Olmaliq kon-metallurgiya kombinati boshqaruvining tashkiliy tuzilmasini yanada takomillashtirish va buning asosida ishlab chiqarish samaradorligini oshirishni hamda bir qator qimmatbaho metallar va polimetall ruda konlarini kombinat balansiga oʻtkazish hisobiga uning mineral-xomashyo bazasini kengaytirishni nazarda tutgan holda rangli va qimmatbaho metallar qazib chiqarish hamda qayta ishlashni barqaror rivojlantirishni taʼminlash maqsadida:

1. Quyidagilar:

“Olmaliq kon-metallurgiya kombinati” OAJning tashkiliy tuzilmasi 1 va 1a-ilovalarga* muvofiq;

“Olmaliq kon-metallurgiya kombinati” OAJ ijro etuvchi apparatining boshqaruv xodimlari cheklangan soni 175 kishidan iborat tuzilmasi 2-ilovaga* muvofiq;

“Olmaliq kon-metallurgiya kombinati” OAJning boʻlinmalariga rahbarlik qilish sxemasi 3-ilovaga* muvofiq maʼqullansin.

“Olmaliq kon-metallurgiya kombinati” OAJ boshqaruvi raisiga Kuzatuv kengashi bilan kelishgan holda xodimlarning belgilangan shtat soni doirasida kombinat boshqaruvi tuzilmasiga oʻzgartishlar kiritish huquqi berilsin.

2. Belgilansinki, “Olmaliq kon-metallurgiya kombinati” OAJ boshqaruvi raisi — bosh direktori aksiyadorlarning umumiy yigʻilishida saylanadi hamda Oʻzbekiston Respublikasi Vazirlar Mahkamasi tomonidan Oʻzbekiston Respublikasi Prezidenti bilan kelishilgan holda lavozimga tasdiqlanadi, bosh direktorning oʻrinbosarlari esa lavozimga bosh direktor tomonidan Oʻzbekiston Respublikasi Vazirlar Mahkamasi bilan kelishilgan holda belgilangan tartibda tayinlanadi.

3. Oʻzbekiston Respublikasi Vazirlar Mahkamasining “Olmaliq kon-metallurgiya kombinatini aksionerlik jamiyatiga aylantirish toʻgʻrisida”gi 1997-yil 10-fevraldagi 71-sonli qarori 6-bandining birinchi xatboshisi oʻz kuchini yoʻqotgan deb hisoblansin.

4. Oʻzbekiston Respublikasi Adliya vazirligi bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

5. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Q.S. Sanaqulov zimmasiga yuklansin.

1. “Olmaliq kon-metallurgiya kombinati” OAJ ijro etuvchi apparati

2. Qalmoqqir ruda boshqarmasi

3. Angren ruda boshqarmasi

4. Chodak ruda boshqarmasi

5. Qauldi ruda koni

6. Uchquloch ruda koni

7. Mis boyitish fabrikasi

8. Qoʻrgʻoshin-rux boyitish fabrikasi

9. Mis eritish zavodi

10. Rux zavodi

11. Markaziy taʼmirlash-mexanika zavodi

12. Ixtisoslashgan emulsiyaviy portlovchi moddalar ishlab chiqarish korxonasi

13. Ohaktosh qazib chiqarish va qayta ishlash sexi

14. Texnikaviy nazorat xizmati

15. Yangi texnologiyalarni tatbiq etish markaziy laboratoriyasi

16. Markaziy ekspert-tahlil laboratoriyasi

17. Avtomatika va geofizika markaziy laboratoriyasi

18. Markaziy metrologiya laboratoriyasi

19. Axborot-kommunikatsiya texnologiyalari boshqarmasi

20. Avtomobil transporti boshqarmasi

21. Sanoat temiryoʻl transporti boshqarmasi

22. Moddiy-texnika taʼminoti boshqarmasi

23. Elektr tarmoqlari boshqarmasi

24. Neft mahsulotlari taʼminoti boshqarmasi

25. Issiqlik elektr markazi (TES)

26. Sanoat suv taʼminoti sexi

27. Kapital qurilish boshqarmasi

28. Loyiha ishlari boshqarmasi

29. “Olmaliqmetallurgqurilish” tresti

30. Idoraviy harbiylashtirilgan soqchilik va qoʻriqlash xizmati

31. Fuqaro muhofazasi otryadi

32. Oʻquv markazi

33. Isteʼmol tovarlari ishlab chiqarish boshqarmasi

34. Ijtimoiy-madaniy ahamiyatga ega obyektlarni saqlash boshqarmasi

35. Uy-joy taʼmirlash-ekspluatatsiya boshqarmasi