchi imzolar va tegishli shtamp qoʻyilgan holda tuman (shahar) moliya boʻlimining masʼul xodimi tomonidan tekshiriladi.
37. Tayinlangan, ammo oʻz vaqtida talab qilib olinmagan (toʻlanmagan) bolali oilalarga nafaqa, bola parvarishi boʻyicha nafaqa va moddiy yordam oʻtgan davr uchun bir vaqtning oʻzida toʻliq miqdorda toʻlanadi.
38. Bolali oilalarga nafaqa, bola parvarishi boʻyicha nafaqa va moddiy yordam toʻlash:
toʻlovning qonun hujjatlarida belgilangan muddati tugagan;
bolalar bolali oilalarga nafaqa va bola parvarishi boʻyicha nafaqa olish huquqini istisno etuvchi yoshga toʻlgan;
bola parvarishi boʻyicha nafaqa oluvchi ona ishga chiqqan;
doimiy yashash joyi oʻzgargan;
fuqarolarning oʻzini oʻzi boshqarish organi tomonidan oilaning ushbu toʻlovlarga ehtiyojmandligi yoʻqligidan dalolat beruvchi holatlar aniqlangan;
fuqarolar yigʻinining (Komissiyaning) tegishli toʻlovlarni tayinlash toʻgʻrisidagi qaroriga taʼsir koʻrsatgan buzilgan va ishonchsiz maʼlumotlar aniqlangan hollarda toʻxtatiladi. Ushbu holatda asossiz toʻlangan mablagʻ qonun hujjatlarida belgilangan tartibda fuqarolarning oʻzini oʻzi boshqarish organining tegishli hisob raqamiga qaytarilishi kerak.
Toʻlovlarni toʻxtatish, toʻlovning belgilangan muddati tugagan yoki bolalar tegishli yoshga toʻlgan hollardan tashqari (bola parvarishi boʻyicha nafaqa uchun – ikki yosh, bolali oilalarga nafaqa uchun – 14 yosh), fuqarolar yigʻinining (Komissiyaning) tegishli bayonnomasi bilan rasmiylashtirilgan qarori asosida amalga oshiriladi.
39. 16 yoshgacha (oʻquvchilar – 18 yoshgacha) bolalari boʻlgan oilalarga 2012-yil 1-dekabrgacha tayinlangan bolali oilalarga nafaqalarni toʻlash 16 yoshgacha (oʻquvchilar – 18 yoshgacha) bolalar hisobga olingan holda qonun hujjatlarida belgilangan miqdorlarda toʻlovning belgilangan muddati tugagunga qadar butun davrda davom etadi.
Toʻlovi 2013-yilning yanvar oyidan boshlanadigan bolali oilalarga nafaqa miqdori qonun hujjatlariga muvofiq belgilanadi, bunda faqat 14 yoshgacha boʻlgan bolalar inobatga olinadi.
2012-yilning 1-dekabrigacha va 1-dekabridan keyin tayinlangan bolali oilalarga nafaqa miqdori ushbu Nizomning 6-ilovasiga muvofiq tartibda hisoblab chiqiladi.
IX. Mahalliy budjet mablagʻlari hisobidan moliyalashtirish tartibi
40. Tegishli nafaqalar va moddiy yordamni toʻlash Xalq bankining boʻlinmalarida (filiallarida) fuqarolarning oʻzini oʻzi boshqarish organlarining maxsus bank hisob raqamlariga oʻtkaziladigan Oʻzbekiston Respublikasi Davlat budjeti xarajatlarining tegishli iqtisodiy tasnifi boʻyicha aks ettirilgan holda mahalliy budjet mablagʻlari hisobiga amalga oshiriladi.
Nafaqa va moddiy yordamning har bir turi uchun alohida maxsus bank hisob raqamlari ochiladi.
Xalq banki muassasalari har oyda joriy oyning oxirigacha boʻlgan muddatda fuqarolarning oʻzini oʻzi boshqarish organini maxsus bank hisob raqamlaridagi qoldiqlar, shu jumladan joriy oy uchun, shuningdek hisobot yili boshidan boshlab tushumlar summalari va amalga oshirilgan xarajatlar toʻgʻrisida yozma ravishda xabardor qiladi.
41. Tuman (shahar) moliya boʻlimi mablagʻlarni vedomostlar boʻyicha tayinlangan summalar doirasida, biroq budjetda nazarda tutilganidan ortiq boʻlmagan, nafaqalar va moddiy yordam toʻlashga tegishli budjetning gʻaznachilik shaxsiy hisob raqamini koʻrsatgan holda, toʻlov amalga oshiriladigan oyning 5-sanasidan boshlab, biroq oyning 25-sanasidan kechikmay har bir fuqarolarning oʻzini oʻzi boshqarish organining maxsus hisob raqamlariga alohida toʻlov topshiriqnomalari orqali Yagona gʻaznachilik hisob raqamidan oʻtkazadi. Bunda vedomostlar boʻyicha qisman moliyalashtirish taqiqlanadi.
Mablagʻlarni tuman (shahar) moliya boʻlimlarining Yagona gʻaznachilik hisob raqamidan oʻtkazish gʻaznachilik boʻlinmalari tomonidan, belgilangan tartibda amalga oshiriladi.
42. Har bir nafaqa va moddiy yordam boʻyicha vedomostning bir nusxasi tuman (shahar) moliya boʻlimida qoladi. Mablagʻlar fuqarolarning oʻzini oʻzi boshqarish organlarining maxsus hisob raqamlariga oʻtkazilgandan keyin tasdiqlangan vedomostlarning ikkinchi va uchinchi nusxalari moliya organlari tomonidan tegishli fuqarolarning oʻzini oʻzi boshqarish organiga taqdim etiladi.
43. Fuqarolarning oʻzini oʻzi boshqarish organlari mablagʻlar ularning hisob raqamlariga tushgandan keyin vedomostlarning ikkinchi va uchinchi nusxalarini toʻlov topshiriqnomalari bilan birga nafaqani toʻlash uchun Xalq bankining xizmat koʻrsatuvchi boʻlinmalariga (filiallariga) taqdim etiladi.
44. Oyning oxirgi ish kunida vedomostlar yopiladi, tayinlangan, ammo oʻz vaqtida talab qilib olinmagan nafaqa, nafaqa oluvchining nomiga maxsus depozit hisob raqamiga oʻtkaziladi va oluvchining birinchi talabiga koʻra toʻlanadi. Yopilgan vedomostning uchinchi nusxasi fuqarolarning oʻzini oʻzi boshqarish organiga taqdim etiladi. Toʻlov nafaqa va moddiy yordam oluvchining yashash joyi boʻyicha Xalq bankining boʻlinmalari (filiallari) tomonidan amalga oshiriladi.
441. Bolali oilalarga nafaqa, bolani parvarish qilish nafaqasi va moddiy yordam toʻlash boʻyicha Xalq banki boʻlinmalari (filiallari) xizmatlariga haq toʻlash qonun hujjatlarida belgilangan tartibda Oʻzbekiston Respublikasi Moliya vazirligi bilan Xalq banki oʻrtasida tuziladigan shartnoma asosida amalga oshiriladi.
Bolali oilalarga nafaqa, bolani parvarish qilish nafaqasi va moddiy yordam toʻlash boʻyicha xizmatlarga haq toʻlash miqdori kam taʼminlangan oilalarga ijtimoiy nafaqalar va moddiy yordam toʻlash uchun ajratilgan mablagʻlar doirasida Xalq banki tomonidan taqdim etiladigan asoslangan hisob-kitoblar boʻyicha Oʻzbekiston Respublikasi Moliya vazirligi tomonidan belgilanadi.
(441-band Oʻzbekiston Respublikasi Prezidentining 2013-yil 25-dekabrdagi PQ-2099-sonli qaroriga asosan kiritilgan — OʻR QHT, 2013-y., 52-son, 690-modda)
45. Koʻzda tutilgan budjet mablagʻlarini viloyatning tumanlari (shaharlari) oʻrtasida taqsimlash Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari tomonidan har bir tuman (shahar) hududida yashovchi oilalar muhtojligini, ushbu oilalarning tarkibi va oldingi davrlarda ajratilgan mablagʻlarning oʻzlashtirilishi (foydalanilishi) darajasini inobatga olgan holda amalga oshiriladi.
46. Koʻzda tutilgan budjet mablagʻlarini fuqarolarning oʻzini oʻzi boshqarish organlarining maxsus hisob raqamlariga taqsimlash tuman (shahar) moliya boʻlimi tomonidan ehtiyojmand oilalar sonini hisobga olgan holda, moliyalashtirishga boʻlgan ehtiyojdan kelib chiqib, amalga oshiriladi.
(46-band Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)
47. Fuqarolarning oʻzini oʻzi boshqarish organlari tomonidan har oyda ushbu Nizomning 7-ilovasiga muvofiq bolali oilalarga nafaqalar, bola parvarishi boʻyicha nafaqalar va moddiy yordam tayinlash va toʻlash toʻgʻrisida hisobot tuziladi hamda u hisobot oyidan keyingi oyning 10-sanasigacha boʻlgan muddatda tuman (shahar) moliya boʻlimiga va tuman (shahar) aholi bandligiga koʻmaklashish markaziga taqdim etiladi.
(47-band Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
48. Tuman (shahar) moliya boʻlimlari hisobot oyidan keyingi oyning 15-sanasigacha hisobotlarni fuqarolarning oʻzini oʻzi boshqarish organlari boʻyicha Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalariga taqdim etadilar, ular oyning 20-sanasigacha hisobotlarni Oʻzbekiston Respublikasi Moliya vazirligiga taqdim etadilar.
(48-band Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)
Tuman (shahar) aholi bandligiga koʻmaklashish markazlari hisobot oyidan keyingi oyning 15-kunigacha hisobotlarni fuqarolarning oʻzini oʻzi boshqarish organlari boʻyicha Qoraqalpogʻiston Respublikasi Bandlik va mehnat munosabatlari vazirligiga, viloyatlar va Toshkent shahar bandlik bosh boshqarmalariga taqdim etadilar, ular hisobot davridan keyingi oyning 20-kunigacha hisobotlarni Oʻzbekiston Respublikasi Bandlik va mehnat munosabatlari vazirligiga taqdim etadilar.
(48-band Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
49. Bir yil mobaynida oluvchilar tomonidan (vafot etganligi, yashash joyi oʻzgarganligi va moddiy yordam oluvchining aybi bilan boshqa sabablarga koʻra) talab qilib olinmagan mablagʻlar fuqarolarning oʻzini oʻzi boshqarish organlarining hisob raqamlariga tiklanishi kerak.
Fuqarolarning oʻzini oʻzi boshqarish organlarining maxsus hisob raqamlaridagi foydalanilmagan pul mablagʻlari qoldigʻi olib qoʻyilmaydi va navbatdagi davrda nafaqalar toʻlash uchun yoʻnaltirilishi kerak.
X. Yakunlovchi qoidalar
50. Ajratiladigan budjet mablagʻlarining fuqarolarning oʻzini oʻzi boshqarish organlarining maxsus hisob raqamlariga toʻliq va oʻz vaqtida oʻtkazilishi hamda ulardan maqsadli foydalanilishini nazorat qilish Oʻzbekiston Respublikasi Moliya vazirligining Davlat moliyaviy nazorati departamenti, shuningdek uning joylardagi organlari tomonidan fuqarolarning oʻzini oʻzi boshqarish organlari faoliyatini har chorakda tekshirish yoʻli bilan amalga oshiriladi.
(50-band Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
51. Bolali oilalarga nafaqa, bola parvarishi boʻyicha nafaqa va moddiy yordam tayinlashning asoslanganligi monitoringini olib borish fuqarolarning oʻzini oʻzi boshqarish organining tegishli hududiga biriktirilgan tuman (shahar) aholi bandligiga koʻmaklashish markazi xodimi tomonidan amalga oshiriladi.
(51-bandning birnchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
Fuqarolarning oʻzini oʻzi boshqarish organi hududiga biriktirilgan tuman (shahar) aholi bandligiga koʻmaklashish markazi xodimiga monitoring funksiyalaridan tashqari.
(51-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
ehtiyojmand oilalarni aniqlash, ularga bolali oilalarga nafaqa, bola parvarishi boʻyicha nafaqa va moddiy yordam tayinlash va toʻlash boʻyicha ishlarni tashkil etishda fuqarolarning oʻzini oʻzi boshqarish organiga koʻmaklashish;
hujjatlarni rasmiylashtirishda amaliy yordam koʻrsatish;
zaruriyatga koʻra, fuqarolarning oʻzini oʻzi boshqarish organi raisining murojaati boʻyicha, ushbu Nizomning 13-bandiga muvofiq ariza beruvchilar tomonidan taqdim etilgan oilaning tarkibi va oila aʼzolarining daromadi toʻgʻrisidagi maʼlumotlarni joylashgan joyi boʻyicha davlat soliq xizmati organlariga murojaat qilish yoʻli bilan tekshirish;
fuqarolar yigʻini yoki Komissiya qarori ushbu Nizom bilan belgilangan nafaqa yoki moddiy yordam tayinlash va toʻlash tartibiga muvofiq boʻlmagan taqdirda uning yuzasidan belgilangan tartibda shikoyat qilish yuklanadi.
52. Shaxsiy javobgarlik:
budjet mablagʻlarini fuqarolarning oʻzini oʻzi boshqarish organlarining maxsus hisob raqamlariga toʻliq va oʻz vaqtida ajratilishi uchun — tuman (shahar) moliya boʻlimi rahbari zimmasiga yuklanadi;
fuqarolarning oʻzini oʻzi boshqarish organi tomonidan ijtimoiy nafaqalar va moddiy yordam tayinlash va toʻlashning amaldagi tartibi ijro etilishini taʼminlash va moliyaviy hisobotlarning ishonchliligi uchun — fuqarolarning oʻzini oʻzi boshqarish organi raisi zimmasiga yuklanadi;
nafaqalar va moddiy yordam tayinlash va toʻlashning belgilangan tartibiga rioya etilishi monitoringi olib borilishini taʼminlash uchun — ushbu fuqarolarning oʻzini oʻzi boshqarish organi hududiga biriktirilgan tuman (shahar) aholi bandligiga koʻmaklashish markazining xodimi zimmasiga yuklanadi;
(52-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
fuqarolarning oʻzini oʻzi boshqarish organi maxsus hisob raqamlaridan mablagʻlarining oʻz vaqtida va toʻliq toʻlanishini taʼminlash uchun — Xalq bankining tuman (shahar) boʻlinmasi (filiali) rahbari zimmasiga yuklanadi.
Nizomga
1-ILOVA
1-ILOVA
Bolali oilalarga nafaqa, bola parvarishi boʻyicha nafaqa va moddiy yordam tayinlash va toʻlash
SXEMASI
(1-ilova Oʻzbekiston Respublikasi Vazirlar Mahkamasining 2019-yil 15-iyuldagi 588-sonli qarori tahririda — Qonun hujjatlari maʼlumotlari milliy bazasi, 16.07.2019-y., 09/19/588/3432-son)
Nizomga
2-ILOVA
2-ILOVA
| | |
____________________viloyati | |
| | |
(fuqarolarning oʻzini oʻzi | |
| | |
fuqarolarning oʻzini oʻzi | |
| | |
_________________________ dan | |
| | | | |
|
ARIZA | |||
| | | | |
| Sizdan mening oilamga_____________________________________________ | |||
|
(soʻralayotgan nafaqa yoki moddiy yordamning nomi) | |||
| tayinlash toʻgʻrisidagi masalani koʻrib chiqishingizni soʻrayman. | |||
| Mening oilam:____________________________________________________ | |||
|
(murojaatning sababi koʻrsatiladi) | |||
| __________________________________________________________sababli ushbu nafaqaga (moddiy yordamga) muhtoj. | |||
| | |||
| Arizaga quyidagilarni ilova qilaman: | | | |
|
Oilamning tarkibi va __________dan ___________ gacha boʻlgan davrdagi daromadlari toʻgʻrisidagi maʼlumotlar; | |||
| Bolalarning tugʻilganlik toʻgʻrisidagi guvohnomalari nusxalari; | |||
| Boshqa hujjatlar:__________________________________________________ | |||
| | | | |
| Murojaat qiluvchining imzosi: _________________________ | |||
| Sana: 20___ yil “___”___________ | | ||
| | | | |
| | |
Arizani roʻyxatdan oʻtkazdi | |
| | |
_______________________________ | |
| | |
Sana: 20___ yil “___”___________ | |
Nizomga
3-ILOVA
3-ILOVA
|
Oila aʼzolarining tarkibi va daromadlari toʻgʻrisida maʼlumotlar | |||||
| | | | | | |
| 20___ yil “___”___________ | |||||
| | | | | | |
| Ariza beruvchining F.I.O:__________________________________________ Uy manzili: _____________________________________________________ | |||||
| | | | | | |
| 1. Oilaning tarkibi: | |||||
|
Oilaning har bir aʼzosining familiyasi, ismi va otasining ismi |
Tugʻilgan yili, |
Ariza berilgan vaqtdagi ish, oʻqish yoki boshqa faoliyat joyi | |||
| | | ||||
| | | ||||
| | | | |||
| | | | |||
| | | ||||
| | |||||
| | | ||||
| | | ||||
| | | | |||
| | |||||
| 2. Oila aʼzolarining _________ dan _________gacha oylar davridagi daromadi: | |||||
| | | | | | |
|
Daromad oluvchining F.I.O. |
Daromad miqdori, soʻm | ||||
|
davrning birinchi oyida |
davrning ikkinchi oyida |
davrning uchinchi oyida |
uch oydagi jami daromad | ||
| | | | | | |
| | | | | | |
| | | | | | |
| | | | | | |
| | | | | | |
| | | | | | |
| | | | | | |
| | |||||
|
3. Oilaning shaxsiy yordamchi (dehqon) xoʻjaligi yuritish uchun _________ sotix yer uchastkasi mavjud, oila undan oʻrtacha oylik _______ soʻm miqdorida daromad oldi. | |||||
| Maʼlumotlarni bergan shaxsning imzosi:_____________________________ | |||||
| Sana: 20___ yil “___”___________ | |||||
Nizomga
4-ILOVA
4-ILOVA
Oilaning shaxsiy yordamchi (dehqon) xoʻjaligi yuritishdan oladigan normativ daromadini hisoblash
metodikasi
1. Maxsus komissiya tomonidan fuqarolarning oʻzini oʻzi boshqarish organi maʼlumotlari asosida oilaning shaxsiy yordamchi (dehqon) xoʻjaligi yuritish uchun foydalanadigan yer uchastkasining maydoni sotixlarda aniqlanadi.
Fuqarolarning oʻzini oʻzi boshqarish organida shaxsiy yordamchi (dehqon) xoʻjaligi yuritish uchun foydalanadigan yer uchastkasi maydoni toʻgʻrisidagi maʼlumotlar mavjud boʻlmaganda, Maxsus komissiya ushbu yer uchastkasini oʻlchovini amalga oshiradi.
Oilaning shaxsiy yordamchi (dehqon) xoʻjaligi yuritishdan oladigan normativ daromadini hisoblashda uy-joy binolari va yordamchi xoʻjalik imoratlari joylashgan yer maydonlaridan tashqari, barcha yerlar, shu jumladan foydalanilmayotgan yerlar ham hisobga olinadi.
2. Oilaning shaxsiy yordamchi (dehqon) xoʻjaligi yuritishdan oladigan oʻrtacha oylik normativ daromadi quyidagi formula boʻyicha aniqlanadi:
ND = Ma (sot) * 0,035 * MHTEKM, bunda:
ND — shaxsiy yordamchi (dehqon) xoʻjaligi yuritishdan olingan oʻrtacha oylik normativ daromad;
Ma (sot) — yer uchastkasining sotixlardagi maydoni;
0,035 — bir sotixdan olinadigan normativ daromadni aks ettiruvchi koeffitsiyent;
MHTEKM — normativ daromadni aniqlash oyidagi Oʻzbekiston Respublikasi Prezidenti Farmoni bilan belgilangan mehnatga haq toʻlashning eng kam miqdori.
(2-band Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
3. Shaxsiy yordamchi (dehqon) xoʻjaligi yuritishdan olingan normativ daromadni aniqlash hisob-kitobiga misol:
Oilada dehqon xoʻjaligi yuritish uchun 10 sotix yer uchastkasi mavjud. Normativ daromadni aniqlash oyida Oʻzbekiston Respublikasi Prezidenti Farmoni bilan belgilangan mehnatga haq toʻlashning eng kam miqdori 679 330 soʻmni tashkil etadi.
Oilaning shaxsiy yordamchi (dehqon) xoʻjaligi yuritishdan oladigan oʻrtacha oylik normativ daromadi: 10 sotix x 0,035 x 679 330 soʻm = 237 766 soʻmni tashkil etadi.
(3-band Oʻzbekiston Respublikasi Vazirlar Mahkamasining 2020-yil 20-maydagi 307-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/307/0633-son)
Nizomga
5-ILOVA
5-ILOVA
|
Oilaning moddiy va mulkiy holatini oʻrganish | ||
| | | |
|
Oʻzbekiston Respublikasi Vazirlar Mahkamasining 2013-yil 15-fevraldagi 44-son qarori bilan tasdiqlangan “Kam taʼminlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisida”gi Nizomga muvofiq faoliyat yurituvchi | ||
|
________________________________________________________________ | ||
| ______________________________ dan iborat tarkibdagi Maxsus komissiya, | ||
|
________________________________________________ manzilida yashovchi: | ||
|
fuqaro _________________________________________________________ | ||
| oilasining moddiy va mulkiy holatini oʻrganib chiqib, quyidagilarni aniqladi: | ||
| | | |
| 1. Fuqaro_______________ ning oilasi ____ nafardan iborat, shu jumladan: | ||
| — 2 yoshgacha boʻlgan bolalar — ____ kishi; | ||
| — 14 yoshgacha boʻlgan bolalar —____ kishi; | ||
| — 14 yoshdan katta bolalar — ____ kishi; | ||
| — oilaning mehnatga layoqatli, voyaga yetgan aʼzolari —____ kishi, ulardan: | ||
| — taʼlim muassasalarining oʻquvchilari (talabalari) — ____ kishi; | ||
| — bandligi taʼminlanganlar —____ kishi; | ||
| — doimiy ish joyiga ega boʻlmaganlar — ____ kishi; | ||
| — ishsiz sifatida roʻyxatdan oʻtkazilganlar ____kishi; | ||
| — 2 yoshgacha bolalari bor onalar ____kishi; | ||
| — pensionyerlar — ____kishi. | ||
| 2. Shaxsiy yordamchi (dehqon) xoʻjaligi yuritish uchun ______ sotix yer uchastkasi mavjud. | ||
| 3. Oilaning moddiy taʼminlanganlik darajasi (keragining ostiga chizilsin): | ||
|
“juda past”, “past”, “oʻrtacha”, “yuqori”. | ||
| Moddiy taʼminlanganlik darajasini ushbu tarzda baholashning sabablari koʻrsatilsin: | ||
| ________________________________________________________ ________________________________________________________ | ||
| 4. Komissiya tavsiyasi: fuqaro______________________________________ ga | ||
| |
(ariza beruvchining F.I.O.) | |
| 20__ yil__________dan boshlab _________________tayinlansin/rad etilsin. | ||
| (nafaqa, moddiy yordam nomi) (nafaqa, moddiy yordam nomi) | ||
| | | |
| |
Komissiya aʼzolari imzosi: | |
| Oʻrganish oʻtkazilgan sana: 20____yil “____”___________ |
| |
Nizomga
6-ILOVA
6-ILOVA
Fuqarolarning oʻzini oʻzi boshqarish organi tomonidan bolali oilalarga 2012-yilning 1-dekabrigacha va 1-dekabridan keyin tayinlangan nafaqalarning miqdorini aniqlash
tartibi
1-misol. 8, 12 va 17 yoshdagi 3 nafar bolali oilaga nafaqa 2012-yil sentyabrda mehnatga haq toʻlashning eng kam miqdorining 49,2 foizi miqdorida (toʻlov 2012-yil oktyabrdan boshlangan) 6 oy muddatga (2013-yil mart oyi oxirigacha) tayinlangan. 2012-yil oktyabr—dekabr oylari mobaynidagi nafaqa miqdori toʻlov oyidagi belgilangan mehnatga haq toʻlashning eng kam miqdorining 49,2 foizini tashkil qiladi, 2013-yil yanvar—mart oylari uchun esa ushbu oilaga 2013-yil boshidagi belgilangan mehnatga haq toʻlashning eng kam miqdorining 42,1 foizi miqdorida nafaqa toʻlanadi;
(1-misol Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
2-misol. 8, 12 va 17 yoshdagi 3 nafar bolali oilaga nafaqa 2012-yil dekabrda tayinlangan (toʻlov 2013-yil yanvardan boshlangan). Toʻlovning butun davri (yanvar—iyun) uchun toʻlanadigan nafaqa miqdori 2013-yil boshidagi belgilangan mehnatga haq toʻlashning eng kam miqdorining 28,1 foizini tashkil qiladi, yaʼni nafaqa miqdorini aniqlashda faqat 14 yoshgacha boʻlgan bolalar hisobga olinishi kerak.
(2-misol Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
Nizomga
7-ILOVA
7-ILOVA
oilalarga nafaqalar, bola parvarishi boʻyicha nafaqalar va moddiy yordam toʻlashga pul mablagʻlaridan foydalanilishi toʻgʻrisida
hisobot
|
20____ yil _________________ uchun | ||
| _____________________ tumani (shahri) ______________________ raisining F.I.O.________________ | ||
|
(tuman, shaharning nomi) |
(oʻzini oʻzi boshqarish organi nomi) |
|
| T/r | Koʻrsatkichning nomi | Oʻlchov birligi | Bolali oilalarga nafaqa | Bolani parvarish qilish boʻyicha nafaqa | Moddiy yordam | Hammasi | ||||
| hisobot oyi uchun | yil boshidan | hisobot oyi uchun | yil boshidan | hisobot oyi uchun | yil boshidan | hisobot oyi uchun | yil boshidan | |||
| 1. | Fuqarolarning oʻzini oʻzi boshqarish organlari maxsus hisob raqamlariga oʻtkazilgan pul mablagʻlari summasi | soʻm | | | | | | | | |
| 2. | Tayinlangan nafaqalarning vedomost boʻyicha summasi | soʻm | | | | | | | | |
| 3. | Ushbu fuqarolarning oʻzini oʻzi boshqarish organi hududida yashaydigan 14 yoshgacha bolali oilalarning soni | ta | | x | x | x | x | x | | x |
| Ushbu fuqarolarning oʻzini oʻzi boshqarish organi hududida yashaydigan 2 yoshgacha bolali onalar soni | ta | x | x | | x | x | x | | x | |
| Ushbu fuqarolarning oʻzini oʻzi boshqarish organi hududida yashaydigan oilalar soni ta | ta | x | x | x | x | | x | | x | |
| 4. | Koʻrib chiqilgan arizalar soni | ta | | | | | | | | |
| 4.1 | Shu jumladan, nafaqalar va moddiy yordam tayinlash rad etilgan arizalar soni. |
ta | | | | | | | | |
| 5. | Nafaqalar va moddiy yordam tayinlangan arizalar soni |
ta | | | | | | | | |
| | Toʻlovlar birinchi marta tayinlangan oilalar soni | ta | | | | | | | | |
| | Toʻlovlar ikkinchi marta tayinlangan oilalar soni | ta | | | x | x | | | | |
| 6. | Vedomost boʻyicha nafaqa va moddiy yordam oladigan oilalar soni | ta | | x | | x | | x | | x |
| | shu jumladan: | | | | | | | | | |
| 6.1. | — bir nafar bolali | ta | | x | x | x | x | x | | x |
|
6.2. |
— ikki nafar bolali | ta | | x | x | x | x | x | | x |
|
6.3. |
— uch nafar va undan koʻp bolali | ta | | x | x | x | x | x | | x |
| | ||||||||||
| | Fuqarolarning oʻzini oʻzi boshqarish organi raisi | | | | | | | | | |
| | | M.Oʻ. | | | | | | |||
(7-ilova Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)
Vazirlar Mahkamasining 2013-yil 15-fevraldagi 44-son qaroriga
2-ILOVA
2-ILOVA
Oʻzbekiston Respublikasi Hukumatining oʻz kuchini yoʻqotgan baʼzi qarorlari roʻyxati
1. Vazirlar Mahkamasining “Kam taʼminlangan oilalarni ijtimoiy himoya qilishni tashkil etish masalalari toʻgʻrisida” 1994-yil 24-avgustdagi 434-son qarori (Oʻzbekiston Respublikasi QT, 1994-y., 8-son, 40-modda).
2. Vazirlar Mahkamasining “Aholining ijtimoiy himoyaga muhtoj qatlamlarini aniq yoʻnaltirilgan tarzda qoʻllab-quvvatlashning 2002-2003-yillarga moʻljallangan dasturini amalga oshirish chora-tadbirlari toʻgʻrisida” 2002-yil 25-yanvardagi 33-son qaroriga ilovaning I, II va III boʻlimlari (Oʻzbekiston Respublikasi QT, 2002-y., 1-son, 5-modda).
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Aholini ijtimoiy himoya qilish tizimini yanada takomillashtirish va mustahkamlashga oid chora-tadbirlar toʻgʻrisida” 2007-yil 19-martdagi PF-3864-son Farmoni)” 2007-yil 30-apreldagi 87-son qaroriga ilovaning 1-bandi (Oʻzbekiston Respublikasi QT, 2007-y., 4-son, 23-modda).
4. Vazirlar Mahkamasining “Oʻzbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qarorini amalga oshirish chora-tadbirlari haqida” 2007-yil 8-maydagi 95-son qaroriga 2-ilova 5-bandining “b” kichik bandi (Oʻzbekiston Respublikasi QT, 2007-y., 5-son, 25-modda).
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish hamda baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Prezidentining ayrim farmonlariga oʻzgartishlar kiritish toʻgʻrisida” 2009-yil 29-dekabrdagi PF-4158-son Farmoni, Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2009-yil 22-dekabrdagi PQ-1245-son qarori)” 2010-yil 17-fevraldagi 22-son qaroriga ilovaning 2-bandi (Oʻzbekiston Respublikasi QT, 2010-y., 2-son, 8-modda).
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida” 2009-yil 30-dekabrdagi PF-4161-son Farmoni, Oʻzbekiston Respublikasi Prezidentining “Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari toʻgʻrisida” 2009-yil 30-dekabrdagi PQ-1251-son hamda “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tashkiliy tuzilmasini shakllantirish chora-tadbirlari toʻgʻrisida” 2009-yil 30-dekabrdagi PQ-1252-son qarorlari)” 2010-yil 24-martdagi 52-son qaroriga 1-ilovaning 9 va 11-bandlari (Oʻzbekiston Respublikasi QT, 2010-y., 3-son, 12-modda).
7. Vazirlar Mahkamasining “Ijtimoiy nafaqalar tayinlash tartibini yanada takomillashtirish hamda oilalarning jami daromadlari yanada toʻliq hisobga olinishini taʼminlash toʻgʻrisida” 2012-yil 7-iyundagi 165-son qarori (Oʻzbekiston Respublikasi QT, 2012-y., 6-son, 40-modda).
(Oʻzbekiston Respublikasi qonun hujjatlari toʻplami, 2013-y., 8-son, 101-modda, 52-son, 690-modda; 2017-y., 15-son, 249-modda; Qonun hujjatlari maʼlumotlari milliy bazasi, 14.09.2018-y., 09/18/731/1876-son, 16.07.2019-y., 09/19/588/3432-son; 29.12.2019-y., 09/19/1046/4242-son; 21.05.2020-y., 09/20/307/0633-son, 20.06.2020-y., 09/20/396/0793-son, 29.09.2020-y., 09/20/593/1340-son)
