Ҳужжат кучини йўқотган " " 22.02.2021
Ўзбекистон Республикаси Вазирлар Маҳкамасининг
қарори
БОЛАЛАР СПОРТИНИ ТАРҒИБ ҚИЛИШ ВА БОЛАЛАР УЧУН СПОРТ ТОВАРЛАРИ ИШЛАБ ЧИҚАРИШ ТУРЛАРИНИ КЕНГАЙТИРИШ БЎЙИЧА ҚЎШИМЧА ЧОРА-ТАДБИРЛАР ТЎҒРИСИДА
Болалар спортини янада тарғиб қилиш, болалар учун ишлаб чиқарилаётган спорт товарлари турларини кўпайтириш ҳамда минтақалар, мактабгача болалар муассасалари, мактаблар, академик лицейлар, коллежлар, олий ўқув юртлари ва «Маҳалла» ҳудудий жамғармаларининг спорт товарларига эҳтиёжини ўрганиш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Болалар спортини ривожлантириш жамғармаси ва «Ўзбекенгилсаноат» давлат-акциядорлик компаниясининг республика ҳудудларида спорт кийимлари ва анжомларини намойиш қилиш ва сотиш бўйича доимий ишлайдиган кўргазмалар ташкил этиш тўғрисидаги таклифи иловага мувофиқ қабул қилинсин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўн кун муддатда «Ўзбекенгилсаноат» давлат-акциядорлик компаниясига ижара ҳақи тўловидан озод қилган ҳолда спорт кийимлари, пойабзаллари ва анжомларининг ихтиcослаштирилган кўргазмаларини ташкил этиш учун иловага мувофиқ бинолар ажратсинлар.
3. «Ўзбекенгилсаноат» давлат-акциядорлик компанияси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:
ихтисослаштирилган кўргазмалар учун ажратилаётган биноларда таъмирлаш ишларини, шу жумладан сотиладиган товарлар намуналари намойиш қилиш учун витриналарни жиҳозлашни амалга оширсин;
ихтисослаштирилган кўргазмалар негизида спорт товарларини ҳар ойда намойиш қилишни (кўрсатишни), уларни оммавий ахборот воситалари орқали кенг реклама қилган ҳолда ташкил этсин;
ихтисослаштирилган кўргазмаларда буюртмаларни ҳисобга олишни, аҳолининг спорт кийимлари, пойабзаллари ва анжомларига талабини ўрганишни амалга оширсинлар, тегишли тавсияномаларни маҳсулот ишлаб чиқарувчи корхоналарга етказсин.
4. «Ўзбекчармпойабзали» (Холмуродов), «Ўзбек ипаги» (Аҳмадалиев), уюшмалари, «Файз» холдинг компанияси (Азимова), «Совпластитал» (Мелкумов) қўшма корхонаси, «Стеклопластик» (Саидмуродов) акциядорлик жамияти, «Чкалов номидаги Тошкент авиация ишлаб чиқариш бирлашмаси» давлат-акциядорлик жамияти (Кучеров), «Ўзбекнефтгаз» (Мажидов), компанияси, корхоналарида спорт кийимлари ва анжомлари ишлаб чиқарадиган бошқа вазирликлар ва идоралар ишлаб чиқарилаётган маҳсулотлар намуналарининг «Ўзбекенгилсаноат» давлат-акциядорлик компанияси билан келишилган миқдорда ва турларда, спорт товарлари турларининг вақти-вақти билан янгиланиб турилишини ҳисобга олган ҳолда ихтисослаштирилган кўргазмаларга етказиб берилишини таъминласинлар.
(4-банд Ўзбекистон Республикаси Вазирлар Маҳкамасининг 2008 йил 13 мартдаги 41-сонли қарори таҳририда — ЎР ҚҲТ, 2008 й., 10-11-сон, 62-модда)
5. «Ўзтелерадио» компанияси (Кўчимов), Ўзбекистон Миллий ахборот агентлиги (Ҳазратқулов), Ўзбекистон Матбуот ва ахборот агентлиги (Шоғуломов) телевидение, радио орқали ва матбуотда спорт товарлари кўргазмаларининг кенг ёритилишини, реклама қилинишини ташкил этсинлар.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2003 йил 18 июль,
318-сон
Вазирлар Маҳкамасининг 2003 йил
18 июлдаги 318-сон қарорига
ИЛОВА
Спорт кийимлари ва анжомларини намойиш қилиш ва сотиш бўйича доимий ишлайдиган кўргазмаларнинг
ЖОЙЛАШИШИ

Т/р‎

Ҳудудлар номи‎

Кўргазмаларнинг жойлашиши‎

1.‎

Қорақалпоғистон
‎Республикаси ‎

Нукус шаҳри, Ерназар Алакўз кўчаси, «Айдинйўл» савдо комплекси ‎

2.‎

Андижон вилояти‎

Андижон шаҳри, Чўлпон кўчаси, Марказий универсам‎

3.‎

Бухоро вилояти‎

Бухоро шаҳри, П.Неруда кўчаси, 3Б, «Семурғ» спорт комплекси‎

4.‎

Жиззах вилояти‎

Жиззах шаҳри, Ш.Рашидов кўчаси, «Наврўз» супермаркети‎

5.‎

Қашқадарё вилояти‎

Қарши шаҳри, Ўзбекистон кўчаси, 184, «Болалар дунёси» супермаркети ‎

6.‎

Навоий вилояти‎

Навоий шаҳри, А.Темур кўчаси, 32, товар-хом ашё биржаси биноси‎

7.‎

Наманган вилояти

Наманган шаҳри, «Исфархон» супермаркети‎

8.‎

Самарқанд вилояти‎

Самарқанд шаҳри, «Сўғдиёна» спорт комплекси ‎

9.‎

Сирдарё вилояти‎

Гулистон шаҳри, Гулистон кўчаси, «Алпомиш» спорт комплекси‎

10.‎

Сурхондарё вилояти‎

Термиз шаҳри, Ш.Рашидов кўчаси, 1, «Истиқлол» супермаркети‎

11.‎

Тошкент шаҳри ва Тошкент вилояти‎

Тошкент шаҳри, Бобур кўчаси, 45, «Ўзбекенгилсаноат» ДАК биноси ‎

12.‎

Фарғона вилояти‎

Фарғона шаҳри, Қамбаров кўчаси, 29, «Голливуд» савдо комплекси ‎

13.‎

Хоразм вилояти‎

 Урганч шаҳри, Ал-Хоразмий кўчаси, 30, марказий биржа биноси‎