O‘zbekiston Respublikasi Prezidentining “Angren” erkin iqtisodiy zonasini barpo etish to‘g‘risida” 2012-yil 13-apreldagi PF-4436-son Farmonini bajarish yuzasidan Vazirlar Mahkamasi qaror qiladi:

2. Boshqaruv xodimlari soni 8 nafar va 3-ilovaga muvofiq tuzilmaga ega bo‘lgan “Angren” erkin iqtisodiy zonasi direksiyasi (keyingi o‘rinlarda “Angren” EIZ direksiyasi deb ataladi)” davlat unitar korxonasi tashkil etilsin.

Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga “Angren” EIZ hududida amalga oshiriladigan loyihalar soni ko‘payishiga qarab “Angren” EIZ direksiyasi tuzilmasiga va xodimlari soniga o‘zgartirishlar kiritish huquqi berilsin.

3. Belgilansinki, “Angren” EIZ direksiyasi:

O‘zbekiston Respublikasi Vazirlar Mahkamasi tomonidan ta’sis etiladi;

“Angren” EIZ budjeti mablag‘lari hisobiga ta’minlanadi;

Toshkent viloyatining maxsus iqtisodiy zonalari va kichik sanoat zonalari Ma’muriy kengashi (keyingi o‘rinlarda Ma’muriy kengash deb ataladi) tomonidan qabul qilingan qarorlarga muvofiq “Angren” EIZ qatnashchilarini ro‘yxatdan o‘tkazadi;

investorlar bilan “Angren” EIZ hududida investitsiyalash to‘g‘risida bitimlar, davlat egaligidagi mol-mulkni nolga teng xarid qiymati bo‘yicha sotish to‘g‘risida Ma’muriy kengashining qarorlariga muvofiq “Angren” EIZ qatnashchilarini bilan shartnomalar tuzadi;

o‘z zimmasiga qabul qilingan majburiyatlarning investorlar tomonidan zarur tarzda bajarilishini nazorat qiladi, keyinchalik uning natijalarini Ma’muriy kengashiga taqdim etadi;

“Angren” EIZ faoliyatini tezkor boshqarish bo‘yicha boshqa funksiyalarni amalga oshiradi.

4. O‘zbekiston Respublikasi Moliya vazirligi 2012-2013-yillar davrida “Angren” EIZ direksiyasi ta’minoti uchun, keyingi yillarda uning o‘zini o‘zi moliyalashtirishga o‘tishi sharti bilan, asoslangan hisob-kitoblar bo‘yicha Vazirlar Mahkamasining zaxira jamg‘armasidan mablag‘lar ajratsin.

5. “Angren” MIZ Ma’muriy kengashi bir oy muddatda “Angren” MIZ direksiyasi ustavini tasdiqlash uchun Vazirlar Mahkamasiga kiritsin.

6. “Angren” EIZ direksiyasi quyidagi manzil bo‘yicha Angren shahar hokimligi binosida joylashtirilsin: Toshkent viloyati, Angren shahri, Amir Temur ko‘chasi, 7-uy.

Toshkent viloyati hokimligi “Angren” EIZ direksiyasini ko‘rsatilgan manzil bo‘yicha xizmat xonalari bilan bepul ta’minlasin.

7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.