Oʻzbekiston Respublikasi Prezidentining
Qarori
XORIJIY INVESTITSIYALAR VA KREDITLARNI JALB ETISH HAMDA OʻZLASHTIRISH JARAYONINI TAKOMILLASHTIRISH CHORA-TADBIRLARI TOʻGʻRISIDA
Xorijiy investorlar va xalqaro moliya institutlarini Oʻzbekistonda yaratilgan qulay investitsiya muhiti hamda mamlakat iqtisodiyotiga investitsiya sarflashning potensial imkoniyatlari toʻgʻrisida keng xabardor qilishni tashkil etish, korxonalarni modernizatsiya qilish, texnik va texnologik qayta jihozlash uchun xorijiy investitsiyalar va kreditlarni jalb etish hamda oʻzlashtirish jarayonida davlat va xoʻjalik boshqaruvi organlarining faoliyatini aniq-puxta muvofiqlashtirishni taʼminlash maqsadida:
1. Belgilansinki, Oʻzbekiston Respublikasi Iqtisodiyot vazirligi xorijiy investitsiyalar va kreditlarni jalb etish boʻyicha qarorlarni koʻrib chiqish, muhokama etish va qabul qilishda, har yilgi Investitsiya dasturlarini, shuningdek tarmoqlar va mamlakat mintaqalarini rivojlantirishning oʻrta muddatli dasturlarini tayyorlashda yetakchi boʻgʻin hisoblanadi, uning zimmasiga mazkur masalalarni hal etishda idoraviy mansubligidan qatʼi nazar, barcha xoʻjalik yurituvchi subyektlar faoliyatini muvofiqlashtirish masʼuliyati yuklanadi.
2. Quyidagilar:
Xorijiy investitsiyalar va kreditlarni jalb etish va oʻzlashtirish tartibi toʻgʻrisidagi nizom 1-ilovaga muvofiq;
xorijiy investitsiyalar va kreditlarni jalb etish jarayonida loyihalar tashabbuskorlari va davlat organlarining oʻzaro hamkorlik qilish Sxemasi 2-ilovaga muvofiq tasdiqlansin.
Oldingi tahrirga qarang.
3. Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, boshqa vazirliklar, idoralar, davlat hamda xoʻjalik boshqaruvi organlari, mulkchilik shakli va idoraviy mansubligidan qatʼi nazar, xoʻjalik yurituvchi subyektlar xorijiy investitsiyalar va kreditlarni jalb etgan holda investitsiya loyihalarini tuzish va koʻrib chiqishda 2-ilovaga muvofiq Sxemaga qatʼiy amal qilsin.
(3-band Oʻzbekiston Respublikasi Prezidentining 2017-yil 17-avgustdagi PF-5158-sonli Farmoni tahririda)
Oldingi tahrirga qarang.
4. Oʻzbekiston Respublikasi Investitsiyalar boʻyicha davlat qoʻmitasi zimmasiga xorijiy investitsiyalar va kreditlarni jalb etish uchun investitsiya takliflarining yagona bazasini shakllantirish, potensial xorijiy investorlarni izlash, amalga oshirish taklif etilayotgan loyihalar toʻgʻrisida ularga zarur axborotlarni yetkazish, shuningdek xorijiy investorlar va kreditorlar bilan erishilgan ahdlashuvlarni rasmiylashtirishda xoʻjalik yurituvchi subyektlarga koʻmaklashish vazifasi yuklansin.
Oʻzbekiston Respublikasi Investitsiyalar boʻyicha davlat qoʻmitasi yagona maʼlumotlar bazasiga kiritilgan investitsiya takliflarining amalga oshirilishi toʻgʻrisida har oyda Vazirlar Mahkamasiga axborot berib borsin.
(4-band Oʻzbekiston Respublikasi Prezidentining 2017-yil 17-avgustdagi PF-5158-sonli Farmoni tahririda)
5. Oʻzbekiston Respublikasi Moliya vazirligi xoʻjalik yurituvchi subyektlar tomonidan Oʻzbekiston Respublikasi bergan kafolatlar boʻyicha majburiyatlarning oʻz vaqtida bajarilishini taʼminlash ustidan tizimli monitoring oʻrnatsin va qarorlar qabul qilish uchun har chorakda Vazirlar Mahkamasiga tegishli axborotlarni taqdim etib tursin.
6. Vazirlar Mahkamasi tarmoq Komplekslarining rahbarlari Oʻzbekiston Respublikasi Iqtisodiyot vazirligi bilan birgalikda xorijiy investitsiyalar va kreditlarni jalb etgan holda investitsiya loyihalarini amalga oshirishning tasdiqlangan tarmoqli jadvallarini ijro etish, loyihaoldi hujjatlarini oʻz vaqtida tayyorlash va ekspertiza qilish ustidan qattiq nazorat oʻrnatsin.
7. Oʻzbekiston Respublikasi Vazirlar Mahkamasi (Sh. Mirziyoyev) Investitsiya dasturiga kiritilgan xorijiy investitsiyalar va kreditlarni jalb etgan holda investitsiya loyihalarini amalga oshirish jarayonini Rayosat majlislarida har oy muntazam ravishda koʻrib chiqsin.
8. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2008-yil 24-iyul,
PQ-927-son
Oʻzbekiston Respublikasi Prezidentining 2008-yil 24-iyuldagi PQ-927-son qaroriga
1-ILOVA
1-ILOVA
Xorijiy investitsiyalar va kreditlarni jalb etish va oʻzlashtirish tartibi toʻgʻrisidagi
NIZOM
I. Umumiy qoidalar
1. Mazkur Nizom xorijiy investitsiyalar va kreditlarni jalb etish va oʻzlashtirish tartibi hamda ushbu jarayonda investitsiya loyihalarining tashabbuskorlari, Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi (keyingi oʻrinlarda — Davlat investitsiya qoʻmitasi), Moliya vazirligi, boshqa manfaatdor vazirlik va idoralar, Vazirlar Mahkamasining axborot-tahliliy departamentlarining vakolatlari va ular oʻrtasidagi oʻzaro hamkorlik mexanizmlarini belgilaydi.
2. Mazkur Nizomda quyidagi asosiy tushunchalardan foydalaniladi:
loyiha tashabbuskorlari — vazirliklar, idoralar, davlat va xoʻjalik boshqaruvi organlari — oʻz tasarrufiga kiruvchi xoʻjalik yurituvchi subyektlar tomonidan amalga oshirilishga taklif etilayotgan loyihalar boʻyicha, shuningdek, mahalliy davlat hokimiyati organlari bilan birgalikda yirik korxonalar va xoʻjalik yurituvchi subyektlar — vazirliklar, idoralar, davlat va xoʻjalik boshqaruvi organlari tasarrufiga kirmaydigan xoʻjalik yurituvchi subyektlari tomonidan amalga oshirilishga taklif etilayotgan loyihalar boʻyicha;
investitsiya taklifi — tashabbuskor tomonidan mazkur Nizomning 1, 1a-ilovalaridagi shaklga muvofiq ishlab chiqilgan, xorijiy investitsiyalar va kreditlarini jalb qilishni nazarda tutuvchi loyihani amalga oshirish boʻyicha taklif;
maʼlumotlar bazasi — Oʻzbekiston Respublikasi Iqtisodiyot vazirligi va Davlat raqobat qoʻmitasi takliflari asosida xorijiy investitsiyalar va kreditlarni jalb qilish uchun Davlat investitsiya qoʻmitasi tomonidan shakllantiriladigan istiqbolli investitsiya takliflarining yagona axborot maʼlumotlar bazasi;
rivojlantirish dasturi — iqtisodiyot tarmoqlarini rivojlantirish, modernizatsiya qilish, texnik va texnologik jihatdan qayta jihozlash va respublika hududlarini kompleks rivojlantirish boʻyicha oʻrta muddatga moʻljallangan, shuningdek, ishlab chiqarish va ijtimoiy infratuzilma obyektlari va kommunikatsiyalarni qurish va rekonstruksiya qilish boʻyicha loyihalar, zamonaviy energiya samarador va energiya tejaydigan texnologiyalarni, energoservis shartnomalariga muvofiq qayta tiklanadigan energiya manbalarini rivojlantirish sohasidagi texnologiyalarni joriy etish boʻyicha loyihalarni oʻz ichiga olgan maqsadli dasturlar;
Oʻzbekiston Respublikasining investitsiya dasturi (keyingi oʻrinlarda — Investitsiya dasturi) — Hukumat qarori bilan tasdiqlanadigan, Hukumat kafolati ostidagi xorijiy kreditlar hamda toʻgʻridan-toʻgʻri xorijiy investitsiyalar va kreditlarni jalb etish orqali amalga oshiriladigan Investitsiya loyihalarining manzilli dasturlarini, shuningdek, xorijiy investorlar va kreditorlarni izlash va tanlash ishlari olib borilayotgan Ustuvor investitsiya takliflarining yigʻma roʻyxatini (keyingi oʻrinlarda — yigʻma roʻyxat) oʻz ichiga olgan hujjat;
XMII — Oʻzbekiston Respublikasida investitsiya loyihalarini moliyalashtirish (birgalikda moliyalashtirish)ni amalga oshiruvchi xalqaro moliyaviy va iqtisodiy institutlar;
XHMT — Oʻzbekiston Respublikasida investitsiya loyihalarini moliyalashtirish (birgalikda moliyalashtirish)ni amalga oshiruvchi xorijiy hukumat moliya tashkilotlari;
loyiha oldi hujjatlar — loyihani amalga oshirish imkoniyati va maqsadga muvofiqligi, uning samaradorligini baholovchi hujjat, shu jumladan dastlabki texnik-iqtisodiy asoslash/hisob-kitob (DTIA/DTIH), texnik-iqtisodiy asoslash/hisob-kitob (TIA/TIH), tender va tanlov hujjatlari, XMII va XHMTning dastlabki baholash missiyasi (maslahatchilari) hisoboti;
boshqaruvchi ofisi — rahbari oʻrnatilgan tartibda Oʻzbekiston Respublikasi tomonidan XMIIning boshqaruvchisi etib tayinlangan hamda ushbu tashkilot bilan hamkorlik doirasida ishchi organ hisoblanadigan vazirlik yoki idora.
3. Mazkur Nizomning amal qilishi quyidagilar hisobiga moliyalashtirish uchun taklif qilinayotgan investitsiya loyihalariga tatbiq qilinadi:
a) toʻgʻridan-toʻgʻri xorijiy investitsiyalar;
b) Hukumat tomonidan yoki Oʻzbekiston Respublikasi kafolati ostida qaytarish sharti bilan jalb qilinadigan xorijiy qarz, kredit va boshqa mablagʻlar (keyingi oʻrinlarda — kreditlar);
v) Oʻzbekiston Respublikasining kafolatisiz jalb qilinadigan xorijiy kreditlar.
II. Investitsiya loyihalari tashabbuskorlari va davlat organlarining asosiy funksiya va vakolatlari
4. Xorijiy investitsiya va kreditlarni jalb qilish jarayonida oʻzaro samarali hamkorlikni taʼminlash, investitsiya loyihalarini amalga oshirishni sifatli monitoring qilish maqsadida:
a) loyiha tashabbuskorlari — vazirliklar, idoralar, mahalliy davlat hokimiyat organlari, yirik korxonalar va xoʻjalik yurituvchi subyektlar quyidagilarni amalga oshiradi:
tegishli tarmoqlar va hududlardagi ishlab chiqarishlarni modernizatsiya qilish, texnik va texnologik yangilash, rivojlantirish dasturlari loyihalarini ishlab chiqish;
tashabbus qilinayotgan investitsiya loyihalari boʻyicha investitsiya takliflari va hujjatlarini oʻz vaqtida va sifatli tayyorlash;
hamkorlik uchun salohiyatli xorijiy investorlar va kreditorlarni izlash va jalb qilish, ular bilan loyihani amalga oshirish shartlarini muhokama qilish boʻyicha muzokaralar tashkillashtirish va oʻtkazish;
xorijiy investorlar va kreditorlarning loyihalari va takliflarini amalga oshirishning samarali va eng maqbul sxemalarini tanlash;
xorijiy investorlar va kreditorlar bilan erishilgan kelishuvlarni rasmiylashtirish, imzolash va bajarish;
loyihani samarali va oʻz vaqtida amalga oshirish hamda loyiha parametrlariga erishish, jalb etiladigan xorijiy investitsiya va kreditlardan maqsadli foydalanish, tashqi qarzlar boʻyicha majburiyatlarni oʻz vaqtida soʻndirish;
investitsiya takliflari va loyihalarini Investitsiya dasturiga kiritish uchun Oʻzbekiston Respublikasi Iqtisodiyot vazirligiga zarur hujjatlarni belgilangan tartibda taqdim etish;
b) Oʻzbekiston Respublikasi Iqtisodiyot vazirligi xorijiy investitsiya va kreditlarni jalb qilish va oʻzlashtirish jarayonida idoraviy boʻysunuvidan qatʼi nazar barcha xoʻjalik yurituvchi subyektlar faoliyatini muvofiqlashtirishda yetakchi boʻgʻin va masʼul hisoblanadi, shunga muvofiq quyidagilarni amalga oshiradi:
mamlakat iqtisodiyotini bir maromda rivojlantirish, tabiiy, mineral-xomashyo, ishlab chiqarish, ilmiy-texnik va mehnat salohiyatidan, shuningdek, tegishli infratuzilmadan samarali foydalanishni taʼminlashni hisobga olgan holda, iqtisodiyotning alohida tarmoqlari va mintaqalarni rivojlantirish dasturlarini ishlab chiqishni tashkillashtirish va muvofiqlashtirish;
Investitsiya dasturini shakllantirishda vazirliklar, idoralar, davlat va xoʻjalik boshqaruvi organlari ishini muvofiqlashtirish;
Davlat investitsiya qoʻmitasi keyinchalik xorijiy investitsiya va kreditlarni jalb qilish masalasini ishlab chiqishi uchun investitsiya takliflari roʻyxatini shakllantirish;
xorijiy investorlar va kreditorlar takliflarini koʻrib chiqishda ishtirok etish;
XMII va XHMT ishtirokida amalga oshirish taklif qilinadigan investitsiya takliflari portfelini shakllantirish;
tarmoqlar va mintaqalarni rivojlantirish dasturlarining asosiy koʻrsatkichlarini monitoring va tahlil qilish, ularning ijrosi boʻyicha Vazirlar Mahkamasiga tegishli takliflar kiritish;
Investitsiya dasturining manzilli qismiga kiritilgan investitsiya loyihalarini monitoring qilish, ularni amalga oshirish davomida muammoli masalalarni aniqlash va tegishli takliflarni Vazirlar Mahkamasiga kiritish;
muayyan investitsiya loyihalari boʻyicha tashqi ishlab chiqarish infratuzilmasini qurish va rekonstruksiya qilishni muvofiqlashtirish va monitoring qilish;
loyihalar ishga tushirilgandan soʻng TIAda nazarda tutilgan koʻrsatkichlarga, ishlab chiqarish quvvatlaridan foydalanish darajasiga erishilishini monitoring qilish;
v) Davlat investitsiya qoʻmitasi quyidagilarni amalga oshiradi:
xorijiy investitsiya va kreditlarni jalb qilish uchun investitsiya takliflarining yagona bazasini shakllantirish va doimiy yangilab borish;
salohiyatli xorijiy investorlar va kreditorlarga amalga oshirilishi taklif etilayotgan investitsiya takliflari toʻgʻrisidagi axborotlarni yetkazish va ularga qoʻshimcha maʼlumotlar taqdim etilishini oʻz vaqtida taʼminlash;
xorijiy investorlar va kreditorlarning takliflarini umumlashtirish va tahlil qilish;
loyihani amalga oshirish shartlarini muhokama qilish uchun salohiyatli xorijiy investorlar va kreditorlar bilan muzokaralar oʻtkazilishini muvofiqlashtirish;
xorijiy investitsiyalar va kreditlarni jalb qilish va oʻzlashtirish, erishilgan kelishuvlarni rasmiylashtirishda loyihalar tashabbuskorlari va davlat organlariga koʻmaklashish va ular faoliyatini muvofiqlashtirish;
qonunchilikda belgilangan hollarda xorijiy investor bilan Hukumat nomidan investitsiya shartnomasini tuzish;
xorijiy investorlar va kreditorlar tomonidan qabul qilingan majburiyatlar oʻz vaqtida ijro etilishi va moliyalashtirish ochilishini, xorijiy investitsiya va kreditlar oʻzlashtirilishini monitoring qilish;
tender va shartnoma hujjatlari ishlab chiqilishi va belgilangan tartibda kelishilishini, uskuna va materiallar yetkazib berilishi hamda ishlar va xizmatlar bajarilishini monitoring qilish;
investitsiya muhitini tizimli tahlil qilish hamda manfaatdor vazirlik va idoralar bilan uni yaxshilash va iqtisodiyotning muhim tarmoqlariga xorijiy investitsiyalarni jalb qilishni faollashtirishga qaratilgan kompleks chora-tadbirlarni ishlab chiqish;
g) Oʻzbekiston Respublikasi Moliya vazirligi quyidagilarni amalga oshiradi:
Hukumatning tegishli qarorlari asosida Oʻzbekiston Respublikasi nomidan kafolat berish va moliyaviy bitimlarni rasmiylashtirish;
davlat budjeti va davlat maqsadli jamgʻarmalari hisobiga investitsiya loyihalarini oʻz vaqtida va birgalikda toʻliq moliyalashtirish;
xorijiy investorlar va kreditorlarning takliflarini koʻrib chiqishda ishtirok etish;
respublika va mahalliy budjetlarda muvozanatni taʼminlashdan kelib chiqqan holda, Oʻzbekiston Respublikasi tomonidan jalb qilinadigan tashqi qarzlarni ijtimoiy ahamiyatga ega investitsiya loyihalari boʻyicha maqbul ravishda taqsimlash;
davlat budjeti va budjetdan tashqari davlat jamgʻarmalari mablagʻlari hisobidan soʻndirish koʻzda tutilgan davlat tashqi qarzlari boʻyicha foizlar, komissiyalar va asosiy qarzni toʻlash boʻyicha majburiyatlarni oʻz vaqtida bajarish, shuningdek, Oʻzbekiston Respublikasi nomidan qonunchilikda belgilangan tartibda berilgan kafolat boʻyicha majburiyatlarning oʻz vaqtida bajarilishini taʼminlash;
davlat budjeti va budjetdan tashqari davlat jamgʻarmalari mablagʻlari hisobiga loyihalarning moliyalashtirilishini hamda Oʻzbekiston Respublikasi nomidan yoki kafolati ostida jalb qilinadigan mablagʻlarning oʻzlashtirilishini monitoring qilib borish;
d) Oʻzbekiston Respublikasi Tiklanish va taraqqiyot jamgʻarmasi (keyingi oʻrinlarda — OʻTTJ) va investitsiya loyihalarini moliyalashtirishda ishtirok etuvchi tijorat banklari quyidagilarni amalga oshiradi:
xorijiy investorlar va kreditorlarning takliflarini koʻrib chiqishda ishtirok etish;
imzolanadigan kredit shartnomalari asosida investitsiya loyihalarini birgalikda moliyalashtirish va investitsiyalarni loyiha korxonalarining ustav kapitaliga qayta moliyalashtirish;
berilgan mablagʻlardan qatʼiy maqsadli foydalanilishi hamda oʻz vaqtida qaytarilishi ustidan tizimli monitoring olib borish va tekshirish, ularning natijalarini koʻrib chiqish, aniqlangan kamchiliklarni bartaraf etish yuzasidan qarorlar qabul qilish va zarur choralar koʻrish;
Oldingi tahrirga qarang.
(4-bandning “e” kichik bandi Oʻzbekiston Respublikasi Prezidentining 2025-yil 21-apreldagi PF-70-sonli Farmoniga asosan chiqarilgan — Qonunchilik maʼlumotlari milliy bazasi, 22.04.2025-y., 06/25/70/0375-son)
j) Oʻzbekiston Respublikasi Savdo-sanoat palatasi quyidagilarni amalga oshiradi:
xorijiy investitsiyalar va kreditlarni (qarzlar) jalb qilishni nazarda tutuvchi loyihalar tashabbuskorlariga mintaqalarni rivojlantirish dasturini ishlab chiqish doirasida tegishli investitsiya takliflarini tayyorlashda koʻmaklashish;
tadbirkorlarga salohiyatli investorlar va kreditorlar bilan muzokaralar olib borishda hamda loyihalar boʻyicha hujjatlarni ishlab chiqishda koʻmaklashish;
salohiyatli xorijiy investorlar va kreditorlarga investitsiya takliflari va loyihalarining taqdimotlarini Davlat investitsiya qoʻmitasi bilan birga tashkillashtirish va oʻtkazish;
z) Vazirlar Mahkamasining axborot-tahlil departamentlari quyidagilarni amalga oshiradi:
Investitsiya dasturi, rivojlantirish tarmoq dasturlari, korxonalarni modernizatsiya qilish, texnik va texnologik jihatdan qayta jihozlash dasturlarining kiritiladigan loyihalarini har tomonlama tahlil qilish va ekspertizadan oʻtkazish, ularni amalga oshirishning ehtimol tutilgan oqibatlarini kompleks baholash;
Iqtisodiyot vazirligi taqdimnomasiga binoan rivojlantirish tarmoq dasturlariga kiritilgan investitsiya loyihalari roʻyxatiga oʻzgartirish va qoʻshimchalar kiritish boʻyicha takliflar tayyorlanishini taʼminlash;
xorijiy investorlar va kreditorlarning takliflari boʻyicha xulosalar tayyorlash, loyihalarni amalga oshirishning samarali va eng maqbul sxemalarini tanlash;
investitsiya loyihalarini amalga oshirishning tarmoq jadvallarini ishlab chiqish boʻyicha loyiha tashabbuskorlari va vazirliklar, idoralar faoliyatini muvofiqlashtirish hamda loyiha oldi hujjatlarining oʻz vaqtda tayyorlanishi va ekspertiza qilinishi ustidan nazorat olib borish;
muayyan investitsiya loyihalari boʻyicha Hukumat qarorlari loyihalarini kompleks ekspertiza qilish;
muayyan investitsiya loyihalarini amalga oshirish hamda ularning tashqi ishlab chiqarish infratuzilmasini qurish va rekonstruksiya qilinishini muvofiqlashtirish;
monitoring natijalarini umumlashtirish va tahlil qilish, rivojlantirish tarmoq dasturlarining amalga oshirilishini muvofiqlashtirib borish, shuningdek, ular asosida tasdiqlangan parametrlarga soʻzsiz erishish boʻyicha takliflar va tadbirlar ishlab chiqish;
xorijiy investitsiyalar va kreditlar jalb qilingan, Investitsiya dasturiga kiritilgan loyihalar amalga oshirilishini Vazirlar Mahkamasi Rayosati majlislarida koʻrib chiqilishini taʼminlash;
Oldingi tahrirga qarang.
i) Vazirlar Mahkamasining Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish va hududlarni kompleks rivojlantirish masalalari yigʻma axborot-tahlil departamenti quyidagilarni amalga oshiradi:
kiritiladigan Investitsiya dasturlari, tarmoqlar va hududlarni rivojlantirish dasturlari loyihalarini har tomonlama tahlil qilish va ekspertizadan oʻtkazish, shu jumladan ularni amalga oshirishning ehtimol tutilgan oqibatlarini kompleks baholash;
Vazirlar Mahkamasining tegishli axborot-tahlil departamentlari bilan hamkorlikda xorijiy investorlar va kreditorlarning takliflari, loyihalarni amalga oshirishning samarador va eng maqbul sxemalarini tanlab olish boʻyicha xulosalarni tayyorlash;
investitsiya loyihalari, shu jumladan Investitsiya dasturiga kiritilgan loyihalarni oʻz vaqtida tayyorlash hamda amalga oshirishni taʼminlash boʻyicha boshqaruvchining ishchi organi—ofisi etib belgilangan Vazirlar Mahkamasining axborot-tahlil departamentlari, vazirliklar va idoralar, mahalliy davlat hokimiyati va boshqaruvi organlari faoliyatini muvofiqlashtirish;
Vazirlar Mahkamasining tegishli axborot-tahlil departamentlari bilan birgalikda aniq investitsiya loyihalari boʻyicha Hukumat qarorlari loyihalarining kompleks ekspertizasini olib borish;
Investitsiya dasturi, tarmoq va hududiy rivojlantirish dasturlari amalga oshirilishining borishini monitoring qilish natijalarini umumlashtirish va kompleks tahlil qilish, shular asosida tasdiqlangan parametrlarga soʻzsiz erishish boʻyicha takliflar va chora-tadbirlarni ishlab chiqish;
iqtisodiyotni modernizatsiyalash, ishlab chiqarishni texnik va texnologik qayta jihozlashning ustuvor loyihalarini amalga oshirish uchun xorijiy, birinchi navbatda — toʻgʻridan-toʻgʻri investitsiyalarni jalb etish boʻyicha kompleks chora-tadbirlarni ishlab chiqish hamda amalga oshirishda qatnashish;
Oʻzbekiston Respublikasidagi investitsiyaviy iqlim, jumladan, investitsiyalashning asosiy tartib-taomili masalalari, shuningdek taklif etilayotgan investitsiya hajmlari toʻgʻrisida ehtimol tutilayotgan investorlarni axborot bilan taʼminlash boʻyicha ishlarni muvofiqlashtirish;
xorijiy investorlar bilan investitsiyaviy shartnomalar tuzilishi va ularning shartlariga rioya qilinishi, moliyalashning oʻz vaqtida ochilishi hamda xorijiy investorlar va kreditorlar tomonidan qabul qilingan majburiyatlarning bajarilishi ustidan monitoring olib borish;
Vazirlar Mahkamasining tarkibiy boʻlinmalari bilan birgalikda alohida yirik va strategik muhim investitsiya loyihalarining TIA (TIR)larini, moliyalashtirish sxemalarini koʻrib chiqish;
xorijiy investitsiyalar va kreditlarni jalb etish masalalari boʻyicha, shuningdek hamkorlikning ustuvor va istiqbolli yoʻnalishlari boʻyicha takliflarni ishlab chiqishda xalqaro moliya va iqtisodiyot institutlari hamda boshqa investorlar bilan hamkorlik qilish dasturlari ishlab chiqilishini muvofiqlashtirish;
(4-bandning “i” kichik bandi Oʻzbekiston Respublikasi Prezidentining 2012-yil 21-fevraldagi PQ-1711-sonli qarori tahririda — Oʻzbekiston Respublikasi qonun hujjatlari toʻplami, 2012-y., 8-9-son, 78-modda)
Oldingi tahrirga qarang.
(4-bandning “i1” kichik bandi Oʻzbekiston Respublikasi Prezidentining 2012-yil 21-fevraldagi PQ-1711-sonli qaroriga asosan chiqarilgan — Oʻzbekiston Respublikasi qonun hujjatlari toʻplami, 2012-y., 8-9-son, 78-modda)
l) Oʻzbekiston Respublikasi Iqtisodiyot va sanoat vazirligi huzuridagi Loyihalarni va import kontraktlarini kompleks ekspertiza qilish markazi rivojlantirish davlat dasturlari doirasida hamda davlat xaridlarini amalga oshirishdagi ishlab chiqiladigan loyiha oldi va loyiha hujjatlarini kompleks ekspertizadan oʻtkazadi.
III. Investitsiya takliflarini tashabbus qilish va maʼlumotlar bazasini shakllantirish
5. Vazirlik va idoralar, davlat va xoʻjalik boshqaruvi organlari, shuningdek, mahalliy davlat hokimiyati organlari respublikaning tegishli tarmoq va hududlaridagi ishlab chiqarishlarni rivojlantirish, modernizatsiya qilish, texnik va texnologik jihatdan qayta jihozlash dasturlarini ishlab chiqadi.
6. Ishlab chiqiladigan rivojlantirish dasturlari tarkibiga xorijiy investitsiyalar va kreditlarni jalb qilgan holda amalga oshirishga taklif etilayotgan investitsiya loyihalari roʻyxati Oʻzbekiston Respublikasi Iqtisodiyot vazirligi tomonidan tasdiqlanadigan shaklda alohida boʻlim sifatida kiritiladi.
7. Rivojlantirish dasturlari Iqtisodiyot vazirligi taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.
Iqtisodiyot vazirligi tegishli dasturlar tasdiqlangandan keyin yoki tasdiqlangan rivojlantirish dasturlariga kiritilgan investitsiya loyihalari roʻyxatiga oʻzgartirish va qoʻshimchalar kiritilganidan soʻng ikki hafta muddatda Davlat investitsiya qoʻmitasi tomonidan kelgusida xorijiy investorlar va kreditorlarni jalb qilish masalasini ishlab chiqish uchun investitsiya takliflari roʻyxatini shakllantiradi.
8. Oʻzbekiston Respublikasi Iqtisodiyot vazirligi Oʻzbekiston Respublikasi nomidan yoki kafolati ostida xorijiy investitsiyalar va kreditlar jalb qilishni nazarda tutuvchi investitsiya takliflarini hamda qiymati 500 ming AQSH dollaridan ortiq investitsiya takliflarini Investitsiya dasturi loyihasining yigʻma qismiga kiritadi va belgilangan tartibda tasdiqlash uchun Vazirlar Mahkamasiga taqdim etadi.
9. Davlat investitsiya qoʻmitasi axborot taqdim etilgandan soʻng uch kun ichida maʼlumotlar bazasini quyidagi roʻyxatlar asosida shakllantiradi va doimiy yangilab boradi:
Iqtisodiyot vazirligi taqdim etadigan investitsiya takliflari roʻyxati;
Davlat raqobat qoʻmitasi taqdim etadigan, xususiylashtirish davlat dasturlariga kiritilgan va xorijiy investitsiyalarni jalb qilishni nazarda tutuvchi davlat aktivlari roʻyxati.
10. Investitsiya dasturining yigʻma qismi, tarmoqlar va mintaqalarni rivojlantirish dasturlariga kiritilmagan, xorijiy investitsiyalar va kreditlarni jalb qilishni koʻzda tutuvchi investitsiya loyihalari boʻyicha ushbu loyihalar tashabbuskori tomonidan Oʻzbekiston Respublikasi Iqtisodiyot vazirligiga investitsiyaviy takliflar kiritiladi.
11. Oʻzbekiston Respublikasi Iqtisodiyot vazirligi belgilangan muddatlarda ekspertiza oʻtkazganidan soʻng investitsiya taklifi tashabbuskoriga muddatlarni koʻrsatgan holda, loyihani amalga oshirish masalasini ishlab chiqishni davom ettirish maqsadga muvofiqligi toʻgʻrisida xulosa yuboradi.
12. Investitsiya dasturi va rivojlantirish dasturlariga kiritilgan investitsiya loyihalari roʻyxatiga oʻzgartirish va qoʻshimchalar kiritish:
tarmoqlarni rivojlantirish dasturlariga — Iqtisodiyot vazirligi taqdimnomasiga koʻra, Vazirlar Mahkamasining tegishli kompleksi rahbari tomonidan belgilangan tartibda;
hududlarni rivojlantirish dasturlariga — Iqtisodiyot vazirligi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda;
Investitsiya dasturining yigʻma roʻyxatiga — Iqtisodiyot vazirligi, Davlat investitsiya qoʻmitasining qoʻshma taqdimnomasiga binoan, Hukumat nomidan yoki Oʻzbekiston Respublikasi kafolati ostida xorijiy investitsiyalar va kreditlar jalb qilishni nazarda tutuvchi loyihalar boʻyicha hamda qiymati 500 ming AQSH dollaridan ortiq investitsiya takliflari boʻyicha — Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari hamda donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengash tomonidan amalga oshiriladi.
Oʻzgartirishlar va qoʻshimchalar kiritilgach, Iqtisodiyot vazirligi investitsiya taklifini maʼlumotlar bazasiga kiritish uchun Davlat investitsiya qoʻmitasiga yuboradi.
13. Loyiha oldi hujjatlarini tashabbuskor tomonidan tayyorlash qonunchilikda nazarda tutilgan hollarda, shuningdek, loyiha oldi hujjatlari salohiyatli investorlar tomonidan soʻralgan taqdirda amalga oshiriladi, bu haqida Davlat investitsiya qoʻmitasi tashabbuskorni, Iqtisodiyot vazirligini, Vazirlar Mahkamasining tegishli axborot-tahlil departamentini xabardor qiladi.
Bunda Vazirlar Mahkamasining tegishli axborot-tahlil departamenti qonunchilikda nazarda tutilgan holatlarda loyiha oldi hujjatlarini ishlab chiqish va vakolatli organlarga ekspertiza uchun kiritishning cheklangan muddatlarini belgilaydi.
IV. Salohiyatli investorni tanlash
14. Davlat investitsiya qoʻmitasi sotilishi moʻljallanayotgan investitsiya loyihalari toʻgʻrisidagi axborotni salohiyatli xorijiy investorlar va kreditorlarga quyidagi yoʻllar orqali yetkazadi:
investitsiyaviy takliflarni Internet tarmogʻida joylashtirish;
investitsiya takliflarini xorijiy kompaniyalar va moliya tashkilotlariga yuborish;
Oʻzbekiston Respublikasi hududida va xorijda tashkil etiladigan investitsiyaviy va biznes-forumlar, koʻrgazmalar, davra suhbatlari, seminarlar va konferensiyalar davomida investitsiya takliflarining taqdimotini oʻtkazish;
oʻtkaziladigan tadbirlar va muzokaralar davomida salohiyatli xorijiy investorlar orasida tarqatiladigan taqdimot materiallari va boshqa axborot nashrlarida amalga oshirilishi moʻljallanayotgan investitsiya loyihalari haqida tegishli axborotlar berish.
15. Salohiyatli investorlar va kreditorlar tomonidan birorta aniq investitsiya loyihasiga qiziqish bildirilgan taqdirda Davlat investitsiya qoʻmitasi, jumladan quyidagilar orqali zarur koʻmakni beradi:
Oʻzbekiston Respublikasida investitsiya loyihalarini amalga oshirishning mavjud normativ-huquqiy bazasi, xorijiy investorlar va xorijiy kapital ishtirokidagi korxonalar uchun qonunchilikda belgilangan imtiyoz va preferensiyalar, xorijiy kapital ishtirokidagi korxonalarni ochish va faoliyatini olib borish tartibi va taomillari toʻgʻrisida xabardor qilish;
loyihani amalga oshirish uchun zarur boʻlgan tabiiy, mineral-xomashyo, ishlab chiqarish, ilmiy-texnik va mehnat resurslari hamda tegishli infratuzilma mavjudligi toʻgʻrisida axborot berish;
tashabbuskorlar bilan salohiyatli investorlar va kreditorlar oʻrtasida aloqalar oʻrnatish;
Oʻzbekiston Respublikasiga tashriflarni tashkillashtirish, shu jumladan viza olish, uchrashuvlar jadvalini tayyorlash va kelishishda koʻmaklashish.
16. Salohiyatli investorlar va kreditorlar tashabbuskorlar, Vazirlar Mahkamasining tegishli axborot-tahlil departamentlari, Savdo-sanoat palatasi, Davlat raqobat qoʻmitasi, boshqa vazirlik va idoralarga bevosita murojaat qilgan taqdirda, kelgan murojaatlar Davlat investitsiya qoʻmitasiga umumlashtirish va tahlil qilish uchun yuboriladi.
17. Davlat investitsiya qoʻmitasi salohiyatli investorlar va kreditorlardan kelib tushgan takliflarni bir hafta muddatda tashabbuskorga kelgusida ishlab chiqish uchun yuboradi.
18. Oʻzbekiston Respublikasi Vazirlar Mahkamasining 2007-yil 7-iyunda 110-son qarori bilan tasdiqlangan Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisidagi nizomning tegishli talablariga javob beradigan loyihalar boʻyicha:
Davlat investitsiya qoʻmitasi salohiyatli investorlar va kreditorlardan kelgan takliflarni loyiha tashabbuskori, Iqtisodiyot vazirligi, Moliya vazirligi va OʻTTJga (OʻTTJ mablagʻlari hisobiga birgalikda moliyalashtiriladigan loyihalar boʻyicha) yuboradi;
Iqtisodiyot vazirligi, Moliya vazirligi, Davlat investitsiya qoʻmitasi va OʻTTJ oʻn kun muddatda loyiha tashabbuskoriga taklif etilayotgan salohiyatli investorlar va kreditorlar bilan loyihani kelgusida ishlab chiqish maqsadga muvofiqligi toʻgʻrisida xulosa yuboradi;
loyiha tashabbuskori aniq xorijiy investor va kreditor ishtirokida loyihani kelgusida amalga oshirish maqsadga muvofiqligi toʻgʻrisidagi oʻz taklifi va vazirliklar xulosasini Vazirlar Mahkamasiga kiritadi;
Oldingi tahrirga qarang.
Vazirlar Mahkamasining tegishli Axborot-tahlil departamenti Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish va hududlarni kompleks rivojlantirish masalalari yigʻma axborot-tahlil departamenti bilan kelishilgan holda kiritilgan hujjatlarga asosan Vazirlar Mahkamasining tegishli Axborot-tahlil departamentiga mutasaddilik qiluvchi Bosh vazir oʻrinbosari tomonidan tasdiqlanadigan qoʻshma xulosani tayyorlaydi.
(18-bandning beshinchi xatboshisi Oʻzbekiston Respublikasi Prezidentining 2012-yil 21-fevraldagi PQ-1711-sonli qarori tahririda — Oʻzbekiston Respublikasi qonun hujjatlari toʻplami, 2012-y., 8-9-son, 78-modda)
19. Olingan takliflar va xulosalar asosida loyiha tashabbuskori:
Investitsiya dasturi, tarmoqlarni rivojlantirish dasturlarining yigʻma roʻyxatiga kiritilgan loyihani amalga oshirishning tarmoq jadvalini ishlab chiqadi, uni Iqtisodiyot vazirligi va Davlat investitsiya qoʻmitasi bilan kelishib, tasdiqlash uchun Vazirlar Mahkamasining tegishli kompleksi rahbariga kiritadi;
hududlarni rivojlantirish dasturiga kiritilgan loyihani amalga oshirishning tarmoq jadvalini ishlab chiqadi va tasdiqlash uchun uni Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimiga kiritadi;
tasdiqlangan tarmoq jadvaliga muvofiq loyiha oldi hujjatlarini kelgusida ishlab chiqish va loyihani amalga oshirish boʻyicha choralar koʻradi.
20. Loyiha oldi hujjatlarini ishlab chiqish tasdiqlangan tarmoq jadvaliga qatʼiy muvofiq ravishda loyiha tashabbuskori tomonidan taʼminlanadi. Loyiha oldi hujjatlarini ekspertizadan oʻtkazish qonunchilikda belgilangan tartibda amalga oshiriladi.
21. Vazirlar Mahkamasining axborot-tahlil departamentlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Iqtisodiyot vazirligi bilan birgalikda kelgusida loyihaning tasdiqlangan tarmoq jadvallariga muvofiq amalga oshirilishini muvofiqlashtiradi.
V. Xorijiy investorlar va kreditorlar bilan erishilgan kelishuvlarni rasmiylashtirish
22. Xorijiy investorlar va kreditorlar bilan erishilgan kelishuvlarni rasmiylashtirish quyidagilarni tuzish orqali amalga oshiriladi:
tashabbuskor va xorijiy investor oʻrtasidagi kelishuv bayonnomalari va memorandumlar;
shu jumladan xorijiy investorga qoʻshimcha imtiyoz va preferensiyalar berishda qonunchilikda belgilangan tartibda investitsiya shartnomasi;
xorijiy banklar va moliya institutlari bilan tashqi qarzlarni jalb qilish toʻgʻrisida bitimlar;
xorijiy investitsiyalar ishtirokida korxonalar tashkil etish va xorijiy investorlar tomonidan korxonalar ustav fondida (kapitalida)gi ulushni xarid qilish toʻgʻrisida hujjatlar;
memorandumlar va Oʻzbekiston Respublikasining XMII va XHMTlar bilan hamkorlik amaliyotini hisobga olgan holda boshqa hujjatlar.
23. Davlat investitsiya qoʻmitasi xorijiy investorlar va kreditorlar bilan erishilgan kelishuvlarni rasmiylashtirish boʻyicha ishlarni muvofiqlashtirishni amalga oshiradi.
24. Loyihani XMII va XHMTlar mablagʻlari hisobiga moliyalashtirish toʻgʻrisida qaror qabul qilish, ular bilan Hukumat nomidan yoki Oʻzbekiston Respublikasi kafolati ostida bitimlar tuzish Oʻzbekiston Respublikasi Vazirlar Mahkamasining 2007-yil 7-iyunda tasdiqlangan 110-sonli Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisidagi nizomda nazarda tutilgan tartibda amalga oshiriladi.
25. Oʻzbekiston Respublikasi Moliya vazirligi Hukumatning tegishli qarorlari asosida Oʻzbekiston Respublikasi Hukumati nomidan tuziladigan va Oʻzbekiston Respublikasi kafolati beriladigan moliya bitimlarini rasmiylashtirishni amalga oshiradi.
26. Loyihalarni Yigʻma roʻyxatdan Investitsiya dasturining manzilli qismiga oʻtkazish Iqtisodiyot vazirligi, Tashqi iqtisodiy aloqalar, investitsiyalar va savdo vazirligi qoʻshma taqdimnomasi boʻyicha, Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari hamda donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengash tomonidan amalga oshiriladi.
VI. Xorijiy investitsiyalar va kreditlar jalb qilingan investitsiya loyihalarining amalga oshirilishini monitoring qilib borish
27. Iqtisodiyot vazirligi har yili Investitsiya dasturini shakllantirishda uning manzilli qismiga Hukumat nomidan yoki Oʻzbekiston Respublikasi kafolati ostida xorijiy investitsiyalar va kreditlar jalb qilishni nazarda tutuvchi investitsiya loyihalarini, shuningdek, belgilangan tartibda loyiha oldi hujjatlari ishlab chiqilgan va xorijiy investor va kreditorlar bilan loyihalarni moliyalashtirish boʻyicha bitimlar tuzilgan, qiymati 500 ming AQSH dollaridan yuqori boʻlgan investitsiya takliflarini kiritadi.
28. Loyiha tashabbuskorlari har oyda Davlat investitsiya qoʻmitasi va Iqtisodiyot vazirligiga investitsiya loyihasining joriy holati, uni oʻz vaqtda amalga oshirishga toʻsqinlik qilayotgan mavjud masala va muammolar haqida toʻliq maʼlumotlarni koʻrsatgan holda, investitsiya loyihalarining tasdiqlangan tarmoq jadvallariga muvofiq amalga oshirilishining borishi toʻgʻrisida axborot taqdim etadi.
Hukumat nomidan yoki Oʻzbekiston Respublikasi kafolati ostida jalb qilingan, XMII va XHMT kreditlari va qarzlari hisobidan moliyalashtiriladigan hamda davlat budjeti, tashabbuskorlarga xizmat koʻrsatuvchi tijorat banklari hisobidan birgalikda moliyalashtiriladigan loyihalar boʻyicha har chorakda oʻzlashtirilgan qarz mablagʻlari summasi, hisoblangan foizlar va komissiyalar, hukumat tomonidan kafolatlangan kreditlar boʻyicha kreditlarni oʻz vaqtida soʻndirish, komissiya va foizlarni toʻlashni taʼminlovchi toʻplangan mablagʻlar miqdori toʻgʻrisida, shuningdek, XMII va XHMTlar oldida qabul qilingan boshqa majburiyatlarning bitimlarda koʻrsatilgan muddatlarga muvofiq bajarilishi haqida Moliya vazirligiga axborot taqdim etadi.
29. Davlat investitsiya qoʻmitasi investitsiyalarni tayyorlash va amalga oshirish davrida tasdiqlangan tarmoq jadvallariga muvofiq maʼlumotlar bazasiga kiritilgan investitsiya takliflarini amalga oshirilishning borishini, shu jumladan quyidagilarni monitoring qiladi:
loyiha oldi hujjatlarining oʻz vaqtida ishlab chiqilishi, vakolatli organlarda ekspertizadan oʻtkazilishi va belgilangan tartibda tasdiqlanishi;
xorijiy investorlar va kreditorlar bilan erishilgan kelishuvlarning rasmiylashtirilishi va amalga oshirilishi;
moliyalashtirishning ochilishi hamda investorlar va kreditorlar tomonidan qabul qilingan majburiyatlarning oʻz vaqtida bajarilishi, xorijiy investitsiya va kreditlarning oʻzlashtirilishi;
tender va kontrakt hujjatlarining ishlab chiqilishi va belgilangan tartibda kelishilishi, uskunalar (materiallar va xizmatlar)ning yetkazilishi.
Oldingi tahrirga qarang.
30. Investitsiyalar boʻyicha davlat qoʻmitasi har oyda maʼlumotlar bazasiga kiritilgan investitsiyaviy takliflar amalga oshirilishining borishi toʻgʻrisida Vazirlar Mahkamasining Investitsiya dasturlarining shakllantirilishini amalga oshirilishi monitoringi va xorijiy investitsiyalarni jalb etish masalalari axborot-tahlil departamentiga axborot berib boradi.
Tasdiqlangan tarmoq jadvallaridan orqada qolish hollari yuz berganda Investitsiyalar boʻyicha davlat qoʻmitasi kechikish sabablarini hamda yoʻl qoʻyilgan kamchiliklarni bartaraf qilish takliflarini koʻrsatgan holda axborot taqdim etadi. Investitsiya dasturlarining shakllantirilishini amalga oshirilishi monitoringi va xorijiy investitsiyalarni jalb etish masalalari axborot-tahlil departamenti Vazirlar Mahkamasining tegishli Axborot-tahlil departamentlari bilan birgalikda vujudga kelayotgan muammolarni hal etishga yoʻnaltirilgan chora-tadbirlarni qabul qiladi.
(30-band Oʻzbekiston Respublikasi Prezidentining 2017-yil 17-avgustdagi PF-5158-sonli Farmoni tahririda)
31. Xorijiy investor va kreditorlar bilan erishilgan kelishuvlar toʻgʻrisidagi hujjatlar rasmiylashtirilgan soʻng Davlat investitsiya qoʻmitasi mablagʻlar toʻliq oʻzlashtirilguniga qadar loyihani toʻliq monitoring qilib boradi.
Bunda, Davlat investitsiya qoʻmitasi Investitsiya dasturining manzilli qismiga kiritilgan investitsiya loyihalar amalga oshirilishining borishi toʻgʻrisida Iqtisodiyot vazirligiga har oyda axborot kiritib boradi.
32. Oʻzbekiston Respublikasi Moliya vazirligi:
davlat tashqi qarzlari boʻyicha mablagʻlar oʻzlashtirilishining hisobini yuritadi hamda davlat budjeti mablagʻlari va budjetdan tashqari davlat jamgʻarmalari hisobidan uzish nazarda tutilgan foizlar, komissiyalar va asosiy qarzni toʻlash boʻyicha majburiyatlar oʻz vaqtida bajarilishini monitoring qilib boradi, shuningdek, Oʻzbekiston Respublikasi tomonidan berilgan kafolatlar boʻyicha majburiyatlar oʻz vaqtida bajarilishini qonunchilikda nazarda tutilgan tartibda taʼminlaydi hamda Vazirlar Mahkamasiga har chorakda tegishli axborot kiritib boradi;
Oldingi tahrirga qarang.
Vazirlar Mahkamasining Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish va hududlarni kompleks rivojlantirish masalalari yigʻma axborot-tahlil departamentiga davlatning tashqi qarzi hajmlari va geografiyasi toʻgʻrisida belgilangan shakldagi maʼlumotni taqdim etadi;
(32-bandning uchinchi xatboshisi Oʻzbekiston Respublikasi Prezidentining 2012-yil 21-fevraldagi PQ-1711-sonli qarori tahririda — Oʻzbekiston Respublikasi qonun hujjatlari toʻplami, 2012-y., 8-9-son, 78-modda)
davlat tashqi qarzlari boʻyicha cheklangan parametrlar, davlat tashqi qarzlari tarkibini takomillashtirish va xizmat koʻrsatish xarajatlarini optimallashtirish boʻyicha takliflar ishlab chiqadi.
33. Oʻzbekiston Respublikasi Tiklanish va taraqqiyot jamgʻarmasi oʻzi ishtirokida moliyalashtiriladigan investitsiya loyihalari boʻyicha quyidagilarni amalga oshiradi:
Jamgʻarma tomonidan berilgan mablagʻlarning qatʼiy ravishda maqsadli va samarali ishlatilishi, shuningdek, oʻz vaqtida qaytarilishi ustidan tizimli monitoring olib boradi va tekshiradi, natijalarini koʻrib chiqadi, aniqlangan kamchiliklarni bartaraf qilish boʻyicha qarorlar va zarur choralar qabul qiladi;
Jamgʻarma tomonidan berilgan kredit toʻliq qaytarilguniga qadar investitsiya loyihalari amalga oshiriladigan xoʻjalik yurituvchi subyektlarning oʻz majburiyatlarini bajarishi qismida ular faoliyatini monitoring qiladi.
OʻTTJ har oyda Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish va turizm masalalari boʻyicha axborot-tahlil departamentiga monitoring natijalarini taqdim etadi.
Oldingi tahrirga qarang.
(34-band Oʻzbekiston Respublikasi Prezidentining 2025-yil 21-apreldagi PF-70-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 22.04.2025-y., 06/25/70/0375-son)
35. Oʻzbekiston Respublikasi Iqtisodiyot vazirligi:
tarmoqlar va hududlar korxonalarini rivojlantirish, modernizatsiya qilish, texnik va texnologik qayta jihozlash dasturlarining amalga oshirilishi, ularning natijalari;
Investitsiya dasturining manzilli qismiga kiritilgan, xorijiy investitsiyalar va kreditlar jalb qilingan loyihalarning amalga oshirilishi;
Investitsiya dasturiga kiritilgan obyektlarning oʻz vaqtida ishga tushirilishi, TIAda nazarda tutilgan koʻrsatkichlarga erishilishi;
aniq investitsiya loyihalari boʻyicha tashqi ishlab chiqarish infratuzilmasi qurilishi va rekonstruksiya qilinishi;
tarmoqlar korxonalarini rivojlantirish, modernizatsiya qilish, texnik va texnologik qayta jihozlash dasturlari doirasida amalga oshirilgan investitsiya loyihalari boʻyicha ishlab chiqarish quvvatlaridan foydalanish darajasi ustidan monitoring olib boradi.
Iqtisodiyot vazirligi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish va turizm masalalari boʻyicha axborot-tahlil departamentiga Investitsiya dasturining manzilli qismini amalga oshirishdagi muammoli masalalar, shuningdek, aniqlangan kamchiliklarni bartaraf etish boʻyicha takliflar va zarur choralarni koʻrsatgan holda, umumlashtirilgan monitoring natijalarini kiritadi.
Oldingi tahrirga qarang.
36. Har oyda zarur qarorlarni qabul qilish uchun tegishli Axborot-tahlil departamenti Vazirlar Mahkamasining Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish va hududlarni kompleks rivojlantirish masalalari yigʻma axborot-tahlil departamenti bilan birgalikda xorijiy investorlar va kreditorlarni jalb etgan holda investitsiya loyihalari amalga oshirilishining borishini monitoring qilish umumlashma natijalarini koʻrib chiqish uchun Vazirlar Mahkamasining Prezidiumiga kiritadi.
(36-band Oʻzbekiston Respublikasi Prezidentining 2012-yil 21-fevraldagi PQ-1711-sonli qarori tahririda — Oʻzbekiston Respublikasi qonun hujjatlari toʻplami, 2012-y., 8-9-son, 78-modda)
Xorijiy investitsiyalar va kreditlarni jalb etish va oʻzlashtirish tartibi toʻgʻrisidagi Nizomga
1-ILOVA
1-ILOVA
Investitsiya taklifining namunaviy shakli
1. Loyiha nomi;
2. Loyiha tashabbuskori toʻgʻrisida umumiy axborot:
nomlanishi va rekvizitlar;
asosiy faoliyat turi;
asosiy iqtisodiy va moliyaviy koʻrsatkichlar (ishlab chiqarilgan mahsulot (xizmatlar) qiymati va hajmi, eksport, tovar aylanmasi, boshqalar);
bundan avval, shu jumladan xorijiy investitsiyalar va kreditlarni jalb qilgan holda amalga oshirilgan loyihalar.
3. Negizida loyihani amalga oshirish rejalashtirilayotgan korxona haqida maʼlumot (mavjud boʻlganda):
korxona nomi va uning rekvizitlari;
asosiy faoliyat turi, ishlab chiqariladigan mahsulot va xizmatlar turi;
soʻnggi 3 yilgi asosiy iqtisodiy va moliyaviy koʻrsatkichlar (asosiy mablagʻlar qiymati, ishlab chiqarilgan va eksport qilingan mahsulot hajmi, tovar aylanmasi, sof foyda va boshqalar);
umumiy hudud va erkin ishlab chiqarish maydonlari;
mavjud muhandislik taʼminoti va infratuzilma vositalari haqida maʼlumot;
kadrlar salohiyati;
zamonaviy energiya samarador va energiya tejaydigan texnologiyalarni joriy etish hisobiga energiyani tejash salohiyati va energetika resurslari hamda boshqa sarf-xarajatlarni iqtisod qilishni baholash;
zamonaviy energiya samarador va energiya tejaydigan texnologiyalarni joriy etish hisobiga asosiy fondlarni yangilash va energetika obyektlari quvvatini oshirish salohiyati.
4. Loyiha haqida maʼlumot.
4.1. Marketing:
ishlab chiqarish taklif etilayotgan mahsulot, tovarlar va xizmatlar ishlab chiqarishning prognoz hajmi;
ichki bozor va eksportda sotish imkoniyatini baholagan holda marketing tadqiqotlar natijalari;
mamlakatda va mintaqada oʻxshash mahsulotni ishlab chiqaruvchi asosiy korxonalar;
sifat va narx koʻrsatkichlari boʻyicha mahsulot raqobatbardoshligini baholash.
4.2. Ishlab chiqarish:
loyihani narx, sifat va son boʻyicha xomashyo va boshqa moddiy resurslar bilan taʼminlanganligi;
oʻrnatilishi moʻljallanayotgan texnologiya tavsifi va uning asosiy parametrlari (unumdorligi, hisoblangan qiymati, energetik va moddiy resurslar sarfi va boshqalar);
zarur xodimlar, shu jumladan MTI va ishchilar soni.
4.3. Qurilish, rekonstruksiya va modernizatsiya qilish:
investitsiyalar yoʻnalishi — yangidan qurish, rekonstruksiya, texnik qayta jihozlash, shu jumladan, energiyani tejash va energetika resurslaridan foydalanish samaradorligini oshirish chora-tadbirlarini amalga oshirish yoki boshqa yoʻnalish;
obyektni ishlab chiqarish infratuzilmasi bilan taʼminlashga qoʻyiladigan talablar, davomiyligi, ish imkoniyati/quvvati (avtoyoʻl, temir yoʻl liniyasi, suv taʼminoti, kanalizatsiya, issiqlik taʼminoti, gaz taʼminoti, elektr taʼminoti, isitish).
4.4. Moliyalashtirish:
loyihaning qurilish yoki rekonstruksiya qilish bilan birga taxminiy qiymati;
rivojlantirish dasturlariga muvofiq obyektni ishga tushirish moʻljallanayotgan sana;
tashabbuskor tomonidan taklif qilinayotgan loyihani moliyalashtirish sxemasi.
5. Loyihani amalga oshirishdan kutilayotgan natija:
kutilayotgan yillik tushum va sof foyda;
eksport hajmi;
zamonaviy energiya samarador va energiya tejaydigan texnologiyalarni joriy etish hisobiga energetika resurslarini va boshqa sarf-xarajatlarni iqtisod qilishning kutilayotgan hajmi.
6. Loyiha boʻyicha hujjatlarni ishlab chiqish va ekspertizadan oʻtkazish holati.
Xorijiy investitsiyalar va kreditlarni jalb etish va oʻzlashtirish tartibi toʻgʻrisidagi Nizomga
1a-ILOVA
1a-ILOVA
Investitsiya taklifining
PASPORTI
|
|
_______________________________________________ (loyihaning nomlanishi va joylashuvi) |
|
|
|
|
|
|
|
|
|
|
T/r |
Koʻrsatkichlar nomi |
Oʻlchov birligi |
Loyiha parametrlari |
Izoh |
|
1. |
Loyihaning umumiy qiymati, shu jumladan: |
ming dollar |
||
|
1.1. |
milliy valyutada |
mln soʻm |
||
|
1.2. |
xorijiy valyutada |
ming dollar |
||
|
2. |
Xorijiy valyutadagi xarajatlar, jami |
mln dollar |
||
|
2.1. |
shu jumladan uskunalar xarid qilish uchun |
ming dollar |
||
|
2.2. |
qurilish-montaj ishlariga |
ming dollar |
||
|
3. |
Milliy valyutadagi xarajatlar, jami |
mln soʻm |
||
|
3.1. |
shu jumladan uskunalar xarid qilish |
mln soʻm |
||
|
3.2. |
qurilish-montaj ishlari uchun |
mln soʻm |
||
|
4. |
Moliyalashtirish manbalari: |
|||
|
4.1. |
budjet mablagʻlari |
mln soʻm |
||
|
4.2. |
xorijiy kreditlar, jami |
ming dollar |
||
|
- |
shu jumladan Hukumat kafolati ostida |
ming dollar |
||
|
4.3. |
toʻgʻridan-toʻgʻri xorijiy investitsiyalar, jami |
ming dollar |
||
|
- |
shu jumladan ustav fondiga qoʻshilgan ulush |
ming dollar |
||
|
4.4. |
oʻz mablagʻlari |
mln soʻm |
||
|
4.5. |
tijorat banklari kreditlari |
mln soʻm |
||
|
4.6. |
boshqa manbalar (koʻrsatilsin) |
mln soʻm |
||
|
5. |
Ish bilan band boʻlganlarning taxminiy soni |
kishi |
||
|
5.1. |
shu jumladan yangidan yaratiladigan ish oʻrinlari |
kishi |
||
|
6. |
Qurilishning davomiyligi, jami |
oy |
||
|
6.1. |
ishlar boshlanishining taxminiy sanasi |
oy, yil |
||
|
6.2. |
obyektni ishga tushirishning taxminiy sanasi |
oy, yil |
||
|
7. |
Loyihaning qoplanish muddati, jami |
yil |
||
|
8. |
Ishlab chiqaradigan mahsulotlar, xizmatlarning tabiiy koʻrinishdagi yillik hajmi |
tegishli birlikda |
||
|
8.1. |
shu jumladan eksportga |
tegishli birlikda |
||
|
9. |
Xizmatlar, mahsulotlar sotishdan tushgan tushumning yillik hajmi |
mln soʻm |
||
|
- |
shu jumladan eksportga |
ming dollar |
||
|
10. |
Mahsulotlarni sotish moʻljallanayotgan bozorlar: |
|||
|
10.1. |
ichki bozordagi ulush |
% |
||
|
10.2. |
tashqi bozordagi ulush |
% |
LexUZ sharhi1-ilova norasmiy tarjima.
Oʻzbekiston Respublikasi Prezidentining 2008-yil 24-iyuldagi PQ-927-son qaroriga
2-ILOVA
2-ILOVA
Xorijiy investitsiyalar va kreditlarni jalb etish jarayonida loyihalar tashabbuskorlari va davlat organlarining oʻzaro hamkorlik qilish
SXEMASI
Oldingi tahrirga qarang.
I. Investitsiya dasturini shakllantirish bosqichida oʻzaro hamkorlik qilish | ||
Loyiha tashabbuskorlari (vazirliklar, idoralar, xoʻjalik birlashmalari, xoʻjalik yurituvchi subyektlar, mahalliy hokimiyat organlari) | 1. Tarmoqlar va hududlar korxonalarini rivojlantirish, modernizatsiya qilish, texnik va texnologik qayta jihozlash dasturlarini ishlab chiqish. 2. Tashabbus qilinadigan investitsiya loyihalari boʻyicha investitsiya takliflari va zarur hujjatlarni oʻz vaqtida va sifatli tayyorlash. 3. Investitsiya loyihalarini Investitsiya dasturiga kiritish uchun zarur hujjatlarni Iqtisodiyot vazirligiga taqdim etish. | |
Iqtisodiyot vazirligi | 1. Investorlarning investitsiya takliflarini koʻrib chiqish va Investitsiya dasturi ishlab chiqilishini tashkillashtirish. 2. XMII va XHMTlar ishtirokida amalga oshirilishi taklif etilayotgan investitsiya loyihalari portfelini shakllantirish. 3. Davlat investitsiya qoʻmitasiga xorijiy investitsiya va kreditlarni jalb qilish boʻyicha takliflarni taqdim etish. 4. Investitsiya dasturini tasdiqlash uchun Vazirlar Mahkamasiga kiritish. | |
Oʻzbekiston Respublikasi Davlat investitsiya qoʻmitasi | 1. Xorijiy investitsiya va kreditlarni jalb qilish uchun investitsiya takliflarining yagona bazasini shakllantirish va doimiy yangilab borish. 2. Loyihalar tashabbuskorlari va davlat organlariga xorijiy investitsiyalar va kreditlarni jalb qilish va oʻzlashtirish, erishilgan kelishuvlarni rasmiylashtirish boʻyicha koʻmaklashish va faoliyatini muvofiqlashtirish. | |
Vazirlar Mahkamasining axborot-tahliliy departamentlari (ATD) | 1. Investitsiya dasturi, rivojlantirish tarmoq dasturlari, korxonalarni modernizatsiya qilish, texnik va texnologik jihatdan qayta jihozlash dasturlarining kiritiladigan loyihalarini har tomonlama tahlil qilish va ekspertizadan oʻtkazish. 2. XMII va XHMTlar bilan xorijiy investitsiya va kreditlarni jalb qilish masalalari boʻyicha hamkorlik qilish dasturlari ishlab chiqilishini muvofiqlashtirish. | |
Vazirlar Mahkamasi | Investitsiya dasturi, tarmoq va mintaqalarni rivojlantirishning oʻrta muddatli dasturlari, korxonalarni modernizatsiya qilish, texnik va texnologik jihatdan qayta jihozlash dasturlarini tasdiqlash. | |
II. Investitsiya dasturini amalga oshirish bosqichida oʻzaro hamkorlik | ||
Davlat investitsiya qoʻmitasi | 1. Salohiyatli xorijiy investorlar va kreditorlarga amalga oshirilishi taklif etilayotgan investitsiya takliflari haqidagi maʼlumotlarni yetkazish. 2. Xorijiy investorlar va kreditorlarning takliflarini umumlashtirish va tahlil qilish, ularni tashabbuskorga, Iqtisodiyot vazirligiga, Moliya vazirligiga, Tiklanish va taraqqiyot jamgʻarmasiga yuborish. 3. Qonunchilikda belgilangan holatlarda xorijiy investor bilan Hukumat nomidan investitsiya shartnomalarini tuzish. | |
Loyiha tashabbuskorlari | 1. Xorijiy investor va kreditorlar bilan erishilgan kelishuvlarni rasmiylashtirish va imzolash. 2. Loyihani amalga oshirishning tarmoq jadvalini ishlab chiqish, Iqtisodiyot vazirligi va Davlat investitsiya qoʻmitasi bilan kelishish. 3. Loyihalarni samarali va oʻz vaqtida amalga oshirishni taʼminlash, jalb qilinadigan investitsiyalar va kreditlarni maqsadli ishlatish, tashqi qarzlar boʻyicha majburiyatlarni oʻz vaqtida qaytarish. | |
Vazirlar Mahkamasi ATD | Loyihalarni amalga oshirishning tarmoq jadvallarini tasdiqlash. | |
Moliya vazirligi | Hukumatning tegishli qarorlari asosida Oʻzbekiston Respublikasi nomidan moliyaviy bitimlarni rasmiylashtirish yoki Oʻzbekiston Respublikasi kafolatlarini berish. | |
Vazirlar Mahkamasi | Investitsiya loyihalarining DTIA/DTIH va TIA/TIHlarini tasdiqlash. | |
III. Xorijiy investitsiyalar va kreditlar jalb qilingan loyihalar amalga oshirilishini nazorat qilish | ||
Iqtisodiyot vazirligi | Investitsiya dasturiga kiritilgan loyihalar amalga oshirilishi, oʻz vaqtida ishga tushirilishi, amalga oshirilgan loyihalar boʻyicha TIA koʻrsatkichlariga va ishlab chiqarish quvvatlaridan foydalanish darajasiga erishilishini monitoring qilib borish. | |
Moliya vazirligi | Oʻzbekiston Respublikasi nomidan yoki kafolati ostida jalb qilinadigan mablagʻlarni oʻzlashtirishning hisobini yuritish, Oʻzbekiston Respublikasi nomidan berilgan kafolatlar boʻyicha majburiyatlar oʻz vaqtida bajarilishini monitoring qilish. | |
Davlat investitsiya qoʻmitasi | Xorijiy investorlar va kreditorlar tomonidan qabul qilingan majburiyatlar oʻz vaqtida ijro etilishi va moliyalashtirish ochilishi, xorijiy investitsiya va kreditlar oʻzlashtirilishini monitoring qilish. | |
Vazirlar Mahkamasi | Xorijiy investitsiyalar va kreditlar jalb qilingan, Investitsiya dasturiga kiritilgan loyihalarning amalga oshirilishini har oyda Rayosat majlislarida koʻrib chiqish. | |
(2-ilova Oʻzbekiston Respublikasi Prezidentining 2025-yil 21-apreldagi PF-70-sonli Farmoni tahririda — Qonunchilik maʼlumotlari milliy bazasi, 22.04.2025-y., 06/25/70/0375-son)
LexUZ sharhi2-ilova norasmiy tarjima.
(Oʻzbekiston Respublikasi qonun hujjatlari toʻplami, 2008-y., 29-30-son, 282-modda; 2009-y., 42-son, 449-modda; 2010-y., 1-2-son, 2-modda; 2012-y., 8-9-son, 78-modda; 2012-y., 8-9-son, 78-modda; 2013-y., 36-son, 477-modda; Qonun hujjatlari maʼlumotlari milliy bazasi, 19.01.2018-y., 07/18/3482/0595-son; 03.03.2018-y., 06/18/5329/0846-son; 11.01.2019-y., 06/19/5624/2471-son; 22.04.2025-y., 06/25/70/0375-son)
