Ўзбекистон Республикаси Вазирлар Маҳкамасининг

қарори

Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида

Вазирлар Маҳкамасининг қарорлари ижросини самарали ташкил этиш, ижро интизомини мустаҳкамлаш, ижро учун масъул бўлган давлат органлари ва ташкилотлари раҳбарларининг жавобгарлигини янада ошириш, шунингдек, Ўзбекистон Республикаси Президентининг «Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида» 2025 йил 25 июлдаги ПФ-117-сон Фармони ижросини таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг қарорлари (кейинги ўринларда — Ҳукумат қарорлари) ижроси бўйича назорат ва ҳисобдорлик 2025 йил 1 октябрдан «Ijro.gov.uz» тизими орқали ташкил этилсин.

2. Қуйидагилар Ҳукумат қарорлари ижросини ташкил этишнинг асосий йўналишлари этиб белгилансин:

Ҳукумат қарорлари лойиҳаларини ҳар томонлама, яъни иқтисодий, молиявий ва ҳуқуқий жиҳатдан пухта ҳамда юксак профессионал даражада тайёрлаш;

Ҳукумат қарорларининг ижросини самарали ва режали ташкил қилиш, уларнинг бажарилиш ҳолатини мақсадли ўрганиш ва аниқланган камчиликлар бўйича тезкор чоралар кўриш;

Ҳукумат қарорларида белгиланган вазифаларни бажариш учун амалий механизмларни ва бажаришнинг реал муддатларини кўрсатиш;

ташкилий, ижро ва назорат фаолияти ягона тизимининг натижадорлиги учун давлат органлари ва ташкилотлари, хўжалик бирлашмалари раҳбарларининг шахсий масъулиятини белгилаш.

3. Ҳукумат қарорларининг ижроси қуйидаги тартибда ташкил этилиши белгилансин:

биринчи босқич — Вазирлар Маҳкамаси имзоланган Ҳукумат қарорларини бир соат давомида рўйхатдан ўтказиб, «Ijro.gov.uz» тизимига киритиш учун бир кун муддатда Адлия вазирлигига юборади;

иккинчи босқич — Ҳукумат қарорлари келиб тушган вақтдан бошлаб Адлия вазирлиги назоратга олинадиган Ҳукумат қарорларидаги топшириқларни бир кун муддатда «Ijro.gov.uz» тизимига киритади, мазкур топшириқлардан келиб чиққан ҳолда масъул ижрочилар ва бажариш муддатларини белгилайди;

учинчи босқич — давлат органлари ва ташкилотларининг биринчи раҳбарлари ҳар ойнинг 25-санасигача ижро муддати кейинги ойда келадиган Ҳукумат қарорларидаги топшириқлар бўйича йўл харитаси ва амалий чора-тадбирлар режасини тасдиқлайди, Ҳукумат қарорлари тўлиқ ва ўз вақтида бажарилишини таъминлайди ва бу ҳақида «Ijro.gov.uz» тизимига белгиланган шаклдаги маълумотларни ўз вақтида киритади;

тўртинчи босқич — Адлия вазирлиги Ҳукумат қарорларининг ижроси бўйича масъул ижрочилар томонидан «Ijro.gov.uz» тизимига киритилган маълумотларни бир иш куни ичида тўлиқлиги ва ҳаққонийлигини текширади, уларни тасдиқлайди ёки масъул ижрочига қайта ишлашга жўнатади, шунингдек, Ҳукумат қарорлари ва топшириқлар ижро ҳолати тўғрисидаги умумлаштирилган ҳисоботларни ҳар ой якуни бўйича кейинги ойнинг 5-санасигача Вазирлар Маҳкамасига киритиб боради;

бешинчи босқич — Вазирлар Маҳкамаси бир иш куни ичида масъул ижрочилар томонидан «Ijro.gov.uz» тизимига киритилган ва Адлия вазирлиги томонидан келишилган маълумотларнинг тўлиқлиги ҳамда ҳаққонийлигини текширади, уларни назоратдан ечади ёки масъул ижрочига қайта ишлашга жўнатади. Бунда ҳар ойда Раёсат мажлисларида Ҳукумат қарорлари ижроси натижадорлигини танқидий кўриб чиқади.

4. Ўзбекистон Республикаси Вазирлар Маҳкамаси қарорларининг ижросини «Ijro.gov.uz» ижро интизоми идоралараро ягона электрон тизими орқали ташкил этиш тартиби тўғрисидаги низом иловага мувофиқ тасдиқлансин.

5. Белгилансинки, Ҳукумат қарорларидаги ижро муддати белгиланмаган ёки ижро муддати бир йил ва ундан ортиқ этиб белгиланган топшириқларнинг бажарилиши бўйича амалга оширилган ишлар тўғрисидаги маълумот ҳар олти ойда масъул ижрочилар томонидан «Ijro.gov.uz» тизимига киритиб борилади.

6. Адлия вазирлигига:

«Ijro.gov.uz» тизимидаги Ҳукумат қарорларидаги топшириқларнинг ижро ҳолатини ҳар ой тизимли таҳлил қилиш, камчиликларни аниқлаш ва натижаларини умумлаштирган ҳолда, Вазирлар Маҳкамасига кўриб чиқиш учун киритиш;

Ҳукумат қарорларидаги топшириқлар ижросини «жойига чиққан» ҳолда ўрганиш, ўрта ва қуйи бўғинларда ишларнинг реал ҳолатини, муаммоларнинг асл сабабларини таҳлил қилиш ва таклифлар тайёрлаш;

Ҳукумат қарорларидаги топшириқлар ижросини таъминлашда юзага келаётган тизимли муаммоларни биргаликда ҳал қилиш, масъул ижрочиларга ҳуқуқий-услубий кўмаклашиш мақсадида ҳафтанинг пайшанба ва жума кунлари Адлия вазирлигида давлат органлари ва ташкилотлари вакиллари билан «жонли мулоқот» ўтказиш;

ижро интизомини таъминлашда жиддий камчиликларга йўл қўйган масъул ходимларга нисбатан интизомий жазо чорасини қўллаш бўйича давлат органлари ва ташкилотларига тақдимномалар киритиш;

ҳар ойнинг 25-санасида «Ijro.gov.uz» тизимида ижро муддати келгуси ойда келадиган топшириқлар шакллантирилиб, давлат органлари ва ташкилотларига эслатмалар юбориш вазифалари юклансин.

7. Рақамли технологиялар вазирлиги:

а) бир ой муддатда:

Адлия вазирлиги ҳамда манфаатдор вазирлик ва идоралар билан биргаликда Ҳукумат қарорлари ижроси бўйича киритилаётган маълумотларнинг ҳаққонийлиги ва асослилигини «Ijro.gov.uz» тизими орқали текшириш имкониятини таъминлаш учун давлат органлари ва ташкилотларининг ахборот тизимларини «Ijro.gov.uz» тизимига босқичма-босқич интеграция қилсин;

«Ijro.gov.uz» тизимидаги қонунлар, Ўзбекистон Республикаси Президентининг фармон, қарор, фармойиш ва топшириқлари, Президент Администрацияси раҳбарининг фармойишлари ва топшириқлари, шунингдек, Ҳукумат қарорларининг ижро ҳолати юзасидан ҳисоботларни «Ijro.gov.uz» тизими орқали автоматик шакллантириш имконияти яратилишини таъминласин;

б) «Ijro.gov.uz» тизимидан фойдаланувчиларнинг асосли таклифларини инобатга олган ҳолда уни доимий равишда модернизация қилиб борсин.

8. Давлат органлари ва ташкилотлари раҳбарларига Ҳукумат қарорларидаги топшириқларнинг тўлиқ ва ўз вақтида бажарилиши, шунингдек, уларнинг ижро ҳолати тўғрисидаги маълумотларнинг «Ijro.gov.uz» тизими орқали тўлиқ, тўғри ва ўз вақтида тақдим қилиниши учун шахсий жавобгарлик юклансин.

9. Мазкур қарор ижросини самарали ташкил қилишга масъул ва шахсий жавобгар этиб Вазирлар Маҳкамасининг таркибий бўлинма раҳбарлари белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари ва маслаҳатчиси ҳамда Бош вазир котибияти раҳбари зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2025 йил 30 сентябрь,

616-сон

Вазирлар Маҳкамасининг 2025 йил 30 сентябрдаги 616-сон қарорига
ИЛОВА

Ўзбекистон Республикаси Вазирлар Маҳкамаси қарорларининг ижросини «Ijro.gov.uz» ижро интизоми идоралараро ягона электрон тизими орқали ташкил этиш тартиби тўғрисидаги

НИЗОМ

1-боб. Умумий қоидалар

1. Ушбу Низом «Ijro.gov.uz» ижро интизоми идоралараро ягона электрон тизими (кейинги ўринларда — «Ijro.gov.uz» тизими) орқали Ўзбекистон Республикаси Вазирлар Маҳкамаси қарорлари (кейинги ўринларда — Ҳукумат қарорлари) ижросини ташкил этиш тартибини белгилайди.

2. «Ijro.gov.uz» тизимидаги Ҳукумат қарорларидаги топшириқлар ўз вақтида, сифатли ва тўлиқ ижро этилиши Вазирлар Маҳкамаси ва Адлия вазирлиги томонидан назорат қилинади.

3. Ушбу Низомда қуйидаги асосий тушунчалардан фойдаланилади:

масъул ижрочилар — давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари;

оператор — «Ijro.gov.uz» тизими узлуксиз ишлаши ва ахборот хавфсизлигини таъминловчи Рақамли технологиялар вазирлиги қошидаги «Ўзбектелеком» АК таъсисчилигидаги «UNICON-SOFT» масъулияти чекланган жамияти;

4. Ҳукумат қарорларининг ижроси ва назорати ушбу Низомга 1-иловадаги схемага мувофиқ қуйидаги тартибда таъминланади:

биринчи босқич — Вазирлар Маҳкамаси (Умумий бўлим) Ҳукумат қарорларини «Ijro.gov.uz» тизимига киритиш учун Адлия вазирлигига юборади;

иккинчи босқич — Адлия вазирлиги Ҳукумат қарорларини масъул ижрочилар ва уларни бажариш муддатларини аниқ кўрсатган ҳолда «Ijro.gov.uz» тизимига киритади;

учинчи босқич — масъул ижрочилар Ҳукумат қарорлари тўлиқ ва ўз вақтида бажарилишини таъминлайди ва бу ҳақида «Ijro.gov.uz» тизимига асословчи ҳужжатлар билан бирга маълумот киритади;

тўртинчи босқич — Адлия вазирлиги масъул ижрочилар томонидан «Ijro.gov.uz» тизимига киритилган маълумотларнинг тўлиқлиги ва ҳаққонийлигини текширади, заруратга кўра жойига чиққан ҳолда ўрганади, уларни келишади ёки қайта ишлашга юборади;

бешинчи босқич — Вазирлар Маҳкамаси масъул ижрочилар томонидан Ҳукумат қарорларидаги топшириқлар ўз вақтида ва сифатли бажарилишини «Ijro.gov.uz» тизими орқали мунтазам назорат қилади, Адлия вазирлиги томонидан келишилган маълумотлар тўлиқлиги ва ҳаққонийлигини текширади, уларни назоратдан ечади ёки масъул ижрочига қайта ишлашга жўнатади, шунингдек, ҳар ой якуни бўйича Раёсат мажлисларида ижро интизоми ҳолатини муҳокама қилади, камчиликларга йўл қўйган раҳбарларга нисбатан таъсир чораларини белгилайди.

5. Рақамлаштириш ва норматив-ҳуқуқий ҳужжатларни тайёрлаш билан боғлиқ Ҳукумат қарорларидаги топшириқлар:

Ҳукумат қарорларидаги рақамлаштиришга оид топшириқлар ижроси «Ijro.gov.uz» электрон тизимида Рақамли технологиялар вазирлиги билан келишилгандан сўнг;

идоравий норматив-ҳуқуқий ҳужжатни ишлаб чиқиш ва (ёки) тасдиқлаш тўғрисидаги топшириқлар — ушбу ҳужжат белгиланган тартибда давлат рўйхатидан ўтказилгандан сўнг назоратдан олинади.

Ҳукумат қарорларидаги топшириқларга мувофиқ ишлаб чиқилиши белгиланган норматив-ҳуқуқий ҳужжат лойиҳаси ўрнатилган тартибда Вазирлар Маҳкамасига киритилгандан сўнг улар қабул қилингунга қадар бўлган босқичлар қўшимча равишда «Ijro.gov.uz» электрон тизимида назоратга олинади.

Бунда ўрнатилган тартибда киритилган норматив-ҳужжат лойиҳаси тегишли ташкилотга қайта ишлаш учун юборилганда топшириқ Вазирлар Маҳкамаси томонидан «Ijro.gov.uz» тизимида қайта назоратга олинади. Агар, Вазирлар Маҳкамаси томонидан норматив-ҳуқуқий ҳужжат лойиҳасини қабул қилиш мақсадга мувофиқ эмас деб топилганда, тегишли топшириқ «Ijro.gov.uz» тизимидан назоратдан ечилади.

6. Ҳукумат қароридаги маълум бир тартиб ёки тизимни амалиётга жорий қилиш билан боғлиқ топшириқлар бўйича норматив-ҳуқуқий ҳужжат лойиҳасини ишлаб чиқиш талаб қилинган тақдирда, ҳужжат қабул қилингандан сўнг топшириқ тўлиқ бажарилган деб ҳисобланади. Бунда:

масъул ижрочи норматив-ҳуқуқий ҳужжат лойиҳасини ишлаб чиқиб, белгиланган тартибда Вазирлар Маҳкамасига киритгандан кейин норматив-ҳуқуқий ҳужжат қабул қилингунга қадар ҳар ойда, бироқ энг кўпи билан бир йил давомида топшириқ ижро ҳолати бўйича «Ijro.gov.uz» тизимига маълумот киритиб боради;

Ҳукумат қароридаги топшириқнинг ижро муддати бевосита Адлия вазирлиги томонидан мувофиқлаштириб борилади.

7. Бир хил мазмундаги ёки фақат масъул ижрочилари ва бажариш муддатлари бир-биридан фарқ қиладиган олдин берилган Ҳукумат қароридаги топшириқ кейинроқ қабул қилинган Ҳукумат қарори ёки юқори юридик кучга эга норматив-ҳуқуқий ҳужжат асосида назоратдан ечилади.

8. Ҳукумат қароридаги топшириқ «Ijro.gov.uz» тизимидаги асосий масъул ижрочидан назоратдан ечилгандан сўнг ҳамижрочи ҳисобланган бошқа ижрочилардан ҳам «Ijro.gov.uz» тизимида автоматик равишда назоратдан ечилади.

9. Ҳукумат қарорларидаги топшириқлар ижро муддати:

белгиланмаган бўлса — уларни бажариш муддати бир йил;

доимий топшириқларнинг «Ijro.gov.uz» тизимида назоратдан ечиш муддати (Ҳукумат қарорида доимий топшириқлар бажарилишининг якуний муддати аниқ белгиланган ҳолатлар бундан мустасно):

ҳар ҳафта (ёки бир ойгача муддат) бўлса — уларнинг якуний ижро муддатлари бир йил;

ҳар ой ва ҳар чорак бўлса — уларнинг якуний ижро муддатлари икки йил;

ҳар ярим йил ва ҳар йили бўлса — уларнинг якуний ижро муддатлари уч йил этиб белгиланади.

Бунда Ҳукумат қарорларидаги топшириқларнинг ижро муддати ҳар ой, ҳар чорак, ҳар ярим йил ёки ҳар йили этиб белгиланган ҳолатларда «Ijro.gov.uz» тизимида ушбу топшириқларнинг ижро муддати кейинги ойнинг 10-санасига қадар белгиланиши мумкин.

Ижро муддати бир йил ва ундан ортиқ этиб белгиланган Ҳукумат қарорларидаги доимий топшириқларнинг бажарилиши бўйича амалга оширилган ишлар тўғрисидаги маълумот ҳар олти ойда масъул ижрочилар томонидан «Ijro.gov.uz» тизимига киритиб борилиши лозим.

Доимий топшириқларнинг «Ijro.gov.uz» тизимидан ечилиши уларнинг ижросини давом эттириш мажбуриятидан озод қилмайди.

10. Масъул ижрочилар томонидан Ҳукумат қарорларидаги топшириқлар ижроси бўйича «Ijro.gov.uz» тизимга киритиладиган ижро натижалари қуйидаги талабларга жавоб бериши лозим:

Ҳукумат қарорларидаги топшириқлар ижроси бўйича киритиладиган расмий маълумот биринчи раҳбар (истисно ҳолларда — унинг ўринбосари) томонидан имзоланган бўлиши;

Ҳукумат қарорларидаги топшириқлар ижросини тасдиқловчи ҳужжатлар «PDF» форматида, амалий натижаларни акс эттириш имконияти мавжуд бўлган ҳолларда — уларни ифода этувчи бошқа форматлардаги маълумотлар илова қилинган бўлиши.

11. «Ijro.gov.uz» тизимида ижро муддати уч ой ва ундан ошадиган Ҳукумат қарорларидаги топшириқларнинг ижро ҳолати юзасидан оралиқ маълумот киритилиши лозим.

12. «Ijro.gov.uz» тизимида оралиқ маълумотлар қуйидаги тартибда кўриб чиқилади:

масъул ижрочи ҳар бир топшириқни бажаришга доир ҳаракатлар жадвалини хронологик тартибда ишлаб чиқади ва тизимга киритади;

масъул ижрочи «Ijro.gov.uz» тизимида белгиланган ижро муддатининг тенг ярмида амалга оширилган ишлар юзасидан ахборот хатини тасдиқловчи ҳужжатлар билан бирга тизимга киритади;

Адлия вазирлиги киритилган оралиқ маълумотларнинг тўлиқлиги ва ҳаққонийлигини текширади, уларни келишади ёки масъул ижрочига қайта ишлашга юборади;

Вазирлар Маҳкамасининг масъул ходими Адлия вазирлиги томонидан келишилган оралиқ маълумотларининг тўлиқлиги ва ҳаққонийлигини текширади, уларни келишади ёки масъул ижрочига қайта ишлашга юборади.

Вазирлар Маҳкамаси бевосита масъул бўлган, шунингдек, Вазирлар Маҳкамасининг масъул ходими томонидан келишилган топшириқлар бўйича киритилган оралиқ маълумотларнинг тўлиқлиги ва ҳаққонийлигини Вазирлар Маҳкамасининг Назорат ва ижро интизоми бўлими кўриб чиқади, уларни назоратдан ечади ёки қайта ишлашга юборади.

13. Оралиқ маълумотлар мазкур Низомнинг 12-бандида кўрсатиб ўтилган тартибда қабул қилингач, топшириқнинг бажарилиши юзасидан якуний маълумотларни «Ijro.gov.uz» тизимига киритишга рухсат берилади.

2-боб. «Ijro.gov.uz» тизимида Ҳукумат қарорлари ижросини ташкил этиш тартиби

1-§. Адлия вазирлиги томонидан Ҳукумат қарорлари ижросини ташкил этиш

14. Вазирлар Маҳкамаси томонидан юборилган Ҳукумат қарорлари келиб тушган вақтдан бошлаб Адлия вазирлигининг Ўзбекистон Республикаси Президенти ва Ҳукумат ҳужжатлари ижросини назорат қилиш бошқармаси (кейинги ўринларда — Ижро назорати бошқармаси) томонидан бир кун муддатда масъул ижрочилар ва уларни бажариш муддатлари аниқ кўрсатилган ҳолда «Ijro.gov.uz» тизимига киритилади.

Ҳукумат қарорларидаги топшириқлар ижросини таъминлаш жараёнида заруратга кўра Адлия вазирлиги томонидан Вазирлар Маҳкамаси билан келишилган ҳолда «Ijro.gov.uz» тизимида қўшимча ижрочи белгиланиши мумкин.

15. Ижро назорати бошқармаси:

ҳар ойнинг 20-санасида ижро муддати келган, бироқ бажарилмаган Ҳукумат қарорларидаги топшириқлар, шунингдек, муддати ой якунига қадар келадиган топшириқлар бўйича;

ҳар ойнинг 25-санасида ижро муддати кейинги ойда келадиган Ҳукумат қарорларидаги топшириқлар бўйича рўйхатни шакллантиради ва масъул ижрочиларга эслатмалар юборади.

16. Ижро назорати бошқармаси Ҳукумат қарорларидаги топшириқларнинг ижросини таъминлашда юзага келаётган муаммоларни ҳамкорликда ҳал қилиш ва ҳуқуқий-услубий кўмаклашиш мақсадида ҳар ҳафта пайшанба ва жума кунлари Адлия вазирлигида масъул ижрочилар вакиллари билан биргаликда «жонли мулоқот» ташкил этади.

2-§. Давлат органлари ва ташкилотлари томонидан Ҳукумат қарорлари ижросини ташкил этиш

а) Давлат органлари ва ташкилотлари марказий аппарати томонидан Ҳукумат қарорлари ижросини ташкил этиш

17. Ҳукумат қарорларидаги топшириқлар келиб тушган вақтдан бошлаб 30 дақиқа мобайнида масъул ходим томонидан рўйхатдан ўтказилади ҳамда бу ҳақида раҳбариятга ахборот берилади.

18. Давлат органлари ва ташкилотлари раҳбарлари бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

19. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

Масъул таркибий бўлинма заруратга кўра раҳбариятга ахборот берган ҳолда ҳудудий бўлинмалар ёки тизим ташкилотларига бажариш механизми бажариш муддатларини аниқ белгилаган ҳолда юборади.

Бунда давлат органлари ва ташкилотлари марказий аппарати масъул таркибий бўлинмаси ҳудудий бўлинмалар ёки тизим ташкилотлари томонидан топшириқ бажарилишини қатъий назоратга олиши ва таъминлашда кўмаклашиши зарур.

20. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга «Ijro.gov.uz» тизимига киритади.

Агар «Ijro.gov.uz» тизимига киритилган маълумотлар Адлия вазирлиги ёки Вазирлар Маҳкамаси томонидан эътирозлар билан қайта ишлашга юборилса, масъул таркибий бўлинма бу ҳақида раҳбариятга ахборот беради, камчиликларни зудлик билан бартараф этади ва тегишли маълумотларни «Ijro.gov.uz» тизимига қайтадан киритади.

21. Давлат органлари ва ташкилотлари марказий аппаратининг назорат ва ижро интизомини таъминлаш вазифаси юкланган таркибий бўлинмаси:

Ҳукумат қарорларидаги топшириқлар ўз вақтида бажарилиши ва натижаси бўйича маълумотлар «Ijro.gov.uz» тизимига тўлиқ ва ҳаққоний киритилишини назоратга олади;

агар Ҳукумат қарорларидаги топшириқлар ижроси бўйича «Ijro.gov.uz» тизимига киритилган маълумотлар Адлия вазирлиги ёки Вазирлар Маҳкамаси томонидан эътирозлар билан қайта ишлашга юборилса, масъул таркибий бўлинма томонидан камчиликлар зудлик билан бартараф этилиши ва тегишли маълумотлар «Ijro.gov.uz» тизимига қайтадан киритилишини назоратга олади.

22. Давлат органлари ва ташкилотларида Ҳукумат қарорларининг ижро ҳолати:

ҳар ҳафта жума куни — раҳбарнинг биринчи ўринбосари ҳузурида;

ҳар ҳафта душанба куни — раҳбар ҳузурида;

ҳар чоракда — ҳайъат мажлисларида муҳокама қилинади.

Бунда Ҳукумат қарорларидаги топшириқларни тўлиқ бажармаган, кечиктириб бажарган ёки умуман ижросини таъминламаган раҳбар ва ходимларга нисбатан интизомий жазо чораларини қўллаш масалалари кўриб чиқилади.

б) Давлат органлари ва ташкилотларининг ҳудудий бўлинмалари ва тизим ташкилотлари томонидан Ҳукумат қарорлари ижросини ташкил этиш

23. Давлат органлари ва ташкилотлари марказий аппаратидан амалга ошириш механизми ҳамда бажариш муддатлари аниқ белгиланган Ҳукумат қарорларидаги топшириқлар ҳамда улар бўйича назорат режалари келиб тушган вақтдан бошлаб 30 дақиқа мобайнида ҳудудий бўлинмалар ва тизим ташкилотлари масъул ходими томонидан рўйхатдан ўтказилади ҳамда раҳбариятга ахборот берилади.

24. Ҳудудий бўлинмалар ва тизим ташкилотлари раҳбарияти бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

25. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

26. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга давлат органлари ва ташкилотларининг марказий аппаратига юборади.

27. Ҳудудий бўлинмалар ва тизим ташкилотларининг назорат ва ижро' интизомини таъминлаш вазифаси юкланган таркибий бўлинмаси Ҳукумат қарорларидаги топшириқлар масъул таркибий бўлинма томонидан ўз вақтида бажарилиши ва натижаси бўйича маълумотлар тасдиқловчи зарур ҳужжатлар билан бирга давлат органлари ва ташкилотларининг марказий аппаратига ўз вақтида тақдим этилишини назоратга олади.

28. Ҳудудий бўлинмалар ва тизим ташкилотларида Ҳукумат қарорларининг ижро ҳолати:

ҳар ҳафта жума куни — раҳбарнинг биринчи ўринбосари ҳузурида (биринчи ўринбосар штати мавжуд бўлмаган ёки вакант ҳолларда — ўринбосар);

ҳар ҳафта душанба куни — раҳбар ҳузурида муҳокама қилинади.

3-§. Маҳаллий ижро этувчи ҳокимият органлари томонидан Ҳукумат қарорларининг ижросини ташкил этиш

а) Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан Ҳукумат қарорларининг ижросини ташкил этиш

29. Ҳукумат қарорларидаги топшириқлар келиб тушган вақтдан бошлаб 30 дақиқа мобайнида Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари (кейинги ўринларда — Қорақалпоғистон Республикаси Вазирлар Кенгаши ва ҳокимликлар) масъул ходими томонидан рўйхатдан ўтказилади ҳамда раҳбариятга ахборот берилади.

30. Қорақалпоғистон Республикаси Вазирлар Кенгаши ва ҳокимликлар раҳбарияти бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

31. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

Масъул таркибий бўлинма заруратга кўра раҳбариятга ахборот берган ҳолда туман (шаҳар) ҳокимликларига амалга ошириш механизми ҳамда бажариш муддатларини аниқ белгилаб, топшириқни юборади. Бунда Қорақалпоғистон Республикаси Вазирлар Кенгаши ва ҳокимликларнинг масъул таркибий бўлинмаси туман (шаҳар) ҳокимлиги томонидан топшириқ бажарилишини қатъий назоратга олиши ва ижросини таъминлашда кўмаклашиши зарур.

32. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга «Ijro.gov.uz» тизимига киритади.

33. Қорақалпоғистон Республикаси Вазирлар Кенгаши ва ҳокимликларнинг назорат ва ижро интизомини таъминлаш вазифаси юкланган таркибий бўлинмаси:

Ҳукумат қарорларидаги топшириқлар масъул таркибий бўлинма томонидан ўз вақтида бажарилиши ва натижаси бўйича маълумотлар «Ijro.gov.uz» тизимига тўлиқ ва ҳаққоний киритилишини назоратга олади;

Ҳукумат қарорларидаги топшириқлар ижроси бўйича «Ijro.gov.uz» тизимига киритилган маълумотлар Адлия вазирлиги ёки Вазирлар Маҳкамаси эътирозлар билан қайта ишлашга юборган бўлса, масъул таркибий бўлинма камчиликларни зудлик билан бартараф этиши ва тегишли маълумотларни «Ijro.gov.uz» тизимига қайтадан киритишини назоратга олади.

34. Қорақалпоғистон Республикаси Вазирлар Кенгаши ва ҳокимликларда Ҳукумат қарорларининг ижро ҳолати:

ҳар ҳафта жума куни — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларининг биринчи ўринбосарлари ҳузурида;

ҳар ҳафта душанба куни — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳузурида;

ҳар чоракда — Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашлари йиғилишида муҳокама қилинади.

б) туман (шаҳар) ҳокимликлари томонидан Ҳукумат қарорларининг ижросини ташкил этиш

35. Қорақалпоғистон Республикаси Вазирлар Кенгаши ва ҳокимликлардан Ҳукумат қарорларидаги топшириқлар ҳамда улар бўйича назорат режалари келиб тушган вақтдан бошлаб 30 дақиқа мобайнида туман (шаҳар) ҳокимлиги масъул ходими томонидан рўйхатдан ўтказилади ва раҳбариятга ахборот берилади.

36. Туман (шаҳар) ҳокимлиги раҳбарияти бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

37. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

38. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга тегишлилиги бўйича Қорақалпоғистон Республикаси Вазирлар Кенгаши ёки ҳокимликка юборади.

39. Туман (шаҳар) ҳокимлигининг назорат ва ижро интизомини таъминлаш вазифаси юкланган таркибий бўлинмаси Ҳукумат қарорларидаги топшириқлар масъул ижрочи томонидан ўз вақтида бажарилиши ва натижаси бўйича маълумотлар тасдиқловчи зарур ҳужжатлар билан бирга тегишлилиги бўйича Қорақалпоғистон Республикаси Вазирлар Кенгаши ёки ҳокимликка ўз вақтида тақдим этилишини назоратга олади.

40. Туман (шаҳар) ҳокимликларида Ҳукумат қарорларининг ижро ҳолати:

ҳар ҳафта жума куни — ҳокимнинг биринчи ўринбосари ҳузурида;

ҳар ҳафта душанба куни — ҳоким ҳузурида;

ҳар чоракда — халқ депутатлари туман (шаҳар) кенгашлари йиғилишида муҳокама қилинади.

4-§. Хўжалик бирлашмалари томонидан Ҳукумат қарорларининг ижросини ташкил этиш

а) Хўжалик бирлашмалари марказий аппарати томонидан Ҳукумат қарорларининг ижросини ташкил этиш

41. Ҳукумат қарорларидаги топшириқлар келиб тушган вақтдан бошлаб 30 дақиқа мобайнида хўжалик бирлашмаси марказий аппарати масъул ходими томонидан рўйхатдан ўтказилади ҳамда раҳбариятга ахборот берилади.

42. Хўжалик бирлашмалари раҳбарияти бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

43. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

Масъул таркибий бўлинма, заруратга кўра, раҳбариятга ахборот берган ҳолда ҳудудий бўлинмаларга амалга ошириш механизми ҳамда бажариш муддатларини аниқ белгилаб, топшириқни юборади. Бунда масъул таркибий бўлинма ҳудудий бўлинмалар томонидан топшириқ бажарилишини қатъий назоратга олиши ва ижросини таъминлашда кўмаклашиши зарур.

44. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга «Ijro.gov.uz» тизимига киритади.

45. Хўжалик бирлашмасининг назорат ва ижро интизомини таъминлаш вазифаси юкланган таркибий бўлинмаси:

Ҳукумат қарорлари ижроси бўйича «Ijro.gov.uz» тизимига киритилган маълумотлар Адлия вазирлиги ёки Вазирлар Маҳкамаси томонидан эътирозлар билан қайта ишлашга юборилса, масъул таркибий бўлинма камчиликларни зудлик билан бартараф этиши ва тегишли маълумотларни «Ijro.gov.uz» тизимига қайтадан киритишини назоратга олади.

46. Хўжалик бирлашмаларида Ҳукумат қарорларининг ижро ҳолати:

ҳар ҳафта жума куни — раҳбарнинг биринчи ўринбосари ҳузурида;

ҳар ҳафта душанба куни — раҳбар ҳузурида;

ҳар чоракда — хўжалик бирлашмалари бошқарув органи мажлисларида муҳокама қилинади.

б) Хўжалик бирлашмаларининг ҳудудий бўлинмалари томонидан Ҳукумат қарорларининг ижросини ташкил этиш

47. Хўжалик бирлашмалари марказий аппаратидан Ҳукумат қарорларидаги топшириқлар ҳамда улар бўйича назорат режалари келиб тушган вақтдан бошлаб 30 дақиқа мобайнида хўжалик бирлашмасининг ҳудудий бўлинмаси масъул ходими томонидан рўйхатдан ўтказилади ва раҳбариятга ахборот берилади.

48. Ҳудудий бўлинмалар раҳбарияти бир кун муддатда Ҳукумат қарорларидаги топшириқлар ижроси бўйича масъул таркибий бўлинма — масъул ижрочини белгилайди ва ижросини таъминлаш бўйича топшириқ беради.

49. Масъул таркибий бўлинма уч кун муддатда Ҳукумат қарорларидаги топшириқлар ижроси бўйича назорат режасини тайёрлайди, раҳбариятга тасдиқлатади ва ижрога қаратади.

50. Масъул таркибий бўлинма Ҳукумат қарорларидаги топшириқлар ижроси бўйича амалга оширилган ва раҳбар (истисно ҳолларда — унинг ўринбосари) томонидан имзоланган маълумотни тасдиқловчи зарур ҳужжатлар билан бирга хўжалик бирлашмасининг марказий аппаратига киритади.

51. Назорат ва ижро интизомини таъминлаш вазифаси юкланган таркибий бўлинма Ҳукумат қарорларидаги топшириқлар масъул ижрочи томонидан ўз вақтида бажарилиши ва натижаси бўйича маълумотлар тасдиқловчи зарур ҳужжатлар билан бирга хўжалик бирлашмасининг марказий аппаратига ўз вақтида тақдим этилишини назоратга олади.

52. Хўжалик бирлашмаларининг ҳудудий бўлинмаларида Ҳукумат қарорларининг ижро ҳолати:

ҳар ҳафта жума куни — раҳбарнинг биринчи ўринбосари ҳузурида;

ҳар ҳафта душанба куни — раҳбар ҳузурида муҳокама қилинади.

5-§. Вазирлар Маҳкамаси бевосита масъул бўлган Ҳукумат қарорлари ижросини ташкил этиш

53. Ўзбекистон Республикаси Бош вазири котибияти (кейинги ўринларда — Бош вазир котибияти) Ҳукумат бевосита масъул этиб белгиланган Ҳукумат қарорларидаги топшириқлар юзасидан заруратга кўра Бош вазир ёки унинг ўринбосари топшириғини ёки назорат режасини тайёрлайди, белгиланган тартибда имзолаш (тасдиқлаш) учун Бош вазир ёки унинг ўринбосарига киритади.

54. Ҳукумат бевосита масъул этиб белгиланган Ҳукумат қарорларидаги топшириқлар ижросини ташкил этиш бўйича белгиланган тартибда имзоланган (тасдиқланган) Бош вазир топшириғи ёки назорат режалари ижросини таъминлаш мақсадида «Ijro.gov.uz» тизимида масъул ижрочиларни белгилаш учун Вазирлар Маҳкамасининг Назорат ва ижро интизоми бўлимига юборилади.

55. Бош вазир котибияти таркибий бўлинмаси, Бош вазир ўринбосарларининг котибиятлари ҳамда Назорат ва ижро интизоми бўлими тасдиқланган Бош вазир топшириғи ёки назорат режалари асосида масъул ижрочиларга юборилган топшириқлар ижросини назорат қилади.

3-боб. Ҳукумат қарорлари бажарилишини назорат қилиш тартиби

1-§. Адлия вазирлиги томонидан Ҳукумат қарорлари бажарилишини назорат қилиш тартиби

а) Адлия вазирлиги марказий аппарати томонидан Ҳукумат қарорлари бажарилишини назорат қилиш тартиби

56. Адлия вазирлиги Ҳукумат қарорларидаги топшириқларнинг бажарилишини доимий таҳлил қилиб боради ва назорат қилади.

57. Адлия вазирлиги тасдиқланган график асосида Ҳукумат қарорларидаги топшириқларнинг ўз вақтида, тўлиқ ва сифатли бажарилишини таъминлаш юзасидан соҳалар ва тармоқлар, ҳудудлар ва идоралар кесимида манзилли ва тематик таҳлилий ўрганиш ўтказади.

58. Ижро назорати бошқармаси қуйидаги ҳолларда Ҳукумат қарорларидаги топшириқларни назоратга олиш учун Ижро назорати бошқармасининг ҳудудий бўлинмаларига «Ijro.gov.uz» тизими орқали юборади:

а) давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмаларининг ҳудудий бўлинмалари Ҳукумат қарорларида тўғридан-тўғри масъул ижрочи этиб белгиланганда;

б) Ҳукумат қарорлари Вазирлар Маҳкамаси томонидан тегишлилиги бўйича давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмаларининг ҳудудий бўлинмаларига ижро учун юборилганда ёки уларнинг ижроси бевосита тегишли ҳудуднинг ўзида амалга оширилиши назарда тутилганда.

59. Ҳукумат қарорларидаги топшириқлар ижроси бўйича масъул ижрочилар томонидан «Ijro.gov.uz» тизимга киритилган маълумотлар Ижро назорати бошқармаси томонидан бир иш кунидан кечиктирмай (қўшимча ўрганиш талаб этилганда — беш иш кунида) таҳлил қилинади.

60. Таҳлил қуйидагилар орқали амалга оширилади:

маълумотлар ва илова қилинган тасдиқловчи ҳужжатлар тўлиқлигини ўрганиш;

маълумотлар ҳаққонийлигини заруратга кўра жойига чиққан ҳолда ўрганиш;

тор ихтисосликлар бўйича киритилган маълумотларни (бажарилган ишларни) соҳага оид ташкилотларга сўровлар юбориш ёки мутахассисларни жалб қилган ҳолда ўрганиш;

маълумотларда ноаниқликлар мавжуд бўлган тақдирда, масъул ижрочидан ёзма ёки оғзаки тушунтиришлар олиш.

61. Таҳлил жараёнида Ҳукумат қарорларидаги топшириқлар ижроси бўйича «Ijro.gov.uz» тизимига киритиладиган маълумотларга қуйидаги мезонлар асосида баҳо берилади:

қонунийлик — Ҳукумат қарорларида назарда тутилган маъмурий тартиб-таомиллар ва қонунчилик ҳужжатлари талабларига риоя этилгани;

долзарблик — амалга оширилаётган давлат сиёсати ва ислоҳотларнинг мазмун-моҳиятига мослиги;

тўлиқлик — Ҳукумат қарорларида кўзланган мақсадга (кўрсаткичга) эришилгани (сони, миқдори, ҳажми ва бошқа кўрсаткичлар);

ҳаққонийлик — Ҳукумат қарорларидаги топшириқлар ижроси бўйича «Ijro.gov.uz» тизимига киритилган маълумотларнинг амалда қилинган ишлар билан ўзаро мувофиқлиги;

масъулиятлилик — Ҳукумат қарорларидаги топшириқлар ижросини ўз вақтида ва сифатли таъминлаш борасида масъул ижрочилар томонидан ўз ваколати доирасида барча зарур чоралар кўрилгани.

62. Ҳукумат қарорларидаги топшириқлар ижроси бўйича киритилган маълумотлар таҳлили натижасига кўра Ижро назорати бошқармаси:

топшириқ бажарилган бўлса — масъул ижрочи томонидан «Ijro.gov.uz» тизимига киритилган маълумотларни келишади;

топшириқ бажарилмаган ёки тасдиқловчи зарур ҳужжатлар тақдим қилинмаган бўлса — уларни қайта ишлаш учун масъул ижрочига юборади.

63. Ҳукумат қарорларидаги рақамлаштиришга оид топшириқлар ижроси бўйича киритилган маълумотлар қуйидаги тартибда кўриб чиқилади:

Ижро назорати бошқармаси маълумотларнинг тўлиқлиги ва ҳаққонийлигини текшириш учун Рақамли технологиялар вазирлигига «Ijro.gov.uz» тизими орқали юборади;

Рақамли технологиялар вазирлиги маълумотларнинг тўлиқлиги ва ҳаққонийлиги юзасидан тегишли хулосани бир кун муддатда «Ijro.gov.uz» тизимига киритади;

Ижро назорати бошқармаси Рақамли технологиялар вазирлигининг хулосаси асосида масъул ижрочи томонидан «Ijro.gov.uz» тизимига киритилган маълумотларни келишади ёки уларни қайта ишлаш учун масъул ижрочига юборади.

Масъул ижрочи томонидан камчиликлар бартараф қилиниб, «Ijro.gov.uz» тизимига маълумотлар қайта киритилганда юқоридаги жараён такрорланади.

64. «Ijro.gov.uz» тизимига зарур маълумотларни ўз вақтида киритмаган ёки нотўғри маълумотларни киритган масъул ижрочиларга Адлия вазирлиги томонидан мазкур камчиликларни зудлик билан бартараф этиш тўғрисида кўрсатмалар юборилади.

Адлия вазирлиги кўрсатмаларини ўз вақтида ёки лозим даражада бажармаган масъул ижрочиларга нисбатан қонунчилик ҳужжатларида белгиланган тартибда жавобгарлик чоралари қўлланади.

б) Ижро назорати бошқармасининг ҳудудий бўлимлари томонидан Ҳукумат қарорлари бажарилишини назорат қилиш тартиби

65. Ижро назорати бошқармасининг ҳудудий бўлимлари ўз ҳудудларига доир Ҳукумат қарорларидаги топшириқлар ижросини доимий равишда мониторинг ва таҳлил қилиб боради.

66. Ижро назорати бошқармасининг ҳудудий бўлимлари Ҳукумат қарорларидаги топшириқлар ижросини таъминлашда ҳокимликларга ва ҳудудий масъул ижрочиларга ҳуқуқий-услубий жиҳатдан кўмаклашади.

67. Ижро назорати бошқармаси кўрсатмасига мувофиқ бир иш кунида (қўшимча ўрганиш талаб қилинганда — уч иш кунида) Ижро назорати бошқармасининг ҳудудий бўлимлари Ҳукумат қарорларидаги топшириқлар ижроси амалда бажариш ва ундан кўзланган мақсадга эришилганлигини жойига чиққан ҳолда ўрганади.

Бунда ўрганиш якунлари бўйича таҳлилий маълумотнома тайёрланиб, имзоланган ҳолда «Ijro.gov.uz» тизими орқали Ижро назорати бошқармасига тақдим қилинади.

68. Ижро назорати бошқармасининг ҳудудий бўлимлари тегишли ҳудуд бўйича бажарилмаган ва муддати кечиктириб бажарилган Ҳукумат қарорларидаги топшириқлар таҳлили ва ҳисобини юритади ҳамда натижаси бўйича умумлаштирилган ахборотни ҳар ой якуни бўйича кейинги ойнинг бешинчи санасига қадар Ижро назорати бошқармасига тақдим қилиб боради.

2-§. Вазирлар Маҳкамаси томонидан Ҳукумат қарорлари бажарилишини назорат қилиш тартиби

69. Бош вазир котибияти таркибий бўлинмалари, Бош вазир ўринбосарлари котибиятлари масъул ижрочилар томонидан Ҳукумат қарорлари ўз вақтида ва сифатли бажарилишини мунтазам таҳлил қилиб, назоратини амалга оширади.

70. Ижро интизомини таъминлашда камчиликларга йўл қўйилаётган ҳолатлар ва муддати ўтган топшириқлар бўйича ҳар ҳафта давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари раҳбар ўринбосарлари, масъул департамент, бошқарма, бўлим раҳбарлари ҳамда ижро интизомига масъул таркибий бўлинма раҳбарлари иштирокида танқидий муҳокама қилиб борилади.

71. Вазирлар Маҳкамасининг Назорат ва ижро интизоми бўлими иш режага мувофиқ Ҳукумат қарорлари ижросининг жойлардаги амалий натижаси, ижро интизоми ҳолати, раҳбарларнинг шахсий масъулияти ва жавобгарлиги масаласини жойларга чиққан ҳолда комплекс ўрганади.

Комплекс ўрганишлар натижалари бўйича тайёрланган материаллар тўғрисида белгиланган тартибда ахборот берилади, заруратга кўра Вазирлар Маҳкамаси Раёсати мажлисида муҳокама қилинади.

72. Бош вазир котибияти таркибий бўлинмалари, Бош вазир ўринбосарлари котибиятлари бир кун муддатда (қўшимча ўрганиш талаб этилганда уч кун муддатда) масъул ижрочилар томонидан Ҳукумат қарорлари ижроси бўйича «Ijro.gov.uz» тизимига киритилган ва Адлия вазирлиги томонидан келишилган маълумотлар тўлиқлиги ва ҳаққонийлигини ўрганиб чиқади.

Ўрганиш натижаларига кўра:

топшириқ бажарилган бўлса — топшириқни назоратдан ечишни келишади;

топшириқ бажарилмаган бўлса ёки тасдиқловчи зарур ҳужжатлар тақдим қилинмаган бўлса — масъул ижрочиларга қайта ишлашга юборади.

Бунда маълумотлар тўлиқлиги ва ҳаққонийлигига Вазирлар Маҳкамасининг масъул ходими жавобгар ҳисобланади.

Вазирлар Маҳкамаси бевосита масъул бўлган, шунингдек, Бош вазир котибияти таркибий бўлинмалари, Бош вазир ўринбосарлари котибиятлари томонидан келишилган Ҳукумат қарорларидаги топшириқлар бўйича киритилган маълумотларнинг тўлиқлиги ва ҳаққонийлигини Вазирлар Маҳкамасининг Назорат ва ижро интизоми бўлими кўриб чиқади, уларни назоратдан ечади ёки қайта ишлашга юборади.

73. Ҳукумат қарорлари ижроси бўйича Адлия вазирлиги томонидан ҳар ой якуни бўйича тайёрланиб, белгиланган тартибда киритилган таҳлилий ҳужжатлар асосида ижро интизоми ҳолати Вазирлар Маҳкамаси Раёсатида масъул ижрочилар иштирокида танқидий кўриб чиқилади.

74. Вазирлар Маҳкамаси Раёсатида ижро интизоми масалаларини кўриб чиқиш тартиби ушбу Низомнинг 4-бобида белгиланган тартибда амалга оширилади.

75. Вазирлар Маҳкамаси график асосида Ҳукумат қарорларининг ўз вақтида, тўлиқ ва сифатли бажарилишини таъминлаш юзасидан соҳалар ва тармоқлар, ҳудудлар ва идоралар кесимида манзилли ва тематик таҳлилий ўрганишларни олиб боришда иштирок этади.

76. Вазирлар Маҳкамаси ҳар ой якунлари бўйича Ҳукумат қарорлари ижро ҳолати юзасидан Ўзбекистон Республикаси Бош вазирига ахборот бериб боради.

4-боб. Ҳукумат қарорлари ижроси бўйича таҳлилий ҳужжатларни тайёрлаш, киритиш ва Вазирлар Маҳкамасида кўриб чиқиш тартиби

1-§. Масъул ижрочилар томонидан Ҳукумат қарорларининг ижро ҳолати бўйича маълумотни Адлия вазирлигига киритиш тартиби

77. Масъул ижрочилар Ҳукумат қарорларидаги топшириқлар ижросини белгиланган муддатларда таъминлайди ҳамда ижро натижалари бўйича «Ijro.gov.uz» тизимига маълумотларни уларнинг ижросини тасдиқловчи ҳужжатлар билан бирга киритади.

78. Масъул ижрочилар ҳар ой якуни бўйича кейинги ойнинг биринчи санасига қадар «Ijro.gov.uz» тизимидаги ўзлари масъул бўлган ва бажарилмаган Ҳукумат қарорларидаги топшириқларни таҳлил қилади ва уларнинг ижро ҳолати бўйича биринчи раҳбар (истисно ҳолларда — унинг биринчи ўринбосари) томонидан имзоланган маълумотни Адлия вазирлигига тақдим этади.

2-§. Адлия вазирлиги томонидан Ҳукумат қарорлари ижроси бўйича таҳлилий ҳужжатларни тайёрлаш ва Вазирлар Маҳкамасига киритиш тартиби

79. Адлия вазирлиги томонидан Ҳукумат қарорларидаги топшириқлар ижроси бўйича таҳлилий ҳужжатлар ушбу Низомга 2-иловадаги схемага мувофиқ тайёрланади, киритилади ва Вазирлар Маҳкамасида кўриб чиқилади.

80. Адлия вазирлиги ҳар ой якуни бўйича кейинги ойнинг бешинчи санасига қадар муддати келган Ҳукумат қарорлари ижро ҳолатини ҳамда масъул ижрочилар томонидан бажарилмаган Ҳукумат қарорларидаги топшириқлар бўйича тақдим этилган маълумотларни танқидий таҳлил қилади, шунингдек, ушбу Низомга 3-иловадаги намунавий шаклга мувофиқ умумлаштирилган ҳисоботларни тайёрлайди.

81. Ҳукумат қарорларидаги топшириқлар ижроси бўйича тайёрланган ҳужжатлар тўплами адлия вазири (истисно ҳолларда тегишли вазир ўринбосари) томонидан имзоланган ҳолда Вазирлар Маҳкамасига киритилади.

3-§. Ҳукумат қарорлари ижроси бўйича киритилган таҳлилий материалларни Вазирлар Маҳкамасида кўриб чиқиш тартиби

82. Адлия вазирлиги томонидан Ҳукумат қарорларидаги топшириқлар ижроси бўйича киритилган таҳлилий материаллар асосида Вазирлар Маҳкамасининг Назорат ва ижро интизоми бўлими томонидан ҳар ой якуни бўйича кейинги ойнинг ўн иккинчи санасига қадар Вазирлар Маҳкамаси Раёсати мажлиси ҳужжатлари тўплами тайёрланади ҳамда ҳимояси ташкил этилади.

83. Ижро интизомини таъминлаш ҳамда Ҳукумат қарорларидаги топшириқлар ижросини таҳлил қилиш масалалари белгиланган тартибда Вазирлар Маҳкамаси Раёсати мажлиси кун тартибига киритилади.

84. Вазирлар Маҳкамаси Раёсати мажлисида:

ҳисобот даврида Ҳукумат қарорлари ижро ҳолати бўйича адлия вазирининг (истисно ҳолларда тегишли вазир ўринбосарининг) ҳамда ижро интизомини таъминлашда камчиликларга йўл қўйган давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари раҳбарларининг (уларнинг ўринбосарлари) ҳисоботи эшитилади;

Ҳукумат қарорларидаги топшириқларни бажаришда жиддий камчиликларга йўл қўйган, Ҳукумат қарорлари ижросини тўғри ва ўз вақтида ташкил этишда зарур чоралар кўрмаган раҳбар ва уларнинг ўринбосарларига нисбатан интизомий жазо чораларини қўллаш масалалари кўриб чиқилади;

Ҳукумат қарорларидаги топшириқлар ижро муддатларини узайтириш ҳамда алоҳида тартибда назоратдан олиш бўйича таклифлар асослилиги муҳокама қилинади;

Ҳукумат қарорлари ижросини ўз вақтида ва сифатли таъминлаш, ижро интизомини мустаҳкамлаш, раҳбарларнинг шахсий масъулияти ва жавобгарлигини кучайтириш масалалари кўриб чиқилади.

85. Вазирлар Маҳкамаси Раёсати мажлисига тайёргарлик кўриш ва ўтказиш Вазирлар Маҳкамаси Регламентида белгиланган тартибда амалга оширилади.

5-боб. Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш тартиби

86. Ҳукумат қарорларидаги топшириқларнинг ижро муддати (асос мавжуд бўлганда) қуйидаги тартибда узайтирилади:

Вазирлар Маҳкамаси асосий ижрочи бўлганда — Вазирлар Маҳкамасининг Назорат ва ижро интизоми бўлими томонидан;

қолган барча ҳолатларда — бевосита Адлия вазирлиги томонидан.

87. «Ijro.gov.uz» тизимида Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш ушбу Низомга 4-иловадаги схемага мувофиқ амалга оширилади.

88. Ҳукумат қарорларидаги топшириқларни:

белгиланган муддатларда бажариш имконияти мавжуд бўлмаган ҳолларда, масъул ижрочилар томонидан уларнинг ижро муддатини узайтириш бўйича;

бажариш имконияти мавжуд бўлмаганда ёки долзарблигини йўқотганда, назоратдан олиш бўйича таклифлар Адлия вазирлигига киритилади.

Бунда қуйидаги намунавий шакллардаги ҳужжатлар «Ijro.gov.uz» тизимига киритилади:

расмий алоқа хати (5-илова);

асослантирувчи жадвал (5а-илова);

тармоқ жадвали (5б-илова);

назоратдан олиш бўйича киритилган таклифлар юзасидан таҳлилий жадвал (5г-илова);

раҳбар (истисно ҳолларда — унинг биринчи ўринбосари) томонидан имзоланган тушунтириш хати.

89. Адлия вазирлиги Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш бўйича таклифларни таҳлил қилади ва натижаси бўйича хулоса тайёрлайди.

Адлия вазирлиги томонидан Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш бўйича таклифлар юзасидан тайёрланган хулосалар ҳар ой якуни бўйича кейинги ойнинг бешинчи санасига қадар кўриб чиқиш учун Вазирлар Маҳкамасига киритилади.

90. Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш бўйича Адлия вазирлиги томонидан кўриб чиқилиб, хулоса берилган таклифлар Вазирлар Маҳкамаси Раёсати мажлисида ушбу Низомнинг 4-бобида белгиланган тартибда кўриб чиқилади.

91. Ҳукумат қарорларидаги топшириқларнинг ижро муддатларини узайтириш ҳамда алоҳида тартибда назоратдан олиш бўйича Адлия вазирлиги томонидан маъқулланган ҳамда Вазирлар Маҳкамаси Раёсати мажлиси билан розилик берилган таклифлар тўғрисида Ўзбекистон Республикасининг Бош вазирига ахборот бериб, тегишли чораларни белгилайди.

6-боб. Ҳукумат қарорлари ижроси бўйича соҳалар, ҳудудлар ва идоралар кесимида манзилли ва тематик таҳлилий ўрганишлар олиб бориш

92. Адлия вазирлиги ва Вазирлар Маҳкамаси Ҳукумат қарорларининг ўз вақтида, тўлиқ ва сифатли амалга оширилишини таъминлаш юзасидан соҳалар, ҳудудлар ва идоралар кесимида манзилли ва тематик таҳлилий ўрганишларни (кейинги ўринларда — манзилли ва тематик ўрганишлар) ҳамда уларнинг жойлардаги ижро ҳолати мониторингини амалга оширади.

93. Ҳукумат қарорлари ижроси бўйича йиллик манзилли ва тематик ўрганишлар дастури Адлия вазирлиги томонидан ҳар йили январь ойида масъул ижрочилар таклифлари асосида ишлаб чиқилади ва Ўзбекистон Республикасининг Бош вазири томонидан тасдиқланади.

94. Тасдиқланган манзилли ва тематик ўрганишлар дастуридаги режа-графикка мувофиқ Адлия вазирлиги ва Вазирлар Маҳкамасининг тегишли таркибий бўлинмалари Ҳукумат қарорларининг ўз вақтида, тўлиқ ва сифатли бажарилишини таъминлаш юзасидан соҳалар, ҳудудлар ва идоралар кесимида ўрганишлар ўтказади.

Манзилли ва тематик ўрганишда бошқа манфаатдор ташкилотлар жалб қилиниши, масъул ходимлари иштирок этиши мумкин.

95. Ҳукумат қарорларининг ижро ҳолати юзасидан ўтказилган манзилли ва тематик ўрганишлар натижаси бўйича тайёрланган таҳлилий маълумотлар Ўзбекистон Республикаси Вазирлар Маҳкамасига киритилади.

96. Вазирлар Маҳкамасининг масъул таркибий бўлинмаси манзилли ва тематик ўрганишлар натижаси бўйича киритилган маълумотларни ўрганиб чиқиб, камчиликларга йўл қўйган раҳбарларни жавобгарликка тортиш юзасидан таклифларни белгиланган тартибда Вазирлар Маҳкамаси Раёсати мажлисида кўриб чиқиш учун киритади.

7-боб. «Ijro.gov.uz» тизимидан фойдаланишни техник жиҳатдан ташкил қилиш ва фойдаланувчилар тўғрисидаги маълумотларни бошқариш тартиби

97. «Ijro.gov.uz» тизимидан фойдаланишни техник жиҳатдан ташкил қилишда Рақамли технологиялар вазирлиги ҳамда оператор томонидан маълумотларни бошқаришни ташкил этиш тартиби ушбу Низомга 6-иловадаги схемага мувофиқ амалга оширилади.

98. «Ijro.gov.uz» тизими орқали назорат ва ҳисобдорликни ташкил этишда Рақамли технологиялар вазирлиги:

«Ijro.gov.uz» тизимининг сифатли ва узлуксиз фаолият кўрсатишини таъминлайди ва доимий равишда техник қўллаб-қувватлаш чораларини кўради;

масъул ижрочиларга ушбу тизимдан фойдаланиш жараёнида техник ёрдам кўрсатилишини ташкил этади;

«Ijro.gov.uz» тизимининг ахборот хавфсизлигини таъминлаш чораларини кўради;

масъул ижрочилар томонидан «Ijro.gov.uz» тизимидан фойдаланиш жараёнида келиб тушган таклифларни ҳисобга олган ҳолда, шунингдек, Вазирлар Маҳкамаси ва Адлия вазирлигининг таклифларига асосан тизимни такомиллаштиради ва модернизация қилади.

99. «Ijro.gov.uz» тизимининг ишлашини техник қўллаб-қувватлашни таъминлаш мақсадида оператор қуйидагиларни амалга оширади:

«Ijro.gov.uz» тизими фойдаланувчиларини рўйхатга олиш, улаш, электрон рақамли имзо калитлари билан таъминлаш ва ўқитиш;

Вазирлар Маҳкамаси ва Адлия вазирлигининг таклифларига асосан «Ijro.gov.uz» тизимини модернизация қилиш ва «Ijro.gov.uz» тизимининг янги шаклларини ишга тушириш;

«Ijro.gov.uz» тизимининг фойдаланувчиларига «Call-марказ» орқали «Ijro.gov.uz» тизимидан фойдаланиш, шу жумладан, «Ijro.gov.uz» тизимида фойдаланувчилар хато ёки нотўғри ишлашининг олдини олиш бўйича маслаҳатлар бериш;

«Ijro.gov.uz» тизимининг функционал ва фойдаланиш хусусиятларини яхшилаш мақсадида тизимнинг ишлашини таҳлил қилиш.

100. «Ijro.gov.uz» тизимига янги фойдаланувчиларни улаш учун операторнинг почта манзилига белгиланган шаклдаги тўлдирилган аризалар юборилади. Аризанинг намунавий шакли «Ijro.gov.uz» тизимига бириктирилади.

101. Оператор аризани олган кундан бошлаб уч иш куни ичида «Ijro.gov.uz» тизимининг фойдаланувчиси билан шартнома тузади.

102. «Ijro.gov.uz» тизимига уланиш тўғрисидаги шартнома тузилгандан ва операторнинг банкдаги ҳисобварағига тўлов келиб тушгандан сўнг оператор уч иш куни давомида:

ҳимояланган аппарат қурилмаларида уланаётган фойдаланувчининг электрон рақамли имзосининг ёпиқ калитини ва очиқ калити сертификатини генерациялашни;

«Ijro.gov.uz» тизимининг янги фойдаланувчисига ёки унинг ишончли вакилига электрон рақамли имзонинг ёпиқ калити ва очиқ калити сертификати бўлган ҳимояланган аппарат қурилмаси берилишини таъминлаши шарт.

103. «Ijro.gov.uz» тизимининг иштирокчиси тўғрисидаги маълумотларни бошқариш оператор томонидан таъминланади.

104. «Ijro.gov.uz» тизими фойдаланувчилари тўғрисидаги маълумотларни бошқариш (маълумотларни киритиш, ўзгартириш, янгилаш, ўчириш) ишлари масъул ижрочи кадрлар бўлинмаси томонидан ушбу ташкилотнинг ижро интизоми учун масъул бўлган таркибий тузилмасини хабардор қилган ҳолда амалга оширилади.

105. «Ijro.gov.uz» тизимининг фойдаланувчиси тўғрисида маълумотлар киритилгандан кейин унга электрон рақамли имзонинг ёзилган ёпиқ калити ва очиқ калитининг сертификатига эга ҳимояланган аппарат қурилмаси берилади.

106. «Ijro.gov.uz» тизимига кириш учун тизим фойдаланувчиси томонидан ҳимояланган аппарат қурилмасидан фойдаланилади.

107. Ходим («Ijro.gov.uz» тизимининг фойдаланувчиси) билан меҳнат шартномаси бекор қилинганда ҳимояланган аппарат қурилмаси кадрлар бўлинмасига топширилиши керак.

108. Операторнинг «Ijro.gov.uz» тизимининг ахборот хавфсизлигини ва узлуксиз ишлашини таъминлаш билан боғлиқ фаолияти Рақамли технологиялар вазирлиги томонидан мувофиқлаштирилади.

8-боб. Якунловчи қоидалар

109. Масъул ижрочиларнинг раҳбарлари Ҳукумат қарорларидаги топшириқлар ижросини таъминлашда юзага келган муаммолар ҳал қилиниши, шунингдек, олдиндан қўйилган мақсадларга эришишни сўзсиз таъминлашга қаратилган вазифаларни бажариш натижалари ўз вақтида ва сифатли тақдим этилиши учун шахсан жавобгар ҳисобланадилар.

110. «Ijro.gov.uz» тизими фойдаланувчилари Ҳукумат қарорларидаги топшириқлардан келиб чиқадиган вазифаларнинг бажарилиши тўғрисидаги ахборот ўз вақтида, тўлиқ ва сифатли тақдим этилиши, шунингдек, «Ijro.gov.uz» тизимида ишлаганда ахборот хавфсизлигини таъминлаш учун жавобгар ҳисобланадилар.

111. Оператор «Ijro.gov.uz» тизимининг узлуксиз ишлаши ва ахборот хавфсизлиги учун жавобгар ҳисобланади.

112. Ушбу Низом талабларини бузганликда айбдор бўлган шахслар белгиланган тартибда жавобгар бўлади.

Ўзбекистон Республикаси Вазирлар Маҳкамаси қарорларининг ижросини «Ijro.gov.uz» ижро интизоми идоралараро ягона электрон тизими орқали ташкил этиш тартиби тўғрисидаги низомга
1-ИЛОВА

ҲУКУМАТ ҚАРОРЛАРИ ИЖРОСИ НАЗОРАТИНИ ВА ҲИСОБДОРЛИГИНИ ТАШКИЛ ҚИЛИШ ТАРТИБИ

I. Топшириқларни шакллантириш

II. Топшириқлар ижросини таъминлаш ва ижро натижаларини «ljro.gov.uz» тизимига киритиш

1-БОСҚИЧ

2-БОСҚИЧ

3-БОСҚИЧ

ВАЗИРЛАР МАҲКАМАСИ

АДЛИЯ ВАЗИРЛИГИ

МАСЪУЛ ИЖРОЧИ ЭТИБ БЕЛГИЛАНГАН ТАШКИЛОТЛАР

(Давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари)

1. Ўзбекистон Республикаси Вазирлар Маҳкамаси қарорларини (кейинги ўринларда — Ҳукумат қарорларини) рўйхатдан ўтказиш.

2. «ljro.gov.uz» тизимига киритиш учун Ҳукумат қарорларининг электрон нусхасини Адлия вазирлигига юбориш.

1. Ҳукумат қарорларидаги топшириқлар (кейинги ўринларда — топшириқлар)ни «ljro.gov.uz» тизимига киритиш.

2. Топшириқлар ижроси учун масъулларни (давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари) ва топшириқларни бажариш муддатларини белгилаш.

1. Топшириқлар ҳақида раҳбарни хабардор қилиш ва унинг уст хатини тайёрлаш.

2. Топшириқлар бўйича амалга ошириш графиклари ва аниқ механизмга эга бўлган назорат режаларини намуна асосида тайёрлаш, тасдиқлаш ва ижрога қаратиш.

3. Топшириқлар ижроси тўғрисидаги маълумотларни белгиланган шаклда «ljro.gov.uz» тизимига киритиш.

4. Топшириқлар ижро муддатларини узайтириш ҳамда алоҳида ҳолларда назоратдан олиш ҳақида Адлия вазирлигига таклиф киритиш.

5. Топшириқлар ижро ҳолатини ижро назорати бўлинмаси томонидан кунбай, раҳбарнинг биринчи ўринбосари (ўринбосари) ҳузурида ҳар жума куни, раҳбар ҳузурида ҳафтанинг душанба куни муҳокама қилиб бориш.

6. Топшириқларнинг ижро ҳолатини давлат органлари ва ташкилотларнинг ҳайъат мажлисларида муҳокама қилиш ҳамда ижро интизомига риоя этмаган раҳбар ва ходимларга нисбатан интизомий жавобгарлик масалаларини кўриб чиқиш.

Муддат:

Муддати:

имзолангандан бир соат мобайнида

1 кун, шошилинч топшириқлар — зудлик билан

ҳужжатнинг электрон нусхасини олган кундан бошлаб 1 кунда

келиб тушгандан 30 дақиқа мобайнида

3кунда

белгиланган муддатларда

заруратга кўра

ҳар куни, ҳар ҳафта жума ва душанба кунларида

ҳар чоракда

III. Топшириқлар ижроси назорати ва мониторингини ташкил қилиш

4-БОСҚИЧ

5-БОСҚИЧ

АДЛИЯ ВАЗИРЛИГИ

ВАЗИРЛАР МАҲКАМАСИ

1. Назорат режаси ва ундаги механизмлар ижроси ҳолатини «ljro.gov. uz» тизимида онлайн режимда мониторинг қилиб бориш.

2. Натижаларни кўриб чиқиш:

3. Қўшимча ўрганиш талаб этилганда:

4. Ижро муддатларини узайтириш ҳамда алоҳида ҳолларда назоратдан олиш тўғрисидаги таклифларни ўрганиш ва хулоса тайёрлаш.

5. Топшириқлар ижросига тўсқинлик қилаётган омилларни бартараф этиш ҳамда масъул бўлган мансабдор шахсларни жавобгарликка тортиш масаласи бўйича Ҳукумат Раёсати мажлисида кўриб чиқиш учун Вазирлар Маҳкамасига материалларни киритиш.

6. Топшириқлар ижро ҳолати юзасидан ўтказилган манзилли ва тематик ўрганишлар натижаси бўйича Вазирлар Маҳкамасига таклиф киритиш.

1. Натижаларни кўриб чиқиш:

2. Топшириқларда белгиланган ижро муддатларини узайтириш ҳамда алоҳида ҳолларда назоратдан олиш ҳақидаги таклифларни Ҳукумат Раёсатида кўриб чиқиб, уларга розилик бериш ёки рад этиш.

3. Назоратдан ечилган топшириқларни қайта назоратга қўйиш, уларнинг айримларини алоҳида назоратга олиш.

4. Топшириқлар ижро ҳолати юзасидан манзилли ва тематик ўрганишлар режасини тасдиқлаш

а) ижро натижаси қониқарли бўлганда — назоратга олинган топшириқлар бўйича маълумотларни «ljro.gov.uz» тизимида келишиш.

б) ижро натижаси қониқарсиз бўлганда — топшириқлар бўйича маълумотларни қайта ишлашга масъул ижрочига жўнатиш.

а) «ljro.gov.uz» тизимига киритилган маълумотларни жойига чиқиб ўрганиш учун ҳудудга юбориш:

б) «ljro.gov.uz» тизимига киритилган маълумотлар рақамлаштиришга оид бўлса, тизим орқали Рақамли технологиялар вазирлигига юбориш.

а) ижро натижаси қониқарли бўлганда — назоратга олинган топшириқларни «ljro.gov.uz» тизимида назоратдан ечиш.

Муддати:

онлайн режимда доимий

1 иш кунида

5 иш кунида

ҳар ой якуни бўйича кейинги ойнинг 5-санасигача

манзилли-тематик дастурига мувофиқ

1 иш кунида, қўшимча ўрганиш талаб этилганда — 3 иш кунида

белгиланган муддатларда

заруратга кўра

ҳар ярим йилда

«Ijro.gov.uz» ижро тизимида Ўзбекистон Республикаси Вазирлар Маҳкамаси қарорлари ижроси тўғрисида Адлия вазирлиги томонидан Ҳукуматга киритиладиган умумлаштирилган

ҲИСОБОТЛАРНИНГ НАМУНАВИЙ ШАКЛИ

I. КИРИШ ҚИСМИ

а) Ҳукумат қарорларини рўйхатга олиш, масъул ижрочиларга етказиш ва уларнинг бажарилишини ташкил қилиш бўйича амалга оширилган ишлар таҳлили;

б) Ҳукумат қарорларини бажаришда, «Ijro.gov.uz» тизимида ишлашда масъул ижрочиларга ҳуқуқий-услубий кўмаклашиш бўйича амалга оширилган ишлар таҳлили.

II. БАЁН ҚИСМИ

в) Ҳукумат қарорлари бажарилиши ҳолати мониторинги ва таҳлили натижалари;

г) бажарилмаган топшириқлар таҳлили ва уларнинг ижро ҳолати тўғрисида маълумот (жадвал илова қилинади);

д) камчиликларни бартараф этиш бўйича Адлия вазирлиги кўрсатмаларининг бажарилиш ҳолати таҳлили;

е) Ҳукумат қарорларининг амалда бажарилишига тўсқинлик қилаётган тизимли муаммо ва камчиликлар таҳлили (аниқ мисолларда очиб берилиши керак);

ё) Ҳукумат қарорларининг ижросини ташкил этиш ишларининг реал ҳолатини танқидий ўрганиш таҳлили (марказий аппаратда, давлат бошқаруви органларининг ўрта ва қуйи бўғинларида, вилоят, туман (шаҳар) ҳокимликларида).

III. ТАКЛИФ ЭТИЛАДИГАН ЧОРАЛАР

ж) Ҳукумат қарорларининг ижросини ташкил этиш борасидаги фаолият самарадорлигини ошириш, шунингдек, раҳбарларнинг ижро интизомини таъминлашдаги масъулиятини кучайтириш бўйича аниқ таклифлар;

з) жиддий камчиликларга йўл қўйган, ижро интизомини сусайтириб юборган раҳбарларга (уларнинг ўринбосарларига) нисбатан жазо чораларини кўриш бўйича асослантирилган таклифлар.

«Ijro.gov.uz» тизимида Ҳукумат қарорларининг ижро муддатини узайтириш ва алоҳида тартибда назоратдан олиш

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари	Ҳукумат қарорларидаги топшириқларни белгиланган муддатларда бажариш имконияти мавжуд эмаслиги ёки ўз долзарблигини йўқотганлигини асословчи ҳужжатлар билан Адлия вазирлигига топшириқларнинг ижро муддатини узайтириш ёки уларни назоратдан олиш бўйича таклифлар киритади.	Заруратга кўра

2-босқич	Адлия вазирлиги	Ижро муддатини узайтириш, назоратдан олиш ҳақидаги белгиланган шаклда тақдим этилган таклифларни таҳлил қилиш, асосли деб топилган тақдирда, Вазирлар Маҳкамасига таклиф киритади.	Ҳар ой якуни бўйича кейинги ойнинг 5-санасига қадар

3-босқич	Вазирлар Маҳкамаси Раёсати	Ҳукумат қарорларидаги топшириқнинг ижро муддатини узайтириш, назоратдан олиш ҳақидаги Адлия вазирлиги томонидан киритилган таклифларни кўриб чиқади.	Белгиланган муддатларда

4-босқич	Вазирлар Маҳкамаси (Назорат ва ижро интизоми бўлими)	1. Ҳукумат қарорларидаги топшириқларнинг ижро муддатларини узайтириш ҳамда назоратдан олиш бўйича Адлия вазирлиги томонидан маъқулланган ҳамда Вазирлар Маҳкамаси Раёсати мажлиси билан розилик берилган таклифлар бўйича Ўзбекистон Республикасининг Бош вазирига ахборот бериб, тегишли чораларни белгилайди.	Вазирлар Маҳкамаси Раёсати ўтказилгандан сўнг 10 кун муддатда
4-босқич	Вазирлар Маҳкамаси (Назорат ва ижро интизоми бўлими)	2. Ўзбекистон Республикасининг Бош вазирига ахборот берилган ва белгиланган тартибда розилик олинган таклифларни Адлия вазирлигига юборади.	Ахборот берилган кун

Давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари томонидан «Ijro.gov.uz» тизими орқали Ҳукумат қарорлари ижро муддатини узайтириш бўйича киритиладиган хатнинг

НАМУНАВИЙ ШАКЛИ

Ўзбекистон Республикаси
Адлия вазирлиги

Ўзбекистон Республикаси Вазирлар Маҳкамасининг 2025 йил ____ _________даги _____-сон қарори билан тасдиқланган «Ijro.gov.uz» ижро интизоми идоралараро ягона электрон тизими орқали Ўзбекистон Республикаси Вазирлар Маҳкамаси қарорлари ижросини ташкил этиш тартиби тўғрисидаги низом талабларига мувофиқ __________________________________ (ҳужжат реквизитлари ҳамда банди кўрсатилади) ижро муддатини узайтиришда амалий ёрдам беришингизни сўраймиз.
Ижро муддатини узайтириш таклиф этилаётган топшириқ бўйича асослантирувчи жадвал (тасдиқловчи ҳужжатлар билан бирга), топшириқ ижросини таъминлаш юзасидан тармоқ жадвали ҳамда тушунтириш хати (агар топшириқ ижро муддати ўтган бўлса) илова қилинади.


Давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари раҳбари	/имзо/	Ф.И.О.

Ҳукумат қарорларидаги топшириқларнинг ижро муддатини узайтириш бўйича Адлия вазирлигига киритиладиган асослантирувни жадвалнинг

НАМУНАВИЙ ШАКЛИ

Т/р	Ҳужжат тури ва санаси	Топшириқ мазмуни	Бажариш муддати	Таклиф киритган масъул ижрочи ва топшириқнинг ижро ҳолати	Узайтириш таклиф этилган ижро муддати
Давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари номи
1.				1. Қарор ижроси юзасидан тасдиқланган назорат режаси:
				...
				2. Масъул ижрочи:
				...
				3. Топшириқ ижроси юзасидан амалга оширилган ишлар:
				...
				4. Топшириқнинг ижро муддатини узайтиришни асослантириш:
				...
...


Давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари раҳбари			/имзо/	Ф.И.О.

Ҳукумат қарорларидаги топшириқларнинг ижро муддатини узайтириш бўйича Адлия вазирлигига киритиладиган тармоқ жадвалининг

НАМУНАВИЙ ШАКЛИ

Т/р	Топшириқ мазмуни	Узайтириш таклиф этилган ижро муддати	Топшириқ ижро муддати узайтирилиши муносабати билан топшириқ ижросини таъминлашга қаратилган тадбирлар кетма-кетлиги	Тадбирлар ижро муддати	Топшириқ ижроси учун масъул мутасадди раҳбар ва тегишли бошқарма (Ф.И.О.)
Давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари номи
Ҳужжат реквизитлари
1.
2.
...


Давлат органлари ва ташкилотлари, маҳаллий ижро этувчи ҳокимият органлари ҳамда хўжалик бирлашмалари раҳбари			/имзо/	Ф.И.О.

Республика ва маҳаллий ижро этувчи ҳокимият органлари ҳамда хўжалик бирлашмалари томонидан топшириқларни назоратдан олиш бўйича киритилган таклифлар юзасидан Адлия вазирлигининг хулосаси

ТАҲЛИЛИЙ ЖАДВАЛИ

Т/р	Ҳужжат тури ва санаси	Топшириқ мазмуни	Бажариш муддати	Таклиф киритган масъул ижрочи ва топшириқнинг ижро ҳолати	Адлия вазирлиги хулосаси
I. Топшириқни назоратдан олишга розилик берилган таклифлар
1.				1. Қарор ижроси юзасидан тасдиқланган назорат-режаси:
				...
				2. Масъул ижрочи:
				...
				3. Топшириқ ижроси юзасидан амалга оширилган ишлар:
				...
				4. Топшириқларни назоратдан олишни асослантириш:
II. Топшириқни назоратдан олиш рад этилган таклифлар
				1. Қарор ижроси юзасидан тасдиқланган назорат-режаси:
				...
				2. Масъул ижрочи:
				...
				3. Топшириқ ижроси юзасидан амалга оширилган ишлар:
				...
				4. Топшириқларни назоратдан олишни асослантириш:

«Ijro.gov.uz» тизимидан фойдаланишни техник жиҳатдан ташкил қилишда Рақамли технологиялар вазирлиги ҳамда оператор томонидан маълумотларни бошқаришни ташкил этиш тартиби

СХЕМАСИ

Тизимдан фойдаланувчилар	Рақамли технологиялар вазирлиги ҳамда оператор томонидан амалга ошириладиган тадбирлар
Вазирлар Маҳкамаси	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Вазирлар Маҳкамасининг қарорлари (кейинги ўринларда — Ҳукумат қарорлари)ни тизимлаштириш, электрон тарзда рўйхатдан ўтказиш ва Ўзбекистон Республикаси Бош вазири котибияти (кейинги ўринларда — Бош вазир котибияти) таркибий бўлинмалари, Бош вазир ўринбосарларининг котибиятларининг давлат органлари ва ташкилотлари, маҳаллий ижро этувчи ҳокимият органлари, хўжалик бирлашмалари томонидан Ҳукумат қарорларидаги топшириқлар ижросини назорат қилиш модулларини жорий этиш ва уларнинг таклифлари асосида тегишли модулларни такомиллаштириш, ўзгартириш ва уларга қўшимчалар киритиш.
	3. Ижро интизоми ва назорат бўлимининг назоратчи профили учун Ҳукумат қарорларидаги топшириқларнинг тегишлилиги бўйича Бош вазир котибияти таркибий бўлинмалари ва Бош вазир ўринбосарларининг котибиятларини масъул ижрочи этиб белгилаш, ижрочиларнинг иерархияси ҳамда ҳужжатнинг ижроси билан боғлиқ жараёнларни кузатиш функционалларини яратиш.
	4. Назоратда турган Ҳукумат қарорларидаги топшириқлар, ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	5. Вазирлар Маҳкамаси учун назоратчи профилини яратиш ва топшириқларнинг Адлия вазирлигидан келган жавобларни назоратдан ечиш ёки қайта ишлашга юбориш функционалини жорий этиш.
	6. Бош вазир котибияти таркибий бўлинмалари ва Бош вазир ўринбосарларининг котибиятлари сўрови асосида Ҳукумат тизимидаги тегишли давлат органлари ва ташкилотлари ва хўжалик бирлашмалари билан тизим доирасида электрон ҳужжат айланишини ташкил этиш.
	7. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	8. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.
Адлия вазирлиги	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Ҳукумат қарорларини тизимлаштириш, Адлия вазирлигидан электрон тарзда рўйхатдан ўтказиш ҳамда давлат органлари ва ташкилотлари марказий аппаратларига етказиш, улар томонидан Ҳукумат қарорларидаги топшириқлар ижросини назорат қилиш модулини жорий этиш;
	3. Адлия вазирлигининг таклифлари асосида тизимни такомиллаштириш, ўзгартириш ва унга қўшимчалар киритиш.
	4. Адлия вазирлигига назоратчи профили учун Ҳукумат қарорларидаги топшириқларнинг ижросига масъул бўлган давлат бошқаруви органлари ва ташкилотларини белгилаш, ижрочиларнинг иерархияси ҳамда ҳужжатнинг ижроси билан боғлиқ жараёнларни кузатиш функционалларини яратиш.
	5. Назоратда турган топшириқлар, ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	6. Давлат органлари ва ташкилотларининг марказий аппаратлари томонидан келган жавобларни назоратдан ечиш ёки қайта ишлашга юбориш функционалини жорий этиш ва узлуксиз ишлашини таъминлаш.
	7. Ҳукумат қарорлари, ижрочилар ҳамда муддатлар кесимида топшириқларни назорат қилиб бориш функционалини яратиш ва узлуксиз ишлашини таъминлаш.
	8. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	9. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.
Давлат органлари ва ташкилотлари	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Ҳукумат қарорларидаги топшириқларнинг ижросига масъул бўлган марказий аппаратдаги ходимлар, таркибий ва ҳудудий бўлинмаларни белгилаш, ижрочиларнинг иерархияси ҳамда ушбу топшириқнинг ижроси билан боғлиқ жараёнларни кузатиш функционалларини яратиш.
	3. Назоратда турган топшириқлар, ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	4. Ҳукумат қарорларидаги топшириқлар ижросига оид маълумотларни киритиш ва асословчи ҳужжатларни юклаш функционалини яратиш ва узлуксиз ишлашини таъминлаш.
	5. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	6. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.
Давлат органлари ва ташкилотлари таркибий ва ҳудудий бўлинмалари	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Ҳукумат қарорларидаги топшириқларнинг ижросига масъул бўлган ходимларни белгилаш, ижрочиларнинг иерархияси ҳамда ушбу топшириқларнинг ижроси билан боғлиқ жараёнларни кузатиш функционалларини яратиш.
	3. Назоратда турган топшириқлар, ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	4. Ҳукумат қарорларидаги топшириқлар ижросига оид маълумотларни киритиш ва асословчи ҳужжатларни юклаш функционалини яратиш ва узлуксиз ишлашини таъминлаш.
	5. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	6. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Ҳукумат қарорларидаги топшириқларнинг ижросига масъул бўлган марказий аппаратдаги ходимлар, таркибий ва ҳудудий бўлинмаларни белгилаш, ижрочиларнинг иерархияси ҳамда ушбу топшириқларнинг ижроси билан боғлиқ жараёнларни кузатиш функционалларини яратиш.
	3. Назоратда турган топшириқлар, ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	4. Ҳукумат қарорларидаги топшириқлар ижросига оид маълумотларни киритиш ва асословчи ҳужжатларни юклаш функционалини яратиш ва узлуксиз ишлашини таъминлаш.
	5. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	6. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.
Туман ва шаҳар ҳокимликлари	1. Тизимдан фойдаланувчиларни рўйхатдан ўтказиш ва электрон рақамли имзо калитлари билан таъминлаш.
	2. Ҳукумат қарорларидаги топшириқларнинг ижросига масъул бўлган ходимларни белгилаш, ижрочиларнинг иерархияси ҳамда топшириқнинг ижроси билан боғлиқ жараёнларни кузатиш функционалларини яратиш.
	3. Назоратда турган топшириқлар ижро муддати келаётган Ҳукумат қарорларидаги топшириқлар бўйича масъул мутахассисларни огоҳлантириб туриш тизимини жорий этиш.
	4. Ҳукумат қарорларидаги топшириқлар ижросига оид маълумотларни киритиш ва асословчи ҳужжатларни юклаш функционалини яратиш ва узлуксиз ишлашини таъминлаш.
	5. Тизимдан фойдаланувчиларнинг юзага келадиган муаммолари «Call» маркази хизмати орқали бартараф этилишини таъминлаш.
	6. Тизимнинг доимий равишда ишлашини ва ахборот хавфсизлигини таъминлаш, 24 соат давомида техник қўллаб-қувватлаш.

(Қонунчилик маълумотлари миллий базаси, 04.10.2025 й., 09/25/616/0894-сон)