Hujjat kuchini yo‘qotgan " " 19.07.2018

Oʻzbekiston Respublikasi Vazirlar Mahkamasining

qarori

XORIJIY AVTOMOBILDA YuK TAShUVChILAR AVTOTRANSPORT VOSITALARINING OʻZBEKISTON RESPUBLIKASI HUDUDIDA HARAKATLANISh TARTIBINI TAKOMILLAShTIRISh ChORA-TADBIRLARI TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2018-yil 18-iyuldagi 553-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash haqida (Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoni, Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlarining faoliyatini tashkil etish toʻgʻrisida” 2018-yil 12-apreldagi PQ-3665-son qarori)”gi qaroriga asosan oʻz kuchini yoʻqotgan.

Xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanishini tartibga solish va nazorat qilishni kuchaytirish, eksport qilinadigan yuklarni tashish uchun ulardan oqilona va samarali foydalanish maqsadida Vazirlar Mahkamasi qaror qiladi:

1. Oʻzbekiston Respublikasi Davlat bojxona qoʻmitasining xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlarini oʻzgartirish tizimini joriy etish toʻgʻrisidagi taklifi qabul qilinsin.

2. Belgilab qoʻyilsinki, xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlaridagi oʻzgartirishlar qatʼiy ravishda Oʻzbekiston Respublikasi Davlat bojxona qoʻmitasining hududiy boshqarmasi tomonidan beriladigan ruxsatnomalarga muvofiq amalga oshiriladi.

3. Xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlarini oʻzgartirishga ruxsatnoma berish tartibi toʻgʻrisidagi nizom ilovaga muvofiq tasdiqlansin.

4. Oʻzbekiston Respublikasi Tashqi ishlar vazirligi diplomatik kanallar orqali xorijiy davlatlarning manfaatdor elchixonalari, konsulliklari va vakolatxonalarini xorijiy avtomobilda yuk tashuvchilar avtotransport vositalarining harakatlanish tartibini takomillashtirish yuzasidan ushbu qarorda nazarda tutilgan chora-tadbirlar toʻgʻrisida xabardor qilsin.

5. Oʻzbekiston Respublikasi Ichki ishlar vazirligi, Davlat bojxona qoʻmitasi xorijiy avtomobilda yuk tashuvchilar tomonidan respublika hududida belgilangan harakatlanish yoʻnalishlariga qatʼiy rioya qilinishini taʼminlasinlar.

6. Oʻzbekiston Respublikasi Davlat bojxona qoʻmitasi, Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiquvchi oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 28-noyabr,

245-son

Vazirlar Mahkamasining 2006-yil 28-noyabrdagi 245-son qaroriga
ILOVA

Xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlarini oʻzgartirishga ruxsatnoma berish tartibi toʻgʻrisida

NIZOM

1. Mazkur Nizom Oʻzbekiston Respublikasi hududidan xorijiy avtomobilda yuk tashuvchilarning avtotransport vositalarida tovarlar olib chiqishni tartibga solish maqsadida ishlab chiqilgan hamda xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlarini oʻzgartirishga 1-ilovaga muvofiq ruxsatnoma berish tartibini belgilaydi.

Mazkur Nizomning amal qilishi Oʻzbekiston Respublikasining avtomobilda yuk tashuvchilariga nisbatan ushbu Nizomga oʻxshash ruxsat berish tartibotini qoʻllamayotgan davlatlar xorijiy avtomobilda yuk tashuvchilarning avtotransport vositalariga tatbiq etilmaydi.

(1-bandning ikkinchi, uchinchi va toʻrtinchi xatboshilari Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori asosida ikkinchi xatboshi bilan almashtirilgan — OʻR QHT, 2007-y., 40-son, 416-modda)

2. Oʻzbekiston Respublikasi rezidenti — transport-ekspeditorlik tashkilotlari yoki transport tashkilotlari (keyingi oʻrinlarda “ariza beruvchi” deb ataladi) xorijiy davlatning transport-ekspeditorlik tashkiloti bilan unga tegishli avtotransport vositalaridan foydalanish yuzasidan shartnoma tuzadi.

Ariza beruvchi yuk joʻnatuvchi — eksport qiluvchi bilan eksport qilinadigan mahsulotni Oʻzbekiston Respublikasi hududidan olib chiqish uchun xorijiy avtomobilda yuk tashuvchilardan foydalanilishi toʻgʻrisida shartnoma tuzadi.

Ariza beruvchi eksport qilinadigan mahsulotni olib chiqish uchun xorijiy avtomobilda yuk tashuvchining harakatlanish yoʻnalishini oʻzgartirgan holda xorijiy avtomobilda yuk tashuvchilardan foydalanishni moʻljallayotganligi toʻgʻrisida Oʻzbekiston Respublikasi Davlat bojxona qoʻmitasiga yozma ravishda murojaat qiladi.

Murojaatga quyidagi hujjatlarning nusxalari ilova qilinadi:

ariza beruvchining xorijiy avtomobilda yuk tashuvchilardan foydalanilishi toʻgʻrisida shartnomasi;

ariza beruvchining davlat roʻyxatidan oʻtkazilganligi toʻgʻrisida guvohnoma.

3. Davlat bojxona qoʻmitasi Oʻzbekiston Respublikasi Davlat bojxona qoʻmitasining hududiy boshqarmasini ariza beruvchining eksport qilinadigan mahsulotni olib chiqish uchun Oʻzbekiston Respublikasi hududida harakatlanish yoʻnalishini oʻzgartirgan holda xorijiy avtomobilda yuk tashuvchilardan foydalanishni moʻljallayotganligi hamda ariza beruvchi muayyan xorijiy avtomobilda yuk tashuvchining harakatlanish yoʻnalishini oʻzgartirish toʻgʻrisida murojaat qilgan taqdirda bir martalik ruxsatnoma berish haqida xabardor qiladi.

Oldingi tahrirga qarang.

4. Xorijiy avtomobilda yuk tashuvchi Oʻzbekiston Respublikasiga import yuk bilan kirishda bojxona organiga murojaat qiladi, ushbu organ tovar-yoʻl hujjatlariga muvofiq uning Oʻzbekiston Respublikasidagi borish joyigacha boʻlgan harakatlanish yoʻnalishini belgilaydi.

(4-band Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

5. Xorijiy avtomobilda yuk tashuvchi:

avtotransport vositasi Oʻzbekiston Respublikasi hududiga import yuk bilan kirgan taqdirda — borish joyiga yetib kelgandan va import yuk tushirilgandan keyin;

xorijiy avtomobilda yuk tashuvchining transport vositasi tranzit orqali boʻsh kelayotgan taqdirda — Oʻzbekiston Respublikasi hududiga kirish bojxona maskaniga yetib kelguncha ariza beruvchini eksport qilinadigan mahsulotni Oʻzbekiston Respublikasi hududidan olib chiqishga tayyorligi toʻgʻrisida xabardor qiladi.

(5-band Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

6. Xorijiy avtomobilda yuk tashuvchining harakatlanish yoʻnalishini oʻzgartirish Davlat bojxona qoʻmitasi hududiy boshqarmasining mazkur Nizomga 2-ilovaga muvofiq shakldagi ruxsatnomasiga asosan amalga oshiriladi.

7. Harakatlanish yoʻnalishini oʻzgartirish uchun ariza beruvchi Davlat bojxona qoʻmitasining hududiy boshqarmasiga yozma ravishda murojaat qiladi. Yozma murojaatnomada quyidagi maʼlumotlar koʻrsatiladi:

ariza beruvchining amalda joylashgan joyi (pochta manzili) va bank rekvizitlari;

xorijiy avtomobilda yuk tashuvchi haydovchisining familiyasi, ismi va pasportiga oid maʼlumotlar, kirish vizasining amal qilish muddati;

avtotransport vositasining rusumi va uning davlat roʻyxatidan oʻtkazish raqami;

xorijiy avtomobilda yuk tashuvchining rejalashtirilayotgan harakatlanish yoʻnalishi;

yukni joʻnatuvchining nomi va manzili;

olib chiqiladigan tovarning nomi va miqdori (hajmi);

tovarni olib chiqish moʻljallanayotgan muddat;

ruxsatnoma olish vakolati berilgan shaxs (ariza beruvchining vakili yoki haydovchi).

8. Ariza beruvchining murojaatnomasi Davlat bojxona qoʻmitasining hududiy boshqarmasi tomonidan, murojaatnoma berilgan kundan boshlab uch ish kuni mobaynida koʻrib chiqiladi.

9. Faqat quyidagi hollarda ariza beruvchiga harakatlanish yoʻnalishini oʻzgartirishga ruxsatnoma berish rad etilishi mumkin:

a) yozma murojaatnomada mazkur Nizomning 2 va 7-bandlariga muvofiq maʼlumotlar koʻrsatilmagan va hujjatlar taqdim etilmagan boʻlsa;

Oldingi tahrirga qarang.

b) murojaatnomada koʻrsatilgan xorijiy avtomobilda yuk tashuvchilar avtotransport vositalari tomonidan bojxonaga oid qonun hujjatlari va harakatlanish yoʻnalishlari takroran buzilgan boʻlsa;

(9-bandning “b” kichik bandi Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

v) xorijiy avtotransport vositasi haydovchisi kirish vizasining amal qilish muddati tovarni olib chiqish rejalashtirilayotgan muddatga muvofiq boʻlmasa.

10. Davlat bojxona qoʻmitasining hududiy boshqarmasi ariza beruvchini qabul qilingan qaror toʻgʻrisida bir ish kuni mobaynida yozma ravishda xabardor qiladi.

Ijobiy qaror qabul qilingan taqdirda Davlat bojxona qoʻmitasining hududiy boshqarmasi ariza beruvchining vakolatli shaxsiga belgilangan shakl boʻyicha ruxsatnoma beradi.

Harakatlanish yoʻnalishini oʻzgartirishga ruxsatnoma berish rad etilgan taqdirda bildirishnomada ham rad etishning sabablari koʻrsatilishi shart.

11. Harakatlanish yoʻnalishini oʻzgartirishga ruxsatnoma berish ushbu Nizomning 9-bandi “a” va “v” kichik bandlariga muvofiq rad etilgan taqdirda ariza beruvchi 15 kun mobaynida, rad etish sabablarini bartaraf etgan holda, Davlat bojxona qoʻmitasining hududiy boshqarmasiga harakatlanish yoʻnalishini oʻzgartirishga ruxsatnoma olish uchun yozma ravishda takroran murojaat qilish huquqiga ega.

Yoʻnalishni oʻzgartirish uchun ruxsatnoma berish toʻgʻrisidagi arizani qayta koʻrib chiqishda ilgari ushbu ruxsatnomani berishni rad etish toʻgʻrisidagi qarorda koʻrsatilmagan yangi asoslar boʻyicha yoʻnalishni oʻzgartirish uchun ruxsatnoma berishni rad etishga yoʻl qoʻyilmaydi;

(11-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan ikkinchi xatboshi bilan toʻldirilgan — OʻR QHT, 2012-y., 44-son, 507-modda)

Harakatlanish yoʻnalishini oʻzgartirishga ruxsatnoma berish rad etilgani toʻgʻrisidagi bildirishnoma olingandan keyin belgilangan muddat oʻtgandan soʻng berilgan yozma murojaatnoma yangidan berilgan hisoblanadi.

12. Ariza beruvchi yoxud uning vakolatli shaxsi harakatlanish yoʻnalishini oʻzgartirishga olingan ruxsatnomani:

avtotransport vositasi Oʻzbekiston Respublikasi hududiga import yuk bilan kirgan taqdirda — import tovarlarning tushirilishini nazorat qilgan bojxona maskaniga;

xorijiy avtomobilda yuk tashuvchining transport vositasi tranzit orqali boʻsh kelayotgan taqdirda — Oʻzbekiston Respublikasi hududiga kirish bojxona maskaniga taqdim etadi.

(12-band Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

13. Taqdim etilgan ruxsatnoma asosida harakatlanish yoʻnalishini oʻzgartirish:

avtotransport vositasi Oʻzbekiston Respublikasi hududiga import yuk bilan kirgan taqdirda — import tovarlarning tushirilishini nazorat qilgan bojxona maskani vakolatli xodimi;

xorijiy avtomobilda yuk tashuvchining transport vositasi tranzit orqali boʻsh kelayotgan taqdirda — Oʻzbekiston Respublikasi hududiga kirish bojxona maskani vakolatli xodimi tomonidan ruxsatnomaning tartib raqamini va berilgan sanasini koʻrsatgan holda rasmiylashtiriladi.

(13-band Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

14. Oʻzgartirish boriladigan joy harakatlanish yoʻnalishi varaqasining oʻng tomondagi pastki burchagida olib chiqiladigan tovarning yuklangan joyi va sanasini hamda xorijiy avtomobilda yuk tashuvchi tovarni olib chiqadigan, bojxona maskani vakolatli xodimining imzosi va tartib raqamli shaxsiy muhri bilan tasdiqlangan yangi harakatlanish yoʻnalishini koʻrsatish yoʻli bilan amalga oshiriladi.

15. Harakatlanish yoʻnalishini oʻzgartirishga ruxsatnoma oʻzgartirilgan harakatlanish yoʻnalishi varaqasi bilan birga xorijiy avtomobilda yuk tashuvchiga qaytariladi.

16. Harakatlanish yoʻnalishi oʻzgartirilgandan keyin ruxsatnomaning toʻldirilgan yirtma koreshogi bojxona maskani tomonidan ruxsatnomani bergan Davlat bojxona qoʻmitasining hududiy boshqarmasiga hisobga olish va nazorat qilish uchun joʻnatiladi.

17. Xorijiy avtomobilda yuk tashuvchi Oʻzbekiston Respublikasi tashqarisiga chiqib ketayotganda harakatlanish yoʻnalishini oʻzgartirishga ruxsatnoma xorijiy avtomobilda yuk tashuvchi tomonidan chiqib ketish joyidagi bojxona maskaniga topshiriladi.

18. Harakatlanish yoʻnalishini oʻzgartirishga ruxsatnoma hisobga olish va nazorat qilish uchun tegishli bojxona maskanining hujjatlar yigʻmajildida qoladi.

Oldingi tahrirga qarang.

(19-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan oʻz kuchini yoʻqotgan — OʻR QHT, 2012-y., 44-son, 507-modda)

Oldingi tahrirga qarang.

(20-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan oʻz kuchini yoʻqotgan — OʻR QHT, 2012-y., 44-son, 507-modda)

Xorijiy avtomobilda yuk tashuvchilar avtotransport vositalarining Oʻzbekiston Respublikasi hududida harakatlanish yoʻnalishlarini oʻzgartirishga ruxsatnoma berish tartibi toʻgʻrisidagi nizomga
1-ILOVA

Xorijiy avtomobilda yuk tashuvchilar avtotransport vositalarining harakatlanish yoʻnalishini oʻzgartirish masalasi boʻyicha transport-ekspeditorlik va transport tashkilotlari hamda Oʻzbekiston Respublikasi bojxona organlarining oʻzaro hamkorligi

sxemasi

(1-ilova Oʻzbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — OʻR QHT, 2007-y., 40-son, 416-modda)

Oldingi tahrirga qarang.

(3-ilova Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan oʻz kuchini yoʻqotgan — OʻR QHT, 2012-y., 44-son, 507-modda)

(Oʻzbekiston Respublikasi qonun hujjatlari toʻplami, 2006-y., 48–50-son, 482-modda; 2007-y., 40-son, 416-modda; 2012-y., 44-son, 507-modda)