Oʻzbekiston Respublikasi Prezidentining

Oʻzbekiston Respublikasining Tiklanish va taraqqiyot jamgʻarmasini tashkil etish toʻgʻrisida

Iqtisodiyotning yetakchi, eng avvalo bazaviy tarmoqlarini modernizatsiyalash va texnikaviy qayta qurollantirish loyihalari amalga oshirilishini taʼminlash, mamlakatni muttasil, barqaror va mutanosib ravishda ijtimoiy-iqtisodiy rivojlantirishga erishish, shuningdek, samarali tarkibiy va investitsiyaviy siyosatni amalga oshirish maqsadida:

1. Oʻzbekiston Respublikasi Moliya vazirligi, Iqtisodiyot vazirligi hamda Markaziy bankining ustav sarmoyasi 1,0 mlrd. AQSh dollari miqdorida boʻlgan Oʻzbekiston Tiklanish va taraqqiyot jamgʻarmasini (keyingi oʻrinlarda — Jamgʻarma deb yuritiladi) tashkil etish toʻgʻrisidagi taklifi qabul qilinsin.

2. Quyidagilar belgilansin:

Jamgʻarma Oʻzbekiston Respublikasi Vazirlar Mahkamasi huzurida tashkil etiladi va yuridik shaxs huquqlariga ega boʻladi;

Oldingi tahrirga qarang.

Oʻzbekiston Respublikasi Hukumati Oʻzbekiston Respublikasi Moliya vazirligi orqali Jamgʻarmaning muassisi hisoblanadi;

(2-bandning uchinchi xatboshisi Oʻzbekiston Respublikasi Prezidentining 2012-yil 9-martdagi PF-4430-sonli Farmoni tahririda — OʻR QHT, 2012-y., 11-son, 113-modda)

Oldingi tahrirga qarang.

kreditlar berish va Jamgʻarma kredit liniyalarini ochish, shuningdek” Jamgʻarma kreditlari tarkibini oʻzgartirish faqat Oʻzbekiston Respublikasi Prezidentining qarorlari asosida amalga oshiriladi.

(2-band Oʻzbekiston Respublikasi Prezidentining 2017-yil 14-dekabrdagi PF-5284-sonli Farmoniga asosan xatboshi bilan toʻldirilgan)

3. Vazirlar Mahkamasi bir oy muddatda Jamgʻarma toʻgʻrisidagi nizomni ishlab chiqsin va tasdiqlasin, bunda Jamgʻarma quyidagilarni amalga oshirishi zarurligi nazarda tutilsin:

Oldingi tahrirga qarang.

davlatning Jamgʻarmaga yoʻnaltiriladigan moliyaviy mablagʻlarini jamlash;

(3-bandning ikkinchi xatboshisi Oʻzbekiston Respublikasi Prezidentining 2012-yil 9-martdagi PF-4430-sonli Farmoni tahririda — OʻR QHT, 2012-y., 11-son, 113-modda)

iqtisodiyotni rivojlantirish, ishlab chiqarishni tarkibiy jihatdan oʻzgartirish va modernizatsiya qilish borasida ustuvor vazifalarni amalga oshirish uchun hal qiluvchi ahamiyatga ega boʻlgan gʻoyat muhim loyihalarni moliyalashtirish;

strategik muhim ahamiyatga ega boʻlgan korxonalar, avvalo iqtisodiyotning bazaviy tarmoqlari korxonalarini yangilash va texnik jihatdan qayta qurollantirish dasturlarini kreditlash;

yoqilgʻi-energetika kompleksi, kimyo sanoati, mashinasozlik va rangli metallurgiya tarmoqlarini texnikaviy qayta qurollantirishga hamda ishlab chiqarish surʼatlari va hajmlarini oshirishga yoʻnaltirilgan loyihalar moliyalashtirilishini taʼminlash;

birinchi navbatda istiqbolli, ammo yetarlicha rivojlanmagan mintaqalarda ishlab chiqarish va noishlab chiqarish infratuzilmasini shakllantirish boʻyicha ijtimoiy jihatdan ahamiyatli milliy davlat dasturlari va loyihalari amalga oshirilishini moliyalashtirish;

respublikaning xalqaro kommunikatsiyalar tarmogʻiga integratsiyalashuvi uchun shart-sharoitlar yaratadigan, xalqaro transport yoʻlaklari va jahon bozorlariga eng qisqa yoʻl bilan chiqishini taʼminlaydigan transport hamda telekommunikatsiyalar infratuzilmasini modernizatsiyalash va rivojlantirishni moliyalashtirish;

xalqaro moliya institutlari, respublika va xorijiy mamlakatlarning kredit muassasalari bilan loyihalarning qoʻshma moliyalashtirilishini tashkil etishni taʼminlash.

Oldingi tahrirga qarang.

(4-band Oʻzbekiston Respublikasi Prezidentining 2012-yil 9-martdagi PF-4430-sonli Farmoniga asosan oʻz kuchini yoʻqotgan — OʻR QHT, 2012-y., 11-son, 113-modda)

Oldingi tahrirga qarang.

5. Quyidagilar Jamgʻarmani shakllantirishning asosiy manbalari etib belgilansin:

Oʻzbekiston Respublikasining asosiy makroiqtisodiy koʻrsatkichlari prognozi va Davlat budjeti parametrlarini tasdiqlash vaqtida Oʻzbekiston Respublikasi Prezidentining qarorlari bilan strategik resurslarga belgilanadigan chegara narxdan jahon narxining oshishi natijasida tushadigan mablagʻlar;

Hukumatning xorijiy valyutadagi aktivlarining bir qismi;

davlat mulkini xorijiy investorlarga chet el valyutasiga sotishda Oʻzbekiston Respublikasining Davlat budjeti daromadlarini shakllantirish chogʻida hisobga olingan hajmlardan ortiqcha tushadigan mablagʻlar;

Oʻzbekiston Respublikasi Tiklanish va taraqqiyot jamgʻarmasining aktivlarini boshqarishdan, shu jumladan Oʻzbekiston Respublikasi Tiklanish va taraqqiyot jamgʻarmasining boʻsh qoldiq mablagʻlarini joylashtirishdan keladigan daromadlar;

qonun hujjatlariga muvofiq boshqa manbalar.

(5-band Oʻzbekiston Respublikasi Prezidentining 2014-yil 8-iyuldagi PF-4631-sonli Farmoni tahririda — OʻR QHT, 2014-y., 29-son, 356-modda)

6. Oʻzbekiston Respublikasi Vazirlar Mahkamasi 2006—2009-yillar mobaynida Jamgʻarmaning Oʻzbekiston Respublikasi Markaziy bankidagi hisobvaragʻida Jamgʻarma aktivlarini 1,0 mlrd. AQSh dollari miqdorida shakllantirishni taʼminlasin.

7. Belgilansinki, Jamgʻarmani boshqarish boʻyicha Kengash Jamgʻarmaning yuqori boshqaruv organi hisoblanadi.

Jamgʻarmani boshqarish boʻyicha Kengash tarkibi 2-ilovaga * muvofiq tasdiqlansin.

* 2-ilova berilmaydi.

Quyidagilar Jamgʻarmani boshqarish boʻyicha Kengashning asosiy vazifalari va funksiyalari etib belgilansin:

Jamgʻarma faoliyatining asosiy yoʻnalishlarini ishlab chiqish;

Oldingi tahrirga qarang.

Jamgʻarmaga mablagʻlar kelib tushishi va ulardan foydalanish prognozlarini koʻrib chiqish hamda ularni navbatdagi yilga moʻljallangan makroiqtisodiy va pul-kredit koʻrsatkichlari, Davlat budjeti hamda rivojlanish davlat dasturlarining asosiy parametrlari bilan bogʻliq holda belgilangan tartibda tasdiqlash uchun kiritish;

(7-bandning beshinchi xatboshisi Oʻzbekiston Respublikasi Prezidentining 2018-yil 6-martdagi PF-5370-sonli Farmoni tahririda — Qonun hujjatlari maʼlumotlari milliy bazasi, 29.06.2020-y., 06/20/5370/0975-son)

qarz olgan korxonalarni qayta moliyalashtirish (qoʻshma moliyalashtirish) uchun tijorat banklariga Jamgʻarma mablagʻlarini berish muddatlari va shartlari boʻyicha qarorlar qabul qilish, xalqaro sarmoya bozorlarida amal qilayotgan foiz stavkalaridan kelib chiqib Jamgʻarma tomonidan berilayotgan mablagʻlar boʻyicha foiz stavkalarining aniq miqdorlarini tasdiqlash;

Jamgʻarma mablagʻlaridan maqsadli va samarali foydalanish, tijorat banklariga moliyalashtirishni toʻliq va oʻz vaqtida ochish hamda tijorat banklariga berilgan mablagʻlarning qaytarilishini taʼminlash ustidan nazoratni amalga oshirish;

Jamgʻarma mablagʻlaridan foydalanilishi toʻgʻrisida Jamgʻarma ijroiya direksiyasining hamda qarz olgan korxonalar tomonidan Jamgʻarma mablagʻlarining samarali foydalanilishini taʼminlashga qaratilgan chora-tadbirlar toʻgʻrisida manfaatdor vazirliklar, idoralar va tashkilotlar rahbarlarining hisobotlarini muntazam ravishda tinglab turish.

8. Jamgʻarma soliqlar, yigʻimlar, bojlarning barcha turlaridan hamda davlatning maqsadli jamgʻarmalariga majburiy ajratmalaridan ozod qilinsin, yagona ijtimoiy toʻlov bundan mustasno.

9. Oʻzbekiston Respublikasi Moliya vazirligi, Markaziy banki va Iqtisodiyot vazirligi bir hafta muddatda belgilangan tartibda Jamgʻarma faoliyatini tashkil etish chora-tadbirlari toʻgʻrisidagi qaror loyihasini tasdiqlash uchun kiritsin.

LexUZ sharhi

Qarang: Oʻzbekiston Respublikasi Prezidentining 2006-yil 16-maydagi PQ-350-sonli “Oʻzbekiston Respublikasining Tiklanish va taraqqiyot jamgʻarmasi faoliyatini tashkil qilish chora-tadbirlari toʻgʻrisida”gi qarori.

10. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga taqdim etsin.

11. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidentining I. KARIMOV

2006-yil 11-may,

Oʻzbekiston Respublikasi Prezidentining 2006-yil 11-maydagi PF-3751-son farmoniga
2-ILOVA

Oʻzbekiston Respublikasi Tiklanish va taraqqiyot jamgʻarmasini boshqarish boʻyicha Kengash

A.N. Aripov	—	Oʻzbekiston Respublikasi Bosh vaziri, Kengash raisi
R.A. Gulyamov	—	Oʻzbekiston Respublikasi Prezidenti maslahatchisi, Kengash raisi oʻrinbosari
J.A. Qoʻchqorov	—	Oʻzbekiston Respublikasi Bosh vazir oʻrinbosari — Oʻzbekiston Respublikasi moliya vaziri
B.A. Xodjayev	—	Oʻzbekiston Respublikasi iqtisodiyot va sanoat vaziri
S.U. Umurzakov	—	Oʻzbekiston Respublikasi investitsiyalar va tashqi savdo vaziri
T.A. Ishmetov	—	Oʻzbekiston Respublikasi moliya vazirining birinchi oʻrinbosari

Izoh. Jamgʻarmaning boshqaruv Kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.

LexUZ sharhi

2-ilova norasmiy tarjima.

(Oʻzbekiston Respublikasi qonun hujjatlari toʻplami, 2006-y., 19-son, 161-modda; 2009-y., 8-son, 76-modda, 22-son, 257-modda; 2012-y., 11-son, 113-modda; 2014-y., 29-son, 356-modda; Qonun hujjatlari maʼlumotlari milliy bazasi, 11.10.2019-y., 06/19/5848/3901-son; 29.06.2020-y., 06/20/5370/0975-son)