Oʻzbekiston Respublikasi Prezidentining “2006—2008-yillarda mahalliy xomashyo negizida tayyor mahsulot, butlovchi buyumlar va materiallar ishlab chiqarishni mahalliylashtirish Dasturi toʻgʻrisida” 2006-yil 22-iyundagi PQ-386-son qarorining 4-bandiga muvofiq, Dasturga shu jumladan raqobatbardosh mahsulotlar ishlab chiqarish boʻyicha yangi loyihalarni kiritish yoʻli bilan Mahalliylashtirish dasturini maqbullashtirish maqsadida Vazirlar Mahkamasi qaror qiladi:

2. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi nizomni tasdiqlash haqida” 2004-yil 13-avgustdagi 391-son qaroriga (Oʻzbekiston Respublikasi QT, 2004-y., 8-son, 82-modda) 5-ilovaga muvofiq oʻzgartirishlar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.R. Shaismatov zimmasiga yuklansin.

1. 2-banddagi “amalga oshirish masalalari boʻyicha maxsus komissiya (Oʻ. Sultonov)” soʻzlari “amalga oshirishni taʼminlash boʻyicha maxsus komissiya” soʻzlari bilan almashtirilsin.

2. Qarorga ilovada:

a) 1-band quyidagi tahrirda bayon qilinsin:

“1. Mazkur Nizom Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi (keyingi oʻrinlarda matnda Mahalliylashtirish dasturi deb yuritiladi) roʻyxatlari va parametrlariga tuzatishlar kiritish boʻyicha takliflarni tasdiqlash uchun Vazirlar Mahkamasiga kiritish tartibini belgilab beradi”;

b) 2-band quyidagi tahrirda bayon qilinsin:

“2. Mahalliylashtirish dasturiga tuzatishlar kiritish:

Mahalliylashtirish dasturiga kiritilgan loyihalarning ayrim parametrlarini oʻzgartirish;

Mahalliylashtirish dasturiga kiritilgan loyihalarni chiqarib tashlash yoki shunday maqsaddagi muqobil loyihalar bilan almashtirish;

respublika korxonalarida ishlab chiqarish-texnika va isteʼmol maqsadlaridagi materiallar va buyumlar ishlab chiqarishni oʻzlashtirish boʻyicha yangi loyihalarni kiritish boʻyicha asoslangan takliflar asosida amalga oshirilishi mumkin”;

v) 5-bandning “a” kichik bandidagi “amalga oshirish masalalari boʻyicha maxsus komissiya” soʻzlari “amalga oshirishni taʼminlash boʻyicha maxsus komissiya” soʻzlari bilan almashtirilsin.

g) 11-banddagi “Vazirlar Mahkamasining 2004-yil 14-yanvardagi 18-son qarorida nazarda tutilgan” soʻzlari chiqarib tashlansin.