2329-сон 21.02.2012. Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi Nizomni tasdiqlash haqida

Oʻzbekiston aloqa va axborotlashtirish agentligi
Oʻzbekiston Respublikasi Moliya vazirligining

Qarori

Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi Nizomni tasdiqlash haqida

[Oʻzbekiston Respublikasi Adliya vazirligi tomonidan 2012-yil 21-fevralda roʻyxatdan oʻtkazildi, roʻyxat raqami 2329]

Oʻzbekiston Respublikasi Prezidentining 2011-yil 30-dekabrdagi PQ-1675-son “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2011-yil, 52-son, 561-modda) muvofiq, Oʻzbekiston aloqa va axborotlashtirish agentligi va Oʻzbekiston Respublikasi Moliya vazirligi qaror qiladilar:

1. Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi Nizom ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Oʻzbekiston aloqa va axborotlashtirish agentligi Bosh direktori X. MUXITDINOV

Toshkent sh.,

2012-yil 1-fevral,

2-yu-son

Moliya vaziri R. AZIMOV

Toshkent sh.,

2012-yil 1-fevral,

7-son

Oʻzbekiston aloqa va axborotlashtirish agentligi va Oʻzbekiston Respublikasi Moliya vazirligining 2012-yil 1-fevral 2-yu-son, 7-son qaroriga
ILOVA

Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisida

nizom

Oldingi tahrirga qarang.

Mazkur Nizom mobil aloqa xizmatlarini koʻrsatuvchi yuridik shaxslar(uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibini belgilaydi.

(muqaddima Oʻzbekiston Respublikasi Raqamli texnologiyalar vazirligining 2026-yil 5-fevraldagi 285-mh-son hamda Iqtisodiyot va moliya vazirligining 2026-yil 30-yanvardagi 325-son qarori (roʻyxat raqami 2329-9, 13.02.2026-y.) tahririda — Qonunchilik maʼlumotlari milliy bazasi, 16.02.2026-y., 10/26/2329-9/0141)

I. Umumiy qoidalar

1. Oʻzbekiston Respublikasi Prezidentining 2011-yil 30-dekabrdagi PQ-1675-son “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq 2012-yil 1-yanvardan mobil aloqa xizmatlarini koʻrsatuvchi yuridik shaxslar (uyali aloqa kompaniyalari) abonent raqamidan foydalanganlik uchun toʻlovni (bundan buyon matnda toʻlov deb yuritiladi) mazkur Nizomda belgilangan tartibda toʻlaydilar.

2. Mazkur Nizomda quyidagi asosiy tushunchalar qoʻllaniladi:

abonent raqami — abonentga mobil aloqa xizmatlarini koʻrsatish toʻgʻrisidagi shartnomaning amal qilish davrida uyali aloqa kompaniyasi tomonidan ajratiladigan raqam;

mobil aloqa abonenti — uyali aloqa kompaniyasi bilan mobil aloqa xizmatlarini koʻrsatish toʻgʻrisidagi shartnomani tuzgan jismoniy yoki yuridik shaxs;

mobil aloqa xizmatlari — mobil aloqa tarmoqlari orqali signallarni va axborotning boshqa turlarini qabul qilish, uzatish, ularga ishlov berish boʻyicha mobil aloqa operatori faoliyatining mahsuloti.

Oldingi tahrirga qarang.

energoresurslarni nazorat qilish va hisobga olish tizimida foydalaniladigan raqamlar — Oʻzbekiston Respublikasi Prezidenti yoki Vazirlar Mahkamasining qaroriga asosan belgilanadigan energoresurslarni nazorat qilish va hisobga olishning avtomatlashtirilgan tizimini joriy qilish boʻyicha loyihalarni amalga oshirish doirasidagi elektr energiya, tabiiy gaz va boshqa kommunal xizmatlarni hisobga olish asboblarini ulashni taʼminlash uchun uyali aloqa kompaniyalari tomonidan ajratilgan raqamlar.

(2-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligining 2017-yil 22-sentabrdagi 154-mh, 134-son qaroriga (roʻyxat raqami 2329-5, 06.11.2017-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 08.11.2017-y., 10/17/2329-5/0223-son)

II. Toʻlovchi va toʻlov obyekti

3. Toʻlovlarni toʻlovchilari mobil aloqa xizmatlarini koʻrsatuvchi yuridik shaxslar (uyali aloqa kompaniyalari) hisoblanadi.

4. Toʻlovning obyekti boʻlib uyali aloqa kompaniyalari tomonidan mobil aloqa abonentlariga ajratilgan abonent raqamlari hisoblanadi.

Oldingi tahrirga qarang.

Energoresurslarni nazorat qilish va hisobga olish tizimida foydalaniladigan raqamlar toʻlov obyekti hisoblanmaydi.

(4-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligining 2017-yil 19-iyuldagi 155-mh, 105-son qaroriga (roʻyxat raqami 2329-5, 06.11.2017-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 08.11.2017-y., 10/17/2329-5/0223-son)

III. Toʻlov miqdori va uni hisoblash

5. Toʻlov miqdori Oʻzbekiston Respublikasi Prezidentining qarori bilan belgilanadi.

Oldingi tahrirga qarang.

6. Toʻlov har bir abonent raqami uchun amalga oshiriladi. Abonent raqamlarining soni toʻlov amalga oshiriladigan oydagi oʻrtacha abonentlar soniga (kunlik abonentlar sonining yigʻindisi/oy kunlari) asosan aniqlanadi.

(6-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligining 2019-yil 15-oktabrdagi 204, 104-sonli qarori (roʻyxat raqami 2329-6, 10.01.2020-y.) tahririda — Qonun hujjatlari maʼlumotlari milliy bazasi, 10.01.2020-y., 10/20/2329-6/0044-son)

Oldingi tahrirga qarang.

7. Abonent raqamidan foydalanganlik uchun toʻlov summasi foyda soligʻi boʻyicha soliq solinadigan foydani aniqlashda Oʻzbekiston Respublikasi Soliq kodeksining 305-moddasiga muvofiq chegirib tashlanadi.

(7-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Oʻzbekiston Respublikasi Moliya vazirligining Oʻzbekiston Respublikasi Moliya vazirligining 2021-yil 22-apreldagi 210-mh-sonli qarori (roʻyxat raqami 2329-7, 10.05.2021-y.) tahririda — Qonunchilik maʼlumotlari milliy bazasi, 10.05.2021-y., 10/21/2329-7/0448-son)

IV. Hisob-kitoblarni taqdim etish va toʻlovni amalga oshirish muddatlari

8. Hisobot davri boʻlib bir oy hisoblanadi.

Oldingi tahrirga qarang.

9. Toʻlovning hisob-kitobi (bundan keyin matnda Hisob-kitob deb yuritiladi) Oʻzbekiston Respublikasi Raqamli texnologiyalar vazirligiga har oyda (oʻsib bormaydigan yakun boʻyicha) mazkur Nizomning 1-ilovasiga muvofiq shakl boʻyicha hisobot oyidan keyingi oyning 10-sanasidan kechiktirmay toʻlovchi (kompaniyaning bosh tashkiloti) tomonidan taqdim etiladi.

(9-band Oʻzbekiston Respublikasi Raqamli texnologiyalar vazirligining 2023-yil 11-iyuldagi 254-mh-son hamda Oʻzbekiston Respublikasi Iqtisodiyot va moliya vazirligining 2023-yil 10-iyuldagi 55-sonli qarori (roʻyxat raqami 2329-8, 21.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/2329-8/0515-son)

10. Toʻlovni amalga oshirish toʻlovchi (kompaniyaning bosh tashkiloti) tomonidan Hisob-kitobni taqdim etish muddatidan kechiktirmay amalga oshiriladi.

Oldingi tahrirga qarang.

11. Toʻlov summasi Oʻzbekiston Respublikasining respublika budjeti, Oʻzbekiston Respublikasi Raqamli texnologiyalar vazirligi huzuridagi Raqamli texnologiyalarni rivojlantirish jamgʻarmasi, Muhammad al-Xorazmiy nomidagi Toshkent axborot texnologiyalari universiteti huzuridagi Ilmiy-innovatsion rivojlantirish jamgʻarmasi va Alisher Navoiy nomidagi Oʻzbekiston Milliy kutubxonasi huzuridagi Axborot-kutubxona muassasalarini rivojlantirish jamgʻarmasi oʻrtasida Oʻzbekiston Respublikasi Prezidentining qarorlari bilan belgilangan normativlar boʻyicha taqsimlanadi.

(11-band Oʻzbekiston Respublikasi Raqamli texnologiyalar vazirligining 2026-yil 5-fevraldagi 285-mh-son hamda Iqtisodiyot va moliya vazirligining 2026-yil 30-yanvardagi 325-son qarori (roʻyxat raqami 2329-9, 13.02.2026-y.) tahririda — Qonunchilik maʼlumotlari milliy bazasi, 16.02.2026-y., 10/26/2329-9/0141)

Oldingi tahrirga qarang.

11¹. Hisobot oyi uchun toʻlov summasi Oʻzbekiston Respublikasi Raqamli texnologiyalar vazirligining shaxsiy gʻazna hisobvaragʻiga kelib tushadi hamda belgilangan tartibda taqsimlanadi.

(11¹-band Oʻzbekiston Respublikasi Raqamli texnologiyalar vazirligining 2026-yil 5-fevraldagi 285-mh-son hamda Iqtisodiyot va moliya vazirligining 2026-yil 30-yanvardagi 325-son qarori (roʻyxat raqami 2329-9, 13.02.2026-y.) tahririda — Qonunchilik maʼlumotlari milliy bazasi, 16.02.2026-y., 10/26/2329-9/0141)

Oldingi tahrirga qarang.

12. Oʻzbekiston Respublikasi Raqamli texnologiyalar vazirligi huzuridagi Raqamli texnologiyalarni rivojlantirish jamgʻarmasiga toʻlovdan kelib tushgan mablagʻlardan qonunchilik hujjatlarida belgilangan tartibda Oʻzbekiston Respublikasining rivojlanish davlat dasturlarini hamda axborotlashtirish va telekommunikatsiya tarmoqlarini rivojlantirish dasturlarini moliyalashtirish uchun qatʼiy foydalaniladi.

(12-band Oʻzbekiston Respublikasi Raqamli texnologiyalar vazirligining 2023-yil 11-iyuldagi 254-mh-son hamda Oʻzbekiston Respublikasi Iqtisodiyot va moliya vazirligining 2023-yil 10-iyuldagi 55-sonli qarori (roʻyxat raqami 2329-8, 21.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/2329-8/0515-son)

Oldingi tahrirga qarang.

12¹. Muhammad al-Xorazmiy nomidagi Toshkent axborot texnologiyalari universiteti huzuridagi Ilmiy-innovatsion rivojlantirish jamgʻarmasiga toʻlovdan kelib tushgan mablagʻlardan Oʻzbekiston Respublikasi Vazirlar Mahkamasining 2017-yil 5-iyundagi 350-son “Muhammad al-Xorazmiy nomidagi Toshkent axborot texnologiyalari universiteti qoshidagi Ilmiy-innovatsion rivojlantirish jamgʻarmasi faoliyatini takomillashtirish toʻgʻrisida”gi qarorida belgilangan yoʻnalishlar boʻyicha qatʼiy foydalanadi.

(12¹-band Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligining 2019-yil 15-oktabrdagi 204, 104-sonli qarori (roʻyxat raqami 2329-6, 10.01.2020-y.) tahririda — Qonun hujjatlari maʼlumotlari milliy bazasi, 10.01.2020-y., 10/20/2329-6/0044-son)

Oldingi tahrirga qarang.

(12²-band Oʻzbekiston Respublikasi Raqamli texnologiyalar vazirligining 2026-yil 5-fevraldagi 285-mh-son hamda Iqtisodiyot va moliya vazirligining 2026-yil 30-yanvardagi 325-son qaroriga (roʻyxat raqami 2329-9, 13.02.2026-y.) asosan oʻz kuchini yoʻqotgan — Qonunchilik maʼlumotlari milliy bazasi, 16.02.2026-y., 10/26/2329-9/0141)

Oldingi tahrirga qarang.

13. Oʻzbekiston Respublikasi Raqamli texnologiyalar vazirligi abonent raqamidan foydalanganlik uchun toʻlovning hisoblangan va toʻlangan summalari toʻgʻrisidagi yigʻma axborotni har oyda hisobot oyidan keyingi oyning 15-sanasidan kechiktirmay mazkur Nizomning 2-ilovasida keltirilgan shakl boʻyicha Oʻzbekiston Respublikasi Iqtisodiyot va moliya vazirligiga taqdim etadi.

(13-band Oʻzbekiston Respublikasi Raqamli texnologiyalar vazirligining 2023-yil 11-iyuldagi 254-mh-son hamda Oʻzbekiston Respublikasi Iqtisodiyot va moliya vazirligining 2023-yil 10-iyuldagi 55-sonli qarori (roʻyxat raqami 2329-8, 21.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/2329-8/0515-son)

V. Toʻlovni toʻgʻri hisoblab chiqish va toʻlash uchun javobgarlik hamda uning nazorati

Oldingi tahrirga qarang.

14. Toʻlovchilar toʻlovning toʻgʻri hisoblab chiqilishi va toʻlanishi uchun qonunchilik hujjatlariga muvofiq javobgar boʻladilar.

(14-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)

Oldingi tahrirga qarang.

15. Toʻlovni oʻz vaqtida amalga oshirmaganlik uchun qonunchilik hujjatlarida belgilangan miqdorda Oʻzbekiston Respublikasi Raqamli texnologiyalar vazirligi tomonidan penya hisoblanadi hamda toʻliq miqdorda Davlat budjetiga undiriladi.

(15-band Oʻzbekiston Respublikasi Raqamli texnologiyalar vazirligining 2023-yil 11-iyuldagi 254-mh-son hamda Oʻzbekiston Respublikasi Iqtisodiyot va moliya vazirligining 2023-yil 10-iyuldagi 55-sonli qarori (roʻyxat raqami 2329-8, 21.07.2023-y.) tahririda — Qonunchilik maʼlumotlari milliy bazasi, 24.07.2023-y., 10/23/2329-8/0515-son)

16. Davlat soliq xizmati organlari soliq tekshiruvlarini oʻtkazish davomida abonent raqamlarining miqdorini kamaytirish holatlari aniqlanganda ularning haqiqiy miqdoridan kelib chiqqan holda qoʻshimcha toʻlov va penya hisoblashga haqli.

VI. Yakuniy qoida

17. Mazkur Nizom Oʻzbekiston Respublikasi Davlat soliq qoʻmitasi bilan kelishilgan.

Davlat soliq qoʻmitasi raisi B. Parpiyev

2012-yil 25-yanvar

Mobil aloqa xizmatlarini koʻrsatadigan yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovni hisoblash va toʻlash tartibi toʻgʻrisidagi nizomga
1-ILOVA

Oldingi tahrirga qarang.

‎‎_______________________________________________________________ ‎(yuridik shaxsning nomi)
‎	‎	‎
‎‎20___ yil ____________ oyi uchun abonent ‎raqamidan foydalanganlik uchun ‎TOʻLOV HISOB-KITOBI
‎	‎	‎
Roʻyxatdan oʻtkazilgan joy ‎(manzil) boʻyicha abonent ‎ raqamlarining ‎ soni (birl.)* ‎	Belgilangan toʻlov ‎ miqdori (soʻm) ‎	Toʻlov summasi ‎ (ming soʻm) ‎
Jami	‎	‎
shu jumladan:‎	‎	‎
Qoraqalpogʻiston Respublikasi‎	‎	‎
Andijon viloyati‎	‎	‎
Buxoro viloyati‎	‎	‎
Jizzax viloyati‎	‎	‎
Qashqadaryo viloyati‎	‎	‎
Navoiy viloyati‎	‎	‎
Namangan viloyati‎	‎	‎
Samarqand viloyati‎	‎	‎
Surxondaryo viloyati‎	‎	‎
Sirdaryo viloyati‎	‎	‎
Toshkent viloyati‎	‎	‎
Fargʻona viloyati‎	‎	‎
Xorazm viloyati‎	‎	‎
Toshkent shahar‎	‎	‎
‎	‎	‎
‎ Abonent raqamlarining soni toʻlov amalga oshiriladigan oydagi oʻrtacha abonentlar soniga (kunlik abonentlar sonining yigʻindisi/oy kunlari) asosan aniqlanadi.*
‎	‎	‎
Rahbar ‎	____________________________‎‎
‎	(imzo)‎‎ ‎	‎
‎	‎	‎
Bosh buxgalter‎	‎‎____________________________
‎	‎‎(imzo) ‎	‎
M.Oʻ.‎	‎	‎

(1-ilova Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligining 2019-yil 15-oktabrdagi 204, 104-sonli qarori (roʻyxat raqami 2329-6, 10.01.2020-y.) tahririda — Qonun hujjatlari maʼlumotlari milliy bazasi, 10.01.2020-y., 10/20/2329-6/0044-son)

Oldingi tahrirga qarang.

‎‎20___ yil _______________ oyi uchun abonent ‎raqamidan foydalanganlik uchun toʻlovning ‎ hisoblangan va toʻlangan summalari toʻgʻrisida ‎ YIGʻMA AXBOROT ‎
T/r‎‏	Regionlar nomi‎‏‎	Yuridik shaxsning nomi			Yuridik shaxsning nomi
		Abonent raqamlarining soni ‎(birl.) ‎‏	Toʻlov summasi ‎ (ming soʻm.) ‎‎		Abonent raqamlarining soni ‎(birl.) ‎‏	Toʻlov summasi ‎ (ming soʻm.) ‎‎
		Abonent raqamlarining soni ‎(birl.) ‎‏	hisoblangan‎	Haqiqatan toʻlangan‎	Abonent raqamlarining soni ‎(birl.) ‎‏	hisoblangan‎	Haqiqatan toʻlangan‎
‎	Jami‎	‎	‎	‎	‎	‎	‎
‎	shu jumladan:‎	‎	‎	‎	‎	‎	‎
‎	Qoraqalpogʻiston Respublikasi‎	‎	‎	‎	‎	‎	‎
‎	Andijon viloyati‎	‎	‎	‎	‎	‎	‎
‎	Buxoro viloyati‎	‎	‎	‎	‎	‎	‎
‎	Jizzax viloyati‎	‎	‎	‎	‎	‎	‎
‎	Qashqadaryo viloyati‎	‎	‎	‎	‎	‎	‎
‎	Navoiy viloyati‎	‎	‎	‎	‎	‎	‎
‎	Namangan viloyati‎	‎	‎	‎	‎	‎	‎
‎	Samarqand viloyati‎	‎	‎	‎	‎	‎	‎
‎	Surxondaryo viloyati‎	‎	‎	‎	‎	‎	‎
‎	Sirdaryo viloyati‎	‎	‎	‎	‎	‎	‎
‎	Toshkent viloyati‎	‎	‎	‎	‎	‎	‎
‎	Fargʻona viloyati‎	‎	‎	‎	‎	‎	‎
‎	Xorazm viloyati‎	‎	‎	‎	‎	‎	‎
‎	Toshkent shahar‎	‎	‎	‎	‎	‎	‎
‎	‎	‎	‎	‎	‎	‎	‎
‎	Rahbar‎	‎‎_________________________________			‎	‎	‎
‎	‎	‎‎(imzo)			‎	‎	‎
‎	M.Oʻ.‎	‎	‎	‎	‎	‎	‎

(2-ilova Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2014-yil 29-dekabrdagi 93-mh, 89-sonli qarori (roʻyxat raqami 2329-2, 05.01.2015-y.) tahririda — OʻR QHT, 2015-y., 1-son, 11-modda)

(Oʻzbekiston Respublikasi qonun hujjatlari toʻplami, 2012-y., 8-9-son, 89-modda; 2013-y., 51-son, 676-modda; 2015-y., 1-son, 11-modda; 19-son 246-modda; 2017-y., 30-son, 762-modda; Qonunchilik maʼlumotlari milliy bazasi, 08.11.2017-y., 10/17/2329-5/0223-son; 10.01.2020-y., 10/20/2329-6/0044-son; 10.05.2021-y., 10/21/2329-7/0448-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 24.07.2023-y., 10/23/2329-8/0515-son; 16.02.2026-y., 10/26/2329-9/0141-son)