|
Hujjat kuchini yo‘qotgan " " 20.06.1998
|
O‘zbekiston Respublikasi Prezidenti
huzuridagi Vazirlar Mahkamasining
huzuridagi Vazirlar Mahkamasining
qarori
DINIY TAShKILOTLAR USTAVLARINI RO‘YXATGA OLISh
HAQIDAGI ARIZALARNI KO‘RIB ChIQISh QOIDALARINI,
RO‘YXATGA OLINGANLIK UChUN YIG‘IMLARNI OLISh TARTIBINI
VA ULARNING MIqDORLARINI TASDIQLASh TO‘G‘RISIDA
HAQIDAGI ARIZALARNI KO‘RIB ChIQISh QOIDALARINI,
RO‘YXATGA OLINGANLIK UChUN YIG‘IMLARNI OLISh TARTIBINI
VA ULARNING MIqDORLARINI TASDIQLASh TO‘G‘RISIDA
LexUZ sharhiMazkur qaror O‘zbekiston Respublikasi Vazirlar Mahkamasining 1998-yil 20-iyundagi 263-sonli “O‘zbekiston Respublikasida diniy tashkilotlarni davlat ro‘yxatidan o‘tkazish tartibi to‘g‘risida”gi qaroriga muvofiq o‘z kuchini yo‘qotgan.
O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonunining kuchga kiritilishi munosabati bilan Vazirlar Mahkamasi qaror qiladi:
1. Diniy tashkilotlarning ustavlari (nizomlari)ni ro‘yxatga olish to‘g‘risidagi arizalarni ko‘rib chiqishning ilova qilinayotgan Qoidalari tasdiqlansin.
O‘zbekiston Respublikasi Adliya vazirligiga ushbu Qoidalarning qo‘llanish tartibi to‘g‘risida tushuntirish berishga ruxsat etilsin.
2. Belgilab qo‘yilsinki, O‘zbekiston Respublikasi Adliya vazirligi organlarida diniy tashkilotlar ustavlari (nizomlari)ning ro‘yxatga olinganligi uchun quyidagi miqdorlarda yig‘imlar olinadi:
faoliyati O‘zbekistonning butun hududiga yoxud respublikaning — ikki yoki undan ko‘p viloyatlari hududiga taalluqli bo‘lgan diniy tashkilotlar — eng kam ish haqining yigirma baravari miqdorida;
faoliyati bir viloyat, ikki yoki undan ko‘p nohiyalar, shaharlar hududiga taalluqli bo‘lgan diniy tashkilotlar — eng kam ish haqining o‘n baravari miqdorida;
faoliyati bir nohiya, shahar, ikki yoki undan ko‘p qishloq va posyolkalar hududiga taalluqli bo‘lgan diniy tashkilotlar — eng kam ish haqining besh baravari miqdorida;
faoliyati bir qishloq, posyolka hududiga taalluqli bo‘lgan diniy tashkilotlar — eng kam ish haqining ikki baravari miqdorida.
(2-band O‘zbekiston Respublikasi Vazirlar Mahkamasining 1994-yil 12-dekabrdagi 596-sonli qarori tahririda)
3. Diniy tashkilotlar ustavlari (nizomlari)ning ro‘yxatga olinganligi to‘g‘risidagi guvohnoma dublikati berilganligi uchun belgilangan yig‘im miqdorining 10 foizi miqdorida yig‘im olinadi.
4. Diniy tashkilotlar ustavlari (nizomlari)ga o‘zgartishlar va qo‘shimchalar kiritilganligi uchun ro‘yxatga olish yig‘imlarini olish ustavlarni ro‘yxatga olishda to‘langan yig‘im summasining 50 foizi miqdorida amalga oshiriladi.
5. Diniy tashkilotlarning ustavlari (nizomlari)ni ro‘yxatga olganlik va ularga keyinchalik o‘zgartish va qo‘shimchalar kiritganlik uchun ushbu qarorga muvofiq olinadigan summa ro‘yxatga olgan joyning tegishli budjetiga o‘tkaziladi, bu summaning 20 foizi O‘zbekiston Respublikasi Adliya vazirligi organlari hisobiga yoziladi.
Vazirlar Mahkamasining Raisi I. KARIMOV
Toshkent sh.,
1991-yil 18-dekabr,
313-son
Diniy tashkilotlar ustavlari (nizomlari)ni ro‘yxatga
olish to‘g‘risidagi arizalarni qo‘rib chiqish
olish to‘g‘risidagi arizalarni qo‘rib chiqish
QOIDALARI
1. Diniy tashkilotlar (amaldagi qonunchilik asosida yangi tashkil bo‘lganlari ham, ilgari tashkil etilganlari ham) ularning ustavlari ro‘yxatga olingandan keyin qonuniy yuridik shaxs huquqiga ega bo‘ladilar.
O‘zbekiston Respublikasi Adliya vazirligi faoliyati O‘zbekiston hududiga yoxud respublikaning ikki yoki undan ko‘p viloyatlari hududiga taalluqli bo‘lgan diniy tashkilotlarning ustav (nizom)larini ro‘yxatga oladi.
Faoliyati bir viloyat, bir yoki ikki va undan ko‘p nohiyalar, shaharlar, qishloqlar, posyolkalar hududiga taalluqli bo‘lgan diniy tashkilotlarning ustav (nizom)lari xalq deputatlari viloyat, Toshkent shahar Kengashlari ijroiya qo‘mitalarining adliya boshqarmalari tomonidan ro‘yxatga olinadi.
2. Diniy tashkilotning ustavi (nizomi)ni ro‘yxatga olish uchun uni o‘z tashabbusi yoki boshqa diniy tashkilotlar tashabbusi bilan tuzgan, kamida 10 kishidan iborat balog‘at yoshiga yetgan fuqarolar tegishli adliya organiga ariza topshiradilar (1-forma).
Arizaga quyidagilar ilova qilinadi:
diniy tashkilotning ustavi (nizomi) va ta’sis yig‘ilishi (konferensiya, syezd) bayonining ikkita nusxasi;
diniy tashkilotni tuzish tashabbuskorlari to‘g‘risidagi ma’lumotlar; fuqarolarga nisbatan ularning familiyasi, ismi, otasining ismi, tug‘ilgan kuni, oyi, yili, istiqomat joyi; diniy tashkilot uchun — uning nomi va manzilgohi ko‘rsatiladi. Adliya organlari diniy tashkilotni tuzish tashabbuskorlari to‘g‘risidagi ma’lumotning to‘g‘riligini tekshirish huquqiga egadirlar;
pul to‘lovchining kredit muassasasiga pul o‘tkazganligi to‘g‘risidagi bank tomonidan belgi qo‘yilgan to‘lov qog‘ozi yoki bankning ro‘yxatga olish yig‘imi uchun pul qabul qilib olinganligini tasdiqlovchi boshqa hujjati.
3. O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonuni kuchga kirgunga qadar tashkil topgan diniy tashkilotlarning ustavlari (nizomlari)ni ro‘yxatga olish uchun diniy tashkilotni tuzish tashabbuskorlari to‘g‘risidagi ma’lumotdan tashqari, ushbu Qoidalarning 2-bandida ko‘rsatilgan hujjatlar taqdim qilinadi.
4. Diniy tashkilotning ustavi (nizomi)da quyidagilar ko‘rsatilgan bo‘lishi lozim:
diniy tashkilotning nomi, joylashgan o‘rni va faoliyat ko‘rsatadigan hududi;
ushbu diniy tashkilotning maqsadi, vazifalari va faoliyatining asosiy shakllari;
diniy tashkilotni tuzish tartibi, tuzilishi va boshqaruvi;
mintaqaviy yoki markazlashgan diniy boshqarmaga mansubligi haqidagi ma’lumot;
mablag‘ning shakllanish manbalari, ham diniy tashkilot ichidagi, ham uning ustavi (nizomi)da o‘zaro aloqalar bog‘lash nazarda tutilgan boshqa tashkilotlar bilan mulkiy munosabatlari;
ustav (nizom)ga o‘zgartishlar va qo‘shimchalar kiritish tartibi.
5. Barcha zarur hujjatlar taqdim qilinganda adliya organi bir oy muddat ichida diniy tashkilotni ro‘yxatga olish yoki ro‘yxatga olishni rad etish haqidagi masalani hal etishga majbur.
Ro‘yxatga olinayotgan diniy tashkilotning mansubligi haqida mintaqaviy yoki markazlashgan diniy boshqarmaning yozma tasdig‘i bo‘lmagan taqdirda adliya organi tegishli idora yoki jamiyatga xulosa uchun murojaat qiladi. Bunday hollarda ro‘yxatga olish muddati uch oygacha uzaytirilishi mumkin.
6. Diniy tashkilotni ro‘yxatga olish to‘g‘risidagi ariza mutaxassis tomonidan ko‘rib chiqiladi va u xulosa tayyorlaydi. Ro‘yxatga olish to‘g‘risidagi ariza adliya kollegial organi tomonidan ko‘rib chiqiladi.
7. Ariza ko‘rib chiqilgach, uning natijalari bo‘yicha quyidagi qarorlardan biri qabul qilinadi:
ustav (nizom)ni ro‘yxatga olish to‘g‘risida;
ustav (nizom)ni ro‘yxatga olishni rad etish haqida;
arizani ko‘rib chiqmay qoldirish to‘g‘risida.
Ustav (nizom)ni ro‘yxatga olish to‘g‘risida qaror qabul qilmagan taqdirda diniy tashkilotning ustavi (nizomi) ro‘yxatga olinganligi haqida guvohnomada beriladi (2-forma).
Diniy tashkilotning ustavi (nizomi) ro‘yxatga olinganligi haqidagi guvohnoma adliya organining rahbari tomonidan imzolanib va muhr bilan tasdiqlanib, diniy tashkilotning javobgar vakiliga tilxat orqali beriladi.
Ustav (nizom)ni ro‘yxatga olishini rad etish haqida qaror qabul qilingan taqdirda bu haqda rad etishga asos bo‘lgan sabablar ko‘rsatilib, arizachiga yozma ravishda xabar qilinadi. Bu qaror yuzasidan fuqarolik sudlov ishlari tartibida sudga shikoyat qilinishi mumkin.
Diniy tashkilotni ro‘yxatga olish yoxud ro‘yxatga olishni rad etish to‘g‘risida qaror qabul qilingan taqdirda taqdim etilgan hujjatlarning bir nusxasi adliya organida qoladi.
Agar ustavni ro‘yxatga olish to‘g‘risidagi ariza qonun va ushbu qoidalar bilan belgilangan talablar buzilgan holda berilgan bo‘lsa, adliya organi arizani ko‘rib chiqmay qoldiradi va arizachiga belgilangan muddatda mavjud kamchiliklarni bartaraf qilishni taklif etadi (bu davrda ustavni ro‘yxatga olish uchun belgilangan bir oylik muddatning o‘tishi to‘xtatiladi).
Adliya organi tomonidan ko‘rsatilgan kamchiliklar belgilangan muddat ichida bartaraf qilinmasa, ariza unga ilova qilingan hujjatlar bilan birgalikda arizachiga qaytariladi. Bu arizachining adliya organiga ushbu masala yuzasidan zarur talablarga rioya qilgan holda qayta murojaat qilishiga to‘sqinlik qilmaydi.
8. Ustav (nizom)ga kiritilgan o‘zgartish va qo‘shimchalar O‘zbekiston Respublikasi Adliya vazirligi yoki uning joylardagi organlari tomonidan diniy tashkilotlarning ustavlari (nizomlari)ni ro‘yxatga olish uchun qonun bilan belgilangan tartibda va muddatlarda ko‘rib chiqiladi.
9. Ustav (nizom)ning ro‘yxatga olinganligi haqidagi ma’lumot ro‘yxatga olishni amalga oshirgan adliya organining ro‘yxatiga kiritiladi.
Belgilangan namuna bo‘yicha to‘lg‘azilgan ro‘yxatga olish varaqasi ikki nusxada Qoraqalpog‘iston Respublikasi Adliya vazirligi, viloyatlar ijroqo‘mlari va Toshkent shahar ijroqo‘mining adliya boshqarmalari tomonidan bir hafta muddat ichida Adliya vazirligining diniy tashkilotlar haqidagi ma’lumotlar bankiga kiritish uchun O‘zbekiston Respublikasi Adliya vazirligiga yuboriladi.
Diniy tashkilotning faoliyati uni tuzgan umumiy yig‘ilish, syezd, konferensiya qaroriga yoxud ustavni ro‘yxatga oluvchi organning qaroriga binoan tugatilganda, ushbu organ bu haqda diniy tashkilotlar haqidagi ma’lumotlar bankiga o‘zgartish kiritish uchun O‘zbekiston Respublikasi Adliya vazirligiga xabar beradi.
-
1-forma
ARIZA
______________________________________________________________________________
(diniy tashkilotlarni tuzuvchi fuqarolar yoki tashkilot rahbarlarining______________________________________________________________________________
familiyasi, nomi, otasining ismi, tegishli ma’lumotlar ko‘rsatiladi),______________________________________________________________________________
(diniy tashkilotning nomi)______________________________________________________________________________
Ustavi (nizomi)ni ro‘yxatga olishga taqdim etadi.Ustav ______________________________________________________________________da
(Ustav qabul qilingan yil, oy, kun)______________________________________________________tomonidan qabul qilingan
(ustav (nizom) ni qabul qilgan tashkilotning nomi)
Diniy tashkilotning turi, uning qaysi diniy e’tiqodga mansubligi______________________________________________________________________________
______________________________________________________________________________
Diniy tashkilotning ustavini ro‘yxatga olish haqida muzokaralar olib borishga vakil qilingan shaxslarning familiyasi, ismi, manzilgohi, telefoni __________________________________ ______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________Diniy tashkilotning manzilgohi ___________________________________________________
______________________________________________________________________________
______________________________________________________________________________Arizachilarning familiyasi: Imzolar: Sana:
|
2-forma | |
|
O‘ZBEKISTON RESPUBLIKASI ADLIYA VAZIRLIGI | |
|
Diniy tashkilot Ustavining ro‘yxatga olinganligi haqida | |
|
GUVOHNOMA | |
|
199__yil “_____” __________________ | |
|
№______________ | |
| Tashkilotning nomi _____________________________________________________________ | |
| ______________________________________________________________________________ | |
| Turi, diniy e’tiqodga mansubligi _________________________________________________ ______________________________________________________________________________ | |
|
Boshqaruv organi _______________________________________________________________ | |
|
____________________________________________________________________________________________________________________________________________________________ | |
|
|
|
Muhr o‘rni |
|
(O‘zbekiston Respublikasi Hukumati qarorlari to‘plami, 1991-y., 12-son, 40-modda)
